॥ Balasahasranamavali Gujarati Lyrics ॥
॥ શ્રીબાલાસહસ્રનામસ્તોત્રમ્ ૩ ॥
શૌનક ઉવાચ –
કૈલાસશિખરે રમ્યે નાનાપુય્ષ્પોપશોભિતે ।
કલ્પપાદપમધ્યસ્થે ગન્ધર્વગણસેવિતે ॥ ૧ ॥
મણિમણ્ડપમધ્યસ્થે નાનારત્નોપશોભિતે ।
તં કદાચિત્ સુખાસીનં ભગવન્તં જગદ્ગુરુમ્ ॥ ૨ ॥
કપાલખટ્વાઙ્ગધરં ચન્દ્રાર્ધકૃતશેખરમ્ ।
ત્રિશૂલડમરુધરં મહાવૃષભવાહનમ્ ॥ ૩ ॥
જટાજૂટધરં દેવં વાસુકિકણ્ઠભૂષણમ્ ।
વિભૂતિભૂષણં દેવં નીલકણ્ઠં ત્રિલોચનમ્ ॥ ૪ ॥
દ્વીપિચર્મપરીધાનં શુદ્ધસ્ફટિકસન્નિભમ્ ।
સહસ્રાદિત્યસઙ્કાશં ગિરિજાર્ધાઙ્ગભૂષણમ્ ॥ ૫ ॥
પ્રણમ્ય શિરસા નાથં કારણં વિશ્વરૂપિણમ્ ।
કૃતાઞ્જલિપુટો ભૂત્વા પ્રાહ તં શિખિવાહનઃ ॥ ૬ ॥
કાર્તિકેય ઉવાચ –
દેવદેવ મહાદેવ ! સૃષ્ટિસ્થિત્યન્તકારક ! ।
ત્વં ગતિઃ સર્વદેવાનાં ત્વં ગતિઃ સર્વદેહિનામ્ ॥ ૭ ॥
ત્વં ગતિઃ સર્વદેવાનાં સર્વેષાં ત્વં ગતિર્વિભો ! ।
ત્વમેવ જગદાધારસ્ત્વમેવ વિશ્વકારણમ્ ॥ ૮ ॥
ત્વમેવ પૂજ્યઃ સર્વેષાં ત્વદન્યો નાસ્તિ મે ગતિઃ ।
કિં ગુહ્યં પરમં લોકે કિમેકં સર્વસિદ્ધિદમ્ ॥ ૯ ॥
કિમેકં પરમં સૃષ્ટિઃ કિં ભૌમૈશ્વર્યમોક્ષદમ્ ।
વિના તીર્થેન તપસા વિના વેદૈર્વિના મખૈઃ ॥ ૧૦ ॥
વિના જાપ્યેન ધ્યાનેન કથં સિદ્ધિમવાપ્નુયાત્ ।
કસ્માદુત્પદ્યતે સૃષ્ટિઃ કસ્મિંશ્ચ વિલયો ભવેત્ ॥ ૧૧ ॥
કસ્માદુત્તીર્યતે દેવ ! સંસારાર્ણવસઙ્કટાત્ ।
તદહં શ્રોતુમિચ્છામિ કથયસ્વ મહેશ્વર ! ॥ ૧૨ ॥
શ્રીમહાદેવ ઉવાચ –
સાધુ સાધુ ત્વયા પૃષ્ટોઽસ્મ્યહં પાર્વતીનન્દન ! ।
અસ્તિ ગુહ્યતમં પુત્ર ! કથયિષ્યામ્યસંશયમ્ ॥ ૧૩ ॥
સત્ત્વં રજસ્તમશ્ચૈવ બ્રહ્મવિષ્ણુશિવાદયઃ ।
યે ચાન્યે બહવો ભૂતાઃ સર્વે પ્રકૃતિસમ્ભવાઃ ॥ ૧૪ ॥
સૈવ દેવી પરાશક્તિર્મહાત્રિપુરસુન્દરી ।
સૈવ સંહરતે વિશ્વં જગદેતચ્ચરાચરમ્ ॥ ૧૫ ॥
આધારં સર્વભૂતાનાં સૈવ રોગાર્તિહારિણી ।
ઇચ્છાશક્તિઃ ક્રિયારૂપા બ્રહ્મવિષ્ણુશિવાત્મિકા ॥ ૧૬ ॥
ત્રિધા શક્તિસ્વરૂપેણ સૃષ્ટિસ્થિતિવિનાશિની ।
સૃજતિ બ્રહ્મરૂપેણ વિષ્ણુરૂપેણ રક્ષતિ ॥ ૧૭ ॥
હરતે રુદ્રરૂપેણ જગદેતચ્ચરાચરમ્ ।
યસ્ય યોનૌ જગત્સર્વમદ્યાપિ વર્તતેઽખિલમ્ ॥ ૧૮ ॥
યસ્યાં પ્રલીયતે ચાન્તે યસ્યાં ચ જાયતે પુનઃ ।
યાં સમારાધ્ય ત્રૈલોક્યે સમ્પ્રાપ્તં પદમુત્તમમ્ ।
તસ્યા નામસહસ્રં તે કથયામિ શૃણુષ્વ તત્ ॥ ૧૯ ॥
ૐ અસ્ય શ્રીબાલાસહસ્રનામસ્તોત્રમન્ત્રસ્ય, ભગવાન્ દક્ષિણામુર્તિર્વામદેવઃ ઋષિઃ,
ગાયત્રી છન્દઃ, પ્રકટગુપ્તગુપ્તતરસમ્પ્રદાય કુલકૌલોત્તીર્ણાનિગર્ભરહસ્યાતિરહસ્ય
પરાપરરહસ્યા ચિન્ત્યા વર્તિની બાલા દેવતા ।
આં બીજં, હ્રીં શક્તિઃ, ક્લીં કીલકમ્, શ્રી બાલાપ્રીત્યર્થે પારાયણે વિનિયોગઃ ।
ધ્યાનં
આધારે તરુણાર્કબિમ્બસદૃશં હેમપ્રભં વાગ્ભવં
બીજં માન્મથમિન્દ્રગોપસદૃશં હૃત્પઙ્કજે સંસ્થિતમ્ ।
ચક્રં ભાલમયં શશાઙ્કરુચિરં બીજં તુ તાર્તીયકં
યે ધ્યાયન્તિ પદત્રયં તવ શિવે તે યાન્તિ સૂક્ષ્માં ગતિમ્ ॥
કલ્યાણી કમલા કાલી કરાલી કામરૂપિણી ।
કામાક્ષા કામદા કામ્યા કામના કામચારિણી ॥ ૨૨ ॥
કૌમારી કરુણામૂર્તિઃ કલિકલ્મષનાશિની ।
કાત્યાયની કલાધારા કૌમુદી કમલપ્રિયા ॥ ૨૩ ॥
કીર્તિદા બુદ્ધિદા મેધા નીતિજ્ઞા નીતિવત્સલા ।
માહેશ્વરી મહામાયા મહાતેજા મહેશ્વરી ॥ ૨૪ ॥
મહામોહાન્ધકારઘ્ની મહામોક્ષપ્રદયિની ।
મહાદારિદ્ર્યરાશિઘ્ની મહાશત્રુવિમર્દિની ॥ ૨૬ ॥
મહાશક્તિર્મહાજ્યોતિર્મહાસુરવિમર્દિની ।
મહાકાયા મહાબીજા મહાપાતકનાશિની ॥ ૨૭ ॥
મહામખા મન્ત્રમયી મણિપુરનિવાસિની ।
માનસી માનદા માન્યા મનશ્ચક્ષુરગોચરા ॥ ૨૮ ॥
ગણમાતા ચ ગાયત્રી ગણગન્ધર્વસેવિતા ।
ગિરિજા ગિરિશા સાધ્વી ગિરિસૂર્ગિરિસમ્ભવા ॥ ૨૯ ॥
ચણ્ડેશ્વરી ચન્દ્રરૂપા પ્રચણ્ડા ચણ્ડમાલિની ।
ચર્ચિકા ચર્ચિતાકારા ચણ્ડિકા ચારુરૂપિણી ॥ ૩૦ ॥
યજ્ઞેશ્વરી યજ્ઞરૂપા જપયજ્ઞપરાયણા ।
યજ્ઞમાતા યજ્ઞગોપ્ત્રી યજ્ઞેશી યજ્ઞસમ્ભવા ॥ ૩૧ ॥
યજ્ઞસિદ્ધિઃ ક્રિયાસિદ્ધિર્યજ્ઞાઙ્ગી યજ્ઞરક્ષકા ।
યજ્ઞપ્રિયા યજ્ઞરૂપા યાજ્ઞી યજ્ઞકૃપાલયા ॥ ૩૨ ॥
જાલન્ધરી જગન્માતા જાતવેદા જગત્પ્રિયા ।
જિતેન્દ્રિયા જિતક્રોધા જનની જન્મદાયિની ॥ ૩૩ ॥
ગઙ્ગા ગોદાવરી ગૌરી ગૌતભી ચ શતહ્રદા ।
ઘુર્ઘુરા વેદગર્ભા ચ રેવિકા કરસમ્ભવા ॥ ૩૪ ॥
સિન્ધુર્મન્દાકિની ક્ષિપ્રા યમુના ચ સરસ્વતી ।
ચન્દ્રભાગા વિપાશા ચ ગણ્ડકી વિન્ધ્યવાસિની ॥ ૩૫ ॥
નર્મદા કહ્નકાવેરી વેત્રવત્યા ચ કૌશિકી ।
મહોનતનયા ચૈવ અહલ્યા ચમ્પકાવતી ॥ ૩૬ ॥
અયોધ્યા મથુરા માયા કાશી કાઞ્ચી અવન્તિકા ।
દ્વારાવતી ચ તીર્થેશી મહાકિલ્વિષનાશિની ॥ ૩૭ ॥
પદ્મિની પદ્મમધ્યસ્થા પદ્મકિઞ્જલ્કવાસિની ।
પદ્મવક્ત્રા ચ પદ્માક્ષી પદ્મસ્થા પદ્મસમ્ભવા ॥ ૩૮ ॥
હ્રીઙ્કારી કુણ્ડલી ધાત્રી હૃત્પદ્મથા સુલોચના ।
શ્રીઙ્કારી ભૂષણા લક્ષ્મીઃ ક્લીઙ્કારી ક્લેશનાશિની ॥ ૩૯ ॥
હરિપ્રિયા હરેર્મૂર્તિર્હરિનેત્રકૃતાલયા ।
હરિવક્ત્રોદ્ભવા શાન્તા હરિવક્ષઃસ્થિતાલયા ॥ ૪૦ ॥
વૈષ્ણવી વિષ્ણુરૂપા ચ વિષ્ણુમાતૃસ્વરૂપિણી ।
વિષ્ણુમાયા વિશાલાક્ષી વિશાલનયનોજ્જ્વલા ॥ ૪૧ ॥
વિશ્વેશ્વરી ચ વિશ્વાત્મા વિશ્વેશી વિશ્વરૂપિણી ।
વિશ્વેશ્વરી શિવાધારા શિવનાથા શિવપ્રિયા ॥ ૪૨ ॥
શિવમાતા શિવાક્ષી ચ શિવદા શિવરૂપિણી ।
ભવેશ્વરી ભવારાધ્યા ભવેશી ભવનાયિકા ॥ ૪૩ ॥
ભવમાતા ભવાગમ્યા ભવકણ્ટકનાશિની ।
ભવપ્રિયા ભવાનન્દા ભવાની ભવમોચિની ॥ ૪૪ ॥
ગીતિર્વરેણ્યા સાવિત્રી બ્રહ્માણી બ્રહ્મરૂપિણી ।
બ્રહ્મેશી બ્રહ્મદા બ્રાહ્મી બ્રહ્માણી બ્રહ્મવાદિની ॥ ૪૫ ॥
દુર્ગસ્થા દુર્ગરૂપા ચ દુર્ગા દુર્ગાર્તિનાશિની ।
ત્રયીદા બ્રહ્મદા બ્રાહ્મી બ્રહ્માણી બ્રહ્મવાદિની ॥ ૪૬ ॥
ત્વક્સ્થા તથા ચ ત્વગ્રૂપા ત્વગ્ગા ત્વગાર્તિહારિણી ।
સ્વગમા નિર્ગમા દાત્રી દાયા દોગ્ધ્રી દુરાપહા ॥ ૪૭ ॥
દૂરઘ્ની ચ દુરારાધ્યા દૂરદુષ્કૃતનાશિની ।
પઞ્ચસ્થા પઞ્ચમી પૂર્ણા પૂર્ણાપીઠ નિવાસિની ॥ ૪૮ ॥
સત્ત્વસ્થા સત્ત્વરૂપા ચ સત્ત્વદા સત્ત્વસમ્ભવા ।
રજઃસ્થા ચ રજોતૂપા રજોગુણસમુદ્ભવા ॥ ૪૯ ॥
તામસી ચ તમોરૂપા તામસી તમસઃ પ્રિયા ।
તમોગુણસમુદ્ભૂતા સાત્ત્વિકી રાજસી તમી ॥ ૫૦ ॥
કલા કાષ્ઠા નિમેષા ચ સ્વકૃતા તદનન્તરા ।
અર્ધમાસા ચ માસા ચ સંવત્સરસ્વરૂપિણી ॥ ૫૧ ॥
યુગસ્થા યુગરૂપા ચ કલ્પસ્થા કલ્પરૂપિણી ।
નાનારત્નવિચિત્રાઙ્ગી નાનાભરણમણ્ડિતા ॥ ૫૨ ॥
વિશ્વાત્મિકા વિશ્વમાતા વિશ્વપાશા વિધાયિની ।
વિશ્વાસકારિણી વિશ્વા વિશ્વશક્તિર્વિચક્ષણા ॥ ૫૩ ॥
જપાકુસુમસઙ્કાશા દાડિમીકુસુમોપમા ।
ચતુરઙ્ગા ચતુર્બાહુશ્ચતુરા ચારુહાસિની ॥ ૫૪ ॥
સર્વેશી સર્વદા સર્વા સર્વજ્ઞા સર્વદાયિની ।
સર્વેશ્વરી સર્વવિદ્યા શર્વાણી સર્વમઙ્ગલા ॥ ૫૫ ॥
નલિની નન્દિની નન્દા આનન્દાનન્દવર્ધિની ।
વ્યાપિની સર્વભૂતેષુ ભવભારવિનાશિની ॥ ૫૬ ॥
કુલીના કુલમધ્યસ્થા કુલધર્મોપદેશિની ।
સર્વશૃઙ્ગારવેશાઢ્યા પાશાઙ્કુશકરોદ્યતા ॥ ૫૭ ॥
સૂર્યકોટિસહસ્રભા ચન્દ્રકોટિનિભાનના ।
ગણેશકોટિલાવણ્યા વિષ્ણુકોટ્યરિમર્દિની ॥ ૫૮ ॥
દાવાગ્નિકોટિજ્વલિની રુદ્રકોટ્યુગ્રરૂપિણી
સમુદ્રકોટિગમ્ભીરા વાયુકોટિમહાબલા ॥ ૫૯ ॥
આકાશકોટિવિસ્તારા યમકોટિભયઙ્કરા ।
મેરુકોટિસમુઞ્ચ્છ્રા યા ગુણકોટિસમૃદ્ધિદા ॥ ૬૦ ॥
નિષ્કલઙ્કા નિરાધારા નિર્ગુણા ગુણવર્જિતા ।
અશોકા શોકરહિતા તાપત્રયવિવર્જિતા ॥ ૬૧ ॥
વિશિષ્ટા વિશ્વજનની વિશ્વમોહવિધારિણી ।
ચિત્રા વિચિત્રા ચિત્રાશી હેતુગર્ભા કુલેશ્વરી ॥ ૬૨ ॥
ઇચ્છાશાક્તિઃ જ્ઞાનશક્તિઃ ક્રિયાશક્તિઃ શુચિસ્મિતા ।
શ્રુતિસ્મૃતિમયી સત્યા શ્રુતિરૂપા શ્રુતિપ્રિયા ॥ ૬૩ ॥
શ્રુતિપ્રજ્ઞા મહાસત્યા પઞ્ચતત્ત્વોપરિસ્થિતા ।
પાર્વતી હિમવત્પુત્રી પાશસ્થા પાશરૂપિણી ॥ ૬૪ ॥
જયન્તી ભદ્રકાલી ચ અહલ્યા કુલનાયિકા ।
ભૂતધાત્રી ચ ભૂતેશી ભૂતસ્થા ભૂતભાવિની ॥ ૬૫ ॥
મહાકુણ્ડલિનીશક્તિર્મહાવિભવવર્ધિની ।
હંસાક્ષી હંસરૂપા ચ હંસસ્થા હંસરૂપિણી ॥ ૬૬ ॥
સોમસૂર્યાગ્નિમધ્યસ્થા મણિપૂરકવાસિની ।
ષટ્ પત્રામ્ભોજમધ્યસ્થા મણિપૂરનિવાસિની ॥ ૬૭ ॥
દ્વાદશારસરોજસ્થા સૂર્યમણ્ડલવાસિની ।
અકલઙ્કા શશાઙ્કાભા ષોડશારનિવાસિની ॥ ૬૮ ॥
દ્વિપત્રદલમધ્યસ્થા લલાટતલવાસિની ।
ડાકિની શાકિની ચૈવ લાકિની કાકિની તથા ॥ ૬૯ ॥
રાકિણી હાકિની ચૈવ ષટ્ચક્રક્રમવાસિની ।
સૃષ્ટિસ્થિતિવિનાશા ચ સૃષ્ટિસ્થિત્યન્તકારિણી ॥ ૭૦ ॥
શ્રીકણ્ઠા શ્રીપ્રિયા કણ્ઠનાદાખ્યા બિન્દુમાલિની ।
ચતુઃષષ્ટિકલાધારા મેરુદણ્ડસમાશ્રયા ॥ ૭૧ ॥
મહાકાલી દ્યુતિર્મેધા સ્વધા તુષ્ટિર્મહાદ્યુતિઃ ।
હિઙ્ગુલા મઙ્ગલશિવા સુષુમ્ણામધ્યગામિની ॥ ૭૨ ॥
પરા ઘોરા કરાલાક્ષી વિજયા જયશાલિની ।
હૃત્પદ્મનિલયા દેવી ભીમા ભૈરવનાદિની ॥ ૭૩ ॥
આકાશલિઙ્ગભૂતા ચ ભુવનોદ્યાનવાસિની ।
મહાસૂક્ષ્માઽભયા કાલી ભીમરૂપા મહાબલા ॥ ૭૪ ॥
મેનકાગર્ભસમ્ભૂતા તપ્તકાઞ્ચનસન્નિભા ।
અન્તઃસ્થા કૂટબીજા ચ ત્રિકૂટાચલવાસિની ॥ ૭૫ ॥
વર્ણાક્ષા વર્ણરહિતા પઞ્ચાશદ્વર્ણભેદિની ।
વિદ્યાધરી લોકધાત્રી અપ્સરા અપ્સરઃપ્રિયા ॥ ૭૬ ॥
દક્ષા દાક્ષાયણી દીક્ષા દક્ષયજ્ઞવિનાશિની ।
યશસ્વિની યશઃપૂર્ણા યશોદાગર્ભસમ્ભવા ॥ ૭૭ ॥
દેવકી દેવમાતા ચ રાધિકા કૃષ્ણવલ્લભા ।
અરુન્ધતી શચીન્દ્રાણી ગાન્ધારી ગન્ધમોદિની ॥ ૭૮ ॥
ધ્યાનાતીતા ધ્યાનગમ્યા ધ્યાના ધ્યાનાવધારિણી ।
લમ્બોદરી ચ લમ્બોષ્ઠા જામ્બવતી જલોદરી ॥ ૭૯ ॥
મહોદરી મુક્તકેશી મુક્તિકામાર્થસિદ્ધિદા ।
તપસ્વિની તપોનિષ્ઠા ચાપર્ણા પર્ણભક્ષિણી ॥ ૮૦ ॥
બાણચાપધરા વીરા પાઞ્ચાલી પઞ્ચમપ્રિયા ।
ગુહ્યા ગભીરા ગહના ગુહ્યતત્ત્વા નિરઞ્જના ॥ ૮૧ ॥
અશરીરા શરીરસ્થા સંસારાર્ણવતારિણી ।
અમૃતા નિષ્કલા ભદ્રા સકલા કૃષ્ણપિઙ્ગલા ॥ ૮૨ ॥
ચક્રેશ્વરી ચક્રહસ્તા પાશચક્રનિવાસિની ।
પદ્મરાગપ્રતીકાશા નિર્મલાકાશસન્નિભા ॥ ૮૩ ॥
ઊર્ધ્વસ્થા ઊર્ધ્વરૂપા ચ ઊર્ધ્વપદ્મનિવાસિની ।
કાર્યકારણકર્ત્રી ચ પર્વાખ્યા રૂપસંસ્થિતા ॥ ૮૪ ॥
રસજ્ઞા રસમધ્યસ્થા ગન્ધજ્ઞા ગન્ધરૂપિણી ।
પરબ્રહ્મસ્વરૂપા ચ પરબ્રહ્મનિવાસિની ॥ ૮૫ ॥
શબ્દબ્રહ્મસ્વરૂપા ચ શબ્દસ્થા શબ્દવર્જિતા ।
સિદ્ધિર્વૃદ્ધિપરા વૃદ્ધિઃ સકીર્તિર્દીપ્તિસંસ્થિતા ॥ ૮૬ ॥
સ્વગુહ્યા શામ્ભવીશક્તિસ્તત્ત્વજ્ઞા તત્ત્વરૂપિણી ।
સરસ્વતી ભૂતમાતા મહાભૂતાધિપપ્રિયા ॥ ૮૭ ॥
શ્રુતિપ્રજ્ઞાદિમા સિદ્ધિઃ દક્ષકન્યાઽપરાજિતા ।
કામસન્દીપની કામા સદાકામા કુતૂહલા ॥ ૮૮ ॥
ભોગોપચારકુશલા અમલા હ્યમલાનના ।
ભક્તાનુકમ્પિની મૈત્રી શરણાગતવત્સલા ॥ ૮૯ ॥
સહસ્રભુજા ચિચ્છક્તિઃ સહસ્રાક્ષા શતાનન ।
સિદ્ધલક્ષ્મીર્મહાલક્ષ્મીર્વેદલક્ષ્મીઃ સુલક્ષણા ॥ ૯૦ ॥
યજ્ઞસારા તપસ્સારા ધર્મસારા જનેશ્વરી ।
વિશ્વોદરી વિશ્વસૃષ્ટા વિશ્વાખ્યા વિશ્વતોમુખી ॥ ૯૧ ॥
વિશ્વાસ્યશ્રવણઘ્રાણા વિશ્વમાલા પરાત્મિકા ।
તરુણાદિત્યસઙ્કાશા કરણાનેકસઙ્કુલા ॥ ૯૨ ॥
ક્ષોભિણી મોહિની ચૈવ સ્તમ્ભિની જૃમ્ભિની તથા ।
રથિની ધ્વજિની સેના સર્વમન્ત્રમયી ત્રયી ॥ ૯૩ ॥
જ્ઞાનમુદ્રા મહામુદ્રા જપમુદ્રા મહોત્સવા ।
જટાજૂટ ધરા મુક્તા સૂક્ષ્મશાન્તિર્વિભીષણા ॥ ૯૪ ॥
દ્વીપિચર્મપરીધાના ચીરવલ્કલધારિણી ।
ત્રિશૂલડમરુધરા નરમાલાવિભૂષિણી ॥ ૯૫ ॥
અત્યુગ્રરૂપિણી ચોગ્રા કલ્પાન્તદહનોપમા ।
ત્રૈલોક્યસાધિની સાધ્યા સિદ્ધસાધકવત્સલા ॥ ૯૬ ॥
સર્વવિદ્યામયી સારા અસુરામ્બુધિધારિણી ।
સુભગા સુમુખી સૌમ્યા સુશૂરા સોમભૂષણા ॥ ૯૭ ॥
શુદ્ધસ્ફટિકસઙ્કશા મહાવૃષભવાહિની ।
મહિષી મહિષારૂઢા મહિષાસુરઘાતિની ॥ ૯૮ ॥
દમિની દામિની દાન્તા દયા દોગ્ધ્રી દુરાપહા ।
અગ્નિજિહ્વા મહાઘોરાઽઘોરા ઘોરતરાનના ॥ ૯૯ ॥
નારાયણી નારસિંહી નૃસિંહહૃદયસ્થિતા ।
યોગેશ્વરી યોગરૂપા યોગમાલા ચ યોગિની ॥ ૧૦૦ ॥
ખેચરી ભૂચરી ખેલા નિર્વાણપદસંશ્રયા ।
નાગિની નાગકન્યા ચ સુવેગા નાગનાયિકા ॥ ૧૦૧ ॥
વિષજ્વાલાવતી દીપ્તા કલાશતવિભૂષણા ।
ભીમવક્ત્રા મહાવક્ત્રા વક્ત્રાણાં કોટિધારિણી ॥ ૧૦૨ ॥
મહદાત્મા ચ ધર્મજ્ઞા ધર્માતિસુખદાયિની ।
કૃષ્ણમૂર્તિર્મહામૂર્તિર્ઘોરમૂર્તિર્વરાનના ॥ ૧૦૩ ॥
સર્વેન્દ્રિયમનોન્મત્તા સર્વેન્દ્રિયમનોમયી ।
સર્વસઙ્ગ્રામજયદા સર્વપ્રહરણોદ્યતા ॥ ૧૦૪ ॥
સર્વપીડોપશમની સર્વારિષ્ટવિનાશિની ।
સર્વૈશ્વર્યસમુત્પત્તિઃ સર્વગ્રહવિનાશિની ॥ ૧૦૫ ॥
ભીતિઘ્ની ભક્તિગમ્યા ચ ભક્તાનામાર્તિનાશિની ।
માતઙ્ગી મત્તમાતઙ્ગી માતઙ્ગગણમણ્ડિતા ॥ ૧૦૬ ॥
અમૃતોદધિમધ્યસ્થા કટિસૂત્રૈરલઙ્કૃતા ।
અમૃતદ્વીપમધ્યસ્થા પ્રબલા વત્સલોજ્જ્વલા ॥ ૧૦૭ ॥
મણિમણ્ડપમધ્યસ્થા રત્નસિંહાસનસ્થિતા ।
પરમાનન્દમુદિતા ઈષત્પ્રહસિતાનના ॥ ૧૦૮ ॥
કુમુદા લલિતા લોલા લાક્ષા લોહિતલોચના ।
દિગ્વાસા દેવદૂતી ચ દેવદેવાદિદેવતા ॥ ૧૦૯ ॥
સિંહોપરિસમારૂઢા હિમાચલનિવાસિની ।
અટ્ટાટ્ટહાસિની ઘોરા ઘોરદૈત્યવિનાશિની ॥ ૧૧૦ ॥
અત્યુગ્રા રક્તવસના નાગકેયૂરમણ્ડિતા ।
મુક્તાહારસ્તનોપેતા તુઙ્ગપીનપયોધરા ॥ ૧૧૧ ॥
રક્તોત્પલદલાકારા મદાઘૂર્ણિતલોચના ।
ગણ્ડમણ્ડિતતાટઙ્કા ગુઞ્જાહારવિભૂષણા ॥ ૧૧૨ ॥
સઙ્ગીતરઙ્ગરસના વીણાવાદ્યકુતૂહલા ।
સમસ્તદેવમૂર્તિશ્ચ હ્યસુરક્ષયકારિણી ॥ ૧૧૩ ॥
ખડ્ગિની શૂલહસ્તા ચ ચક્રિણી ચાક્ષમાલિની ।
પાશિની ચક્રિણી દાન્તા વજ્રિણી વજ્રદણ્ડિની ॥ ૧૧૪ ॥
આનન્દોદધિમધ્યસ્થા કટિસૂત્રૈરલઙ્કૃતા ।
નાનાભરણદીપ્તાઙ્ગી નાનામણિવિભૂષણા ॥ ૧૧૫ ॥
જગદાનન્દસમ્ભૂતિશ્ચિન્તામણિગુણાકરા ।
ત્રૈલોક્યનમિતા પૂજ્યા ચિન્મયાઽઽનન્દરૂપિણી ॥ ૧૧૬ ॥
ત્રૈલોક્યનન્દિની દેવી દુઃખદુઃસ્વપ્નનાશિની ।
ઘોરાગ્નિદાહશમની રાજદૈવાદિશાલિની ॥ ૧૧૭ ॥
મહાઽપરાધરાશિઘ્ની મહાવૈરિભયાપહા ।
રાગાદિદોષરહિતા જરામરણવર્જિતા ॥ ૧૧૮ ॥
ચન્દ્રમણ્ડલમધ્યસ્થા પીયૂષાર્ણવસમ્ભવા ।
સર્વદેવૈઃ સ્તુતા દેવી સર્વસિદ્ધિનમસ્કૃતા ॥ ૧૧૯ ॥
અચિન્ત્યશક્તિરૂપા ચ મણિમન્ત્રમહૌષધી ।
સ્વસ્તિઃ સ્વસ્તિમતી બાલા મલયાચલસંસ્થિતા ॥ ૧૨૦ ॥
ધાત્રી વિધાત્રી સંહારા રતિજ્ઞા રતિદાયિની ।
રુદ્રાણી રુદ્રરૂપા ચ રૌદ્રી રૌદ્રાર્તિહારિણી ॥ ૧૨૧ ॥
સર્વજ્ઞા ચૌરધર્મજ્ઞા રસજ્ઞા દીનવત્સલા ।
અનાહતા ત્રિનયના નિર્ભરા નિર્વૃતિઃ પરા ॥ ૧૨૨ ॥
પરા ઘોરકરાલાક્ષી સ્વમાતા પ્રિયદાયિની ।
મન્ત્રાત્મિકા મન્ત્રગમ્યા મન્ત્રમાતા સમન્ત્રિણી ॥ ૧૨૩ ॥
શુદ્ધાનન્દા મહાભદ્રા નિર્દ્વન્દ્વા નિર્ગુણાત્મિકા ।
ધરણી ધારિણી પૃથ્વી ધરા ધાત્રી વસુન્ધરા ॥ ૧૨૪ ॥
મેરુમન્દિરમધ્યસ્થા શિવા શઙ્કરવલ્લભા ।
શ્રીગતિઃ શ્રીમતી શ્રેષ્ઠા શ્રીકરી શ્રીવિભાવની ॥ ૧૨૫ ॥
શ્રીદા શ્રીમા શ્રીનિવાસા શ્રીમતી શ્રીમતાં ગતિઃ ।
ઉમા શારઙ્ગિણી કૃષ્ણા કુટિલા કુટિલાલકા ॥ ૧૨૬ ॥
ત્રિલોચના ત્રિલોકાત્મા પુણ્યદા પુણ્યકીર્તિદા ।
અમૃતા સત્યસઙ્કલ્પા સત્યાશા ગ્રન્થિભેદિની ॥ ૧૨૭ ॥
પરેશા પરમા વિદ્યા પરાવિદ્યા પરાત્પરા ।
સુન્દરાઙ્ગી સુવર્ણાભા સુરાસુરનમસ્કૃતા ॥ ૧૨૮ ॥
પ્રજા પ્રજાવતી ધન્યા ધનધાન્યસમૃદ્ધિદા ।
ઈશાની ભુવનેશાની ભુવના ભુવનેશ્વરી ॥ ૧૨૯ ॥
અનન્તાનન્તમહિમા જગત્સારા જગદ્ભવા ।
અચિન્ત્યશક્તિમહિમા ચિન્ત્યાચિન્ત્યસ્વરૂપિણી ॥ ૧૩૦ ॥
જ્ઞાનગમ્યા જ્ઞાનમૂર્તિર્જ્ઞાનદા જ્ઞાનશાલિની ।
અમિતા ઘોરરૂપા ચ સુધાધારા સુધાવહા ॥ ૧૩૧ ॥
ભાસ્કરી ભાસુરી ભાતી ભાસ્વદુત્તાનશાયિની ।
અનસૂયા ક્ષમા લજ્જા દુર્લભા ભુવનાન્તિકા ॥ ૧૩૨ ॥
વિશ્વવન્દ્યા વિશ્વબીજા વિશ્વધીર્વિશ્વસંસ્થિતા ।
શીલસ્થા શીલરૂપા ચ શીલા શીલપ્રદાયિની ॥ ૧૩૩ ॥
બોધિની બોધકુશલા રોધિની બાધિની તથા ।
વિદ્યોતિની વિચિત્રાત્મા વિદ્યુત્પટલસન્નિભા ॥ ૧૩૪ ॥
વિશ્વયોનિર્મહાયોનિઃ કર્મયોનિઃ પ્રિયંવદા ।
રોગિણી રોગશમની મહારોગભયાવહા ॥ ૧૩૫ ॥
વરદા પુષ્ટિદા દેવી માનદા માનવપ્રિયા ।
કૃષ્ણાઙ્ગવાહિની ચૈવ કૃષ્ણા કૃષ્ણસહોદરી ॥ ૧૩૬ ॥
શામ્ભવી શમ્ભુરૂપા ચ તથૈવ શમ્ભુસમ્ભવા ।
વિશ્વોદરી વિશ્વમાતા યોગમુદ્રા ચ યોગિની ॥ ૧૩૭ ॥
વાગીશ્વરી યોગમુદ્રા યોગિનીકોટિસેવિતા ।
કૌલિકાનન્દકન્યા ચ શૃઙ્ગારપીઠવાસિની ॥ ૧૩૮ ॥
ક્ષેમઙ્કરી સર્વરૂપા દિવ્યરૂપા દિગમ્બરા ।
ધૂમ્રવક્ત્રા ધૂમ્રનેત્રા ધૂમ્રકેશી ચ ધૂસરા ॥ ૧૩૯ ॥
પિનાકી રુદ્રવેતાલી મહાવેતાલરૂપિણી ।
તપની તાપિની દક્ષા વિષ્ણુવિદ્યા ત્વનાથિતા ॥ ૧૪૦ ॥
અઙ્કુરા જઠરા તીવ્રા અગ્નિજિહ્વા ભયાપહા ।
પશુઘ્ની પશુરૂપા ચ પશુદા પશુવાહિની ॥ ૧૪૧ ॥
પિતા માતા ચ ભ્રાતા ચ પશુપાશવિનાશિની ।
ચન્દ્રમા ચન્દ્રરેખા ચ ચન્દ્રકાન્તિવિભૂષણા ॥ ૧૪૨ ॥
કુઙ્કુમાઙ્કિતસર્વાઙ્ગી સુધીર્બુદ્બુદલોચના ।
શુક્લામ્બરધરા દેવી વીણાપુસ્તકધારિણી ॥ ૧૪૩ ॥
શ્વેતવસ્ત્રધરા દેવી શ્વેતપદ્માસનસ્થિતા ।
રક્તામ્બરા ચ રક્તાઙ્ગી રક્તપદ્મવિલોચના ॥ ૧૪૪ ॥
નિષ્ઠુરા ક્રૂરહૃદયા અક્રૂરા મિતભાષિણી ।
આકાશલિઙ્ગસમ્ભૂતા ભુવનોદ્યાનવાસિની ॥ ૧૪૫ ॥
મહાસૂક્ષ્મા ચ કઙ્કાલી ભીમરૂપા મહાબલા ।
અનૌપમ્યગુણોપેતા સદા મધુરભાષિણી ॥ ૧૪૬ ॥
વિરૂપાક્ષી સહસ્રાક્ષી શતાક્ષી બહુલોચના ।
દુસ્તરી તારિણી તારા તરુણી તારરૂપિણી ॥ ૧૪૭ ॥
સુધાધારા ચ ધર્મજ્ઞા ધર્મયોગોપદેશિની ।
ભગેશ્વરી ભગારાધ્યા ભગિની ભગિનીપ્રિયા ॥ ૧૪૮ ॥
ભગવિશ્વા ભગક્લિન્ના ભગયોનિર્ભગપ્રદા ।
ભગેશ્વરી ભગરૂપા ભગગુહ્યા ભગાવહા ॥ ૧૪૯ ॥
ભગોદરી ભગાનન્દા ભગાઢ્યા ભગમાલિની ।
સર્વસઙ્ક્ષોભિણીશક્તિઃ સર્વવિદ્રાવિણી તથા ॥ ૧૫૦ ॥
માલિની માધવી માધ્વી મદરૂપા મદોત્કટા ।
ભેરુણ્ડા ચણ્ડિકા જ્યોત્સ્ના વિશ્વચક્ષુસ્તપોવહા ॥ ૧૫૧ ॥
સુપ્રસન્ના મહાદૂતી યમદૂતી ભયઙ્કરી ।
ઉન્માદિની મહારૂપા દિવ્યરૂપા સુરાર્ચિતા ॥ ૧૫૨ ॥
ચૈતન્યરૂપિણી નિત્યા નિત્યક્લિન્ના મદોલ્લસા ।
મદિરાનન્દકૈવલ્યા મદિરાક્ષી મદાલસા ॥ ૧૫૩ ॥
સિદ્ધેશ્વરી સિદ્ધવિદ્યા સિદ્ધાદ્યા સિદ્ધવન્દિતા ।
સિદ્ધાર્ચિતા સિદ્ધમાતા સિદ્ધસર્વાર્થસાધિકા ॥ ૧૫૪ ॥
મનોન્મની ગુણાતીતા પરઞ્જ્યોતિઃસ્વરૂપિણી ।
પરેશી પારગા પારા પારસિદ્ધિઃ પરા ગતિઃ ॥ ૧૫૫ ॥
વિમલા મોહિનીરૂપા મધુપાનપરાયણા ।
વેદવેદાઙ્ગજનની સર્વશાસ્ત્રવિશારદા ॥ ૧૫૬ ॥
સર્વવેદમયી વિદ્યા સર્વશાસ્ત્રમયી તથા ।
સર્વજ્ઞાનમયી દેવી સર્વધર્મમયીશ્વરી ॥ ૧૫૭ ॥
સર્વયજ્ઞમયી યજ્વા સર્વમન્ત્રાધિકારિણી ।
ત્રૈલોક્યાકર્ષિણી દેવી સર્વાદ્યાનન્દરૂપિણી ॥ ૧૫૮ ॥
સર્વસમ્પત્ત્યધિષ્ઠાત્રી સર્વવિદ્રાવિણી પરા ।
સર્વસઙ્ક્ષોભિણી દેવી સર્વમઙ્ગલકારિણી ॥ ૧૫૯ ॥
ત્રૈલોક્યરઞ્જની દેવી સર્વસ્તમ્ભનકારિણી ।
ત્રૈલોક્યજયિની દેવી સર્વોન્માદસ્વરૂપિણી ॥ ૧૬૦ ॥
સર્વસમ્મોહિની દેવી સર્વવશ્યઙ્કરી તથા ।
સર્વાર્થસાધિની દેવી સર્વસમ્પત્તિદાયિની ॥ ૧૬૧ ॥
સર્વકામપ્રદા દેવી સર્વમઙ્ગલકારિણી ।
સર્વસિદ્ધિપ્રદા દેવી સર્વદુઃખવિમોચિની ॥ ૧૬૨ ॥
સર્વમૃત્યુપ્રશમની સર્વવિઘ્નવિનાશિની ।
સર્વાઙ્ગસુન્દરી માતા સર્વસૌભાગ્યદાયિની ॥ ૧૬૩ ॥
સર્વદા સર્વશક્તિશ્ચ સર્વૈશ્વર્યફલપ્રદા ।
સર્વજ્ઞાનમયી દેવી સર્વવ્યાધિવિનાશિની ॥ ૧૬૪ ॥
સર્વાધારા સર્વરૂપા સર્વપાપહરા તથા ।
સર્વાનન્દમયી દેવી સર્વરક્ષાસ્વરૂપિણી ॥ ૧૬૫ ॥
સર્વલક્ષ્મીમયી વિદ્યા સર્વેપ્સિતફલપ્રદા ।
સર્વદુઃખપ્રશમની પરમાનન્દદાયિની ॥ ૧૬૬ ॥
ત્રિકોણનિલયા ત્રીષ્ટા ત્રિમતા ત્રિતનુસ્થિતા ।
ત્રૈવિદ્યા ચૈવ ત્રિસ્મારા ત્રૈલોક્યત્રિપુરેશ્વરી ॥ ૧૬૭ ॥
ત્રિકોદરસ્થા ત્રિવિધા ત્રિપુરા ત્રિપુરાત્મિકા ।
ત્રિધાત્રી ત્રિદશા ત્ર્યક્ષા ત્રિઘ્ની ત્રિપુરવાહિની ॥ ૧૬૮ ॥
ત્રિપુરાશ્રીઃ સ્વજનની બાલાત્રિપુરસુન્દરી ।
શ્રીમત્ત્રિપુરસુન્દર્યા મન્ત્રનામસહસ્રકમ્ ॥ ૧૬૯ ॥
ગુહ્યાદ્ગુહ્યતરં પુત્ર ! તવ પ્રીત્યા પ્રકીર્તિતમ્ ।
ગોપનીયં પ્રયત્નેને પઠનીયં પ્રયત્નતઃ ॥ ૧૭૦ ॥
નાતઃ પરતરં પુણ્યં નાતઃ પરતરં શુભમ્ ।
નાતઃ પરતરં સ્તોત્રં નાતઃ પરતરા ગતિઃ ॥ ૧૭૧ ॥
સ્તોત્રં સહસ્રનામાખ્યં મમ વક્ત્રાદ્વિનિસ્સૃતમ્ ।
યઃ પઠેત્પરયા ભક્ત્યા શૃણુયાદ્વા સમાહિતઃ ॥ ૧૭૨ ॥
મોક્ષાર્થી લભતે મોક્ષં સુખાર્થી સુખમાપ્નુયાત્ ।
ફલાર્થી લભતે કામાન્ ધનાર્થી લભતે ધનમ્ ॥ ૧૭૩ ॥
વિદ્યાર્થી લભતે વિદ્યાં યશોઽર્થી લભતે યશઃ ।
કન્યાર્થી લભતે કન્યાં સુતાર્થી લભતે સુતમ્ ॥ ૧૭૪ ॥
ગુર્વિણી લભતે પુત્રં કન્યા વિન્દતિ સત્પતિમ્ ।
મૂર્ખેઽપિ લભતે શાસ્ત્રં ચૌરોઽપિ લભતે ગતિમ્ ॥ ૧૭૫ ॥
સક્રાંન્તાવમાવાસ્યાયામષ્ટમ્યાં ભૌમવાસરે ।
પઠેદ્વા પાઠયેદ્વાપિ શૃણુયાદ્વા સમાહિતઃ ॥ ૧૭૬ ॥
પૌર્ણમાસ્યાં ચતુર્દશ્યાં નવમ્યાં ચ વિશેષતઃ ।
સ મુક્તઃ સર્વપાપેભ્યઃ કામેશ્વરસમો ભવેત્ ॥ ૧૭૭ ॥
લક્ષ્મીવાન્ સુતવાંશ્ચૈવ વલ્લભઃ સર્વયોષિતામ્ ।
તસ્યા વશ્યં ભવેદ્દાસ્યે ત્રૈલોક્યં સચરાચરમ્ ॥ ૧૭૮ ॥
રુદ્રં દૃષ્ટ્વા યથા દેવા વિષ્ણું દૃષ્ટ્વા ચ દાનવાઃ ।
પન્નગા ગરુડં દૃષ્ટ્વા સિંહં દૃષ્ટ્વા યથા મૃગાઃ ॥ ૧૭૯ ॥
મણ્ડૂકા ભોગિનં દૃષ્ટ્વા માર્જારં મૂષકો યથા ।
કીટવત્પ્રપલાયન્તે તસ્ય વક્ત્રાવલોકનાત્ ॥ ૧૮૦ ॥
અગ્નિચૌરભયં તસ્ય કદાચિન્નૈવ સમ્ભવેત્ ।
પાતકા વિવિધાઃ સન્તિ મેરુમન્દરસન્નિભાઃ ॥ ૧૮૧ ॥
ભસ્મસાત્તત્ક્ષણં કુર્યાત્ તૃણં વહ્નિયુતં યથા ।
એકધા પઠનાદેવ સર્પપાપક્ષયો ભવેત્ ॥ ૧૮૨ ॥
દશધા પઠનાદેવ વાઞ્છાસિદ્ધિઃ પ્રજાયતે ।
નશ્યન્તિ સહસા રોગા દશધાઽઽવર્તનેન ચ ॥ ૧૮૩ ॥
સહસ્રં વા પઠેદ્યસ્તુ ખેચરો જાયતે નરઃ ।
સહસ્રદશકં યસ્તુ પઠેદ્ભક્તિપરાયણઃ ॥ ૧૮૪ ॥
સા તસ્ય જગતાં ધાત્રી પ્રત્યક્ષા ભવતિ ધ્રુવમ્ ।
લક્ષં પૂર્ણં યદા પુત્ર ! સ્તવરાજં પઠેત્સુધીઃ ॥ ૧૮૫ ॥
ભવપાશવિનિર્મુક્તો મમ તુલ્યો ન સંશયઃ ।
સર્વતીર્થેષુ યત્પુણ્યં સર્વયજ્ઞેષુ યત્ફલમ્ ॥ ૧૮૬ ॥
સર્વદેવેષુ યત્પુણ્યં તત્ફલં પરિકિર્તિતમ્ ।
તત્ફલં કોટિગુણિતં સકૃજ્જપ્ત્વા લભેન્નરઃ ॥ ૧૮૭ ॥
શ્રુત્વા મહાબલશ્ચાશુ પુત્રવાન્ સર્વસમ્પદઃ ।
દેહાન્તે પરમં સ્થાનં યત્સુરૈરપિ દુર્લભમ્ ॥ ૧૮૮ ॥
અદ્વૈતયોગિભિર્જ્ઞેયં માર્ગગૈરપિ દુર્લભમ્ ।
સ યાસ્યતિ ન સન્દેહઃ સ્તવરાજપ્રકીર્તનાત્ ॥ ૧૮૯ ॥
યઃ સદા પઠતે ભક્તો મુક્તિસ્તસ્ય ન સંશયઃ ॥ ૧૯૦ ॥
ઇતિ શ્રીવામકેશ્વરતન્ત્રાન્તર્ગતં શ્રીબાલાસહસ્રનામસ્તોત્રં સમ્પૂર્ણમ્ ।