॥ Durgasahasranamastotram 3 Malayalam Lyrics ॥
॥ ശ്രീദുര്‍ഗാസഹസ്രനാമസ്തോത്രം 3 ॥
ധ്യാനം ।
1. സിംഹസ്ഥാ ശശിശേഖരാ മരകതപ്രഖ്യൈശ്ചതുര്‍ഭിര്‍ഭുജൈഃ ।
ശങ്ഖം ചക്രധനുഃ ശരാംശ്ച ദധതീ നേത്രൈസ്ത്രിഭിഃ ശോഭിതാ ॥
ആമുക്താങ്ഗദഹാരകങ്കണരണത്കാഞ്ചീ രണന്നൂപുരാ ।
ദുര്‍ഗാ ദുര്‍ഗതിഹാരിണീ ഭവതു നോ രത്നേല്ലസത്കുണ്ഡലാ ॥
2. മാതര്‍മേ മധുകൈടഭഘ്നി മഹിഷപ്രാണാപഹാരോദ്യമേ ।
ഹേലാനിര്‍ജിതധൂംരലോചനവധേ ഹേ ചണ്ഡമുണ്ഡാര്‍ദിനി ॥
നിശ്ശേഷീകൃതരക്തബീജദനുജേ നിത്യേ നിശുംഭാപഹേ ।
ശുംഭധ്വംസിനി സംഹരാശു ദുരിതം ദുര്‍ഗേ നമസ്തേഽംബികേ ॥
3. ഹേമപ്രഖ്യാമിന്ദുഖണ്ഡാര്‍ധമൌലിം ।
ശങ്ഖാരിഷ്ടാഭീതിഹസ്താം ത്രിണേത്രാം ॥
ഹേമാബ്ജസ്ഥാം പീതവസ്ത്രാം പ്രസന്നാം ।
ദേവീം ദുര്‍ഗാം ദിവ്യരൂപാം നമാമി ॥
4. ഉദ്യദ്വിദ്യുത്കരാലാകുലഹരിഗലസംസ്ഥാരിശങ്ഖാസിഖേടേ-
ഷ്വിഷ്വാസാഖ്യത്രിശൂലാനരിഗണഭയദാ തര്‍ജനീം സന്ദധാനാ ।
ചര്‍മാസ്യുത്തീര്‍ണദോര്‍ഭിഃ പ്രഹരണനിപുണാഭിര്‍വൃതാ കന്യകാഭിഃ
ദദ്യാത്കാര്‍ശാനഭീഷ്ടാന്‍ ത്രിണയനലലിതാ ചാപി കാത്യായനീ വഃ ॥
5. അരിശങ്ഖകൃപാണഖേടബാണാന്‍ സുധനുഃ ശൂലകകര്‍തരീം തര്‍ജനീം ദധാനാ ।
ഭജതാം മഹിഷോത്തമാങ്ഗസംസ്ഥാ നവദൂര്‍വാസദൃശീശ്രിയേഽസ്തു ദുര്‍ഗാ ॥
ഓം ശ്രീദുര്‍ഗാ ത്രിജഗന്‍മാതാ ശ്രീമത്കൈലാസവാസിനീ ।
ഹിമാചലഗുഹാകാന്തമാണിക്യമണിമണ്ഡപാ ॥ 1 ॥
ഗിരിദുര്‍ഗാ ഗൌരഹസ്താ ഗണനാഥവൃതാങ്ഗണാ ।
കല്‍പകാരണ്യസംവീതമാലതീകുഞ്ജമന്ദിരാ ॥ 2 ॥
ധര്‍മസിംഹാസനാരൂഢാ ഡാകിന്യാദി സമാശ്രിതാ ।
സിദ്ധവിദ്യാധരാമര്‍ത്യവധൂടീനികരസ്തുതാ ॥ 3 ॥
ചിന്താമണിശിലാക്ലൃപ്തദ്വാരാവലിഗൃഹാന്തരാ ।
കടാക്ഷവീക്ഷണാപേക്ഷകമലാക്ഷിസുരാങ്ഗനാ ॥ 4 ॥
ലീലാഭാഷണസംലോലകമലാസനവല്ലഭാ ।
യാമലോപനിഷന്‍മന്ത്രവിലപച്ഛുകപുങ്ഗവാ ॥ 5 ॥
ദൂര്‍വാദലശ്യാമരൂപാ ദുര്‍വാരമതവിഹ്വലാ ।
നവകോരകസമ്പത്ശ്രീകല്‍പകാരണ്യകുന്തലാ ॥ 6 ॥
വേണീകൈതകബര്‍ഹാംശുവിജിതസ്മരപട്ടസാ ।
കചസീമന്തരേഖാന്തലംബമാണിക്യലംബികാ ॥ 7 ॥
പുഷ്പബാണശരാലീഢഘനധമ്മില്ലഭൂഷണാ ।
ഭാലചന്ദ്രകലാപ്രാന്തസത്സുധാബിന്ദുമൌക്തികാ ॥ 8 ॥
ചൂലീകാദംബിനീശ്ലിഷ്ടചന്ദ്രരേഖാലലാടികാ ।
ചന്ദ്രമണ്ഡലസംയുക്തഭൌമകുങ്കുമരേഖികാ ॥ 9 ॥
കേശാഭ്രമുക്തകോദണ്ഡസദൃഗ്ഭ്രൂലതികാഞ്ചിതാ ।
മാരചാപലസച്ഛുഭ്രമൃഗനാഭിവിശേഷകാ ॥ 10 ॥
കര്‍ണപൂരിതകഹ്ലാരാകാങ്ക്ഷിതാപാങ്ഗവീക്ഷണാ ।
ക്ഷീരാശയോത്പലാകാരവിലസത്കൃഷ്ണതാരകാ ॥ 11 ॥
നേത്രപങ്കേരുഹാന്തഃസ്ഥഭ്രമദ്ഭ്രമരതാരകാ ।
ഗരലാവൃതകല്ലോലനിമേഷാഞ്ജനഭാസുരാ ॥ 12 ॥
തീക്ഷ്ണാഗ്രധാരപ്രദ്യുംനശസ്ത്രപ്രത്യസ്ത്രവീക്ഷണാ ।
മുഖചന്ദ്രസുധാപൂരലുഢന്‍മീനാഭലോചനാ ॥ 13 ॥
മൌക്തികാവൃതതാടങ്കമണ്ഡലദ്വയമണ്ഡിതാ ।
കന്ദര്‍പധ്വജതാകീര്‍ണമകരാങ്കിതകുണ്ഡലാ ॥ 14 ॥
കര്‍ണരത്നൌഘചിന്താര്‍കകമനീയമുഖാംബുജാ ।
കാരുണ്യസ്യന്ദിവദനാ കണ്ഠമൂലസുകുങ്കുമാ ॥ 15 ॥
ഓഷ്ഠബിംബഫലാമോദശുകതുണ്ഡാഭനാസികാ ।
തിലചമ്പകപുഷ്പശ്രീനാസികാഭരണോജ്ജ്വലാ ॥ 16 ॥
നാസാചമ്പകസംസ്രസ്തമധുബിന്ദുകമൌക്തികാ ।
മുഖപങ്കജകിഞ്ജല്‍കമുക്താജാലസുനാസികാ ॥ 17 ॥
സാലുവേശമുഖാസ്വാദലോലുപാധരപല്ലവാ ।
രദനാംശനടീരങ്ഗപ്രസ്താവനപടാധരാ ॥ 18 ॥
ദന്തലക്ഷ്മീഗൃഹദ്വാരനീശാരാംശ്വധരച്ഛദാ ।
വിദ്രുമാധരബാലാര്‍കമിശ്രസ്മേരാംശുകൌമുദീ ॥ 19 ॥
മന്ത്രബീജാങ്കുരാകാരദ്വിജാവലിവിരാജിതാ ।
സല്ലാപലക്ഷ്മീമാങ്ഗല്യമൌക്തികസ്രഗ്രദാലയാ ॥ 20 ॥
താംബൂലസാരസൌഗന്ധിസകലാംനായതാലുകാ ।
കര്‍ണലക്ഷ്മീവിലാസാര്‍ഥമണിദര്‍പണഗണ്ഡഭൂഃ ॥ 21 ॥
കപോലമുകുലാക്രാന്തകര്‍ണതാടങ്കദീധിതിഃ ।
മുഖപദ്മരജസ്തൂലഹരിദ്രാചൂര്‍ണമണ്ഡിതാ ॥ 22 ॥
കണ്ഠാദര്‍ശപ്രഭാസാന്ദ്രവിജിതശ്രീവിരാജിതാ ।
ദേശികേശഹൃദാനന്ദസമ്പച്ചിബുകപേടികാ ॥ 23 ॥
ശരഭാധീശസംബദ്ധമാങ്ഗല്യമണികന്ധരാ ।
കസ്തൂരീപങ്കസഞ്ജാതഗലനാലമുഖാംബുജാ ॥ 24 ॥
ലാവണ്യാംഭോധിമധ്യസ്ഥശങ്ഖസന്നിഭകന്ധരാ ।
ഗലശങ്ഖപ്രസൂതാംശുമുക്താദാമവിരാജിതാ ॥ 25 ॥
മാലതീമല്ലികാതുല്യഭുജദ്വയമനോഹരാ ।
കനകാങ്ഗദകേയൂരച്ഛവിനിര്‍ജിതഭാസ്കരാ ॥ 26 ॥
പ്രകോഷ്ഠവലയാക്രാന്തപരിവേഷഗ്രഹദ്യുതിഃ ।
വലയദ്വയവൈഡൂര്യജ്വാലാലീഢകരാംബുജാ ॥ 27 ॥
ബാഹുദ്വയലതാഗ്രസ്തപല്ലവാഭകരാങ്ഗുലിഃ ।
കരപങ്കേരുഹഭ്രാംയദ്രവിമണ്ഡലകങ്കണാ ॥ 28 ॥
അങ്ഗുലീവിദ്രുമലതാപര്‍വസ്വര്‍ണാങ്ഗുലീയകാ ।
ഭാഗ്യപ്രദകരാന്തസ്ഥശങ്ഖചക്രാങ്കമുദ്രികാ ॥ 29 ॥
കരപദ്മദലപ്രാന്തഭാസ്വദ്രത്നനഖാങ്കുരാ ।
രത്നഗ്രൈവേയഹാരാതിരമണീയകുചാന്തരാ ॥ 30 ॥
പ്രാലംബികൌസ്തുഭമണിപ്രഭാലിപ്തസ്തനാന്തരാ ।
ശരഭാധീശനേത്രാംശുകഞ്ചുകസ്തനമണ്ഡലാ ॥ 31 ॥
രതീവിവാഹകാലശ്രീപൂര്‍ണകുംഭസ്തനദ്വയാ ।
അനങ്ഗജീവനപ്രാണമന്ത്രകുംഭസ്തനദ്വയാ ॥ 32 ॥
മധ്യവല്ലീപ്രാജ്യഫലദ്വയവക്ഷോജഭാസുരാ ।
സ്തനപര്‍വതപര്യന്തചിത്രകുങ്കുമപത്രികാ ॥ 33 ॥
ഭ്രമരാലീഢരാജീവകുഡ്മലസ്തനചൂചുകാ ।
മഹാശരഭഹൃദ്രാഗരക്തവസ്ത്രോത്തരീയകാ ॥ 34 ॥
അനൌപംയാതിലാവണ്യപാര്‍ഷ്ണിഭാഗാഭിനന്ദിതാ ।
സ്തനസ്തബകരാരാജദ്രോമവല്ലീതലോദരാ ॥ 35 ॥
കൃഷ്ണരോമാവലീകൃഷ്ണസപ്തപത്രോദരച്ഛവിഃ ।
സൌന്ദര്യപൂരസമ്പൂര്‍ണപ്രവാഹാവര്‍തനാഭികാ ॥ 36 ॥
അനങ്ഗരസപൂരാബ്ധിതരങ്ഗാഭവലിത്രയാ ।
സന്ധ്യാരുണാംശുകൌസുംഭപടാവൃതകടീതടീ ॥ 37 ॥
സപ്തകിങ്കിണികാശിഞ്ജദ്രത്നകാന്തികലാപിനീ ।
മേഖലാദാമസങ്കീര്‍ണമയൂഖാവൃതനീവികാ ॥ 38 ॥
സുവര്‍ണസൂത്രാകലിതസൂക്ഷ്മരത്നാംബരാചലാ ।
വീരേശ്വരാനങ്ഗസരിത്പുലിനീജഘനസ്ഥലാ ॥ 39 ॥
അസാദൃശ്യനിതംബശ്രീരംയരംഭോരുകാണ്ഡയുക് ।
ഹലമല്ലകനേത്രാഭാവ്യാപ്തസന്ധിമനോഹരാ ॥ 40 ॥
ജാനുമണ്ഡലധിക്കാരിരാശികൂടതടീകടീ ।
സ്മരതൂണീരസങ്കാശജങ്ഘാദ്വിതയസുന്ദരീ ॥ 41 ॥
ഗുല്‍ഫദ്വിതയസൌഭാഗ്യജിതതാലഫലദ്വയീ ।
ദ്യുമണിംരക്ഷണാഭാങ്ഘ്രിയുഗ്മനൂപുരമണ്ഡലാ ॥ 42 ॥
രണദ്വലയസല്ലാപദ്രത്നമാലാഭപാദുകാ ।
പ്രപദാത്മകശസ്ത്രൌഘവിലസച്ചര്‍മപുസ്തകാ ॥ 43 ॥
ആധാരകൂര്‍മപൃഷ്ഠാഭപാദപൃഷ്ഠവിരാജിതാ ।
പാദാങ്ഗുലിപ്രഭാജാലപരാജിതദിവാകരാ ॥ 44 ॥
ചക്രചാമരമത്സ്യാങ്കചരണസ്ഥലപങ്കജാ ।
സുരേന്ദ്രകോടിമുകുടീരത്നസങ്ക്രാന്തപാദുകാ ॥ 45 ॥
അവ്യാജകരുണാഗുപ്തതനുരവ്യാജസുന്ദരീ ।
ശൃങ്ഗാരരസസാംരാജ്യപദപട്ടാഭിഷേചിതാ ॥ 46 ॥
ശിവാ ഭവാനീ രുദ്രാണീ ശര്‍വാണീ സര്‍വമങ്ഗലാ ।
ഉമാ കാത്യായനീ ഭദ്രാ പാര്‍വതീ പാവനാകൃതിഃ ॥ 47 ॥
മൃഡാനീ ചണ്ഡികാ മാതാ രതിര്‍മങ്ഗലദേവതാ ।
കാലീ ഹൈമവതീ വീരാ കപാലശൂലധാരിണീ ॥ 48 ॥
ശരഭാ ശാംഭവീ മായാതന്ത്രാ തന്ത്രാര്‍ഥരൂപിണീ ।
തരുണീ ധര്‍മദാ ധര്‍മതാപസീ താരകാകൃതിഃ ॥ 49 ॥
ഹരാ മഹേശ്വരീ മുഗ്ധാ ഹംസിനീ ഹംസവാഹനാ ।
ഭാഗ്യാ ബലകരീ നിത്യാ ഭക്തിഗംയാ ഭയാപഹാ ॥ 50 ॥
മാതങ്ഗീ രസികാ മത്താ മാലിനീ മാല്യധാരിണീ ।
മോഹിനീ മുദിതാ കൃഷ്ണാ മുക്തിദാ മോദഹര്‍ഷിതാ ॥ 51 ॥
ശൃങ്ഗാരീ ശ്രീകരീ ശൂരജയിനീ ജയശൃങ്ഖലാ ।
സതീ താരാത്മികാ തന്വീ താരനാദാ തഡിത്പ്രഭാ ॥ 52 ॥
അപര്‍ണാ വിജയാ നീലീ രഞ്ജിതാ ത്വപരാജിതാ ।
ശങ്കരീ രമണീ രാമാ ശൈലേന്ദ്രതനയാ മഹീ ॥ 53 ॥
ബാലാ സരസ്വതീ ലക്ഷ്മീഃ പരമാ പരദേവതാ ।
ഗായത്രീരസികാ വിദ്യാ ഗങ്ഗാ ഗംഭീരവൈഭവാ ॥ 54 ॥
ദേവീ ദാക്ഷായണീ ദക്ഷദമനീ ദാരുണപ്രഭാ ।
മാരീ മാരകരീ മൃഷ്ടാ മന്ത്രിണീ മന്ത്രവിഗ്രഹാ ॥ 55 ॥
ജ്വാലാമയീ പരാരക്താ ജ്വാലാക്ഷീ ധൂംരലോചനാ ।
വാമാ കുതൂഹലാ കുല്യാ കോമലാ കുഡ്മലസ്തനീ ॥ 56 ॥
ദണ്ഡിനീ മുണ്ഡിനീ ധീരാ ജയകന്യാ ജയങ്കരീ ।
ചാമുണ്ഡീ ചണ്ഡമുണ്ഡേശീ ചണ്ഡമുണ്ഡനിഷൂദിനീ ॥ 57 ॥
ഭദ്രകാലീ വഹ്നിദുര്‍ഗാ പാലിതാമരസൈനികാ ।
യോഗിനീഗണസംവീതാ പ്രബലാ ഹംസഗാമിനീ ॥ 58 ॥
ശുംഭാസുരപ്രാണഹന്ത്രീ സൂക്ഷ്മാ ശോഭനവിക്രമാ ।
നിശുംഭവീര്യശമനീ നിര്‍നിദ്രാ നിരുപപ്ലവാ ॥ 59 ॥
ധര്‍മസിംഹധൃതാ മാലീ നാരസിംഹാങ്ഗലോലുപാ ।
ഭുജാഷ്ടകയുതാ തുങ്ഗാ തുങ്ഗസിംഹാസനേശ്വരീ ॥ 60 ॥
രാജരാജേശ്വരീ ജ്യോത്സ്നാ രാജ്യസാംരാജ്യദായിനീ ।
മന്ത്രകേലിശുകാലാപാ മഹനീയാ മഹാശനാ ॥ 61 ॥
ദുര്‍വാരകരുണാസിന്ധുര്‍ധൂമലാ ദുഷ്ടനാശിനീ ।
വീരലക്ഷ്മീര്‍വീരപൂജ്യാ വീരവേഷമഹോത്സവാ ॥ 62 ॥
വനദുര്‍ഗാ വഹ്നിഹസ്താ വാഞ്ഛിതാര്‍ഥപ്രദായിനീ ।
വനമാലീ ച വാരാഹീ വാഗാസാരനിവാസിനീ ॥ 63 ॥
ഏകാകിന്യേകസിംഹസ്ഥാ ചൈകദന്തപ്രസൂതിനീ ।
നൃസിംഹചര്‍മവസനാ നിര്‍നിരീക്ഷ്യാ നിരങ്കുശാ ॥ 64 ॥
നൃപാലവീര്യനിര്‍വേഗാ നീചഗ്രാമനിഷൂദിനീ ।
സുദര്‍ശനാസ്ത്രദര്‍പഘ്നീ സോമഖണ്ഡാവതംസികാ ॥ 65 ॥
പുലിന്ദകുലസംസേവ്യാ പുഷ്പധുത്തൂരമാലികാ ।
ഗുഞ്ജാമണിലസന്‍മാലാ ശങ്ഖതാടങ്കശോഭിനീ ॥ 66 ॥
മാതങ്ഗമദസിന്ദൂരതിലകാ മധുവാസിനീ ।
പുലിന്ദിനീശ്വരീ ശ്യാമാ ചലചേലകടിസ്ഥലാ ॥ 67 ॥
ബര്‍ഹാവതംസധമ്മില്ലാ തമാലശ്യാമലാകൃതിഃ ।
ശത്രുസംഹാരശസ്ത്രാങ്ഗപാശകോദണ്ഡധാരിണീ ॥ 68 ॥
കങ്കാലീ നാരസിംഹാങ്ഗരക്തപാനസമുത്സുകാ ।
വസാമലിനവാരാഹദംഷ്ട്രാ പ്രാലംബമാലികാ ॥ 69 ॥
സന്ധ്യാരുണജടാധാരികാലമേഘസമപ്രഭാ ।
ചതുര്‍മുഖശിരോമാലാ സര്‍പയജ്ഞേപവീതിനീ ॥ 70 ॥
ദക്ഷയജ്ഞാനലധ്വംസദലിതാമരഡാംഭികാ ।
വീരഭദ്രാമോദകരവീരാടോപവിഹാരിണീ ॥ 71 ॥
ജലദുര്‍ഗാ മഹാമത്തദനുജപ്രാണഭക്ഷിണീ ।
പരമന്ത്രഭക്ഷിവഹ്നിജ്വാലാകീര്‍ണത്രിലോചനാ ॥ 72 ॥
ശത്രുശല്യമയാമോഘനാദനിര്‍ഭിന്നദാനവാ ।
രാക്ഷസപ്രാണമഥനവക്രദംഷ്ട്രാ മഹോജ്വലാ ॥ 73 ॥
ക്ഷുദ്രഗ്രഹാപഹാ ക്ഷുദ്രമന്ത്രതന്ത്രക്രിയാപഹാ ।
വ്യാഘ്രാജിനാംബരധരാ വ്യാലകങ്കണഭൂഷണാ ॥ 74 ॥
ബലിപൂജാപ്രിയക്ഷുദ്രപൈശാചമദനാശിനീ ।
സമ്മോഹനാസ്ത്രമന്ത്രാത്തദാനവൌഘവിനാശിനീ ॥ 75 ॥
കാമക്രാന്തമനോവൃത്തിഃ കാമകേലി കലാരതാ ।
കര്‍പൂരവീടികാപ്രീതാ കാമിനീജനമോഹിനീ ॥ 76 ॥
സ്വപ്നവതീ സ്വപ്നഭോഗാ ധ്വംസിതാഖിലദാനവാ ।
ആകര്‍ഷണക്രിയാലോലാ ചാശ്രിതാഭീഷ്ടദായിനീ ॥ 77 ॥
ജ്വാലാമുഖീ ജ്വാലനേത്രാ ജ്വാലാങ്ഗാ ജ്വരനാശിനീ ।
ശല്യാകരീ ശല്യഹന്ത്രീ ശല്യമന്ത്രചലാചലാ ॥ 78 ॥
ചതുര്‍ഥ്യകുഹരാ രൌദ്രീ താപഘ്നീ ദരനാശിനീ ।
ദാരിദ്ര്യശമനീ ക്രുദ്ധാ വ്യാധിനീ വ്യാധിനാശിനീ ॥ 79 ॥
ബ്രഹ്മരക്ഷോഹരാ ബ്രാഹ്മിഗണഹാരീ ഗണേശ്വരീ ।
ആവേശഗ്രഹസംഹാരീ ഹന്ത്രീ മന്ത്രീ ഹരിപ്രിയാ ॥ 80 ॥
കൃത്തികാ കൃത്തിഹരണാ ഗൌരീ ഗംഭീരമാനസാ ।
യുദ്ധപ്രീതാ യുദ്ധകാരീ യോദ്ധൃഗണ്യാ യുധിഷ്ഠിരാ ॥ 81 ॥
തുഷ്ടിദാ പുഷ്ടിദാ പുണ്യഭോഗമോക്ഷഫലപ്രദാ ।
അപാപാ പാപശമനീ ത്വരൂപാ രൂപദാരുണാ ॥ 82 ॥
അന്നദാ ധനദാ പൂതാ ത്വണിമാദിഫലപ്രദാ ।
സിദ്ധിദാ ബുദ്ധിദാ ശൂലാ ശിഷ്ടാചാരപരായണാ ॥ 83 ॥
അമായാ ഹ്യമരാരാധ്യാ ഹംസമന്ത്രാ ഹലായുധാ ।
ക്ഷാമപ്രധ്വംസിനീ ക്ഷോഭ്യാ ശാര്‍ദൂലാസനവാസിനീ ॥ 84 ॥
സത്ത്വരൂപാ തമോഹന്ത്രീ സൌംയാ സാരങ്ഗഭാവനാ ।
ദ്വിസഹസ്രകരാ ശുദ്ധാ സ്ഥൂലസിംഹസുവാസിനീ ॥ 85 ॥
നാരായണീ മഹാവീര്യാ നാദബിന്ദ്വന്തരാത്മികാ ।
ഷഡ്ഗുണാ തത്ത്വനിലയാ തത്വാതീതാഽമൃതേശ്വരീ ॥ 86 ॥
സുരമൂര്‍തിഃ സുരാരാധ്യാ സുമുഖാ കാലരൂപിണീ ।
സന്ധ്യാരൂപാ കാന്തിമതീ ഖേചരീ ഭുവനേശ്വരീ ॥ 87 ॥
മൂലപ്രകൃതിരവ്യക്താ മഹാമായാ മനോന്‍മനീ ।
ജ്യേഷ്ഠാ വാമാ ജഗന്‍മൂലാ സൃഷ്ടിസംഹാരകാരണാ ॥ 88 ॥
സ്വതന്ത്രാ സ്വവശാ ലോകഭോഗദാ സുരനന്ദിനീ ।
ചിത്രാചിത്രാകൃതിശ്ചൈവ സചിത്രവസനപ്രിയാ ॥ 89 ॥
വിഷാപഹാ വേദമന്ത്രാ വേദവിദ്യാവിലാസിനീ ।
കുണ്ഡലീകന്ദനിലയാ ഗുഹ്യാ ഗുഹ്യകവന്ദിതാ ॥ 90 ॥
കാലരാത്രീ കലാനിഷ്ഠാ കൌമാരീ കാമമോഹിനീ ।
വശ്യാദിനീ വരാരോഹാ വന്ദാരുജനവത്സലാ ॥ 91 ॥
സഞ്ജ്വാലാമാലിനീ ശക്തിഃ സുരാപ്രീതാ സുവാസിനീ ।
മഹിഷാസുരസംഹാരീ മത്തമാതങ്ഗഗാമിനീ ॥ 92 ॥
മദഗന്ധിതമാതങ്ഗാ വിദ്യുദ്ദാമാഭിസുന്ദരീ ।
രക്തബീജാസുരധ്വംസീ വീരപാണാരുണേക്ഷണാ ॥ 93 ॥
മഹിഷോത്തമസംരൂഢമാംസപ്രോതായുതാഞ്ചലാ ।
യശോവതീ ഹേമകൂടതുങ്ഗശൃങ്ഗനികേതനാ ॥ 94 ॥
ദാനകല്‍പകസച്ഛായാ സന്താനാദിഫലപ്രദാ ।
ആശ്രിതാഭീഷ്ടവരദാ ചാഖിലാഗമഗോപിതാ ॥ 95 ॥
ദാരിദ്ര്യശൈലദംഭോലിഃ ക്ഷുദ്രപങ്കജചന്ദ്രികാ ।
രോഗാന്ധകാരചണ്ഡാംശുഃ പാപദ്രുമകുഠാരികാ ॥ 96 ॥
ഭവാടവീദാവവഹ്നിശത്രുതൂലസ്ഫുലിങ്ഗരുക് ।
സ്ഫോടകോരകമായൂരീ ക്ഷുദ്രപ്രാണനിവാരിണീ ॥ 97 ॥
അപസ്മാരമൃഗവ്യാഘ്രീചിത്തക്ഷോഭവിമോചിനീ ।
ക്ഷയമാതങ്ഗപഞ്ചാസ്യാ കൃച്ഛ്രവര്‍ഗാപഹാരിണീ ॥ 98 ॥
പീനസശ്വാസകാസഘ്നീ പിശാചോപാധിമോചിനീ ।
വിവാദശമനീ ലോകബാധാപഞ്ചകനാശിനീ ॥ 99 ॥
അപവാദഹരാസേവ്യാ സങ്ഗ്രാമവിജയപ്രദാ ।
രക്തപിത്തഗലവ്യാധിഹരാ ഹരവിമോഹിനീ ॥ 100 ॥
ക്ഷുദ്രശല്യമയാ ദാസകാര്യാരംഭസമുത്സുകാ ।
കുഷ്ഠഗുല്‍മപ്രമേഹഘ്നീ ഗൂഢശല്യവിനാശിനീ ॥ 101 ॥
ഭക്തിമത്പ്രാണസൌഹാര്‍ദാ സുഹൃദ്വംശാഭിവര്‍ധികാ ।
ഉപാസ്യാ ചാഖിലംലേച്ഛമദമാനവിമോചനീ ॥ 102 ॥
ഭൈരവീ ഭീഷണാ ഭീഷാ ഭിന്നാരാതിരണാഞ്ചലാ ।
വ്യൂഹധ്വംസീ വീരഹവ്യാ വീര്യാത്മാ വ്യൂഹരക്ഷികാ ॥ 103 ॥
മഹാരാഷ്ട്രാ മഹാസേനാ മാംസാശീ മാധവാനുജാ ।
വ്യാഘ്രധ്വജാ വജ്രനഖീ വജ്രീ വ്യാഘ്രനിഷൂദിനീ ॥ 104 ॥
ഖഡ്ഗിനീ കന്യകാവേഷാ കൌമാരീ ഖഡ്ഗവാസിനീ ।
സങ്ഗ്രാമവാസിന്യസ്താസ്ത്രാ ധീരജ്യാസായകാസനാ ॥ 105 ॥
കോദണ്ഡധ്വനികൃത്ക്രുദ്ധാ ക്രൂരദൃഷ്ടിഭയാനകാ ।
വീരാഗ്രഗാമിനീ ദുഷ്ടാസന്തുഷ്ടാ ശത്രുഭക്ഷിണീ ॥ 106 ॥
സന്ധ്യാടവീചരാ വിത്തഗോപനാ വിത്തകൃച്ചലാ ।
കൈടഭാസുരസംഹാരീ കാലീ കല്യാണകോമലാ ॥ 107 ॥
നന്ദിനീ നന്ദിചരിതാ നരകാലയമോചനാ ।
മലയാചലശൃങ്ഗസ്ഥാ ഗന്ധിനീ സുരതാലസാ ॥ 108 ॥
കാദംബരീ കാന്തിമതീ കാന്താ കാദംബരാശനാ ।
മധുദാനവവിദ്രാവീ മധുപാ പാടലാരുണാ ॥ 109 ॥
രാത്രിഞ്ചരാ രാക്ഷസഘ്നീ രംയാ രാത്രിസമര്‍ചിതാ ।
ശിവരാത്രിമഹാപൂജ്യാ ദേവലോകവിഹാരിണീ ॥ 110 ॥
ധ്യാനാദികാലസഞ്ജപ്യാ ഭക്തസന്താനഭാഗ്യദാ ।
മധ്യാഹ്നകാലസന്തര്‍പ്യാ ജയസംഹാരശൂലിനീ ॥ 111 ॥
ത്രിയംബകാ മഖധ്വംസീ ത്രിപുരാ പുരശൂലിനീ ।
രങ്ഗസ്ഥാ രഞ്ജിനീ രങ്ഗാ സിന്ദൂരാരുണശാലിനീ ॥ 112 ॥
സുന്ദോപസുന്ദഹന്ത്രീ തു സൂക്ഷ്മാ മോഹനശൂലിനീ ।
അഷ്ടമൂര്‍തിഃ കലാനാഥാ ചാഷ്ടഹസ്താ സുതപ്രദാ ॥ 113 ॥
അങ്ഗാരകാ കോപനാക്ഷീ ഹംസാസുരമദാപഹാ ।
ആപീനസ്തനനംരാങ്ഗീ ഹരിദ്രാലേപിതസ്തനീ ॥ 114 ॥
ഇന്ദ്രാക്ഷീ ഹേമസങ്കാശാ ഹേമവസ്ത്രാ ഹരപ്രിയാ ।
ഈശ്വരീ ത്വിതിഹാസാത്മാ ഈതിബാധാനിവാരിണീ ॥ 115 ॥
ഉപാസ്യാ ചോന്‍മദാകാരാ ഹ്യുല്ലങ്ഘിതസുരാപഗാ ।
ഊഷരസ്ഥലകാസാരാ ഹ്യുത്പലശ്യാമലാകൃതിഃ ॥ 116 ॥
ഋങ്മയീ സാമസങ്ഗീതാ ശുദ്ധിഃ കല്‍പകവല്ലരീ ।
സായന്തനഹുതിര്‍ദാസകാമധേനുസ്വരൂപിണീ ॥ 117 ॥
പഞ്ചദശാക്ഷരീമന്ത്രാ താരകാവൃതഷോഡശീ ।
ഹ്രീങ്കാരനിഷ്ഠാ ഹ്രീങ്കാരഹുങ്കാരീ ദുരിതാപഹാ ॥ 118 ॥
ഷഡങ്ഗാ നവകോണസ്ഥാ ത്രികോണാ സര്‍വതോമുഖീ ।
സഹസ്രവദനാ പദ്മാ ശൂലിനീ സുരപാലിനീ ॥ 119 ॥
മഹാശൂലധരാ ശക്തിര്‍മാതാ മാഹേന്ദ്രപൂജിതാ ।
ശൂലദുര്‍ഗാ ശൂലഹരാ ശോഭനാ ചൈവ ശൂലിനീ ॥ 120 ॥
ശ്രീശൂലിനീ ജഗദ്ബീജാ മൂലാഹങ്കാരശൂലിനീ ।
പ്രകാശാ പരമാകാശാ ഭാവിതാ വീരശൂലിനീ ॥ 121 ॥
നാരസിംഹീ മഹേന്ദ്രാണീ സാലീശരഭശൂലിനീ ।
ഋങ്കാര്യൃതുമതീ ചൈവാഘോരാഽഥര്‍വണഗോപികാ ॥ 122 ॥
ഘോരഘോരാ ജപാരാഗപ്രസൂനാഞ്ചിതമാലികാ ।
സുസ്വരൂപാ സൌഹൃദാഢ്യാലീഢാ ദാഡിമപാടകാ ॥ 123 ॥
ലയാ ച ലമ്പടാ ലീനാ കുങ്കുമാരുണകന്ധരാ ।
ഇകാരാധ്യാത്വിലാനാഥാ ത്വിലാവൃതജനാവൃതാ ॥ 124 ॥
ഐശ്വര്യനിഷ്ഠാ ഹരിതാ ഹരിതാലസമപ്രഭാ ।
മുദ്ഗമാഷാജ്യഭോജ്യാ ച യുക്തായുക്തഭടാന്വിതാ ॥ 125 ॥
ഔത്സുകീ ചാണിമദ്ഗംയാ ത്വഖിലാണ്ഡനിവാസിനീ ।
ഹംസമുക്താമണിശ്രേണിഃ ഹംസാഖ്യാ ഹാസകാരിണീ ॥ 126 ॥
കലിദോഷഹരാ ക്ഷീരപായിനീ വിപ്രപൂജിതാ ।
ഖട്വാങ്ഗസ്ഥാ ഖഡ്ഗരൂപാ ഖബീജാ ഖരസൂദനാ ॥ 127 ॥
ആജ്യപായിന്യസ്ഥിമാലാ പാര്‍ഥിവാരാധ്യപാദുകാ ।
ഗംഭീരനാഭികാസിദ്ധകിന്നരസ്ത്രീ സമാവൃതാ ॥ 128 ॥
ഖഡ്ഗാത്മികാ ഘനനിഭാ വൈശ്യാര്‍ച്യാ മാക്ഷികപ്രിയാ ।
മകാരവര്‍ണാ ഗംഭീരാ ശൂദ്രാര്‍ച്യാ ചാസവപ്രിയാ ॥ 129 ॥
ചാതുരീ പാര്‍വണാരാധ്യാ മുക്താധാവല്യരൂപിണീ ।
ഛന്ദോമയീ ഭൌമപൂജ്യാ ദുഷ്ടശത്രുവിനാശിനീ ॥ 130 ॥
ജയിനീ ചാഷ്ടമീസേവ്യാ ക്രൂരഹോമസമന്വിതാ ।
ഝങ്കാരീ നവമീപൂജ്യാ ലാങ്ഗലീകുസുമപ്രിയാ ॥ 131 ॥
സദാ ചതുര്‍ദശീപൂജ്യാ ഭക്താനാം പുഷ്ടികാരിണീ ।
ജ്ഞാനഗംയാ ദര്‍ശപൂജ്യാ ഡാമരീ രിപുമാരിണീ ॥ 132 ॥
സത്യസങ്കല്‍പസംവേദ്യാ കലികാലസുസന്ധികാ ।
ഡംഭാകാരാ കല്‍പസിദ്ധാ ശല്യകൌതുകവര്‍ധിനീ ॥ 133 ॥
ഠാകൃതിഃ കവിവരാരാധ്യാ സര്‍വസമ്പത്പ്രദായികാ ।
നവരാത്രിദിനാരാധ്യാ രാഷ്ട്രദാ രാഷ്ട്രവര്‍ധിനീ ॥ 134 ॥
പാനാസവമദധ്വംസിമൂലികാസിദ്ധിദായിനീ ।
ഫലപ്രദാ കുബേരാധ്യാ പാരിജാതപ്രസൂനഭാക് ॥ 135 ॥
ബലിമന്ത്രൌഘസംസിദ്ധാ മന്ത്രചിന്ത്യഫലാവഹാ ।
ഭക്തിപ്രിയാ ഭക്തിഗംയാ കിങ്കരാ ഭഗമാലിനീ ॥ 136 ॥
മാധവീ വിപിനാന്തസ്സ്ഥാ മഹതീ മഹിഷാര്‍ദിനീ ।
യജുര്‍വേദഗതാ ശങ്ഖചക്രഹസ്താംബുജദ്വയാ ॥ 137 ॥
രാജസാ രാജമാതങ്ഗീ രാകാചന്ദ്രനിഭാനനാ ।
ലാഘവാലാഘവാരാധ്യാ രമണീജനമധ്യഗാ ॥ 138 ॥
വാഗീശ്വരീ വകുലമാല്യാ വാങ്മയീ വാരിതാസുഖാ ।
ശരഭാധീശവനിതാ ചന്ദ്രമണ്ഡലമധ്യഗാ ॥ 139 ॥
ഷഡധ്വാന്തരതാരാ ച രക്തജുഷ്ടാഹുതാവഹാ ।
തത്ത്വജ്ഞാനാനന്ദകലാമയാ സായുജ്യസാധനാ ॥ 140 ॥
കര്‍മസാധകസംലീനധനദര്‍ശനദാ സദാ ।
ഹങ്കാരികാ സ്ഥാവരാത്മാ ത്വമരീലാസ്യമോദനാ ॥ 141 ॥
ലകാരത്രയസംഭൂതാ ലലിതാ ലക്ഷ്മണാര്‍ചിതാ ।
ലക്ഷ്മമൂര്‍തിസ്സദാഹാരാ പ്രാസാദാവാസലോചനാ ॥ 142 ॥
നീലകണ്ഠീ ഹരിദ്രശ്മിഃ ശുകീ ഗൌരീ ച ഗോത്രജാ ।
അപര്‍ണാ യക്ഷിണീ യക്ഷാ ഹരിദ്രാ ഹലിനീ ഹലീ ॥ 143 ॥
ദദതീ ചോര്‍മദാ ചോര്‍മീ രസാ വിശ്വംഭരാ സ്ഥിരാ ।
പഞ്ചാസ്യാ പഞ്ചമീരാഗാ ഭാഗ്യയോഗാത്മികാംബികാ ॥ 144 ॥
ഗണികാ ചൈവ കാലീ ച വീണാ ശോണാരുണാത്മികാ ।
രമാദൂതീ കലാസിംഹീ ലജ്ജാ ധൂമവതീ ജഡാ ॥ 145 ॥
ഭൃങ്ഗിസങ്ഗിസഖീ പീനാ സ്നേഹാരോഗമനസ്വിനീ ।
രണീമൃഡാ ദൃഢാ ജ്യേഷ്ഠാ രമണീ യമുനാരതാ ॥ 146 ॥
മുസലീകുണ്ഠിതാമോടാ ചണ്ഡഖണ്ഡാ ഗണാബലാ ।
ശുക്ലാ സ്രഷ്ട്രീവശാ ജ്ഞാനിമാനീ ലീലാലകാ ശചീ ॥ 147 ॥
സൂരചന്ദ്രഘൃണിര്യോഷാവീര്യാക്രീഡാ രസാവഹാ ।
നൂത്നാ സോമാ മഹാരാജ്ഞീ ഗയായാഗാഹുതപ്രഭാ ॥ 148 ॥
ധൂര്‍താ സുധാഘനാലീനപുഷ്ടിമൃഷ്ടസുധാകരാ ।
കരിണീ കാമിനീ മുക്താമണിശ്രേണീ ഫണീശ്വരാ ॥ 149 ॥
താര്‍ക്ഷീ സൂക്ഷ്മാ നതാചാര്യാ ഗൌരികാ ഗിരിജാങ്ഗനാ ।
ഇന്ദ്രജാലാ ചേന്ദുമുഖീത്വിന്ദ്രോപേന്ദ്രാദി സംസ്തുതാ ॥ 150 ॥
ശിവദൂതീ ച ഗരലശിതികണ്ഠകുടുംബിനീ ।
ജ്വലന്തീജ്വലനാകാരാ ജ്വലജ്ജാജ്വല്യജംഭദാ ॥ 151 ॥
ജ്വാലാശയാ ജ്വാലമണിര്‍ജ്യോതിഷാം ഗതിരേവ ഹി ।
ജ്യോതിഃശാസ്ത്രാനുമേയാത്മാ ജ്യോതിഷീ ജ്വലിതോജ്ജ്വലാ ॥ 152 ॥
ജ്യോതിഷ്മതീ ദുര്‍ഗവാസീ ജ്യോത്സ്നാഭാ ജ്വലനാര്‍ചിതാ ।
ലങ്കാരീ ലലിതാവാസാ ലലിതാലലിതാത്മികാ ॥ 153 ॥
ലങ്കാധിപാ ലാസ്യലോലാ ലയഭോഗമയാലയാ ।
ലാവണ്യശാലിനീ ലോലാ ലാങ്ഗലാ ലലിതാംബികാ ॥ 154 ॥
ലാഞ്ഛനാ ലമ്പടാലങ്ഘ്യാ ലകുലാര്‍ണവമുക്തിദാ ।
ലലാടനേത്രാ ലജ്ജാഢ്യാ ലാസ്യാലാപമുദാകരാ ॥ 155 ॥
ജ്വാലാകൃതിര്‍ജ്വലദ്ബീജാ ജ്യോതിര്‍മണ്ഡലമധ്യഗാ ।
ജ്യോതിസ്സ്തംഭാ ജ്വലദ്വീര്യാ ജ്വലന്‍മന്ത്രാ ജ്വലത്ഫലാ ॥ 156 ॥
ജുഷിരാ ജുമ്പടാ ജ്യോതിര്‍മാലികാ ജ്യോതികാസ്മിതാ ।
ജ്വലദ്വലയഹസ്താബ്ജാ ജ്വലത്പ്രജ്വലകോജ്ജ്വലാ ॥ 157 ॥
ജ്വാലമാല്യാ ജഗജ്ജ്വാലാ ജ്വലജ്ജ്വലനസജ്ജ്വലാ ।
ലംബീജാ ലേലിഹാനാത്മാ ലീലാക്ലിന്നാ ലയാവഹാ ॥ 158 ॥
ലജ്ജാവതീ ലബ്ധപുത്രീ ലാകിനീ ലോലകുണ്ഡലാ ।
ലബ്ധഭാഗ്യാ ലബ്ധകാമാ ലബ്ധധീര്ലബ്ധമങ്ഗലാ ॥ 159 ॥
ലബ്ധവീര്യാ ലബ്ധവൃതാ ലാഭാ ലബ്ധവിനാശിനീ ।
ലസദ്വസ്ത്രാ ലസത്പീഡാ ലസന്‍മാല്യാ ലസത്പ്രഭാ ॥ 160 ॥
ശൂലഹസ്താ ശൂരസേവ്യാ ശൂലിനീ ശൂലനാശിനീ ।
ശൂങ്കൃത്യനുമതിഃ ശൂര്‍പശോഭനാ ശൂര്‍പധാരിണീ ॥ 161 ॥
ശൂലസ്ഥാ ശൂരചിത്തസ്ഥാ ശൂലാ ശുക്ലസുരാര്‍ചിതാ ।
ശുക്ലപദ്മാസനാരൂഢാ ശുക്ലാ ശുക്ലാംബരാംശുകാ ॥ 162 ॥
ശുകലാലിതഹസ്താബ്ജാ ശ്വേതാ ശുകനുതാ ശുഭാ ।
ലലിതാക്ഷരമന്ത്രസ്ഥാ ലിപ്തകുങ്കുമഭാസുരാ ॥ 163 ॥
ലിപിരൂപാ ലിപ്തഭസ്മാ ലിപ്തചന്ദനപങ്കിലാ ।
ലീലാഭാഷണസംലോലാ ലീനകസ്തൂരികാദ്രവാ ॥ 164 ॥
ലിഖിതാംബുജചക്രസ്ഥാ ലിഖ്യാലിഖിതവൈഭവാ ।
നീലാലകാ നീതിമതീ നീതിശാസ്ത്രസ്വരൂപിണീ ॥ 165 ॥
നീചഘ്നീ നിഷ്കലാ നിത്യാ നീലകണ്ഠപ്രിയാങ്ഗനാ ।
നിരാശാ നിര്‍ഗുണാതീതാ നിര്‍മദാ നിരുപപ്ലവാ ॥ 166 ॥
നിര്‍ണീതാ നിര്‍മലാ നിഷ്ഠാ നിരങ്കുശപരാക്രമാ ।
നിര്‍വിണ്ണദാനവബലാ നിശ്ശേഷീകൃതതാരകാ ॥ 167 ॥
നിരഞ്ജനകരാമന്ത്രീ നിര്‍വിഘ്നപരനാശിനീ ।
നിത്യക്ലിന്നാ നിരാഹാരാ നീവീനീലാംബരാഞ്ചിതാ ॥ 168 ॥
നിശാകരകുലധ്വംസീ നിത്യാനന്ദപരമ്പരാ ।
നിംബപ്രിയാ നിരാവേശാ നിന്ദി താസുരസുന്ദരീ ॥ 169 ॥
നിര്‍ഘോഷാ നിഗലാകൃഷ്ടകൃത്തിജ്ജ്വാലാവൃതാങ്ഗണാ ।
നീരസാ നിത്യകല്യാണീ നിരന്തരസുഖപ്രദാ ॥ 170 ॥
നിര്ലോഭാ നീതിമത്പ്രീതാ നിര്‍വിഘ്നാ നിമിഷാപഹാ ।
ദുംബീജാ ദുഷ്ടസംഹാരീ ദുര്‍മദാ ദുരിതാപഹാ ॥ 171 ॥
ദുരുത്സഹമഹാവീര്യാ ദുര്‍മേധോത്സവനാശിനീ ।
ദുര്‍മാംസഭക്ഷിണീ ദുഷ്ടാ ദൂരീകൃതനിശാചരാ ॥ 172 ॥
ദൂതീ ദുഷ്ടഗ്രഹമദചുംബീ ദുര്‍ബലരക്ഷകീ ।
ഷ്ടങ്കാരീ ഷ്ടമ്മയീ ഷ്ടംഭാ ഷ്ടംബീജാ ഷ്ടംഭകീലകാ ॥ 173 ॥
ഗ്രഹേശ്വരീ ഗ്രഹാരാധ്യാ ഗ്രഹണീരോഗമോചിനീ ।
ഗ്രഹാവേശകരീ ഗ്രാഹ്യാ ഗ്രഹഗ്രാമാഭിരക്ഷിണീ ॥ 174 ॥
ഗ്രാമൌഷധമഹാവീര്യാ ഗ്രാംയസര്‍വഭയാപഹാ ।
ഗ്രഹദ്വേഷീ ഗ്രഹാരൂഢാ ഗ്രാമണീര്‍ഗ്രാമദേവതാ ॥ 175 ॥
ഗൃഹീതബ്രഹ്മമുഖ്യാസ്ത്രാ ഗൃഹീതായുധശക്തിദാ ।
ഗ്രാസമാംസാ ഗൃഹസ്ഥാര്‍ച്യാ ഗ്രഹഭൂതനിവാരിണീ ॥ 176 ॥
ഹംഭൂതാ ഹലധൃക്സേവ്യാ ഹാരഹാരികുചാഞ്ചലാ ।
ഹര്‍ഷപ്രദാ ഹരാരാധ്യാ ഹാസനിന്ദ്യനിശാകരാ ॥ 177 ॥
ഹവിര്‍ഭോക്ത്രീ ഹരിദ്രാഭാ ഹരിതാശ്വാധിരോഹിണീ ।
ഹരിത്പതിസമാരാധ്യാ ഹലാകൃഷ്ടസുരാസുരാ ॥ 178 ॥
ഹാരീതശുകവത്പാണിഃ ഹയമേധാഭിരക്ഷകീ ।
ഹംസാക്ഷരീ ഹംസബീജാ ഹാഹാകാരഹരാശുഗാ ॥ 179 ॥
ഹയ്യങ്ഗവീനഹൃദ്വൃത്തിഃ ഹാരീതാംശുമണിദ്യുതിഃ ।
ഹുങ്കാരാത്മാ ഹുതാഹോംയാ ഹുങ്കാരാലയനായികാ ॥ 180 ॥
ഹുങ്കാരപഞ്ജരശുകീ ഹുങ്കാരകമലേന്ദിരാ ।
ഹുങ്കാരരാത്രികാജ്യോത്സ്നാ ഹുങ്കാരദ്രുമമഞ്ജരീ ॥ 181 ॥
ഹുങ്കാരദീപികാജ്വാലാ ഹുങ്കാരാര്‍ണവകൌമുദീ ।
ഹുംഫട്കരീ ഹുംഫട്ദ്യുതിഃ ഹുങ്കാരാകാശഭാസ്കരാ ॥ 182 ॥
ഫട്കാരീ സ്ഫാടികാകാരാ സ്ഫടികാക്ഷകരാംബുജാ ।
ഫട്കീലകാ ഫഡസ്ത്രാ ച ഫട്കാരാഹിശിഖാമണിഃ ॥ 183 ॥
ഫട്കാരസുമനോമാധ്വീ ഫട്കാരകമലേന്ദിരാ ।
ഫട്കാരസൌധശൃങ്ഗസ്ഥാ ഫട്കാരാധ്വരദക്ഷിണാ ॥ 184 ॥
ഫട്കാരശുക്തികാമുക്താ ഫട്കാരദ്രുമമഞ്ജരീ ।
ഫട്കാരവീരഖഡ്ഗാസ്ത്രാ ഫട്കാരതനുമധ്യഗാ ॥ 185 ॥
ഫട്കാരശിബികാരൂഢാ ഫട്കാരച്ഛത്രലാഞ്ഛിതാ ।
ഫട്കാരപീഠനിലയാ ഫട്കാരാവൃതമണ്ഡലാ ॥ 186 ॥
ഫട്കാരകുഞ്ജരമദപ്രവാഹാ ഫാലലോചനാ ।
ഫലാശിനീ ഫലകരീ ഫലദാനപരായണാ ॥ 187 ॥
ഫട്കാരാസ്ത്രഫലാകാരാ ഫലന്തീ ഫലവര്‍ജിതാ ।
സ്വാതന്ത്ര്യചരിതാ സ്വസ്ഥാ സ്വപ്നഗ്രഹനിഷൂദിനീ ॥ 188 ॥
സ്വാധിഷ്ഠാനാംബുജാരൂഢാ സ്വയംഭൂതാ സ്വരാത്മികാ ।
സ്വര്‍ഗാധിപാ സ്വര്‍ണവര്‍ണാ സ്വാഹാകാരസ്വരൂപിണീ ॥ 189 ॥
സ്വയംവരാ സ്വരാരോഹാ സ്വപ്രകാശാ സ്വരപ്രിയാ ।
സ്വചക്രരാജനിലയാ സ്വസൈന്യവിജയപ്രദാ ॥ 190 ॥
സ്വപ്രധാനാ സ്വാപകാരീ സ്വകൃതാഖിലവൈഭവാ ।
സ്വൈരിണീ ഖേദശമനീ സ്വരൂപജിതമോഹിനീ ॥ 191 ॥
ഹാനോപാദാനനിര്‍മുക്താ ഹാനിദൌഘനിരാസനാ ।
ഹസ്തികുംഭദ്വയകുചാ ഹസ്തിരാജാധിരോഹിണീ ॥ 192 ॥
ഹയഗ്രീവസമാരാധ്യാ ഹസ്തികൃത്തിപ്രിയാങ്ഗനാ ।
ഹാലീകൃതസ്വരകുലാ ഹാനിവൃദ്ധിവിവര്‍ജിതാ ॥ 193 ॥
ഹാഹാഹൂഹൂമുഖസ്തുത്യാ ഹഠദാനിതകൃത്തികാ ।
ഹതാസുരാ ഹതദ്വേഷാ ഹാടകാദ്രിഗുഹാഗൃഹാ ॥ 194 ॥
ഹല്ലീനടനസന്തുഷ്ടാ ഹരിഗഹ്വരവല്ലഭാ ।
ഹനുമദ്ഗീതസങ്ഗീതഹാസിതാ ഹരിസോദരീ ॥ 195 ॥
ഹകാരകന്ദരാസിംഹീ ഹകാരകുസുമാസവാ ।
ഹകാരതടിനീപൂരാ ഹകാരജലപങ്കജാ ॥ 196 ॥
ഹകാരയാമിനീ ജ്യോത്സ്നാ ഹകാരഖജിതാരസാ ।
ഹകാരചക്രവാലാര്‍കാ ഹകാരമരുദീധിതിഃ ॥ 197 ॥
ഹകാരവാസരങ്ഗീ ച ഹകാരഗിരിനിര്‍ഝരാ ।
ഹകാരമധുമാധുര്യാ ഹകാരാശ്രമതാപസീ ॥ 198 ॥
ഹകാരമധുവാസന്തീ ഹകാരസ്വരകാഹലീ ।
ഹകാരമന്ത്രബീജാര്‍ണാ ഹകാരപടഹധ്വനിഃ ॥ 199 ॥
ഹകാരനാരീലാവണ്യാ ഹകാരപരദേവതാ ॥ 200 ॥
നമോ വേദാന്തരൂപായൈ ദുര്‍ഗാദേവ്യൈ നമോ നമഃ ।
നമോ ഭക്താനുകമ്പായൈ ദുര്‍ഗേ ശ്രീപരദേവതേ ॥
നമോ നമോ ഭഗവതി ത്രാഹി മാമപരാധിനം ॥
സര്‍വപാപാപഹം മുഖ്യം സര്‍വമങ്ഗലദായകം ।
സര്‍വസമ്പത്കരം പുണ്യം സ്വര്‍ഗമോക്ഷസുഖപ്രദം ॥
പഠതാം ശൃണ്വതാം ചാത്ര പുത്രപൌത്രപ്രദം ശുഭം ।
സഹസ്രനാമകം ശ്രേഷ്ഠം ദുര്‍ഗായാഃ കാമദം പരം ॥
ഇതി ശ്രീദുര്‍ഗാസഹസ്രനാമസ്തോത്രം സമ്പൂര്‍ണം ॥