॥ Yati Panchakam Bengali Lyrics ॥
॥ য়তিপঞ্চকম্ ॥
বেদান্তবাক্যেষু সদা রমন্তো
ভিক্ষান্নমাত্রেণ চ তুষ্টিমন্তঃ ।
বিশোকবন্তঃ করণৈকবন্তঃ
কৌপীনবন্তঃ খলু ভাগ্যবন্তঃ ॥ ১ ॥
মূলং তরোঃ কেবলমাশ্রয়ন্তঃ
পাণিদ্বয়ং ভোক্তুমমত্রয়ন্তঃ ।
কন্থামিব শ্রীমপি কুত্সয়ন্তঃ
কৌপীনবন্তঃ খলু ভাগ্যবন্তঃ ॥ ২ ॥
দেহাদিভাবং পরিমার্জয়ন্ত
আত্মানমাত্মন্যবলোকয়ন্তঃ ।
নান্তং ন মধ্যং ন বহিঃ স্মরন্তঃ
কৌপীনবন্তঃ খলু ভাগ্যবন্তঃ ॥ ৩ ॥
স্বানন্দভাবে পরিতুষ্টিমন্তঃ
সংশান্তসর্বেন্দ্রিয়দৃষ্টিমন্তঃ ।
অহর্নিশং ব্রহ্মণি য়ে রমন্তঃ
কৌপীনবন্তঃ খলু ভাগ্যবন্তঃ ॥ ৪ ॥
পঞ্চাক্ষরং পাবনমুচ্চরন্তঃ
পতিং পশূনাং হৃদি ভাবয়ন্তঃ ।
ভিক্ষাশনা দিক্ষু পরিভ্রমন্তঃ
কৌপীনবন্তঃ খলু ভাগ্যবন্তঃ ॥ ৫ ॥
ইতি শ্রীমত্পরমহংসপরিব্রাজকাচার্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছঙ্করভগবতঃ কৃতৌ
য়তিপঞ্চক সম্পূর্ণম্ ॥
– Chant Stotra in Other Languages –
Yatipanchakam in Sanskrit – English – Bengali – Gujarati – – Kannada – Malayalam – Odia – Telugu – Tamil