॥ River Yamuna Ashtakam 7 Telugu Lyrics ॥
॥ శ్రీయమునాష్టకమ్ ౭॥
త్వయి స్నాతా ధ్యాతా తవ సలిలపాతా నమయితా
స్తుతేః కర్తా ధర్తా తవ రజసి మర్తా రవిసుతే ।
న చైవాఖ్యాం వక్తా శమనసదనే యాతి యమునే
నమామస్త్వాం నిత్యాం సకలగుణయుక్తాం రవిసుతామ్ ॥ ౧ ॥
మురారాతేః కాయప్రతిమలలితం వారి దధతీం
కలిన్దాద్రేః శృఙ్గాదపి పతనశీలాం గతిమతీమ్ ।
స్వపాదాబ్జం ధ్యాతుర్జనిమరణశోకం వితుదతీం
నమామస్త్వాం నిత్యాం సకలగుణయుక్తాం రవిసుతామ్ ॥ ౨ ॥
కదమ్బానాం పుష్పావలిభిరనిశం రూషితజలాం
విధీన్ద్రాద్యైర్దేవైర్మునిజనకులైః పూజితపదామ్ ।
భ్రమద్గోగోధుగ్భిర్విహగనికరైర్భూషితతటాం
నమామస్త్వాం నిత్యాం సకలగుణయుక్తాం రవిసుతామ్ ॥ ౩ ॥
రణద్భృఙ్గశ్రేణీవికసితసరోజఆవలియుతాం
తరఙ్గాన్తర్భ్రామ్యన్మకరసఫరీకచ్ఛపకులామ్ ।
జలక్రీడద్రామానుజచరణసంశ్లేషరసికాం
నమామస్త్వాం నిత్యాం సకలగుణయుక్తాం రవిసుతామ్ ॥ ౪ ॥
తరుశ్రేణీకుఞ్జావలిభిరభితః శోభితతటాం
మహోక్షాణాం శృఙ్గావలిభిరభితో మర్దితతటామ్ ।
స్థితాం వృన్దాటవ్యాం సతతమభితః పుష్పితవనాం
నమామస్త్వాం నిత్యాం సకలగుణయుక్తాం రవిసుతామ్ ॥ ౫ ॥
నిశాయాం యస్యాం బిమ్బితమమలతారాగణమహో
విలోక్యోత్కణ్ఠన్తే సకలసఫరా అత్తుమనిశమ్ ।
వికీర్ణం లాజానాం నికరమితి మత్వా సరభసం
నమామస్త్వాం నిత్యాం సకలగుణయుక్తాం రవిసుతామ్ ॥ ౬ ॥
శరన్మేఘచ్ఛాయా సకలమనుజైర్యత్సలిలగా
హరేః స్వస్యామాప్తుం స్నపనమితి బుద్ధ్యా సరభసమ్ ।
కిమాయాతా గర్భే సురసరిదహో తర్క్యత ఇతి
నమామస్త్వాం నిత్యాం సకలగుణయుక్తాం రవిసుతామ్ ॥ ౭ ॥
నృణామీక్షామాత్రాదపి సకలసౌఖ్యం విదధతీ-
మనాయాసేనైవాఖిలభువనభోగ్యం ప్రదదతీమ్ ।
స్వకాన్తీనాం వ్యూహైర్బలభిదుపలం చాపి తుదతీం
నమామస్త్వాం నిత్యాం సకలగుణయుక్తాం రవిసుతామ్ ॥ ౮ ॥
మమైషా విజ్ఞప్తిః పదకమలయోస్తే తరణిజే
బటే హా భాణ్డీరే తవ విమలతీరే నివసతః ।
హరే కృష్ణేత్యుచ్చైరపి చ తవ నామాని గదతః
సదా వృన్దారణ్యే జనని జననం యాతు మమ వై ॥ ౯ ॥
కిమాయాతా కాలః స ఇహ జననే మే హతవిధే-
ర్యదాయాతః కృష్ణో మధుమధురవాఙ్నిర్ఝరజలైః ।
శ్రుతేర్మార్గం సిఞ్చన్కరకమలయుగ్మేన సహసా
మదఙ్గం స్వాఙ్గే హా వ్రతతిమివ వృక్షో గమయితా ॥ ౧౦ ॥
ఇదం స్తోత్రం ప్రాతః పఠతి యమునాయాః ప్రతిదినం
శరీరీ యస్తస్యోపరి భవతి ప్రీతా రవిసుతా ।
హరేః ప్రేష్ఠో భూత్వా హరిచరణభక్తిం చ లభతే
భువో భోగాన్ముక్త్వా వ్రజతి మరణాన్తే హరిపదమ్ ॥ ౧౧ ॥
ఇతి శ్రీవనమాలిశాస్త్రివిరచితం శ్రీయమునాష్టకమ్ ।
– Chant Stotra in Other Languages –
River Yamuna Stotram » Yamunashtakam 7 Lyrics in Sanskrit » English » Bengali » Gujarati » Kannada » Malayalam » Odia » Tamil