॥ Sri Lalitha Sahasranama Stotram Kannada Lyrics ॥
॥ ಶ್ರೀಲಲಿತಾಸಹಸ್ರನಾಮಸ್ತೋತ್ರಮ್ ಶಿವಕೃತಮ್ ॥
ಶ್ರೀಮಹಾದೇವ ಉವಾಚ –
ಹರನೇತ್ರಸಮುದ್ಭೂತಃ ಸ ವಹ್ನಿರ್ನ ಮಹೇಶ್ವರಮ್ ।
ಪುನರ್ಗನ್ತುಂ ಶಶಾಕಾಥ ಕದಾಚಿದಪಿ ನಾರದ ॥ 1 ॥
ಬಭೂವ ವಡವಾರೂಪಸ್ತಾಪಯಾಮಾಸ ಮೇದಿನೀಮ್ ।
ತತೋ ಬ್ರಹ್ಮಾ ಸಮಾಗತ್ಯ ವಡವಾರೂಪಿಣಂ ಚ ತಮ್ ॥ 2 ॥
ನೀತ್ವಾ ಸಮುದ್ರಂ ಸಮ್ಪ್ರಾರ್ಥ್ಯಂ ತತ್ತೋಯೇಽಸ್ಥಾಪಯನ್ಮುನೇ ।
ಯಯುರ್ದೇವಾ ನಿಜಂ ಸ್ಥಾನಂ ಕಾಮಶೋಕೇನ ಮೋಹಿತಾಃ ॥ 3 ॥
ಸಮಾಶ್ವಸ್ಯ ರತಿಂ ಸ್ವಾಮೀ ಪುನಸ್ತೇ ಜೀವಿತೋ ಭವೇತ್ ॥ 4 ॥
ಶ್ರಥ ಪ್ರಾಹ ಮಹಾದೇವಂ ಪಾರ್ವತೀ ರುಚಿರಾನನಾ ।
ತ್ರಿಜಗಜ್ಜನನೀ ಸ್ಮಿತ್ವಾ ನಿರ್ಜನೇ ತತ್ರ ಕಾನನೇ ॥ 5 ॥
ಶ್ರೀದೇವ್ಯುವಾಚ –
ಮಾಮಾದ್ಯಾಂ ಪ್ರಕೃತಿಂ ದೇವ ಲಬ್ಧುಂ ಪತ್ನೀಂ ಮಹತ್ತ್ತಪಃ ।
ಚಿರಂ ಕರೋಷಿ ತತ್ಕಸ್ಮಾತ್ಕಾಮೋಽಯಂ ನಾಶಿತಸ್ತ್ವಯಾ ॥ 6 ॥
ಕಾಮೇ ವಿನಷ್ಟೇ ಪತ್ನ್ಯಾಃ ಕಿಂ ವಿದ್ಯತೇ ತೇ ಪ್ರಯೋಜನಮ್ ।
ಯೋಗಿನಾಮೇಷ ಧರ್ಮೋ ವೈ ಯತ್ಕಾಮಸ್ಯ ವಿನಾಶನಮ್ ॥ 7 ॥
ಇತಿ ಶ್ರುತ್ವಾ ವಚಸ್ತಸ್ಯಾಃ ಶಂಕರಶ್ಚಕಿತಸ್ತದಾ ।
ಸನ್ಧ್ಯಾಯನ್ ಜ್ಞಾತವಾನಾದ್ಯಾಂ ಪ್ರಕೃತಿಂ ಪರ್ವತಾತ್ಮಜಾಮ್ ॥ 8 ॥
ತತೋ ನಿಮೀಲ್ಯ ನೇತ್ರಾಣಿ ಪ್ರಹರ್ಷಪುಲಕಾನ್ವಿತಃ ।
ನಿರೀಕ್ಷ್ಯ ಪಾರ್ವತೀಂ ಪ್ರಾಹ ಸರ್ವಲೋಕೈಕಸುನ್ದರೀಮ್ ॥ 9 ॥
ಜಾನೇ ತ್ವಾಂ ಪ್ರಕೃತಿಂ ಪೂರ್ಣಾಮಾವಿರ್ಭೂತಾಂ ಸ್ವಲೀಲಯಾ ।
ತ್ವಾಮೇವ ಲಬ್ಧುಂ ಧ್ಯಾನಸ್ಥಶ್ಚಿರಂ ತಿಷ್ಠಾಮಿ ಕಾನನೇ ॥ 10 ॥
ಅದ್ಯಾಹಂ ಕೃತಕೃತ್ಯೋಽಸ್ಮಿ ಯತ್ತ್ವಾಂ ಸಾಕ್ಷಾತ್ಪರಾತ್ಪರಾಮ್ ।
ಪುರಃ ಪಶ್ಯಾಮಿ ಚಾರ್ವಂಗೀಂ ಸತೀಮಿವ ಮಮ ಪ್ರಿಯಾಮ್ ॥ 11 ॥
ಶ್ರೀದೇವ್ಯುವಾಚ –
ತವ ಭಾವೇನ ತುಷ್ಟಾಽಹಂ ಸಮ್ಭೂಯ ಹಿಮವದ್ವೃಹೇ ।
ತ್ವಾಮೇವ ಚ ಪತಿಂ ಲಬ್ಧುಂ ಸಮಾಯಾತಾ ತವಾನ್ತಿಕಮ್ ॥ 12 ॥
ಯೋ ಮಾಂ ಯಾದೃಶಭಾವೇನ ಸಮ್ಪ್ರಾರ್ಥಯತಿ ಭಕ್ತಿತಃ ।
ತಸ್ಯ ತೇನೈವ ಭಾವೇನ ಪೂರಯಾಮಿ ಮನೋರಥಾನ್ ॥ 13 ॥
ಅಹಂ ಸೈವ ಸತೀ ಶಮ್ಭೋ ದಕ್ಷಸ್ಯ ಚ ಮಹಾಧ್ವರೇ ।
ವಿಹಾಯ ತ್ವಾಂ ಗತಾ ಕಾಲೀ ಭೀಮಾ ತ್ರಿಲೋಕ್ಯಮೋಹಿನೀ ॥ 14 ॥
ಶಿವ ಉವಾಚ –
ಯದಿ ಮೇ ಪ್ರಾಣತುಲ್ಯಾಸಿ ಸತೀ ತ್ವಂ ಚಾರುಲೋಚನಾ ।
ತದಾ ಯಥಾ ಮಹಾಮೇಘಪ್ರಭಾ ಸಾ ಭೀಮರೂಪಿಣೀ ॥ 15 ॥
ಬಭೂವ ದಕ್ಷಯಜ್ಞಸ್ಯ ವಿನಾಶಾಯ ದಿಗಮ್ಬರೀ ।
ಕಾಲೀ ತಥಾ ಸ್ವರೂಪೇಣ ಚಾತ್ಮಾನಂ ದರ್ಶಯಸ್ವ ಮಾಮ್ ॥ 16 ॥
ಇತ್ಯುಕ್ತಾ ಸಾ ಹಿಮಸುತಾ ಶಮ್ಭುನಾ ಮುನಿಸತ್ತಮಮ್ ।
ಬಭೂವ ಪೂರ್ವವತ್ಕಾಲೀ ಸ್ನಿಗ್ಧಾಂಜನಚಯಪ್ರಭಾ ॥ 17 ॥
ದಿಗಮ್ಬರೀ ಕ್ಷರದ್ರಕ್ತಾ ಭೀಮಾಯತವಿಲೋಚನಾ ।
ಪೀನೋನ್ನತಕುಚದ್ವನ್ದ್ವಚಾರುಶೋಭಿತವಕ್ಷಸಾ ॥ 18 ॥
ಗಲದಾಪಾದಸಂಲಮ್ಬಿಕೇಶಪುಂಜಭಯಾನಕಾ ।
ಲಲಜ್ಜಿಹ್ವಾ ಜ್ವಲದ್ದನ್ತನಖರೈರುಪಶೋಭಿತಾ ॥ 19 ॥
ಉದ್ಯತ್ಚ್ಛಶಾಂಕನಿಚಯೈರ್ಮೇಘಪಂಕ್ತಿರಿವಾಮ್ಬರೇ ।
ಆಜಾನುಲಮ್ಬಿಮುಂಡಾಲಿಮಾಲಯಾಽತಿವಿಶಾಲಯಾ ॥ 20 ॥
ರಾಜಮಾನಾ ಮಹಾಮೇಘಪಙಕ್ತಿಶ್ಚಂಚಲಯಾ ಯಥಾ ।
ಭುಜೈಶ್ಚತುರ್ಭಿರ್ಭೂಯೋಚ್ಚೈಃ ಶೋಭಮಾನಾ ಮಹಾಪ್ರಭಾ ॥ 21 ॥
ವಿಚಿತ್ರರತ್ನವಿಭ್ರಾಜನ್ಮುಕುಟೋಜ್ವಲಮಸ್ತಕಾ ।
ತಾಂ ವಿಲೋಕ್ಯ ಮಹಾದೇವಃ ಪ್ರಾಹ ಗದ್ಗದಯಾ ಗಿರಾ ॥ 22 ॥
ರೋಮಾಂಚಿತತನುರ್ಭಕ್ತ್ಯಾ ಪ್ರಹೃಷ್ಟಾತ್ಮಾ ಮಹಾಮುನೇ ।
ಚಿರಂ ತ್ವದ್ವಿರಹೇನೇದಂ ನಿರ್ದಗ್ಧಂ ಹದಯಂ ಮಮ ॥ 23 ॥
ತ್ವಮನ್ತರ್ಯಾಮಿನೀ ಶಕ್ತಿರ್ಹೃದಯಸ್ಥಾ ಮಹೇಶ್ವರೀ ।
ಆರಾಧ್ಯ ತ್ವತ್ಪದಾಮ್ಭೋಜಂ ಧೃತ್ವಾ ಹೃದಯಪಂಕಜೇ ॥ 24 ॥
ತ್ವದ್ವಿಚ್ಛೇದಸಮುತ್ತಪ್ತಂ ಹೃತ್ಕರೋಮಿ ಸುಶೀತಲಮ್ ॥ 25 ॥
ಇತ್ಯುಕ್ತ್ವಾ ಸ ಮಹಾದೇವೋ ಯೋಗಂ ಪರಮಮಾಸ್ಥಿತಃ ।
ಶಯಿತಸ್ತತ್ಪದಾಮ್ಭೋಜಂ ದಧಾರ ಹೃದಯೇ ತದಾ ॥ 26 ॥
ಧ್ಯಾನಾನನ್ದೇನ ನಿಷ್ಪನ್ದಶವರೂಪಧರಃ ಸ್ಥಿತಃ ।
ವ್ಯಾಧೂರ್ಣಮಾನನೇತ್ರಸ್ತಾಂ ದದರ್ಶ ಪರಮಾದರಃ ॥ 27 ॥
ಅಂಶತಃ ಗುರತಃ ಸ್ಥಿತ್ವಾ ಪಂಚವಕ್ತ್ರಃ ಕೃತಾಂಜಲಿಃ ।
ಸಹಸ್ರನಾಮಭಿಃ ಕಾಲೀಂ ತುಷ್ಟಾವ ಪರಮೇಶ್ವರೀಮ್ ॥ 28 ॥
ಶಿವ ಉವಾಚ –
ಅನಾದ್ಯಾ ಪರಮಾ ವಿದ್ಯಾ ಪ್ರಧಾನಾ ಪ್ರಕೃತಿಃ ಪರಾ ।
ಪ್ರಧಾನಪುರುಷಾರಾಧ್ಯಾ ಪ್ರಧಾನಪುರುಷೇಶ್ವರೀ ॥ 29 ॥
ಪ್ರಾಣಾತ್ಮಿಕಾ ಪ್ರಾಣಶಕ್ತಿಃ ಸರ್ವಪ್ರಾಣಹಿತೈಷಿಣೀ ।
ಉಮಾ ಚೋತ್ತಮಕೇಶಿನ್ಯುತ್ತಮಾ ಚೋನ್ಮತ್ತಭೈರವೀ ॥ 30 ॥
ಉರ್ವಶೀ ಚೋನ್ನತಾ ಚೋಗ್ರಾ ಮಹೋಗ್ರಾ ಚೋನ್ನತಸ್ತನೀ ।
ಉಗ್ರಚಂಡೋಗ್ರನಯನಾ ಮಹೋಗ್ರಾ ದೈತ್ಯನಾಶಿನೀ ॥ 31 ॥
ಉಗ್ರಪ್ರಭಾವತೀ ಚೋಗ್ರವೇಗಾಽನುಗ್ರಾಽಪ್ರಮರ್ದಿನೀ ।
ಉಗ್ರತಾರೋಗ್ರನಯನಾ ಚೋರ್ಧ್ವಸ್ಥಾನನಿವಾಸಿನೀ ॥ 32 ॥
ಉನ್ಮತ್ತನಯನಾಽತ್ಯುಗ್ರದನ್ತೋತ್ತುಂಗಸ್ಥಲಾಲಯಾ ।
ಉಲ್ಲಾಸಿನ್ಯುಲ್ಲಾಸಚಿತ್ತಾ ಚೋತ್ಫಲ್ಲನಯನೋಜ್ಜಲಾ ॥ 33 ॥
ಉತ್ಫುಲ್ಲಕಮಲಾರೂಢಾ ಕಮಲಾ ಕಾಮಿನೀ ಕಲಾ ।
ಕಾಲೀ ಕರಾಲವದನಾ ಕಾಮಿನೀ ಮುಖಕಾಮಿನೀ ॥ 34 ॥
ಕೋಮಲಾಂಗೀ ಕೃಶಾಂಗೀ ಚ ಕೈಟಭಾಸುರಮರ್ದಿನೀ ।
ಕಾಲಿನ್ದೀ ಕಮಲಸ್ಥಾ ಚ ಕಾನ್ತಾ ಕಾನನವಾಸಿನೀ ॥ 35 ॥
ಕುಲೀನಾ ನಿಷ್ಕಲಾ ಕೃಷ್ಣಾ ಕಾಲರಾತ್ರಿಸ್ವರೂಪಿಣೀ ।
ಕುಮಾರೀ ಕಾಮರೂಪಾ ಚ ಕಾಮಿನೀ ಕೃಷ್ಣಪಿಂಗಲಾ ॥ 36 ॥
ಕಪಿಲಾ ಶಾನ್ತಿದಾ ಶುದ್ಧಾ ಶಂಕರಾರ್ಧಶರೀರಿಣೀ ।
ಕೌಮಾರೀ ಕಾರ್ತ್ತಿಕೀ ದುರ್ಗಾ ಕೌಶಿಕೀ ಕುಂಡಲೋಜ್ಜವಲಾ ॥ 37 ॥
ಕುಲೇಶ್ವರೀ ಕುಲಶ್ರೇಷ್ಠಾ ಕುಂಡಲೋಜ್ಜ್ವಲಮಸ್ತಕಾ ।
ಭವಾನೀ ಭಾವಿನೀ ವಾಣೀ ಶಿವಾ ಚ ಶಿವಮೋಹಿನೀ ॥ 38 ॥
ಶಿವಪ್ರಿಯಾ ಶಿವಾರಾಧ್ಯಾ ಶಿವಪ್ರಾಣೈಕವಲ್ಲಭಾ ।
ಶಿವಪತ್ನೀ ಶಿವಸ್ತುತ್ಯಾ ಶಿವಾನನ್ದಪ್ರದಾಯಿನೀ ॥ 39 ॥
ನಿತ್ಯಾನನ್ದಮಯೀ ನಿತ್ಯಾ ಸಚ್ಚಿದಾನನ್ದವಿಗ್ರಹಾ ।
ತ್ರೈಲೋಕ್ಯಜನನೀ ಶಮ್ಭುಹೃದಯಸ್ಥಾ ಸನಾತನೀ ॥ 40 ॥
ಸದಯಾ ನಿರ್ದಯಾ ಮಾಯಾ ಶಿವಾ ತ್ರೈಲೋಕ್ಯಮೋಹಿನೀ ।
ಬ್ರಹ್ಮಾದಿತ್ರಿದಶಾರಾಧ್ಯಾ ಸರ್ವಾಭೀಷ್ಟಪ್ರದಾಯಿನೀ ॥ 41 ॥
ಬ್ರಹ್ಮಾಣೀ ಬ್ರಹ್ಮ ಗಾಯತ್ರೀ ಸಾವಿತ್ರೀ ಬ್ರಹ್ಮಸಂಸ್ತುತಾ ।
ಬ್ರಹ್ಮೋಪಾಸ್ಯಾ ಬ್ರಹ್ಮಶಕ್ತಿರ್ಬ್ರಹ್ಮಸೃಷ್ಟಿವಿಧಾಯಿನೀ ॥ 42 ॥
ಕಮಂಡಲುಕರಾ ಸಷ್ಟಿಕರ್ತ್ರೀ ಬ್ರಹ್ಮಸ್ವರೂಪಿಣೀ ।
ಚತುರ್ಭುಜಾತ್ಮಿಕಾ ಯಜ್ಞಸೂತ್ರರೂಪಾ ದೃಢವ್ರತಾ ॥ 43 ॥
ಹಂಸಾರೂಢಾ ಚತುರ್ವಕ್ತ್ರಾ ಚತುರ್ವೇದಾಭಿಸಂಸ್ಥುತಾ ।
ವೈಷ್ಣವೀ ಪಾಲನಕಾರೀ ಮಹಾಲಕ್ಷ್ಮೀರ್ಹರಿಪ್ರಿಯಾ ॥ 44 ॥
ಶಂಖಚಕ್ರಧರಾ ವಿಷ್ಣುಶಕ್ತಿರ್ವಿಷ್ಣುಸ್ವರೂಪಿಣೀ ।
ವಿಷ್ಣುಪ್ರಿಯಾ ವಿಷ್ಣುಮಾಯಾ ವಿಷ್ಣುಪ್ರಾಣೈಕವಲ್ಲಭಾ ॥ 45 ॥
ಯೋಗನಿದ್ರಾಽಕ್ಷರಾ ವಿಷ್ಣುಮೋಹಿನೀ ವಿಷ್ಣುಸಂಸ್ತುತಾ ।
ವಿಷ್ಣುಸಮ್ಮೋಹನಕರೀ ತ್ರೈಲೋಕ್ಯಪರಿಪಾಲಿನೀ ॥ 46 ॥
ಶಂಖಿನೀ ಚಕ್ರಿಣೀ ಪದ್ಮಾ ಪದ್ಮಿನೀ ಮುಸಲಾಯುಧಾ ।
ಪದ್ಮಾಲಯಾ ಪದ್ಮಹಸ್ತಾ ಪದ್ಮಮಾಲಾದಿಭೂಷಿತಾ ॥ 47 ॥
ಗರುಡಸ್ಥಾ ಚಾರುರೂಪಾ ಸಮ್ಪದ್ರೂಪಾ ಸರಸ್ವತೀ ।
ವಿಷ್ಣುಪಾರ್ಶ್ವಸ್ಥಿತಾ ವಿಷ್ಣುಪರಮಾಽಽಹ್ಲಾದದಾಯಿನೀ ॥ 48 ॥
ಸಮ್ಪತ್ತಿಃ ಸಮ್ಪದಾಧಾರಾ ಸರ್ವಸಮ್ಪತ್ಪ್ರದಾಯಿನೀ ।
ಶ್ರೀರ್ವಿದ್ಯಾ ಸುಖದಾ ಸೌಖ್ಯದಾಯಿನೀ ದುಃಖನಾಶಿನೀ ॥ 49 ॥
ದುಃಖಹನ್ತ್ರೀ ಸುಖಕರೀ ಸುಖಾಸೀನಾ ಸುಖಪ್ರದಾ ।
ಸುಖಪ್ರಸನ್ನವದನಾ ನಾರಾಯಣಮನೋರಮಾ ॥ 50।
ನಾರಾಯಣೀ ಜಗದ್ಧಾತ್ರೀ ನಾರಾಯಣವಿಮೋಹಿನೀ ।
ನಾರಾಯಣಶರೀರಸ್ಥಾ ವನಮಾಲಾವಿಭೂಷಿತಾ ॥ 51 ॥
ದೈತ್ಯಘ್ನೀ ಪೀತವಸನಾ ಸರ್ವದೈತ್ಯಪ್ರಮರ್ದಿನೀ ।
ವಾರಾಹೀ ನಾರಸಿಂಹೀ ಚ ರಾಮಚನ್ದ್ರಸ್ವರೂಪಿಣೀ ॥ 52 ॥
ರಕ್ಷೋಘ್ನೀ ಕಾನನಾವಾಸಾ ಚಾಹಲ್ಯಾಶಾಪಮೋಚಿನೀ ।
ಸೇತುಬನ್ಧಕರೀ ಸರ್ವರಕ್ಷಃಕುಲವಿನಾಶಿನೀ ॥ 53 ॥
ಸೀತಾ ಪತಿವ್ರತಾ ಸಾಧ್ವೀ ರಾಮಪ್ರಾಣೈಕವಲ್ಲಭಾ ।
ಅಶೋಕಕಾನನಾವಾಸಾ ಲಂಕೇಶ್ವರವಿನಾಶಿನೀ ॥ 54 ॥
ನೀತಿಃ ಸುನೀತಿಃ ಸುಕೃತಿ ಕೀರ್ತಿರ್ಮೇಧಾ ವಸುನ್ಧರಾ ।
ದಿವ್ಯಮಾಲ್ಯಧರಾ ದಿವ್ಯಾ ದಿವ್ಯಗನ್ಧಾನುಲೇಪನಾ ॥ 55 ॥
ದಿವ್ಯವಸ್ತ್ರಪರೀಧಾನಾ ದಿವ್ಯಸ್ಥಾನನಿವಾಸಿನೀ ।
ಮಾಹೇಶ್ವರೀ ಪ್ರೇತಸಂಸ್ಥಾ ಪ್ರೇತಭೂಮಿನಿವಾಸಿನೀ ॥ 56 ॥
ನಿರ್ಜನಸ್ಥಾ ಶ್ಮಶಾನಸ್ಥಾ ಭೈರವೀ ಭೀಮಲೋಚನಾ ।
ಸುಘೋರನಯನಾ ಘೋರಾ ಘೋರರೂಪಾ ಘನಪ್ರಭಾ ॥ 57 ॥
ಘನಸ್ತನೀ ವರಾ ಶ್ಯಾಮಾ ಪ್ರೇತಭೂಮಿಕೃತಾಲಯಾ ।
ಖಟ್ವಾಂಗಧಾರಿಣೀ ದ್ವೀಪಿಚರ್ಮಾಮ್ಬರಸುಶೋಭನಾ ॥ 58 ॥
ಮಹಾಕಾಲೀ ಚಂಡವಕ್ತ್ರಾ ಚಂಡಮುಂಡವಿನಾಶಿನೀ ।
ಉದ್ಯಾನಕಾನನಾವಾಸಾ ಪುಷ್ಪೋದ್ಯಾನವನಪ್ರಿಯಾ ॥ 59 ॥
ಬಲಿಪ್ರಿಯಾ ಮಾಂಸಭಕ್ಷ್ಯಾ ರುಧಿರಾಸವಭಕ್ಷಿಣೀ ।
ಭೀಮರಾವಾ ಸಾಟ್ಟಹಾಸಾ ರಣನೃತ್ಯಪರಾಯಣಾ ॥ 60 ॥
ಅಸುರಾ ಸೃಕ್ಪ್ರಿಯಾ ತುಷ್ಟಾ ದೈತ್ಯದಾನವಮರ್ದಿನೀ ।
ದೈತ್ಯವಿದ್ರಾವಿಣೀ ದೈತ್ಯಮಥನೀ ದೈತ್ಯಸೂದನೀ ॥ 61 ॥
ದೇತ್ಯಘ್ನೀ ದೈತ್ಯಹನ್ತ್ರೀ ಚ ಮಹಿಷಾಸುರಮರ್ದಿನೀ ।
ರಕ್ತಬೀಜನಿಹನ್ತ್ರೀ ಚ ಶುಮ್ಭಾಸುರವಿನಾಶಿನೀ ॥ 62 ॥
ನಿಶುಮ್ಭಹನ್ತ್ರೀ ಧೂಮ್ರಾಕ್ಷಮರ್ದಿನೀ ದುರ್ಗಹಾರಿಣೀ ।
ದುರ್ಗಾಸುರನಿಹನ್ತ್ರೀ ಚ ಶಿವದೂತೀ ಮಹಾಬಲಾ ॥ 63 ॥
ಮಹಾಬಲವತೀ ಚಿತ್ರವಸ್ತ್ರಾ ರಕ್ತಾಮ್ಬರಾಽಮಲಾ ।
ವಿಭಲಾ ಲಲಿತಾ ಚಾರುಹಾಸಾ ಚಾರುಸ್ತ್ರಿಲೋಚನಾ ॥ 64 ॥
ಅಜೇಯಾ ಜಯದಾ ಜ್ಯೇಷ್ಠಾ ಜಯಶೀಲಾಽಪರಾಜಿತಾ ।
ವಿಜಯಾ ಜಾಹ್ನವೀ ದುಷ್ಟಜೃಮ್ಭಿಣೀ ಜಯದಾಯಿನೀ ॥ 65 ॥
ಜಗದ್ರಕ್ಷಾಕರೀ ಸರ್ವಜಗಚ್ಚೈತನ್ಯಕಾರಿಣೀ ।
ಜಯಾ ಜಯನ್ತೀ ಜನನೀ ಜನಭಕ್ಷಣತತ್ಪರಾ ॥ 66 ॥
ಜಲರೂಪಾ ಜಲಸ್ಥಾ ಚ ಜಪ್ಯಾ ಜಾಪಕವತ್ಸಲಾ ।
ಜಾಜ್ವಲ್ಯಮಾನಾ ಯಜ್ಞಾಶಾ ಜನ್ಮನಾಶವಿರ್ವಜಿತಾ ॥ 67 ॥
ಜರಾತೀತಾ ಜಗನ್ಮಾತಾ ಜಗದ್ರೂಪಾ ಜಗನ್ಮಯೀ ।
ಜಂಗಮಾ ಜ್ವಾಲಿನೀ ಜೃಮ್ಭಾ ಸ್ತಮ್ಭಿನೀ ದುಷ್ಟತಾಪಿನೀ ॥ 68 ॥
ತ್ರಿಪುರಘ್ನೀ ತ್ರಿನಯನಾ ಮಹಾತ್ರಿಪುರತಾಪಿನೀ ।
ತೃಷ್ಣಾ ಜಾತಿಃ ಪಿಪಾಸಾ ಚ ಬುಭುಕ್ಷಾ ತ್ರಿಪುರಾ ಪ್ರಭಾ ॥ 69 ॥
ತ್ವರಿತಾ ತ್ರಿಪುಟಾ ತ್ರ್ಯಕ್ಷಾ ತನ್ವೀ ತಾಪವಿವೀರ್ಜೇತಾ ।
ತ್ರಿಲೋಕೇಶೀ ತೀವ್ರವೇಗಾ ತೀವ್ರಾ ತಿವ್ರಬಲಾಽಲಯಾ ॥ 70 ॥
ನಿಃಶಂಕಾ ನಿರ್ಮಲಾಭಾ ಚ ನಿರಾತಂಕಾಽಮಲಪ್ರಭಾ ।
ವಿನೀತಾ ವಿನಯಾಭಿಜ್ಞಾ ವಿಶೇಷಜ್ಞಾ ವಿಲಕ್ಷಣಾ ॥ 71 ॥
ವರದಾ ವಲ್ಲಭಾ ವಿದ್ಯುತ್ಪ್ರಭಾ ವಿನಯಶಾಲಿನೀ ।
ಬಿಮ್ಬೋಷ್ಠೀ ವಿಧುವಕ್ತ್ರಾ ಚ ವಿವಸ್ತ್ರಾ ವಿನಯಪ್ರಭಾ ॥ 72 ॥
ವಿಶ್ವೇಶಪತ್ನೀ ವಿಶ್ವಾತ್ಮಾ ವಿಶ್ವರೂಪಾ ಬಲೋತ್ಕಟಾ ।
ವಿಶ್ವೇಶೀ ವಿಶ್ವವನಿತಾ ವಿಶ್ವಮಾತಾ ವಿಚಕ್ಷಣಾ ॥ 73 ॥
ವಿದುಷೀ ವಿಶ್ವವಿದಿತಾ ವಿಶ್ವಮೋಹನಕಾರಿಣೀ ।
ವಿಶ್ವಮೂರ್ತಿರ್ವಿಶ್ವಧರಾ ವಿಶ್ವೇಶಪರಿಪಾಲಿನೀ ॥ 74 ॥
ವಿಶ್ವಕರ್ತ್ರೀ ವಿಶ್ವಹರ್ತ್ರೀ ವಿಶ್ವಪಾಲನತತ್ಪರಾ ।
ವಿಶ್ವೇಶಹೃದಯಾವಾಸಾ ವಿಶ್ವೇಶ್ವರಮನೋರಮಾ ॥ 75 ॥
ವಿಶ್ವಹಾ ವಿಶ್ವನಿಲಯಾ ವಿಶ್ವಮಾಯಾ ವಿಭೂತಿದಾ ।
ವಿಶ್ವಾ ವಿಶ್ವೋಪಕಾರಾ ಚ ವಿಶ್ವಪ್ರಾಣಾತ್ಮಿಕಾಪಿ ಚ ॥ 76 ॥
ವಿಶ್ವಪ್ರಿಯಾ ವಿಶ್ವಮಯೀ ವಿಶ್ವದುಷ್ಟವಿನಾಶಿನೀ ।
ದಾಕ್ಷಾಯಣೀ ದಕ್ಷಕನ್ಯಾ ದಕ್ಷಯಜ್ಞವಿನಾಶಿನೀ ॥ 77 ॥
ವಿಶ್ವಮ್ಭರೀ ವಸುಮತೀ ವಸುಧಾ ವಿಶ್ವಪಾವನೀ ।
ಸರ್ವಾತಿಶಾಯಿನೀ ಸರ್ವದುಃಖದಾರಿದ್ರ್ಯಹಾರಿಣೀ ॥ 78 ॥
ಮಹಾವಿಭೂತಿರವ್ಯಕ್ತಾ ಶಾಶ್ವತೀ ಸರ್ವಸಿದ್ಧಿದಾ ।
ಅಚಿನ್ತ್ಯಾಽಚಿನ್ತ್ಯರೂಪಾ ಚ ಕೇವಲಾ ಪರಮಾತ್ಮಿಕಾ ॥ 79 ॥
ಸರ್ವಜ್ಞಾ ಸರ್ವವಿಷಯಾ ಸರ್ವೋಪರಿಪರಾಯಣಾ ।
ಸರ್ವಸ್ಯಾರ್ತಿಹರಾ ಸರ್ವಮಂಗಲಾ ಮಂಗಲಪ್ರದಾ ॥ 80 ॥
ಮಂಗಲಾರ್ಹಾ ಮಹಾದೇವೀ ಸರ್ವಮಂಗಲದಾಯಿಕಾ ।
ಸರ್ವಾನ್ತರಸ್ಥಾ ಸರ್ವಾರ್ಥರೂಪಿಣೀ ಚ ನಿರಂಜನಾ ॥ 81 ॥
ಚಿಚ್ಛಕ್ತಿಶ್ಚಿನ್ಮಯೀ ಸರ್ವವಿದ್ಯಾ ಸರ್ವವಿಧಾಯಿನೀ ।
ಶಾನ್ತಿಃ ಶಾನ್ತಿಕರೀ ಸೌಮ್ಯಾ ಸರ್ವಾ ಸರ್ವಪ್ರದಾಯಿನೀ ॥ 82 ॥
ಶಾನ್ತಿಃ ಕ್ಷಮಾ ಕ್ಷೇಮಕರೀ ಕ್ಷೇತ್ರಜ್ಞಾ ಕ್ಷೇತ್ರವಾಸಿನೀ ।
ಕ್ಷಣಾತ್ಮಿಕಾ ಕ್ಷೀಣತನುಃ ಕ್ಷೀಣಾಂಗೀ ಕ್ಷೀಣಮಧ್ಯಮಾ ॥ 83 ॥
ಕ್ಷಿಪ್ರಗಾ ಕ್ಷೇಮದಾ ಕ್ಷಿಪ್ತಾ ಕ್ಷಣದಾ ಕ್ಷಣವಾಸಿನೀ ।
ವೃತ್ತಿರ್ನಿವೃತ್ತಿರ್ಭೂತಾನಾಂ ಪ್ರವೃತ್ತಿರ್ವೃತ್ತಲೋಚನಾ ॥ 84 ॥
ವ್ಯೋಮಮೂರ್ತಿರ್ವ್ಯೋಮಸಂಸ್ಥಾ ವ್ಯೋಮಾಲಯಕೃತಾಶ್ರಯಾ ।
ಚನ್ದ್ರಾನನಾ ಚನ್ದ್ರಕಾನ್ತಿಶ್ಚನ್ದ್ರಾರ್ಧಾಂಕಿತಮಸ್ತಕಾ । 85 ॥
ಚನ್ದ್ರಪ್ರಭಾ ಚನ್ದ್ರಕಲಾ ಶರಚ್ಚನ್ದ್ರನಿಭಾನನಾ ।
ಚನ್ದ್ರಾತ್ಮಿಕಾ ಚನ್ದ್ರಮುಖೀ ಚನ್ದ್ರಶೇಖರವಲ್ಲಭಾ ॥ 86 ॥
ಚನ್ದ್ರಶೇಖರವಕ್ಷಃಸ್ಥಾ ಚನ್ದ್ರಲೋಕೀನೇವಾಸಿನೀ ।
ಚನ್ದ್ರಶೇಖರಶೈಲಸ್ಥಾ ಚಂಚಲಾ ಚಂಚಲೇಕ್ಷಣಾ ॥ 87 ॥
ಛಿನ್ನಮಸ್ತಾ ಛಾಗಮಾಂಸಪ್ರಿಯಾ ಛಾಗಬಲಿಪ್ರಿಯಾ ।
ಜ್ಯೋತ್ಸ್ನಾ ಜ್ಯೋತಿರ್ಮಯೀ ಸರ್ವಜ್ಯಾಯಸೀ ಜೀವನಾತ್ಮಿಕಾ ॥ 88 ॥
ಸರ್ವಕಾರ್ಯನಿಯನ್ತ್ರೀ ಚ ಸರ್ವಭೂತಹಿತೈಷಿಣೀ ।
ಗುಣಾತೀತಾ ಗುಣಮಯೀ ತ್ರಿಗುಣಾ ಗುಣಶಾಲಿನೀ ॥ 89 ॥
ಗುಣೈಕನಿಲಯಾ ಗೌರೀ ಗುಹ್ಯಾ ಗೋಪಕುಲೋದ್ಭವಾ ।
ಗರೀಯಸೀ ಗುರುರತಾ ಗುಹ್ಯಸ್ಥಾನನಿವಾಸಿನೀ ॥ 90 ॥
ಗುಣಜ್ಞಾ ನಿರ್ಗುಣಾ ಸರ್ವಗುಣಾರ್ಹಾ ಗುಹಯಕಾಽಮ್ಬಿಕಾ ।
ಗಲಜ್ಜಟಾ ಗಲತ್ಕೇಶಾ ಗಲದ್ರುಧಿರಚರ್ಚಿತಾ ॥ 91 ॥
ಗಜೇನ್ದ್ರಗಮನಾ ಗನ್ತ್ರೀ ಗೀತನೃತ್ಯಪರಾಯಣಾ ।
ಗಮನಸ್ಥಾ ಗಯಾಧ್ಯಕ್ಷಾ ಗಣೇಶಜನನೀ ತಥಾ ॥ 92 ॥
ಗಾನಪ್ರಿಯಾ ಗಾನರತಾ ಗೃಹಸ್ಥಾ ಗೃಹಿಣೀ ಪರಾ ।
ಗಜಸಂಸ್ಥಾ ಗಜಾರೂಢಾ ಗ್ರಸನ್ತೀ ಗರುಡಾಸನಾ ॥ 93 ॥
ಯೋಗಸ್ಥಾ ಯೋಗಿನೀಗಮ್ಯಾ ಯೋಗಚಿನ್ತಾಪರಾಯಣಾ ।
ಯೋಗಿಧ್ಯೇಯಾ ಯೋಗಿವನ್ದ್ಯಾ ಯೋಗಲಭ್ಯಾ ಯುಗಾತ್ಮಿಕಾ ॥ 94 ॥
ಯೋಗಿಜ್ಞೇಯಾ ಯೋಗಯುಕ್ತಾ ಮಹಾಯೋಗೇಶ್ವರೇಶ್ವರೀ ।
ಯೋಗಾನುರಕ್ತಾ ಯುಗದಾ ಯುಗಾನ್ತಜಲದಪ್ರಭಾ ॥ 95 ॥
ಯುಗಾನುಕಾರಿಣೀ ಯಜ್ಞರೂಪಾ ಸೂರ್ಯಸಮಪ್ರಭಾ ।
ಯುಗಾನ್ತಾನಿಲವೇಗಾ ಚ ಸರ್ವಯಜ್ಞಫಲಪ್ರದಾ ॥ 96 ॥
ಸಂಸಾರಯೋನಿಃ ಸಂಸಾರವ್ಯಾಪಿನೀ ಸಫಲಾಸ್ಪದಾ ।
ಸಂಸಾರತರುನಿಃಸೇವ್ಯಾ ಸಂಸಾರಾರ್ಣವತಾರಿಣೀ ॥ 97 ॥
ಸರ್ವಾರ್ಥಸಾಧಿಕಾ ಸರ್ವಾ ಸಂಸಾರವ್ಯಾಪಿನೀ ತಥಾ ।
ಸಂಸಾರಬನ್ಧಕರ್ತ್ರೀ ಚ ಸಂಸಾರಪರಿವರ್ಜಿತಾ ॥ 98 ॥
ದುರ್ನಿರೀಕ್ಷ್ಯಾ ಸುದುಷ್ಪ್ರಾಪ್ಯಾ ಭೂತಿರ್ಭೂತಿಮತೀತ್ಯಪಿ ।
ಅತ್ಯನ್ತವಿಭವಾಽರೂಪಾ ಮಹಾವಿಭವರೂಪಿಣೀ ॥ 99 ॥
ಶಬ್ದಬ್ರಹ್ಮಸ್ವರೂಪಾ ಚ ಶಬ್ದಯೋನಿಃ ಪರಾತ್ಪರಾ ।
ಭೂತಿದಾ ಭೂತಿಮಾತಾ ಚ ಭೂತಿಸ್ತನ್ದ್ರೀ ವಿಭೂತಿದಾ ॥ 100 ॥
ಭೂತಾನ್ತರಸ್ಥಾ ಕೂಟಸ್ಥಾ ಭೂತನಾಥಪ್ರಿಯಾಂಗನಾ ।
ಭೂತಮಾತಾ ಭೂತನಾಥಾ ಭೂತಾಲಯನಿವಾಸಿನೀ ॥ 101 ॥
ಭೂತನೃತ್ಯಪ್ರಿಯಾ ಭೂತಸಂಗಿನೀ ಭೂತಲಾಶ್ರಯಾ ।
ಜನ್ಮಮೃತ್ಯುಜರಾತೀತಾ ಮಹಾಪುರುಷಸಂಗತಾ ॥ 102 ॥
ಭುಜಗಾ ತಾಮಸೀ ವ್ಯಕ್ತಾ ತಮೋಗುಣವತೀ ತಥಾ ।
ತ್ರಿತತ್ತ್ವಾ ತತ್ತ್ವರೂಪಾ ಚ ತತ್ತ್ವಜ್ಞಾ ತತ್ತ್ವಕಪ್ರಿಯಾ ॥ 103 ॥
ತ್ರ್ಯಮ್ಬಕಾ ತ್ರ್ಯಮ್ಬಕರತಾ ಶುಕ್ಲಾ ತ್ರ್ಯಮ್ಬಕರೂಪಿಣೀ ।
ತ್ರಿಕಾಲಜ್ಞಾ ಜನ್ಮಹೀನಾ ರಕ್ತಾಂಗೀ ಜ್ಞಾನರೂಪಿಣೀ ॥ 104 ॥
ಅಕಾರ್ಯಾ ಕಾರ್ಯಜನನೀ ಬ್ರಹ್ಮಾಖ್ಯಾ ಬ್ರಹ್ಮಸಂಸ್ಥಿತಾ ।
ವೈರಾಗ್ಯಯುಕ್ತಾ ವಿಜ್ಞಾನಗಮ್ಯಾ ಧರ್ಮಸ್ವರೂಪಿಣೀ ॥ 105 ॥
ಸರ್ವಧರ್ಮವಿಧಾನಜ್ಞಾ ಧರ್ಮಿಷ್ಠಾ ಧರ್ಮತತ್ಪರಾ ।
ಧರ್ಮಿಷ್ಠಪಾಲನಕರೀ ಧರ್ಮಶಾಸ್ತ್ರಪರಾಯಣಾ ॥ 106 ॥
ಧರ್ಮಾಧರ್ಮವಿಹೀನಾ ಚ ಧರ್ಮಜನ್ಯಫಲಪ್ರದಾ ।
ಧರ್ಮಿಣೀ ಧರ್ಮನಿರತಾ ಧರ್ಮಿಣಾಮಿಷ್ಟದಾಯಿನೀ ॥ 107 ॥
ಧನ್ಯಾ ಧೀರ್ಧಾರಣಾ ಧೀರಾ ಧನ್ವನೀ ಧನದಾಯಿನೀ ।
ಧನುಷ್ಮತೀ ಧರಾಸಂಸ್ಥಾ ಧರಣೀ ಸ್ಥಿತಿಕಾರಿಣೀ ॥ 108 ॥
ಸರ್ವಯೋನಿರ್ವಿಶ್ವಯೋನಿರಪಾಂಯೋನಿರಯೋನಿಜಾ ।
ರುದ್ರಾಣೀ ರುದ್ರವನಿತಾ ರುದ್ರೈಕಾದಶರೂಪಿಣೀ ॥ 109 ॥
ರುದ್ರಾಕ್ಷಮಾಲಿನೀ ರೌದ್ರೀ ಭುಕ್ತಿಮುಕ್ತಿಫಲಪ್ರದಾ ।
ಬ್ರಹ್ಮೋಪೇನ್ದ್ರಪ್ರವನ್ದ್ಯಾ ಚ ನಿತ್ಯಂ ಮುದಿತಮಾನಸಾ ॥ 110 ॥
ಇನ್ದ್ರಾಣೀ ವಾಸವೀ ಚೈನ್ದ್ರೀ ವಿಚಿತ್ರೈರಾವತಸ್ಥಿತಾ ।
ಸಹಸ್ರನೇತ್ರಾ ದಿವ್ಯಾಂಗೀ ದಿವ್ಯಕೇಶವಿಲಾಸಿನೀ ॥ 111 ॥
ದಿವ್ಯಾಂಗನಾ ದಿವ್ಯನೇತ್ರಾ ದಿವ್ಯಚನ್ದನಚರ್ಚಿತಾ ।
ದಿವ್ಯಾಲಂಕರಣಾ ದಿವ್ಯಶ್ವೇತಚಾಮರವೀಜಿತಾ ॥ 112 ॥
ದಿವ್ಯಹಾರಾ ದಿವ್ಯಪದಾ ದಿವ್ಯನೂಪುರಶೋಭಿತಾ ।
ಕೇಯೂರಶೋಭಿತಾ ಹೃಷ್ಟಾ ಹೃಷ್ಟಚಿತ್ತಪ್ರಹರ್ಷಿಣೀ ॥ 113 ॥
ಸಮ್ಪ್ರಹೃಷ್ಟಮನಾ ಹರ್ಷಪ್ರಸನ್ನವದನಾ ತಥಾ ।
ದೇವೇನ್ದ್ರವನ್ದ್ಯಪಾದಾಬ್ಜಾ ದೇವೇನ್ದ್ರಪರಿಪೂಜಿತಾ ॥ 114 ॥
ರಜಸಾ ರಕ್ತನಯನಾ ರಕ್ತಪುಷ್ಪಪ್ರಿಯಾ ಸದಾ ।
ರಕ್ತಾಂಗೀ ರಕ್ತನೇತ್ರಾ ಚ ರಕ್ತೋತ್ಪಲವಿಲೋಚನಾ ॥ 115 ॥
ರಕ್ತಾಭಾ ರಕ್ತವಸ್ತ್ರಾ ಚ ರಕ್ತಚನ್ದನಚರ್ಚಿತಾ ।
ರಕ್ತೇಕ್ಷಣಾ ರಕ್ತಭಕ್ಷ್ಯಾ ರಕ್ತಮತ್ತೋರಗಾಶ್ರಯಾ ॥ 116 ॥
ರಕ್ತದನ್ತಾ ರಕ್ತಜಿಹ್ವಾ ರಕ್ತಭಕ್ಷಣತತ್ಪರಾ ।
ರಕ್ತಪ್ರಿಯಾ ರಕ್ತತೃಷ್ಟಾ ರಕ್ತಪಾನಸುತತ್ಪರಾ ॥ 117 ॥
ಬನ್ಧೂಕುಸುಮಾಭಾ ಚ ರಕ್ತಮಾಲ್ಯಾನುಲೇಪನಾ ।
ಸ್ಫುರದ್ರಕ್ತಾಂಚಿತತನುಃ ಸ್ಫುರತ್ಸೂರ್ಯಶತಪ್ರಭಾ ॥ 118 ॥
ಸ್ಫುರನ್ನೇತ್ರಾ ಪಿಂಗಜಟಾ ಪಿಂಗಲಾ ಪಿಂಗಲೇಕ್ಷಣಾ ।
ಬಗಲಾ ಪೀತವಸ್ತ್ರಾ ಚ ಪೀತಪುಷ್ಪಪ್ರಿಯಾ ಸದಾ ॥ 119 ॥
ಪೀತಾಮ್ಬರಾ ಪಿಬದ್ರಕ್ತಾ ಪೀತಪುಷ್ಪೋಪಶೋಭಿತಾ ।
ಶತ್ರುಘ್ನೀ ಶತ್ರುಸಮ್ಮೋಹಜನನೀ ಶತ್ರುತಾಪಿನೀ ॥ 120 ॥
ಶತ್ರುಪ್ರಮರ್ದಿನೀ ಶತ್ರುವಾಕ್ಯಸ್ತಮ್ಭನಕಾರಿಣೀ ।
ಉಚ್ಚಾಟನಕರೀ ಸರ್ವದುಷ್ಟೋತ್ಸಾರಣಕಾರಿಣೀ ॥ 121 ॥
ಶತ್ರುವಿದ್ರಾವಿಣೀ ಶತ್ರುಸಮ್ಮೋಹನಕರೀ ತಥಾ ।
ವಿಪಕ್ಷಮರ್ದನಕರೀ ಶತ್ರುಪಕ್ಷಕ್ಷಯಂಕರೀ ॥ 122 ॥
ಸರ್ವದುಷ್ಟಘಾತಿನೀ ಚ ಸರ್ವದುಷ್ಟವಿನಾಶಿನೀ ।
ದ್ವಿಭುಜಾ ಶೂಲಹಸ್ತಾ ಚ ತ್ರಿಶೂಲವರಧಾರಿಣೀ ॥ 123 ॥
ದುಷ್ಟಸನ್ತಾಪಜನನೀ ದುಷ್ಟಕ್ಷೋಭಪ್ರವರ್ಧಿನೀ ।
ದುಷ್ಟಾನಾಂ ಕ್ಷೋಭಸಮ್ಬದ್ಧಾ ಭಕ್ತಕ್ಷೋಭನಿವಾರಿಣೀ ॥ 124 ॥
ದುಷ್ಟಸನ್ತಾಪಿನೀ ದುಷ್ಟಸನ್ತಾಪಪರಿಮರ್ದಿನೀ ।
ಸನ್ತಾಪರಹಿತಾ ಭಕ್ತಸನ್ತಾಪಪರಿನಾಶಿನೀ ॥ 125 ॥
ಅದ್ವೈತಾ ದ್ವೈತರಹಿತಾ ನಿಷ್ಕಲಾ ಬ್ರಹ್ಮರೂಪಿಣೀ ।
ತ್ರಿದಶೇಶೀ ತ್ರಿಲೋಕೇಶೀ ಸರ್ವೇಶೀ ಜಗದೀಶ್ವರೀ ॥ 126 ॥
ಬ್ರಹ್ಮೇಶಸೇವಿತಪದಾ ಸರ್ವವನ್ದ್ಯಪದಾಮ್ಬುಜಾ ।
ಅಚಿನ್ತ್ಯರೂಪಚರಿತಾ ಚಾಚಿನ್ತ್ಯಬಲವಿಕ್ರಮಾ ॥ 127 ॥
ಸರ್ವಾಚಿನ್ತ್ಯಪ್ರಭಾವಾ ಚ ಸ್ವಪ್ರಭಾವಪ್ರದರ್ಶಿನೀ ।
ಅಚಿನ್ತ್ಯಮಹಿಮಾಽಚಿನ್ತ್ಯರೂಪಾ ಸೌನ್ದರ್ಯಶಾಲಿನೀ ॥ 128 ॥
ಅಚಿನ್ತ್ಯವೇಶಶೋಭಾ ಚ ಲೋಕಾಚಿನ್ತ್ಯಗುಣಾನ್ವಿತಾ ।
ಅಚಿನ್ತ್ಯಶಕ್ತಿರ್ದುಶ್ಚಿನ್ತ್ಯಪ್ರಭಾವಾ ಚಿನ್ತ್ಯರೂಪಿಣೀ ॥ 129 ॥
ಯೋಗೀಚಿನ್ತ್ಯಾ ಮಹಾಚಿನ್ತಾನಾಶಿನೀ ಚೇತನಾತ್ಮಿಕಾ ।
ಗಿರಿಜಾ ದಕ್ಷಜಾ ವಿಶ್ವಜನಯಿತ್ರೀ ಜಗತ್ಪ್ರಸೂಃ ॥ 130 ॥
ಸನ್ನಮ್ಯಾಽಪ್ರಣತಾ ಸರ್ವಪ್ರಣತಾರ್ತಿಹರೀ ತಥಾ ।
ಪ್ರಣತೈಶ್ವರ್ಯದಾ ಸರ್ವಪ್ರಣತಾಶುಭನಾಶಿನೀ ॥ 131 ॥
ಪ್ರಣತಾಪನ್ನಾಶಕರೀ ಪ್ರಣತಾಶುಭಮೋಚನೀ ।
ಸಿದ್ಧೇಶ್ವರೀ ಸಿದ್ಧಸೇವ್ಯಾ ಸಿದ್ಧಚಾರಣಸೇವಿತಾ ॥ 132 ॥
ಸಿದ್ಧಿಪ್ರದಾ ಸಿದ್ಧಿಕರೀ ಸರ್ವಸಿದ್ಧಗಣೇಶ್ವರೀ ।
ಅಷ್ಟಸಿದ್ಧಿಪ್ರದಾ ಸಿದ್ಧಗಣಸೇವ್ಯಪದಾಮ್ಬುಜಾ ॥ 133 ॥
ಕಾತ್ಯಾಯನೀ ಸ್ವಧಾ ಸ್ವಾಹಾ ವಷಡ್ ವೌಷಟ್ಸ್ವರೂಪಿಣೀ ।
ಪಿತೃಣಾಂ ತೃಪ್ತಿಜನನೀ ಕವ್ಯರುಪಾ ಸುರೇಶ್ವರೀ ॥ 134 ॥
ಹವ್ಯಭೋಕ್ತ್ರೀ ಹವ್ಯತುಷ್ಟಾ ಪಿತೃರೂಪಾಽಸಿತಪ್ರಿಯಾ ।
ಕೃಷ್ಪಪಕ್ಷಪ್ರಪೂಜ್ಯಾ ಚ ಪ್ರೇತಪಕ್ಷಸಮರ್ಚಿತಾ ॥ 135 ॥
ಅಷ್ಟಹಸ್ತಾ ದಶಭುಜಾ ಚಾಷ್ಟಾದಶಭುಜಾನ್ವಿತಾ ।
ಚತುರ್ದಶಭುಜಾಽಸಂಖ್ಯಭುಜವಲ್ಲೀವಿರಾಜಿತಾ ॥ 136 ॥
ಸಿಂಹಪೃಷ್ಠಸಮಾರೂಢಾ ಸಹಸ್ರಭೂಜರಾಜಿತಾ ।
ಭುವನೇಶೀ ಚಾನ್ನಪೂರ್ಣಾ ಮಹಾತ್ರಿಪುರಸುನ್ದರೀ ॥ 137 ॥
ತ್ರಿಪುರಾ ಸುನ್ದರೀ ಸೌಮ್ಯಮುಖೀ ಸುನ್ದರಲೋಚನಾ ।
ಸುನ್ದರಾಸ್ಯಾ ಶುಭ್ರದಂಷ್ಟ್ರಾ ಸುಭ್ರೂಃ ಪರ್ವತನನ್ದಿನೀ ॥ 138 ॥
ನೀಲೋತ್ಪಲದಲಶ್ಯಾಮಾ ಸ್ಮೇರೋತ್ಫುಲ್ಲಮುಖಾಮ್ಬುಜಾ ।
ಸತ್ಯಸನ್ಧಾ ಪದ್ಮವಕ್ತ್ರಾ ಭ್ರೂಕುಟೀಕುಟಿಲಾನನಾ ॥ 139 ॥
ವಿದ್ಯಾಧರೀ ವರಾರೋಹಾ ಮಹಾಸನ್ಧ್ಯಾಸ್ವರುಪಿಣೀ ।
ಅರುನ್ಧತೀ ಹಿರಣ್ಯಾಕ್ಷೀ ಸುಧೂಮ್ರಾಕ್ಷೀ ಶುಭೇಕ್ಷಣಾ ॥ 140 ॥
ಶ್ರುತಿಃ ಸ್ಮೃತಿಃ ಕೃತಿರ್ಯೋಗಮಾಯಾ ಪುಣ್ಯಾ ಪುರಾತನೀ ।
ವಾಗ್ದೇವತಾ ವೇದವಿದ್ಯಾ ಬ್ರಹ್ಮವಿದ್ಯಾಸ್ವರೂಪಿಣೀ ॥ 141 ॥
ವೇದಶಕ್ತಿರ್ವೇದಮಾತಾ ವೇದಾದ್ಯಾ ಪರಮಾ ಗತಿಃ ।
ಆನ್ವೀಕ್ಷಿಕೀ ತರ್ಕವಿದ್ಯಾ ಯೋಗಶಾಸ್ತ್ರಪ್ರಕಾಶಿನೀ ॥ 142 ॥
ಧೂಮಾವತೀ ವಿಯನ್ಮೂರ್ತಿರ್ವಿದ್ಯುನ್ಮಾಲಾ ವಿಲಾಸಿನೀ ।
ಮಹಾವ್ರತಾ ಸದಾನನ್ದನನ್ದಿನೀ ನಗನನ್ದಿನೀ ॥ 143 ॥
ಸುನನ್ದಾ ಯಮುನಾ ಚಂಡೀ ರುದ್ರಚಂಡೀ ಪ್ರಭಾವತೀ ।
ಪಾರಿಜಾತವನಾವಾಸಾ ಪಾರಿಜಾತವನಪ್ರಿಯಾ ॥ 144 ॥
ಸುಪುಷ್ಪಗನ್ಧಸನ್ತುಷ್ಟಾ ದಿವ್ಯಪುಷ್ಪೋಪಶೋಭಿತಾ ।
ಪುಷ್ಪಕಾನನಸದ್ವಾಸಾ ಪುಷ್ಪಮಾಲಾವಿಲಾಸಿನೀ ॥ 145 ॥
ಪುಷ್ಪಮಾಲ್ಯಧರಾ ಪುಷ್ಪಗುಚ್ಛಾಲಂಕೃತದೇಹಿಕಾ ।
ಪ್ರತಪ್ತಕಾಂಚನಾಭಾಸಾ ಶುದ್ಧಕಾಂಚನಮಂಡಿತಾ ॥ 146 ॥
ಸುವರ್ಣಕುಂಡಲವತೀ ಸ್ವರ್ಣಪುಷ್ಪಪ್ರಿಯಾ ಸದಾ ।
ನರ್ಮದಾ ಸಿನ್ಧುನಿಲಯಾ ಸಮುದ್ರತನಯಾ ತಥಾ ॥ 147 ॥
ಷೋಡಶೀ ಷೋಡಶಭುಜಾ ಮಹಾಭುಜಂಗಮಂಡಿತಾ ।
ಪಾತಾಲವಾಸಿನೀ ನಾಗೀ ನಾಗೇನ್ದ್ರಕೃತಭೂಷಣಾ ॥ 148 ॥
ನಾಗಿನೀ ನಾಗಕನ್ಯಾ ಚ ನಾಗಮಾತಾ ನಗಾಲಯಾ ।
ದುರ್ಗಾಽಽಪತ್ತಾರಿಣೀ ದುರ್ಗದುಷ್ಟಗ್ರಹನಿವಾರಿಣೀ ॥ 149 ॥
ಅಭಯಾಽಽಪನ್ನಿಹನ್ತ್ರೀ ಚ ಸರ್ವಾಪತ್ಪರಿನಾಶಿನೀ ।
ಬ್ರಹ್ಮಣ್ಯಾ ಶ್ರುತಿಶಾಸ್ತ್ರಜ್ಞಾ ಜಗತಾಂ ಕಾರಣಾತ್ಮಿಕಾ ॥ 150 ॥
ನಿಷ್ಕಾರಣಾ ಜನ್ಮಹೀನಾ ಮೃತ್ಯುಂಜಯಮನೋರಮಾ ।
ಮೃತ್ಯುಂಜಯಹೃದಾವಾಸಾ ಮೂಲಾಧಾರನಿವಾಸಿನೀ । 151 ॥
ಷಟ್ಚಕ್ರಸಂಸ್ಥಾ ಮಹತೀ ಮಹೋತ್ಸವವಿಲಾಸಿನೀ ।
ರೋಹಿಣೀ ಸುನ್ದರಮುಖೀ ಸರ್ವವಿದ್ಯಾವಿಶಾರದಾ ॥ 152 ॥
ಸದಸದ್ವಸ್ತುರೂಪಾ ಚ ನಿಷ್ಕಾಮಾ ಕಾಮಪೀಡಿತಾ ।
ಕಾಮಾತುರಾ ಕಾಮಮತ್ತಾ ಕಾಮಮಾನಸಸತ್ತನುಃ ॥ 153 ॥
ಕಾಮರೂಪಾ ಚ ಕಾಲಿನ್ದೀ ಕಚಾಲಮ್ಬಿತವಿಗ್ರಹಾ ।
ಅತಸೀಕುಸುಮಾಭಾಸಾ ಸಿಂಹಪೃಷ್ಠನಿಷೇದುಷೀ ॥ 154 ॥
ಯುವತೀ ಯೌವನೋದ್ರಿಕ್ತಾ ಯೌವನೋದ್ರಿಕ್ತಮಾನಸಾ ।
ಅದಿತಿರ್ದೇವಜನನೀ ತ್ರಿದಶಾರ್ತಿವಿನಾಶಿನೀ ॥ 155 ॥
ದಕ್ಷಿಣಾಽಪೂರ್ವವಸನಾ ಪೂರ್ವಕಾಲವಿವರ್ಜಿತಾ ।
ಅಶೋಕಾ ಶೋಕರಹಿತಾ ಸರ್ವಶೋಕನಿವಾರಿಣೀ ॥ 156 ॥
ಅಶೋಕಕುಸುಮಾಭಾಸಾ ಶೋಕದುಃಖಕ್ಷಯಂಕರೀ ।
ಸರ್ವಯೋಷಿತ್ಸ್ವರೂಪಾ ಚ ಸರ್ವಪ್ರಾಣಿಮನೋರಮಾ ॥ 157 ॥
ಮಹಾಶ್ಚರ್ಯಾ ಮದಾಶ್ಚರ್ಯಾ ಮಹಾಮೋಹಸ್ವರೂಪಿಣೀ ।
ಮಹಾಮೋಕ್ಷಕರೀ ಮೋಹಕಾರಿಣೀ ಮೋಹದಾಯಿನೀ ॥ 158 ॥
ಅಶೋಚ್ಯಾ ಪೂರ್ಣಕಾಮಾ ಚ ಪೂರ್ಣಾ ಪೂರ್ಣಮನೋರಥಾ ।
ಪೂರ್ಣಾಭಿಲಷಿತಾ ಪೂರ್ಣನಿಶಾನಾಥಸಮಾನನಾ ॥ 159 ॥
ದ್ವಾದಶಾರ್ಕಸ್ವರೂಪಾ ಚ ಸಹಸ್ರಾರ್ಕಸಮಪ್ರಭಾ ।
ತೇಜಸ್ವಿನೀ ಸಿದ್ಧಮಾತಾ ಚನ್ದ್ರಾ ನಯನರಕ್ಷಣಾ ॥ 160 ॥
ಅಪರಾಽಪಾರಮಾಹಾತ್ಮ್ಯಾ ನಿತ್ಯವಿಜ್ಞಾನಶಾಲಿನೀ ।
ವಿವಸ್ವತೀ ಹವ್ಯವಾಹಾ ಜಾತವೇದಃಸ್ವರೂಪಿಣೀ ॥ 161 ॥
ಸ್ವೈರಿಣೀ ಸ್ವೇಚ್ಛವಿಹರಾ ನಿರ್ಬೀಜಾ ಬೀಜರೂಪಿಣೀ ।
ಅನನ್ತವರ್ಣಾಽನನ್ತಾಖ್ಯಾಽನನ್ತಸಂಸ್ಥಾ ಮಹೋದರೀ ॥ 162 ॥
ದುಷ್ಟಭೂತಾಪಹನ್ತ್ರೀ ಚ ಸದ್ಧೃತ್ತಪರಿಪಾಲಿಕಾ ।
ಕಪಾಲಿನೀ ಪಾನಮತ್ತಾ ಮತ್ತವಾರಣಗಾಮಿನೀ ॥ 163 ॥
ವಿನ್ಧ್ಯಸ್ಥಾ ವಿನ್ಧ್ಯನಿಲಯಾ ವಿನ್ಧ್ಯಪರ್ವತವಾಸಿನೀ ।
ಬನ್ಧುಪ್ರಿಯಾ ಜಗದ್ವನ್ಧುಃ ಪವಿತ್ರಾ ಸಪವಿತ್ರಿಣೀ ॥ 164 ॥
ಪರಾಮೃತಾಽಮೃತಕಲಾ ಚಾಪಮೃತ್ಯುವಿನಾಶಿನೀ ।
ಮಹಾರಜತಸಂಕಾಶಾ ರಜತಾದ್ರಿನಿವಾಸಿನೀ ॥ 165 ॥
ಕಾಶೀವಿಲಾಸಿನೀ ಕಾಶೀಕ್ಷೇತ್ರರಕ್ಷಣತತ್ಪರಾ ।
ಯೋನಿರೂಪಾ ಯೋನಿಪೀಠಸ್ಥಿತಾ ಯೋನಿಸ್ವರೂಪಿಣೀ ॥ 166 ॥
ಕಾಮೋಲ್ಲಸಿತಚಾರ್ವಂಗೀ ಕಟಾಕ್ಷಕ್ಷೇಪಮೋಹಿನೀ ।
ಕಟಾಕ್ಷಕ್ಷೇಪನಿರತಾ ಕಲ್ಪವೃಕ್ಷಸ್ವರೂಪಿಣೀ ॥ 167 ॥
ಪಾಶಾಂಕುಶಧರಾ ಶಕ್ತಿರ್ಧಾರಿಣೀ ಖೇಟಕಾಯುಧಾ ।
ಬಾಣಾಯುಧಾಽಮೋಘಶಸ್ತ್ರಾ ದಿವ್ಯಶಸ್ತ್ರಾಽಸ್ರವರ್ಷಿಣೀ ॥ 168 ॥
ಮಹಾಸ್ತ್ರಜಾಲವಿಕ್ಷೇಪವಿಪಕ್ಷಕ್ಷಯಕಾರಿಣೀ ।
ಘಂಟಿನೀ ಪಾಶಿನೀ ಪಾಶಹಸ್ತಾ ಪಾಶಾಂಕುಶಾಯುಧಾ ॥ 169 ॥
ಚಿತ್ರಸಿಂಹಾಸನಗತಾ ಮಹಾಸಿಂಹಾಸನಸ್ಥಿತಾ ।
ಮನ್ತ್ರಾತ್ಮಿಕಾ ಮನ್ತ್ರಬೀಜಾ ಮನ್ತ್ರಾಧಿಷ್ಠಾತೃದೇವತಾ ॥ 170 ॥
ಸುರೂಪಾಽನೇಕರೂಪಾ ಚ ವಿರೂಪಾ ಬಹುರೂಪಿಣೀ ।
ವಿರೂಪಾಕ್ಷಪ್ರಿಯತಮಾ ವಿರೂಪಾಕ್ಷಮನೋರಮಾ ॥ 171 ॥
ವಿರೂಪಾಕ್ಷಾ ಕೋಟರಾಕ್ಷೀ ಕೂಟಸ್ಥಾ ಕೂಟರೂಪಿಣೀ ।
ಕರಾಲಾಸ್ಯಾ ವಿಶಾಲಾಸ್ಯಾ ಧರ್ಮಶಾಸ್ರಾರ್ಥಪಾರಾಗಾ ॥ 172 ॥
ಮೂಲಕ್ರಿಯಾ ಮೂಲರೂಪಾ ಮೂಲಪ್ರಕೃತಿರೂಪಿಣೀ ।
ಕಾಮಾಕ್ಷೀ ಕಮನೀಯಾ ಚ ಕಾಮೇಶೀ ಭಗಮಂಗಲಾ ॥ 173 ॥
ಸೂಭಗಾ ಭೋಗಿನೀ ಭೋಗ್ಯಾ ಭಾಗ್ಯದಾ ಸುಭಗಾ ಭಗಾ ।
ಶ್ವೇತಾಽರುಣಾ ಬಿನ್ದುರೂಪಾ ವೇದಯೋನಿರ್ಧ್ವನಿಕ್ಷಣಾ ॥ 174 ॥
ಅಧ್ಯಾತ್ಮವಿದ್ಯಾ ಶಾಸ್ತ್ರಾರ್ಥಕುಶಲಾ ಶೈಲನನ್ದಿನೀ ।
ನಗಾಧಿರಾಜಪುತ್ರೀ ಚ ನಗಪುತ್ರೀ ನಗೋದ್ಭವಾ ॥ 175 ॥
ಗಿರೀನ್ದ್ರಬಾಲಾ ಗಿರಿಶಪ್ರಾಣತುಲ್ಯಾ ಮನೋರಮಾ ।
ಪ್ರಸನ್ನಾ ಚಾರುವದನಾ ಪ್ರಸನ್ನಾಸ್ಯಾ ಪ್ರಸನ್ನದಾ ॥ 176 ॥
ಶಿವಪ್ರಾಣಾ ಪತಿಪ್ರಾಣಾ ಪತಿಸಮ್ಮೋಹಕಾರಿಣೀ ।
ಮೃಗಾಕ್ಷೀ ಚಂಚಲಾಪಾಂಗೀ ಸುದೃಷ್ಟಿರ್ಹಂಸಗಾಮಿನೀ ॥ 177 ॥
ನಿತ್ಯಂ ಕುತೂಹಲಪರಾ ನಿತ್ಯಾನನ್ದಾಽಭಿನನ್ದಿತಾ ।
ಸತ್ಯವಿಜ್ಞಾನರೂಪಾ ಚ ತತ್ತ್ವಜ್ಞಾನೈಕಕಾರಿಣೀ ॥ 178 ॥
ತ್ರೈಲೋಕ್ಯಸಾಕ್ಷಿಣೀ ಲೋಕಧರ್ಮಾಧರ್ಮಪ್ರದರ್ಶಿನೀ ।
ಧರ್ಮಾಽಧರ್ಮವಿಧಾತ್ರೀ ಚ ಶಮ್ಭುಪ್ರಾಣಾತ್ಮಿಕಾ ಪರಾ ॥ 179 ॥
ಮೇನಕಾಗರ್ಭಸಮ್ಭೂತಾ ಮೈನಾಕಭಗಿನೀ ತಥಾ ।
ಶ್ರೀಕಂಠಾ ಕಂಠಹಾರಾ ಚ ಶ್ರೀಕಂಠಹೃದಯಸ್ಥಿತಾ ॥ 180 ॥
ಶ್ರೀಕಂಠಕಂಠಜಪ್ಯಾ ಚ ನೀಲಕಂಠಮನೋರಮಾ ।
ಕಾಲಕೂಟಾತ್ಮಿಕಾ ಕಾಲಕೂಟಭಕ್ಷಣಕಾರಿಣೀ ॥ 181 ॥
ವರ್ಣಮಾಲಾ ಸಿದ್ಧಿಕಲಾ ಷಟ್ಚಕ್ರಕ್ರಮವಾಸಿನೀ ।
ಮೂಲಕೇಲೀರತಾ ಸ್ವಾಧಿಷ್ಠಾನಾ ತುರ್ಯನಿವಾಸಿನೀ ॥ 182 ॥
ಮಣಿಪೂರಸ್ಥಿತಿಃ ಸ್ನಿಗ್ಧಾ ಕುರ್ಮಚಕ್ರಪರಾಯಣಾ ।
ಅನಾಹತಗತಿರ್ದೀಪಶಿಖಾ ಮಣಿಮಯಾಕೃತಿಃ ॥ 183 ॥
ವಿಶುದ್ಧಿಚಕ್ರಸಂಸ್ಥಾನಾ ಚಾಜ್ಞಾಚಕ್ರಾಬ್ಜಮಧ್ಯಗಾ ।
ಮಹಾಕಾಲಪ್ರಿಯಾ ಕಾಲಕಲನೈಕವಿಧಾಯಿನೀ ।
ಅಕ್ಷೋಭ್ಯಪತ್ನೀ ಸಂಕ್ಷೋಭನಾಶಿನೀ ತೇ ನಮೋ ನಮಃ ॥ 184 ॥
ಶ್ರೀಮಹಾದೇವ ಉವಾಚ –
ಏವಂ ನಾಮಸಹಸ್ರೇಣ ಸಂಸ್ತುತಾ ಪರ್ವತಾತ್ಮಜಾ ।
ವಾಕ್ಯಮೇತನ್ಮಹೇಶಾನಮುವಾಚ ಮುನಿಸತ್ತಮ್ ॥ 185 ॥
ಶ್ರೀದೇವ್ಯುವಾಚ –
ಅಹಂ ತ್ವದರ್ಥೇ ಶೈಲೇನ್ದ್ರತನಯಾತ್ವಮುಪಾಗತಾ ।
ತ್ವಂ ಮೇ ಪ್ರಾಣಸಮೋ ಭರ್ತಾ ತ್ವದನನ್ಯಾಽಹಮಂಗನಾ ॥ 186 ॥
ತ್ವಂ ಮದರ್ಥೇ ತಪಸ್ತೀವ್ರಂ ಸುಚಿರಂ ಕೃತವಾನಸಿ ।
ಅಹಂ ಚ ತಪಸಾರಾಧ್ಯಾ ತ್ವಾಂ ಲಪ್ಸ್ಯಾಮಿ ಪುನಃ ಪತಿಮ್ ॥ 187 ॥
ಶ್ರೀಮಹಾದೇವ ಉವಾಚ –
ತ್ವಮಾರಾಧ್ಯತಮಾ ಸರ್ವಜನನೀ ಪ್ರಕೃತಿಃ ಪರಾ ।
ತವಾರಾಧ್ಯೋ ಜಗತ್ಯತ್ರ ವಿದ್ಯತೇ ನೈವ ಕೋಽಪಿ ಹಿ ॥ 188 ॥
ಅಹಂ ತ್ವಯಾ ನಿಜಗುಣೈರನುಗ್ರಾಹ್ಯೋ ಮಹೇಶ್ವರಿ ।
ಪ್ರಾರ್ಥನೀಯಸ್ತ್ವಯಿ ಶಿವೇ ಏಷ ಏವ ವರೋ ಮಮ ॥ 189 ॥
ಯತ್ರ ಯತ್ರ ತವೇದಂ ಹಿ ಕಾಲೀರೂಪಂ ಮನೋಹರಮ್ ।
ಆವಿರ್ಭವತಿ ತತ್ರೈವ ಶಿವರೂಪಸ್ಯ ಮೇ ಹೃದಿ ॥ 190 ॥
ಸಂಸ್ಥಾತವ್ಯಂ ತ್ವಯಾ ಲೋಕೇ ಖ್ಯಾತಾ ಚ ಶವವಾಹನಾ ।
ಭವಿಷ್ಯಸಿ ಮಹಾಕಾಲೀ ಪ್ರಸೀದ ಜಗದಮ್ಬಿಕೇ ॥ 191 ॥
ಶ್ರೀಮಹಾದೇವ ಉವಾಚ –
ಇತ್ಯುಕ್ತ್ತ್ವಾ ಶಮ್ಭುನಾ ಕಾಲೀ ಕಾಲಮೇಧಸಮಪ್ರಭಾ ।
ತಥೇತ್ಯುಕ್ತ್ತ್ವಾ ಸಮಭವತ್ಪುನರ್ಗೌರೀ ಯಥಾ ಪುರಾ ॥ 192 ॥
ಯ ಇದಂ ಪಠತೇ ದೇವ್ಯಾ ನಾಮ್ನಾಂ ಭಕ್ತ್ಯಾ ಸಹಸ್ರಕಮ್ ।
ಸ್ತೋತ್ರಂ ಶ್ರೀಶಮ್ಭುನಾ ಪ್ರೋಕ್ತಂ ಸ ದೇವ್ಯಾಃ ಸಮತಾಮಿಯಾತ್ ॥ 193 ॥
ಅಭ್ಯರ್ಚ್ಯ ಗನ್ಧಪುಷ್ಪೈಶ್ಚ ಧೂಪದೀಪೈರ್ಮೇಹಶ್ವರೀಮ್ ।
ಯಃ ಪಠೇತ್ಸ್ತೋತ್ರಾಮೇತಚ್ಚ ಸ ಲಭೇತ್ಪರಮಂ ಪದಮ್ ॥ 194 ॥
ಅನನ್ಯಮನಸಾ ದೇವೀಂ ಸ್ತೋತ್ರೇಣಾನೇನ ಯೋ ನರಃ ।
ಸಂಸ್ತೌತಿ ಪ್ರತ್ಯಹಂ ತಸ್ಯ ಸರ್ವಸಿದ್ಧಿಃ ಪ್ರಜಾಯತೇ ॥ 195 ॥
ರಾಜಾನೋ ವಶಗಾಸ್ತಸ್ಯ ನಶ್ಯನ್ತಿ ರಿಪವಸ್ತಥಾ ।
ಸಿಂಹವ್ಯಾಘ್ರಮುಖಾಃ ಸರ್ವೇ ಹಿಂಸಕಾ ದಸ್ಯವಸ್ತಥಾ ॥ 196 ॥
ದೂರಾದೇವ ಪಲಾಯನ್ತೇ ತಸ್ಯ ದರ್ಶನಮಾತ್ರತಃ ।
ಅವ್ಯಾಹತಾಜ್ಞಃ ಸರ್ವತ್ರ ಲಭತೇ ಮಂಗಲಂ ಮಹತ್ ।
ಅನ್ತೇ ದುರ್ಗಾಸ್ಮೃತಿಂ ಲಬ್ಧ್ವಾ ಸ್ವಯಂ ದೇವೀಕಲಾಮಿಯಾತ್ ॥ 197 ॥
॥ ಇತಿ ಶ್ರೀಮಹಾಭಾಗವತೇ ಉಪಪುರಾಣೇ ಶ್ರೀಶಿವಕೃತಂ
ಶ್ರೀಲಲಿತಾಸಹಸ್ರನಾಮಸ್ತೋತ್ರಂ ನಾಮ ತ್ರಯೋವಿಂಶತಿತಮೋಽಧ್ಯಾಯಃ ಸಮ್ಪೂರ್ಣಃ ॥
– Chant Stotra in Other Languages –
1000 Names of of Lalita » Lalitha Sahasranama Lyrics in Sanskrit » English » Bengali » Gujarati » Malayalam » Odia » Telugu » Tamil