॥ Balambika Ashtakam Bengali Lyrics ॥
॥ শ্রীবালাম্বিকাষ্টকম্ ॥
বেলাতিলঙ্ঘ্যকরুণে বিবুধেন্দ্রবন্দ্যে
লীলাবিনির্মিতচরাচরহৃন্নিবাসে ।
মালাকিরীটমণিকুণ্ডল মণ্ডিতাঙ্গে
বালাম্বিকে ময়ি নিধেহি কৃপাকটাক্ষম্ ॥ ১ ॥
কংজাসনাদি-মণিমঞ্জু-কিরীটকোটি-
প্রত্যুপ্তরত্ন-রুচিরঞ্জিত-পাদপদ্মে ।
মঞ্জীরমঞ্জুলবিনির্জিতহংসনাদে
বালাম্বিকে ময়ি নিধেহি কৃপাকটাক্ষম্ ॥ ২ ॥
প্রালেয়ভানুকলিকাকলিতাতিরম্যে
পাদাগ্রজাবলিবিনির্জিতমৌক্তিকাভে ।
প্রাণেশ্বরি প্রমথলোকপতেঃ প্রগল্ভে
বালাম্বিকে ময়ি নিধেহি কৃপাকটাক্ষম্ ॥ ৩ ॥
জঙ্ঘাদিভির্বিজিতচিত্তজতূণিভাগে
রম্ভাদিমার্দবকরীন্দ্রকরোরুয়ুগ্মে ।
শংপাশতাধিকসমুজ্বলচেললীলে
বালাম্বিকে ময়ি নিধেহি কৃপাকটাক্ষম্ ॥ ৪ ॥
মাণিক্যমৌক্তিকবিনির্মিতমেখলাঢ্যে
মায়াবিলগ্নবিলসন্মণি পট্টবন্ধে ।
লোলংবরাজিবিলসন্নবরোমজালে
বালাম্বিকে ময়ি নিধেহি কৃপাকটাক্ষম্ ॥ ৫ ॥
ন্যগ্রোধপল্লবতলোদরনিম্ননাভে
নির্ধূতহারবিলসত্কুচচক্রবাকে ।
নিষ্কাদিমঞ্জুমণিভূষণভূষিতাঙ্গে
বালাম্বিকে ময়ি নিধেহি কৃপাকটাক্ষম্ ॥ ৬ ॥
কন্দর্পচাপমদভঙ্গকৃতাতিরম্যে
ভ্রূবল্লরীবিবিধচেষ্টিত রম্যমানে ।
কন্দর্পসোদরসমাকৃতিফালদেশে
বালাম্বিকে ময়ি নিধেহি কৃপাকটাক্ষম্ ॥ ৭ ॥
মুক্তাবলীবিলসদূর্জিতকম্বুকণ্ঠে
মন্দস্মিতাননবিনির্জিতচন্দ্রবিম্বে ।
ভক্তেষ্টদাননিরতামৃতপূর্ণদৃষ্টে
বালাম্বিকে ময়ি নিধেহি কৃপাকটাক্ষম্ ॥ ৮ ॥
কর্ণাবলম্বিমণিকুণ্ডলগণ্ডভাগে
কর্ণান্তদীর্ঘনবনীরজপত্রনেত্রে ।
স্বর্ণায়কাদিমণিমৌক্তিকশোভিনাসে
বালাম্বিকে ময়ি নিধেহি কৃপাকটাক্ষম্ ॥ ৯ ॥
লোলম্বরাজিললিতালকজালশোভে
মল্লীনবীনকলিকানবকুন্দজালে ।
বালেন্দুমঞ্জুলকিরীটবিরাজমানে
বালাম্বিকে ময়ি নিধেহি কৃপাকটাক্ষম্ ॥ ১০ ॥
বালাম্বিকে মহারাজ্ঞী বৈদ্যনাথপ্রিয়েশ্বরী ।
পাহি মামম্ব কৃপয়া ত্বত্পাদং শরণং গতঃ ॥ ১১ ॥
॥ ইতি স্কান্দে বৈদ্যনাথমাহাত্ম্যে শ্রীবালাম্বিকাষ্টকস্তোত্রং সংপূর্ণম্ ॥
– Chant Stotra in Other Languages –
Goddess Durga Slokam » Sri Balambika Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil