॥ Gakaradi Goraksh Sahasranama Stotram Gujarati Lyrics ॥
॥ গকারাদিশ্রীগোরক্ষসহস্রনামস্তোত্রম্ ॥
শ্রীনাথায় নমো গুরবে
দেয়া দ্বো মঙ্গলানাং ভুবি ততিমনিশং য়স্য দৃক্পাতমাত্র
প্রাদুর্ভূতপ্রভাবা দ্রচয়তি ভুবনং বিশ্বয়োনিঃ সমগ্রম্ ।
ক্ষোণীভারং বিধত্তে শিরসি ফণিপত্তিঃ শম্ভুরতি প্রপঞ্চং
সোঽয়ং শ্রীআদিনাথঃ সুরনিকরশিরোরত্ননীরাজিতাঙ্ঘ্রিঃ ॥ ১ ॥
অহো ! নমঃ শ্রীয়ুতপাদপদ্মং মত্স্যেন্দ্রনাথস্য মনোজ্ঞমূর্তেঃ ।
সাপত্ন্যভাবং প্রবিহায় য়ত্র চক্রে নিবাসং কমলা চ গীশ্চ ॥ ২ ॥
য়শ্চাদৌ পদ্ময়োনির্বিসৃজতি নিখিলং স্বস্বকর্মানুকূলং
য়শ্চান্তে রুদ্রনামা প্রলয় ইব জনং মোহলীনং করোতি ।
য়ঃ স্থানে বিষ্ণুদেহস্ত্রিজগদবনকৃত্ সিদ্ধয়োগাত্মকোঽসৌ
গোরক্ষো বাঞ্ছিতানাং ততিমনবরতং বঃ প্রদেয়াত্ ত্রিমূর্তিঃ ॥ ৩ ॥
অথ সহস্রনামস্তোত্রম্ ॥
গোরক্ষানিপুণো গুহ্যো গোভারার্তিনিষূদনঃ ।
গীর্বাণাদারাতিবিদ্রাবী গোপদানুগতির্গুণী ॥ ৪ ॥
গোভাস্বান্ গণ্ডমুদ্রশ্চ গুণবদ্ ব্যূহমানদঃ ।
গোবৃত্তিদশ্চ গোরাজো গোলোকাবাসিপূজিতঃ ॥ ৫ ॥
গুহ্যকপ্রেতক্রব্যাদশাকিনী গ্রহভঞ্জকঃ ।
গতোপসর্গো গ্রন্থজ্ঞো গৌরভূতিবিভূষিতঃ ॥ ৬ ॥
গোরাঙ্গো গণ্ডমুদ্রাস্যো গৌতমীনাথ এব চ ।
গন্ধাত্মা গৌতমত্রাতা গুরুতত্ত্বার্থপারভৃত্ ॥ ৭ ॥
গোরণ্ণাথোং গবাংনাথো গোমান্ গোব্রহ্মপালকঃ ।
গতক্রূরো গভীরাত্মা গভস্তিশতচক্রভৃত্ ॥ ৮ ॥
গণপো গণনাথশ্চ গণস্বামী গিরিপ্রিয়ঃ ।
গুরুদয়ো গুরুপ্রার্চ্যো গুরুদেবো গবেষকঃ ॥ ৯ ॥
গগনো গতিমান্ গৌরতেজা গম্ভীরশুদ্ধভূঃ ।
গতপাপ্মা চ গ্রন্থাগ্র্যো গ্রামবাসিজনার্থদঃ ॥ ১০ ॥
গুরুভর্গো গতব্যগ্রো গ্রহপীডাদিঘস্মরঃ ।
গ্রামরক্ষণসন্দক্ষা গর্বকক্ষহুতাশনঃ ॥ ১১ ॥
গর্মুদদ্ভুতরূপাঢ্যো গান্ধর্বীভীভয়াত্মকঃ ।
গীর্বাণেতরগোত্রঘ্নো গণেশাশেষদর্পহা ॥ ১২ ॥
গীর্বাণগণদুর্দর্শো গোব্রহ্মভয়ভঞ্জনঃ ।
গতক্ষোভো গ্রন্থনেতা গূঢকালয়মান্তক ॥ ১৩ ॥
গ্রস্তাসাধ্যমহারোগো গুণবন্মহদর্থদঃ ।
গুরুধর্মাগ্রগণ্যাত্মা গ্রহপীডাদিমর্দকঃ ॥ ১৪ ॥
গুণাকারো গুণান্তঃস্থো গুণত্রয়নিষেধকৃত্ ।
গোকোটি গ্রোগ্রহেশানো গ্রস্তমায়ো গদপ্রিয়ঃ ॥ ১৫ ॥
গুণ্যাক্ষরো গবিষ্ঠশ্চ গ্লানিহা গ্লানিবারকঃ ।
গুহাশাপূরকো গণ্যো গোপতাপনিরাকরঃ ॥ ১৬ ॥
গঙ্গাধরেষ্টমন্ত্রাত্মা গুহাগূঢো গতভ্রমঃ ।
গোপকো গতসর্বাধির্গতিজ্যেষ্ঠো গুহাক্ষরঃ ॥ ১৭ ॥
গতভাবো গতাভাবো গতাবিদ্যো গুণাগ্রহঃ ।
গুহাধ্যেয়ো গুহাজ্ঞেয়ো গাঢাঙ্গো গূঢবিগ্রহঃ ॥ ১৮ ॥
গ্লাস্নুতাপাপহর্তো চ গঙ্গাধরপরেশ্বরঃ ।
গুরুর্জিতপ্রিয়াকারো গ্লানম্লানিনিষূদকঃ ॥ ১৯ ॥
গভস্তি গর্বসংহর্তা গোকশ্মলনিরাসকৃত্ ।
গাতৃগীতো গুণাগারো গুহাশায়ী গণাগ্রণীঃ ॥ ২০ ॥
গুহাকমলমার্তণ্ডো গৌণদুস্সহভাবনঃ ।
গ্রন্থসংশয়সংহর্তা গুরুমত্স্যেন্দ্রশিক্ষিতঃ ॥ ২১ ॥
গুণাগ্রণ্যোঽথ গন্ধেষ্টো গিরিনারনিজাসনঃ ।
গণকপ্রবণাগ্রণ্যো গদাধরভয়াপহা ॥ ২২ ॥
গীর্বাণদুস্সহদ্যোতো গভীরো গতিরোচনঃ ।
গভস্তিকোটিসত্তেজা গন্ধবাহাদিকপ্লবঃ ॥ ২৩ ॥
গুরুক্রমো গণাধীশো গৌরস্যো গুণভূষিতঃ ।
গণপ্রাজ্ঞো গণশ্লাঘ্যো গণসংবিদ্গণাগ্র্যভূঃ ॥ ২৪ ॥
গুণাতীতোঽথ গুণভৃদ্ গুণতত্ত্বার্থবিদ্বিভুঃ ।
গুণস্ত্রষ্টা গণেশশ্চ গণদেববরপ্রদঃ ॥ ২৫ ॥
গ্রন্থারম্ভশ্চ গ্রন্থান্তো গ্রন্থকৃদ্ গ্রন্থপারদৃক্ ।
গন্তব্যো গ্রন্থপারীণো গ্রন্থান্তর্যামিগুম্ফকঃ ॥ ২৬ ॥
গতপাণির্গতাঙ্ঘ্রিশ্চ গ্রহোতা গতিসর্বভৃত্ ।
গুপ্তচক্ষুর্গুণালোকো গ্রন্থদ্রষ্টা গুণশ্রুতিঃ ॥ ২৭ ॥
গুরুসংসারদুঃখঘ্নো গৌরভাস্বত্সুশোমনঃ ।
গৌরলক্ষণসংলক্ষ্যো গুরুদ্রোহিবহিষ্করঃ ॥ ২৮ ॥
গুণাচ্ছেদ্যবপুর্গম্যো গুণমাহাত্ম্যবেদিতঃ ।
গৌরভূর্গৌরিমুদ্রশ্চ গলব্যালোপবীতকঃ ॥ ২৯ ॥
গোমতীতীরতাপঘ্নো গুর্বীচ্ছাদো গবেষকৃত্ ।
গৌতমাপত্তিহর্তা চ গোমতীপদপাবনঃ ॥ ৩০ ॥
গৌঘৃষ্ণির্গুরুজ্ঞাতো গৌরজ্ঞানোপদেশকঃ ।
গোমদ্বাসিজনানন্দো গুরুবিজ্ঞানসংস্কৃতঃ ॥ ৩১ ॥
গবাম্ভর্তার্থ গোনাথো গোপনাথেননাথিতঃ ।
গোষ্ঠপ্রিয়ো গবাধারো গোধুগ্ গোগুব্ গুহাদরঃ ॥ ৩২ ॥
গোত্রভিত্পূজিতাঙ্ঘ্রিশ্চ গৌতমাশ্রমখেদহৃত ।
গোমন্নাথো গুণাভেদ্যো হাবাসী গ্রহাগ্রহঃ ॥ ৩৩ ॥
গ্রন্থাদ্যো গ্রন্থভাষার্থো গ্রন্থসারার্থবিদ্বরঃ ।
গুহাকঞ্জাশয়ো গোদৃগ্ গ্রন্থসিদ্ধান্তশাশ্বতঃ ॥ ৩৪ ॥
গৌরহৃত্কঞ্জাসংবাসী গায়কেষ্টফলার্থদঃ ।
গন্ধর্বপালিবর্ষিষ্ঠো গুণানন্তবিলাসয়ুক্ ॥ ৩৫ ॥
গন্ধানুলিপ্তদিব্যাঙ্গো গুণনাথো গুণিপ্রিয়ঃ ।
গিরীশার্চিতপাদাব্জো গোসর্পিঃপানচঞ্চলঃ ॥ ৩৬ ॥
গঙ্গাবীচিবিধৌতোত্ত মাতঙ্গশ্চ গতবিজ্বরঃ ।
গন্ধর্ববেদসম্পন্নো গুণরক্ষো গণৈকদৃক্ ॥ ৩৭ ॥
গুণগ্রামো গুণারামো গাননাথো গণাক্ষয়ঃ ।
গুরুশাস্ত্রার্থনৈপুণ্যো গুণোত্তীর্ণো গদাগ্রণীঃ ॥ ৩৮ ॥
গুরুসন্দেহসঞ্ছেত্তা গুহ্যয়োগপ্রদীপকঃ ।
গুহ্যার্কো গুরুনাথশ্চ গোত্রকেতুর্গতক্লমঃ ॥ ৩৯ ॥
গীতাগীতবিশেষজ্ঞো গোকষ্টশতশাতকঃ ।
গোচরো গ্রন্থবিধ্নঘ্নো গর্বমানবিভঞ্জনঃ ॥ ৪০ ॥
গবীশো গৌরভূর্গোমী গর্ভস্থপরিপালকঃ ।
গোকালশেশ্সম্পায়ী গোপীয়ূষসুখাসনঃ ॥ ৪১ ॥
গির্যরণ্যাশ্রমস্থায়ী গোকোটিপায়সাদনঃ ।
গর্গশাস্ত্রপ্রবীণাত্মা গর্গশাস্ত্রার্থসিদ্ধদিঃ ॥ ৪২ ॥
গরীয়ান্ গুণসম্পন্নো গৃহিসন্তাপমোচনঃ ।
গর্ভত্রাতা চ গৃষ্টীশো গোগৃষ্টিগণপালকঃ ॥ ৪৩ ॥
গিরিনারগুহাবাসী গীর্বাণাগমসর্ববিত্ ।
গোষ্ঠপ্রিয়ো গীতাশানো গজাশ্বান্তবিভূতিদঃ ॥ ৪৪ ॥
গবেন্দ্রো গানসংবেদ্যো গীর্বাণগণসংস্তুতঃ ।
গঙ্গাতীরপ্রিয়াবাসো গন্ধাকৃষ্টমধুব্রতঃ ॥ ৪৫ ॥
গৌরয়োগপ্রসন্নাত্মা গণানীকশুভাবহঃ ।
গলশোভিবৃহন্নোদো গুম্ফপ্রণয়পণ্ডিতঃ ॥ ৪৬ ॥
গূঢোঽত্মা? গণকাগ্রণ্যো গিরিরৈবতবাসকৃত্ ।
গিরিরৈবততাপঘ্নো গিরিরৈবতপালকঃ ॥ ৪৭ ॥
গির্যর্বুদশিরঃস্থায়ী গির্যর্বুদসদাচরঃ ।
গির্যর্বুদশিরঃস্থাতা গির্যর্বুদসুখাসনঃ ॥ ৪৮ ॥
গুজারিশতবিক্রান্তো কীতকীর্তির্গুরুদ্যুতিঃ ।
গুহার্থদো গুহস্বামী গবীশো গোভয়াপহঃ ॥ ৪৯ ॥
গুণ্যালয়ো গুরুশ্রেয়ান্ গুরুহত্যাবিমোচনঃ ।
গুণোত্কর্ষো গুণাধ্যক্ষো গুণ্যেতরনিষেধকৃত্ ॥ ৫০ ॥
গ্রন্থনির্মাণচাতুর্যো গুহাব্যাপী গতশ্রমঃ ।
গ্রন্থাথবৃদ্ধিকৃদ্ গোভৃদ্ গৌরবাময়ধগ্ গুরুঃ ॥ ৫১ ॥
গ্রন্থরূঢার্থসর্বজ্ঞো গূঢয়োগার্থকুঞ্চিভৃদ্ ।
গূঢনামা গতিশ্রেষ্ঠো গোস্বামী গোভয়াপহা ॥ ৫২ ॥
গূঢবর্ণসমাম্নায়ো গ্রন্থসন্দর্ভভাববিত্ ।
গোধীরো গহনো গোমী গোত্রাভারনিরাকরঃ ॥ ৫৩ ॥
গুরুপুত্রেষ্টসংয়োক্তা গৌরবিদ্যো গ্রহাগ্রণীঃ ।
গুণাচিন্ত্যো গুণানন্তো গুণচিন্ময়লক্ষণঃ ॥ ৫৪ ॥
গুরুপমাদিসন্নাথো গুরুগোরক্ষসংজ্ঞিতঃ ।
গোত্রভিদ্ভয়বিদ্রাবী গৌরয়োগসুধানিধিঃ ॥ ৫৫ ॥
গতরোগো গবামীশো গুণবদ্গণপূজিত ।
গুণভূর্গাননৈপুণ্যো গ্রন্থভূর্গোবিদাঙ্গতিঃ ॥ ৫৬ ॥
গুণচ্ছাদ্মা চ গ্রন্থেষ্টো গ্রন্থাধারো গতিশ্রিতঃ ।
গ্রন্থবন্মানদো গোপ্যো গুণনেত্রসমুজ্জ্বলঃ ॥ ৫৭ ॥
গুপ্তবস্তুর্গণেষানো গুণান্তর্ভূতচিন্ময়ঃ ।
গণরাজো গণস্নেহো গুরুদেবপুরাতনঃ ॥ ৫৮ ॥
গৃহিতো গুণবান্ গোপো গুরুধামা গুরুত্তমঃ ।
গুণবিচ্ছিষ্যশন্দায়ী গোত্রভিত্ প্রাণবল্লভঃ ॥ ৫৯ ॥
গুরুয়োগাসনস্থাতা গুরুভাববিভাষণঃ ।
গীতনাদপ্রসন্নাত্মা গীতলীলো গুরুক্রমঃ ॥ ৬০ ॥
গুরুশ্রীর্গুপ্তধামা চ গ্রথিতো গুহ্যয়োগভূঃ ।
গুরুব্যবসিতোত্কৃষ্টবুদ্ধিয়োগপ্রদায়কঃ ॥ ৬১ ॥
গ্রন্থাদ্দীপোঽথ গুণধৃগ্ গুণকৃদ গুণহৃদ্ গুহঃ ।
গুণাবির্ভূতব্রহ্মাণ্ডো গুণমন্যো গুণোর্জিতঃ ॥ ৬২ ॥
গ্রন্থকৃদীষ্টশন্দাতা গুরুপাশাপহো গতিঃ ।
গৌরসত্যাব্যয়ানন্তো গুরুব্রহ্মাদ্বিতীয়কঃ ॥ ৬৩ ॥
গৌরঘৃষ্ণিপ্রভাদীপ্তো গোত্রবৃন্দভয়াপহঃ ।
গোত্রাগোত্রপ্রভুর্গোত্রবরো গন্ধী গতাশয়ঃ ॥ ৬৪ ॥
গূঢবেদার্থসংবেদ্যো গূঢোপনিষদব্যয়ঃ ।
গুরুমত্স্যমহেশানো গুরুমত্স্যেন্দ্রনন্দনঃ ॥ ৬৫ ॥
গম্যার্থো গৌরগন্ধাপ্তো গন্ধর্বানীকনায়কঃ ।
গীণির্চিতপাদাব্জো গীর্বাণানাকনন্দন ॥ ৬৬ ॥
গুডাকেশগতির্গন্ধোত্কৃষ্টো গন্ধর্বরাজভাঃ ।
গুডকেশসমারাধ্যো গন্ধর্ববরবীজিতঃ ॥ ৬৭ ॥
গিরিত্রো গৌশ্চ গীস্ত্রাতা গিরিত্রাভীষ্টদায়কঃ ।
গৃহীতগুণগো গাথী গর্ভগুব্ গেয়কৃন্মুদঃ ॥ ৬৮ ॥
গুণাহিতকুলত্রাসো গণাধারো গণৈকপাত্ ।
গম্ভীরাপ্রাকৃতজ্যোতির্গম্ভীরাস্যো গবাদৃতিঃ ॥ ৬৯ ॥
গম্ভীরনিম্ননাভিশ্চ গম্ভীরজলদধ্বনিঃ ।
গতজন্মজরামৃত্যুর্গন্ধর্বত্কঞ্জমুণ্মুখঃ ॥ ৭০ ॥
গম্ভীরানন্তশুদ্ধাত্মা গর্ভাবাসবিনাশকৃত্ ।
গম্ভীরপদবিন্যাসো গীর্বাণভয়নাশকঃ ॥ ৭১ ॥
গোপেশোঽথ গৃহস্বামী গোগোপনপরায়ণঃ ।
গজাজিনপরিশ্লিষ্টো গোপথানু প্রবর্তকঃ ॥ ৭২ ॥
গজার্যজিনসংবীতো গৌরয়োগবিদাংবরঃ ।
গুরুসিদ্ধো গুহাগারো গৃহী গ্রামপুরাদিপাঃ ॥ ৭৩ ॥
গভস্তিকর্ণমুদ্রাস্যো গুর্বনুজ্ঞাপ্রপালকঃ ।
গুরুদৈত্যকুলোচ্ছেত্তা গৌরব গ্র্যোহি গোশিবঃ ॥ ৭৪ ॥
গর্তার্তির্গতসংসারো গতদর্পো গতজ্বরঃ ।
গতাহঙ্কারবৈচিত্যো গতসঙ্কল্পকল্পনঃ ॥ ৭৫ ॥
গন্ধর্বারাধিতাঙ্ধ্যব্জয়ুগ্মশ্চৈব গিরীশ্বরঃ ।
গ্রন্থবান্ গ্রন্থবক্তা চ গ্রন্থকৃদ্বৃন্দবন্দিতঃ ॥ ৭৬ ॥
গীর্জন্মা গূঢবিচ্ছোষ্ঠো গুরুবাত্সল্যধৃগ্ গতিঃ ।
গুরুভীতিপ্রমর্দী চ গুর্বর্তিবৃন্দভেদকঃ ॥ ৭৭ ॥
গূহো গূঢতমো গুপ্তো গীষ্পতির্গীতিনায়কঃ ।
গম্ভীরীগন্ধসংল্লুব্ধো গ্রন্থলোলাল্যলঙ্কৃতঃ ॥ ৭৮ ॥
গোপো গোপ্যতরো গৃহ্যো গুণ্যশৃঙ্গিনিনাদভৃতঃ ।
গুপ্তাগুপ্তো গ্রন্থবলো গ্রন্থার্থপ্রতিপাদিতঃ ॥ ৭৯ ॥
গণকপ্রীতিকৃদ্ গর্গদেবো গর্গাদিসত্কৃতঃ ।
গোরক্ষগণকাগ্রাণ্যো গোরক্ষাবলিকৃত্তমঃ ॥ ৮০ ॥
গ্রন্থপারায়ণপ্রাপ্যো গুহ্যগ্রন্থার্থদীপকঃ ।
গৌরয়োগার্থতত্ত্বজ্ঞো গুরুবেদনিরূপিতঃ ॥ ৮১ ॥
গণরাডর্চিতো নিত্যং গোবিন্দার্যসমৃতিপদঃ ।
গোবিন্দেষ্টপ্রিয়াদাতা গৌরাপারপরাক্রমঃ ॥ ৮২ ॥
গোবিন্দাত্মা চ গম্ভীরো গীঃপ্রিয়ঙ্কর এব চ ।
গূঢজত্রুর্গ্রস্তশোকো গুণগণ্যো গুণলকঃ ॥ ৮৩ ॥
গ্রন্থপ্রয়োজকো গৌরমর্যাদো গ্রন্থকেতনঃ ।
গ্রন্থার্থদ্যোতকো গোদো গ্রন্থসিদ্ধান্তভাস্করঃ ॥ ৮৪ ॥
গায়কপ্রবরপ্রেষ্ঠো গায়কেষ্টার্থদায়কঃ ।
গায়কবাদকানর্তকার্যকানন্দমুক্তিদঃ ॥ ৮৫ ॥
গোঙ্কারবীজসংশ্লিষ্টো গুহ্যসোঽহংশিবাত্মকঃ ।
গুরুশিষ্যার্থিতার্থজ্ঞো গৌরহংসো গুণাবৃতঃ ॥। ৮৬ ॥
গন্ধর্বদেবসেব্যাঙ্ঘ্রির্গন্ধর্বপরমেশ্বরঃ ।
গৌরসিদ্ধো গুণাবশ্যো গৌরধর্মজ্ঞ এব চ ॥ ৮৭ ॥
গুডাকাহৃদ্ গোপরেশো গিরাত্মা গীঃপ্রিয়ংবদঃ ।
গালবর্ষিপ্রিয়াপাদ্যো গোষ্ঠাময়বিধস্মরঃ ॥ ৮৮ ॥
গায়ত্রীমন্ত্রবিদ্বেদ্যো গোচরপ্রিয়বর্ধনঃ ।
গমকো গৌতমো গাতা গতিয়াথার্থ্যয়োগকৃত ॥ ৮৯ ॥
গোকর্ণারণ্যসংরন্তা গোকর্ণাশ্রমবন্দিতঃ ।
গান্ধারনির্ভয়ারামো গান্ধারক্ষোণিপালকঃ ॥ ৯০ ॥
গুপ্তার্থদো গুণাগম্যো গ্রন্থপ্রকটপৌরুষঃ ।
গতিভৃদ্ গম্যমূর্তিশ্চ গুণাদিশিবসংশ্রুতঃ ॥ ৯১ ॥
গিরাগম্যো গবামীশো গিরর্থার্থো গিরাংবরঃ ।
গৃহীতগুণবল্লীলো গানবিজ্ঞানপারদঃ ॥ ৯২ ॥
গব্যাপালো গণশ্রীশো গোস্বয়ম্ভূর্গণেষ্টভূঃ ।
গণনাথো গৃহানিষ্ঠো গানো গানো গমাত্মকঃ ॥ ৯৩ ॥
গুণাগুণগণাতীতো গুণত্রয়বিভাবনঃ ॥
গোত্রাচারপ্রিয়ো গোত্রো গোত্রানাথো গুণাকরঃ ॥ ৯৪ ॥
গায়মানপ্রিয়ো গ্লৌভৃদ্ গীতাঙ্গো গীতপেশলঃ ।
গানসামসমাগেয়ো গণদুষ্কৃতনাশনঃ ॥ ৯৫ ॥
গীর্বাণভাষাসম্ভাষ্যো গ্রীবাগরলশেষভৃত্ ।
গণরাজাধিরাজশ্চ গতিমান্ গণবান্ গণী ॥ ৯৬ ॥
গুণসৃগ্ গতিধৃগ্ গেয়ো গর্ববদ্দুঃখকৃত্তমঃ ।
গুণভ্রাজো গণশ্রেষ্ঠো গুণকৃদ্ গুণহৃদ্ গৃহঃ ॥ ৯৭ ॥
গুরুজ্ঞানো গুণাভ্ভোধির্গুহাধামা গণপ্রভুঃ ।
গোপ্যমূর্তির্গুহীতার্থো গৃহীতগুণবজ্জগত্ ॥ ৯৮ ॥
গোত্রাপালকপালেষ্টো গাননাদজ্ঞমন্মথঃ ।
গোপস্তোমপ্রিয়ানন্দো গৌরস্বাধ্যায়বেদিতঃ ॥ ৯৯ ॥।
গোত্রাল্হাদকমূর্তিশ্চ গুণতত্ত্ববিবেককৃত্ ।
গোবেদ্যো গোঽর্থবিদ্ গদ্যো গদ্যভাষাপ্রভাষণঃ ॥ ১০০ ॥
গতোর্মিষট্কবর্ষিষ্ঠো গুণষট্কপ্রধানজিত্ ।
গতকারণকার্যশ্চ গতসাম্যাতিশায়কঃ ॥ ১০১ ॥
গতসর্বাবতারত্বাবতারিভেদকল্পনঃ ।
গুহ্যপ্রণবচিন্নাদো গুহাস্থানস্থিরাসনঃ ॥ ১০২ ॥
গায়ত্রীজপসংসাধ্যো গায়ত্রীমত্প্রপূজিতঃ ।
গায়ত্রীমদ্গুণাকারো গায়ত্রীমত্পরাত্মকঃ ॥ ১০৩ ॥
গায়ত্রীমত্সদাতুষ্টো গায়ত্রীমত্সদাশিবঃ ।
গায়ত্রীমদধিষ্ঠাতা গায়ত্রীমত্ফলাত্মকঃ ॥ ১০৪ ॥
গায়ত্রীমত্সদাসেব্যো গায়ত্রীমদ্যশোবহঃ ।
গায়ত্রীমদ্গহান্তঃস্থো গায়ত্রীমত্সুখালয়ঃ ॥ ১০৫ ॥
গায়ন্ত্রীবিদুষাংবর্চো গায়ত্রীমদ্বিবর্ধনঃ ।
গবাত্মবান্ গবাংবাগ্মী গণশত্রুনিবর্হণঃ ॥ ১০৬ ॥
গায়ত্রীমন্মহালোকো গায়ত্রীমত্প্রিঙ্করঃ ।
গায়ত্রীমত্কুলানন্দী গায়ত্রীমদ্ধুরন্ধরঃ ॥ ১০৭ ॥
গৌরীসরোনিজানন্দো গৌরীশসর আশ্রমঃ ।
গৌরীসরস্তপঃস্থায়ী গৌরীশসর আসনঃ ॥ ১০৮ ॥
গোস্তনীফলভুগ্ গাঢো গৌরগাত্রো গবায়নঃ ।
গোগ্রামণীর্গুণগ্রামো গাঢানুগ্রহকারকঃ ॥ ১০৯ ॥
গুরু মোহনিরাকর্তা গাথাম্নায়দিবাকরঃ ।
গরাগরাসমারন্তা গোস্তনীফলভোজনঃ ॥ ১১০ ॥
গুরুয়োগফলস্ত্রষ্টা চ গাঢানন্দামৃতাত্মকঃ ।
গঢয়োগান্তরাত্মা চ গাঢয়োগপুরাতনঃ ॥ ১১১ ॥
গুণাতিশয়বান্ গণ্যো গুণ্যো গুণপরায়ণঃ ।
গোসিদ্ধসাধনানাথো গূঢসত্পরমার্থদঃ ॥ ১১২ ॥
গুরুসদ্গুরুনামা চ গুরুশৈবশিবার্থদঃ ।
গুপ্তাবধূতশৈলীভৃদ্ গুরুয়োগিশিবাত্মকঃ ॥ ১১৩ ॥
গূঢসিদ্ধান্তসংসিদ্ধো গতক্লেশতরঙ্গকঃ ।
গতাখিলাধিসন্নাথো গুহ্যস্বস্মরভূতিমান্ ॥ ১১৪ ॥
গুহ্যোঙ্কারপ্রতিষ্ঠানো গুহাকঞ্জস্থিরাসনঃ ।
গূঢধারোদয়ো গোধা গতাখিলকলঙ্ককঃ ॥ ১১৫ ॥
গুর্বঙ্কভূতিভূষাঢ্যো গুরুশো গুরুখাত্মকঃ ।
গুহ্যাত্মপরধামা চ গুহ্যশঙ্খংসুখার্থকৃত্ ॥ ১১৬ ॥
গোপ্যশঙ্খংশিরোধায়ী গাঢনিস্সোমসৌহৃদঃ ।
গৌরমৃগাজিনাধর্তা গুরুশৈলীপরার্থবিত্ ॥ ১১৭ ॥
গুণষড্বৈকৃতাতীতো গৌরপদ্ধতিপাদুকঃ ।
গুহ্যচিদুল্লসন্মুদ্রো গোঽজপাজাপশান্তিকৃত্ ॥ ১১৮ ॥
গুরুধৈর্যপরাশক্তির্গুহাদীপনবিগ্রহঃ ।
গৌরচিন্মেখলাধারী গৃহ্যয়োগসুবস্ত্রভৃত্ ॥ ১১৯ ॥
গতাদ্বৈতেতরাভাসো গঢতন্ময়কারকঃ ।
গতোপাধিনিজানন্দদিগ্দেশসুদৃঢাসনঃ ॥। ১২০ ॥
গুহাপ্রাদেশনিলয়ো গুহাসাক্ষাত্প্রকাশকঃ ।
গতমৃত্যুমহামোহো গাঢাজাজবনীনটঃ ॥ ১২১ ॥
গাঢবাসনবল্লীভুগ্ গুহাত্মজ্ঞানসর্বগঃ ।
গাঢাবর্তজগদ্বেত্তা গতোত্থানময়াত্মকঃ ॥ ১২২ ॥
গতোত্থাধারধর্মজ্ঞো গতবিশ্রান্তিচিন্ময়ঃ ।
গৃহীতচিন্ময়াকারো গৃহীতপদমুক্তিদঃ ॥ ১২৩ ॥
গুর্বাজ্ঞো গৌরসিদ্ধেন্দ্রো গুহাদেসদাঽমৃতঃ ।
গণশুদ্ধো গণাভিজ্ঞো গাত্রোদ্বারকরপ্রভুঃ ॥ ১২৪ ॥
গাত্রসত্যো গবেষেষ্টো গাঢভোক্তা গুহাচলঃ ।
গতব্যামোহমাত্সর্যো গুরুজ্ঞানপ্রবোধকঃ ॥ ১২৫ ॥
গতপারমহামোহতরঙ্গাব্ধিবিশোষণঃ ।
গতভীর্গতদৈন্যশ্চ গতলজ্জো গতাময়ঃ ॥ ১২৬ ॥
গতশোকো গতার্তিশ্চ গাঢালস্যবিবর্জিতঃ ।
গাঢমোহমদচ্ছিচ্চ গাঢদম্ভাসুখাবহঃ ॥ ১২৭ ॥
গতমায়ো গতভ্রান্তির্গুর্বাজ্ঞামার্গদর্শকঃ ।
গাঢাহঙ্কারশূন্যশ্চ গর্বমোহপরাঙ্মুখঃ ॥ ১২৮ ॥
গতাত্যন্তমদক্রোধো গাঢাবিদ্যাখ্যদোষমুট্ ।
গতকামাঙ্কুরো গাঢাসূয়াধর্মপরাঙ্মুখঃ ॥ ১২৯ ॥
গুণবদ্বাদসদ্বক্তা গুণবচ্ছাস্ত্রবিদ্বভুঃ ।
গুণবদ্যোগসন্তানো গুণবদ্যোগসিদ্ধিদঃ ॥ ১৩০ ॥
গুণেন্দ্রিয়তিরস্কর্তা গুণবন্মানবর্ধনঃ ।
গুণবত্সম্প্রদায়েষ্টো গুণবদ্গুণশোধকঃ ॥ ১৩১ ॥
গর্ভাময়নিরাকর্তা গর্ববত্কুলকন্দনঃ ।
গর্ববত্প্রাণসংহর্তা গুণবদ্বৃত্তিদায়কঃ ॥ ১৩২ ॥
গূঢপিণ্ডাদিভূজন্মা গাত্রশোধকনামকঃ ।
গতসর্বাসুরব্যূহো গূঢশক্তিপ্রদীপকঃ ॥ ১৩৩ ॥
গুণাপারাপরাশক্তির্গুণবত্পরশক্তিকঃ ।
গুণবত্সূক্ষ্মশক্তিজ্ঞো গুণবন্নিজশক্তিকঃ ॥ ১৩৪ ॥
গন্ধর্বপ্রাণপালেশো গীর্বাণবলবৃদ্ধিকৃত্ ।
গীর্বাণলোকধৃঙ্নাথো গাঢেচ্ছো গতিভোগদঃ ॥ ১৩৫ ॥
গৃহীতজ্ঞানকৃন্মূর্তির্গৃহীতো গিরিগো গদঃ ।
গোপগীতিপ্রসন্নাত্মা গিরিরাজেষ্টসাধকঃ ॥ ১৩৬ ॥
গণকপ্রবরপ্রজ্ঞো গর্গাহর্গণংশক্তিকৃত্ ।
গণকানাম্পতির্গোষ্ঠো গৌরবাণীশ্বরেশ্বরঃ ॥ ১৩৭ ॥
গিরীন্দ্রাভয়মূর্তিশ্চ গুহাচিন্তিতপূরণঃ ।
গ্রন্থসর্বস্বরূপার্থো গীতালাপবিচক্ষণঃ ॥ ১৩৮ ॥
গীঃশ্রেষ্ঠো গুণসম্পন্নো গীর্বাণেন্দ্রশিরোমণিঃ ।
গৃহীতয়োগসন্মূর্তির্গৃহীতস্থিরশেমুষিঃ ॥ ১৩৯ ॥
গন্ধর্বরাজরাজেষ্টো গীর্বাণপ্রপিতামহঃ ।
গীর্বাণেন্দ্রার্চিতাপাদপীঠো গৌরববস্তুভূঃ ॥ ১৪০ ॥
গুণমাত্রসদাসাক্ষী গুণিরূপো গুণিপ্রদঃ ।
গায়কো গন্ধবাডগ্র্যো গীর্বাণেশশতোদিতঃ ॥ ১৪১ ॥
গুহানাদপ্রবীণশ্চ গুহানাদজনিশ্রুতঃ ।
গুহাপশ্যন্তীভূর্গূঢমধ্যমানাদভৃন্মতঃ ॥ ১৪২ ॥
গীর্দেবো গ্লাসকৃদ্ গর্বো গীঃসেব্যো গীঃপ্রিয়ঙ্করঃ ।
গীঃশোকার্তিহরো গোবিদ্ গিরনর্থার্থখণ্ডনঃ ॥ ১৪৩ ॥
গম্ভীরৈশ্বর্যসংসিদ্ধো গাঢাপদ্বিনিবারকঃ
গন্ধর্বলোকভীভ্রংশী গুণিশুদ্ধো গুণীষ্টভূঃ ॥ ১৪৪ ॥
গণোন্নীতো গুণোল্লাসো গুণভ্রাড্ গীর্নমস্কৃতঃ ।
গণার্হ্যো গণসংবীতো গর্মুদাসনসংস্থিতঃ ॥ ১৪৫ ॥
গোয়োগপদ্ধতেঃকর্তা গুরুয়োগার্থশৈলিকঃ ।
গোয়োগবস্তুসন্দর্শী গম্ভীরাজপমন্ত্রদঃ ॥ ১৪৬ ॥
গুরুসোঽহংসুমন্ত্রজ্ঞো গূঢয়োগবিভূতিবিত্ ।
গোসত্যজ্ঞানচিদ্ব্রহ্ম গুরুপাদ্ গুরুপাদুকঃ ॥ ১৪৭ ॥
গূঢপাদো গুডাকাজিদ্ গুহাশ্রেষ্ঠো গুহাশ্রিতঃ ।
গতসর্বেন্দ্রিয়াভাসো গাথাগেয়ো গতানৃতঃ ॥ ১৪৮ ॥
গুরুপুত্রস্তবারাধ্যো গুরুপুত্রার্চিতাঙ্ঘ্রিকঃ ।
গুরুপুত্রেষ্টসিদ্ধেঃ কৃদ্ গুরুপুত্রমহাপ্রিয়ঃ ॥ ১৪৯ ॥।
গুরুয়োগসমৃদ্ধীশো গুরুয়োগবিভাবনঃ ।
গৌরপুণ্যকথো গৌরকাব্যো গীতবিশারদঃ ॥ ১৫০ ॥
গাথাগীতো গতীশশ্চ গৌরৈশ্বর্যো গণার্তিভিত্ ।
গৌরভৈরবসোঽহঞ্জ্ঞো গৌরলোকফলপ্রদঃ ॥ ১৫১ ॥
গুরুভক্তসুখাম্ভোধির্গৌরসূরশতপ্রভঃ ।
গৌরবাণীশসদ্রূপো গোপ্যপাতঞ্জলস্মৃতঃ ॥ ১৫২ ॥
গীতকাব্যকথালাপবিদগ্ধো গীতগায়কঃ ।
গৌত্রৈকবিশদো গোত্রাত্রাণনন্দনকারকঃ ॥ ১৫৩ ॥
গোত্রাচাতকজীমূতো গোত্রাগণনতত্পরঃ ।
গতাগতবহির্ভূতো গোনিত্যো গুণদচ্ছবিঃ ॥ ১৫৪ ॥
গতাকারো গুণানন্দো গুণ্যস্মিতবিভূষিতঃ ।
গৌরভস্মাবগুণ্ঠাঢ্যো গুণ্যমালাবিরাজিতঃ ॥ ১৫৫ ॥
গোবর্ধনধরপ্রেষ্ঠো গোপমণ্ডলমধ্যগঃ ।
গোপকশ্চৈব গোপীথো গবানুগতিশোভনঃ ॥ ১৫৬ ॥
গ্লান্যাদিপারতন্ত্র্যাদিবিশেষরহিতঃ সদা ।
গায়ত্রীয়োগসংস্নাতো গায়ত্রীজপতত্পরঃ ॥ ১৫৭ ॥
গায়ত্রীমূলসর্বজ্ঞো গায়ত্র্যজপজাপকঃ ।
গৌরাব্জমালী গুহ্যার্থ্যো গৌরগোকুলরক্ষকঃ ॥। ১৫৮ ॥
গোয়মপ্রেষ্যভীভূতো গোকালভয়নাশকঃ ।
গোবিশ্বপালকো গন্ধপাদনানন্দনন্দিতঃ ॥ ১৫৯ ॥
গৌতমাদিমহর্ষীশো গুরুগৌতমশাস্ত্রদঃ ।
গৌতমন্যায়য়ুক্তাত্মা গৌতমজ্ঞানদীপকঃ ॥ ১৬০ ॥
গোত্রাবিলাসগর্বিষ্টো গোত্রারক্ষী গতোন্নতঃ ।
গোদেবব্রহ্মবর্ত্মাত্মা গোব্রাহ্মণশিরোমণিঃ ॥ ১৬১ ॥
গোব্রহ্মদেবতাদুর্গো গোবহ্মাশনিপঞ্জরঃ ।
গতসর্বভয়ভ্রান্তির্গতসঙ্গো গতাঞ্জ্জনঃ ॥ ১৬২ ॥
গূঢকূটস্থধামা চ গ্রস্তকালভয়ব্যথঃ ।
গূঢাতিগোমনোবাচাং গূঢসঙ্কর্ষণাত্মকঃ ॥ ১৬৩ ॥
গূঢহেতু গূংহীতজ্ঞো গৃহিসর্বাভয়ঙ্করঃ ।
গূঢবিশ্বো গতোন্নাহো গতাশীর্গোদুরাসদঃ ॥ ১৬৪ ॥
গূঢসর্বগতির্গূঢমহারুদ্রো গুহান্তরঃ ।
গতসর্বানৃতালোকো গূঢকাম্যো গবামৃতঃ ॥ ১৬৫ ॥
গবানুল্লঙ্ঘ্যতামা বৈ গূঢসর্বসুখৈকভূঃ ।
গূঢবিশ্বপিতা গূঢবিশ্বতোমুখ এব চ ॥ ১৬৬ ॥
গীঃসর্বাশ্চর্যসম্ভূতির্গূরুসর্ববিকারহৃত্ ।
গৌরসর্বার্থবিশ্বাত্মা গতিসর্বশরীরিজিত্ ॥ ১৬৭ ॥
গাঢানন্তপদাশক্তির্গতাপত্তির্গবাক্ষরঃ ।
গাঢস্নেহো গুহাহংসো গুহাসোঽহংনিয়োজকঃ ॥ ১৬৮ ॥
গূঢোচেতনজীবেশো গাঢানন্তয়শাঃ স্মৃতঃ ।
গোত্রৈকবিস্ফুরদ্বীর্যো গতাহংবাদ এব চ ॥ ১৬৯ ॥
গতপারো গবিষ্ঠাদ্যো গুণকল্যাণসাগরঃ ।
গিরীশব্রহ্মবৈকুণ্ঠাদ্যুত্কৃষ্টতর চেতনঃ ॥ ১৭০ ॥
গুহান্তর্যামিভ্রাজিষ্ণুর্গৌরীকোট্যরিমর্দনঃ ।
গভস্তিমদনন্তাভো গুহ্যকেশবিভূতিদঃ ॥ ১৭১ ॥
গাত্রহীনশতানন্তরূপলাবণ্যসাগরঃ ।
গিরশিব্রহ্মবিষ্ণ্বাখ্যজগদ্ভঙ্গাদিকারকঃ ॥ ১৭২ ॥
গাঢকালমহাকালো গাম্ভীর্যৌদার্যসাগরঃ ।
গোত্রাদুগ্ঘসুধামোদো গাথাকাব্যকথোদিতঃ ॥ ১৭৩ ॥
গাথাবিদগ্ধো গৌরীষ্টো গদ্যপদ্যপ্রদীপনঃ ।
গুহ্যোপনিষদাবেদ্যো গুহ্যব্রহ্মশিবাত্মকঃ ॥ ১৭৪ ॥
গিরাদ্যো গ্রন্থিহৃদ্ গ্রন্থী গুণবৃদ্ধিপ্রয়োজকঃ ।
গুণর্ধিদশ্চ সর্বেষাং গীষ্পতীশ্বরপুঙ্গবঃ ॥ ১৭৫ ॥
গাঢাধারাধরো গুপ্তস্বাধিষ্ঠানদৃঢাসনঃ ।
গর্ভাস্তমণিপূরার্কো গুহানাহতচক্রভঃ ॥ ১৭৬ ॥
গুহাব্জবাসো গগনমহাপদ্মপদাশ্রয়ঃ ।
গলদেশবিশুদ্ধস্থো গলত্পীয়ূষজোষণঃ ॥ ১৭৭ ॥
গোব্রহ্মরন্ধ্রবেশ্মার্কো গগনাকৃতিনির্মলঃ ।
গতমান্দ্যো গুণপ্রজ্ঞো গূঢাজ্ঞাচক্রভাস্করঃ ॥ ১৭৮ ॥
গুরুসিদ্ধাসনস্থায়ী গুহাপদ্মাসনস্থিতঃ ।
গূঢাধারাদ্যুপাদেষ্টা গোপ্যলক্ষবিচারকৃত্ ॥ ১৭৯ ॥
গুহাস্তম্ভোপদিষ্টাত্মা গোপ্যশূন্যবিধানদঃ ।
গোপ্যদেবো গতদ্বন্দ্বো গৌরদেবো গতত্রিবৃত্ ॥ ১৮০ ॥
গেষ্ণুর্গেত্ণ্বাশ্রয়ো গেষ্ণুপতির্গেষ্ণুনটপ্রিয়ঃ ।
গোরগ্ গোরক্ষনাথশ্চ গোধূমারাধ্যবিগ্রহঃ ॥ ১৮১ ॥
গোপা গোপাপ্রিয়ো গ্রাহী গোপার্হ্যো গোষ্ঠপালকঃ ।
গুপ্তো গোপালনামাপি গৌষ্ঠীনস্থো গবীশ্বরঃ ॥ ১৮২ ॥
গঙ্গামৌলির্গবামীশো গোগম্যো গোবিদাঙ্গতিঃ ।
গবেড্যো গগনাকারো গ্রত্সাধির্গোধরো গ্রহী ॥ ১৮৩ ॥
গোধনো গোধনাধীশো গুপ্তবস্তুজ্ঞ এব চ ।
গোকুলী গুপ্তগুর্গোধুগ্ গোরজশ্ছুরিতাকৃতিঃ ॥ ১৮৪ ॥
গুপ্তেন্দ্রিয়কুলো গুপ্তগোরক্ষো গোমতাঙ্গতিঃ ।
গূঢাত্মা গুপ্তগোরূপো গোপজ্যেষ্ঠো গবাঙ্গতিঃ ॥ ১৮৫ ॥
গেষ্ণুপ্রাণো গুণাগম্যো গেষ্ণুজ্ঞো গেষ্ণুসর্ববিত্ ।
গুণপ্রাগ্ গুণধামা চ গোদানবিধিবেদকঃ ॥ ১৮৬ ॥
গোষ্ঠীপালো গীতিপটুর্গীতিগীতো গতালসঃ ।
গোপিকাগীতসন্তুষ্টো গীতাগীতবিশারদঃ ॥ ১৮৭ ॥
গীতিপ্রীতো গুহাগুহ্যো গৃহ্যগীতবিবেচকঃ ।
গীতোপনিষদাগম্যো গীতোপনিষদক্ষরঃ ॥ ১৮৮ ॥
গুণবিদূ গুণমর্যাদো গন্ধগ্রাহী গুণোত্কটো গোজিত্ ।
গর্গানুগ্রহকর্তা গর্গাচার্যভ্রমার্তিসংহর্তা ॥ ১৮৯ ॥
গর্গপ্রত্যর্থিধ্গো গীর্বাণেশাদিসংস্তুতো গোভ্রাট্ ।
গ্রহদোষনিরাকর্তা গোত্রপ্রাণোঽথ গর্ববিচ্ছেত্তা ॥ ১৯০ ॥
শ্রীগোরক্ষসহস্রনামকমদস্ত্রৈলোক্যভূষাস্পদং
শক্রাদ্যৈরখিলৈরজস্ত্রমমরৈস্তোষ্টূয়্যমানং ভৃশম্ ।
গাদিগ্রন্থনিগুম্ফিত শুভতর বিদ্বঞ্জনানন্দং
য়োগীশাননুনং সদাস্তু ভবতাং তুষ্ট্যৈ চ পুষ্ট্যৈ মুদে ॥ ১৯১ ॥
স্বস্তি শ্রীং শ্রেয়ঃ শ্রেণয়ঃ শ্রীমতাং সমুল্লসন্তুতরাম্ ।
ইতি শ্রী সিদ্ধসাধ্যবিদ্যাধরগনর্বসিদ্ধয়োগীন্দ্র
দেবেন্দ্রনরেন্দ্রাদিবন্দাদারুবৃন্দ
বন্দিতানন্দমকরন্দবিন্দুসন্দোহনিস্যন্দিপদারবিন্দস্য
ত্রিভুবনগুণোস্ত্রিলোচনস্য গর্গাদিমহর্ষিগীতস্য ভগবতো
গোরক্ষনাথস্য গকারাদি সহস্রনামস্তুতিঃ সম্পূর্ণা ।