॥ Vedasaara Shivastava Stotram Odia Lyrics ॥
॥ ବେଦସାରଶିବସ୍ତୋତ୍ରମ୍ ॥
॥ ଶ୍ରୀଃ ॥
॥ ଅଥ ବେଦସାରଶିବସ୍ତୋତ୍ରମ୍ ॥
ପଶୂନାଂ ପତିଂ ପାପନାଶଂ ପରେଶଂ
ଗଜେନ୍ଦ୍ରସ୍ୟ କୃତ୍ତିଂ ବସାନଂ ବରେଣ୍ୟମ୍ ।
ଜଟାଜୂଟମଧ୍ୟେ ସ୍ଫୁରଦ୍ଗାଙ୍ଗବାରିଂ
ମହାଦେବମେକଂ ସ୍ମରାମି ସ୍ମରାରିମ୍ ॥ ୧ ॥
ମହେଶଂ ସୁରେଶଂ ସୁରାରାତିନାଶଂ
ବିଭୁଂ ବିଶ୍ୱନାଥଂ ବିଭୂତ୍ୟଙ୍ଗଭୂଷମ୍ ।
ବିରୂପାକ୍ଷମିନ୍ଦ୍ୱର୍କବହ୍ନିତ୍ରିନେତ୍ରଂ
ସଦାନନ୍ଦମୀଡେ ପ୍ରଭୁଂ ପଞ୍ଚବକ୍ତ୍ରମ୍ ॥ ୨ ॥
ଗିରୀଶଂ ଗଣେଶଂ ଗଲେ ନୀଲବର୍ଣଂ
ଗବେନ୍ଦ୍ରାଧିରୂଢଂ ଗୁଣାତୀତରୂପମ୍ ।
ଭବଂ ଭାସ୍ୱରଂ ଭସ୍ମନା ଭୂଷିତାଙ୍ଗଂ
ଭବାନୀକଲତ୍ରଂ ଭଜେ ପଞ୍ଚବକ୍ତ୍ରମ୍ ॥ ୩ ॥
ଶିବାକାନ୍ତ ଶଂଭୋ ଶଶାଙ୍କାର୍ଧମୌଲେ
ମହେଶାନ ଶୂଲିଞ୍ଜଟାଜୂଟଧାରିନ୍ ।
ତ୍ୱମେକୋ ଜଗଦ୍ୱ୍ୟାପକୋ ବିଶ୍ୱରୂପଃ
ପ୍ରସୀଦ ପ୍ରସୀଦ ପ୍ରଭୋ ପୂର୍ଣରୂପ ॥ ୪ ॥
ପରାତ୍ମାନମେକଂ ଜଗଦ୍ବୀଜମାଦ୍ୟଂ
ନିରୀହଂ ନିରାକାରମୋଂକାରବେଦ୍ୟମ୍ ।
ଯତୋ ଜାୟତେ ପାଲ୍ୟତେ ଯେନ ବିଶ୍ୱଂ
ତମୀଶଂ ଭଜେ ଲୀୟତେ ଯତ୍ର ବିଶ୍ୱମ୍ ॥ ୫ ॥
ନ ଭୂମିର୍ନଂ ଚାପୋ ନ ବହ୍ନିର୍ନ ବାୟୁ-
ର୍ନ ଚାକାଶମାସ୍ତେ ନ ତନ୍ଦ୍ରା ନ ନିଦ୍ରା ।
ନ ଚୋଷ୍ଣଂ ନ ଶୀତଂ ନ ଦେଶୋ ନ ବେଷୋ
ନ ଯସ୍ୟାସ୍ତି ମୂର୍ତିସ୍ତ୍ରିମୂର୍ତିଂ ତମୀଡେ ॥ ୬ ॥
ଅଜଂ ଶାଶ୍ୱତଂ କାରଣଂ କାରଣାନାଂ
ଶିବଂ କେବଲଂ ଭାସକଂ ଭାସକାନାମ୍ ।
ତୁରୀୟଂ ତମଃପାରମାଦ୍ୟନ୍ତହୀନଂ
ପ୍ରପଦ୍ୟେ ପରଂ ପାବନଂ ଦ୍ୱୈତହୀନମ୍ ॥ ୭ ॥
ନମସ୍ତେ ନମସ୍ତେ ବିଭୋ ବିଶ୍ୱମୂର୍ତେ
ନମସ୍ତେ ନମସ୍ତେ ଚିଦାନନ୍ଦମୂର୍ତେ ।
ନମସ୍ତେ ନମସ୍ତେ ତପୋୟୋଗଗମ୍ୟ
ନମସ୍ତେ ନମସ୍ତେ ଶ୍ରୁତିଜ୍ଞାନଗମ୍ୟ ॥ ୮ ॥
ପ୍ରଭୋ ଶୂଲପାଣେ ବିଭୋ ବିଶ୍ୱନାଥ
ମହାଦେବ ଶଂଭୋ ମହେଶ ତ୍ରିନେତ୍ର ।
ଶିବାକାନ୍ତ ଶାନ୍ତ ସ୍ମରାରେ ପୁରାରେ
ତ୍ୱଦନ୍ୟୋ ବରେଣ୍ୟୋ ନ ମାନ୍ୟୋ ନ ଗଣ୍ୟଃ ॥ ୯ ॥
ଶଂଭୋ ମହେଶ କରୁଣାମୟ ଶୂଲପାଣେ
ଗୌରୀପତେ ପଶୁପତେ ପଶୁପାଶନାଶିନ୍ ।
କାଶୀପତେ କରୁଣୟା ଜଗଦେତଦେକ-
ସ୍ତ୍ୱଂହଂସି ପାସି ବିଦଧାସି ମହେଶ୍ୱରୋଽସି ॥ ୧୦ ॥
ତ୍ୱତ୍ତୋ ଜଗଦ୍ଭବତି ଦେବ ଭବ ସ୍ମରାରେ
ତ୍ୱୟ୍ୟେବ ତିଷ୍ଠତି ଜଗନ୍ମୃଡ ବିଶ୍ୱନାଥ ।
ତ୍ୱୟ୍ୟେବ ଗଚ୍ଛତି ଲୟଂ ଜଗଦେତଦୀଶ
ଲିଙ୍ଗାତ୍ମକେ ହର ଚରାଚରବିଶ୍ୱରୂପିନ୍ ॥ ୧୧ ॥
ଇତି ଶ୍ରୀମତ୍ପରମହଂସପରିବ୍ରାଜକାଚାର୍ୟସ୍ୟ
ଶ୍ରୀଗୋବିନ୍ଦଭଗବତ୍ପୂଜ୍ୟପାଦଶିଷ୍ୟସ୍ୟ
ଶ୍ରୀମଚ୍ଛଂକରଭଗବତଃ କୃତୌ
ବେଦସାରଶିବସ୍ତୋତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Vedasara Shiva Stava Stotram in Sanskrit – English – Bengali – Gujarati – Kannada – Malayalam – Odia – Telugu – Tamil