॥ Vrindadevyashtakam Bengali Lyrics ॥
বৃন্দাদেব্যষ্টকম্
বিশ্বনাথচক্রবর্তী ঠকুরকৃতম্ ।
গাঙ্গেয়চাম্পেয়তডিদ্বিনিন্দিরোচিঃপ্রবাহস্নপিতাত্মবৃন্দে ।
বন্ধূকবন্ধুদ্যুতিদিব্যবাসোবৃন্দে নুমস্তে চরণারবিন্দম্ ॥ ১ ॥
বিম্বাধরোদিত্বরমন্দহাস্যনাসাগ্রমুক্তাদ্যুতিদীপিতাস্যে ।
বিচিত্ররত্নাভরণশ্রিয়াঢ্যে বৃন্দে নুমস্তে চরণারবিন্দম্ ॥ ২ ॥
সমস্তবৈকুণ্ঠশিরোমণৌ শ্রীকৃষ্ণস্য বৃন্দাবনধন্যধামিন্ ।
দত্তাধিকারে বৃষভানুপুত্র্যা বৃন্দে নুমস্তে চরণারবিন্দম্ ॥ ৩ ॥
ত্বদাজ্ঞয়া পল্লবপুষ্পভৃঙ্গমৃগাদিভির্মাধবকেলিকুঞ্জাঃ ।
মধ্বাদিভির্ভান্তি বিভূষ্যমাণাঃ বৃন্দে নুমস্তে চরণারবিন্দম্ ॥ ৪ ॥
ত্বদীয়দৌত্যেন নিকুঞ্জয়ূনোঃ অত্যুত্কয়োঃ কেলিবিলাসসিদ্ধিঃ ।
ত্বত্সৌভগং কেন নিরুচ্যতাং তদ্বৃন্দে নুমস্তে চরণারবিন্দম্ ॥ ৫ ॥
রাসাভিলাষো বসতিশ্চ বৃন্দাবনে ত্বদীশাঙ্ঘ্রিসরোজসেবা ।
লভ্যা চ পুংসাং কৃপয়া তবৈব বৃন্দে নুমস্তে চরণারবিন্দম্ ॥ ৬ ॥
ত্বং কীর্ত্যসে সাত্বততন্ত্রবিদ্ভিঃ লীলাভিধানা কিল কৃষ্ণশক্তিঃ ।
তবৈব মূর্তিস্তুলসী নৃলোকে বৃন্দে নুমস্তে চরণারবিন্দম্ ॥ ৭ ॥
ভক্ত্যা বিহীনা অপরাধলেশৈঃ ক্ষিপ্তাশ্চ কামাদিতরঙ্গমধ্যে ।
কৃপাময়ি ত্বাং শরণং প্রপন্নাঃ বৃন্দে নুমস্তে চরণারবিন্দম্ ॥ ৮ ॥
বৃন্দাষ্টকং য়ঃ শৃণুয়াত্পঠেচ্চ বৃন্দাবনাধীশপদাব্জভৃঙ্গঃ ।
স প্রাপ্য বৃন্দাবননিত্যবাসং তত্প্রেমসেবাং লভতে কৃতার্থঃ ॥ ৯ ॥
ইতি বিশ্বনাথচক্রবর্তী ঠকুরকৃতং বৃন্দাদেব্যষ্টকং সম্পূর্ণম্ ।
– Chant Stotra in Other Languages –
Vrinda Devi Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil