॥ River Yamuna Ashtakam 6 Kannada Lyrics ॥
॥ ಶ್ರೀಯಮುನಾಷ್ಟಕಮ್ 6 ॥
ಮದ-ಕಲಕಲ-ಕಲಬಿಂಕ-ಕುಲಾಕುಲ-ಕೋಕ-ಕುತೂಹಲ-ನೀರೇ
ತರುಣ-ತಮಾಲ-ವಿಶಾಲ-ರಸಾಲ-ಪಲಾಶ-ವಿಲಾಸ-ಸುತೀರೇ ।
ತರಲ-ತುಷಾರ-ತರಂಗ-ವಿಹಾರ-ವಿಲೋಲಿತ-ನೀರಜ-ನಾಲೇ
ಮಮ ದುರಿತಂ ತ್ವರಿತಂ ಹಿ ವಿನಾಶಯ ನಲಿನಾನನ್ದಕ-ಬಾಲೇ ॥ 1 ॥
ಲಲಿತ-ಕದಮ್ಬ-ಕದಮ್ಬ-ನಿತಮ್ಬ-ಮಯೂರ-ಮನೋಹರ-ನಾದೇ
ನಿಜ-ಜಲ-ಸಂಗಿತ-ಶೀತಲ-ಮಾರುತ-ಸೇವಿತ-ಪಾದಪ-ಪಾದೇ ।
ವಿಕಸಿತ-ಸಿತ-ಶತಪತ್ರ-ಲಸದ್-ಗಮನಾಂಚಿತ-ಮತ್ತ-ಮರಾಲೇ
ಮಮ ದುರಿತಂ ತ್ವರಿತಂ ಹಿ ವಿನಾಶಯ ನಲಿನಾನನ್ದಕ-ಬಾಲೇ ॥ 2 ॥
ರಾಧಾ-ರಮಣ-ಚರಣ-ಶರಣಾಗತಿ-ಜೀವನ-ಜೀವನ-ವಾಹೇ
ಬಹುತರ-ಸಂಚಿತ-ಪಾಪ-ವಿದಾರಣ-ದೂರೀಕೃತ-ಭವ-ದಾಹೇ ।
ವಿಧಿ-ವಿಸ್ಮಾಪಕ-ದುರ್ಜನ-ತಾಪಕ-ನಿಜ-ತೇಜೋ-ಜಿತ-ಕಾಲೇ
ಮಮ ದುರಿತಂ ತ್ವರಿತಂ ಹಿ ವಿನಾಶಯ ನಲಿನಾನನ್ದಕ-ಬಾಲೇ ॥ 3 ॥
ಅಮರ-ನಿಕರ-ವರ-ವಾಗ್-ಅಭಿನನ್ದಿತ-ಹರಿ-ಜಲ-ಕೇಲಿ-ವಿಲಾಸೇ
ನಿಜ-ತಟ-ವಾಸಿ-ಮನೋರಥ-ಪೂರಣ-ಕೃತ-ಸುರತರು-ಪರಿಹಾಸೇ ।
ಸ್ನಾನ-ವಿಮರ್ದಿತ-ಹರಿ-ಪದ-ಕುಂಕುಮ-ಪಂಕ-ಕಲಂಕಿತ-ಭಾಲೇ
ಮಮ ದುರಿತಂ ತ್ವರಿತಂ ಹಿ ವಿನಾಶಯ ನಲಿನಾನನ್ದಕ-ಬಾಲೇ ॥ 4 ॥
ಅಮಲ-ಕಮಲ-ಕುಲ-ದಲ-ಚಲ-ಮಧುಕರ-ನಿನದ-ಪ್ರತಿಧ್ವನಿ-ಶೋಭೇ
ಸ್ವ-ಸಲಿಲ-ಶೀಕರ-ಸೇವಕ-ನರ-ವರ-ಸಮುದಿತ-ಹರಿ-ಪದ-ಲೋಭೇ ।
ಸ್ವಾಂಗ-ಸ್ಪರ್ಶ-ಸುಖೀ-ಕೃತ-ವಾಯು-ಸಮುದ್ಧತ-ಜನ-ಪದ-ಜಾಲೇ
ಮಮ ದುರಿತಂ ತ್ವರಿತಂ ಹಿ ವಿನಾಶಯ ನಲಿನಾನನ್ದಕ-ಬಾಲೇ ॥ 5 ॥
ಮಣಿ-ಗಣ-ಮೌಕ್ತಿಕ-ಮಂಜುಲ-ಮಾಲ-ನಿಬದ್ಧ-ತಟ-ದ್ವಯ-ಭಾಸೇ
ಪ್ರಕರ-ನಿಕರ-ತನು-ಧಾರಿ-ಸುರೇಶ್ವರ-ಮಂಡಲ-ರಚಿತ-ನಿವಾಸೇ ।
ವಿಪುಲ-ವಿಶದ-ಮೃದು-ತಲ-ಪುಲಿನಾವಲಿ-ಕಮನ-ಗಮನ-ಬಕ-ಮಾಲೇ
ಮಮ ದುರಿತಂ ತ್ವರಿತಂ ಹಿ ವಿನಾಶಯ ನಲಿನಾನನ್ದಕ-ಬಾಲೇ ॥ 6 ॥
ಅಗಣಿತ-ಗುಣ-ಗಣ-ಸಾಧನ-ಸಮುದಯ-ದುರ್ಲಭ-ಭಕ್ತಿ-ತಡಾಗೇ
ಸಾನನ್ದಾತ್ಯವಗಾಹನ-ದಾಯಿನಿ ಮಾಧವ-ಸಮ-ತನು-ರಾಗೇ ।
ರಸ-ನಿಧಿ-ಸುಖ-ವಿಧಿ-ಕಾರಣ-ಕೇಶವ-ಪಾದ-ವಿಮುಖ-ವಿಕರಾಲೇ
ಮಮ ದುರಿತಂ ತ್ವರಿತಂ ಹಿ ವಿನಾಶಯ ನಲಿನಾನನ್ದಕ-ಬಾಲೇ ॥ 7 ॥
ವ್ರಜ-ನವ-ಯುವತಿ-ವಿಹಾರ-ವಿಧಾಯಕ-ಕುಂಜ-ಪುಂಜ-ಕೃತ-ಸೇವೇ
ನಿಜ-ಸುಷಮಾ-ನಿಚಯೇನ ವಶೀಕೃತ-ಗೋಕುಲ-ಜೀವನ-ದೇವೇ ।
ಕೃಷ್ಣ-ಚನ್ದ್ರ-ಕರುಣಾ-ರಸ-ವಾಹಿನಿ-ವೃನ್ದಾವನ-ವನ-ಮಾಲೇ
ಮಮ ದುರಿತಂ ತ್ವರಿತಂ ಹಿ ವಿನಾಶಯ ನಲಿನಾನನ್ದಕ-ಬಾಲೇ ॥ 8 ॥
ಸಾರ್ಥಕ-ಸುನ್ದರ-ಪದ-ಯಮಕಾಂಚಿತ-ಕರಣ-ಕುತೂಹಲ-ಕಾರಂ
ಪದ್ಯಾಷ್ಟಕಮಿದಮರ್ಕ-ಸುತಾ-ಮಹಿಮಾಮೃತ-ವರ್ಣನ-ಭಾರಮ್ ।
ಕವಿವರ-ನನ್ದ-ಕಿಶೋರ-ಕೃತಂ ಶುಭ-ಭಕ್ತಿ-ಯುತೋ ನರ-ಜಾತಿಃ
ಕೋಽಪಿ ಪಠೇದ್ಯದಿ ಗೋಷ್ಠ-ಪುರನ್ದರ-ಭಕ್ತ-ಗಣೇಷು ವಿಭಾತಿ ॥ 9 ॥
ಇತಿ ಶ್ರೀನನ್ದಕಿಶೋರಗೋಸ್ವಾಮಿವಿರಚಿತಂ ಶ್ರೀಯಮುನಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
River Yamuna Stotram » Yamunashtakam 6 Lyrics in Sanskrit » English » Bengali » Gujarati » Malayalam » Odia » Telugu » Tamil