॥ Sri Krishna Ashtottara Shatanama Stotram Telugu Lyrics ॥
శ్రీకృష్ణాష్టోత్తరశతనామస్తోత్రమ్
శ్రీగణేశాయ నమః ।
ఓం అస్య శ్రీకృష్ణాష్టోత్తరశతనామస్తోత్రస్య శ్రీశేష ఋషిః,
అనుష్టుప్-ఛన్దః, శ్రీకృష్ణో దేవతా, శ్రీకృష్ణప్రీత్యర్థే
శ్రీకృష్ణాష్టోత్తరశతనామజపే వినియోగః ।
శ్రీశేష ఉవాచ ।
ఓం శ్రీకృష్ణః కమలానాథో వాసుదేవః సనాతనః ।
వాసుదేవాత్మజః పుణ్యో లీలామానుషవిగ్రహః ॥ ౧ ॥
శ్రీవత్సకౌస్తుభధరో యశోదావత్సలో హరిః ।
చతుర్భుజాత్తచక్రాసిగదాశఙ్ఖామ్బుజాయుధః ॥ ౨ ॥
దేవకీనన్దనః శ్రీశో నన్దగోపప్రియాత్మజః ।
యమునావేగసంహారీ బలభద్రప్రియానుజః ॥ ౩ ॥
పూతనాజీవితహరః శకటాసురభఞ్జనః ।
నన్దవ్రజజనానన్దీ సచ్చిదానన్దవిగ్రహః ॥ ౪ ॥
నవనీతనవాహారీ ముచుకున్దప్రసాదకః ।
షోడశస్త్రీసహస్రేశస్త్రిభఙ్గో మధురాకృతిః ॥ ౫ ॥
శుకవాగమృతాబ్ధీన్దుర్గోవిన్దో గోవిదామ్పతిః ।
వత్సపాలనసఞ్చారీ ధేనుకాసురభఞ్జనః ॥ ౬ ॥
తృణీకృతతృణావర్తో యమలార్జునభఞ్జనః ।
ఉత్తాలతాలభేత్తా చ తమాలశ్యామలాకృతిః ॥ ౭ ॥
గోపీగోపీశ్వరో యోగీ సూర్యకోటిసమప్రభః ।
ఇలాపతిః పరంజ్యోతిర్యాదవేన్ద్రో యదూద్వహః ॥ ౮ ॥
వనమాలీ పీతవాసాః పారిజాతాపహారకః ।
గోవర్ధనాచలోద్ధర్తా గోపాలః సర్వపాలకః ॥ ౯ ॥
అజో నిరఞ్జనః కామజనకః కఞ్జలోచనః ।
మధుహా మథురానాథో ద్వారకానాయకో బలీ ॥ ౧౦ ॥
వృన్దావనాన్తసఞ్చారీ తులసీదామభూషణః ।
స్యమన్తకమణేర్హర్తా నరనారాయణాత్మకః ॥ ౧౧ ॥
కుబ్జాకృష్ణామ్బరధరో మాయీ పరమపూరుషః ।
ముష్టికాసురచాణూరమహాయుద్ధవిశారదః ॥ ౧౨ ॥
సంసారవైరీ కంసారిర్మురారిర్నరకాన్తకః ।
అనాదిర్బ్రహ్మచారీ చ కృష్ణావ్యసనకర్షకః ॥ ౧౩ ॥
శిశుపాలశిరచ్ఛేత్తా దుర్యోధనకులాన్తకృత ।
విదురాక్రూరవరదో విశ్వరూపప్రదర్శకః ॥ ౧౪ ॥
సత్యవాక్ సత్యసఙ్కల్పః సత్యభామారతో జయీ ।
సుభద్రాపూర్వజో విష్ణుర్భీష్మముక్తిప్రదాయకః ॥ ౧౫ ॥
జగద్గురుర్జగన్నాథో వేణువాద్యవిశారదః । వేణునాదవిశారదః
వృషభాసురవిధ్వంసీ బకారిర్బాణబాహుకృత్ ॥ ౧౬ ॥ var బాణాసురబలాన్తకృత్ ॥
యుధిష్ఠిరప్రతిష్ఠాతా బర్హిబర్హావతంసకః ।
పార్థసారథిరవ్యక్తో గీతామృతమహోదధిః ॥ ౧౭ ॥
కాలీయఫణిమాణిక్యరఞ్జితశ్రీపదామ్బుజః ।
దామోదరో యజ్ఞభోక్తా దానవేన్ద్రవినాశనః ॥ ౧౮ ॥
నారాయణః పరమ్బ్రహ్మ పన్నగాశనవాహనః ।
జలక్రీడాసమాసక్తగోపీవస్త్రాపహారకః ॥ ౧౯ ॥
పుణ్యశ్లోకస్తీర్థకరో వేదవేద్యో దయానిధిః ।
సర్వతీర్థాత్మకః సర్వగ్రహరూపీ పరాత్పరః ॥ ౨౦ ॥
ఇత్యేవం కృష్ణదేవస్య నామ్నామష్టోత్తరం శతమ్ ।
కృష్ణేన కృష్ణభక్తేన శ్రుత్వా గీతామృతం పురా ॥ ౨౧ ॥
స్తోత్రం కృష్ణప్రియకరం కృతం తస్మాన్మయా పురా ।
కృష్ణనామామృతం నామ పరమానన్దదాయకమ్ ॥ ౨౨ ॥
అనుపద్రవదుఃఖఘ్నం పరమాయుష్యవర్ధనమ్
దానం శ్రుతం తపస్తీర్థం యత్కృతం త్విహ జన్మని ॥ ౨౩ ॥
పఠతాం శృణ్వతాం చైవ కోటికోటిగుణం భవేత్ ।
పుత్రప్రదమపుత్రాణామగతీనాం గతిప్రదమ్ ॥ ౨౪ ॥
ధనావహం దరిద్రాణాం జయేచ్ఛూనాం జయావహమ్ ।
శిశూనాం గోకులానాం చ పుష్టిదం పుష్టివర్ధనమ్ ॥ ౨౫ ॥
వాతగ్రహజ్వరాదీనాం శమనం శాన్తిముక్తిదమ్ ।
సమస్తకామదం సద్యః కోటిజన్మాఘనాశనమ్ ॥ ౨౬ ॥
అన్తే కృష్ణస్మరణదం భవతాపభయాపహమ్ ।
కృష్ణాయ యాదవేన్ద్రాయ జ్ఞానముద్రాయ యోగినే ।
నాథాయ రుక్మిణీశాయ నమో వేదాన్తవేదినే ॥ ౨౭ ॥
ఇమం మన్త్రం మహాదేవి జపన్నేవ దివానిశమ్ ।
సర్వగ్రహానుగ్రహభాక్ సర్వప్రియతమో భవేత్ ॥ ౨౮ ॥
పుత్రపౌత్రైః పరివృతః సర్వసిద్ధిసమృద్ధిమాన్ ।
నిర్విశ్య భోగానన్తేఽపి కృష్ణసాయుజ్యమాప్యునాత్ ॥ ౨౯ ॥
॥ ఇతి శ్రీనారదపఞ్చరాత్రే శ్రీకృష్ణాష్టోత్తరశతనామస్తోత్రం సమాప్తమ్ ॥
– Chant Stotra in Other Languages –
Sri Vishnu Stotram » Sri Krishna Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Odia » Tamil