॥ Vraja Raja Suta Ashtakam Gujarati Lyrics ॥
॥ વ્રજરાજસુતાષ્ટકમ્ ॥
નવનીરદનિન્દિતકાન્તિધરં
રસસાગરનાગરભૂપવરમ્ ।
શુભવઙ્કિમચારુશિખણ્ડશિખં
ભજ કૃષ્ણનિધિં વ્રજરાજસુતમ્ ॥ ૧ ॥
ભ્રુવિશઙ્કિતવઙ્કિમશક્રધનું
મુખચન્દ્રવિનિન્દિતકોટિવિધુમ્ ।
મૃદુમન્દસુહાસ્યસુભાષ્યયુતં
ભજ કૃષ્ણનિધિં વ્રજરાજસુતમ્ ॥ ૨ ॥
સુવિકમ્પદનઙ્ગસદઙ્ગધરં
વ્રજવાસિમનોહરવેશકરમ્ ।
ભૃશલાઞ્છિતનીલસરોજ દૃશં
ભજ કૃષ્ણનિધિં વ્રજરાજસુતમ્ ॥ ૩ ॥
અલકાવલિમણ્ડિતભાલતટં
શ્રુતિદોલિતમાકરકુણ્ડલકમ્ ।
કટિવેષ્ટિતપીતપટં સુધટં
ભજ કૃષ્ણનિધિં વ્રજરાજસુતમ્ ॥ ૪ ॥
કલનૂપુરરાજિતચારુપદં
મણિરઞ્જિતગઞ્જિતભૃઙ્ગમદમ્ ।
ધ્વજવજ્રઝષાઙ્કિતપાદયુગં
ભજ કૃષ્ણનિધિં વ્રજરાજસુતમ્ ॥ ૫ ॥
ભૃશચન્દનચર્ચિતચારુતનું
મણિકૌસ્તુભગર્હિતભાનુતનુમ્ ।
વ્રજબાલશિરોમણિરૂપધૃતં
ભજ કૃષ્ણનિધિં વ્રજરાજસુતમ્ ॥ ૬ ॥
સુરવૃન્દસુવન્દ્યમુકુન્દહરિં
સુરનાથશિરોમણિસર્વગુરુમ્ ।
ગિરિધારિમુરારિપુરારિપરં
ભજ કૃષ્ણનિધિં વ્રજરાજસુતમ્ ॥ ૭ ॥
વૃષભાનુસુતાવરકેલિપરં
રસરાજશિરોમણિવેશધરમ્ ।
જગદીશ્વરમીશ્વરમીડ્યવરં
ભજ કૃષ્ણનિધિં વ્રજરાજસુતમ્ ॥ ૮ ॥
ઇતિ વ્રજરાજસુતાષ્ટકં સમ્પૂર્ણમ્ ।
– Chant Stotra in Other Languages –
Vraja Raja Suta Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil