॥ Vinnapalu Vinavale Telugu Lyrics ॥
విన్నపాలు వినవలె వింత వింతలు ।
పన్నగపు దోమతెర పైకెత్తవేలయ్యా ॥
తెల్లవారె జామెక్కె దేవతలు మునులు ।
అల్లనల్ల నంతనింత నదిగోవారే ।
చల్లని తమ్మిరేకులు సారసపు గన్నులు ।
మెల్లమెల్లనె విచ్చి మేలుకొనవేలయ్యా ॥
గరుడ కిన్నరయక్ష కామినులు గములై ।
విరహపు గీతముల వింతాలాపాల ।
పరిపరివిధముల బాడేరునిన్నదివో ।
సిరిమొగము దెరచి చిత్తగించవేలయ్యా ॥
పొంకపు శేషాదులు తుంబురునారదాదులు ।
పంకజభవాదులు నీ పాదాలు చేరి ।
అంకెలనున్నారు లేచి అలమేలుమంగను ।
వేంకటేశుడా రెప్పలు విచ్చి చూచి లేవయ్యా ॥
– Chant Stotra in Other Languages –
Annamacharya Keerthanalu » Vinnapaalu Vinavale Lyrics in Sanskrit » English » Bengali » Kannada » Malayalam » Tamil