॥ Kali Sahasranama Stotram Bengali Lyrics ॥
॥ শ্রীকালীসহস্রনামস্তোত্রম্ ॥
কালিকাকুলসর্বস্বে
শ্রীগণেশায় নমঃ । ওঁ শ্রীগুরুভ্যো নমঃ ।
কথিতোঽয়ং মহামন্ত্রঃ সর্বমন্ত্রোত্তমোত্তমঃ ।
য়মাসাদ্য ময়া প্রাপ্তমৈশ্বর্যপদমুত্তমম্ ॥ ১ ॥
সংয়ুক্তঃ পরয়া ভক্ত্যা য়থোক্তবিধিনা ভবান্ ।
কুরুতামর্চনং দেব্যাঃ ত্রৈলোক্যবিজিগীষয়া ॥ ২ ॥
শ্রীপরশুরাম উবাচ
প্রসন্নো য়দি মে দেবঃ পরমেশঃ পুরাতনঃ ।
রহস্যং পরয়া দেব্যাঃ কৃপয়া কথয় প্রভো ॥ ৩ ॥
য়থার্চনং বিনা হোমং বিনা ন্যাসং বিনাবলিম্ ।
বিনা গন্ধং বিনা পুষ্পং বিনা নিত্যোদিতক্রিয়া ॥ ৪ ॥
প্রাণায়ামং বিনা ধ্যানং বিনা ভূতবিশোধনম্ ।
বিনা জাপ্যং বিনা দানং বিনা কালী প্রসীদতি ॥ ৫ ॥
শ্রীশঙ্কর উবাচ ।
পৃষ্টং ত্বয়োত্তমং প্রাজ্ঞ ভৃগুবংশবিবর্ধনম্ ।
ভক্তানামপি ভক্তোঽসি ত্বমেবং সাধয়িষ্যসি ॥ ৬ ॥
দেবীং দানবকোটিঘ্নীং লীলয়া রুধিরপ্রিয়াম্ ।
সদা স্তোত্রপ্রিয়ামুগ্রাং কামকৌতুকলালসাম্ ॥ ৭ ॥
সর্বদাঽঽনন্দহৃদয়াং বাসব্যাসক্তমানসাম্ ।
মাধ্বীকমত্স্যমাংসাদিরাগিণীং রুধিরপ্রিয়াম্ ॥ ৮ ॥
শ্মশানবাসিনীং প্রেতগণনৃত্যমহোত্সবাম্ ।
য়োগপ্রভাং য়োগিনীশাং য়োগীন্দ্রহৃদয়ে স্থিতাং ॥ ৯ ॥
তামুগ্রকালিকাং রাম প্রসাদয়িতুমর্হসি ।
তস্যাঃ স্তোত্রং মহাপুণ্যং স্বয়ং কাল্যা প্রকাশিতম্ ॥ ১০ ॥
তব তত্কথয়িষ্যামি শ্রুত্বা বত্সাবধারয় ।
গোপনীয়ং প্রয়ত্নেন পঠনীয়ং পরাত্পরম্ ॥ ১১ ॥
য়স্যৈককালপঠনাত্সর্বে বিঘ্নাঃ সমাকুলাঃ ।
নশ্যন্তি দহনে দীপ্তে পতঙ্গা ইব সর্বতঃ ॥ ১২ ॥
গদ্যপদ্যময়ী বাণী তস্য গঙ্গাপ্রবাহবত্ ।
তস্য দর্শনমাত্রেণ বাদিনো নিষ্প্রভা মতাঃ ॥ ১৩ ॥
রাজানোঽপি চ দাসত্বং ভজন্তি চ পরে জনাঃ ।
তস্য হস্তে সদৈবাস্তি সর্বসিদ্ধির্ন সংশয়ঃ ॥ ১৪ ॥
নিশীথে মুক্তয়ে শম্ভুর্নগ্নঃ শক্তিসমন্বিতঃ ।
মনসা চিন্তয়েত্কালীং মহাকালীতি লালিতাম্ ॥ ১৫ ॥
পঠেত্সহস্রনামাখ্যং স্তোত্রং মোক্ষস্য সাধনম্ ।
প্রসন্না কালিকা তস্য পুত্রত্বেনানুকম্পতে ॥ ১৬ ॥
বেধা ব্রহ্মাস্মৃতের্ব্রহ্ম কুসুমৈঃ পূজিতা পরা ।
প্রসীদতি তথা কালী য়থানেন প্রসীদতি ॥ ১৭ ॥
ওঁ অস্য শ্রীকালিকাসহস্রনামস্তোত্রমহামন্ত্রস্য
মহাকালভৈরব ঋষিঃ
অনুষ্টুপ্ ছন্দঃ শ্মশানকালিকা দেবতা
মহাকালিকাপ্রসাদসিদ্ধ্যর্থে জপে বিনিয়োগঃ ॥
ধ্যানম্ ।
শবারূঢাং মহাভীমাং ঘোরদংষ্ট্রাং হসন্মুখীম্ ।
চতুর্ভুজাং খড্গমুণ্ডবরাভয়করাং শিবাম্ ॥
মুণ্ডমালাধরাং দেবীং লোলজ্জিহ্বাং দিগম্বরাম্ ।
এবং সঞ্চিন্তয়েত্কালীং শ্মশানালয়বাসিনীম্ ॥
অথ স্তোত্রম্ ।
।ওঁ ক্রীং মহাকাল্যৈ নমঃ ॥
ওঁ শ্মশানকালিকা কালী ভদ্রকালী কপালিনী ।
গুহ্যকালী মহাকালী কুরুকুল্লা বিরোধিনী ॥ ১৮ ॥
কালিকা কালরাত্রিশ্চ মহাকালনিতম্বিনী ।
কালভৈরবভার্যা চ কুলবর্ত্মপ্রকাশিনী ॥ ১৯ ॥
কামদা কামিনী কাম্যা কামনীয়স্বভাবিনী ।
কস্তূরীরসনীলাঙ্গী কুঞ্জরেশ্বরগামিনী ॥ ২০ ॥
ককারবর্ণসর্বাঙ্গী কামিনী কামসুন্দরী ।
কামার্তা কামরূপা চ কামধেনুঃ কলাবতী ॥ ২১ ॥
কান্তা কামস্বরূপা চ কামাখ্যা কুলপালিনী ।
কুলীনা কুলবত্যম্বা দুর্গা দুর্গার্তিনাশিনী ॥ ২২ ॥
কৌমারী কুলজা কৃষ্ণা কৃষ্ণদেহা কৃশোদরী ।
কৃশাঙ্গী কুলিশাঙ্গী চ ক্রীঙ্কারী কমলা কলা ॥ ২৩ ॥
করালাস্যা করালী চ কুলকান্তাঽপরাজিতা ।
উগ্রা চোগ্রপ্রভা দীপ্তা বিপ্রচিত্তা মহাবলা ॥ ২৪ ॥
নীলা ঘনা বলাকা চ মাত্রামুদ্রাপিতাঽসিতা ।
ব্রাহ্মী নারায়ণী ভদ্রা সুভদ্রা ভক্তবত্সলা ॥ ২৫ ॥
মাহেশ্বরী চ চামুণ্ডা বারাহী নারসিংহিকা ।
বজ্রাঙ্গী বজ্রকঙ্কালী নৃমুণ্ডস্রগ্বিণী শিবা ॥ ২৬ ॥
মালিনী নরমুণ্ডালী গলদ্রক্তবিভূষণা ।
রক্তচন্দনসিক্তাঙ্গী সিন্দূরারুণমস্তকা ॥ ২৭ ॥
ঘোররূপা ঘোরদংষ্ট্রা ঘোরাঘোরতরা শুভা ।
মহাদংষ্ট্রা মহামায়া সুদতী য়ুগদন্তুরা ॥ ২৮ ॥
সুলোচনা বিরূপাক্ষী বিশালাক্ষী ত্রিলোচনা ।
শারদেন্দুপ্রসন্নাস্যা স্ফুরত্স্মেরাম্বুজেক্ষণা ॥ ২৯ ॥
অট্টহাসপ্রসন্নাস্যা স্মেরবক্ত্রা সুভাষিণী ।
প্রসন্নপদ্মবদনা স্মিতাস্যা প্রিয়ভাষিণি ॥ ৩০ ॥
কোটরাক্ষী কুলশ্রেষ্ঠা মহতী বহুভাষিণী ।
সুমতিঃ কুমতিশ্চণ্ডা চণ্ডমুণ্ডাতিবেগিনী ॥ ৩১ ॥
প্রচণ্ডা চণ্ডিকা চণ্ডী চর্চিকা চণ্ডবেগিনী ।
সুকেশী মুক্তকেশী চ দীর্ঘকেশী মহত্কচা ॥ ৩২ ॥
প্রেতদেহা কর্ণপূরা প্রেতপাণিসুমেখলা ।
প্রেতাসনা প্রিয়প্রেতা প্রেতভূমিকৃতালয়া ॥ ৩৩ ॥
শ্মশানবাসিনী পুণ্যা পুণ্যদা কুলপণ্ডিতা ।
পুণ্যালয়া পুণ্যদেহা পুণ্যশ্লোকী চ পাবনী ॥ ৩৪ ॥
পুত্রা পবিত্রা পরমা পুরাপুণ্যবিভূষণা ।
পুণ্যনাম্নী ভীতিহরা বরদা খড্গপাণিনী ॥ ৩৫ ॥
নৃমুণ্ডহস্তশস্তা চ ছিন্নমস্তা সুনাসিকা ।
দক্ষিণা শ্যামলা শ্যামা শান্তা পীনোন্নতস্তনী ॥ ৩৬ ॥
দিগম্বরা ঘোররাবা সৃক্কান্তা রক্তবাহিনী ।
ঘোররাবা শিবা খড্গা বিশঙ্কা মদনাতুরা ॥ ৩৭ ॥
মত্তা প্রমত্তা প্রমদা সুধাসিন্ধুনিবাসিনী ।
অতিমত্তা মহামত্তা সর্বাকর্ষণকারিণী ॥ ৩৮ ॥
গীতপ্রিয়া বাদ্যরতা প্রেতনৃত্যপরায়ণা ।
চতুর্ভুজা দশভুজা অষ্টাদশভুজা তথা ॥ ৩৯ ॥
কাত্যায়নী জগন্মাতা জগতী পরমেশ্বরী ।
জগদ্বন্ধুর্জগদ্ধাত্রী জগদানন্দকারিণী ॥ ৪০ ॥
জন্মময়ী হৈমবতী মহামায়া মহামহা ।
নাগয়জ্ঞোপবীতাঙ্গী নাগিনী নাগশায়িনী ॥ ৪১ ॥
নাগকন্যা দেবকন্যা গন্ধর্বী কিন্নরেশ্বরী ।
মোহরাত্রী মহারাত্রী দারুণা ভাসুরাম্বরা ॥ ৪২ ॥
বিদ্যাধরী বসুমতী য়ক্ষিণী য়োগিনী জরা ।
রাক্ষসী ডাকিনী বেদময়ী বেদবিভূষণা ॥ ৪৩ ॥
শ্রুতিঃ স্মৃতির্মহাবিদ্যা গুহ্যবিদ্যা পুরাতনী ।
চিন্ত্যাঽচিন্ত্যা স্বধা স্বাহা নিদ্রা তন্দ্রা চ পার্বতী ॥ ৪৪ ॥
অপর্ণা নিশ্চলা লোলা সর্ববিদ্যা তপস্বিনী ।
গঙ্গা কাশী শচী সীতা সতী সত্যপরায়ণা ॥ ৪৫ ॥
নীতিস্সুনীতিস্সুরুচিস্তুষ্টিঃ পুষ্টির্ধৃতিঃ ক্ষমা ।
বাণী বুদ্ধির্মহালক্ষ্মীর্লক্ষ্মীর্নীলসরস্বতী ॥ ৪৬ ॥
স্রোতস্বতী সরস্বতী মাতঙ্গী বিজয়া জয়া ।
নদী সিন্ধুঃ সর্বময়ী তারা শূন্যনিবাসিনী ॥ ৪৭ ॥
শুদ্ধা তরঙ্গিণী মেধা লাকিনী বহুরূপিণী ।
স্থূলা সূক্ষ্মা সূক্ষ্মতরা ভগবত্যনুরূপিণী ॥ ৪৮ ॥
পরমাণুস্বরূপা চ চিদানন্দস্বরূপিণী ।
সদানন্দময়ী সত্যা সর্বানন্দস্বরূপিণী ॥ ৪৯ ॥
সুনন্দা নন্দিনী স্তুত্যা স্তবনীয়স্বভাবিনী ।
রঙ্গিণী টঙ্কিনী চিত্রা বিচিত্রা চিত্ররূপিণী ॥ ৫০ ॥
পদ্মা পদ্মালয়া পদ্মমুখী পদ্মবিভূষণা ।
ডাকিনী শাকিনী ক্ষান্তা রাকিণী রুধিরপ্রিয়া ॥ ৫১ ॥
ভ্রান্তির্ভবানী রুদ্রাণী মৃডানী শত্রুমর্দিনী ।
উপেন্দ্রাণী মহেন্দ্রাণী জ্যোত্স্না চন্দ্রস্বরূপিণী ॥ ৫২ ॥
সূর্যাত্মিকা রুদ্রপত্নী রৌদ্রী স্ত্রী প্রকৃতিঃ পুমান্ ।
শক্তির্মুক্তির্মতির্মাতা ভক্তির্মুক্তিঃ পতিব্রতা ॥ ৫৩ ॥
সর্বেশ্বরী সর্বমাতা শর্বাণী হরবল্লভা ।
সর্বজ্ঞা সিদ্ধিদা সিদ্ধা ভব্যা ভাব্যা ভয়াপহা ॥ ৫৪ ॥
কর্ত্রী হর্ত্রী পালয়িত্রী শর্বরী তামসী দয়া ।
তমিস্রা তামসী স্থাণুঃ স্থিরা ধীরা তপস্বিনী ॥ ৫৫ ॥
চার্বঙ্গী চঞ্চলা লোলজিহ্বা চারুচরিত্রিণী ।
ত্রপা ত্রপাবতী লজ্জা বিলজ্জা হরয়ৌবতী ॥ ৫৬ ॥ var হ্রী রজোবতী
সত্যবতী ধর্মনিষ্ঠা শ্রেষ্ঠা নিষ্ঠুরবাদিনী ।
গরিষ্ঠা দুষ্টসংহর্ত্রী বিশিষ্টা শ্রেয়সী ঘৃণা ॥ ৫৭ ॥
ভীমা ভয়ানকা ভীমনাদিনী ভীঃ প্রভাবতী ।
বাগীশ্বরী শ্রীর্যমুনা য়জ্ঞকর্ত্রী য়জুঃপ্রিয়া ॥ ৫৮ ॥
ঋক্সামাথর্বনিলয়া রাগিণী শোভনা সুরা । ?? শোভনস্বরা
কলকণ্ঠী কম্বুকণ্ঠী বেণুবীণাপরায়ণা ॥ ৫৯ ॥
বংশিনী বৈষ্ণবী স্বচ্ছা ধাত্রী ত্রিজগদীশ্বরী ।
মধুমতী কুণ্ডলিনী ঋদ্ধিঃ শুদ্ধিঃ শুচিস্মিতা ॥ ৬০ ॥
রম্ভোর্বশী রতী রামা রোহিণী রেবতী মখা ।
শঙ্খিনী চক্রিণী কৃষ্ণা গদিনী পদ্মিনী তথা ॥ ৬১ ॥
শূলিনী পরিঘাস্ত্রা চ পাশিনী শার্ঙ্গপাণিনী ।
পিনাকধারিণী ধূম্রা সুরভী বনমালিনী ॥ ৬২ ॥
রথিনী সমরপ্রীতা বেগিনী রণপণ্ডিতা ।
জটিনী বজ্রিণী নীলা লাবণ্যাম্বুদচন্দ্রিকা ॥ ৬৩ ॥
বলিপ্রিয়া সদাপূজ্যা দৈত্যেন্দ্রমথিনী তথা ।
মহিষাসুরসংহর্ত্রী কামিনী রক্তদন্তিকা ॥ ৬৪ ॥
রক্তপা রুধিরাক্তাঙ্গী রক্তখর্পরধারিণী ।
রক্তপ্রিয়া মাংসরুচির্বাসবাসক্তমানসা ॥ ৬৫ ॥
গলচ্ছোণিতমুণ্ডালী কণ্ঠমালাবিভূষণা ।
শবাসনা চিতান্তস্থা মহেশী বৃষবাহিনী ॥ ৬৬ ॥
ব্যাঘ্রত্বগম্বরা চীনচৈলিনী সিংহবাহিনী ।
বামদেবী মহাদেবী গৌরী সর্বজ্ঞভামিনী ॥ ৬৭ ॥
বালিকা তরুণী বৃদ্ধা বৃদ্ধমাতা জরাতুরা ।
সুভ্রূর্বিলাসিনী ব্রহ্মবাদিনী ব্রাহ্মণী সতী ॥ ৬৮ ॥
সুপ্তবতী চিত্রলেখা লোপামুদ্রা সুরেশ্বরী ।
অমোঘাঽরুন্ধতী তীক্ষ্ণা ভোগবত্যনুরাগিণী ॥ ৬৯ ॥
মন্দাকিনী মন্দহাসা জ্বালামুখ্যঽসুরান্তকা । জ্বালামুখী+অসুরান্তকা
মানদা মানিনী মান্যা মাননীয়া মদাতুরা ॥ ৭০ ॥
মদিরামেদুরোন্মাদা মেধ্যা সাধ্যা প্রসাদিনী ।
সুমধ্যাঽনন্তগুণিনী সর্বলোকোত্তমোত্তমা ॥ ৭১ ॥
জয়দা জিত্বরী জৈত্রী জয়শ্রীর্জয়শালিনী ।
সুখদা শুভদা সত্যা সভাসঙ্ক্ষোভকারিণী ॥ ৭২ ॥
শিবদূতী ভূতিমতী বিভূতির্ভূষণাননা ।
কৌমারী কুলজা কুন্তী কুলস্ত্রী কুলপালিকা ॥ ৭৩ ॥
কীর্তির্যশস্বিনী ভূষা ভূষ্ঠা ভূতপতিপ্রিয়া ।
সুগুণা নির্গুণাঽধিষ্ঠা নিষ্ঠা কাষ্ঠা প্রকাশিনী ॥ ৭৪ ॥ var প্রতিষ্ঠিতা
ধনিষ্ঠা ধনদা ধান্যা বসুধা সুপ্রকাশিনী ।
উর্বী গুর্বী গুরুশ্রেষ্ঠা ষড্গুণা ত্রিগুণাত্মিকা ॥ ৭৫ ॥
রাজ্ঞামাজ্ঞা মহাপ্রাজ্ঞা সুগুণা নির্গুণাত্মিকা ।
মহাকুলীনা নিষ্কামা সকামা কামজীবনা ॥ ৭৬ ॥
কামদেবকলা রামাঽভিরামা শিবনর্তকী ।
চিন্তামণিঃ কল্পলতা জাগ্রতী দীনবত্সলা ॥ ৭৭ ॥
কার্তিকী কৃত্তিকা কৃত্যা অয়োধ্যা বিষমা সমা ।
সুমন্ত্রা মন্ত্রিণী ঘূর্ণা হ্লাদিনী ক্লেশনাশিনী ॥ ৭৮ ॥
ত্রৈলোক্যজননী হৃষ্টা নির্মাংসামলরূপিণী ।
তডাগনিম্নজঠরা শুষ্কমাংসাস্থিমালিনী ॥ ৭৯ ॥
অবন্তী মধুরা হৃদ্যা ত্রৈলোক্যাপাবনক্ষমা ।
ব্যক্তাঽব্যক্তাঽনেকমূর্তী শারভী ভীমনাদিনী ॥ ৮০ ॥
ক্ষেমঙ্করী শাঙ্করী চ সর্বসম্মোহকারিণী ।
ঊর্দ্ধ্বতেজস্বিনী ক্লিন্না মহাতেজস্বিনী তথা ॥ ৮১ ॥
অদ্বৈতা য়োগিনী পূজ্যা সুরভী সর্বমঙ্গলা ।
সর্বপ্রিয়ঙ্করী ভোগ্যা ধনিনী পিশিতাশনা ॥ ৮২ ॥
ভয়ঙ্করী পাপহরা নিষ্কলঙ্কা বশঙ্করী ।
আশা তৃষ্ণা চন্দ্রকলা নিদ্রাণা বায়ুবেগিনী ॥ ৮৩ ॥
সহস্রসূর্যসঙ্কাশা চন্দ্রকোটিসমপ্রভা ।
নিশুম্ভশুম্ভসংহর্ত্রী রক্তবীজবিনাশিনী ॥ ৮৪ ॥
মধুকৈটভসংহর্ত্রী মহিষাসুরঘাতিনী ।
বহ্নিমণ্ডলমধ্যস্থা সর্বসত্ত্বপ্রতিষ্ঠিতা ॥ ৮৫ ॥
সর্বাচারবতী সর্বদেবকন্যাধিদেবতা ।
দক্ষকন্যা দক্ষয়জ্ঞনাশিনী দুর্গতারিণী ॥ ৮৬ ॥
ইজ্যা পূজ্যা বিভা ভূতিঃ সত্কীর্তির্ব্রহ্মচারিণী ।
রম্ভোরূশ্চতুরা রাকা জয়ন্তী বরুণা কুহূঃ ॥ ৮৭ ॥
মনস্বিনী দেবমাতা য়শস্যা ব্রহ্মবাদিনী ।
সিদ্ধিদা বৃদ্ধিদা বৃদ্ধিঃ সর্বাদ্যা সর্বদায়িনী ॥ ৮৮ ॥
আধাররূপিণী ধ্যেয়া মূলাধারনিবাসিনী ।
আজ্ঞা প্রজ্ঞা পূর্ণমনা চন্দ্রমুখ্যনুকূলিনী ॥ ৮৯ ॥
বাবদূকা নিম্ননাভিঃ সত্যসন্ধা দৃঢব্রতা ।
আন্বীক্ষিকী দণ্ডনীতিস্ত্রয়ী ত্রিদিবসুন্দরী ॥ ৯০ ॥
জ্বালিনী জ্বলিনী শৈলতনয়া বিন্ধ্যবাসিনী ।
প্রত্যয়া খেচরী ধৈর্যা তুরীয়া বিমলাঽঽতুরা ॥ ৯১ ॥
প্রগল্ভা বারুণী ক্ষামা দর্শিনী বিস্ফুলিঙ্গিনী ।
ভক্তিঃ সিদ্ধিঃ সদাপ্রাপ্তিঃ প্রকাম্যা মহিমাঽণিমা ॥ ৯২ ॥
ঈক্ষাসিদ্ধির্বশিত্বা চ ঈশিত্বোর্ধ্বনিবাসিনী ।
লঘিমা চৈব সাবিত্রী গায়ত্রী ভুবনেশ্বরী ॥ ৯৩ ॥
মনোহরা চিতা দিব্যা দেব্যুদারা মনোরমা ।
পিঙ্গলা কপিলা জিহ্বা রসজ্ঞা রসিকা রসা ॥ ৯৪ ॥
সুষুম্নেডা য়োগবতী গান্ধারী নবকান্তকা ।
পাঞ্চালী রুক্মিণী রাধা রাধ্যা ভামা চ রাধিকা ॥ ৯৫ ॥
অমৃতা তুলসী বৃন্দা কৈটভী কপটেশ্বরী ।
উগ্রচণ্ডেশ্বরী বীরজননী বীরসুন্দরী ॥ ৯৬ ॥
উগ্রতারা য়শোদাখ্যা দেবকী দেবমানিতা ।
নিরঞ্জনা চিত্রদেবী ক্রোধিনী কুলদীপিকা ॥ ৯৭ ॥
কুলরাগীশ্বরী জ্বালা মাত্রিকা দ্রাবিণী দ্রবা ।
য়োগীশ্বরী মহামারী ভ্রামরী বিন্দুরূপিণী ॥ ৯৮ ॥
দূতী প্রাণেশ্বরী গুপ্তা বহুলা ডামরী প্রভা ।
কুব্জিকা জ্ঞানিনী জ্যেষ্ঠা ভুশুণ্ডী প্রকটাকৃতিঃ ॥ ৯৯ ॥
দ্রাবিণী গোপিনী মায়া কামবীজেশ্বরী প্রিয়া ।
শাকম্ভরী কোকনদা সুসত্যা চ তিলোত্তমা ॥ ১০০ ॥
অমেয়া বিক্রমা ক্রূরা সম্যক্ছীলা ত্রিবিক্রমা ।
স্বস্তির্হব্যবহা প্রীতিরুক্মা ধূম্রার্চিরঙ্গদা ॥ ১০১ ॥
তপিনী তাপিনী বিশ্বভোগদা ধারিণী ধরা ।
ত্রিখণ্ডা রোধিনী বশ্যা সকলা শব্দরূপিণী ॥ ১০২ ॥
বীজরূপা মহামুদ্রা বশিনী য়োগরূপিণী ।
অনঙ্গকুসুমাঽনঙ্গমেখলাঽনঙ্গরূপিণী ॥ ১০৩ ॥
অনঙ্গমদনাঽনঙ্গরেখাঽনঙ্গকুশেশ্বরী ।
অনঙ্গমালিনী কামেশ্বরী সর্বার্থসাধিকা ॥ ১০৪ ॥
সর্বতন্ত্রময়ী সর্বমোদিন্যানন্দরূপিণী ।
বজ্রেশ্বরী চ জয়িনী সর্বদুঃখক্ষয়ঙ্করী ॥ ১০৫ ॥ var ব্রজেশ্বরী
ষডঙ্গয়ুবতী য়োগেয়ুক্তা জ্বালাংশুমালিনী ।
দুরাশয়া দুরাধারা দুর্জয়া দুর্গরূপিণী ॥ ১০৬ ॥
দুরন্তা দুষ্কৃতিহরা দুর্ধ্যেয়া দুরতিক্রমা ।
হংসেশ্বরী ত্রিলোকস্থা শাকম্ভর্যনুরাগিণী ॥ ১০৭ ॥
ত্রিকোণনিলয়া নিত্যা পরমামৃতরঞ্জিতা ।
মহাবিদ্যেশ্বরী শ্বেতা ভেরুণ্ডা কুলসুন্দরী ॥ ১০৮ ॥
ত্বরিতা ভক্তিসংয়ুক্তা ভক্তিবশ্যা সনাতনী ।
ভক্তানন্দময়ী ভক্তভাবিতা ভক্তশঙ্করী ॥ ১০৯ ॥
সর্বসৌন্দর্যনিলয়া সর্বসৌভাগ্যশালিনী ।
সর্বসম্ভোগভবনা সর্বসৌখ্যানুরূপিণী ॥ ১১০ ॥
কুমারীপূজনরতা কুমারীব্রতচারিণী ।
কুমারীভক্তিসুখিনী কুমারীরূপধারিণী ॥ ১১১ ॥
কুমারীপূজকপ্রীতা কুমারীপ্রীতিদপ্রিয়া ।
কুমারীসেবকাসঙ্গা কুমারীসেবকালয়া ॥ ১১২ ॥
আনন্দভৈরবী বালভৈরবী বটুভৈরবী ।
শ্মশানভৈরবী কালভৈরবী পুরভৈরবী ॥ ১১৩ ॥
মহাভৈরবপত্নী চ পরমানন্দভৈরবী ।
সুরানন্দভৈরবী চ উন্মাদানন্দভৈরবী ॥ ১১৪ ॥
য়জ্ঞানন্দভৈরবী চ তথা তরুণভৈরবী ।
জ্ঞানানন্দভৈরবী চ অমৃতানন্দভৈরবী ॥ ১১৫ ॥
মহাভয়ঙ্করী তীব্রা তীব্রবেগা তরস্বিনী ।
ত্রিপুরা পরমেশানী সুন্দরী পুরসুন্দরী ॥ ১১৬ ॥
ত্রিপুরেশী পঞ্চদশী পঞ্চমী পুরবাসিনী ।
মহাসপ্তদশী চৈব ষোডশী ত্রিপুরেশ্বরী ॥ ১১৭ ॥
মহাঙ্কুশস্বরূপা চ মহাচক্রেশ্বরী তথা ।
নবচক্রেশ্বরী চক্রেশ্বরী ত্রিপুরমালিনী ॥ ১১৮ ॥
রাজচক্রেশ্বরী রাজ্ঞী মহাত্রিপুরসুন্দরী ।
সিন্দূরপূররুচিরা শ্রীমত্ত্রিপুরসুন্দরী ॥ ১১৯ ॥
সর্বাঙ্গসুন্দরী রক্তারক্তবস্ত্রোত্তরীয়কা ।
য়বায়াবকসিন্দূররক্তচন্দনধারিণী ॥ ১২০ ॥
য়বায়াবকসিন্দূররক্তচন্দনরূপধৃক্ ।
চমরী বালকুটিলা নির্মলা শ্যামকেশিনী ॥ ১২১ ॥
বজ্রমৌক্তিকরত্নাঢ্যা কিরীটকুণ্ডলোজ্জ্বলা ।
রত্নকুণ্ডলসংয়ুক্তা স্ফুরদ্গণ্ডমনোরমা ॥ ১২২ ॥
কুঞ্জরেশ্বরকুম্ভোত্থমুক্তারঞ্জিতনাসিকা ।
মুক্তাবিদ্রুমমাণিক্যহারাদ্যস্তনমণ্ডলা ॥ ১২৩ ॥
সূর্যকান্তেন্দুকান্তাঢ্যা স্পর্শাশ্মগলভূষণা ।
বীজপূরস্ফুরদ্বীজদন্তপঙ্ক্তিরনুত্তমা ॥ ১২৪ ॥
কামকোদণ্ডকাভুগ্নভ্রূকটাক্ষপ্রবর্ষিণী । bhugna curved
মাতঙ্গকুম্ভবক্ষোজা লসত্কনকদক্ষিণা ॥ ১২৫ ॥
মনোজ্ঞশষ্কুলীকর্ণা হংসীগতিবিডম্বিনী ।
পদ্মরাগাঙ্গদদ্যোতদ্দোশ্চতুষ্কপ্রকাশিনী ॥ ১২৬ ॥
কর্পূরাগরুকস্তূরীকুঙ্কুমদ্রবলেপিতা ।
বিচিত্ররত্নপৃথিবীকল্পশাখিতলস্থিতা ॥ ১২৭ ॥
রত্নদীপস্ফুরদ্রত্নসিংহাসননিবাসিনী ।
ষট্চক্রভেদনকরী পরমানন্দরূপিণী ॥ ১২৮ ॥
সহস্রদলপদ্মান্তা চন্দ্রমণ্ডলবর্তিনী ।
ব্রহ্মরূপা শিবক্রোডা নানাসুখবিলাসিনী ॥ ১২৯ ॥
হরবিষ্ণুবিরিঞ্চেন্দ্রগ্রহনায়কসেবিতা ।
শিবা শৈবা চ রুদ্রাণী তথৈব শিবনাদিনী ॥ ১৩০ ॥
মহাদেবপ্রিয়া দেবী তথৈবানঙ্গমেখলা ।
ডাকিনী য়োগিনী চৈব তথোপয়োগিনী মতা ॥ ১৩১ ॥
মাহেশ্বরী বৈষ্ণবী চ ভ্রামরী শিবরূপিণী ।
অলম্বুসা ভোগবতী ক্রোধরূপা সুমেখলা ॥ ১৩২ ॥
গান্ধারী হস্তিজিহ্বা চ ইডা চৈব শুভঙ্করী ।
পিঙ্গলা দক্ষসূত্রী চ সুষুম্না চৈব গান্ধিনী ॥ ১৩৩ ॥
ভগাত্মিকা ভগাধারা ভগেশী ভগরূপিণী ।
লিঙ্গাখ্যা চৈব কামেশী ত্রিপুরা ভৈরবী তথা ॥ ১৩৪ ॥
লিঙ্গগীতিস্সুগীতিশ্চ লিঙ্গস্থা লিঙ্গরূপধৃক্ ।
লিঙ্গমালা লিঙ্গভবা লিঙ্গালিঙ্গা চ পাবকী ॥ ১৩৫ ॥
ভগবতী কৌশিকী চ প্রেমরূপা প্রিয়ংবদা ।
গৃধ্ররূপী শিবারূপা চক্রেশী চক্ররূপধৃক্ ॥ ১৩৬ ॥ ?? দৃধ্র
আত্ময়োনির্ব্রহ্ময়োনির্জগদ্যোনিরয়োনিজা ।
ভগরূপা ভগস্থাত্রী ভগিনী ভগমালিনী ॥ ১৩৭ ॥
ভগাত্মিকা ভগাধারা রূপিণী ভগশালিনী ।
লিঙ্গাভিধায়িনী লিঙ্গপ্রিয়া লিঙ্গনিবাসিনী ॥ ১৩৮ ॥
লিঙ্গস্থা লিঙ্গিনী লিঙ্গরূপিণী লিঙ্গসুন্দরী ।
লিঙ্গগীতির্মহাপ্রীতির্ভগগীতির্মহাসুখা ॥ ১৩৯ ॥
লিঙ্গনামসদানন্দা ভগনামসদারতিঃ ।
ভগনামসদানন্দা লিঙ্গনামসদারতিঃ ॥ ১৪০ ॥
লিঙ্গমালকরাভূষা ভগমালাবিভূষণা ।
ভগলিঙ্গামৃতবৃতা ভগলিঙ্গামৃতাত্মিকা ॥ ১৪১ ॥
ভগলিঙ্গার্চনপ্রীতা ভগলিঙ্গস্বরূপিণী ।
ভগলিঙ্গস্বরূপা চ ভগলিঙ্গসুখাবহা ॥ ১৪২ ॥
স্বয়ম্ভূকুসুমপ্রীতা স্বয়ম্ভূকুসুমার্চিতা ।
স্বয়ম্ভূকুসুমপ্রাণা স্বয়ম্ভূকুসুমোত্থিতা ॥ ১৪৩ ॥
স্বয়ম্ভূকুসুমস্নাতা স্বয়ম্ভূপুষ্পতর্পিতা ।
স্বয়ম্ভূপুষ্পঘটিতা স্বয়ম্ভূপুষ্পধারিণী ॥ ১৪৪ ॥
স্বয়ম্ভূপুষ্পতিলকা স্বয়ম্ভূপুষ্পচর্চিতা ।
স্বয়ম্ভূপুষ্পনিরতা স্বয়ম্ভূকুসুমাগ্রহা ॥ ১৪৫ ॥
স্বয়ম্ভূপুষ্পয়জ্ঞেশা স্বয়ম্ভূকুসুমালিকা । var য়জ্ঞাশা য়জ্ঞাঙ্গা
স্বয়ম্ভূপুষ্পনিচিতা স্বয়ম্ভূকুসুমার্চিতা ॥ ১৪৬ ॥ var কুসুমপ্রিয়া
স্বয়ম্ভূকুসুমাদানলালসোন্মত্তমানসা ।
স্বয়ম্ভূকুসুমানন্দলহরী স্নিগ্ধদেহিনী ॥ ১৪৭ ॥
স্বয়ম্ভূকুসুমাধারা স্বয়ম্ভূকুসুমাকুলা ।
স্বয়ম্ভূপুষ্পনিলয়া স্বয়ম্ভূপুষ্পবাসিনী ॥ ১৪৮ ॥
স্বয়ম্ভূকুসুমাস্নিগ্ধা স্বয়ম্ভূকুসুমাত্মিকা ।
স্বয়ম্ভূপুষ্পকরিণী স্বয়ম্ভূপুষ্পমালিকা ॥ ১৪৯ ॥
স্বয়ম্ভূকুসুমন্যাসা স্বয়ম্ভূকুসুমপ্রভা ।
স্বয়ম্ভূকুসুমজ্ঞানা স্বয়ম্ভূপুষ্পভোগিনী ॥ ১৫০ ॥
স্বয়ম্ভূকুসুমোল্লাসা স্বয়ম্ভূপুষ্পবর্ষিণী ।
স্বয়ম্ভূকুসুমানন্দা স্বয়ম্ভূপুষ্পপুষ্পিণী ॥ ১৫১ ॥
স্বয়ম্ভূকুসুমোত্সাহা স্বয়ম্ভূপুষ্পরূপিণী ।
স্বয়ম্ভূকুসুমোন্মাদা স্বয়ম্ভূপুষ্পসুন্দরী ॥ ১৫২ ॥
স্বয়ম্ভূকুসুমারাধ্যা স্বয়ম্ভূকুসুমোদ্ভবা ।
স্বয়ম্ভূকুসুমাব্যগ্রা স্বয়ম্ভূপুষ্পপূর্ণিতা ॥ ১৫৩ ॥
স্বয়ম্ভূপূজকপ্রাজ্ঞা স্বয়ম্ভূহোতৃমাত্রিকা ।
স্বয়ম্ভূদাতৃরক্ষিত্রী স্বয়ম্ভূভক্তভাবিকা ॥ ১৫৪ ॥
স্বয়ম্ভূকুসুমপ্রীতা স্বয়ম্ভূপূজকপ্রিয়া ।
স্বয়ম্ভূবন্দকাধারা স্বয়ম্ভূনিন্দকান্তকা ॥ ১৫৫ ॥
স্বয়ম্ভূপ্রদসর্বস্বা স্বয়ম্ভূপ্রদপুত্রিণী ।
স্বয়ম্ভূপ্রদসস্মেরা স্বয়ম্ভূতশরীরিণী ॥ ১৫৬ ॥
সর্বলোকোদ্ভবপ্রীতা সর্বকালোদ্ভবাত্মিকা ।
সর্বকালোদ্ভবোদ্ভাবা সর্বকালোদ্ভবোদ্ভবা ॥ ১৫৭ ॥
কুন্দপুষ্পসমাপ্রীতিঃ কুন্দপুষ্পসমারতিঃ ।
কুন্দগোলোদ্ভবপ্রীতা কুন্দগোলোদ্ভবাত্মিকা ॥ ১৫৮ ॥
স্বয়ম্ভূর্বা শিবা শক্তা পাবিনী লোকপাবিনী ।
কীর্তির্যশস্বিনী মেধা বিমেধা সুরসুন্দরী ॥ ১৫৯ ॥
অশ্বিনী কৃত্তিকা পুষ্যা তেজস্বী চন্দ্রমণ্ডলা ।
সূক্ষ্মা সূক্ষ্মপ্রদা সূক্ষ্মাসূক্ষ্মভয়বিনাশিনী ॥ ১৬০ ॥
বরদাঽভয়দা চৈব মুক্তিবন্ধবিনাশিনী ।
কামুকী কামদা ক্ষান্তা কামাখ্যা কুলসুন্দরী ॥ ১৬১ ॥
সুখদা দুঃখদা মোক্ষা মোক্ষদার্থপ্রকাশিনী ।
দুষ্টাদুষ্টমতী চৈব সর্বকার্যবিনাশিনী ॥ ১৬২ ॥
শুক্রধারা শুক্ররূপা শুক্রসিন্ধুনিবাসিনী ।
শুক্রালয়া শুক্রভোগা শুক্রপূজা সদারতিঃ ॥ ১৬৩ ॥
শুক্রপূজ্যা শুক্রহোমসন্তুষ্টা শুক্রবত্সলা ।
শুক্রমূর্তিঃ শুক্রদেহা শুক্রপূজকপুত্রিণী ॥ ১৬৪ ॥
শুক্রস্থা শুক্রিণী শুক্রসংস্পৃহা শুক্রসুন্দরী ।
শুক্রস্নাতা শুক্রকরী শুক্রসেব্যাতিশুক্রিণী ॥ ১৬৫ ॥
মহাশুক্রা শুক্রভবা শুক্রবৃষ্টিবিধায়িনী ।
শুক্রাভিধেয়া শুক্রার্হা শুক্রবন্দকবন্দিতা ॥ ১৬৬ ॥
শুক্রানন্দকরী শুক্রসদানন্দবিধায়িনী ।
শুক্রোত্সাহা সদাশুক্রপূর্ণা শুক্রমনোরমা ॥ ১৬৭ ॥
শুক্রপূজকসর্বস্থা শুক্রনিন্দকনাশিনী ।
শুক্রাত্মিকা শুক্রসম্পচ্ছুক্রাকর্ষণকারিণী ॥ ১৬৮ ॥
রক্তাশয়া রক্তভোগা রক্তপূজাসদারতিঃ ।
রক্তপূজ্যা রক্তহোমা রক্তস্থা রক্তবত্সলা ॥ ১৬৯ ॥
রক্তপূর্ণা রক্তদেহা রক্তপূজকপুত্রিণী ।
রক্তাখ্যা রক্তিনী রক্তসংস্পৃহা রক্তসুন্দরী ॥ ১৭০ ॥
রক্তাভিদেহা রক্তার্হা রক্তবন্দকবন্দিতা ।
মহারক্তা রক্তভবা রক্তবৃষ্টিবিধায়িনী ॥ ১৭১ ॥
রক্তস্নাতা রক্তপ্রীতা রক্তসেব্যাতিরক্তিনী ।
রক্তানন্দকরী রক্তসদানন্দবিধায়িনী ॥ ১৭২ ॥
রক্তারক্তা রক্তপূর্ণা রক্তসেব্যক্ষিণীরমা । var রক্তসেব্যা মনোরমা
রক্তসেবকসর্বস্বা রক্তনিন্দকনাশিনী ॥ ১৭৩ ॥
রক্তাত্মিকা রক্তরূপা রক্তাকর্ষণকারিণী ।
রক্তোত্সাহা রক্তব্যগ্রা রক্তপানপরায়ণা ॥ ১৭৪ ॥ var রক্তোত্সাহা রক্তাঢ্যা
শোণিতানন্দজননী কল্লোলস্নিগ্ধরূপিণী ।
সাধকান্তর্গতা দেবী পার্বতী পাপনাশিনী ॥ ১৭৫ ॥
সাধূনাং হৃদিসংস্থাত্রী সাধকানন্দকারিণী ।
সাধকানাং চ জননী সাধকপ্রিয়কারিণী ॥ ১৭৬ ॥
সাধকপ্রচুরানন্দসম্পত্তিসুখদায়িনী ।
সাধকা সাধকপ্রাণা সাধকাসক্তমানসা ॥ ১৭৭ ॥ var শারদা
সাধকোত্তমসর্বস্বাসাধকা ভক্তরক্তপা । var ভক্তবত্সলা
সাধকানন্দসন্তোষা সাধকারিবিনাশিনী ॥ ১৭৮ ॥
আত্মবিদ্যা ব্রহ্মবিদ্যা পরব্রহ্মকুটুম্বিনী ।
ত্রিকূটস্থা পঞ্চকূটা সর্বকূটশরীরিণী ॥ ১৭৯ ॥
সর্ববর্ণময়ী বর্ণজপমালাবিধায়িনী ।
ইতি শ্রীকালিকানাম্নাং সহস্রং শিবভাষিতম্ ॥ ১৮০ ॥
ফলশ্রুতিঃ
গুহ্যাত্ গুহ্যতরং সাক্ষান্মহাপাতকনাশনম্ ।
পূজাকালে নিশীথে চ সন্ধ্যয়োরুভয়োরপি ॥ ১ ॥
লভতে গাণপত্যং স য়ঃ পঠেত্সাধকোত্তমঃ ।
য়ঃ পঠেত্পাঠয়েদ্বাপি শৃণোতি শ্রাবয়েদপি ॥ ২ ॥
সর্বপাপবিনির্মুক্তঃ স য়াতি কালিকাপদম্ ।
শ্রদ্ধয়াঽশ্রদ্ধয়া বাপি য়ঃ কশ্চিন্মানবঃ পঠেত্ ॥ ৩ ॥
দুর্গাদ্দুর্গতরং তীর্ত্বা স য়াতি কালিকাপদম্ ।
বন্ধ্যা বা কাকবন্ধ্যা বা মৃতপুত্রা চ য়াঙ্গনা ॥ ৪ ॥
শ্রুত্বা স্তোত্রমিদং পুত্রান্ লভতে চিরজীবিনঃ ।
য়ং য়ং কাময়তে কামং পঠন্ স্তোত্রমনুত্তমম্ ॥ ৫ ॥
দেবীবরপ্রদানেন তং তং প্রাপ্নোতি নিত্যশঃ ।
স্বয়ম্ভূকুসুমৈঃ শুক্লৈঃ সুগন্ধিকুসুমান্বিতৈঃ ॥ ৬ ॥
Some versions include about 50 verses in this place but they appear
to be related to tAntric practices so are omitted here
গুরুবিষ্ণুমহেশানামভেদেন মহেশ্বরী ।
সমন্তাদ্ভাবয়েন্মন্ত্রী মহেশো নাত্র সংশয়ঃ ॥ ৭ ॥
স শাক্তঃ শিবভক্তশ্চ স এব বৈষ্ণবোত্তমঃ ।
সম্পূজ্য স্তৌতি য়ঃ কালীমদ্বৈতভাবমাবহন্ ॥ ৮ ॥
দেব্যানন্দেন সানন্দো দেবীভক্ত্যৈকভক্তিমান্ ।
স এব ধন্যো য়স্যার্থে মহেশো ব্যগ্রমানসঃ ॥ ৯ ॥
কাময়িত্বা য়থাকামং স্তবমেনমুদীরয়েত্ ।
সর্বরোগৈঃ পরিত্যক্তো জায়তে মদনোপমঃ ॥ ১০ ॥
চক্রং বা স্তবমেনং বা ধারয়েদঙ্গসঙ্গতম্ ।
বিলিখ্য বিধিবত্সাধুঃ স এব কালিকাতনুঃ ॥ ১১ ॥
দেব্যৈ নিবেদিতং য়দ্যত্তস্যাংশং ভক্ষয়েন্নরঃ ।
দিব্যদেহধরো ভূত্বা দেব্যাঃ পার্শ্বধরো ভবেত্ ॥ ১২ ॥
নৈবেদ্যনিন্দকং দৃষ্ট্বা নৃত্যন্তি য়োগিনীগণাঃ ।
রক্তপানোদ্যতাস্সর্বা মাংসাস্থিচর্বণোদ্যতাঃ ॥ ১৩ ॥
তস্মান্নিবেদিতং দেব্যৈ দৃষ্ট্বা শ্রুত্বা চ মানবঃ ।
ন নিন্দেন্মনসা বাচা কুষ্ঠব্যাধিপরাঙ্মুখঃ ॥ ১৪ ॥
আত্মানং কালিকাত্মানং ভাবয়ন্ স্তৌতি য়ঃ শিবাম্ ।
শিবোপমং গুরুং ধ্যাত্বা স এব শ্রীসদাশিবঃ ॥ ১৫ ॥
য়স্যালয়ে তিষ্ঠতি নূনমেতত্স্তোত্রং ভবান্যা লিখিতং বিধিজ্ঞৈঃ ।
গোরোচনালক্তককুঙ্কুমাক্তকর্পূরসিন্দূরমধুদ্রবেণ ॥ ১৬ ॥
ন তত্র চোরস্য ভয়ং ন হাস্যো ন বৈরিভির্নাঽশনিবহ্নিভীতিঃ ।
উত্পাতবায়োরপি নাঽত্রশঙ্কা লক্ষ্মীঃ স্বয়ং তত্র বসেদলোলা ॥ ১৭ ॥
স্তোত্রং পঠেত্তদনন্তপুণ্যং দেবীপদাম্ভোজপরো মনুষ্যঃ ।
বিধানপূজাফলমেব সম্যক্ প্রাপ্নোতি সম্পূর্ণমনোরথোঽসৌ ॥ ১৮ ॥
মুক্তাঃ শ্রীচরণারবিন্দনিরতাঃ স্বর্গামিনো ভোগিনো
ব্রহ্মোপেন্দ্রশিবাত্মকার্চনরতা লোকেঽপি সংলেভিরে ।
শ্রীমচ্ছঙ্করভক্তিপূর্বকমহাদেবীপদধ্যায়িনো
মুক্তির্ভুক্তিমতিঃ স্বয়ং স্তুতিপরাভক্তিঃ করস্থায়িনী ॥ ১৯ ॥
ইতি শ্রীকালিকাকুলসর্বস্বে হরপরশুরামসংবাদে
শ্রীকালিকাসহস্রনামস্তোত্রং সম্পূর্ণম্ ॥