॥ Vighna Nivaraka Siddhi Vinayaka Stotram Gujarati Lyrics ॥
॥ વિઘ્નનિવારકં સિદ્ધિવિનાયકસ્તોત્રમ્ ॥
શ્રી ગણેશાય નમઃ ॥
વિઘ્નેશ વિઘ્નચયખણ્ડનનામધેય શ્રીશઙ્કરાત્મજ સુરાધિપવન્દ્યપાદ ।
દુર્ગામહાવ્રતફલાખિલમઙ્ગલાત્મન્ વિઘ્નં મમાપહર સિદ્ધિવિનાયક ત્વમ્ ॥ ૧ ॥
સત્પદ્મરાગમણિવર્ણશરીરકાન્તિઃ શ્રીસિદ્ધિબુદ્ધિપરિચર્ચિતકુઙ્કુમશ્રીઃ ।
દક્ષસ્તને વલયિતાતિમનોજ્ઞશુણ્ડો વિઘ્નં મમાપહર સિદ્ધિવિનાયક ત્વમ્ ॥ ૨ ॥
પાશાઙ્કુશાબ્જપરશૂંશ્ચ દધચ્ચતુર્ભિર્દોર્ભિશ્ચ શોણકુસુમસ્રગુમાઙ્ગજાતઃ ।
સિન્દૂરશોભિતલલાટવિધુપ્રકાશો વિઘ્નં મમાપહર સિદ્ધિવિનાયક ત્વમ્ ॥ ૩ ॥
કાર્યેષુ વિઘ્નચયભીતવિરઞ્ચિમુખ્યૈઃ સમ્પૂજિતઃ સુરવરૈરપિ મોદકાદ્યૈઃ ।
સર્વેષુ ચ પ્રથમમેવ સુરેષુ પૂજ્યો વિઘ્નં મમાપહર સિદ્ધિવિનાયક ત્વમ્ ॥ ૪ ॥
શીઘ્રાઞ્ચનસ્ખલનતુઙ્ગરવોર્ધ્વકણ્ઠસ્થૂલોન્દુરુદ્રવણહાસિતદેવસઙ્ઘઃ ।
શૂર્પશ્રુતિશ્ચ પૃથુવર્તુલતુઙ્ગતુન્દો વિઘ્નં મમાપહર સિદ્ધિવિનાયક ત્વમ્ ॥ ૫ ॥
યજ્ઞોપવીતપદલંભિતનાગરાજો માસાદિપુણ્યદદૃશીકૃતઋક્ષરાજઃ ।
ભક્તાભયપ્રદ દયાલય વિઘ્નરાજ વિઘ્નં મમાપહર સિદ્ધિવિનાયક ત્વમ્ ॥ ૬ ॥
સદ્રત્નસારતતિરાજિતસત્કિરીટઃ કૌસુમ્ભચારુવસનદ્વય ઊર્જિતશ્રીઃ ।
સર્વત્રમઙ્ગલકરસ્મરણપ્રતાપો વિઘ્નં મમાપહર સિદ્ધિવિનાયક ત્વમ્ ॥ ૭ ॥
દેવાન્તકાદ્યસુરભીતસુરાર્તિહર્તા વિજ્ઞાનબોધેનવરેણ તમોપહર્તા ।
આનન્દિતત્રિભુવનેશુ કુમારબન્ધો વિઘ્નં મમાપહર સિદ્ધિવિનાયક ત્વમ્ ॥ ૮ ॥
ઇતિ મૌદ્ગલોક્તં વિઘ્નનિવારકં સિદ્ધિવિનાયકસ્તોત્રં સમ્પૂર્ણમ્ ॥
– Chant Stotra in Other Languages –
Sri Ganesh Stotram » Sri Siddhi Vinayaka Stotram Lyrics in Sanskrit » English » Bengali » Kannada » Malayalam » Odia » Telugu » Tamil