॥ Krishna Chaitanya Chandrasya Sahasranama Stotram Odia Lyrics ॥
॥ ଶ୍ରୀକୃଷ୍ଣଚୈତନ୍ୟଚନ୍ଦ୍ରସ୍ୟସହସ୍ରନାମସ୍ତୋତ୍ରମ୍ ॥
ନମସ୍ତସ୍ମୈ ଭଗଵତେ ଚୈତନ୍ୟାୟ ମହାତ୍ମନେ ।
କଲିକଲ୍ମଷନାଶାୟ ଭଵାବ୍ଧିତାରଣାୟ ଚ ॥ ୧ ॥
ବ୍ରହ୍ମଣା ହରିଦାସେନ ଶ୍ରୀରୂପାୟ ପ୍ରକାଶିତମ୍ ।
ତତ୍ସର୍ଵଂ କଥୟିଷ୍ୟାମି ସାଵଧାନଂ ନିଶାମୟ ॥ ୨ ॥
ଶ୍ରୁତ୍ଵୈଵଂ ଵୈଷ୍ଣଵାଃ ସର୍ଵେ ପ୍ରହୃଷ୍ଟାଃ ପ୍ରେମଵିହ୍ଵଲାଃ ।
ସାଦରଂ ପରିପପ୍ରଚ୍ଛୁଃ ପ୍ରେମଗଦ୍ଗଦୟା ଗିରା ॥ ୩ ॥
ଵୈଷ୍ଣଵାନାଂ ହି କୃପୟା ସ୍ମୃତ୍ଵା ଵାକ୍ୟଂ ପିତୁସ୍ତଦା ।
ସଣୋନ୍ତ୍ୟ ଭଗଵଦ୍ରୂପଂ ନାମାନି କଥୟାମି ଵୈ ॥ ୪ ॥
ଧ୍ୟାନମ୍ ।
ଓଂ ଅସ୍ୟ ଶ୍ରୀକୃଷ୍ଣଚୈତନ୍ୟସହସ୍ରନାମସ୍ତୋତ୍ରସ୍ୟ
ନାରାୟଣଃ ଋଷିଃ ଅନୁଷ୍ଟୁପ୍ ଛନ୍ଦଃ ଶ୍ରୀମଦ୍ଭଗଵଦ୍ଭକ୍ତିର୍ଦେଵତା
ଶ୍ରୀରାଧାକୃଷ୍ଣପ୍ରୀତୟେ ଶ୍ରୀକୃଷ୍ଣଚୈତନ୍ୟ ନାମସହସ୍ରପଥେ ଵିନିୟୋଗଃ ।
ଓଂ ନମଃ ପ୍ରେମସମୁଚ୍ଚୟାୟ ଗୋପୀଜନଵଲ୍ଲଭାୟ ମହାତ୍ମନେ ।
ଓଂ ଵିଶ୍ଵମ୍ଭରଃ ସଦାନନ୍ଦୋ ଵିଶ୍ଵଜିଦ୍ଵିଶ୍ଵଭାଵନଃ ।
ମହାନୁଭାଵୋ ଵିଶ୍ଵାତ୍ମା ଗୌରାଙ୍ଗୋ ଗୌରଭାଵନଃ ॥ ୫ ॥
ହେମପ୍ରଭୋ ଦୀର୍ଘବାହୁର୍ଦୀର୍ଘଗ୍ରୀଵଃ ଶୁଚିର୍ଵସୁଃ ।
ଚୈତନ୍ୟଶ୍ଚେତନଶ୍ଚେତଶ୍ଚିତ୍ତରୂପୀ ପ୍ରଭୁଃ ସ୍ଵୟମ୍ ॥ ୬ ॥
ରାଧାଙ୍ଗୀ ରାଧିକାଭାଵୋ ରାଧାନ୍ଵେଶୀ ପ୍ରିୟଂଵଦଃ ।
ନୀତିଜ୍ଞଃ ସର୍ଵଧର୍ମଜ୍ଞୋ ଭକ୍ତିମାନ୍ ପୁରୁଷୋତ୍ତମଃ ॥ ୭ ॥
ଅନୁଭାଵୀ ମହାଧୈର୍ୟଃ ଶାସ୍ତ୍ରଜ୍ଞୋ ନିତ୍ୟନୂତନଃ ।
ପ୍ରଭାଵୀ ଭଗଵାନ୍ କୃଷ୍ଣଶ୍ଚୈତନ୍ୟୋ ରସଵିଗ୍ରହଃ ॥ ୮ ॥
ଅନାଦିନିଧନୋ ଧାତା ଧରଣୀମନ୍ଦନଃ ଶୁଚିଃ ।
ଵରାଙ୍ଗଶ୍ଚଞ୍ଚଲୋ ଦକ୍ଷଃ ପ୍ରତାପୀ ସାଧୁସଙ୍ଗତଃ ॥ ୯ ॥
ଉନ୍ମାଦୀ ଉନ୍ମଦୋ ଵୀରୋ ଧୀରଗ୍ରାଣୀ ରସପ୍ରିୟଃ ।
ରକ୍ତାମ୍ବରୋ ଦଣ୍ଡଧରଃ ସଂନ୍ୟାସୀ ୟତିଭୂଷଣଃ ॥ ୧୦ ॥
ଦଣ୍ଡୀ ଛତ୍ରୀ ଚକ୍ରପାଣିଃ କୃପାଲୁଃ ସର୍ଵଦର୍ଶନଃ ।
ନିରାୟୁଧଃ ସର୍ଵଶାସ୍ତା କଲିଦୋଷପ୍ରନାଶନଃ ॥ ୧୧ ॥
ଗୁରୁଵର୍ୟଃ କୃପାସିନ୍ଧୁର୍ଵିକ୍ରମୀ ଚ ଜନାର୍ଦନଃ ।
ମ୍ଲେଚ୍ଛଗ୍ରାହୀ କୁନୀତିଘ୍ନୋ ଦୁଷ୍ଟହାରୀ କୃପାକୁଲଃ ॥ ୧୨ ॥
ବ୍ରହ୍ମଚାରୀ ୟତିଵରୋ ବ୍ରହ୍ମଣ୍ୟୋ ବ୍ରାହ୍ମଣଃ ସୁଧୀଃ ।
ଦ୍ଵିଜରାଜଶ୍ଚକ୍ରଵର୍ତୀ କଵିଃ କୃପଣଵତ୍ସଲଃ ॥ ୧୩ ॥
ନିରୀହଃ ପାଵକୋଽର୍ଥଜ୍ଞୋ ନିର୍ଧୂମଃ ପାଵକୋପମଃ ।
ନାରଵନ୍ଦ୍ୟୋ ହରାକାରୋ ଭଵିଷ୍ଣୁର୍ନରନାୟକଃ ॥ ୧୪ ॥
ଦାନଵୀରୋ ୟୁଦ୍ଧଵୀରୋ ଦୟାଵୀରୋ ଵୃକୋଦରଃ ।
ଜ୍ଞାନଵୀରୋ ମହାଵୀରଃ ଶାନ୍ତିଵୀରଃ ପ୍ରତାପନଃ ॥ ୧୫ ॥
ଶ୍ରୀଜିଷ୍ଣୁର୍ଭ୍ରମିକୋ ଜିଷ୍ଣୁଃ ସହିଷ୍ଣୁଶ୍ଚାରୁଦର୍ଶନଃ ।
ନରୋ ଵରୀୟାନ୍ ଦୁର୍ଦର୍ଶୋ ନଵଦ୍ଵୀପସୁଧାକରଃ ॥ ୧୬ ॥
ଚନ୍ଦ୍ରହାସ୍ୟଶ୍ଚନ୍ଦ୍ରନଖୋ ବଲିମଦୁଦରୋ ବଲୀ ।
ସୂର୍ୟପ୍ରଭଃ ସୂର୍ୟକାଂଶୁଃ ସୂର୍ୟାଙ୍ଗୋ ମଣିଭୂଷଣଃ ॥ ୧୭ ॥
କମ୍ଭୁକଣ୍ଠଃ କପୋଲଶ୍ରୀର୍ନିମ୍ନନାଭିଃ ସୁଲୋଚନଃ ।
ଜଗନ୍ନାଥସୁତୋ ଵିପ୍ରୋ ରତ୍ନାଙ୍ଗୋ ରତ୍ନଭୂଷଣଃ ॥ ୧୮ ॥
ତୀର୍ଥାର୍ଥୀ ତୀର୍ଥଦସ୍ତୀର୍ଥସ୍ତୀର୍ଥାଙ୍ଗସ୍ତୀର୍ଥସାଧକଃ ।
ତୀର୍ଥାସ୍ପଦସ୍ତୀର୍ଥଵାସସ୍ତୀର୍ଥସେଵୀ ନିରାଶ୍ରୟଃ ॥ ୧୯ ॥
ତୀର୍ଥାଲାଦୀ ତୀର୍ଥପ୍ରଦୋ ବ୍ରାହ୍ମକୋ ବ୍ରହ୍ମଣୋ ଭ୍ରମୀ ।
ଶ୍ରୀଵାସପଣ୍ଡିତାନନ୍ଦୋ ରାମାନନ୍ଦପ୍ରିୟଙ୍କରଃ ॥ ୨୦ ॥
ଗଦାଧରପ୍ରିୟୋ ଦାସୋ ଵିକ୍ରମୀ ଶଙ୍କରପ୍ରିୟଃ ।
ୟୋଗୀ ୟୋଗପ୍ରଦୋ ୟୋଗୋ ୟୋଗକାରୀ ତ୍ରିୟୋଗକୃତ୍ ॥ ୨୧ ॥
ସର୍ଵଃ ସର୍ଵସ୍ଵଦୋ ଭୂମା ସର୍ଵାଙ୍ଗଃ ସର୍ଵସମ୍ଭଵଃ ।
ଵାଣିର୍ବାଣାୟୁଧୋ ଵାଦୀ ଵାଚସ୍ପତିରୟୋନିଜଃ ॥ ୨୨ ॥
ବୁଦ୍ଧିଃ ସତ୍ୟଂ ବଲଂ ତେଜୋ ଧୃତିମାନ୍ ଜଙ୍ଗମକୃତିଃ ।
ମୁରାରିର୍ଵର୍ଧନୋ ଧାତା ନୃହରିଃ ମାନଵର୍ଧନଃ ॥ ୨୩ ॥
ନିଷ୍କର୍ମା କର୍ମଦୋ ନାଥଃ କର୍ମଜ୍ଞଃ କର୍ମନାଶକଃ ।
ଅନର୍ଘଃ କାରକଃ କର୍ମ କ୍ରିୟାର୍ହଃ କର୍ମବାଧକଃ ॥ ୨୪ ॥
ନିର୍ଗୁଣୋ ଗୁଣଵାନୀଶୋ ଵିଧାତା ସାମଗୋଽଜିତଃ ।
ଜିତଶ୍ଵାସୋ ଜିତପ୍ରାଣୋ ଜିତାନଙ୍ଗୋ ଜିତେନ୍ଦ୍ରିୟଃ ॥ ୨୫ ॥
କୃଷ୍ଣଭାଵୀ କୃଷ୍ଣନାମୀ କୃଷ୍ଣାତ୍ମା କୃଷ୍ଣନାୟକଃ ।
ଅଦ୍ଵୈତୋ ଦ୍ଵୈତସାହିତ୍ୟୋ ଦ୍ଵିଭାଵଃ ପାଲକୋ ଵଶୀ ॥ ୨୬ ॥
ଶ୍ରୀଵାସଃ ଶ୍ରୀଧରାହଵ୍ୟୋ ହଲନାୟକସାରଵିତ୍ ।
ଵିଶ୍ଵରୂପାନୁଜଶ୍ଚନ୍ଦ୍ରୋ ଵରୀୟାନ୍ ମାଧଵୋଽଚ୍ୟୁତଃ ॥ ୨୭ ॥
ରୂପାସକ୍ତଃ ସଦାଚାରୋ ଗୁଣଜ୍ଞୋ ବହୁଭାଵକଃ ।
ଗୁଣହୀନୋ ଗୁଣାତୀତୋ ଗୁଣଗ୍ରାହୀ ଗୁଣାର୍ଣଵଃ ॥ ୨୮ ॥
ବ୍ରହ୍ମାନନ୍ଦୋ ନିତ୍ୟାନନ୍ଦଃ ପ୍ରେମାନନ୍ଦୋଽତିନନ୍ଦକଃ ।
ନିନ୍ଦ୍ୟହାରୀ ନିନ୍ଦ୍ୟଵର୍ଜୀ ନିନ୍ଦ୍ୟଘ୍ନଃ ପରିତୋଷକଃ ॥ ୨୯ ॥
ୟଜ୍ଞବାହୁର୍ଵିନୀତାତ୍ମା ନାମୟଜ୍ଞପ୍ରଚାରକଃ ।
କଲିଵର୍ୟଃ ସୁଚିନାଂଶୁଃ ପର୍ୟାଂସୁଃ ପାଵକୋପମଃ ॥ ୩୦ ॥
ହିରଣ୍ୟଗର୍ଭଃ ସୂକ୍ଷ୍ମାତ୍ମା ଵୈରାଜ୍ୟୋ ଵିରଜାପତିଃ ।
ଵିଲାସୀ ପ୍ରଭାଵୀ ସ୍ଵାଂଶୀ ପରାଵସ୍ଥଃ ଶିରୋମଣିଃ ॥ ୩୧ ॥
ମାୟାଘ୍ନୋ ମାୟିକୋ ମାୟୀ ମାୟାଵାଦୀ ଵିଚକ୍ଷଣଃ ।
କୃଷ୍ଣାଚ୍ଛାଦୀ କୃଷ୍ଣଜଲ୍ପୀ ଵିଷୟଘ୍ନୋ ନିରାକୃତିଃ ॥ ୩୨ ॥
ସଙ୍କଲ୍ପଶୂନ୍ୟୋ ମାୟୀଶୋ ମାୟାଦ୍ଵେଶୀ ଵ୍ରଜପ୍ରିୟଃ ।
ଵ୍ରଜାଧୀଶୋ ଵ୍ରଜପତିର୍ଗୋପଗୋକୁଲନନ୍ଦନଃ ॥ ୩୩ ॥
ଵ୍ରଜଵାସୀ ଵ୍ରଜଭାଵୋ ଵ୍ରଜନାୟକସତ୍ତମଃ ।
ଗୁପ୍ତପ୍ରିୟୋ ଗୁପ୍ତଭାଵୋ ଵାଞ୍ଛିତଃ ସତ୍କୁଲାଶ୍ରୟଃ ॥ ୩୪ ॥
ରାଗାନୁଗୋ ରାଗସିନ୍ଧୂ ରାଗାତ୍ମା ରାଗଵର୍ଧନଃ ।
ରାଗୋଦ୍ଗତଃ ପ୍ରେମସାକ୍ଷୀ ଭଟ୍ଟନାଥଃ ସନାତନଃ ॥ ୩୫ ॥
ଗୋପାଲଭଟ୍ଟଗଃ ପ୍ରୀତୋ ଲୋକନାଥପ୍ରିୟଃ ପଟୁଃ ।
ଦ୍ଵିଭୁଜଃ ଷଡ୍ଭୁଜୋ ରୂପୀ ରାଜଦର୍ପଵିନାଶନଃ ॥ ୩୬ ॥
କାଶିମିଶ୍ରପ୍ରିୟୋ ଵନ୍ଦ୍ୟୋ ଵନ୍ଦନୀୟଃ ଶଚିପ୍ରସୂଃ ।
ମିଶ୍ରପୁରନ୍ଦରାଧିସୋ ରଘୁନାଥପ୍ରିୟୋ ରୟଃ ॥ ୩୭ ॥
ସାର୍ଵଭୌମଦର୍ପହାରୀ ଅମୋଘାରିର୍ଵସୁପ୍ରିୟଃ ।
ସହଜଃ ସହଜାଧୀଶଃ ଶାଶ୍ଵତଃ ପ୍ରଣୟାତୁରଃ ॥ ୩୮ ॥
କିଲକିଞ୍ଚିଦଭାଵାର୍ତଃ ପାଣ୍ଡୁଗଣ୍ଡଃ ଶୁଚାତୁରଃ ।
ପ୍ରଲାପୀ ବହୁଵାକ୍ ଶୁଦ୍ଧଃ ଋଜୁର୍ଵକ୍ରଗତିଃ ଶିଵଃ ॥ ୩୯ ॥
ଘତ୍ତାୟିତୋଽରଵିନ୍ଦାକ୍ଷଃ ପ୍ରେମଵୈଚିତ୍ୟଲକ୍ଷକଃ ।
ପ୍ରିୟାଭିମାନୀ ଚତୁରଃ ପ୍ରିୟାଵର୍ତୀ ପ୍ରିୟୋନ୍ମୁଖଃ ॥ ୪୦ ॥
ଲୋମାଞ୍ଚିତଃ କମ୍ପଧରଃ ଅଶ୍ରୁମୁଖୋ ଵିଶୋକହା ।
ହାସ୍ୟପ୍ରିୟୋ ହାସ୍ୟକାରୀ ହାସ୍ୟୟୁଗ୍ ହାସ୍ୟନାଗରଃ ॥ ୪୧ ॥
ହାସ୍ୟଗ୍ରାମୀ ହାସ୍ୟକରସ୍ତ୍ରିଭଙ୍ଗୀ ନର୍ତନାକୁଲଃ ।
ଊର୍ଧ୍ଵଲୋମା ଊର୍ଧ୍ଵହସ୍ତ ଊର୍ଧ୍ଵରାଵୀ ଵିକାରଵାନ୍ ॥ ୪୨ ॥
ଭଵୋଲ୍ଲାସୀ ଧୀରଶାନ୍ତୋ ଧୀରଙ୍ଗୋ ଧୀରନାୟକଃ ।
ଦେଵାସ୍ପଦୋ ଦେଵଧାମା ଦେଵଦେଵୋ ମନୋଭଵଃ ॥ ୪୩ ॥
ହେମାଦ୍ରିର୍ହେମଲାଵଣ୍ୟଃ ସୁମେରୁର୍ବ୍ରହ୍ମସାଦନଃ ।
ଐରାଵତସ୍ଵର୍ଣକାନ୍ତିଃ ଶରଘ୍ନୋ ଵାଞ୍ଛିତପ୍ରଦଃ ॥ ୪୪ ॥
କରୋଭୋରୂଃ ସୁଦୀର୍ଘାକ୍ଷଃ କମ୍ପଭ୍ରୂଚକ୍ଷୁନାସିକଃ ।
ନାମଗ୍ରନ୍ଥୀ ନାମସଙ୍ଖ୍ୟା ଭାଵବଦ୍ଧସ୍ତୃଷାହରଃ ॥ ୪୫ ॥
ପାପାକର୍ଷୀ ପାପହାରୀ ପାପଘ୍ନଃ ପାପଶୋଧକଃ ।
ଦର୍ପହା ଧନଦୋଽରିଘ୍ନୋ ମାନହା ରିପୁହା ମଧୁଃ ॥ ୪୬ ॥
ରୂପହା ଵେଶହା ଦିଵ୍ୟୋ ଦୀନବନ୍ଧୁଃ କୃପାମୟଃ ।
ସୁଧକ୍ଷରଃ ସୁଧାସ୍ଵାଦୀ ସୁଧାମା କମନୀୟକଃ ॥ ୪୭ ॥
ନିର୍ମୁକ୍ତୋ ମୁକ୍ତିଦୋ ମୁକ୍ତୋ ମୁକ୍ତାଖ୍ୟୋ ମୁକ୍ତିବାଧକଃ ।
ନିଃଶଙ୍କୋ ନିରହଙ୍କାରୋ ନିର୍ଵୈରୋ ଵିପଦାପହଃ ॥ ୪୮ ॥
ଵିଦଗ୍ଧୋ ନଵଲାଵଣ୍ୟୋ ନଵଦ୍ଵୀପଦ୍ଵିଜ ପ୍ରଭୁଃ ।
ନିରଙ୍କୁଶୋ ଦେଵଵନ୍ଦ୍ୟଃ ସୁରାଚାର୍ୟଃ ସୁରାରିହା ॥ ୪୯ ॥
ସୁରଵର୍ୟୋ ନିନ୍ଦ୍ୟହାରୀ ଵାଦଘ୍ନଃ ପରିତୋଷକଃ ।
ସୁପ୍ରକାଶୋ ବୃହଦ୍ବାହୁର୍ମିତ୍ରଜ୍ଞଃ କଵିଭୂଷଣଃ ॥ ୫୦ ॥
ଵରପ୍ରଦୋ ଵରପାଙ୍ଗୋ ଵରୟୁଗ୍ ଵରନାୟକଃ ।
ପୁଷ୍ପହାସଃ ପଦ୍ମଗନ୍ଧିଃ ପଦ୍ମରାଗଃ ପ୍ରଜାଗରଃ ॥ ୫୧ ॥
ଊର୍ଧ୍ଵଗଃ ସତ୍ପଥାଚାରୀ ପ୍ରାଣଦ ଊର୍ଧ୍ଵଗାୟକଃ ।
ଜନପ୍ରିୟୋ ଜନାହ୍ଲାଦୋ ଜନକଋଷି ଜନସ୍ପୃହଃ ॥ ୫୨ ॥
ଅଜନ୍ମା ଜନ୍ମନିଲୟୋ ଜନାନଦୋ ଜନାର୍ଦ୍ରଧୀଃ ।
ଜଗନ୍ନାଥୋ ଜଗଦ୍ବନ୍ଧୁର୍ଜଗଦ୍ଦେଵୋ ଜଗତ୍ପତିଃ ॥ ୫୩ ॥
ଜନକାରୀ ଜନାମୋଦୋ ଜନକାନନ୍ଦସାଗ୍ରହଃ ।
କଲିପ୍ରିୟଃ କଲିଶ୍ଲାଘ୍ୟଃ କଲିମାନଵିଵର୍ଧନଃ ॥ ୫୪ ॥
କଲିଵର୍ୟଃ ସଦାନନ୍ଦଃ କଲିକୃତ୍ କଲିଧନ୍ୟମାନ୍ ।
ଵର୍ଧାମନଃ ଶ୍ରୁତିଧରଃ ଵର୍ଧନୋ ଵୃଦ୍ଧିଦାୟକଃ ॥ ୫୫ ॥
ସମ୍ପଦଃ ଶାରଣୋ ଦକ୍ଷୋ ଘୃଣାଙ୍ଗୀ କଲିରକ୍ଷକଃ ।
କଲିଧନ୍ୟଃ ସମୟଜ୍ଞଃ କଲିପୁଣ୍ୟପ୍ରକାଶକଃ ॥ ୫୬ ॥
ନିଶ୍ଚିନ୍ତୋ ଧୀରଲଲିତୋ ଧୀରଵାକ୍ ପ୍ରେୟସୀପ୍ରିୟଃ ।
ଵାମାସ୍ପର୍ଶୀ ଵାମଭାଵୋ ଵାମରୂପୋ ମନୋହରଃ ॥ ୫୭ ॥
ଅତୀନ୍ଦ୍ରିୟଃ ସୁରାଧ୍ୟକ୍ଷୋ ଲୋକାଧ୍ୟକ୍ଷଃ କୃତକୃତଃ ।
ୟୁଗାଦିକୃଦ୍ ୟୁଗକରୋ ୟୁଗଜ୍ଞୋ ୟୁଗନାୟକଃ ॥ ୫୮ ॥
ୟୁଗାଵର୍ତୋ ୟୁଗାସୀମଃ କାଲଵାନ୍ କାଲଶକ୍ତିଧୃକ୍ ।
ପ୍ରଣୟଃ ଶାଶ୍ଵତୋ ହୃଷ୍ଟୋ ଵିଶ୍ଵଜିଦ୍ ବୁଦ୍ଧିମୋହନଃ ॥ ୫୯ ॥
ସନ୍ଧ୍ୟାତା ଧ୍ୟାନକୃଦ୍ ଧ୍ୟାନୀ ଧ୍ୟାନମଙ୍ଗଲସନ୍ଧିମାନ୍ ।
ଵିସ୍ରୁତାତ୍ମା ହୃଦିସ୍ଥିରୋ ଗ୍ରାମନିୟପ୍ରଗ୍ରାହକଃ ॥ ୬୦ ॥
ସ୍ଵରମୂର୍ଚ୍ଛୀ ସ୍ଵରାଲାପୀ ସ୍ଵରମୂର୍ତିଵିଭୂଷଣଃ ।
ଗାନଗ୍ରାହୀ ଗାନଲୁବ୍ଧୋ ଗାୟକୋ ଗାନଵର୍ଧନଃ ॥ ୬୧ ॥
ଗାନମାନ୍ୟୋ ହ୍ୟପ୍ରମେୟଃ ସତ୍କର୍ତା ଵିଶ୍ଵଧୃକ୍ ସହଃ ।
କ୍ଷୀରାବ୍ଧିକମଥାକାରଃ ପ୍ରେମଗର୍ଭଝଷାକୃତିଃ ॥ ୬୨ ॥
ବୀଭତ୍ସୁର୍ଭାଵହୃଦୟଃ ଅଦୃଶ୍ୟୋ ବର୍ହିଦର୍ଶକଃ ।
ଜ୍ଞାନରୁଦ୍ଧୋ ଧୀରବୁଦ୍ଧିରଖିଲାତ୍ମପ୍ରିୟଃ ସୁଧୀଃ ॥ ୬୩ ॥
ଅମେୟଃ ସର୍ଵଵିଦ୍ଭାନୁର୍ବଭ୍ରୂର୍ବହୁଶିରୋ ରୁଚିଃ ।
ଉରୁଶ୍ରଵାଃ ମହାଦୀର୍ଘୋ ଵୃଷକର୍ମା ଵୃଷାକୃତିଃ ॥ ୬୪ ॥
ଶ୍ରୁତିସ୍ମୃତିଧରୋ ଵେଦଃ ଶ୍ରୁତିଜ୍ଞଃ ଶ୍ରୁତିବାଧକଃ ।
ହୃଦିସ୍ପୃଶ ଆସ ଆତ୍ମା ଶ୍ରୁତିସାରୋ ଵିଚକ୍ଷଣଃ ॥ ୬୫ ॥
କଲାପୀ ନିରନୁଗ୍ରାହୀ ଵୈଦ୍ୟଵିଦ୍ୟାପ୍ରଚାରକଃ ।
ମୀମାଂସକାରିର୍ଵେଦାଙ୍ଗ ଵେଦାର୍ଥପ୍ରଭଵୋ ଗତିଃ ॥ ୬୬ ॥
ପରାଵରଜ୍ଞୋ ଦୁଷ୍ପାରୋ ଵିରହାଙ୍ଗୀ ସତାଂ ଗତିଃ ।
ଅସଙ୍ଖ୍ୟେୟୋଽପ୍ରମେୟାତ୍ମା ସିଦ୍ଧିଦଃ ସିଦ୍ଧିସାଧନଃ ॥ ୬୭ ॥
ଧର୍ମସେତୁର୍ଧର୍ମପରୋ ଧର୍ମାତ୍ମା ଧର୍ମଭାଵନଃ ।
ଉଦୀର୍ଣସଂଶୟଚ୍ଛିନ୍ନୋ ଵିଭୂତିଃ ଶାଶ୍ଵତଃ ସ୍ଥିରଃ ॥ ୬୮ ॥
ଶୁଦ୍ଧାତ୍ମା ଶୋଭନୋତ୍କଣ୍ଠୋଽନିର୍ଦେଶ୍ୟଃ ସାଧନପ୍ରିୟଃ ।
ଗ୍ରନ୍ଥପ୍ରିୟୋ ଗ୍ରନ୍ଥମୟଃ ଶାସ୍ତ୍ରୟୋନିର୍ମହାଶୟଃ ॥ ୬୯ ॥
ଅଵର୍ଣୋ ଵର୍ଣନିଲୟୋ ନାଶ୍ରମୀ ଚତୁରାଶ୍ରମଃ ।
ଅଵିପ୍ର ଵିପ୍ରକୃତ୍ ସ୍ତୁତ୍ୟୋ ରାଜନ୍ୟୋ ରାଜ୍ୟନାଶକଃ ॥ ୭୦ ॥
ଅଵଶ୍ୟୋ ଵଶ୍ୟତାଧୀନଃ ଶ୍ରୀଭକ୍ତିଵ୍ୟଵସାୟକଃ ।
ମନୋଜଵଃ ପୁରୟିତା ଭକ୍ତିକୀର୍ତିରନାମୟଃ ॥ ୭୧ ॥
ନିଧିଵର୍ଜୀ ଭକ୍ତିନିଧିର୍ଦୁର୍ଲଭୋ ଦୁର୍ଗଭାଵକୃତ୍ ।
କର୍ତନୀଃ କୀର୍ତିରତୁଲଃ ଅମୃତୋ ମୁରଜପ୍ରିୟଃ ॥ ୭୨ ॥
ଶୃଙ୍ଗାରଃ ପଞ୍ଚମୋ ଭାଵୋ ଭାଵୟୋନିରନନ୍ତରଃ ।
ଭକ୍ତିଜିତ୍ ପ୍ରେମଭୋଜୀ ଚ ନଵଭକ୍ତିପ୍ରଚାରକଃ ॥ ୭୩ ॥
ତ୍ରିଗର୍ତସ୍ତ୍ରିଗୁଣାମୋଦସ୍ତ୍ରିଵାଞ୍ଛୀ ପ୍ରୀତିଵର୍ଧନଃ ।
ନିୟନ୍ତା ଶ୍ରମଗୋଽତୀତଃ ପୋଷଣୋ ଵିଗତଜ୍ଵରଃ ॥ ୭୪ ॥
ପ୍ରେମଜ୍ଵରୋ ଵିମାନାର୍ହଃ ଅର୍ଥହା ସ୍ଵପ୍ନନାଶନଃ ।
ଉତ୍ତାରଣୋ ନାମପୁଣ୍ୟଃ ପାପପୁଣ୍ୟଵିଵର୍ଜିତଃ ॥ ୭୫ ॥
ଅପରାଧହରଃ ପାଲ୍ୟଃ ସ୍ଵସ୍ତିଦଃ ସ୍ଵସ୍ତିଭୂଷଣଃ ।
ପୂତାତ୍ମା ପୂତଗଃ ପୂତଃ ପୂତଭାଵୋ ମହାସ୍ଵନଃ ॥ ୭୬ ॥
କ୍ଷେତ୍ରଜ୍ଞଃ କ୍ଷେତ୍ରଵିଜୟୀ କ୍ଷେତ୍ରଵାସୋ ଜଗତ୍ପ୍ରସୂଃ ।
ଭୟହା ଭୟଦୋ ଭାସ୍ଵାନ୍ ଗୌଣଭାଵସମନ୍ଵିତଃ ॥ ୭୭ ॥
ମଣ୍ଡିତୋ ମଣ୍ଡଲକରୋ ଵୈଜୟନ୍ତୀପଵିତ୍ରକଃ ।
ଚିତ୍ରାଙ୍ଗଶ୍ଚିତ୍ରିତଶ୍ଚିତ୍ରୋ ଭକ୍ତଚିତ୍ତପ୍ରକାଶକଃ ॥ ୭୮ ॥
ବୁଦ୍ଧିଗୋ ବୁଦ୍ଧିଦୋ ବୁଦ୍ଧିର୍ବୁଦ୍ଧିଧୃଗ୍ ବୁଦ୍ଧିଵର୍ଧନଃ ।
ପ୍ରେମାଦ୍ରିଧୃକ୍ ପ୍ରେମଵହୋ ରତିଵୋଢ ରତିସ୍ପୃଶଃ ॥ ୭୯ ॥
ପ୍ରେମଚକ୍ଷୁଃ ପ୍ରେମଗହ୍ନଃ ପ୍ରେମହୃତ୍ ପ୍ରେମପୂରକଃ ।
ଗମ୍ଭୀରଗୋ ବହିର୍ଵାସୋ ଭାଵାନୁଷ୍ଠିତଗୋ ପତିଃ ॥ ୮୦ ॥
ନୈକରୂପୋ ନୈକଭାଵୋ ନୈକାତ୍ମା ନୈକରୂପଧୃକ୍ ।
ଶ୍ଲଥସନ୍ଧିଃ କ୍ଷୀଣଧର୍ମସ୍ତ୍ୟକ୍ତପାପ ଉରୁଶ୍ରଵଃ ॥ ୮୧ ॥
ଉରୁଗାୟ ଉରୁଗ୍ରୀଵ ଉରୁଭାଵ ଉରୁକ୍ରମଃ ।
ନିର୍ଧୂତୋ ନିର୍ମଲୋ ଭାଵୋ ନିରୀହୋ ନିରନୁଗ୍ରହଃ ॥ ୮୨ ॥
ନିର୍ଧୂମୋଽଗ୍ନିଃ ସୁପ୍ରତାପସ୍ତୀଵ୍ରତାପୋ ହୁତାଶନଃ ।
ଏକୋ ମହଦ୍ଭୂତଵ୍ୟାପୀ ପୃଥଗ୍ଭୂତଃ ଅନେକଶଃ ॥ ୮୩ ॥
ନିର୍ଣୟୀ ନିରନୁଜ୍ଞାତୋ ଦୁଷ୍ଟଗ୍ରାମନିଵର୍ତକଃ ।
ଵିପ୍ରବନ୍ଧୁଃ ପ୍ରିୟୋ ରୁଚ୍ୟୋ ରୋଚକାଙ୍ଗୋ ନରାଧିପଃ ॥ ୮୪ ॥
ଲୋକାଧ୍ୟକ୍ଷଃ ସୁଵର୍ଣାଭଃ କନକାବ୍ଜଃ ଶିଖାମଣିଃ ।
ହେମକୁମ୍ଭୋ ଧର୍ମସେତୁର୍ଲୋକନାଥୋ ଜଗଦ୍ଗୁରୁଃ ॥ ୮୫ ॥
ଲୋହିତାକ୍ଷୋ ନାମକର୍ମା ଭାଵସ୍ଥୋ ହୃଦ୍ଗୁହାଶୟଃ ।
ରସପ୍ରାଣୋ ରତିଜ୍ୟେଷ୍ଠୋ ରସାବ୍ଧିରତିରାକୁଲଃ ॥ ୮୬ ॥
ଭାଵସିନ୍ଧୁର୍ଭକ୍ତିମେଘୋ ରସଵର୍ଷୀ ଜନାକୁଲଃ ।
ପୀତାବ୍ଜୋ ନୀଲପୀତାଭୋ ରତିଭୋକ୍ତା ରସାୟନଃ ॥ ୮୭ ॥
ଅଵ୍ୟକ୍ତଃ ସ୍ଵର୍ଣରାଜୀଵୋ ଵିଵର୍ଣୀ ସାଧୁଦର୍ଶନଃ ।
ଅମୃତ୍ୟୁଃ ମୃତ୍ୟୁଦୋଽରୁଦ୍ଧଃ ସନ୍ଧାତା ମୃତ୍ୟୁଵଞ୍ଚକଃ ॥ ୮୮ ॥
ପ୍ରେମୋନ୍ମତ୍ତଃ କୀର୍ତନର୍ତ୍ତଃ ସଙ୍କୀର୍ତନପିତା ସୁରଃ ।
ଭକ୍ତିଗ୍ରାମଃ ସୁସିଦ୍ଧାର୍ଥଃ ସିଦ୍ଧିଦଃ ସିଦ୍ଧିସାଧନଃ ॥ ୮୯ ॥
ପ୍ରେମୋଦରଃ ପ୍ରେମଵାହୂ ଲୋକଭର୍ତା ଦିଶାମ୍ପତିଃ ।
ଅନ୍ତଃ କୃଷ୍ଣୋ ବହିର୍ଗୌରୋ ଦର୍ଶକୋ ରତିଵିସ୍ତରଃ ॥ ୯୦ ॥
ସଙ୍କଲ୍ପସିଦ୍ଧୋ ଵାଞ୍ଛାତ୍ମା ଅତୁଲଃ ସଚ୍ଛରୀରଭୃତ୍ ।
ଋଡ୍ଧାର୍ଥଃ କରୁଣାପାଙ୍ଗୋ ନଦକୃଦ୍ ଭକ୍ତଵତ୍ସଲଃ ॥ ୯୧ ॥
ଅମତ୍ସରଃ ପରାନନ୍ଦଃ କୌପୀନୀ ଭକ୍ତିପୋଷକଃ ।
ଅକୈତଵୋ ନାମମାଲୀ ଵେଗଵାନ୍ ପୂର୍ଣଲକ୍ଷଣଃ ॥ ୯୨ ॥
ମିତାଶନୋ ଵିଵର୍ତାକ୍ଷୋ ଵ୍ୟଵସାୟା ଵ୍ୟଵସ୍ଥିତଃ ।
ରତିସ୍ଥାନୋ ରତିଵନଃ ପଶ୍ଚାତ୍ତୁଷ୍ଟଃ ଶମାକୁଲଃ ॥ ୯୩ ॥
କ୍ଷୋଭଣୋ ଵିରଭୋ ମାର୍ଗୋ ମାର୍ଗଧୃଗ୍ ଵର୍ତ୍ମଦର୍ଶକଃ ।
ନୀଚାଶ୍ରମୀ ନୀଚମାନୀ ଵିସ୍ତାରୋ ବୀଜମଵ୍ୟୟଃ ॥ ୯୪ ॥
ମୋହକାୟଃ ସୂକ୍ଷ୍ମଗତିର୍ମହେଜ୍ୟଃ ସତ୍ତ୍ରଵର୍ଧନଃ ।
ସୁମୁଖଃ ସ୍ଵାପନୋଽନାଦିଃ ସୁକୃତ୍ ପାପଵିଦାରଣଃ ॥ ୯୫ ॥
ଶ୍ରୀନିଵାସୋ ଗଭୀରାତ୍ମା ଶୃଙ୍ଗାରକନକାଦୃତଃ ।
ଗଭୀରୋ ଗହନୋ ଵେଧା ସାଙ୍ଗୋପାଙ୍ଗୋ ଵୃଷପ୍ରିୟଃ ॥ ୯୬ ॥
ଉଦୀର୍ଣରାଗୋ ଵୈଚିତ୍ରୀ ଶ୍ରୀକରଃ ସ୍ତଵନାର୍ହକଃ ।
ଅଶ୍ରୁଚକ୍ଷୁର୍ଜଲାବ୍ୟଙ୍ଗ ପୂରିତୋ ରତିପୂରକଃ ॥ ୯୭ ॥
ସ୍ତୋତ୍ରାୟଣଃ ସ୍ତଵାଧ୍ୟକ୍ଷଃ ସ୍ତଵନୀୟଃ ସ୍ତଵାକୁଲଃ ।
ଊର୍ଧ୍ଵରେତଃ ସନ୍ନିଵାସଃ ପ୍ରେମମୂର୍ତିଃ ଶତାନଲଃ ॥ ୯୮ ॥
ଭକ୍ତବନ୍ଧୁର୍ଲୋକବନ୍ଧୁଃ ପ୍ରେମବନ୍ଧୁଃ ଶତାକୁଲଃ ।
ସତ୍ୟମେଧା ଶ୍ରୁତିଧରଃ ସର୍ଵଶସ୍ତ୍ରଭୃତାଂଵରଃ ॥ ୯୯ ॥
ଭକ୍ତିଦ୍ଵାରୋ ଭକ୍ତିଗୃହଃ ପ୍ରେମାଗାରୋ ନିରୋଧହା ।
ଉଦ୍ଘୂର୍ଣୋ ଘୂର୍ଣିତମନା ଆଘୂର୍ନିତକଲେଵରଃ ॥ ୧୦୦ ॥
ଭଵଭ୍ରାନ୍ତିଜସନ୍ଦେହଃ ପ୍ରେମରାଶିଃ ଶୁଚାପହଃ ।
କୃପାଚାର୍ୟଃ ପ୍ରେମସଙ୍ଗୋ ଵୟୁନଃ ସ୍ଥିରୟୌଵନଃ ॥ ୧୦୧ ॥
ସିନ୍ଧୁଗଃ ପ୍ରେମସଙ୍ଗାହଃ ପ୍ରେମଵଶ୍ୟୋ ଵିଚକ୍ଷଣଃ ।
ପଦ୍ମକିଞ୍ଜଲ୍କସଙ୍କାଶଃ ପ୍ରେମାଦାରୋ ନିୟାମକଃ ॥ ୧୦୨ ॥
ଵିରକ୍ତୋ ଵିଗତାରାତିର୍ନାପେକ୍ଷୋ ନାରଦଦୃତଃ ।
ନତସ୍ଥୋ ଦକ୍ଷିଣଃ କ୍ଷାମଃ ଶଠଜୀଵପ୍ରତାରକଃ ॥ ୧୦୩ ॥
ନାମପ୍ରଵର୍ତକୋଽନର୍ଥୋ ଧର୍ମୋଗୁର୍ଵାଦିପୁରୁଷଃ ।
ନ୍ୟଗ୍ରୋଧୋ ଜନକୋ ଜାତୋ ଵୈନତ୍ୟୋ ଭକ୍ତିପାଦପଃ ॥ ୧୦୪ ॥
ଆତ୍ମମୋହଃ ପ୍ରେମଲୀଧଃ ଆତ୍ମଭାଵାନୁଗୋ ଵିରାଟ୍ ।
ମାଧୁର୍ୟଵତ୍ ସ୍ଵାତ୍ମରତୋ ଗୌରଖ୍ୟୋ ଵିପ୍ରରୂପଧୃକ୍ ॥ ୧୦୫ ॥
ରାଧାରୂପୀ ମହାଭାଵୀ ରାଧ୍ୟୋ ରାଧନତତ୍ପରଃ ।
ଗୋପୀନାଥାତ୍ମକୋଽଦୃଶ୍ୟଃ ସ୍ଵାଧିକାରପ୍ରସାଧକଃ ॥ ୧୦୬ ॥
ନିତ୍ୟାସ୍ପଦୋ ନିତ୍ୟରୂପୀ ନିତ୍ୟଭାଵପ୍ରକାଶକଃ ।
ସୁସ୍ଥଭାଵଶ୍ଚପଲଧୀଃ ସ୍ଵଚ୍ଛଗୋ ଭକ୍ତିପୋଷକଃ ॥ ୧୦୭ ॥
ସର୍ଵତ୍ରଗସ୍ତୀର୍ଥଭୂତୋ ହୃଦିସ୍ଥଃ କମଲାସନଃ ।
ସର୍ଵଭାଵାନୁଗାଧୀଶଃ ସର୍ଵମଙ୍ଗଲକାରକଃ ॥ ୧୦୮ ॥
ଇତ୍ୟେତତ୍କଥିତଂ ନିତ୍ୟଂ ସାହସ୍ରଂ ନାମସୁନ୍ଦରମ୍ ।
ଗୋଲୋକଵାସିନୋ ଵିଷ୍ଣୋର୍ଗୌରରୂପସ୍ୟ ଶାର୍ଙ୍ଗିନଃ ॥ ୧୦୯ ॥
ଇଦଂ ଗୌରସହସ୍ରାଖ୍ୟାମ୍ ଆମୟଘ୍ନଂ ଶୁଚାପହମ୍ ।
ପ୍ରେମଭକ୍ତିପ୍ରଦଂ ନୃଣାଂ ଗୋଵିନ୍ଦାକର୍ଷକଂ ପରମ୍ ॥ ୧୧୦ ॥
ପ୍ରାତଃକାଲେ ଚ ମଧ୍ୟାହ୍ନେ ସନ୍ଧ୍ୟାୟାଂ ମଧ୍ୟରାତ୍ରିକେ ।
ୟଃ ପଠେତ୍ପ୍ରୟତୋ ଭକ୍ତ୍ୟା ଚୈତନ୍ୟେ ଲଭତେ ରତିମ୍ ॥ ୧୧୧ ॥
ନାମାତ୍ମକୋ ଗୌରଦେଵୋ ୟସ୍ୟ ଚେତସି ଵର୍ତତେ ।
ସ ସର୍ଵଂ ଵିଷୟଂ ତ୍ୟକ୍ତ୍ଵା ଭାଵାନନ୍ଦୋ ଭଵେଦ୍ଧ୍ରୁଵମ୍ ॥ ୧୧୨ ॥
ୟସ୍ମୈ କସ୍ମୈ ନ ଦାତଵ୍ୟମ୍ ଦାନେ ତୁ ଭକ୍ତିହା ଭଵେତ୍ ।
ଵିନୀତାୟ ପ୍ରଶାନ୍ତାୟ ଗୌରଭକ୍ତାୟ ଧୀମତେ ॥ ୧୧୩ ॥
ତସ୍ମୈ ଦେୟଂ ତତୋ ଗ୍ରାହ୍ୟମିତି ଵୈଷ୍ଣଵଶାସନମ୍ ॥
ଇତି ଶ୍ରୀକଵିକର୍ଣପୂରଵିରଚିତମ୍
ଶ୍ରୀକୃଷ୍ଣଚୈତନ୍ୟଚନ୍ଦ୍ରସ୍ୟ
ସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥