॥ Varahi Nigraha Ashtakam Odia Lyrics ॥
॥ ଵାରାହୀନିଗ୍ରହାଷ୍ଟକମ୍ ॥
ଶ୍ରୀଗଣେଶାୟ ନମଃ ।
ଦେଵି କ୍ରୋଡମୁଖି ତ୍ଵଦଂଘ୍ରିକମଲ-ଦ୍ଵନ୍ଦ୍ଵାନୁରକ୍ତାତ୍ମନେ
ମହ୍ୟଂ ଦ୍ରୁହ୍ୟତି ୟୋ ମହେଶି ମନସା କାୟେନ ଵାଚା ନରଃ ।
ତସ୍ୟାଶୁ ତ୍ଵଦୟୋଗ୍ରନିଷ୍ଠୁରହଲା-ଘାତ-ପ୍ରଭୂତ-ଵ୍ୟଥା-
ପର୍ୟସ୍ୟନ୍ମନସୋ ଭଵନ୍ତୁ ଵପୁଷଃ ପ୍ରାଣାଃ ପ୍ରୟାଣୋନ୍ମୁଖାଃ ॥ ୧ ॥
ଦେଵି ତ୍ଵତ୍ପଦପଦ୍ମଭକ୍ତିଵିଭଵ-ପ୍ରକ୍ଷୀଣଦୁଷ୍କର୍ମଣି
ପ୍ରାଦୁର୍ଭୂତନୃଶଂସଭାଵମଲିନାଂ ଵୃତ୍ତିଂ ଵିଧତ୍ତେ ମୟି ।
ୟୋ ଦେହୀ ଭୁଵନେ ତଦୀୟହୃଦୟାନ୍ନିର୍ଗତ୍ଵରୈର୍ଲୋହିତୈଃ
ସଦ୍ୟଃ ପୂରୟସେ କରାବ୍ଜ-ଚଷକଂ ଵାଂଛାଫଲୈର୍ମାମପି ॥ ୨ ॥
ଚଣ୍ଡୋତ୍ତୁଣ୍ଡ-ଵିଦୀର୍ଣଦଂଷ୍ଟ୍ରହୃଦୟ-ପ୍ରୋଦ୍ଭିନ୍ନରକ୍ତଚ୍ଛଟା-
ହାଲାପାନ-ମଦାଟ୍ଟହାସ-ନିନଦାଟୋପ-ପ୍ରତାପୋତ୍କଟମ୍ ।
ମାତର୍ମତ୍ପରିପନ୍ଥିନାମପହୃତୈଃ ପ୍ରାଣୈସ୍ତ୍ଵଦଂଘ୍ରିଦ୍ଵୟଂ
ଧ୍ୟାନୋଦ୍ଦାମରଵୈର୍ଭଵୋଦୟଵଶାତ୍ସନ୍ତର୍ପୟାମି କ୍ଷଣାତ୍ ॥ ୩ ॥
ଶ୍ୟାମାଂ ତାମରସାନନାଂଘ୍ରିନୟନାଂ ସୋମାର୍ଧଚୂଡାଂ
ଜଗତ୍ତ୍ରାଣ-ଵ୍ୟଗ୍ର-ହଲାୟୁଧାଗ୍ରମୁସଲାଂ ସନ୍ତ୍ରାସମୁଦ୍ରାଵତୀମ୍ ।
ୟେ ତ୍ଵାଂ ରକ୍ତକପାଲିନୀଂ ହରଵରାରୋହେ ଵରାହାନନାଂ
ଭାଵୈଃ ସନ୍ଦଧତେ କଥଂ କ୍ଷଣମପି ପ୍ରାଣନ୍ତି ତେଷାଂ ଦ୍ଵିଷଃ ॥ ୪ ॥
ଵିଶ୍ଵାଧୀଶ୍ଵରଵଲ୍ଲଭେ ଵିଜୟସେ ୟା ତ୍ଵଂ ନିୟନ୍ତ୍ର୍ୟାତ୍ମିକା
ଭୂତାନ୍ତା ପୁରୁଷାୟୁଷାଵଧିକରୀ ପାକପ୍ରଦା କର୍ମଣାମ୍ ।
ତ୍ଵାଂ ୟାଚେ ଭଵତୀଂ କିମପ୍ୟଵିତଥଂ ୟୋ ମଦ୍ଵିରୋଧୀ
ଜନସ୍ତସ୍ୟାୟୁର୍ମମ ଵାଂଛିତାଵଧି ଭଵେନ୍ମାତସ୍ତଵୈଵାଜ୍ଞୟା ॥ ୫ ॥
ମାତଃ ସମ୍ୟଗୁପାସିତୁଂ ଜଡମତିସ୍ତ୍ଵାଂ ନୈଵ ଶକ୍ନୋମ୍ୟହଂ
ୟଦ୍ୟପ୍ୟନ୍ଵିତ-ଦୈଶିକାଂଘ୍ରିକମଲାନୁକ୍ରୋଶପାତ୍ରସ୍ୟ ମେ ।
ଜନ୍ତୁଃ କଶ୍ଚନ ଚିନ୍ତୟତ୍ୟକୁଶଲଂ ୟସ୍ତସ୍ୟ ତଦ୍ଵୈଶସଂ
ଭୂୟାଦ୍ଦେଵି ଵିରୋଧିନୋ ମମ ଚ ତେ ଶ୍ରେୟଃ ପଦାସଙ୍ଗିନଃ ॥ ୬ ॥
ଵାରାହି ଵ୍ୟଥମାନ-ମାନସଗଲତ୍ସୌଖ୍ୟଂ ତଦାଶାବଲିଂ
ସୀଦନ୍ତଂ ୟମପାକୃତାଧ୍ୟଵସିତଂ ପ୍ରାପ୍ତାଖିଲୋତ୍ପାଦିତମ୍ ।
କ୍ରନ୍ଦଦ୍ବନ୍ଧୁଜନୈଃ କଲଙ୍କିତତୁଲଂ କଣ୍ଠଵ୍ରଣୋଦ୍ୟତ୍କୃମି
ପଶ୍ୟାମି ପ୍ରତିପକ୍ଷମାଶୁ ପତିତଂ ଭ୍ରାନ୍ତଂ ଲୁଠନ୍ତଂ ମୁହୁଃ ॥ ୭ ॥
ଵାରାହି ତ୍ଵମଶେଷଜନ୍ତୁଷୁ ପୁନଃ ପ୍ରାଣାତ୍ମିକା ସ୍ପନ୍ଦସେ
ଶକ୍ତି ଵ୍ୟାପ୍ତ-ଚରାଚରା ଖଲୁ ୟତସ୍ତ୍ଵାମେତଦଭ୍ୟର୍ଥୟେ ।
ତ୍ଵତ୍ପାଦାମ୍ବୁଜସଙ୍ଗିନୋ ମମ ସକୃତ୍ପାପଂ ଚିକୀର୍ଷନ୍ତି ୟେ
ତେଷାଂ ମା କୁରୁ ଶଙ୍କରପ୍ରିୟତମେ ଦେହାନ୍ତରାଵସ୍ଥିତିମ୍ ॥ ୮ ॥
॥ ଇତି ଶ୍ରୀଵାରାହୀନିଗ୍ରହାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Varahi Nigraha Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil