॥ River Yamuna Ashtakam 1 Gujarati Lyrics ॥
॥ યમુનાષ્ટકમ્ ૧ ॥
॥ શ્રીઃ ॥
મુરારિકાયકાલિમાલલામવારિધારિણી
તૃણીકૃતત્રિવિષ્ટપા ત્રિલોકશોકહારિણી ।
મનોઽનુકૂલકૂલકુઞ્જપુઞ્જધૂતદુર્મદા
ધુનોતુ નો મનોમલં કલિન્દનન્દિની સદા ॥ ૧ ॥
મલાપહારિવારિપૂરિભૂરિમણ્ડિતામૃતા
ભૃશં પ્રવાતકપ્રપઞ્ચનાતિપણ્ડિતાનિશા ।
સુનન્દનન્દિનાઙ્ગસઙ્ગરાગરઞ્જિતા હિતા
ધુનોતુ નો મનોમલં કલિન્દનન્દિની સદા ॥ ૨ ॥
લસત્તરઙ્ગસઙ્ગધૂતભૂતજાતપાતકા
નવીનમાધુરીધુરીણભક્તિજાતચાતકા ।
તટાન્તવાસદાસહંસસંસૃતાહ્નિકામદા
var1 સંસૃતા હિ કામદા var2 સંવૃતાહ્નિકામદા
ધુનોતુ નો મનોમલં કલિન્દનન્દિની સદા ॥ ૩ ॥
વિહારરાસસ્વેદભેદધીરતીરમારુતા
ગતા ગિરામગોચરે યદીયનીરચારુતા ।
પ્રવાહસાહચર્યપૂતમેદિનીનદીનદા
ધુનોતુ નો મનોમલં કલિન્દનન્દિની સદા ॥ ૪ ॥
તરઙ્ગસઙ્ગસૈકતાન્તરાતિતં સદાસિતા
શરન્નિશાકરાંશુમઞ્જુમઞ્જરી સભાજિતા ।
ભવાર્ચનાપ્રચારુણામ્બુનાધુના વિશારદા
ધુનોતુ નો મનોમલં કલિન્દનન્દિની સદા ॥ ૫ ॥
જલાન્તકેલિકારિચારુરાધિકાઙ્ગરાગિણી
સ્વભર્તુરન્યદુર્લભાઙ્ગતાઙ્ગતાંશભાગિની ।
સ્વદત્તસુપ્તસપ્તસિન્ધુભેદિનાતિકોવિદા
ધુનોતુ નો મનોમલં કલિન્દનન્દિની સદા ॥ ૬ ॥
જલચ્યુતાચ્યુતાઙ્ગરાગલમ્પટાલિશાલિની
વિલોલરાધિકાકચાન્તચમ્પકાલિમાલિની ।
સદાવગાહનાવતીર્ણભર્તૃભૃત્યનારદા
ધુનોતુ નો મનોમલં કલિન્દનન્દિની સદા ॥ ૭ ॥
સદૈવ નન્દિનન્દકેલિશાલિકુઞ્જમઞ્જુલા
તટોત્થફુલ્લમલ્લિકાકદમ્બરેણુસૂજ્જ્વલા ।
જલાવગાહિનાં નૃણાં ભવાબ્ધિસિન્ધુપારદા
ધુનોતુ નો મનોમલં કલિન્દનન્દિની સદા ॥ ૮ ॥
ઇતિ શ્રીમત્પરમહંસપરિવ્રાજકાચાર્યસ્ય
શ્રીગોવિન્દભગવત્પૂજ્યપાદશિષ્યસ્ય
શ્રીમચ્છંકરભગવતઃ કૃતૌ
યમુનાષ્ટકમ્ સમ્પૂર્ણમ્ ॥
– Chant Stotra in Other Languages –
River Yamuna Ashtakam » Sri Yamunashtakam 1 Lyrics in Sanskrit » English » Bengali » Kannada » Malayalam » Odia » Telugu » Tamil