॥ Balambika Ashtakam Telugu Lyrics ॥
॥ శ్రీబాలామ్బికాష్టకమ్ ॥
వేలాతిలఙ్ఘ్యకరుణే విబుధేన్ద్రవన్ద్యే
లీలావినిర్మితచరాచరహృన్నివాసే ।
మాలాకిరీటమణికుణ్డల మణ్డితాఙ్గే
బాలామ్బికే మయి నిధేహి కృపాకటాక్షమ్ ॥ ౧ ॥
కంజాసనాది-మణిమఞ్జు-కిరీటకోటి-
ప్రత్యుప్తరత్న-రుచిరఞ్జిత-పాదపద్మే ।
మఞ్జీరమఞ్జులవినిర్జితహంసనాదే
బాలామ్బికే మయి నిధేహి కృపాకటాక్షమ్ ॥ ౨ ॥
ప్రాలేయభానుకలికాకలితాతిరమ్యే
పాదాగ్రజావలివినిర్జితమౌక్తికాభే ।
ప్రాణేశ్వరి ప్రమథలోకపతేః ప్రగల్భే
బాలామ్బికే మయి నిధేహి కృపాకటాక్షమ్ ॥ ౩ ॥
జఙ్ఘాదిభిర్విజితచిత్తజతూణిభాగే
రమ్భాదిమార్దవకరీన్ద్రకరోరుయుగ్మే ।
శంపాశతాధికసముజ్వలచేలలీలే
బాలామ్బికే మయి నిధేహి కృపాకటాక్షమ్ ॥ ౪ ॥
మాణిక్యమౌక్తికవినిర్మితమేఖలాఢ్యే
మాయావిలగ్నవిలసన్మణి పట్టబన్ధే ।
లోలంబరాజివిలసన్నవరోమజాలే
బాలామ్బికే మయి నిధేహి కృపాకటాక్షమ్ ॥ ౫ ॥
న్యగ్రోధపల్లవతలోదరనిమ్ననాభే
నిర్ధూతహారవిలసత్కుచచక్రవాకే ।
నిష్కాదిమఞ్జుమణిభూషణభూషితాఙ్గే
బాలామ్బికే మయి నిధేహి కృపాకటాక్షమ్ ॥ ౬ ॥
కన్దర్పచాపమదభఙ్గకృతాతిరమ్యే
భ్రూవల్లరీవివిధచేష్టిత రమ్యమానే ।
కన్దర్పసోదరసమాకృతిఫాలదేశే
బాలామ్బికే మయి నిధేహి కృపాకటాక్షమ్ ॥ ౭ ॥
ముక్తావలీవిలసదూర్జితకమ్బుకణ్ఠే
మన్దస్మితాననవినిర్జితచన్ద్రబిమ్బే ।
భక్తేష్టదాననిరతామృతపూర్ణదృష్టే
బాలామ్బికే మయి నిధేహి కృపాకటాక్షమ్ ॥ ౮ ॥
కర్ణావలమ్బిమణికుణ్డలగణ్డభాగే
కర్ణాన్తదీర్ఘనవనీరజపత్రనేత్రే ।
స్వర్ణాయకాదిమణిమౌక్తికశోభినాసే
బాలామ్బికే మయి నిధేహి కృపాకటాక్షమ్ ॥ ౯ ॥
లోలమ్బరాజిలలితాలకజాలశోభే
మల్లీనవీనకలికానవకున్దజాలే ।
బాలేన్దుమఞ్జులకిరీటవిరాజమానే
బాలామ్బికే మయి నిధేహి కృపాకటాక్షమ్ ॥ ౧౦ ॥
బాలామ్బికే మహారాజ్ఞీ వైద్యనాథప్రియేశ్వరీ ।
పాహి మామమ్బ కృపయా త్వత్పాదం శరణం గతః ॥ ౧౧ ॥
॥ ఇతి స్కాన్దే వైద్యనాథమాహాత్మ్యే శ్రీబాలామ్బికాష్టకస్తోత్రం సంపూర్ణమ్ ॥
– Chant Stotra in Other Languages –
Goddess Durga Slokam » Sri Balambika Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil