॥ Balambika Ashtakam Gujarati Lyrics ॥
॥ શ્રીબાલામ્બિકાષ્ટકમ્ ॥
વેલાતિલઙ્ઘ્યકરુણે વિબુધેન્દ્રવન્દ્યે
લીલાવિનિર્મિતચરાચરહૃન્નિવાસે ।
માલાકિરીટમણિકુણ્ડલ મણ્ડિતાઙ્ગે
બાલામ્બિકે મયિ નિધેહિ કૃપાકટાક્ષમ્ ॥ ૧ ॥
કંજાસનાદિ-મણિમઞ્જુ-કિરીટકોટિ-
પ્રત્યુપ્તરત્ન-રુચિરઞ્જિત-પાદપદ્મે ।
મઞ્જીરમઞ્જુલવિનિર્જિતહંસનાદે
બાલામ્બિકે મયિ નિધેહિ કૃપાકટાક્ષમ્ ॥ ૨ ॥
પ્રાલેયભાનુકલિકાકલિતાતિરમ્યે
પાદાગ્રજાવલિવિનિર્જિતમૌક્તિકાભે ।
પ્રાણેશ્વરિ પ્રમથલોકપતેઃ પ્રગલ્ભે
બાલામ્બિકે મયિ નિધેહિ કૃપાકટાક્ષમ્ ॥ ૩ ॥
જઙ્ઘાદિભિર્વિજિતચિત્તજતૂણિભાગે
રમ્ભાદિમાર્દવકરીન્દ્રકરોરુયુગ્મે ।
શંપાશતાધિકસમુજ્વલચેલલીલે
બાલામ્બિકે મયિ નિધેહિ કૃપાકટાક્ષમ્ ॥ ૪ ॥
માણિક્યમૌક્તિકવિનિર્મિતમેખલાઢ્યે
માયાવિલગ્નવિલસન્મણિ પટ્ટબન્ધે ।
લોલંબરાજિવિલસન્નવરોમજાલે
બાલામ્બિકે મયિ નિધેહિ કૃપાકટાક્ષમ્ ॥ ૫ ॥
ન્યગ્રોધપલ્લવતલોદરનિમ્નનાભે
નિર્ધૂતહારવિલસત્કુચચક્રવાકે ।
નિષ્કાદિમઞ્જુમણિભૂષણભૂષિતાઙ્ગે
બાલામ્બિકે મયિ નિધેહિ કૃપાકટાક્ષમ્ ॥ ૬ ॥
કન્દર્પચાપમદભઙ્ગકૃતાતિરમ્યે
ભ્રૂવલ્લરીવિવિધચેષ્ટિત રમ્યમાને ।
કન્દર્પસોદરસમાકૃતિફાલદેશે
બાલામ્બિકે મયિ નિધેહિ કૃપાકટાક્ષમ્ ॥ ૭ ॥
મુક્તાવલીવિલસદૂર્જિતકમ્બુકણ્ઠે
મન્દસ્મિતાનનવિનિર્જિતચન્દ્રબિમ્બે ।
ભક્તેષ્ટદાનનિરતામૃતપૂર્ણદૃષ્ટે
બાલામ્બિકે મયિ નિધેહિ કૃપાકટાક્ષમ્ ॥ ૮ ॥
કર્ણાવલમ્બિમણિકુણ્ડલગણ્ડભાગે
કર્ણાન્તદીર્ઘનવનીરજપત્રનેત્રે ।
સ્વર્ણાયકાદિમણિમૌક્તિકશોભિનાસે
બાલામ્બિકે મયિ નિધેહિ કૃપાકટાક્ષમ્ ॥ ૯ ॥
લોલમ્બરાજિલલિતાલકજાલશોભે
મલ્લીનવીનકલિકાનવકુન્દજાલે ।
બાલેન્દુમઞ્જુલકિરીટવિરાજમાને
બાલામ્બિકે મયિ નિધેહિ કૃપાકટાક્ષમ્ ॥ ૧૦ ॥
બાલામ્બિકે મહારાજ્ઞી વૈદ્યનાથપ્રિયેશ્વરી ।
પાહિ મામમ્બ કૃપયા ત્વત્પાદં શરણં ગતઃ ॥ ૧૧ ॥
॥ ઇતિ સ્કાન્દે વૈદ્યનાથમાહાત્મ્યે શ્રીબાલામ્બિકાષ્ટકસ્તોત્રં સંપૂર્ણમ્ ॥
– Chant Stotra in Other Languages –
Goddess Durga Slokam » Sri Balambika Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil