॥ Vatapuranatha Ashtakam Malayalam Lyrics ॥
॥ ശ്രീവാതപുരനാഥാഷ്ടകം ॥
കുന്ദസുമവൃന്ദസമമന്ദഹസിതാസ്യം
നന്ദകുലനന്ദഭരതുന്ദലനകന്ദം ।
പൂതനിജഗീതലവധൂതദുരിതം തം
വാതപുരനാഥമിമമാതനു ഹൃദബ്ജേ ॥ 1 ॥
നീലതരജാലധരഭാലഹരിരംയം
ലോലതരശീലയുതബാലജനലീലം ।
ജാലനതിശീലമപി പാലയിതുകാമം
വാതപുരനാഥമിമമാതനു ഹൃദബ്ജേ ॥ 2 ॥
കംസരണഹിംസമിഹ സംസരണജാത-
ക്ലാന്തിഭരശാന്തികരകാന്തിഝരവീതം ।
വാതമുഖധാതുജനിപാതഭയഘാതം
വാതപുരനാഥമിമമാതനു ഹൃദബ്ജേ ॥ 3 ॥
ജാതുധുരിപാതുകമിഹാതുരജനം ദ്രാക്
ശോകഭരമൂകമപി തോകമിവ പാന്തം ।
ഭൃങ്ഗരുചിസങ്ഗരകൃദങ്ഗലതികം തം
വാതപുരനാഥമിമമാതനു ഹൃദബ്ജേ ॥ 4 ॥
പാപഭവതാപഭരകോപശമനാര്‍ഥാ-
ശ്വാസകരഭാസമൃദുഹാസരുചിരാസ്യം ।
രോഗചയഭോഗഭയവേഗഹരമേകം
വാതപുരനാഥമിമമാതനു ഹൃദബ്ജേ ॥ 5 ॥
ഘോഷകുലദോഷഹരവേഷമുപയാന്തം
പൂഷശതദൂഷകവിഭൂഷണഗണാഢ്യം ।
ഭുക്തിമപിമുക്തിമതിഭക്തിഷു ദദാനം
വാതപുരനാഥമിമമാതനു ഹൃദബ്ജേ ॥ 6 ॥
പാപകദുരാപമതിതാപഹരശോഭ-
സ്വാപഘനമാമതദുമാപതിസമേതം ।
ദൂനതരദീനസുഖദാനകൃതദീക്ഷം
വാതപുരനാഥമിമമാതനു ഹൃദബ്ജേ ॥ 7 ॥
പാദപതദാദരണമോദപരിപൂര്‍ണം
ജീവമുഖദേവജനസേവനഫലാങ്ഘ്രിം
രൂക്ഷഭവമോക്ഷകൃതദീക്ഷനിജവീക്ഷം
വാതപുരനാഥമിമമാതനു ഹൃദബ്ജേ ॥ 8 ॥
ഭൃത്യഗണപത്യുദിതനുത്യുചിതമോദം
സ്പഷ്ടമിദമഷ്ടകമദുഷ്ടകരണാര്‍ഹം ।
ആദധതമാദരദമാദിലയശൂന്യം
വാതപുരനാഥമിമമാതനു ഹൃദബ്ജേ ॥ 9 ॥
ഇതി മഹാമഹോപാധ്യായ ബ്രഹ്മശ്രീ ഗണപതീശാസ്ത്രീവിരചിതം
ശ്രീവാതപുരനാഥാഷ്ടകം ॥
– Chant Stotra in Other Languages –
Sri Vatapuranatha Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil