॥ Tulasi Geetaa Bengali Lyrics ॥
॥ তুলসীগীতা ॥
শ্রীভগবানুবাচ —
প্রাগ্দৎবার্ঘং ততোঽভ্যর্চ্য গন্ধপুষ্পাক্ষতাদিনা ।
স্তুৎবা ভগবতীং তাং চ প্রণমেদ্দণ্ডবদ্ভুবি ॥ ১ ॥
শ্রিয়ং শ্রিয়ে শ্রিয়াবাসে নিত্যং শ্রীধবসৎ রতে ।
ভক্ত্যা দত্তং ময়া দেবি অর্ঘং গৃহ্ণ নমোঽস্তু তে ॥ ২ ॥
নির্মিতা ৎবং পুরা দেবৈরর্চিতা ৎবং সুরাসুরৈঃ ।
তুলসি হর মে পাপং পূজাং গৃহ্ণ নমোঽস্তু তে ॥ ৩ ॥
মহাপ্রসাদজননী আধিব্যাধিবিনাশিনী ।
সর্বসৌভাগ্যদে দেবি তুলসি ৎবাং নমোঽস্তু তে ॥ ৪ ॥
যা দৃষ্টা নিখিলাংসসংঘশমনা স্পৃষ্টা বপুঃপাবনা
রোগাণামভিবন্দিতা নিরসনী সিক্তান্তকত্রাসিনী ।
প্রত্যাসক্তিবিধায়িনী ভগবতঃ কৃষ্ণস্য সংরোপিতা
ন্যস্তা তচ্চরণে বিমুক্তিফলদা তস্যৈ তুলস্যৈ নমঃ ॥ ৫ ॥
ভগবত্যাস্তুলস্যাস্তু মাহাত্ম্যামৃতসাগরে ।
লোভাৎ কূর্দ্দিতুমিচ্ছামি ক্ষুদ্রস্তৎ ক্ষম্যতাং ৎবয়া ॥ ৬ ॥
শ্রবণাদ্বাদশীয়োগে শালগ্রামশিলার্চনে ।
যদ্ফলং সঙ্গমে প্রোক্তং তুলসীপূজনেন তৎ ॥ ৭ ॥
ধাত্রীফলেন যৎ পুণ্যং জয়ন্ত্যাং সমুপোষণে ।
তদ্ফলং লভতে মর্ত্যাস্তুলসীপূজনেন তৎ ॥ ৮ ॥
যদ্ফলং প্রয়াগস্নানে কাশ্যাং প্রাণবিমোক্ষণে ।
তদ্ফলং বিহিতং দেবৈস্তুলসীপূজনেন তৎ ॥ ৯ ॥
চতুর্ণামপি বর্ণানামাশ্রমাণাং বিশেষতঃ ।
স্ত্রীণাং চ পুরুষাণাং চ পূজিতেষ্টং দদাতি চ ॥ ১০ ॥
তুলসী রোপিতা সিক্তা দৃষ্টা স্পৃষ্টা চ পাবয়েৎ ।
আরাধিতা প্রয়ত্নেন সর্বকামফলপ্রদা ॥ ১১ ॥
প্রদক্ষিণং ভ্রমিৎবা যে নমস্কুর্বন্তি নিত্যশঃ ।
ন তেষাং দুরিতং কিঞ্চিদক্ষীণমবশিষ্যতে ॥ ১২ ॥
পূজ্যমানা চ তুলসী যস্য বেশ্মনি তিষ্ঠতি ।
তস্য সর্বাণি শ্রেয়াংসি বর্ধন্তেঽহরহঃ সদা ॥ ১৩ ॥
পক্ষে পক্ষে চ দ্বাদশ্যাং সম্প্রাপ্তে তু হরের্দিনে ।
ব্রহ্মাদয়োঽপি কুর্বন্তি তুলসীবনপূজনম্ ॥ ১৪ ॥
অনন্যমনসা নিত্যং তুলসীং স্তৌতি যো জনঃ ।
পিতৃদেবমনুষ্যাণাং প্রিয়ো ভবতি সর্বদা ॥ ১৫ ॥
রতিং করোমি নান্যত্র তুলসীকাননং বিনা ।
সত্যং ব্রবীমি তে সত্যে কলিকালে মম প্রিয়ে ॥ ১৬ ॥
হিৎবা তীর্থসহস্রাণি সর্বানপি শিলোচ্চয়ান্ ।
তুলসীকাননে নিত্যং কলৌ তিষ্ঠামি ভামিনি ॥ ১৭ ॥
ন ধাত্রা সফলা যত্র ন বিষ্ণুস্তুলসীবনম্।
তৎ স্মশানসমং স্থানং সন্তি যত্র ন বৈষ্ণবাঃ ॥ ১৮ ॥
তুলসীগন্ধমাদায় যত্র গচ্ছতি মারুতঃ ।
দিশো দশ চ পূতাঃ স্যুর্ভূতগ্রামাশ্চতুর্দশঃ ॥ ১৯ ॥
তুলসীবনসংভূতা ছায়া পততি যত্র বৈ ।
তত্র শ্রাদ্ধং প্রদাতব্যং পিতৄণাং তৃপ্তিহেতবে ॥ ২০ ॥
তুলসী পূজিতা নিত্যং সেবিতা রোপিতা শুভা ।
স্নাপিতা তুলসী যৈস্তু তে বসন্তি মমালয়ে ॥ ২১ ॥
সর্বপাপহরং সর্বকামদং তুলসীবনম্ ।
ন পশ্যতি সমং সত্যে তুলসীবনরোপণাৎ ॥ ২২ ॥
তুলস্যলঙ্কৃতা যে বৈ তুলসীবনপূজকাঃ ।
তুলসীস্থাপকা যে চ তে ত্যাজ্যা যমকিঙ্করৈঃ ॥ ২৩ ॥
দর্শনং নর্মদায়াস্তু গঙ্গাস্নানং কলৌ যুগে ।
তুলসীদলসংস্পর্শঃ সমমেতত্ত্রয়ং স্মৃতম্ ॥ ২৪ ॥
দারিদ্র্যদুঃখরোগার্তিপাপানি সুবহূন্যপি ।
হরতে তুলসীক্ষেত্রং রোগানিব হরীতকী ॥ ২৫ ॥
তুলসীকাননে যস্তু মুহূর্তমপি বিশ্রমেৎ ।
জন্মকোটিকৃতাৎ পাপাৎ মুচ্যতে নাত্র সংশয়ঃ ॥ ২৬ ॥
নিত্যং তুলসিকারণ্যে তিষ্ঠামি স্পৃহয়া যুতঃ ।
অপি মে ক্ষতপত্রৈকং কশ্চিদ্ধন্যোঽর্পয়েদিতি ॥ ২৭ ॥
তুলসীনাম যো ব্রুয়াৎ ত্রিকালং বদনে নরঃ ।
বিবর্ণবদনো ভূৎবা তল্লিপিং মার্জয়েদ্যমঃ ॥ ২৮ ॥
শুক্লপক্ষে যদা দেবি তৃতীয়া বুধসংয়ুতা ।
শ্রবণয়া চ সংয়ুক্তা তুলসী পুণ্যদা তদা ॥ ২৯ ॥
ইতি তুলসীগীতা সমাপ্তা ॥
– Chant Stotra in Other Languages –
Tulasi Gita in Sanskrit – English – Bengali – Gujarati – Kannada – Malayalam – Odia – Telugu – Tamil