॥ Yamunashtapadi Odia Lyrics ॥
॥ ୟମୁନାଷ୍ଟପଦୀ ॥
ନମୋ ଦେଵି ୟମୁନେ ନମୋ ଦେଵି ୟମୁନେ
ହର କୃଷ୍ଣମିଲନାନ୍ତରାୟମ୍ ।
ନିଜନାଥମାର୍ଗଦାୟିନି କୁମାରୀ-
କାମପୂରିକେ କୁରୁ ଭକ୍ତିରାୟମ୍ ॥ ଧ୍ରୁ୦ ॥
ମଧପକୁଲକଲିତକମଲୀଵଲୀଵ୍ୟପଦେଶ-
ଧାରିତଶ୍ରୀକୃଷ୍ଣୟୁତଭକ୍ତହୃଦୟେ ।
ସତତମତିଶୟିତହରିଭାଵନା-
ଜାତତତ୍ସାରୂପ୍ୟଗଦିତହୃଦୟେ ॥ ୧ ॥
ନିଜକୂଲଭଵଵିଵିଧତରୁକୁସୁମ-
ୟୁତନୀରଶୋଭୟା ଵିଲସଦଲିଵୃନ୍ଦେ ।
ସ୍ମାରୟସି ଗୋପୀଵୃନ୍ଦପୂଜିତ-
ସରସମୀଶଵପୁରାନନ୍ଦକନ୍ଦେ ॥ ୨ ॥
ଉପରି ବଲଦମଲକମଲାରୁଣ-
ଦ୍ୟୁତିରେଣୁପରିମଲିତଜଲଭରେଣାମୁନା ।
ଵ୍ରଜୟୁଵତିକୁଚକୁମ୍ଭକୁଙ୍କୁମାରୁଣ-
ମୁରଃ ସ୍ମାରୟାମି ମାରପିତୁରଧୁନା ॥ ୩ ॥
ଅଧିରଜନି ହରିଵିହୃତିମୀକ୍ଷିତୁଂ
କୁଵଲୟାଭିଧସୁଭଗନୟନାନ୍ୟୁଶତି ତନୁଷେ ।
ନୟନୟୁଗମଲ୍ପମିତି ବହୁତରାଣି
ଚ ତାନି ରସିକତାନିଧିତୟା କୁରୁଷେ ॥ ୪ ॥
ରଜନିଜାଗରଜନିତରାଗରଞ୍ଜିତ-
ନୟନପଙ୍କଜୈରହନି ହରିମୀକ୍ଷସେ ।
ମକରନ୍ଦରଭରମିଷେଣାନନ୍ଦପୂରିତା
ସତତମିହ ହର୍ଷାଶ୍ରୁ ମୁଞ୍ଚସେ ॥ ୫ ॥
ତଟଗତାନେକଶୁକସାରିକାମୁନି-
ଗଣସ୍ତୁତଵିଵିଧଗୁଣସୀଧୁସାଗରେ ।
ସଙ୍ଗତା ସତତମିହ ଭକ୍ତଜନ-
ତାପହୃଦି ରାଜସେ ରାସରସସାଗରେ ॥ ୬ ॥
ରତିଭରଶ୍ରମଜଲୋଦିତକମଲ-
ପରିମଲଵ୍ରଜୟୁଵତିମୋଦେ ।
ତାଟଙ୍କଚଲନସୁନିରସ୍ତସଙ୍ଗୀତ-
ୟୁତମଦମୁଦିତମଧୁପକୃତଵିନୋଦେ ॥ ୭ ॥
ନିଜଵ୍ରଜଜନାଵନାତ୍ତଗୋଵର୍ଦ୍ଧନେ
ରାଧିକାହୃଦୟଗତହୃଦୟକମଲେ ।
ରତିମତିଶୟିତରସଵିଠ୍ଠଲସ୍ୟାଶୁ
କୁରୁ ଵେଣୁନିନଦାହ୍ଵାନସରଲେ ॥ ୮ ॥
ଶ୍ଲୋକୌ ।
ଵ୍ରଜପରିଵୃଢଵଲ୍ଲଭେ କଦା ତ୍ଵ-
ଚ୍ଚରଣସରୋରୁହମୀକ୍ଷଣାସ୍ପଦଂ ମେ ।
ତଵ ତଟଗତଵାଲୁକାଃ କଦାହଂ
ସକଲନିଜାଙ୍କଗତା ମୁଦା କରିଷ୍ୟେ ॥ ୧ ॥
ଵୃନ୍ଦାଵନେ ଚାରୁବୃହଦ୍ଵନେ ମ-
ନ୍ମନୋରଥଂ ପୂରୟ ସୂରସୂତେ ।
ଦୃଗ୍ଗୋଚରଃ କୃଷ୍ଣଵିହାର ଏଵ
ସ୍ଥିତିସ୍ତ୍ଵଦୀୟେ ତଟ ଏଵ ଭୂୟାତ୍ ॥ ୨ ॥
ଇତି ଶ୍ରୀଵିଠ୍ଠଲେଶ୍ଵରଵିରଚିତା ୟମୁନାଷ୍ଟପଦୀ ସାମାପ୍ତ ।
– Chant Stotra in Other Languages –
Yamuna Ashtapadi Lyrics in Sanskrit » English » Bengali » Gujarati » Kannada » Malayalam » Telugu » Tamil