॥ Eka Mukha Hanumath Kavacham Gujarati Lyrics ॥
॥ એકાદશમુખહનુમત્કવચમ્ ॥
શ્રીગણેશાય નમઃ ।
લોપામુદ્રા ઉવાચ ।
કુમ્ભોદ્ભવ દયાસિન્ધો શ્રુતં હનુમતઃ પરમ્ ।
યન્ત્રમન્ત્રાદિકં સર્વં ત્વન્મુખોદીરિતં મયા ॥ ૧ ॥
દયાં કુરુ મયિ પ્રાણનાથ વેદિતુમુત્સહે ।
કવચં વાયુપુત્રસ્ય એકાદશમુખાત્મનઃ ॥ ૨ ॥
ઇત્યેવં વચનં શ્રુત્વા પ્રિયાયાઃ પ્રશ્રયાન્વિતમ્ ।
વક્તું પ્રચક્રમે તત્ર લોપામુદ્રાં પ્રતિ પ્રભુઃ ॥ ૩ ॥
અગસ્ત્ય ઉવાચ ।
નમસ્કૃત્વા રામદૂતાં હનુમન્તં મહામતિમ્ ।
બ્રહ્મપ્રોક્તં તુ કવચં શૃણુ સુન્દરિ સાદરમ્ ॥ ૪ ॥
સનન્દનાય સુમહચ્ચતુરાનનભાષિતમ્ ।
કવચં કામદં દિવ્યં રક્ષઃકુલનિબર્હણમ્ ॥ ૫ ॥
સર્વસમ્પત્પ્રદં પુણ્યં મર્ત્યાનાં મધુરસ્વરે ।
ૐ અસ્ય શ્રીકવચસ્યૈકાદશવક્ત્રસ્ય ધીમતઃ ॥ ૬ ॥
હનુમત્સ્તુતિમન્ત્રસ્ય સનન્દન ઋષિઃ સ્મૃતઃ ।
પ્રસન્નાત્મા હનૂમાંશ્ચ દેવતા પરિકીર્તિતા ॥ ૭ ॥
છન્દોઽનુષ્ટુપ્ સમાખ્યાતં બીજં વાયુસુતસ્તથા ।
મુખ્યઃ પ્રાણઃ શક્તિરિતિ વિનિયોગઃ પ્રકીર્તિતઃ ॥ ૮ ॥
સર્વકામાર્થસિદ્ધ્યર્થં જપ એવમુદીરયેત્ ।
ૐ સ્ફ્રેં-બીજં શક્તિધૃક્ પાતુ શિરો મે પવનાત્મજઃ ॥ ૯ ॥
ક્રૌં-બીજાત્મા નયનયોઃ પાતુ માં વાનરેશ્વરઃ ।
ક્ષં-બીજરૂપઃ કર્ણૌ મે સીતાશોકવિનાશનઃ ॥ ૧૦ ॥
ગ્લૌં-બીજવાચ્યો નાસાં મે લક્ષ્મણપ્રાણદાયકઃ ।
વં-બીજાર્થશ્ચ કણ્ઠં મે પાતુ ચાક્ષયકારકઃ ॥ ૧૧ ॥
ઐં-બીજવાચ્યો હૃદયં પાતુ મે કપિનાયકઃ ।
વં-બીજકીર્તિતઃ પાતુ બાહૂ મે ચાઞ્જનીસુતઃ ॥ ૧૨ ॥
હ્રાં-બીજો રાક્ષસેન્દ્રસ્ય દર્પહા પાતુ ચોદરમ્ ।
હ્રસૌં-બીજમયો મધ્યં પાતુ લઙ્કાવિદાહકઃ ॥ ૧૩ ॥
હ્રીં-બીજધરઃ પાતુ ગુહ્યં દેવેન્દ્રવન્દિતઃ ।
રં-બીજાત્મા સદા પાતુ ચોરૂ વાર્ધિલંઘનઃ ॥ ૧૪ ॥
સુગ્રીવસચિવઃ પાતુ જાનુની મે મનોજવઃ ।
પાદૌ પાદતલે પાતુ દ્રોણાચલધરો હરિઃ ॥ ૧૫ ॥
આપાદમસ્તકં પાતુ રામદૂતો મહાબલઃ ।
પૂર્વે વાનરવક્ત્રો મામાગ્નેય્યાં ક્ષત્રિયાન્તકૃત્ ॥ ૧૬ ॥
દક્ષિણે નારસિંહસ્તુ નૈઋર્ત્યાં ગણનાયકઃ ।
વારુણ્યાં દિશિ મામવ્યાત્ખગવક્ત્રો હરીશ્વરઃ ॥ ૧૭ ॥
વાયવ્યાં ભૈરવમુખઃ કૌબેર્યાં પાતુ માં સદા ।
ક્રોડાસ્યઃ પાતુ માં નિત્યમૈશાન્યાં રુદ્રરૂપધૃક્ ॥ ૧૮ ॥
ઊર્ધ્વં હયાનનઃ પાતુ ગુહ્યાધઃ સુમુખસ્તથા ।
રામાસ્યઃ પાતુ સર્વત્ર સૌમ્યરૂપો મહાભુજઃ ॥ ૧૯ ॥
ઇત્યેવં રામદૂતસ્ય કવચં યઃ પઠેત્સદા ।
એકાદશમુખસ્યૈતદ્ગોપ્યં વૈ કીર્તિતં મયા ॥ ૨૦ ॥
રક્ષોઘ્નં કામદં સૌમ્યં સર્વસમ્પદ્વિધાયકમ્ ।
પુત્રદં ધનદં ચોગ્રશત્રુસંઘવિમર્દનમ્ ॥ ૨૧ ॥
સ્વર્ગાપવર્ગદં દિવ્યં ચિન્તિતાર્થપ્રદં શુભમ્ ।
એતત્કવચમજ્ઞાત્વા મન્ત્રસિદ્ધિર્ન જાયતે ॥ ૨૨ ॥
ચત્વારિંશત્સહસ્રાણિ પઠેચ્છુદ્ધાત્મકો નરઃ ।
એકવારં પઠેન્નિત્યં કવચં સિદ્ધિદં પુમાન્ ॥ ૨૩ ॥
દ્વિવારં વા ત્રિવારં વા પઠન્નાયુષ્યમાપ્નુયાત્ ।
ક્રમાદેકાદશાદેવમાવર્તનજપાત્સુધીઃ ॥ ૨૪ ॥
વર્ષાન્તે દર્શનં સાક્ષાલ્લભતે નાત્ર સંશયઃ ।
યં યં ચિન્તયતે ચાર્થં તં તં પ્રાપ્નોતિ પૂરુષઃ ॥ ૨૫ ॥
બ્રહ્મોદીરિતમેતદ્ધિ તવાગ્રે કથિતં મહત્ ॥ ૨૬ ॥
ઇત્યેવમુક્ત્વા વચનં મહર્ષિસ્તૂષ્ણીં બભૂવેન્દુમુખીં નિરીક્ષ્ય ।
સંહૃષ્ટચિત્તાપિ તદા તદીયપાદૌ નનામાતિમુદા સ્વભર્તુઃ ॥ ૨૭ ॥
॥ ઇત્યગસ્ત્યસારસંહિતાયામેકાદશમુખહનુમત્કવચં સમ્પૂર્ણમ્ ॥
– Chant Stotras in other Languages –
Sri Anjaneya Kavacham » Eka Mukha Hanumath Kavacham Lyrics in Sanskrit » English » Bengali » Kannada » Malayalam » Odia » Telugu » Tamil