Vibhishanagita – from Adhyatmaramayana Yuddha Kanda – 3rd Sarga – Slokas 13 to 37
॥ Vibhishanagita from Adhyatmaramayana Telugu Lyrics ॥
॥ విభీషణగీతా అధ్యాత్మరామాయణే ॥
రామస్య వచనం శ్రుత్వా సుగ్రీవో హృష్టమానసః ।
విభీషణమథానాయ్య దర్శయామాస రాఘవం ॥ 13 ॥
విభీషణస్తు సాష్టాంగం ప్రణిపత్య రఘూత్తమం ।
హర్షగద్గదయా వాచా భక్త్యా చ పరయాన్వితః ॥ 14 ॥
రామం శ్యామం విశాలాక్షం ప్రసన్నముఖపంకజం ।
ధనుర్బాణధరం శాంతం లక్ష్మణేన సమన్వితం ॥ 15 ॥
కృతాంజలిపుటో భూత్వా స్తోతుం సముపచక్రమే ॥ 16 ॥
విభీషణ ఉవాచ ।
నమస్తే రామ రాజేంద్ర నమః సీతామనోరమ ।
నమస్తే చండకోదండ నమస్తే భక్తవత్సల ॥ 17 ॥
నమోఽనంతాయ శాంతాయ రామాయామితతేజసే ।
సుగ్రీవమిత్రాయ చ తే రఘూణాం పతయే నమః ॥ 18 ॥
జగదుత్పత్తినాశానాం కారణాయ మహాత్మనే ।
త్రైలోక్యగురవేఽనాదిగృహస్థాయ నమో నమః ॥ 19 ॥
త్వమాదిర్జగతాం రామ త్వమేవ స్థితికారణం ।
త్వమంతే నిధనస్థానం స్వేచ్ఛాచారస్త్వమేవ హి ॥ 20 ॥
చరాచరాణాం భూతానాం బహిరంతశ్చ రాఘవ ।
వ్యాప్యవ్యాపకరూపేణ భవాన్ భాతి జగన్మయః ॥ 21 ॥
త్వన్మాయయా హృతజ్ఞానా నష్టాత్మానో విచేతసః ।
గతాగతం ప్రపద్యంతే పాపపుణ్యవశాత్ సదా ॥ 22 ॥
తావత్సత్యం జగద్భాతి శుక్తికారజతం యథా
యావన్న జ్ఞాయతే జ్ఞానం చేతసానన్యగామినా ॥ 23 ॥
త్వదజ్ఞానాత్ సదా యుక్తాః పుత్రదారగృహాదిషు ।
రమంతే విషయాన్ సర్వానంతే దుఃఖప్రదాన్ విభో. । 24 ॥
త్వమింద్రోఽగ్నిర్యమో రక్షో వరుణశ్చ తథానిలః ।
కుబేరశ్చ తథా రుద్రస్త్వమేవ పురుషోత్తమ ॥ 25 ॥
త్వమణోరప్యణీయాంశ్చ స్థూలాత్ స్థూలతరః ప్రభో ।
త్వం పితా సర్వలోకానాం మాతా ధాతా త్వమేవ హి ॥ 26 ॥
ఆదిమధ్యాంతరహితః పరిపూర్ణోఽచ్యుతోఽవ్యయః ।
త్వం పాణిపాదరహితశ్చక్షుఃశ్రోత్రవివర్జితః ॥ 27 ॥
శ్రోతా ద్రష్టా గ్రహీతా చ జవనస్త్వం ఖరాంతక ।
కోశేభ్యో వ్యతిరిక్తస్త్వం నిర్గుణో నిరుపాశ్రయః ॥ 28 ॥
నిర్వికల్పో నిర్వికారో నిరాకారో నిరీశ్వరః ।
షడ్భావరహితోఽనాదిః పురుషః ప్రకృతే పరః ॥ 29 ॥
మాయయా గృహ్యమాణస్త్వం మనుష్య ఇవ భావ్యసే ।
జ్ఞాత్వా త్వాం నిర్గుణమజం వైష్ణవా మోక్షగామినః ॥ 30 ॥
అహం త్వత్పాదసద్భక్తినిఃశ్రేణీం ప్రాప్య రాఘవ ।
ఇచ్ఛామి జ్ఞానయోగాఖ్యం సౌధమారోఢుమీశ్వర ॥ 31 ॥
నమః సీతాపతే రామ నమః కారుణికోత్తమ ।
రావణారే నమస్తుభ్యం త్రాహి మాం భవసాగరాత్ ॥ 32 ॥
తతః ప్రసన్నః ప్రోవాచ శ్రీరామో భక్తవత్సలః ।
వరం వృణీష్వ భద్రం తే వాంఛితం వరదోఽస్మ్యహం ॥ 33 ॥
విభీషణ ఉవాచ ।
ధన్యోఽస్మి కృతకృత్యోఽస్మి కృతకార్యోఽస్మి రాఘవ ।
త్వత్పాదదర్శనాదేవ విముక్తోఽస్మి న సంశయః ॥ 34 ॥
నాస్తి మత్సదృశో ధన్యో నాస్తి మత్సదృశః శుచిః ।
నాస్తి మత్సదృశో లోకే రామ త్వన్మూర్తిదర్శనాత్ ॥ 35 ॥
కర్మబంధవినాశాయ త్వజ్జ్ఞానం భక్తిలక్షణం ।
త్వద్ధ్యానం పరమార్థం చ దేహి మే రఘునందన ॥ 36 ॥
న యాచే రామ రాజేంద్ర సుఖం విషయసంభవం ।
త్వత్పాదకమలే సక్తా భక్తిరేవ సదాస్తు మే ॥ 37 ॥
– Chant Stotra in Other Languages –
Vibhishana Gita from Adhyatma Ramayana in Sanskrit – English – Bengali – Gujarati – Kannada – Malayalam – Odia – Telugu – Tamil