॥ River Yamuna Ashtakam 1 Malayalam Lyrics ॥
॥ യമുനാഷ്ടകം 1 ॥
॥ ശ്രീഃ ॥
മുരാരികായകാലിമാലലാമവാരിധാരിണീ
തൃണീകൃതത്രിവിഷ്ടപാ ത്രിലോകശോകഹാരിണീ ।
മനോഽനുകൂലകൂലകുഞ്ജപുഞ്ജധൂതദുര്‍മദാ
ധുനോതു നോ മനോമലം കലിന്ദനന്ദിനീ സദാ ॥ 1 ॥
മലാപഹാരിവാരിപൂരിഭൂരിമണ്ഡിതാമൃതാ
ഭൃശം പ്രവാതകപ്രപഞ്ചനാതിപണ്ഡിതാനിശാ ।
സുനന്ദനന്ദിനാങ്ഗസങ്ഗരാഗരഞ്ജിതാ ഹിതാ
ധുനോതു നോ മനോമലം കലിന്ദനന്ദിനീ സദാ ॥ 2 ॥
ലസത്തരങ്ഗസങ്ഗധൂതഭൂതജാതപാതകാ
നവീനമാധുരീധുരീണഭക്തിജാതചാതകാ ।
തടാന്തവാസദാസഹംസസംസൃതാഹ്നികാമദാ
var1 സംസൃതാ ഹി കാമദാ var2 സംവൃതാഹ്നികാമദാ
ധുനോതു നോ മനോമലം കലിന്ദനന്ദിനീ സദാ ॥ 3 ॥
വിഹാരരാസസ്വേദഭേദധീരതീരമാരുതാ
ഗതാ ഗിരാമഗോചരേ യദീയനീരചാരുതാ ।
പ്രവാഹസാഹചര്യപൂതമേദിനീനദീനദാ
ധുനോതു നോ മനോമലം കലിന്ദനന്ദിനീ സദാ ॥ 4 ॥
തരങ്ഗസങ്ഗസൈകതാന്തരാതിതം സദാസിതാ
ശരന്നിശാകരാംശുമഞ്ജുമഞ്ജരീ സഭാജിതാ ।
ഭവാര്‍ചനാപ്രചാരുണാംബുനാധുനാ വിശാരദാ
ധുനോതു നോ മനോമലം കലിന്ദനന്ദിനീ സദാ ॥ 5 ॥
ജലാന്തകേലികാരിചാരുരാധികാങ്ഗരാഗിണീ
സ്വഭര്‍തുരന്യദുര്ലഭാങ്ഗതാങ്ഗതാംശഭാഗിനീ ।
സ്വദത്തസുപ്തസപ്തസിന്ധുഭേദിനാതികോവിദാ
ധുനോതു നോ മനോമലം കലിന്ദനന്ദിനീ സദാ ॥ 6 ॥
ജലച്യുതാച്യുതാങ്ഗരാഗലമ്പടാലിശാലിനീ
വിലോലരാധികാകചാന്തചമ്പകാലിമാലിനീ ।
സദാവഗാഹനാവതീര്‍ണഭര്‍തൃഭൃത്യനാരദാ
ധുനോതു നോ മനോമലം കലിന്ദനന്ദിനീ സദാ ॥ 7 ॥
സദൈവ നന്ദിനന്ദകേലിശാലികുഞ്ജമഞ്ജുലാ
തടോത്ഥഫുല്ലമല്ലികാകദംബരേണുസൂജ്ജ്വലാ ।
ജലാവഗാഹിനാം നൃണാം ഭവാബ്ധിസിന്ധുപാരദാ
ധുനോതു നോ മനോമലം കലിന്ദനന്ദിനീ സദാ ॥ 8 ॥
ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛംകരഭഗവതഃ കൃതൌ
യമുനാഷ്ടകം സമ്പൂര്‍ണം ॥
– Chant Stotra in Other Languages –
River Yamuna Ashtakam » Sri Yamunashtakam 1 Lyrics in Sanskrit » English » Bengali » Gujarati » Kannada » Odia » Telugu » Tamil