॥ River Yamuna Ashtakam 4 Odia Lyrics ॥
ୟୟା ତମୀଶଵଂଶଜଃ ସମାପିତୋ ବୃହଦ୍ଧନଂ
ମରୁଚ୍ଚଲଞ୍ଜଲପ୍ରଭୂତଵୀଚିଵିପ୍ଲୁଷାଂ ମିଷାତ୍ ।
ତଦଙ୍ଘ୍ରିକଞ୍ଜଭକ୍ତିୟୁକ୍ତୟା ସୁଦତ୍ତମାର୍ଗୟା
କଲୌ କଲିନ୍ଦନନ୍ଦିନୀ କୃପାକୁଲଂ କରୋତୁ ନଃ ॥ ୧॥
ୟଦମ୍ବୁପାନମାତ୍ରତୋଽତିଭକ୍ତିୟୁକ୍ତଚେତସାଂ
କୃତୈନସାମହୋ ନିଜସ୍ଵଭାଵତଃ କୃପାୟୁତା ।
ପ୍ରଧାଵ୍ୟ ଧର୍ମରାଜତୋ ମହଦ୍ଭୟଂ ନିଵର୍ତ୍ୟ ସା
କଲୌ କଲିନ୍ଦନନ୍ଦିନୀ କୃପାକୁଲଂ କରୋତୁ ନଃ ॥ ୨॥
ୟଦୀୟନୀରକେଲିତୋ ଦଧାର ନନ୍ଦନନ୍ଦନଃ
ସମସ୍ତସୁନ୍ଦରୀଜନେ ସ୍ଵଭାଵମଦ୍ଭୁତଂ ମୁଦା ।
ପରସ୍ପରାଵଲୋକନଂ ଵିଵର୍ଧୟନ୍ ସୁଦୃଷ୍ଟିତଃ
କଲୌ କଲିନ୍ଦନନ୍ଦିନୀ କୃପାକୁଲଂ କରୋତୁ ନଃ ॥ ୩॥
ୟଦଙ୍ଘ୍ରିଫୁଲ୍ଲପଙ୍କଜେଽଵନପ୍ରଭାଵତଃ ସଦା
ସମସ୍ତଭକ୍ତସଙ୍ଗ୍ରହଂ ପୁନାତି ସା ଜଗତ୍ତ୍ରୟମ୍ ।
ଗିରୀଶଧାରିସଙ୍ଗମପ୍ରବୋଧସତ୍ସୁଖାସଦଂ
କଲୌ କଲିନ୍ଦନନ୍ଦିନୀ କୃପାକୁଲଂ କରୋତୁ ନଃ ॥ ୪॥
ୟଥାଽଽପଦଶ୍ଚ ଦୂରତୋ ଜ୍ଵଲନ୍ତି ସମ୍ପଦଃ ସଦା
ଵସନ୍ତି ନନ୍ଦନନ୍ଦନେ ଦୃଢା ରତିଶ୍ଚ ଜାୟତେ ।
ମହାଷ୍ଟସିଦ୍ଧିଦାଽପ୍ୟଶେଷଘୋରପାପସଙ୍କ୍ଷୟଃ
କଲୌ କଲିନ୍ଦନନ୍ଦିନୀ କୃପାକୁଲଂ କରୋତୁ ନଃ ॥ ୫॥
ୟଦଙ୍କତୋ ଵିନିଃସୃତସ୍ୟ ପାପିନୋଽପି ଶୋଭୟା
ଜଗତ୍ତ୍ରୟଂ ଵିମୋହିତଂ ତଦୀୟକାନ୍ତିୟୁକ୍ତୟା ।
ପ୍ରଫୁଲ୍ଲସାରସା ପ୍ରଭୂତରୁଦ୍ରଦେଵସଂସ୍ତୁତା
କଲୌ କଲିନ୍ଦନନ୍ଦିନୀ କୃପାକୁଲଂ କରୋତୁ ନଃ ॥ ୬॥
ୟଦୀୟଭକ୍ତସେଵନେ କୃତେ ହରିଃ ପ୍ରସନ୍ନତା-
ମଵାପ ଗୋପିକାପତିଃ ସମସ୍ତକାମଦାୟିନୀ ।
ତଦମ୍ବୁମଧ୍ୟଖେଲନପ୍ରଭୂତଭାଵଲଜ୍ଜିତଃ
କଲୌ କଲିନ୍ଦନନ୍ଦିନୀ କୃପାକୁଲଂ କରୋତୁ ନଃ ॥ ୭॥
ୟଦନ୍ତିକସ୍ଥଵାଲୁକାଃ ପ୍ରୟାନ୍ତି ୟତ୍ର ଭୂତଲେ
ଗୃହେ ଗୃହେ ଵସନ୍ତ୍ୟସୌ ହରିସ୍ତଦନ୍ଵଗଶ୍ଚ ସା ।
ୟଦା ତଦା ସଦୈଵ ତତ୍ର ଭକ୍ତଵୃନ୍ଦଵନ୍ଦିତା
କଲୌ କଲିନ୍ଦନନ୍ଦିନୀ କୃପାକୁଲଂ କରୋତୁ ନଃ ॥ ୭॥
ହରିପ୍ରିୟେ ତଵାଽଷ୍ଟକଂ ସଦା ପଠେତ୍ସ ଶୁଦ୍ଧଧୀ-
ର୍ୟ ଏଵ ଗୋକୁଲାଧିପସ୍ୟ ଲେଢି ସଙ୍ଗମଂ ଶୁଭମ୍ ।
ପୁନଃ ପ୍ରୟାତି ତତ୍ସୁଖଂ ତଟସ୍ଥରାସମଣ୍ଡଲ-
ସ୍ଥିତାସ୍ତ୍ରିଭଙ୍ଗିମୋହନଂ ଦଧାତି ତଦ୍ଵିଚେଷ୍ଟିତମ୍ ॥ ୮॥
ଇତି ଶ୍ରୀରଘୁନାଥଜୀକୃତଂ ୟମୁନାଷ୍ଟକଂ ସମାପ୍ତମ୍ ।