॥ Vighna Nivaraka Siddhi Vinayaka Stotram Kannada Lyrics ॥
॥ ವಿಘ್ನನಿವಾರಕಂ ಸಿದ್ಧಿವಿನಾಯಕಸ್ತೋತ್ರಮ್ ॥
ಶ್ರೀ ಗಣೇಶಾಯ ನಮಃ ॥
ವಿಘ್ನೇಶ ವಿಘ್ನಚಯಖಂಡನನಾಮಧೇಯ ಶ್ರೀಶಂಕರಾತ್ಮಜ ಸುರಾಧಿಪವನ್ದ್ಯಪಾದ ।
ದುರ್ಗಾಮಹಾವ್ರತಫಲಾಖಿಲಮಂಗಲಾತ್ಮನ್ ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್ ॥ 1॥
ಸತ್ಪದ್ಮರಾಗಮಣಿವರ್ಣಶರೀರಕಾನ್ತಿಃ ಶ್ರೀಸಿದ್ಧಿಬುದ್ಧಿಪರಿಚರ್ಚಿತಕುಂಕುಮಶ್ರೀಃ ।
ದಕ್ಷಸ್ತನೇ ವಲಯಿತಾತಿಮನೋಜ್ಞಶುಂಡೋ ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್ ॥ 2॥
ಪಾಶಾಂಕುಶಾಬ್ಜಪರಶೂಂಶ್ಚ ದಧಚ್ಚತುರ್ಭಿರ್ದೋರ್ಭಿಶ್ಚ ಶೋಣಕುಸುಮಸ್ರಗುಮಾಂಗಜಾತಃ ।
ಸಿನ್ದೂರಶೋಭಿತಲಲಾಟವಿಧುಪ್ರಕಾಶೋ ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್ ॥ 3॥
ಕಾರ್ಯೇಷು ವಿಘ್ನಚಯಭೀತವಿರಂಚಿಮುಖ್ಯೈಃ ಸಮ್ಪೂಜಿತಃ ಸುರವರೈರಪಿ ಮೋದಕಾದ್ಯೈಃ ।
ಸರ್ವೇಷು ಚ ಪ್ರಥಮಮೇವ ಸುರೇಷು ಪೂಜ್ಯೋ ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್ ॥ 4॥
ಶೀಘ್ರಾಂಚನಸ್ಖಲನತುಂಗರವೋರ್ಧ್ವಕಂಠಸ್ಥೂಲೋನ್ದುರುದ್ರವಣಹಾಸಿತದೇವಸಂಘಃ ।
ಶೂರ್ಪಶ್ರುತಿಶ್ಚ ಪೃಥುವರ್ತುಲತುಂಗತುನ್ದೋ ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್ ॥ 5॥
ಯಜ್ಞೋಪವೀತಪದಲಂಭಿತನಾಗರಾಜೋ ಮಾಸಾದಿಪುಣ್ಯದದೃಶೀಕೃತಋಕ್ಷರಾಜಃ ।
ಭಕ್ತಾಭಯಪ್ರದ ದಯಾಲಯ ವಿಘ್ನರಾಜ ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್ ॥ 6॥
ಸದ್ರತ್ನಸಾರತತಿರಾಜಿತಸತ್ಕಿರೀಟಃ ಕೌಸುಮ್ಭಚಾರುವಸನದ್ವಯ ಊರ್ಜಿತಶ್ರೀಃ ।
ಸರ್ವತ್ರಮಂಗಲಕರಸ್ಮರಣಪ್ರತಾಪೋ ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್ ॥ 7॥
ದೇವಾನ್ತಕಾದ್ಯಸುರಭೀತಸುರಾರ್ತಿಹರ್ತಾ ವಿಜ್ಞಾನಬೋಧೇನವರೇಣ ತಮೋಪಹರ್ತಾ ।
ಆನನ್ದಿತತ್ರಿಭುವನೇಶು ಕುಮಾರಬನ್ಧೋ ವಿಘ್ನಂ ಮಮಾಪಹರ ಸಿದ್ಧಿವಿನಾಯಕ ತ್ವಮ್ ॥ 8॥
ಇತಿ ಮೌದ್ಗಲೋಕ್ತಂ ವಿಘ್ನನಿವಾರಕಂ ಸಿದ್ಧಿವಿನಾಯಕಸ್ತೋತ್ರಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Ganesh Stotram » Sri Siddhi Vinayaka Stotram Lyrics in Sanskrit » English » Bengali » Gujarati » Malayalam » Odia » Telugu » Tamil