॥ Shiva Sahasranama Stotram from Shivarahasya Malayalam Lyrics ॥
॥ ശ്രീശിവരഹസ്യാന്തര്‍ഗതം ശിവസഹസ്രനാമസ്തോത്രം ॥
॥ ശിവരഹസ്യേ പഞ്ചമാംശേ ചത്വാരിംശോഽധ്യായഃ ॥
ദേവീ –
ശ്രുതം സുദര്‍ശനാഖ്യാനം ത്വത്തോ വിസ്മാപനം മമ ।
പ്രദോഷേ പാപിനാ തേന ദൃഷ്ടശ്ചാന്യാര്‍ചിതഃ ശിവഃ ॥ 1 ॥
ശേഷേണ നാമസാഹത്രൈസ്ത്വം സ്തുതഃ കഥമീശ്വര ।
തന്നാംനാം ശ്രവണേച്ഛാ മേ ഭൂയസീ ഭവതി പ്രഭോ ॥ 2 ॥
സൂതഃ –
തസ്മിന്‍ കൈലാസശിഖരേ സുഖാസീനം മഹേശ്വരം ।
പ്രണംയ പ്രാര്‍ഥയാമാസ സാ ദേവീ ജഗദംബികാ ॥ 3 ॥
തദാ ദേവ്യാ മഹാദേവഃ പ്രാര്‍ഥിതഃ സര്‍വകാമദഃ ।
ഭവോ ഭവാനീമാഹേത്ഥം സര്‍വപാപപ്രണാശകം ॥ 4 ॥
ഫണീശോ മുഖസാഹസ്രൈത്ര്യാനി നാമാനി ചോക്ത്തവാന്‍ ।
താനി വഃ സമ്പ്രവക്ഷ്യാമി യഥാ മമ ഗുരോഃ ശ്രുതം ॥ 5 ॥
ഈശ്വരഃ –
ഋഷിഃ ഛന്ദോ ദൈവതം ച താന്യഹം ക്രമശോംഽബികേ ।
സഹസ്രനാംനാം പുണ്യം മേ ഫണിന്ദ്രഃ കൃതവാനുമേ ॥ 6 ॥
ഋഷിസ്തസ്യ ഹി ശേഷോഽയം ഛന്ദോഽനുഷ്ടുപ് പ്രകീര്‍തിതം ।
ദേവതാസ്യാഹമീശാനി സര്‍വത്ര വിനിയോജനം ॥ 7 ॥
ധ്യാനം തേ കഥയാംയദ്യ ശ്രൂണു ത്വമഗകന്യകേ ।
കൈലാസേ സുഹിരണ്യവിഷ്ടരവരേ ദേവ്യാ സമാലിങ്ഗിതം
നന്ദ്യാദ്യൈര്‍ഗണപൈഃ സദാ പരിവൃതം വന്ദേ ശിവം സുന്ദരം ।
ഭക്താഘൌഘനികൃന്തനൈകപരശും ബിഭ്രാണമിന്ദുപ്രഭം
സ്കന്ദാദ്യൈര്‍ഗജവക്ത്ര (?) സേവിതപദം ധ്യായാമി സാംബം സദാ ॥ 8 ॥
ഏവം മാമബികേ ധ്യാത്വാ നാമാനി പ്രജപേത്തതഃ ।
ഹൃത്പദ്മസദ്മസംസ്ഥം മാം സര്‍വാഭീഷ്ടാര്‍ഥസിദ്ധയേ ॥ 9 ॥
പുണ്യകാലേഷു സര്‍വേഷു സോമവാരേ വിശേഷതഃ ।
ബില്വപത്രൈഃ പങ്കജൈശ്ച പുണ്യനാമാനി ശങ്കരി ॥ 10 ॥
പൂജയേന്നാമസാഹസ്രൈഃ സര്‍വാര്‍ഥപ്രാപ്തയേ ശിവേ ।
യോ യം കാമയതേ കാമം തം തമാപ്നോതി ശങ്കരി ॥ 11 ॥
ധനാര്‍ഥീ ലഭതേ വിത്തം കന്യാര്‍ഥീ കന്യകാം തഥാ ।
രാജ്യാര്‍ഥീ രാജ്യമാപ്നോതി മോക്ഷാര്‍ഥീ മോക്ഷമാപ്നുയാത് ॥ 12 ॥
ശൃണു ദേവി പരം പുണ്യം മാതൃകാനാമനുത്തമം ।
സഹസ്രം പ്രജപേന്നിത്ര്യം ധര്‍മകാമാര്‍ഥമോക്ഷഭാക് ॥ 13 ॥
ഈശ്വരഃ –
ഓംകാരനിലയാത്മസ്ഥഃ ഓംകാരാര്‍ഥൈകവാചകഃ ।
ഓംകാരേശാകൃതിരോമിതിശബ്ദകൃതസ്തുതിഃ ॥ 14 ॥
ഓംകാരകുണ്ഡനിലയലിങ്ഗപൃജനപാപഹൃത് ।
നമിതാശേഷദേവാദിര്‍നദീപുലിതസംസ്ഥിതഃ ॥ 15 ॥
നന്ദിവാദ്യപ്രിയോ നിത്യോ നാമപാരായണപ്രിയഃ ।
മഹേന്ദ്രനിലയോ മാനി മാനസാന്തരപാപഭിത് ॥ 16 ॥
മയസ്കരോ മഹായോഗീ മായാചക്രപ്രവര്‍തകഃ ।
ശിവഃ ശിവതരഃ ശീതഃ ശീതാംശുകൃതഭൂഷണഃ ॥ 17 ॥
ധനുഃശരകരോ ധ്യാതാ ധര്‍മാധര്‍മപ്രായാണഃ ।
ആത്മാ ആതാര്യ ആലാദ്യ അനങ്ഗശരഖണ്ഡനഃ ॥ 18 ॥
ഈശാന ഈഡ്യ ഈഘ്ര്യശ്ച ഇഭമസ്തകസംസ്തുതഃ ।
ഉമാസംശ്ലിഷ്ടവാമാങ്ഗ ഉശീനരനൃപാര്‍ചിതഃ ॥ 19 ॥
ഉദുംബരഫലപ്രീത ഉമാദിസുരപൂജിതഃ ।
ഋജീഷീകൃതഭൃചക്രോ രിപുപ്രമഥനോര്‍ജിതഃ ॥ 20 ॥
ലിങ്ഗാര്‍ചകജനപ്രീതോ ലിങ്ഗീ ലിങ്ഗസമപ്രിയഃ ।
ലിപിപ്രിയോ ബിന്ദുഹീനോ ലീലാകൃതജഗന്ത്ത്രയഃ ॥ 21 ॥
ഐന്ദ്രീദിക്പതിസംയുക്ത ഐശ്വര്യാദിഫലപ്രദഃ ।
ഔത്താനപാദപൂജ്യാങ്ഘ്രിരൌമാദിസുരപൂജിതഃ ॥ 22 ॥
കല്യാണാചലകോദണ്ഡഃ കാമിതാര്‍ഥഫലപ്രദഃ ।
കസ്തൂരീതിലകപ്രീതഃ കര്‍പൂരാഭകലേവരഃ ॥ 23 ॥
കരന്ധമസുതപ്രീതഃ കല്‍പാദിപരിവര്‍ജിതഃ ।
കല്‍പിതാനേകഭൂതാദിഃ കലികല്‍മഷനാശനഃ ॥ 24 ॥
കമലാമലസന്നേത്രഃ കമലാപതിപൂജിതഃ ।
ഖഗോല്‍കാദിത്യവരദഃ ഖഞ്ജരീടവരപ്രദഃ ॥ 25 ॥
ഖര്‍ജുരവനമധ്യസ്ഥഃ ഖണ്ഡിതാഖണ്ഡലീകരഃ ।
ഖഗഃ ഖങ്ഗഹരഃ ഖണ്ഡഃ ഖഗഗഃ ഖാകൃതിഃ ഖസഃ ॥ 26 ॥
ഖണ്ഡപര്‍ശുഃ ഖണ്ഡധനഃ ഖണ്ഡിതാരാതിമണ്ഡലഃ ।
ഗന്ധര്‍വഗണസുപ്രീതോ ഗന്ധധൃക് ഗര്‍വനാശകഃ ॥ 27 ॥
ഗങ്ഗാധരോ ഗോഗണേശോ ഗണേശവരപുത്രകഃ ।
ഗതിദോ ഗദഹാ ഗന്ധീ ഗന്ധമാല്യവരാര്‍ചിതഃ ॥ 28 ॥
ഗഗനസ്ഥോ ഗണപതിര്‍ഗഗനാഭോഗഭൂഷണഃ ।
ഘണ്ടാകര്‍ണപ്രിയോ ഘണ്ടീ ഘടജസ്തുതിസുപ്രിയഃ ॥ 29 ॥
ഘോടകപ്രിയപുത്രശ്ച ധര്‍മകാലോ ഘനാകൃതിഃ ।
ഘനവാഹോ ഘൃതാധ്യക്ഷോ ഘനഘോഷോ ഘടേശ്വരഃ ॥ 30 ॥
ഘടാനാദകരപ്രീതോ ഘടീഭൂതമഹാഗിരിഃ ।
ചന്ദ്രചൂഡശ്ചന്ദ്രകരശ്ചന്ദനാര്‍ദ്രശ്ചതുഷ്പഥഃ ॥ 31 ॥
ചമസോദ്ഭേദമധ്യസ്ഥശ്ചണ്ഡകോപശ്ചതുര്‍മുഖഃ ।
ചക്ഷുഃശ്രോത്രമഹാഹാരശ്ചണ്ഡികേശവരപ്രദഃ ॥ 32 ॥
ചേതോജന്‍മഹരശ്ചണ്ഡശ്ചാതുര്‍ഹോത്രപ്രിയശ്ചരഃ ।
ചതുര്‍മുഖമുഖസ്തുത്യശ്ചതുര്‍വേദശ്ചരാചരഃ ॥ 33 ॥
ചണ്ഡഭാനുകരാന്തഃസ്ഥശ്ചതുര്‍മൂര്‍തിവപുഃസ്ഥിതഃ ।
ഛാദിതാനേകലോകാദിഃ ഛന്ദസാം ഗണമധ്യഗഃ ॥ 34 ॥
ഛത്രചാമരശോഭാഢ്യഃ ഛന്ദോഗഗതിദായകഃ ।
ജങ്ഗമാജങ്ഗമാകാരോ ജഗന്നാഥോ ജഗദ്ഗതഃ ॥ 35 ॥
ജഹ്നുകന്യാജടോ ജപ്യോ ജേതാ ജത്രുര്‍ജനാര്‍തിഹാ ।
ജംഭാരാതിര്‍ജനപ്രീതോ ജനകോ ജനികോവിദഃ ॥ 36 ॥
ജനാര്‍ദനാര്‍ദനോ ജാമിജാത്യാദിപരിവര്‍ജിതഃ ।
ഝണജ്ഝണാന്‍ഘ്രിജാരാവോ ഝങ്കാരോജ്ഝിതദുഷ്ക്രിയഃ ॥ 37 ॥
ടങ്കപ്രിയഷ്ടംകൃതികഷ്ടംകഭേദീ ടകാരകഃ ।
ടാദിവര്‍ണപ്രിയഷ്ഠാന്തോ ഢക്കാനാദപ്രിയോ രസഃ ॥ 38 ॥
ഡാമരിതന്ത്രമധ്യസ്ഥോ ഡമരുധ്വനിശോഭിതഃ ।
ഢക്കാധ്വനികൃതാനല്‍പബധിരീകൃതദിങ്മുഖഃ ॥ 39 ॥
ണകാരോ ണണുകോത്ഥാദിര്‍ണാന്തകൃണ്ണവിമോചകഃ ।
തസ്കരസ്താംരകസ്താര്‍ക്ഷ്യസ്താമസാദിഗുണോജ്ഝിതഃ ॥ 40 ॥
തരുമൂലപ്രിയസ്താതസ്തമസാം നാശകസ്തടഃ ।
ഥാനാസുരഹരഃ സ്ഥാതാ സ്ഥാണുഃ സ്ഥാനപ്രിയഃ സ്ഥിരഃ ॥ 41 ॥
ദാതാ ദാനപതിര്‍ദാന്തോ ദന്ദശൂകവിഭുഷിതഃ ।
ദര്‍ശനിയോ ദീനദയോ ദണ്ഡിതാരാതിമണ്ഡലഃ ॥ 42 ॥
ദക്ഷയജ്ഞഹരോ ദേവോ ദാനവാരിര്‍ദമോദയഃ ।
ദത്താത്രേയപ്രിയോ ദണ്ഡീ ദാഡിമീകുസുമപ്രിയഃ ॥ 43 ॥
ധതാ ധനാധിപസഖോ ധനധാന്യപ്രദോ ധനം ।
ധാമപ്രിയോഽന്ധസാം നാഥോ ധര്‍മവാഹോ ധനുര്‍ധരഃ ॥ 44 ॥
നമസ്കാരപ്രിയോ നാഥോ നമിതാശേഷദുഃഖഹൃത് ।
നന്ദിപ്രിയോ നര്‍മസഖോ നര്‍മദാതീരസംസ്ഥിതഃ ॥ 45 ॥
നന്ദനോ നമസാമീശോ നാനാരൂപോ നദീഗതഃ ।
നാമപ്രീതോ നാമരൂപഗുണകര്‍മവിവര്‍ജിതഃ ॥ 46 ॥
പത്തീനാം ച പതിഃ പാര്യഃ പരമാത്മാ പരാത്പരഃ ।
പങ്കജാസനപൂജ്യാങ്ഘ്രിഃ പദ്മനാഭവരപ്രദഃ ॥ 47 ॥
പന്നഗാധിപസദ്ധാരഃ പശൂനാം പതിപാവകഃ ।
പാപഹാ പണ്ഡിതഃ പാന്ഥോ പാദപോന്‍മഥനഃ പരഃ ॥ 48 ॥
ഫണീഫണാലസമ്മൌലിഃ ഫണികങ്കണസത്കരഃ ।
ഫണിതാ നേകവേദോക്ത്തിഃ ഫണിമാണിക്യഭൂഷിതഃ ॥ 49 ॥
ബന്ധമോചനകൃദ്ബന്ധുര്‍ബന്ധുരാലകശോഭിതഃ ।
ബലീ ബലവതാം മുഖ്യോ ബലിപുത്രവരപ്രദഃ ॥ 50 ॥
ബാണാസുരേന്ദ്രപൂജ്യാങ്ഘ്രിര്‍ബാണലിങ്ഗോ ബഹുപദഃ ।
വന്ദീകൃതാഗമോ ബാലപാലകോ ബഹുശോഭിതഃ ॥ 51 ॥
ഭവാദിര്‍ഭവഹാ ഭവ്യോ ഭവോ ഭാവപരായണഃ ।
ഭയഹൃദ്ഭവദോ ഭൂതോ ഭണ്ഡാസുരവരപ്രദഃ ॥ 52 ॥
ഭഗാക്ഷിമഥനോ ഭര്‍ഗോ ഭവാനീശോ ഭയങ്കരഃ ।
ഭങ്കാരോ ഭാവുകദോ ഭസ്മാഭ്യക്ത്തതനുര്‍ഭടഃ ॥ 53 ॥
മയസ്കരോ മഹാദേവോ മായാവീ മാനസാന്തരഃ ।
മായാതീതോ മന്‍മഥാരിര്‍മധുപോഽഥ മനോന്‍മനഃ ॥ 54 ॥
മധ്യസ്ഥോ മധുമാംസാത്മാ മനോവാചാമഗോചരഃ ।
മണ്ഡിതോ മണ്ഡനാകാരോ മതിദോ മാനപാലകഃ ॥ 55 ॥
മനസ്വീ മനുരൂപശ്ച മന്ത്രമൂര്‍തിര്‍മഹാഹനുഃ ।
യശസ്കരോ യന്ത്രരൂപോ യമിമാനസപാവനഃ ॥ 56 ॥
യമാന്തകരണോ യാമീ യജമാനോ യദുര്യമീ ।
രമാനാഥാര്‍ചിതപദോ രംയോ രതിവിശാരദഃ ॥ 57 ॥
രംഭാപ്രീതോ രസോ രാത്രിചരോ രാവണപൂജിതഃ ।
രങ്ഗപാദോ രന്തിദേവോ രവിമണ്ഡലമധ്യഗഃ ॥ 58 ॥
രഥന്തരസ്തുതോ രക്ത്തപാനോ രഥപതീ രജഃ ।
രഥാത്മകോ ലംബതനുര്ലാങ്ഗലീ ലോലഗണ്ഡകഃ ॥ 59 ॥
ലലാമസോമലൂതാദിര്ലലിതാപൂജിതോ ലവഃ ।
വാമനോ വായുരൂപശ്ച വരാഹമഥനോ വടുഃ ॥ 60 ॥
വാക്യജാതോ വരോ വാര്യോ വരുണേഡ്യോ വരാശ്രയഃ ।
വപുര്‍ധരോ വര്‍ഷവരോ വരിയാന്‍ വരദോ വരഃ ॥ 61 ॥
വസുപ്രദോ വസുപതിര്‍വന്ദാരുജനപാലകഃ ।
ശാന്തഃ ശമപരഃ ശാസ്താ ശമനാന്തകരഃ ശഠഃ ॥ 62 ॥
ശങ്ഖഹസ്തഃ ശത്രുഹന്താ ശമിതാഖിലദുഷ്കൃതഃ ।
ശരഹസ്തഃ ശതാവര്‍തഃ ശതക്രതുവരപ്രദഃ ॥ 63 ॥
ശംഭുഃ ശംയാകപുഷ്പാര്‍ച്യഃ ശങ്കരഃ ശതരുദ്രഗഃ ।
ശംയാകരഃ ശാന്തമനാഃ ശാന്തഃ ശശികലാധരഃ ॥ 64 ॥
ഷഡാനനഗുരുഃ ഷണ്ഡഃ ഷട്കര്‍മനിരതഃ ഷഗുഃ ।
ഷഡ്ജാദിരസികഃ ഷഷ്ഠഃ ഷഷ്ഠീപ്രീതഃ ഷഡങ്ഗവാന്‍ ॥ 65 ॥
ഷഡൂര്‍മിരഹിതഃ ശഷ്പ്യഃ ഷിദ്ഗഃ ഷാഡ്ഗുണ്യദായകഃ ।
സത്യപ്രിയഃ സത്യധാമാ സംസാരരഹിതഃ സമഃ ॥ 66 ॥
സഖാ സന്ധാനകുശലഃ സര്‍വസമ്പത്പ്രദായകഃ ।
സഗരഃ സാഗരാന്തസ്ഥഃ സത്രാശഃ സരണഃ സഹഃ ॥ 67 ॥
സാംബഃ സനാതനഃ സാധുഃ സാരാസാരവിശാരദഃ ।
സാമഗാനപ്രിയഃ സാരഃ സരസ്വത്യാ സുപൂജിതഃ ॥ 68 ॥
ഹതാരാതിര്‍ഹംസഗതിര്‍ഹാഹാഹൂഹൂസ്തുതിപ്രിയഃ ।
ഹരികേശോ ഹരിദ്രാങ്ഗോ ഹരിന്‍മണിസരോഹഠഃ ॥ 69 ॥
ഹരിപൃജ്യോ ഹരോ ഹാര്യോ ഹരിണാങ്കശിഖണ്ഡകഃ ॥
ഹാഹാകാരാദിരഹിതോ ഹനുനാസോ ഹഹുംകൃതഃ ॥ 70 ॥
ലലാനനോ ലതാസോമോ ലക്ഷമീകാന്തവരപ്രദഃ ।
ലംബോദരഗുരുര്ലഭ്യോ ലവലീശോ ലുലായഗഃ ॥ 71 ॥
ക്ഷയദ്വീരഃ ക്ഷമായുത്തഃ ക്ഷയാദിരഹിതഃ ക്ഷമീ ।
ക്ഷത്രിയാന്തകരഃ ക്ഷാന്തഃ ക്ഷാത്രധര്‍മപ്രവര്‍തകഃ ॥ 72 ॥
ക്ഷയിഷ്ണുവര്‍ധനഃ ക്ഷാന്തഃ ക്ഷപാനാഥകലധരഃ ।
ക്ഷപാദിപൂജനപ്രീതഃ ക്ഷപണാന്തഃ ക്ഷരാക്ഷരഃ ॥ 73 ॥
രുദ്രോ മന്യുഃ സുധന്വാ ച ബാഹുമാന്‍ പരമേശ്വരഃ ।
സ്വിഷുഃ സ്വിഷ്ടകൃദീശാനഃ ശരവ്യാധാരകോ യുവാ ॥ 74 ॥
അഘോരസ്തനുമാന്‍ ദേവോ ഗിരീശഃ പാകശാസനഃ ।
ഗിരിത്രഃ പുരുഷഃ പ്രാണഃ പഞ്ചപ്രാണപ്രവര്‍തകഃ ॥ 75 ॥
അധ്യവോചോ മഹാദേവ അധിവക്താ മഹേശ്വരഃ ।
ഈശാനഃ പ്രഥമോ ദേവോ ഭിഷജാം പതിരീശ്വരഃ ॥ 76 ॥
താംരോഽരുണോ വിശ്വനാഥോ ബഭ്രുശ്ചൈവ സുമങ്ഗലഃ ।
നീലഗ്രീവഃ ശിവോ ഹൃഷ്ടോ ദേവദേവോ വിലോഹിതഃ ॥ 77 ॥
ഗോപവശ്യോ വിശ്വകര്‍താ ഉദഹാര്യജനേക്ഷിതഃ ।
വിശ്വദൃഷ്ടഃ സഹസ്രാക്ഷോ മീഢുഷ്ഠോ ഭഗവന്‍ ഹരഃ ॥ 78 ॥
ശതേഷുധിഃ കപര്‍ദീ ച സോമോ മീഢുഷ്ടമോ ഭവഃ ।
അനാതതശ്ചാതിധൃഷ്ണുഃ സത്വാനാം രക്ഷകഃ പ്രഭുഃ ॥ 79 ॥
വിശ്വേശ്വരോ മഹാദേവസ്ത്ര്യംബകസ്ത്രിപുരാന്തകഃ ।
ത്രികാഗ്നികാലഃ കാലാഗ്നിരുദ്രോ നീലോഽധിപോഽനിലഃ ॥ 80 ॥
സര്‍വേശ്വരഃ സദാ ശംഭുഃ ശ്രീമാന്‍ മൃത്യുഞ്ജയഃ ശിവഃ ।
സ്വര്‍ണബാഹുഃ സൈന്യപാലോ ദിശാധീശോ വനസ്പതിഃ ॥ 81 ॥
ഹരികേശഃ പശുപതിരുഗ്രഃ സസ്പിഞ്ജരോഽന്തകഃ ।
ത്വിഷീമാന്‍ മാര്‍ഗപോ ബഭ്രുര്‍വിവ്യാധീ ചാന്നപാലകഃ ॥ 82 ॥
പുഷ്ടോ ഭവാധിപോ ലോകനാഥോ രുദ്രാതതായികഃ ।
ക്ഷേത്രശഃ സൂതപോഽഹന്ത്യോ വനപോ രോഹിതഃ സ്ഥപഃ ॥ 83 ॥
വൄക്ഷേശോ മന്ത്രജോ വാണ്യോ ഭുവന്ത്യോ വാരിവസ്കൃതഃ ।
ഓഷദീശോ മഹാഘോഷഃ ക്രന്ദനഃ പത്തിനായകഃ ॥ 84 ॥
കൃത്സ്നവീതീ ധാവമനഃ സത്വനാം പതിരവ്യയഃ ।
സഹമാനോഽഥ നിര്‍വ്യാധിരവ്യാധിഃ കുകുഭോ നടഃ ॥ 85 ॥
നിഷങ്ഗീ സ്തേനപഃ കക്ഷ്യോ നിചേരുഃ പരിചാരകഃ ।
ആരണ്യപഃ സൃകാവി ച ജിഘാംസുര്‍മുഷ്ണപോഽസിമാന്‍ ॥ 86 ॥
നക്തശ്വരഃ പ്രകൃന്തശ്ച ഉഷ്ണീഷീ ഗിരിസഞ്ചരഃ ।
കുലുഞ്ച ഇഷുമാന്‍ ധന്വീ ആതന്വാന്‍ പ്രതിധാനവാന്‍ ॥ 87 ॥
ആയച്ഛോ വിസൃജോഽപ്യാത്മാ വേധനോ ആസനഃ പരഃ ।
ശയാനഃ സ്വാപകൃത് ജാഗ്രത് സ്ഥിതോ ധാവനകാരകഃ ॥ 88 ॥
സഭാപതിസ്തുരങ്ഗേശ ഉഗണസ്തൃംഹതിര്‍ഗുരുഃ ।
വിശ്വോ വ്രാതോ ഗണോ വിശ്വരുപോ വൈരുപ്യകാരകഃ ॥ 89 ॥
മഹാനണീയാന്‍ രഥപഃ സേനാനീഃ ക്ഷത്രസംഗ്രഹഃ ।
തക്ഷാ ച രഥകാരശ്ച കുലാലഃ കര്‍മകാരകഃ ॥ 90 ॥
പുഞ്ജിഷ്ഠശ്ച നിഷാദശ്ച ഇഷുകൃദ്ധന്വകാരകഃ ।
മൃഗയുഃ ശ്വാനപോ ദേവോ ഭവോ രുദ്രോഽഥ ശര്‍വകഃ ॥ 91 ॥
പശുപോ നീലകണ്ഠശ്ച ശിതികണ്ഠഃ കപര്‍ദഭൃത് ।
വ്യുപ്തകേശഃ സഹസ്രാക്ഷഃ ശതധന്വാ ഗിരീശ്വരഃ ॥ 92 ॥
ശിപിവിഷ്ടോഽഥ മീഢുഷ്ട ഇഷുമാന്‍ ഹൃസ്വവാമനഃ ।
ബഹുര്‍വര്‍ഷവയാ വൃദ്ധഃ സംവൃദ്ധ്വാ പഥമോഽഗ്രിയഃ ॥ 93 ॥
ആശുശ്വൈവാജിരഃ ശീഘ്ര്യഃ ശീംയ ഊര്‍ംയോഽഥ വസ്വനഃ ।
സ്രോതോ ദ്വീപ്യസ്തഥാ ജ്യേഷ്ഠഃ കനിഷ്ഠഃ പൂര്‍വജോഽപരഃ ॥ 94 ॥
മധ്യശ്ചാഥാപ്രഗല്‍ഭശ്ച ….
ആശുഷേണശ്ചാശുരഥഃ ശൂരോ വൈ ഭിന്ദിവര്‍മധൃക് ॥ 95 ॥
വരൂഥീ വിരുമീ കാവചീ ശ്രുതസേനോഽഥ ദുന്ദുഭിഃ ।
ധൃഷ്ണുശ്ച പ്രഹിതോ ദൂതോ നിഷങ്ഗീ തീക്ഷ്ണസായകഃ ॥ 96 ॥
ആയുധീ സ്വായുധീ ദേവ ഉപവീതീ സുധന്വധൃക് ।
സ്രുത്യഃ പഥ്യസ്തഥാ കാട്യോ നീപ്യഃ സൂദ്യഃ സരോദ്ഭവഃ ॥ 97 ॥
നാദ്യവൈശന്തകൂപ്യാശ്ചാവട്യോ വര്‍ഷ്യോ മേഘ്യോഽഥ വൈദ്യുതഃ।
ഈഘ്ര്യ ആതപ്യ വാതോത്ഥോ രശ്മിജോ വാസ്തവോഽസ്തുപഃ ॥ 98 ॥
സോമോ രുദ്രസ്തഥാ താംര അരുണഃ ശങ്ഗഃ ഈശ്വരഃ ।
ഉഗ്രോ ഭീമസ്തഥൈവാഗ്രേവധോ ദൂരേവധസ്തഥാ ॥ 99 ॥
ഹന്താ ഹനീയാന്‍ വൃക്ഷശ്ച ഹരികേശഃ പ്രതര്‍ദനഃ ।
താരഃ ശംഭുര്‍മയോഭൂശ്ച ശങ്കരശ്ച മയസ്കരഃ ॥ 100 ॥
ശിവഃ ശിവതരസ്തീര്‍ഥ്യഃ കൂല്യഃ പാര്യോ വാര്യഃ പ്രതാരണഃ ।
ഉത്താരണസ്തഥാലാദ്യ ആര്‍തായഃ ശഷ്പ്യഫേനജഃ ॥ 101 ॥
സികത്യശ്ച പ്രവാഹ്യശ്ച ഇരിണ്യഃ പ്രമഥഃ കിംശിലഃ ।
ക്ഷയണഃ കൂലഗോ ഗോഷ്ഠ്യഃ പുലത്സ്യോ ഗൃഹ്യ ഏവ ച ॥ 102 ॥
തല്‍പ്യോ ഗേഹ്യസ്തഥാ കാട്യോ ഗഹ്വരേഷ്ഠോ ഹൃദോദ്ഭവഃ ।
നിവേഷ്ട്യഃ പാസുമധ്യസ്ഥോ രജസ്യോ ഹരിതസ്ഥിതഃ ॥ 103 ॥
ശുഷ്ക്യോ ലോപ്യസ്തഥോലപ്യ ഊര്‍ംയഃ സൂര്‍ംയശ്ച പര്‍ണജഃ ।
പര്‍ണശദ്യോഽപഗുരകഃ അഭിഘ്നോത്ഖിദ്യകോവിദഃ ॥ 104 ॥
അവഃ (?) കിരിക ഈശാനോ ദേവാദിഹൃദയാന്തരഃ ।
വിക്ഷീണകോ വിചിന്വത്ക്യഃ ആനിര്‍ഹ ആമിവത്കകഃ ॥ 105 ॥
ദ്രാപിരന്‍ഘസ്പതിര്‍ദാതാ ദരിദ്രന്നിലലോഹിതഃ ।
തവസ്വാംശ്ച കപര്‍ദീശഃ ക്ഷയദ്വിരോഽഥ ഗോഹനഃ ॥ 106 ॥
പുരുഷന്തോ ഗര്‍തഗതോ യുവാ മൃഗവരോഗ്രകഃ ।
മൃഡശ്ച ജരിതാ രുദ്രോ മീഢ്യോ ദേവപതിര്‍ഹരിഃ ॥ 107 ॥
മീഢുഷ്ടമഃ ശിവതമോ ഭഗവാനര്‍ണവാന്തരഃ ।
ശിഖീ ച കൃത്തിവാസാശ്ച പിനാകീ വൃഷ്ഭസ്ഥിതഃ ॥ 108 ॥
അഗ്നീഷുശ്ച വര്‍ഷേഷുര്‍വാതേഷുശ്ച ……
പൃഥിവീസ്ഥോ ദിവിഷ്ടശ്ച അന്തരിക്ഷസ്ഥിതോ ഹരഃ ॥ 109 ॥
അപ്സു സ്ഥിതോ വിശ്വനേതാ പഥിസ്ഥോ വൃക്ഷമൂലഗഃ ।
ഭൂതാധിപഃ പ്രമഥപ ….. ॥ 110 ॥
അവപലഃ സഹസ്രാസ്യഃ സഹസ്രനയനശ്രവാഃ ।
ഋഗ്ഗണാത്മാ യജുര്‍മധ്യഃ സാമമധ്യോ ഗണാധിപഃ ॥ 111 ॥
ഉര്‍ംയര്‍വശീര്‍ഷപരമഃ ശിഖാസ്തുത്യോഽപസൂയകഃ ।
മൈത്രായണോ മിത്രഗതിസ്തണ്ഡുപ്രീതോ രിടിപ്രിയഃ ॥ 112 ॥
ഉമാധവോ വിശ്വഭര്‍താ വിശ്വഹര്‍താ സനാതനഃ ।
സോമോ രുദ്രോ മേധപതിവംകുര്‍വൈ മരുതാം പിതാ ॥ 113 ॥
……. അരുഷോ അധ്വരേശ്വരഃ ।
ജലാഷഭേഷജോ ഭൂരിദാതാ സുജനിമാ സുരഃ ॥ 114 ॥
സംരാട് പുരാംഭിദ് ദുഃഖസ്ഥഃ സത്പതിഃ പാവനഃ ക്രതുഃ ।
ഹിരണ്യരേതാ ദുര്‍ധര്‍ഷോ വിശ്വാധിക ഉരുക്രമഃ ॥ 115 ॥
ഗുരുഗായോഽമിതഗുണോ മഹാഭൂതസ്ര്‍ത്രിവിക്രമഃ ।
അമൃതോ അജരോഽജയ്യോ രുദ്രോഽഗ്നിഃ പുരുഷോ വിരാട് ॥ 116 ॥
തുഷാരാട്പൂജിതപദോ മഹാഹര്‍ഷോ രസാത്മകഃ ।
മഹര്‍ഷിബുദ്ധിദോ ഗോപ്താ ഗുപ്തമന്ത്രോ ഗതിപ്രദഃ ॥ 117 ॥
ഗന്ധര്‍വഗാനപ്രീതാത്മാ ഗീതപ്രീതോരുശാസനഃ ।
വിദ്വേഷണഹരോ ഹാര്യോ ഹര്‍ഷക്രോധവിവര്‍ജിതഃ ॥ 118 ॥
ഭക്ത്തപ്രിയോ ഭക്ത്തിവശ്യോ ഭയഹൃദ്ഭൂതസങ്ധഭിത് ।
ഭുവനേശോ ഭൂധരാത്മാ വിശ്വവന്ദ്യോ വിശോഷകഃ ॥ 119 ॥
ജ്വരനാശോ രോഗനാശോ മുഞ്ജികേശോ വരപ്രദഃ ।
പുണ്ഡരീകമഹാഹാരഃ പുണ്ഡരീകത്വഗംബരഃ ॥ 120 ॥
ആഖണ്ഡലമുഖസ്തുത്യഃ കുണ്ഡലീ കുണ്ഡലപ്രിയഃ ।
ചണ്ഡാംശുമണ്ഡലാന്തസ്ഥഃ ശശിഖണ്ഡശിഖണ്ഡകഃ ॥ 121 ॥
ചണ്ഡതനാണ്ഡവസന്നാഹശ്ചണ്ഡകോപോഽഖിലാണ്ഡഗഃ ।
ചണ്ഡികാപൂജിതപദോ മണ്ഡനാകല്‍പകാണ്ഡജഃ ॥ 122 ॥
രണശൌണ്ഡോ മഹാദണ്ഡസ്തുഹുണ്ഡവരദായകഃ ।
കപാലമാലാഭരണസ്താരണഃ ശോകഹാരണഃ ॥ 123 ॥
വിധാരണഃ ശൂലകരോ ഘര്‍ഷണഃ ശത്രുമാരണഃ ।
ഗങ്ഗാധരോ ഗരധരസ്ത്രിപുണ്ട്രാവലിഭാസുരഃ ॥ 124 ॥
ശംബരാരിഹരോ ദക്ഷഹരോഽന്ധകഹരോ ഹരഃ ।
വിശ്വജിദ്ഗോജിദീശാനോ അശ്വജിദ്ധനജിത് തഥാ ॥ 125 ॥
ഉര്‍വരാജിദുദ്വജ്ജിച്ച സര്‍വജിത് സര്‍വഹാരകഃ ।
മന്ദാരനിലയോ നന്ദഃ കുന്ദമാലാധരോഽംബുദഃ ॥ 126 ॥
നന്ദിപ്രീതോ മന്ദഹാസഃ സുരവൃന്ദനിഷേവിതഃ ।
മുചുകുന്ദാര്‍ചിതപദോ ദ്വന്ദ്വഹീനേന്ദിരാര്‍ചിതഃ ॥ 127 ॥
വിശ്വാധാരോ വിശ്വനേതാ വീതിഹോത്രോ വിനീതകഃ ।
ശങ്കരഃ ശാശ്വതഃ ശാസ്താ സഹമാനഃ സഹസ്രദഃ ॥ 128 ॥
ഭീമോ മഹേശ്വരോ നിത്യ അംബരാന്തരനര്‍തനഃ ।
ഉഗ്രോ ഭവഹരോ ധൌംയോ ധീരോദാത്തോ വിരാജിതഃ ॥ 129 ॥
വഞ്ചകോ നിയതോ വിഷ്ണുഃ പരിവഞ്ചക ഈശ്വരഃ ।
ഉമാവരപ്രദോ മുണ്ഡീ ജടില ശുചിലക്ഷണഃ ॥ 130 ॥
ചര്‍മാംബരഃ കാന്തികരഃ കങ്കാലവരവേഷധൃക് ।
മേഖലീ അജിനീ ദണ്ഡീ കപാലീ മേഖലാധരഃ ॥ 131 ॥
സദ്യോജാതഃ കാലിപതിര്‍വരേണ്യോ വരദോ മുനിഃ ।
വസാപ്രിയോ വാമദേവസ്തത്പൂര്‍വോ വടമൂലഗ ॥ 132 ॥
ഉലൂകരോമാ ഘോരാത്മാ ലാസ്യപ്രീതോ ലഘുഃ സ്ഥിരഃ ।
അണോരണീയാനീശാനഃ സുന്ദരഭ്രൂഃ സുതാണ്ഡവഃ ॥ 133 ॥
കിരീടമാലാഭരണോ രാജരാജലസദ്ഗതിഃ ।
ഹരികേശോ മുഞ്ജികേശോ വ്യോമകേശോ യശോധരഃ ॥ 134 ॥
പാതാലവസനോ ഭര്‍താ ശിപിവിഷ്ടഃ കൃപാകരഃ ।
ഹിരണ്യവര്‍ണോ ദിവ്യാത്മാ വൃഷധര്‍മാ വിരോചനഃ ॥ 135 ॥
ദൈത്യേന്ദ്രവരദോ വൈദ്യഃ സുരവന്ദ്യോഽഘനാശകഃ ।
ആനന്ദേശഃ കുശാവര്‍തോ നന്ദ്യാവര്‍തോ മധുപ്രിയഃ ॥ 136 ॥
പ്രസന്നാത്മാ വിരൂപാക്ഷോ വനാനാം പതിരവ്യയഃ ।
മസ്തകാദോ വേദവേദ്യഃ സര്‍വോ ബ്രഹ്മൌദനപ്രിയഃ ॥ 137 ॥
പിശങ്ഗിതജടാജൂടസ്തഡില്ലോകവിലോചനഃ ।
ഗൃഹാധാരോ ഗ്രാമപാലോ നരസിംഹവിനാശകഃ ॥ 138 ॥
മത്സ്യഹാ കൂര്‍മാപൃഷ്ഠാസ്ഥിധരോ ഭൂദാരദാരകഃ ॥
വിധീന്ദ്രപൂജിതപദഃ പാരദോ വാരിധിസ്ഥിതഃ ॥ 139 ॥
മഹോദയോ മഹാദേവോ മഹാബീജോ മഹാങ്ഗധൃക് ।
ഉലൂകനാഗാഭരണോ വിധികന്ധരപാതനഃ ॥ 140 ॥
ആകാശകോശോ ഹാര്‍ദാത്മാ മായാവീ പ്രകൃതേഃ പരഃ ।
ശുല്‍കസ്ത്രിശുല്‍കസ്ത്രിമധുസ്ത്രിസുപര്‍ണഃ ഷഡങ്ഗവിത് ॥ 141 ॥
ലലനാജനപൂജ്യാംഘ്രിര്ലങ്കാവാസോഽനിലാശനഃ ।
വിശ്വതശ്ചക്ഷുരീശാനോ വിശ്വതോബാഹുരീശ്വരഃ ॥ 142 ॥
സര്‍വാത്മാ ഭാവനാഗംയഃ സ്വതന്ത്രഃ പരമേശ്വരഃ ।
വിശ്വഭക്ഷോ വിദ്രുമാക്ഷഃ സര്‍വദേവശിരോമണിഃ ॥ 143 ॥
ബ്രഹമ സത്യം തഥാനന്ദോ ജ്ഞാനാനന്ദമഹാഫലഃ ।
ഈശ്വരഃ –
അഷ്ടോത്തരം മഹാദേവി ശേഷാശേഷമുഖോദ്ഗതം ।
ഇത്യേതന്നാമസാഹ്സ്രം രഹസ്യം കഥിതം മയാ ॥ 144 ॥
പവിത്രമിദമായുഷ്യം പഠതാം ശൃണ്വതാം സദാ।
യസ്ത്വേതന്നമസാഹസ്രൈഃ ബില്വൈഃ പങ്കജകുഡ്മലൈഃ ॥ 145 ॥
പൂജയേത് സര്‍വകാലേഷു ശിവരാത്രൌ മഹേശ്വരി ।
തസ്യ മുക്ത്തിം ദദാമീശേ സത്യം സത്യം ന സംശയഃ ॥ 146 ॥
മമ പ്രിയകരം ഹ്യേതത് ഫണിനാ ഫണിതം ശുഭം ।
പഠേത് സര്‍വാന്‍ ലഭേതൈവ കാമാനായുഷ്യമേവ ച ॥ 147 ॥
നാമസാഹസ്രപാഠീ സ യമലോകം ന പശ്യതി ।
കല്യാണീം ച ലഭേദ്ഗൌരി ഗതിം നാംനാം ച വൈഭവാത് ॥ 148 ॥
നാഖ്യേയം ഗോപ്യമേതദ്ധി നാഭക്തായ കദാചന ।
ന പ്രകാശ്യമിദം ദേവി മാതൃകാരുദ്രസംഹിതം ॥ 149 ॥
ഭക്ത്തേഷു ലഭതേ നിത്യം ഭക്ത്തിം മത്പാദയോര്‍ദൃഢാം ।
ദത്വാഽഭക്ത്തേഷു പാപാത്മാ രൌരവം നരകം വ്രജേത് ॥ 150 ॥
സൂതഃ –
ഇതി ശിവവചനം നിശംയ ഗൌരീ പ്രണയാച്ച പ്രണതാ ശിവാങ്ഘ്രിപദ്മേ ।
സുരവരതരുസുന്ദരോരുപുഷ്പൈരഭിപൂജ്യ പ്രമഥാധിപം തുതോഷ ॥ 151 ॥
തുഷ്ടാവ കഷ്ടഹരമിഷ്ടദമഷ്ടദേഹം
നഷ്ടാഘസംഘദുരദൃഷ്ടഹരം പ്രകൃഷ്ടം ।
ഉത്കൃഷ്ടവാക്യസുരബൃന്ദഗണേഷ്ടദാനലോലം
വിനഷ്ടതമസം ശിപിവിഷ്ടമീശം ॥ 152 ॥
ശ്രീപാര്‍വതീ –
ചണ്ഡാംശുശീതാംശുഹുതാശനേത്രം ചക്ഷുഃശ്രവാപാരവിലോലഹാരം ।
ചര്‍മാംബരം ചന്ദ്രകലാവതംസം ചരാചരസ്ഥം ചതുരാനനേഡ്യം ॥ 153 ॥
വിശ്വാധികം വിശ്വവിധാനദക്ഷം വിശ്വേശ്വരം വിശ്രുതനാമസാരം ।
വിനായകേഡ്യം വിധിവിഷ്ണുപൂജ്യം വിഭും വിരുപാക്ഷമജം ഭജേഽഹം ॥ 154 ॥
മധുമഥനാക്ഷിവരാബ്ജപൂജ്യപാദം മനസിജതനുനാശനോത്ഥദീപ്തമന്യും ।
മമ മാനസപദ്മസദ്മസംസ്ഥം മതിദാനേ നിപുണം ഭജാമി ശംഭും ॥ 155 ॥
ഹരിം ഹരന്തമനുയന്തി ദേവാ നഖൈസ്തഥാ പക്ഷവാതൈഃ സുഘോണൈഃ ।
നൃസിംഹമുഗ്രം ശരഭാകൃതിം ശിവം മത്തം തദാ ദാനവരക്തപാനാത് ॥ 156 ॥
നഖരമുഖരഘാതൈസ്തീക്ഷ്ണയാ ദംഷ്ട്രയാപി
ജ്വരപരികരദേഹേ നാശതാപൈഃ സുദീപ്തേ ।
ദിതിജകദനമത്തം സംഹരന്തം ജഗച്ച
ഹരിമസുരകുലഘ്നം ദേവതുഷ്ട്യൈ മഹേശഃ ।
പരശുവരനിഖാതൈഃ ക്രോഡമുത്ക്രോഷ്ടുമീഷ്ടേ ॥ 157 ॥
രൌദ്രനാമഭിരീശാനം സ്തുത്വാഽഥ ജഗദംബികാ।
പ്രേമാശ്രുപുലകാ ദേവം സാ ഗാഢം പരിഷസ്വജേ ॥ 158 ॥
ശൌനകഃ –
കാനി രൌദ്രാണി നാമാനി ത്വം നോ വദ വിശേഷതഃ ।
ന തൃപ്തിരീശചരിതം ശൃണ്വതാം നഃ പ്രസീദ ഭോ ॥ 159 ॥
സൂതഃ –
താന്യഹം വോ വദാംയദ്യ ശൃണുദ്വം ശൌനകാദയഃ ॥
പവിത്രാണി വിചിത്രാണി ദേവ്യാ പ്രോക്ത്താനി സത്തമാഃ ॥ 160 ॥
ദേവീ –
ദിശാമ്പതിഃ പശുപതിഃ പഥീനാം പതിരീശ്വരഃ ।
അന്നാനാം ച പതിഃ ശംഭുഃ പുഷ്ടാനാം ച പതിഃ ശിവഃ ॥ 161 ॥
ജഗതാം ച പതിഃ സോമഃ ക്ഷേത്രാണാം ച പതിര്‍ഹരഃ ।
വനാനാം പതിരീശാനോ വൃക്ഷാണാം ച പതിര്‍ഭവഃ ॥ 162 ॥
ആവ്യാധിനീനാം ച പതിഃ സ്നായൂനാം ച പതിര്‍ഗുരുഃ ।
പത്തിനാം ച പതിസ്താംരഃ സത്വനാം ച പതിര്‍ഭവഃ ॥ 163 ॥
ആരണ്യാനാം പതിഃ ശംഭുര്‍മുഷ്ണതാം പതിരുഷ്ണഗുഃ ।
പ്രകൃതീനാം പതിശ്ചേശഃ കുലുഞ്ചാനാം പതിഃ സമഃ ॥ 164 ॥
രുദ്രോ ഗൃത്സപതിര്‍വ്രാത്യോ ഭഗീരഥപതിഃ ശുഭഃ ।
അന്ധസാമ്പതിരീശാനഃ സഭായാഃ പതിരീശ്വരഃ ॥ 165 ॥
സേനാപതിശ്ച ശ്വപതിഃ സര്‍വാധിപതയേ നമഃ ।
പ്രണതാ വിനതാ തവാങ്ഘ്രിപദ്മേ ഭഗവന്‍ പരിപാഹി മാം വിഭോ ത്വം ।
തവ കാരുണ്യകടാക്ഷലേശലേശൈര്‍മുദിതാ ശങ്കര ഭര്‍ഗ ദേവദേവ ॥ 166 ॥
സൂതഃ –
ഇതി ഗിരിവരജാപ്രകൃഷ്ടവാക്യം സ്തുതിരൂപം വിബുധാധിപോ മഹേശഃ ।
അഭിവീക്ഷ്യ തദാ മുദാ ഭവാനീമിദമാഹ സ്മരഗര്‍വനാശകഃ ॥ 167 ॥
ശിവഃ –
ഇദമഗതനയേ സഹസ്രനാംനാം പരമരഹസ്യമഹോ മഹാഘശോഷം ।
പ്രബലതരവരൈശ്ച പാതകൌധൈര്യദി പഠതേ ഹി ദ്വിജഃ സ മുക്തിഭാക് ॥ 168 ॥
ശൈവം മേഽദ്യ രഹസ്യമദ്ഭ്ഹുതതരം സദ് ദ്വാദശാംശാന്വിതം ।
ശ്രുത്വോദാരഗിരാ ദരോരുകഥയാ സമ്പൂരിതം ധാരിതം ।
പാപാനം പ്രലയായ തദ്ഭവതി വൈ സത്യം വദാംയദ്രിജേ ॥ 169 ॥
ശ്രുതിഗിരികരികുംഭഗുംഭരത്നേ ത്വയി ഗിരിജേ പരയാ രമാര്‍ദ്രദൃഷ്ട്യാ ।
നിഹിതോഽജിഹ്മധിയാം മുദേഽയമേഷ … മമ ഭക്ത്തജനാര്‍പണം മുദേ ॥ 170 ॥
ഈശ്വരഃ –
ഏതത്തേ പഞ്ചമാംശസ്യ വിസ്തരഃ കഥിതോ മയാ ।
രഹസ്യാര്‍ഥസ്യ ദേവേശി കിം ഭൂയഃ ശ്രോതുമിച്ഛസി ॥ 171 ॥
ഇത്ഥം ശിവവചഃ ശ്രുത്വാ പ്രണംയാഥ മഹേശ്വരീ ।
സമാലിങ്ഗ്യ മഹാദേവം സഹര്‍ഷം ഗിരിജാ തദാ ॥ 172 ॥
പ്രാഹ പ്രേമാശ്രുപുലകാ ശ്രുത്വാ ശിവകഥാസുധാം ।
ദേവീ –
അഹോ ധന്യാസ്മി ദേവേശ ത്വത്കഥാംഭോധിവീചിഭിഃ ॥ 173 ॥
ശ്രോത്രേ പവിത്രതാം യാതേ മാഹാത്മ്യം വേദ കസ്തവ।
മാമൃതേ ദേവദേവേശ ന ഭേദോഽസ്ത്യാവയോഃ ശിവഃ ॥ 174 ॥
ഭവ ഭവ ഭഗവന്‍ ഭവാബ്ധിപാര സ്മരഗരഖ്ണ്ഡനമണ്ഡനോരുഗണ്ഡ ।
സ്ഫുരദുരുമുകുടോത്തമാങ്ഗഗങ്ഗാ… ദിവ്യദേഹ ॥ 175 ॥
അവ ഭവ ഭവഹന്‍ പ്രകര്‍ഷപാപാഞ്ജനമജ്ഞം ജഡദുഃഖഭോഗസങ്ഗം ।
തവ സുഖകഥയാ ജഗത് പവിത്രം ഭവ ഭവതാത് ഭവതാപഹന്‍ മുദേ മേ ॥ 176 ॥
സൂതഃ –
ഇതി ദേവ്യാ സ്തുതോ ദേവോ മഹേശഃ കരുണാനിധിഃ ।
തദ്വത് കഥാനിധിഃ പ്രോക്തഃ ശിവരത്നമഹാഖനിഃ ॥ 177 ॥
ഭവതാം ദര്‍ശനേനാദ്യ ശിവഭക്തികഥാരസൈഃ ।
പാവിതോഽസ്മി മുനിശ്രേഷ്ഠാഃ കിം ഭൂയഃ ശ്രോതുമിച്ഛഥ ॥ 178 ॥
ഇതി തദ്വദനാംഭോജസുധാനിഷ്യന്ദിനീം ഗിരം ।
ശ്രുത്വാ പ്രകടരോമാഞ്ചഃ ശൌനകഃ പ്രാഹ സാദരം ॥ 179 ॥
ശൌനകഃ –
അഹോ മഹാദേവകഥാസുധാംബുഭിഃ സമ്പ്ലാവിതോഽസ്ംയദ്യ ഭവാഗ്നിതപ്തഃ ।
ധന്യോഽസ്മി ത്വദ്വാക്യസുജാതഹര്‍ഷോ ദ്വിജൈഃ സുജാതൈരപി ജാതഹര്‍ഷഃ ॥ 180 ॥
സൂതഃ –
ശ്രീമത്കൈലാസവര്യേ ഭുവനജനകതഃ സംശ്രുതാ പുണ്യദാത്രീ
ശംഭോര്‍ദിവ്യകഥാസുധാബ്ധിലഹരീ പാപാപനോദക്ഷമാ ।
ദേവ്യാസ്തച്ഛ്രുതവാന്‍ ഗുരുര്‍മമ മുനിഃ സ്കന്ദാച്ച തല്ലബ്ധവാന്‍
സേയം ശങ്കരകിങ്കരേഷു വിഹിതാ വിശ്വൈകമോക്ഷപ്രദാ ॥ 181 ॥
ഇതി ശ്രീശിവരഹസ്യേ ഭര്‍ഗാഖ്യേ പഞ്ചമാംശേ
…. നാമ ചത്വാരിംശോഽധ്യായഃ ॥
– Chant Stotra in Other Languages –
1000 Names of Shiva – Sahasranama Stotram from Shivarahasya in Sanskrit – English – Bengali – Gujarati – – Kannada – Malayalam – Odia – Telugu – Tamil