॥ Tulasi Dasa Rudrashtakam Bengali Lyrics ॥
॥ রুদ্রাষ্টকং ( তুলসীদাস ) ॥
॥ শ্রীরুদ্রাষ্টকম্ ॥
নমামীশমীশান নির্বাণরূপং বিভুং ব্যাপকং ব্রহ্মবেদস্বরূপম্ ।
নিজং নির্গুণং নির্বিকল্পং নিরীহং চিদাকাশমাকাশবাসং ভজেঽহম্ ॥ ১ ॥
নিরাকারমোংকারমূলং তুরীয়ং গিরা জ্ঞান গোতীতমীশং গিরীশম্ ।
করালং মহাকাল কালং কৃপালং গুণাগার সংসারপারং নতোঽহম্ ॥ ২ ॥
তুষারাদ্রি সংকাশ গৌরং গভীরং মনোভূত কোটিপ্রভা শ্রী শরীরম্ ।
স্ফুরন্মৌলি কল্লোলিনী চারু গঙ্গা লসদ্ভালবালেন্দু কণ্ঠে ভুজঙ্গা ॥ ৩ ॥
চলত্কুণ্ডলং ভ্রূ সুনেত্রং বিশালং প্রসন্নাননং নীলকণ্ঠং দয়ালম্ ।
মৃগাধীশচর্মাম্বরং মুণ্ডমালং প্রিয়ং শংকরং সর্বনাথং ভজামি ॥ ৪ ॥
প্রচণ্ডং প্রকৃষ্টং প্রগল্ভং পরেশং অখণ্ডং অজং ভানুকোটিপ্রকাশম্ ।
ত্রয়ঃ শূল নির্মূলনং শূলপাণিং ভজেঽহং ভবানীপতিং ভাবগম্যম্ ॥ ৫ ॥
কলাতীত কল্যাণ কল্পান্তকারী সদা সজ্জনানন্দদাতা পুরারী ।
চিদানন্দ সংদোহ মোহাপহারী প্রসীদ প্রসীদ প্রভো মন্মথারী ॥ ৬ ॥
ন য়াবত্ উমানাথ পাদারবিন্দং ভজন্তীহ লোকে পরে বা নরাণাম্ ।
ন তাবত্ সুখং শান্তি সন্তাপনাশং প্রসীদ প্রভো সর্বভূতাধিবাসম্ ॥ ৭ ॥
ন জানামি য়োগং জপং নৈব পূজাং নতোঽহং সদা সর্বদা শম্ভু তুভ্যম্ ।
জরা জন্ম দুঃখৌঘ তাতপ্যমানং প্রভো পাহি আপন্নমামীশ শম্ভো ॥ ৮ ॥
রুদ্রাষ্টকমিদং প্রোক্তং বিপ্রেণ হরতোষয়ে ।
য়ে পঠন্তি নরা ভক্ত্যা তেষাং শম্ভুঃ প্রসীদতি ॥
॥ ইতি শ্রীগোস্বামিতুলসীদাসকৃতং শ্রীরুদ্রাষ্টকং সম্পূর্ণম্ ॥
– Chant Stotra in Other Languages –
Lord Shiva Stotram » Tulasidasa Rudra Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil