Vinayaka Stavaraja In Telugu

॥ Vinayaka Stavaraja Telugu Lyrics ॥

॥ శ్రీ వినాయక స్తవరాజః ॥
బీజాపూరగదేక్షుకార్ముకరుజా చక్రాబ్జపాశోత్పల-
-వ్రీహ్యగ్రస్వవిషాణరత్నకలశప్రోద్యత్కరాంభోరుహః ।
ధ్యేయో వల్లభయా సపద్మకరయాశ్లిష్టోజ్జ్వలద్భూషయా
విశ్వోత్పత్తివిపత్తిసంస్థితికరో విఘ్నేశ ఇష్టార్థదః ॥ ౧ ॥

నమస్తే సిద్ధిలక్ష్మీశ గణాధిప మహాప్రభో ।
విఘ్నేశ్వర జగన్నాథ గౌరీపుత్ర జగత్ప్రభో ॥ ౨ ॥

జయ విఘ్నేశ్వర విభో వినాయక మహేశ్వర ।
లంబోదర మహాబాహో సర్వదా త్వం ప్రసీద మే ॥ ౩ ॥

మహాదేవ జగత్స్వామిన్ మూషికారూఢ శంకర ।
విశాలాక్ష మహాకాయ మాం త్రాహి పరమేశ్వర ॥ ౪ ॥

కుంజరాస్య సురాధీశ మహేశ కరుణానిధే ।
మాతులుంగధర స్వామిన్ గదాచక్రసమన్విత ॥ ౫ ॥

దశబాహో మహారాజ గజవక్త్ర చతుర్భుజ ।
శూర్పకర్ణ మహాకర్ణ గణనాథ ప్రసీద మే ॥ ౬ ॥

శంఖశూలసమాయుక్త బీజాపూరసమన్విత ।
ఇక్షుకార్ముకసంయుక్త పద్మహస్త ప్రసీద మే ॥ ౭ ॥

నానాభరణసంయుక్త రత్నకుంభకర ప్రభో ।
సర్గస్థితిలయాధీశ పరమాత్మన్ జయ ప్రభో ॥ ౮ ॥

అనాథనాథ విశ్వేశ విఘ్నసంఘవినాశన ।
త్రయీమూర్తే సురపతే బ్రహ్మవిష్ణుశివాత్మక ॥ ౯ ॥

త్రయీగుణ మహాదేవ పాహి మాం సర్వపాలక ।
అణిమాదిగుణాధార లక్ష్మీశ్రీవిష్ణుపూజిత ॥ ౧౦ ॥

గౌరీశంకరసంపూజ్య జయ త్వం గణనాయక ।
రతిమన్మథసంసేవ్య మహీభూదారసంస్తుత ॥ ౧౧ ॥

ఋద్ధ్యామోదాదిసంసేవ్య మహాగణపతే జయ ।
శంఖపద్మాదిసంసేవ్య నిరాలంబ నిరీశ్వర ॥ ౧౨ ॥

See Also  Sri Ganesha Stavarajaha In English

నిష్కలంక నిరాధార పాహి మాం నిత్యమవ్యయ ।
అనాద్య జగతామాద్య పితామహసుపూజిత ॥ ౧౩ ॥

ధూమకేతో గణాధ్యక్ష మహామూషకవాహన ।
అనంతపరమానంద జయ విఘ్నేశ్వరేశ్వర ॥ ౧౪ ॥

రత్నసింహాసనాసీన కిరీటేన సుశోభిత ।
పరాత్పర పరేశాన పరపూరుష పాహి మామ్ ॥ ౧౫ ॥

నిర్ద్వంద్వ నిర్గుణాభాస జపాపుష్పసమప్రభ ।
సర్వప్రమథసంస్తుత్య త్రాహి మాం విఘ్ననాయక ॥ ౧౬ ॥

కుమారస్య గురో దేవ సర్వైశ్వర్యప్రదాయక ।
సర్వాభీష్టప్రద స్వామిన్ సర్వప్రత్యూహనాశక ॥ ౧౭ ॥

శరణ్య సర్వలోకానాం శరణాగతవత్సల ।
మహాగణపతే నిత్యం మాం పాలయ కృపానిధే ॥ ౧౮ ॥

ఏవం శ్రీగణనాథస్య స్తవరాజమనుత్తమమ్ ।
యః పఠేచ్ఛృణుయాన్నిత్యం ప్రత్యూహైః స విముచ్యతే ॥ ౧౯ ॥

అశ్వమేధసమం పుణ్యఫలం ప్రాప్నోత్యనుత్తమమ్ ।
వశీకరోతి త్రైలోక్యం ప్రాప్య సౌభాగ్యముత్తమమ్ ॥ ౨౦ ॥

సర్వాభీష్టమవాప్నోతి శీఘ్రమేవ సుదుర్లభమ్ ।
మహాగణేశసాన్నిధ్యం ప్రాప్నోత్యేవ న సంశయః ॥ ౨౧ ॥

ఇతి శ్రీరుద్రయామలే శ్రీవినాయకస్తవరాజః సంపూర్ణమ్ ।

– Chant Stotra in Other Languages –

Sri Ganesha Stotram » Sri Vinayaka Stavaraja in Lyrics in Sanskrit » English » Kannada » Tamil