॥ Shakini SadaShiva Stavana MangalaSahasranamastotram Telugu Lyrics ॥
॥ శాకినీసదాశివస్తవనమఙ్గలాష్టోత్తరసహస్రనామస్తోత్ర ॥
శ్రీగణేశాయ నమః ।
శ్రీఆనన్దభైరవీ ఉవాచ ।
కైలాసశిఖరారూఢ పఞ్చవక్త్ర త్రిలోచన ।
అభేద్యభేదకప్రాణవల్లభ శ్రీసదాశివ ॥ ౧ ॥
భవప్రాణప్రరక్షాయ కాలకూటహరాయ చ ।
ప్రత్యఙ్గిరాపాదుకాయ దాన్తం శబ్దమయం ప్రియమ్ ॥ ౨ ॥
ఇచ్ఛామి రక్షణార్థాయ భక్తానాం యోగినాం సదామ్ ।
అవశ్యం కథయామ్యత్ర సర్వమఙ్గలలక్షణమ్ ॥ ౩ ॥
అష్టోత్తరసహస్రాఖ్యం సదాశివసమన్వితమ్ ।
మహాప్రభావజననం దమనం దుష్టచేతసామ్ ॥ ౪ ॥
సర్వరక్షాకరం లోకే కణ్ఠపద్మప్రసిద్ధయే ।
అకాలమృత్యుహరణం సర్వవ్యాధినివారణమ్ ॥ ౫ ॥
యోగసిద్ధికరం సాక్షాద్ అమృతానన్దకారకమ్ ।
విషజ్వాలాదిహరణం మన్త్రసిద్ధికరం పరమ్ ॥ ౬ ॥
నామ్నాం స్మరణమాత్రేణ యోగినాం వల్లభో భవేత్ ।
సదాశివయుతాం దేవీం సమ్పూజ్య సంస్మరేద్ యది ॥ ౭ ॥
మాసాన్తే సిద్ధిమాప్నోతి ఖేచరీమేలనం భవేత్ ।
ఆకాశగామినీసిద్ధిః పఠిత్వా లభ్యతే ధ్రువమ్ ॥ ౮ ॥
ధనం రత్నం క్రియాసిద్ధిం విభూతిసిద్ధిమాం లభేత్ ।
పఠనాద్ ధారణాద్యోగీ మహాదేవః సదాశివః ॥ ౯ ॥
విష్ణుశ్చక్రధరః సాక్షాద్ బ్రహ్మా నిత్యం తపోధనః ।
యోగినః సర్వదేవాశ్చ మునయశ్చాపి యోగినః ॥ ౧౦ ॥
సిద్ధాః సర్వే సఞ్చరన్తి ధృత్వా చ పఠనాద్ యతః ।
యే యే పఠన్తి నిత్యం తు తే సిద్ధా విష్ణుసమ్భవాః ॥ ౧౧ ॥
కిమన్యత్ కథనేనాపి భుక్తిం ముక్తిం క్షణాల్లభేత్ ॥ ౧౨ ॥
అస్య శ్రీభువనమఙ్గలమహాస్తోత్రాష్టోత్తరసహస్రనామ్నః,
శ్రీసదాశివఋషిః, గాయత్రీచ్ఛన్దః, శ్రీసదాశివశాకినీదేవతా,
పురుషార్థాష్టసిద్ధిసమయయోగసమృద్ధయే వినియోగః ।
ఓం శాకినీ పీతవస్త్రా సదాశివ ఉమాపతిః ।
శాకమ్భరీ మహాదేవీ భవానీ భువనప్రియః ॥ ౧౩ ॥
యోగినీ యోగధర్మాత్మా యోగాత్మా శ్రీసదాశివః ।
యుగాద్యా యుగధర్మా చ యోగవిద్యా సుయోగిరాట్ ॥ ౧౪ ॥
యోగినీ యోగజేతాఖ్యః సుయోగా యోగశఙ్కరః ।
యోగప్రియా యోగవిద్వాన్ యోగదా యోగషడ్భువిః ॥ ౧౫ ॥
త్రియోగా జగదీశాత్మా జాపికా జపసిద్ధిదః ।
యత్నీ యత్నప్రియానన్దో విధిజ్ఞా వేదసారవిత్ ॥ ౧౬ ॥
సుప్రతిష్ఠా శుభకరో మదిరా మదనప్రియః ।
మధువిద్యా మాధవీశః క్షితిః క్షోభవినాశనః ॥ ౧౭ ॥
వీతిజ్ఞా మన్మథఘ్నశ్చ చమరీ చారులోచనః ।
ఏకాన్తరా కల్పతరుః క్షమాబుద్ధో రమాసవః ॥ ౧౮ ॥
వసున్ధరా వామదేవః శ్రీవిద్యా మన్దరస్థితః ।
అకలఙ్కా నిరాతఙ్కః ఉతఙ్కా శఙ్కరాశ్రయః ॥ ౧౯ ॥
నిరాకారా నిర్వికల్పో రసదా రసికాశ్రయః ।
రామా రామననాథశ్చ లక్ష్మీ నీలేషులోచనః ॥ ౨౦ ॥
విద్యాధరీ ధరానన్దః కనకా కాఞ్చనాఙ్గధృక్ ।
శుభా శుభకరోన్మత్తః ప్రచణ్డా చణ్డవిక్రమః ॥ ౨౧ ॥
సుశీలా దేవజనకః కాకినీ కమలాననః ।
కజ్జలాభా కృష్ణదేహః శూలినీ ఖడ్గచర్మధృక్ ॥ ౨౨ ॥
గతిగ్రాహ్యః ప్రభాగౌరః క్షమా క్షుబ్ధః శివా శివః ।
జవా యతిః పరా హరిర్హరాహరోఽక్షరాక్షరః ॥ ౨౩ ॥
సనాతనీ సనాతనః శ్మశానవాసినీపతిః ।
జయాక్షయో ధరాచరః సమాగతిః ప్రమాపతిః ॥ ౨౪ ॥
కులాకులో మలాననో వలీవలా మలామలః ।
ప్రభాధరః పరాపరః సరాసరః కరాకరః ॥ ౨౫ ॥
మయామయః పయాపయః పలాపలో దయాదయః ।
భయాభయో జయాజయో గయాగయః ఫలాన్వయః ॥ ౨౬ ॥
సమాగమో ధమాధమో రమారమో వమావమః ।
వరాఙ్గణా ధరాధరః ప్రభాకరో భ్రమాభ్రమః ॥ ౨౭ ॥
సతీ సుఖీ సులక్షణా కృపాకరో దయానిధిః ।
ధరాపతిః ప్రియాపతివీరాగిణీ మనోన్మనః ॥ ౨౮ ॥
ప్రధావినీ సదాచలః ప్రచఞ్చలాతిచఞ్చలః ।
కటుప్రియా మహాకటుః పటుప్రియా మహాపటుః ॥ ౨౯ ॥
ధనావలీ గణాగణీ ఖరాఖరః ఫణిః క్షణః ।
ప్రియాన్వితా శిరోమణిస్తు శాకినీ సదాశివః ॥ ౩౦ ॥
రుణారుణో ఘనాఘనో హయీ హయో లయీ లయః ।
సుదన్తరా సుదాగమః ఖలాపహా మహాశయః ॥ ౩౧ ॥
చలత్కుచా జవావృతో ఘనాన్తరా స్వరాన్తకః ।
ప్రచణ్డఘర్ఘరధ్వనిః ప్రియా ప్రతాపవహ్నిగః ॥ ౩౨ ॥
ప్రశాన్తిరున్దురుస్థితా మహేశ్వరీ మహేశ్వరః ।
మహాశివావినీ ఘనీ రణేశ్వరీ రణేశ్వరః ॥ ౩౩ ॥
ప్రతాపినీ ప్రతాపనః ప్రమాణికా ప్రమాణవిత్ ।
విశుద్ధవాసినీ మునివిశుద్ధవిన్మధూత్తమా ॥ ౩౪ ॥
తిలోత్తమా మహోత్తమః సదామయా దయామయః ।
వికారతారిణీ తరుః సురాసురోఽమరాగురుః ॥ ౩౫ ॥
ప్రకాశికా ప్రకాశకః ప్రచణ్డికా విభాణ్డకః ।
త్రిశూలినీ గదాధరః ప్రవాలికా మహాబలః ॥ ౩౬ ॥
క్రియావతీ జరాపతిః ప్రభామ్బరా దిగమ్బరః ।
కులామ్బరా మృగామ్బరా నిరన్తరా జరాన్తరః ॥ ౩౭ ॥
శ్మశాననిలయా శమ్భుర్భవానీ భీమలోచనః ।
కృతాన్తహారిణీకాన్తః కుపితా కామనాశనః ॥ ౩౮ ॥
చతుర్భుజా పద్మనేత్రో దశహస్తా మహాగురుః ।
దశాననా దశగ్రీవః క్షిప్తాక్షీ క్షేపనప్రియః ॥ ౩౯ ॥
వారాణసీ పీఠవాసీ కాశీ విశ్వగురుప్రియః ।
కపాలినీ మహాకాలః కాలికా కలిపావనః ॥ ౪౦ ॥
రన్ధ్రవర్త్మస్థితా వాగ్మీ రతీ రామగురుప్రభుః ।
సులక్ష్మీః ప్రాన్తరస్థశ్చ యోగికన్యా కృతాన్తకః ॥ ౪౧ ॥
సురాన్తకా పుణ్యదాతా తారిణీ తరుణప్రియః ।
మహాభయతరా తారాస్తారికా తారకప్రభుః ॥ ౪౨ ॥
తారకబ్రహ్మజననీ మహాదృప్తః భవాగ్రజః ।
లిఙ్గగమ్యా లిఙ్గరూపీ చణ్డికా వృషవాహనః ॥ ౪౩ ॥
రుద్రాణీ రుద్రదేవశ్చ కామజా కామమన్థనః ।
విజాతీయా జాతితాతో విధాత్రీ ధాతృపోషకః ॥ ౪౪ ॥
నిరాకారా మహాకాశః సుప్రవిద్యా విభావసుః ।
వాసుకీ పతితత్రాతా త్రివేణీ తత్త్వదర్శకః ॥ ౪౫ ॥
పతాకా పద్మవాసీ చ త్రివార్తా కీర్తివర్ధనః ।
ధరణీ ధారణావ్యాప్తో విమలానన్దవర్ధనః ॥ ౪౬ ॥
విప్రచిత్తా కుణ్డకారీ విరజా కాలకమ్పనః ।
సూక్ష్మాధారా అతిజ్ఞానీ మన్త్రసిద్ధిః ప్రమాణగః ॥ ౪౭ ॥
వాచ్యా వారణతుణ్డశ్చ కమలా కృష్ణసేవకః ।
దున్దుభిస్థా వాద్యభాణ్డో నీలాఙ్గీ వారణాశ్రయః ॥ ౪౮ ॥
వసన్తాద్యా శీతరశ్మిః ప్రమాద్యా శక్తివల్లభః ।
ఖడ్గనా చక్రకున్తాఢ్యః శిశిరాల్పధనప్రియః ॥ ౪౯ ॥
దుర్వాచ్యా మన్త్రనిలయః ఖణ్డకాలీ కులాశ్రయః ।
వానరీ హస్తిహారాద్యః ప్రణయా లిఙ్గపూజకః ॥ ౫౦ ॥
మానుషీ మనురూపశ్చ నీలవర్ణా విధుప్రభః ।
అర్ధశ్చన్ద్రధరా కాలః కమలా దీర్ఘకేశధృక్ ॥ ౫౧ ॥
దీర్ఘకేశీ విశ్వకేశీ త్రివర్గా ఖణ్డనిర్ణయః ।
గృహిణీ గ్రహహర్తా చ గ్రహపీడా గ్రహక్షయః ॥ ౫౨ ॥
పుష్పగన్ధా వారిచరః క్రోధాదేవీ దివాకరః ।
అఞ్జనా క్రూరహర్తా చ కేవలా కాతరప్రియః ॥ ౫౩ ॥
పద్యామయీ పాపహర్తా విద్యాద్యా శైలమర్దకః ।
కృష్ణజిహ్వా రక్తముఖో భువనేశీ పరాత్పరః ॥ ౫౪ ॥
వదరీ మూలసమ్పర్కః క్షేత్రపాలా బలానలః ।
పితృభూమిస్థితాచార్యో విషయా బాదరాయణిః ॥ ౫౫ ॥
పురోగమా పురోగామీ వీరగా రిపునాశకః ।
మహామాయా మహాన్మాయో వరదః కామదాన్తకః ॥ ౫౬ ॥
పశులక్ష్మీః పశుపతిః పఞ్చశక్తిః క్షపాన్తకః ।
వ్యాపికా విజయాచ్ఛన్నో విజాతీయా వరాననః ॥ ౫౭ ॥
కటుమూతీః శాకమూతీస్త్రిపురా పద్మగర్భజః ।
అజాబ్యా జారకః ప్రక్ష్యా వాతులః క్షేత్రబాన్ధవా ॥ ౫౮ ॥
అనన్తానన్తరూపస్థో లావణ్యస్థా ప్రసఞ్చయః ।
యోగజ్ఞో జ్ఞానచక్రేశో బభ్రమా భ్రమణస్థితః ॥ ౫౯ ॥
శిశుపాలా భూతనాశో భూతకృత్యా కుటుమ్బపః ।
తృప్తాశ్వత్థో వరారోహా వటుకః ప్రోటికావశః ॥ ౬౦ ॥
శ్రద్ధా శ్రద్ధాన్వితః పుష్టిః పుష్టో రుష్టాష్టమాధవా ।
మిలితా మేలనః పృథ్వీ తత్త్వజ్ఞానీ చారుప్రియా ॥ ౬౧ ॥
అలబ్ధా భయహన్త్యా దశనః ప్రాప్తమానసా ।
జీవనీ పరమానన్దో విద్యాఢ్యా ధర్మకర్మజః ॥ ౬౨ ॥
అపవాదరతాకాఙ్క్షీ విల్వానాభద్రకమ్బలః ।
శివివారాహనోన్మత్తో విశాలాక్షీ పరన్తపః ॥ ౬౩ ॥
గోపనీయా సుగోప్తా చ పార్వతీ పరమేశ్వరః ।
శ్రీమాతఙ్గీ త్రిపీఠస్థో వికారీ ధ్యాననిర్మలః ॥ ౬౪ ॥
చాతురీ చతురానన్దః పుత్రిణీ సుతవత్సలః ।
వామనీ విషయానన్దః కిఙ్కరీ క్రోధజీవనః ॥ ౬౫ ॥
చన్ద్రాననా ప్రియానన్దః కుశలా కేతకీప్రియః ।
ప్రచలా తారకజ్ఞానీ త్రికర్మా నర్మదాపతిః ॥ ౬౬ ॥
కపాటస్థా కలాపస్థో విద్యాజ్ఞా వర్ధమానగః ।
త్రికూటా త్రివిధానన్దో నన్దనా నన్దనప్రియః ॥ ౬౭ ॥
విచికిత్సా సమాప్తాఙ్గో మన్త్రజ్ఞా మనువర్ధనః ।
మన్నికా చామ్బికానాథో వివాశీ వంశవర్ధనః ॥ ౬౮ ॥
వజ్రజిహ్వా వజ్రదన్తో విక్రియా క్షేత్రపాలనః ।
వికారణీ పార్వతీశః ప్రియాఙ్గీ పఞ్చచామరః ॥ ౬౯ ॥
ఆంశికా వామదేవాద్యా విమాయాఢ్యా పరాపరః ।
పాయాఙ్గీ పరమైశ్వర్యా దాతా భోక్త్రీ దివాకరః ॥ ౭౦ ॥
కామదాత్రీ విచిత్రాక్షో రిపురక్షా క్షపాన్తకృత్ ।
ఘోరముఖీ ఘర్ఘరాఖ్యో విలజ్వా జ్వాలినీపతిః ॥ ౭౧ ॥
జ్వాలాముఖీ ధర్మకర్తా శ్రీకర్త్రీ కారణాత్మకః ।
ముణ్డాలీ పఞ్చచూడాశ్చ త్రిశావర్ణా స్థితాగ్రజః ॥ ౭౨ ॥
విరూపాక్షీ బృహద్గర్భో రాకినీ శ్రీపితామహః ।
వైష్ణవీ విష్ణుభక్తశ్చ డాకినీ డిణ్డిమప్రియః ॥ ౭౩ ॥
రతివిద్యా రామనాథో రాధికా విష్ణులక్షణః ।
చతుర్భుజా వేదహస్తో లాకినీ మీనకున్తలః ॥ ౭౪ ॥
మూర్ధజా లాఙ్గలీదేవః స్థవిరా జీర్ణవిగ్రహః ।
లాకినీశా లాకినీశః ప్రియాఖ్యా చారువాహనః ॥ ౭౫ ॥
జటిలా త్రిజటాధారీ చతురాఙ్గీ చరాచరః ।
త్రిశ్రోతా పార్వంతీనాథో భువనేశీ నరేశ్వరః ॥ ౭౬ ॥
పినాకినీ పినాకీ చ చన్ద్రచూడా విచారవిత్ ।
జాడ్యహన్త్రీ జడాత్మా చ జిహ్వాయుక్తో జరామరః ॥ ౭౭ ॥
అనాహతాఖ్యా రాజేన్ద్రః కాకినీ సాత్త్వికస్థితః ।
మరున్మూర్తి పద్మహస్తో విశుద్ధా శుద్ధవాహనః ॥ ౭౮ ॥
వృషలీ వృషపృష్ఠస్థో విభోగా భోగవర్ధనః ।
యౌవనస్థా యువాసాక్షీ లోకాద్యా లోకసాక్షిణీ ॥ ౭౯ ॥
బగలా చన్ద్రచూడాఖ్యో భైరవీ మత్తభైరవః ।
క్రోధాధిపా వజ్రధారీ ఇన్ద్రాణీ వహ్నివల్లభః ॥ ౮౦ ॥
నిర్వికారా సూత్రధారీ మత్తపానా దివాశ్రయః ।
శబ్దగర్భా శబ్దమయో వాసవా వాసవానుజః ॥ ౮౧ ॥
దిక్పాలా గ్రహనాథశ్చ ఈశానీ నరవాహనః ।
యక్షిణీశా భూతినీశో విభూతిర్భూతివర్ధనః ॥ ౮౨ ॥
జయావతీ కాలకారీ కల్క్యవిద్యా విధానవిత్ ।
లజ్జాతీతా లక్షణాఙ్గో విషపాయీ మదాశ్రయః ॥ ౮౩ ॥
విదేశినీ విదేశస్థోఽపాపా పాపవర్జితః ।
అతిక్షోభా కలాతీతో నిరిన్ద్రియగణోదయా ॥ ౮౪ ॥
వాచాలో వచనగ్రన్థిమన్దరో వేదమన్దిరా ।
పఞ్చమః పఞ్చమీదుర్గో దుర్గా దుర్గతినాశనః ॥ ౮౫ ॥
దుర్గన్ధా గన్ధరాజశ్చ సుగన్ధా గన్ధచాలనః ।
చార్వఙ్గీ చర్వణప్రీతో విశఙ్కా మరలారవిత్ ॥ ౮౬ ॥
అతిథిస్థా స్థావరాద్యా జపస్థా జపమాలినీ ।
వసున్ధరసుతా తార్క్షీ తార్కీకః ప్రాణతార్కీకః ॥ ౮౭ ॥
తాలవృక్షావృతోన్నాసా తాలజాయా జటాధరః ।
జటిలేశీ జటాధారీ సప్తమీశః ప్రసప్తమీ ॥ ౮౮ ॥
అష్టమీవేశకృత్ కాలీ సర్వః సర్వేశ్వరీశ్వరః ।
శత్రుహన్త్రీ నిత్యమన్త్రీ తరుణీ తారకాశ్రయః ॥ ౮౯ ॥
ధర్మగుప్తిః సారగుప్తో మనోయోగా విషాపహః ।
వజ్రావీరః సురాసౌరీ చన్ద్రికా చన్ద్రశేఖరః ॥ ౯౦ ॥
విటపీన్ద్రా వటస్థానీ భద్రపాలః కులేశ్వరః ।
చాతకాద్యా చన్ద్రదేహః ప్రియాభార్యా మనోయవః ॥ ౯౧ ॥
తీర్థపుణ్యా తీర్థయోగీ జలజా జలశాయకః ।
భూతేశ్వరప్రియాభూతో భగమాలా భగాననః ॥ ౯౨ ॥
భగినీ భగవాన్ భోగ్యా భవతీ భీమలోచనః ।
భృగుపుత్రీ భార్గవేశః ప్రలయాలయకారణః ॥ ౯౩ ॥
రుద్రాణీ రుద్రగణపో రౌద్రాక్షీ క్షీణవాహనః ।
కుమ్భాన్తకా నికుమ్భారిః కుమ్భాన్తీ కుమ్భినీరగః ॥ ౯౪ ॥
కూష్మాణ్డీ ధనరత్నాఢ్యో మహోగ్రాగ్రాహకః శుభా ।
శివిరస్థా శివానన్దః శవాసనకృతాసనీ ॥ ౯౫ ॥
ప్రశంసా సమనః ప్రాజ్ఞా విభావ్యా భవ్యలోచనః ।
కురువిద్యా కౌరవంశః కులకన్యా మృణాలధృక్ ॥ ౯౬ ॥
ద్విదలస్థా పరానన్దో నన్దిసేవ్యా బృహన్నలా ।
వ్యాససేవ్యా వ్యాసపూజ్యో ధరణీ ధీరలోచనః ॥ ౯౭ ॥
త్రివిధారణ్యా తులాకోటిః కార్పాసా ఖార్పరాఙ్గధృక్ ।
వశిష్ఠారాధితావిష్టో వశగా వశజీవనః ॥ ౯౮ ॥
ఖడ్గహస్తా ఖడ్గధారీ శూలహస్తా విభాకరః ।
అతులా తులనాహీనో వివిధా ధ్యాననిర్ణయః ॥ ౯౯ ॥
అప్రకాశ్యా విశోధ్యశ్చ చాముణ్డా చణ్డవాహనః ।
గిరిజా గాయనోన్మత్తో మలామాలీ చలాధమః ॥ ౧౦౦ ॥
పిఙ్గదేహా పిఙ్గకేశోఽసమర్థా శీలవాహనః ।
గారుడీ గరుడానన్దో విశోకా వంశవర్ధనః ॥ ౧౦౧ ॥
వేణీన్ద్రా చాతకప్రాయో విద్యాద్యా దోషమర్దకః ।
అట్టహాసా అట్టహాసో మధుభక్షా మధువ్రతః ॥ ౧౦౨ ॥
మధురానన్దసమ్పన్నా మాధవో మధునాశికా ।
మాకరీ మకరప్రేమో మాఘస్థా మఘవాహనః ॥ ౧౦౩ ॥
విశాఖా సుసఖా సూక్ష్మా జ్యేష్ఠో జ్యేష్ఠజనప్రియా ।
ఆషాఢనిలయాషాఢో మిథిలా మైథిలీశ్వరః ॥ ౧౦౪ ॥
శీతశైత్యగతో వాణీ విమలాలక్షణేశ్వరః ।
అకార్యకార్యజనకో భద్రా భాద్రపదీయకః ॥ ౧౦౫ ॥
ప్రవరా వరహంసాఖ్యః పవశోభా పురాణవిత్ ।
శ్రావణీ హరినాథశ్చ శ్రవణా శ్రవణాఙ్కురః ॥ ౧౦౬ ॥
సుకర్త్రీ సాధనాధ్యక్షో విశోధ్యా శుద్ధభావనః ।
ఏకశేషా శశిధరో ధరాన్తః స్థావరాధరః ॥ ౧౦౭ ॥
ధర్మపుత్రీ ధర్మమాత్రో విజయా జయదాయకః ।
దాసరక్షాది విదశకలాపో విధవాపతిః ॥ ౧౦౮ ॥
విధవాధవలో ధూర్తః ధూర్తాఢ్యో ధూర్తపాలికా ।
శఙ్కరః కామగామీ చ దేవలా దేవమాయికా ॥ ౧౦౯ ॥
వినాశో మన్దరాచ్ఛన్నా మన్దరస్థో మహాద్వయా ।
అతిపుత్రీ త్రిముణ్డీ చ ముణ్డమాలా త్రిచణ్డికా ॥ ౧౧౦ ॥
కర్కటీశః కోటరశ్చ సింహికా సింహవాహనః ।
నారసింహీ నృసింహశ్చ నర్మదా జాహ్నవీపతిః ॥ ౧౧౧ ॥
త్రివిధస్త్రీ త్రిసర్గాస్త్రో దిగమ్బరో దిగమ్బరీ ।
ముఞ్చానో మఞ్చభేదీ చ మాలఞ్చా చఞ్చలాగ్రజః ॥ ౧౧౨ ॥
కటుతుఙ్గీ వికాశాత్మా ఋద్ధిస్పష్టాక్షరోఽన్తరా ।
విరిఞ్చః ప్రభవానన్దో నన్దినీ మన్దరాద్రిధృక్ ॥ ౧౧౩ ॥
కాలికాభా కాఞ్చనాభో మదిరాద్యా మదోదయః ।
ద్రవిడస్థా దాడిమస్థో మజ్జాతీతా మరుద్గతిః ॥ ౧౧౪ ॥
క్షాన్తిప్రజ్ఞో విధిప్రజ్ఞా వీతిజ్ఞోత్సుకనిశ్చయా ।
అభావో మలినాకారా కారాగారా విచారహా ॥ ౧౧౫ ॥
శబ్దః కటాహభేదాత్మా శిశులోకప్రపాలికా ।
అతివిస్తారవదనో విభవానన్దమానసా ॥ ౧౧౬ ॥
ఆకాశవసనోన్మాదీ మేపురా మాంసచర్వణః ।
అతికాన్తా ప్రశాన్తాత్మా నిత్యగుహ్యా గభీరగః ॥ ౧౧౭ ॥
త్రిగమ్భీరా తత్త్వవాసీ రాక్షసీ పూతనాక్షరః ।
అభోగగణికా హస్తీ గణేశజననీశ్వరః ॥ ౧౧౮ ॥
కుణ్డపాలకకర్తా చ త్రిరూణ్డా రుణ్డభాలధృక్ ।
అతిశక్తా విశక్తాత్మా దేవ్యాఙ్గీ నన్దనాశ్రయః ॥ ౧౧౯ ॥
భావనీయా భ్రాన్తిహరః కాపిలాభా మనోహరః ।
ఆర్యాదేవీ నీలవర్ణా సాయకో బలవీర్యదా ॥ ౧౨౦ ॥
సుఖదో మోక్షదాతాఽతో జననీ వాఞ్ఛితప్రదః ।
చాతిరూపా విరూపస్థో వాచ్యా వాచ్యవివర్జితః ॥ ౧౨౧ ॥
మహాలిఙ్గసముత్పన్నా కాకభేరీ నదస్థితః ।
ఆత్మారామకలాకాయః సిద్ధిదాతా గణేశ్వరీ ॥ ౧౨౨ ॥
కల్పద్రుమః కల్పలతా కులవృక్షః కులద్రుమా ।
సుమనా శ్రీగురుమయీ గురుమన్త్రప్రదాయకః ॥ ౧౨౩ ॥
అనన్తశయనాఽనన్తో జలేశీ జహ్నజేశ్వరః ।
గఙ్గా గఙ్గాధరః శ్రీదా భాస్కరేశో మహాబలా ॥ ౧౨౪ ॥
గుప్తాక్షరో విధిరతా విధానపురుషేశ్వరః ।
సిద్ధకలఙ్కా కుణ్డాలీ వాగ్దేవః పఞ్చదేవతా ॥ ౧౨౫ ॥
అల్పాతీతా మనోహారీ త్రివిధా తత్త్వలోచనా ।
అమాయాపతిర్భూభ్రాన్తిః పాఞ్చజన్యధరోఽగ్రజా ॥ ౧౨౬ ॥
అతితప్తః కామతప్తా మాయామోహవివర్జితః ।
ఆర్యా పుత్రీశ్వరః స్థాణుః కృశానుస్థా జలాప్లుతః ॥ ౧౨౭ ॥
వారుణీ మదిరామత్తో మాంసప్రేమదిగమ్బరా ।
అన్తరస్థో దేహసిద్ధా కాలానలసురాద్రిపః ॥ ౧౨౮ ॥
ఆకాశవాహినీ దేవః కాకినీశో దిగమ్బరీ ।
కాకచఞ్చుపుటమధుహరో గగనమాబ్ధిపా ॥ ౧౨౯ ॥
ముద్రాహారీ మహాముద్రా మీనపో మీనభక్షిణీ ।
శాకినీ శివనాథేశః కాకోర్ధ్వేశీ సదాశివః ॥ ౧౩౦ ॥
కమలా కణ్ఠకమలః స్థాయుకః ప్రేమనాయికా ।
మృణాలమాలాధారీ చ మృణాలమాలామాలినీ ॥ ౧౩౧ ॥
అనాదినిధనా తారా దుర్గతారా నిరక్షరా ।
సర్వాక్షరా సర్వవర్ణా సర్వమన్త్రాక్షమాలికా ॥ ౧౩౨ ॥
ఆనన్దభైరవో నీలకణ్ఠో బ్రహ్మాణ్డమణ్డితః ।
శివో విశ్వేశ్వరోఽనన్తః సర్వాతీతో నిరఞ్జనః ॥ ౧౩౩ ॥
ఇతి తే కథితం నాథ త్రైలోక్యసారమఙ్గలమ్ ।
భువనమఙ్గలం నామ మహాపాతకనాశనమ్ ॥ ౧౩౪ ॥
అస్య ప్రపఠనేఽపి చ యత్ఫలం లభతే నరః ।
తత్సర్వం కథితుం నాలం కోటివర్షశతైరపి ॥ ౧౩౫ ॥
తథాపి తవ యత్నేన ఫలం శృణు దయార్ణవ ।
రాజద్వారే నదీతీరే సఙ్గ్రామే విజనేఽనలే ॥ ౧౩౬ ॥
శూన్యాగారే నిర్జనే వా ఘోరాన్ధకారరాత్రికే ।
చతుష్టయే శ్మశానే వా పఠిత్వా షోడశే దలే ॥ ౧౩౭ ॥
రక్తామ్భోజైః పూజయిత్వా మనసా కామచిన్తయన్ ।
ఘృతాక్తైర్జుహుయాన్నిత్యం నామ ప్రత్యేకముచ్చరన్ ॥ ౧౩౮ ॥
మూలమన్త్రేణ పుటితమాజ్యం వహ్నౌ సమర్పయేత్ ।
అన్తరే స్వసుఖే హోమః సర్వసిద్ధిసుఖప్రదః ॥ ౧౩౯ ॥
సద్యోమధుయుతైర్మాంసైః సుసుఖే మన్త్రముచ్చరన్ ।
ప్రత్యేకం నామపుటితం హుత్వా పునర్ముఖామ్బుజే ॥ ౧౪౦ ॥
కుణ్డలీరసజిహ్వాయాం జీవన్ముక్తో భవేన్నరః ।
ధృత్వా వాపి పఠిత్వా వా స్తుత్వా వా విధినా ప్రభో ॥ ౧౪౧ ॥
మహారుద్రో భవేత్సాక్షాన్మమ దేహాన్వితో భవేత్ ।
యోగీ జ్ఞానీ భవేత్ సిద్ధః సారసఙ్కేతదర్శకః ॥ ౧౪౨ ॥
అపరాజితః సర్వలోకే కిమన్యత్ ఫలసాధనమ్ ।
ధృత్వా రాజత్వమాప్నోతి కణ్ఠే పృథ్వీశ్వరో భవేత్ ॥ ౧౪౩ ॥
దక్షహస్తే తథా ధృత్వా ధనవాన్ గుణవాన్ భవేత్ ।
అకాలమృత్యుహరణం సర్వవ్యాధినివారణమ్ ॥ ౧౪౪ ॥
హుత్వా రాజేన్ద్రనాథశ్చ మహావాగ్మీ సదాఽభయః ।
సర్వేషాం మథనం కృత్వా గణేశో మమ కార్తీకః ॥ ౧౪౫ ॥
దేవనామధిపో భూత్వా సర్వజ్ఞో భవతి ప్రభో ।
యథా తథా మహాయోగీ భ్రమత్యేవ న సంశయః ॥ ౧౪౬ ॥
ప్రాతఃకాలే పఠేద్ యస్తు మస్తకే స్తుతిధారకః ।
జలస్తమ్భం కరోత్యేవ రసస్తమ్భం తథైవ చ ॥ ౧౪౭ ॥
రాజ్యస్తమ్భం నరస్తమ్భం వీర్యస్తమ్భం తథైవ చ
విద్యాస్తమ్భం సుఖస్తమ్భం క్షేత్రస్తమ్భం తథైవ చ ॥ ౧౪౮ ॥
రాజస్తమ్భం ధనస్తమ్భం గ్రామస్తమ్భం తథైవ చ
మధ్యాహ్నే చ పఠేద్ యస్తు వహ్నిస్తమ్భం కరోత్యపి ॥ ౧౪౯ ॥
కాలస్తమ్భం వయఃస్తమ్భం శ్వాసస్తమ్భం తథైవ చ ।
రసస్తమ్భం వాయుస్తమ్భం బాహుస్తమ్భం కరోత్యపి ॥ ౧౫౦ ॥
సాయాహ్నే చ పఠేద్ యస్తు కణ్ఠోదరే చ ధారయన్ ।
మన్త్రస్తమ్భం శిలాస్తమ్భం శాస్త్రస్తమ్భం కరోత్యపి ॥ ౧౫౧ ॥
హిరణ్యరజతస్తమ్భం వజ్రస్తమ్భం తథైవ చ ।
అకాలత్వాదిసంస్తమ్భం వాతస్తమ్భం కరోత్యపి ॥ ౧౫౨ ॥
పారదస్తమ్భనం శిల్పకల్పనా జ్ఞానస్తమ్భనమ్ ।
ఆసనస్తమ్భనం వ్యాధిస్తమ్భనం బన్ధనం రిపోః ॥ ౧౫౩ ॥
షట్పద్మస్తమ్భనం కృత్వా యోగీ భవతి నిశ్చితమ్ ।
వన్ధ్యా నారీ లభేత్ పుత్రం సున్దరం సుమనోహరమ్ ॥ ౧౫౪ ॥
భ్రష్టో మనుష్యో రాజేన్ద్రః కిమన్యే సాధవో జనాః ।
శ్రవణాన్మకరే లగ్నే చిత్రాయోగే చ పర్వణి ॥ ౧౫౫ ॥
హిరణ్యయోగే వాయవ్యాం లిఖిత్వా మాఘమాసకే ।
వైశాఖే రాజయోగే వా రోహిణ్యాఖ్యా విశేషతః ॥ ౧౫౬ ॥
శ్రీమద్భువనమఙ్గలం నామ యశోదాతృ భవేద్ ధ్రువమ్ ।
జాయన్తే రాజవల్లభా అమరాః ఖేచరా లిఖనేన ॥ ౧౫౭ ॥
ధర్మార్థకామమోక్షం చ ప్రాప్నువన్తి చ పాఠకాః ।
కీర్తిరాత్మదృష్టిపాతం లభతే నాత్ర సంశయః ॥ ౧౫౮ ॥
॥ ఇతి శ్రీరుద్రయామలే ఉత్తరతన్త్రే భైరవీభైరవసంవాదే
శాకినీసదాశివస్తవనమఙ్గలాష్టోత్తరసహస్రనామ సమ్పూర్ణమ్ ॥