॥ Naradapurana’s Lalita Sahasranama Stotram Kannada Lyrics ॥
॥ ಶ್ರೀಲಲಿತಾಸಹಸ್ರನಾಮಸ್ತೋತ್ರಮ್ ನಾರದಪುರಾಣಾನ್ತರ್ಗತಮ್ ॥
॥ ನಾರದಪುರಾಣಾನ್ತರ್ಗತೇ ಸಕವಚ ಶ್ರೀಲಲಿತಾಸಹಸ್ರನಾಮಸ್ತೋತ್ರಮ್ ॥
ಸನತ್ಕುಮಾರ ಉವಾಚ-
ಅಥಾ ಸಾಮಾವೃತಿಸ್ಥಾನಾಂ ಶಕ್ತೀನಾಂ ಸಮಯೇನ ಚ ।
or together ?? ಅಥಾಸಾಮಾವೃತಿಸ್ಥಾನಾಂ as ಅಥ ಅಸಾಂ ಆವೃತ್ತಿಸ್ಥಾನಾಂ ಶಕ್ತೀನಾಂ
ನಾಮ್ನಾಂ ಸಹಸ್ರಂ ವಕ್ಷ್ಯಾಮಿ ಗುರುಧ್ಯಾನಪುರಃಸರಮ್ ॥ 1 ॥
ನಾಥಾ ನವ ಪ್ರಕಾಶಾದ್ಯಾಃ ಸುಭಗಾನ್ತಾಃ ಪ್ರಕೀರ್ತಿತಾಃ ।
ಭೂಮ್ಯಾದೀನಿ ಶಿವಾನ್ತಾನಿ ವಿದ್ಧಿ ತತ್ತ್ವಾನಿ ನಾರದ ॥ 2 ॥
ಗುರುಜನ್ಮಾದಿಪರ್ವಾಣಿ ದರ್ಶಾನ್ತಾನಿ ಚ ಸಪ್ತ ವೈ ।
ಏತಾನಿ ಪ್ರಾಙ್ಮನೋವೃತ್ತ್ಯಾ ಚಿನ್ತಯೇತ್ಸಾಧಕೋತ್ತಮಃ ॥ 3 ॥
ಗುರುಸ್ತೋತ್ರಂ ಜಪೇಚ್ಚಾಪಿ ತದ್ಗತೇನಾನ್ತರಾತ್ಮನಾ ।
ನಮಸ್ತೇ ನಾಥ ಭಗವಞ್ಶಿವಾಯ ಗುರುರೂಪಿಣೇ ॥ 4 ॥
ವಿದ್ಯಾವತಾರಸಂಸಿದ್ಧ್ಯೈ ಸ್ವೀಕೃತಾನೇಕವಿಗ್ರಹ ।
ನವಾಯ ನವರೂಪಾಯ ಪರಮಾರ್ಥೈಕರೂಪಿಣೇ ॥ 5 ॥
ಸರ್ವಾಜ್ಞಾನತಮೋಭೇದಭಾನವೇ ಚಿದ್ಘನಾಯ ತೇ ।
ಸ್ವತನ್ತ್ರಾಯ ದಯಾಕೢಪ್ತವಿಗ್ರಹಾಯ ಶಿವಾತ್ಮನೇ ॥ 6 ॥
ಪರತನ್ತ್ರಾಯ ಭಕ್ತಾನಾಂ ಭವ್ಯಾನಾಂ ಭವ್ಯರೂಪಿಣೇ ।
ವಿವೇಕಿನಾಂ ವಿವೇಕಾಯ ವಿಮರ್ಶಾಯ ವಿಮರ್ಶಿನಾಮ್ ॥ 7 ॥
ಪ್ರಕಾಶಾನಾಂ ಪ್ರಕಾಶಾಯ ಜ್ಞಾನಿನಾಂ ಜ್ಞಾನರೂಪಿಣೇ ।
ಪುರಸ್ತಾತ್ಪಾರ್ಶ್ವಯೋಃ ಪೃಷ್ಠೇ ನಮಃ ಕುರ್ಯಾಮುಪರ್ಯಧಃ ॥ 8 ॥
ಸದಾ ಮಚ್ಚಿತ್ತಸದನೇ ವಿಧೇಹಿ ಭವದಾಸನಮ್ ।
ಇತಿ ಸ್ತುತ್ವಾ ಗುರುಂ ಭಕ್ತ್ಯಾ ಪರಾಂ ದೇವೀಂ ವಿಚಿನ್ತಯೇತ್ ॥ 9 ॥
ಗಣೇಶಗ್ರಹನಕ್ಷತ್ರಯೋಗಿನೀರಾಶಿರೂಪಿಣೀಮ್ ।
ದೇವೀಂ ಮನ್ತ್ರಮಯೀಂ ನೌಮಿ ಮಾತೃಕಾಪೀಠರೂಪಿಣೀಮ್ ॥ 10 ॥
ಪ್ರಣಮಾಮಿ ಮಹಾದೇವೀಂ ಮಾತೃಕಾಂ ಪರಮೇಶ್ವರೀಮ್ ।
ಕಾಲಹೃಲ್ಲೋಹಲೋಲ್ಲೋಹಕಲಾನಾಶನಕಾರಿಣೀಮ್ ॥ 11 ॥
ಯದಕ್ಷರೈಕಮಾತ್ರೇಽಪಿ ಸಂಸಿದ್ಧೇ ಸ್ಪರ್ದ್ಧತೇ ನರಃ ।
ರವಿತಾಕ್ಷ್ಯೇನ್ದುಕನ್ದರ್ಪೈಃ ಶಂಕರಾನಲವಿಷ್ಣುಭಿಃ ॥ 12 ॥
ಯದಕ್ಷರಶಶಿಜ್ಯೋತ್ಸ್ನಾಮಂಡಿತಂ ಭುವನತ್ರಯಮ್ ।
ವನ್ದೇ ಸರ್ವೇಶ್ವರೀಂ ದೇವೀಂ ಮಹಾಶ್ರೀಸಿದ್ಧಮಾತೃಕಾಮ್ ॥ 13 ॥
ಯದಕ್ಷರಮಹಾಸೂತ್ರಪ್ರೋತಮೇತಜ್ಜಗತ್ತ್ರಯಮ್ ।
ಬ್ರಹ್ಮಾಂಡಾದಿಕಟಾಹಾನ್ತಂ ತಾಂ ವನ್ದೇ ಸಿದ್ಧಮಾತೃಕಾಮ್ ॥ 14 ॥
ಯದೇಕಾದಶಮಾಧಾರಂ ಬೀಜಂ ಕೋಣತ್ರಯೋದ್ಭವಮ್ ।
ಬ್ರಹ್ಮಾಂಡಾದಿಕಟಾಹಾನ್ತಂ ಜಗದದ್ಯಾಪಿ ದೃಶ್ಯತೇ ॥ 15 ॥
ಅಕಚಾದಿಟತೋನ್ನದ್ಧಪಯಶಾಕ್ಷರವರ್ಗಿಣೀಮ್ ।
ಜ್ಯೇಷ್ಠಾಂಗಬಾಹುಹೃತ್ಕಂಠಕಟಿಪಾದನಿವಾಸಿನೀಮ್ ॥ 16 ॥
ನೌಮೀಕಾರಾಕ್ಷರೋದ್ಧಾರಾಂ ಸಾರಾತ್ಸಾರಾಂ ಪರಾತ್ಪರಾಮ್ ।
ಪ್ರಣಮಾಮಿ ಮಹಾದೇವೀಂ ಪರಮಾನನ್ದರೂಪಿಣೀಮ್ ॥ 17 ॥
ಅಥಾಪಿ ಯಸ್ಯಾ ಜಾನನ್ತಿ ನ ಮನಾಗಪಿ ದೇವತಾಃ ।
ಕೇಯಂ ಕಸ್ಮಾತ್ಕ್ವ ಕೇನೇತಿ ಸರೂಪಾರೂಪಭಾವನಾಮ್ ॥ 18 ॥
ವನ್ದೇ ತಾಮಹಮಕ್ಷಯ್ಯಾಂ ಕ್ಷಕಾರಾಕ್ಷರರೂಪಿಣೀಮ್ ।
ದೇವೀಂ ಕುಲಕಲೋಲ್ಲೋಲಪ್ರೋಲ್ಲಸನ್ತೀಂ ಶಿವಾಂ ಪರಾಮ್ ॥ 19 ॥
ವರ್ಗಾನುಕ್ರಮಯೋಗೇನ ಯಸ್ಯಾಖ್ಯೋಮಾಷ್ಟಕಂ ಸ್ಥಿತಮ್ ।
ವನ್ದೇ ತಾಮಷ್ಟವರ್ಗೋತ್ಥಮಹಾಸಿದ್ಧ್ಯಾದಿಕೇಶ್ವರೀಮ್ ॥ 20 ॥
ಕಾಮಪೂರ್ಣಜಕಾರಾಖ್ಯಸುಪೀಠಾನ್ತರ್ನ್ನಿವಾಸಿನೀಮ್ ।
ಚತುರಾಜ್ಞಾಕೋಶಭೂತಾಂ ನೌಮಿ ಶ್ರೀತ್ರಿಪುರಾಮಹಮ್ ॥ 21 ॥
ಏತತ್ಸ್ತೋತ್ರಂ ತು ನಿತ್ಯಾನಾಂ ಯಃ ಪಠೇತ್ಸುಸಮಾಹಿತಃ ।
ಪೂಜಾದೌ ತಸ್ಯ ಸರ್ವಾಸ್ತಾ ವರದಾಃ ಸ್ಯುರ್ನ ಸಂಶಯಃ ॥ 22 ॥
ಅಥ ತೇ ಕವಚಂ ದೇವ್ಯಾ ವಕ್ಷ್ಯೇ ನವರತಾತ್ಮಕಮ್ ।
ಯೇನ ದೇವಾಸುರನರಜಯೀ ಸ್ಯಾತ್ಸಾಧಕಃ ಸದಾ ॥ 23 ॥
ಸರ್ವತಃ ಸರ್ವದಾಽಽತ್ಮಾನಂ ಲಲಿತಾ ಪಾತು ಸರ್ವಗಾ ।
ಕಾಮೇಶೀ ಪುರತಃ ಪಾತು ಭಗಮಾಲೀ ತ್ವನನ್ತರಮ್ ॥ 24 ॥
ದಿಶಂ ಪಾತು ತಥಾ ದಕ್ಷಪಾರ್ಶ್ವಂ ಮೇ ಪಾತು ಸರ್ವದಾ ।
ನಿತ್ಯಕ್ಲಿನ್ನಾಥ ಭೇರುಂಡಾ ದಿಶಂ ಮೇ ಪಾತು ಕೌಣಪೀಮ್ ॥ 25 ॥
ತಥೈವ ಪಶ್ಚಿಮಂ ಭಾಗಂ ರಕ್ಷತಾದ್ವಹ್ನಿವಾಸಿನೀ ।
ಮಹಾವಜ್ರೇಶ್ವರೀ ನಿತ್ಯಾ ವಾಯವ್ಯೇ ಮಾಂ ಸದಾವತು ॥ 26 ॥
ವಾಮಪಾರ್ಶ್ವಂ ಸದಾ ಪಾತು ಇತೀಮೇಲರಿತಾ ತತಃ ।
ಮಾಹೇಶ್ವರೀ ದಿಶಂ ಪಾತು ತ್ವರಿತಂ ಸಿದ್ಧದಾಯಿನೀ ॥ 27 ॥
ಪಾತು ಮಾಮೂರ್ಧ್ವತಃ ಶಶ್ವದ್ದೇವತಾ ಕುಲಸುನ್ದರೀ ।
ಅಧೋ ನೀಲಪತಾಕಾಖ್ಯಾ ವಿಜಯಾ ಸರ್ವತಶ್ಚ ಮಾಮ್ ॥ 28 ॥
ಕರೋತು ಮೇ ಮಂಗಲಾನಿ ಸರ್ವದಾ ಸರ್ವಮಂಗಲಾ ।
ದೇಹೇನ್ದ್ರಿಯಮನಃಪ್ರಾಣಾಂಜ್ವಾಲಾಮಾಲಿನಿವಿಗ್ರಹಾ ॥ 29 ॥
ಪಾಲಯತ್ವನಿಶಂ ಚಿತ್ತಾ ಚಿತ್ತಂ ಮೇ ಸರ್ವದಾವತು ।
ಕಾಮಾತ್ಕ್ರೋಧಾತ್ತಥಾ ಲೋಭಾನ್ಮೋಹಾನ್ಮಾನಾನ್ಮದಾದಪಿ ॥ 30 ॥
ಪಾಪಾನ್ಮಾಂ ಸರ್ವತಃ ಶೋಕಾತ್ಸಂಕ್ಷಯಾತ್ಸರ್ವತಃ ಸದಾ ।
ಅಸತ್ಯಾತ್ಕ್ರೂರಚಿನ್ತಾತೋ ಹಿಂಸಾತಶ್ಚೌರತಸ್ತಥಾ ।
ಸ್ತೈಮಿತ್ಯಾಚ್ಚ ಸದಾ ಪಾನ್ತು ಪ್ರೇರಯನ್ತ್ಯಃ ಶುಭಂ ಪ್ರತಿ ॥ 31 ॥
ನಿತ್ಯಾಃ ಷೋಡಶ ಮಾಂ ಪಾನ್ತು ಗಜಾರೂಢಾಃ ಸ್ವಶಕ್ತಿಭಿಃ ।
ತಥಾ ಹಯಸಮಾರೂಢಾಃ ಪಾನ್ತು ಮಾಂ ಸರ್ವತಃ ಸದಾ ॥ 32 ॥
ಸಿಂಹಾರೂಢಾಸ್ತಥಾ ಪಾನ್ತು ಪಾನ್ತು ಋಕ್ಷಗತಾ ಅಪಿ ।
ರಥಾರೂಢಾಶ್ಚ ಮಾಂ ಪಾನ್ತು ಸರ್ವತಃ ಸರ್ವದಾ ರಣೇ ॥ 33 ॥
ತಾರ್ಕ್ಷ್ಯಾರೂಢಾಶ್ಚ ಮಾಂ ಪಾನ್ತು ತಥಾ ವ್ಯೋಮಗತಾಶ್ಚ ತಾಃ ।
ಭೂತಗಾಃ ಸರ್ವಗಾಃ ಪಾನ್ತು ಪಾನ್ತು ದೇವ್ಯಶ್ಚ ಸರ್ವದಾ ॥ 34 ॥
ಭೂತಪ್ರೇತಪಿಶಾಚಾಶ್ಚ ಪರಕೃತ್ಯಾದಿಕಾನ್ ಗದಾನ್ ।
ದ್ರಾವಯನ್ತು ಸ್ವಶಕ್ತೀನಾಂ ಭೂಷಣೈರಾಯುಧೈರ್ಮಮ ॥ 35 ॥
ಗಜಾಶ್ವದ್ವೀಪಿಪಂಚಾಸ್ಯತಾರ್ಕ್ಷ್ಯಾರೂಢಾಖಿಲಾಯುಧಾಃ ।
ಅಸಂಖ್ಯಾಃ ಶಕ್ತಯೋ ದೇವ್ಯಃ ಪಾನ್ತು ಮಾಂ ಸರ್ವತಃ ಸದಾ ॥ 36 ॥
ಸಾಯಂ ಪ್ರಾತರ್ಜಪನ್ನಿತ್ಯಾಕವಚಂ ಸರ್ವರಕ್ಷಕಮ್ ।
ಕದಾಚಿನ್ನಾಶುಭಂ ಪಶ್ಯೇತ್ಸರ್ವದಾನನ್ದಮಾಸ್ಥಿತಃ ॥ 37 ॥
ಇತ್ಯೇತತ್ಕವಚಂ ಪ್ರೋಕ್ತಂ ಲಲಿತಾಯಾಃ ಶುಭಾವಹಮ್ ।
ಯಸ್ಯ ಸನ್ಧಾರಣಾನ್ಮರ್ತ್ಯೋ ನಿರ್ಭಯೋ ವಿಜಯೀ ಸುಖೀ ॥ 38 ॥
ಅಥ ನಾಮ್ನಾಂ ಸಹಸ್ರಂ ತೇ ವಕ್ಷ್ಯೇ ಸಾವರಣಾರ್ಚನಮ್ ।
ಷೋಡಶಾನಾಮಪಿ ಮುನೇ ಸ್ವಸ್ವಕ್ರಮಗತಾತ್ಮಕಮ್ ॥ 39 ॥
ಲಲಿತಾ ಚಾಪಿ ವಾ ಕಾಮೇಶ್ವರೀ ಚ ಭಗಮಾಲಿನೀ ।
ನಿತ್ಯಕ್ಲಿನ್ನಾ ಚ ಭೇರುಂಡಾ ಕೀರ್ತಿತಾ ವಹ್ನಿವಾಸಿನೀ ॥ 40 ॥
ವಜ್ರೇಶ್ವರೀ ತಥಾ ದೂತೀ ತ್ವರಿತಾ ಕುಲಸುನ್ದರೀ ।
ನಿತ್ಯಾ ಸಂವಿತ್ತಥಾ ನೀಲಪತಾಕಾ ವಿಜಯಾಹ್ವಯಾ ॥ 41 ॥
ಸರ್ವಮಂಗಲಿಕಾ ಚಾಪಿ ಜ್ವಾಲಾಮಾಲಿನಿಸಂಜ್ಞಿತಾ ।
ಚಿತ್ರಾ ಚೇತಿ ಕ್ರಮಾನ್ನಿತ್ಯಾಃ ಷೋಡಶಾಪೀಷ್ಟವಿಗ್ರಹಾಃ ॥ 42 ॥
ಕುರುಕುಲ್ಲಾ ಚ ವಾರಾಹೀ ದ್ವೇ ಏತೇ ಚೇಷ್ಟವಿಗ್ರಹೇ ।
ವಶಿನೀ ಚಾಪಿ ಕಾಮೇಶೀ ಮೋಹಿನೀ ವಿಮಲಾರುಣಾ ॥ 43 ॥
ತಪಿನೀ ಚ ತಥಾ ಸರ್ವೇಶ್ವರೀಚಾಪ್ಯಥ ಕೌಲಿನೀ ।
ಮುದ್ರಾಣನ್ತನುರಿಷ್ವರ್ಣರೂಪಾ ಚಾಪಾರ್ಣವಿಗ್ರಹಾ ॥ 44 ॥
ಪಾಶವರ್ಣಶರೀರಾ ಚಾಕುರ್ವರ್ಣಸುವಪುರ್ದ್ಧರಾ ।
ತ್ರಿಖಂಡಾ ಸ್ಥಾಪನೀ ಸನ್ನಿರೋಧನೀ ಚಾವಗುಂಠನೀ ॥ 45 ॥
ಸನ್ನಿಧಾನೇಷು ಚಾಪಾಖ್ಯಾ ತಥಾ ಪಾಶಾಂಕುಶಾಭಿಧಾ ।
ನಮಸ್ಕೃತಿಸ್ತಥಾ ಸಂಕ್ಷೋಭಣೀ ವಿದ್ರಾವಣೀ ತಥಾ ॥ 46 ॥
ಆಕರ್ಷಣೀ ಚ ವಿಖ್ಯಾತಾ ತಥೈವಾವೇಶಕಾರಿಣೀ ।
ಉನ್ಮಾದಿನೀ ಮಹಾಪೂರ್ವಾ ಕುಶಾಥೋ ಖೇಚರೀ ಮತಾ ॥ 47 ॥
ಬೀಜಾ ಶಕ್ತ್ಯುತ್ಥಾಪನಾ ಚ ಸ್ಥೂಲಸೂಕ್ಷ್ಮಪರಾಭಿಧಾ ।
ಅಣಿಮಾ ಲಘಿಮಾ ಚೈವ ಮಹಿಮಾ ಗರಿಮಾ ತಥಾ ॥ 48 ॥
ಪ್ರಾಪ್ತಿಃ ಪ್ರಕಾಮಿತಾ ಚಾಪಿ ಚೇಶಿತಾ ವಶಿತಾ ತಥಾ ।
ಭುಕ್ತಿಃ ಸಿದ್ಧಿಸ್ತಥೈವೇಚ್ಛಾ ಸಿದ್ಧಿರೂಪಾ ಚ ಕೀರ್ತಿತಾ ॥ 49 ॥
ಬ್ರಾಹ್ಮೀ ಮಾಹೇಶ್ವರೀ ಚೈವ ಕೌಮಾರೀ ವೈಷ್ಣವೀ ತಥಾ ।
ವಾರಾಹೀನ್ದ್ರಾಣೀ ಚಾಮುಂಡಾ ಮಹಾಲಕ್ಷ್ಮೀಸ್ವರೂಪಿಣೀ ॥ 50 ॥
ಕಾಮಾ ಬುದ್ಧಿರಹಂಕಾರಶಬ್ದಸ್ಪರ್ಶಸ್ವರೂಪಿಣೀ ।
ರೂಪರೂಪಾ ರಸಾಹ್ವಾ ಚ ಗನ್ಧವಿತ್ತಧೃತಿಸ್ತಥಾ ॥ 51 ॥
ನಾಭಬೀಜಾಮೃತಾಖ್ಯಾ ಚ ಸ್ಮೃತಿದೇಹಾತ್ಮರೂಪಿಣೀ ।
ಕುಸುಮಾ ಮೇಖಲಾ ಚಾಪಿ ಮದನಾ ಮದನಾತುರಾ ॥ 52 ॥
ರೇಖಾ ಸಂವೇಗಿನೀ ಚೈವ ಹ್ಯಂಕುಶಾ ಮಾಲಿನೀತಿ ಚ ।
ಸಂಕ್ಷೋಭಿಣೀ ತಥಾ ವಿದ್ರಾವಿಣ್ಯಾಕರ್ಷಣರೂಪಿಣೀ ॥ 53 ॥
ಆಹ್ಲಾದಿನೀತಿ ಚ ಪ್ರೋಕ್ತಾ ತಥಾ ಸಮ್ಮೋಹಿನೀತಿ ಚ ।
ಸ್ತಮ್ಭಿನೀ ಜಮ್ಭಿನೀ ಚೈವ ವಶಂಕರ್ಯಥ ರಂಜಿನೀ ॥ 54 ॥
ಉನ್ಮಾದಿನೀ ತಥೈವಾರ್ಥಸಾಧಿನೀತಿ ಪ್ರಕೀರ್ತಿತಾ ।
ಸಮ್ಪತ್ತಿಪೂರ್ಣಾ ಸಾ ಮನ್ತ್ರಮಯೀ ದ್ವನ್ದ್ವಕ್ಷಯಂಕರೀ ॥ 55 ॥
ಸಿದ್ಧಿಃ ಸಮ್ಪತ್ಪ್ರದಾ ಚೈವ ಪ್ರಿಯಮಂಗಲಕಾರಿಣೀ ।
ಕಾಮಪ್ರದಾ ನಿಗದಿತಾ ತಥಾ ದುಃಖವಿಮೋಚಿನೀ ॥ 56 ॥
ಮೃತ್ಯುಪ್ರಶಮನೀ ಚೈವ ತಥಾ ವಿಘ್ನನಿವಾರಿಣೀ ।
ಅಂಗಸುನ್ದರಿಕಾ ಚೈವ ತಥಾ ಸೌಭಾಗ್ಯದಾಯಿನೀ ॥ 57 ॥
ಜ್ಞಾನೈಶ್ವರ್ಯಪ್ರದಾ ಜ್ಞಾನಮಯೀ ಚೈವ ಚ ಪಂಚಮೀ ।
ವಿನ್ಧ್ಯವಾಸನಕಾ ಘೋರಸ್ವರೂಪಾ ಪಾಪಹಾರಿಣೀ ॥ 58 ॥
ತಥಾನನ್ದಮಯೀ ರಕ್ಷಾರೂಪೇಪ್ಸಿತಫಲಪ್ರದಾ ।
ಜಯಿನೀ ವಿಮಲಾ ಚಾಥ ಕಾಮೇಶೀ ವಜ್ರಿಣೀ ಭಗಾ ॥ 59 ॥
ತ್ರೈಲೋಕ್ಯಮೋಹನಾ ಸ್ಥಾನಾ ಸರ್ವಾಶಾಪರಿಪೂರಣೀ ।
ಸರ್ವಸಂಕ್ಷೋಭಣಗತಾ ಸೌಭಾಗ್ಯಪ್ರದಸಂಸ್ಥಿತಾ ॥ 60 ॥
ಸವಾರ್ಥಸಾಧಕಾಗಾರಾ ಸರ್ವರೋಗಹರಾಸ್ಥಿತಾ ।
ಸರ್ವರಕ್ಷಾಕರಾಸ್ಥಾನಾ ಸರ್ವಸಿದ್ಧಿಪ್ರದಸ್ಥಿತಾ ॥ 61 ॥
ಸರ್ವಾನನ್ದಮಯಾಧಾರಬಿನ್ದುಸ್ಥಾನಶಿವಾತ್ಮಿಕಾ ।
ಪ್ರಕೃಷ್ಟಾ ಚ ತಥಾ ಗುಪ್ತಾ ಜ್ಞೇಯಾ ಗುಪ್ತತರಾಪಿ ಚ ॥ 62 ॥
ಸಮ್ಪ್ರದಾಯಸ್ವರೂಪಾ ಚ ಕುಲಕೌಲನಿಗರ್ಭಗಾ ।
ರಹಸ್ಯಾಪರಾಪರಪ್ರಾಕೃತ್ತಥೈವಾತಿರಹಸ್ಯಕಾ ॥ 63 ॥
ತ್ರಿಪುರಾ ತ್ರಿಪುರೇಶೀ ಚ ತಥೈವ ಪುರವಾಸಿನೀ ।
ಶ್ರೀಮಾಲಿನೀ ಚ ಸಿದ್ಧಾನ್ತಾ ಮಹಾತ್ರಿಪುರಸುನ್ದರೀ ॥ 64 ॥
ನವರತ್ನಮಯದ್ವೀಪನವಖಂಡವಿರಾಜಿತಾ ।
ಕಲ್ಪಕೋದ್ಯಾನಸಂಸ್ಥಾ ಚ ಋತುರೂಪೇನ್ದ್ರಿಯಾರ್ಚಕಾ ॥ 65 ॥
ಕಾಲಮುದ್ರಾ ಮಾತೃಕಾಖ್ಯಾ ರತ್ನದೇಶೋಪದೇಶಿಕಾ ।
ತತ್ತ್ವಾಗ್ರಹಾಭಿಧಾ ಮೂರ್ತಿಸ್ತಥೈವ ವಿಷಯದ್ವಿಪಾ ॥ 66 ॥
ದೇಶಕಾಲಾಕಾರಶಬ್ದರೂಪಾ ಸಂಗೀತಯೋಗಿನೀ ।
ಸಮಸ್ತಗುಪ್ತಪ್ರಕಟಸಿದ್ಧಯೋಗಿನಿಚಕ್ರಯುಕ್ ॥ 67 ॥
ವಹ್ನಿಸೂರ್ಯೇನ್ದುಭೂತಾಹ್ವಾ ತಥಾತ್ಮಾಷ್ಟಾಕ್ಷರಾಹ್ವಯಾ ।
ಪಂಚಧಾರ್ಚಾಸ್ವರೂಪಾ ಚ ನಾನಾವ್ರತಸಮಾಹ್ವಯಾ ॥ 68 ॥
ನಿಷಿದ್ಧಾಚಾರರಹಿತಾ ಸಿದ್ಧಚಿಹ್ನಸ್ವರೂಪಿಣೀ ।
ಚತುರ್ದ್ಧಾ ಕೂರ್ಮಭಾಗಸ್ಥಾ ನಿತ್ಯಾದ್ಯರ್ಚಾಸ್ವರೂಪಿಣೀ ॥ 69 ॥
ದಮನಾದಿಸಮಭ್ಯರ್ಚಾ ಷಟ್ಕರ್ಮಸಿದ್ಧಿದಾಯಿನೀ ।
ತಿಥಿವಾರಪೃಥಗ್ದ್ರವ್ಯಸಮರ್ಚನಶುಭಾವಹಾ ॥ 70 ॥
ವಾಯೋಶ್ಯನಂಗಕುಸುಮಾ ತಥೈವಾನಂಗಮೇಖಲಾ ।
ಅನಂಗಮದನಾನಂಗಮದನಾತುರಸಾಹ್ವಯಾ ॥ 71 ॥
ಮದದೇಗಿನಿಕಾ ಚೈವ ತಥಾ ಭುವನಪಾಲಿನೀ ।
ಶಶಿಲೇಖಾ ಸಮುದ್ದಿಷ್ಟಾ ಗತಿಲೇಖಾಹ್ವಯಾ ಮತಾ ॥ 72 ॥
ಶ್ರದ್ಧಾ ಪ್ರೀತೀ ರತಿಶ್ಚೈವ ಧೃತಿಃ ಕಾನ್ತಿರ್ಮನೋರಮಾ ।
ಮನೋಹರಾ ಸಮಾಖ್ಯಾತಾ ತಥೈವ ಹಿ ಮನೋರಥಾ ॥ 73 ॥
ಮದನೋನ್ಮಾದಿನೀ ಚೈವ ಮೋದಿನೀ ಶಂಖಿನೀ ತಥಾ ।
ಶೋಷಿಣೀ ಚೈವ ಶಂಕಾರೀ ಸಿಂಜಿನೀ ಸುಭಗಾ ತಥಾ ॥ 74 ॥
ಪೂಷಾಚೇದ್ವಾಸುಮನಸಾ ರತಿಃ ಪ್ರೀತಿರ್ಧೃತಿಸ್ತಥಾ ।
ಋದ್ಧಿಃ ಸೌಮ್ಯಾ ಮರೀಚಿಶ್ಚ ತಥೈವ ಹ್ಯಂಶುಮಾಲಿನೀ ॥ 75 ॥
ಶಶಿನೀ ಚಾಂಗಿರಾ ಛಾಯಾ ತಥಾ ಸಮ್ಪೂರ್ಣಮಂಡಲಾ ।
ತುಷ್ಟಿಸ್ತಥಾಮೃತಾಖ್ಯಾ ಚ ಡಾಕಿನೀ ಸಾಥ ಲೋಕಪಾ ॥ 76 ॥
ಬಟುಕೇಭಾಸ್ವರೂಪಾ ಚ ದುರ್ಗಾ ಕ್ಷೇತ್ರೇಶರೂಪಿಣೀ ।
ಕಾಮರಾಜಸ್ವರೂಪಾ ಚ ತಥಾ ಮನ್ಮಥರೂಪಿಣೀ ॥ 77 ॥
ಕನ್ದರ್ಪ್ಪರೂಪಿಣೀ ಚೈವ ತಥಾ ಮಕರಕೇತನಾ ।
ಮನೋಭವಸ್ವರೂಪಾ ಚ ಭಾರತೀ ವರ್ಣರೂಪಿಣೀ ॥ 78 ॥
ಮದನಾ ಮೋಹಿನೀ ಲೀಲಾ ಜಮ್ಭಿನೀ ಚೋದ್ಯಮಾ ಶುಭಾ ।
ಹ್ಲಾದಿನೀ ದ್ರಾವಿಣೀ ಪ್ರೀತೀ ರತೀ ರಕ್ತಾ ಮನೋರಮಾ ॥ 79 ॥
ಸರ್ವೋನ್ಮಾದಾ ಸರ್ವಮುಖಾ ಹ್ಯಭಂಗಾ ಚಾಮಿತೋದ್ಯಮಾ ।
ಅನಲ್ಪಾವ್ಯಕ್ತವಿಭವಾ ವಿವಿಧಾಕ್ಷೋಭವಿಗ್ರಹಾ ॥ 80 ॥
ರಾಗಶಕ್ತಿರ್ದ್ವೇಷಶಕ್ತಿಸ್ತಥಾ ಶಬ್ದಾದಿರೂಪಿಣೀ ।
ನಿತ್ಯಾ ನಿರಂಜನಾ ಕ್ಲಿನ್ನಾ ಕ್ಲೇದಿನೀ ಮದನಾತುರಾ ॥ 81 ॥
ಮದದ್ರವಾ ದ್ರಾವಿಣೀ ಚ ದ್ರವಿಣೀ ಚೇತಿ ಕೀರ್ತಿತಾ ।
ಮದಾವಿಲಾ ಮಂಗಲಾ ಚ ಮನ್ಮಥಾನೀ ಮನಸ್ವಿನೀ ॥ 82 ॥
ಮೋಹಾ ಮೋದಾ ಮಾನಮಯೀ ಮಾಯಾ ಮನ್ದಾ ಮಿತಾವತೀ ।
ವಿಜಯಾ ವಿಮಲಾ ಚೈವ ಶುಭಾ ವಿಶ್ವಾ ತಥೈವ ಚ ॥ 83 ॥
ವಿಭೂತಿರ್ವಿನತಾ ಚೈವ ವಿವಿಧಾ ವಿನತಾ ಕ್ರಮಾತ್ ।
ಕಮಲಾ ಕಾಮಿನೀ ಚೈವ ಕಿರಾತಾ ಕೀರ್ತಿರೂಪಿಣೀ ॥ 84 ॥
ಕುಟ್ಟಿನೀ ಚ ಸಮುದ್ದಿಷ್ಟಾ ತಥೈವ ಕುಲಸುನ್ದರೀ ।
ಕಲ್ಯಾಣೀ ಕಾಲಕೋಲಾ ಚ ಡಾಕಿನೀ ಶಾಕಿನೀ ತಥಾ ॥ 85 ॥
ಲಾಕಿನೀ ಕಾಕಿನೀ ಚೈವ ರಾಕಿನೀ ಕಾಕಿನೀ ತಥಾ ।
ಇಚ್ಛಾಜ್ಞಾನಾ ಕ್ರಿಯಾಖ್ಯಾ ಚಾಪ್ಯಾಯುಧಾಷ್ಟಕಧಾರಿಣೀ ॥ 86 ॥
ಕಪರ್ದಿನೀ ಸಮುದ್ದಿಷ್ಟಾ ತಥೈವ ಕುಲಸುನ್ದರೀ ।
ಜ್ವಾಲಿನೀ ವಿಸ್ಫುಲಿಂಗಾ ಚ ಮಂಗಲಾ ಸುಮನೋಹರಾ ॥ 87 ॥
ಕನಕಾ ಕಿನವಾ ವಿದ್ಯಾ ವಿವಿಧಾ ಚ ಪ್ರಕೀರ್ತಿತಾ ।
ಮೇಷಾ ವೃಷಾಹ್ವಯಾ ಚೈವ ಮಿಥುನಾ ಕರ್ಕಟಾ ತಥಾ ॥ 88 ॥
ಸಿಂಹಾ ಕನ್ಯಾ ತುಲಾ ಕೀಟಾ ಚಾಪಾ ಚ ಮಕರಾ ತಥಾ ।
ಕುಮ್ಭಾ ಮೀನಾ ಚ ಸಾರಾ ಚ ಸರ್ವಭಕ್ಷಾ ತಥೈವ ಚ ॥ 89 ॥
ವಿಶ್ವಾತ್ಮಾ ವಿವಿಧೋದ್ಭೂತಚಿತ್ರರೂಪಾ ಚ ಕೀರ್ತಿತಾ ।
ನಿಃಸಪತ್ನಾ ನಿರಾತಂಕಾ ಯಾಚನಾಚಿನ್ತ್ಯವೈಭವಾ ॥ 90 ॥
ರಕ್ತಾ ಚೈವ ತತಃ ಪ್ರೋಕ್ತಾ ವಿದ್ಯಾಪ್ರಾಪ್ತಿಸ್ವರೂಪಿಣೀ ।
ಹೃಲ್ಲೇಖಾ ಕ್ಲೇದಿನೀ ಕ್ಲಿನ್ನಾ ಕ್ಷೋಭಿಣೀ ಮದನಾತುರಾ ॥ 91 ॥
ನಿರಂಜನಾ ರಾಗವತೀ ತಥೈವ ಮದನಾವತೀ ।
ಮೇಖಲಾ ದ್ರಾವಿಣೀ ವೇಗವತೀ ಚೈವ ಪ್ರಕೀರ್ತಿತಾ ॥ 92 ॥
ಕಮಲಾ ಕಾಮಿನೀ ಕಲ್ಪಾ ಕಲಾ ಚ ಕಲಿತಾದ್ಭುತಾ ।
ಕಿರಾತಾ ಚ ತಥಾ ಕಾಲಾ ಕದನಾ ಕೌಶಿಕಾ ತಥಾ ॥ 93 ॥
ಕಮ್ಬುವಾದನಿಕಾ ಚೈವ ಕಾತರಾ ಕಪಟಾ ತಥಾ ।
ಕೀರ್ತಿಶ್ಚಾಪಿ ಕುಮಾರೀ ಚ ಕುಂಕುಮಾ ಪರಿಕೀರ್ತಿತಾ ॥ 94 ॥
ಭಂಜಿನೀ ವೇಗಿನೀ ನಾಗಾ ಚಪಲಾ ಪೇಶಲಾ ಸತೀ ।
ರತಿಃ ಶ್ರದ್ಧಾ ಭೋಗಲೋಲಾ ಮದೋನ್ಮತ್ತಾ ಮನಸ್ವಿನೀ ॥ 95 ॥
ವಿಹ್ವಲಾ ಕರ್ಷಿಣೀ ಲೋಲಾ ತಥಾ ಮದನಮಾಲಿನೀ ।
ವಿನೋದಾ ಕೌತುಕಾ ಪುಣ್ಯಾ ಪುರಾಣಾ ಪರಿಕೀರ್ತಿತಾ ॥ 96 ॥
ವಾಗೀಶೀ ವರದಾ ವಿಶ್ವಾ ವಿಭವಾ ವಿಘ್ನಕಾರಿಣೀ ।
ಬೀಜವಿಘ್ನಹರಾ ವಿದ್ಯಾ ಸುಮುಖೀ ಸುನ್ದರೀ ತಥಾ ॥ 97 ॥
ಸಾರಾ ಚ ಸುಮನಾ ಚೈವ ತಥಾ ಪ್ರೋಕ್ತಾ ಸರಸ್ವತೀ ।
ಸಮಯಾ ಸರ್ವಗಾ ವಿದ್ಧಾ ಶಿವಾ ವಾಣೀ ಚ ಕೀರ್ತಿತಾ ॥ 98 ॥
ದೂರಸಿದ್ಧಾ ತಥಾ ಪ್ರೋಕ್ತಾಥೋ ವಿಗ್ರಹವತೀ ಮತಾ ।
ನಾದಾ ಮನೋನ್ಮನೀ ಪ್ರಾಣಪ್ರತಿಷ್ಠಾರುಣವೈಭವಾ ॥ 99 ॥
ಪ್ರಾಣಾಪಾನಾ ಸಮಾನಾ ಚ ವ್ಯಾನೋದಾನಾ ಚ ಕೀರ್ತಿತಾ ।
ನಾಗಾ ಕೂರ್ಮಾ ಚ ಕೃಕಲಾ ದೇವದತ್ತಾ ಧನಂಜಯಾ ॥ 100 ॥
ಫಟ್ಕಾರೀ ಕಿಂಕರಾರಾಧ್ಯಾ ಜಯಾ ಚ ವಿಜಯಾ ತಥಾ ।
ಹುಂಕಾರೀ ಖೇಚರೀ ಚಂಡಂ ಛೇದಿನೀ ಕ್ಷಪಿಣೀ ತಥಾ ॥ 101 ॥
ಸ್ತ್ರೀಹುಂಕಾರೀ ಕ್ಷೇಮಕಾರೀ ಚತುರಕ್ಷರರೂಪಿಣೀ ।
ಶ್ರೀವಿದ್ಯಾಮತವರ್ಣಾಂಗೀ ಕಾಲೀ ಯಾಮ್ಯಾ ನೃಪಾರ್ಣಕಾ ॥ 102 ॥
ಭಾಷಾ ಸರಸ್ವತೀ ವಾಣೀ ಸಂಸ್ಕೃತಾ ಪ್ರಾಕೃತಾ ಪರಾ ।
ಬಹುರೂಪಾ ಚಿತ್ತರೂಪಾ ರಮ್ಯಾನನ್ದಾ ಚ ಕೌತುಕಾ ॥ 103 ॥
ತ್ರಯಾಖ್ಯಾ ಪರಮಾತ್ಮಾಖ್ಯಾಪ್ಯಮೇಯವಿಭವಾ ತಥಾ ।
ವಾಕ್ಸ್ವರೂಪಾ ಬಿನ್ದುಸರ್ಗರೂಪಾ ವಿಶ್ವಾತ್ಮಿಕಾ ತಥಾ ॥ 104 ॥
ತಥಾ ತ್ರೈಪುರಕನ್ದಾಖ್ಯಾ ಜ್ಞಾತ್ರಾದಿತ್ರಿವಿಧಾತ್ಮಿಕಾ ।
ಆಯುರ್ಲಕ್ಷ್ಮೀಕೀರ್ತಿಭೋಗಸೌನ್ದರ್ಯಾರೋಗ್ಯದಾಯಿಕಾ ॥ 105 ॥
ಐಹಿಕಾಮುಷ್ಮಿಕಜ್ಞಾನಮಯೀ ಚ ಪರಿಕೀರ್ತಿತಾ ।
ಜೀವಾಖ್ಯಾ ವಿಜಯಾಖ್ಯಾ ಚ ತಥೈವ ವಿಶ್ವವಿನ್ಮಯೀ ॥ 106 ॥
ಹೃದಾದಿವಿದ್ಯಾ ರೂಪಾದಿಭಾನುರೂಪಾ ಜಗದ್ವಪುಃ ।
ವಿಶ್ವಮೋಹನಿಕಾ ಚೈವ ತ್ರಿಪುರಾಮೃತಸಂಜ್ಞಿಕಾ ॥ 107 ॥
ಸರ್ವಾಪ್ಯಾಯನರೂಪಾ ಚ ಮೋಹಿನೀ ಕ್ಷೋಭಣೀ ತಥಾ ।
ಕ್ಲೇದಿನೀ ಚ ಸಮಾಖ್ಯಾತಾ ತಥೈವ ಚ ಮಹೋದಯಾ ॥ 108 ॥
ಸಮ್ಪತ್ಕರೀ ಹಲಕ್ಷಾರ್ಣಾ ಸೀಮಾಮಾತೃತನೂ ರತಿಃ ।
ಪ್ರೀತಿರ್ಮನೋಭವಾ ವಾಪಿ ಪ್ರೋಕ್ತಾ ವಾರಾಧಿಪಾ ತಥಾ ॥ 109 ॥
ತ್ರಿಕೂಟಾ ಚಾಪಿ ಷಟ್ಕೂಟಾ ಪಂಚಕೂಟಾ ವಿಶುದ್ಧಗಾ ।
ಅನಾಹತಗತಾ ಚೈವ ಮಣಿಪೂರಕಸಂಸ್ಥಿತಾ ॥ 110 ॥
ಸ್ವಾಧಿಷ್ಠಾನಸಮಾಸೀನಾಧಾರಸ್ಥಾಜ್ಞಾಸಮಾಸ್ಥಿತಾ ।
ಷಟ್ತ್ರಿಂಶತ್ಕೂಟರೂಪಾ ಚ ಪಂಚಾಶನ್ಮಿಥುನಾತ್ಮಿಕಾ ॥ 111 ॥
ಪಾದುಕಾದಿಕಸಿದ್ಧೀಶಾ ತಥಾ ವಿಜಯದಾಯಿನೀ ।
ಕಾಮರೂಪಪ್ರದಾ ವೇತಾಲರೂಪಾ ಚ ಪಿಶಾಚಿಕಾ ॥ 112 ॥
ವಿಚಿತ್ರಾ ವಿಭ್ರಮಾ ಹಂಸೀ ಭೀಷಣೀ ಜನರಂಜಿಕಾ ।
ವಿಶಾಲಾ ಮದನಾ ತುಷ್ಟಾ ಕಾಲಕಂಠೀ ಮಹಾಭಯಾ ॥ 113 ॥
ಮಾಹೇನ್ದ್ರೀ ಶಂಖಿನೀ ಚೈನ್ದ್ರೀ ಮಂಗಲಾ ವಟವಾಸಿನೀ ।
ಮೇಖಲಾ ಸಕಲಾ ಲಕ್ಷ್ಮೀರ್ಮಾಲಿನೀ ವಿಶ್ವನಾಯಿಕಾ ॥ 114 ॥
ಸುಲೋಚನಾ ಸುಶೋಭಾ ಚ ಕಾಮದಾ ಚ ವಿಲಾಸಿನೀ ।
ಕಾಮೇಶ್ವರೀ ನನ್ದಿನೀ ಚ ಸ್ವರ್ಣರೇಖಾ ಮನೋಹರಾ ॥ 115 ॥
ಪ್ರಮೋದಾ ರಾಗಿಣೀ ಸಿದ್ಧಾ ಪದ್ಮಿನೀ ಚ ರತಿಪ್ರಿಯಾ ।
ಕಲ್ಯಾಣದಾ ಕಲಾದಕ್ಷಾ ತತಶ್ಚ ಸುರಸುನ್ದರೀ ॥ 116 ॥
ವಿಭ್ರಮಾ ವಾಹಕಾ ವೀರಾ ವಿಕಲಾ ಕೋರಕಾ ಕವಿಃ ।
ಸಿಂಹನಾದಾ ಮಹಾನಾದಾ ಸುಗ್ರೀವಾ ಮರ್ಕಟಾ ಶಠಾ ॥ 117 ॥
ಬಿಡಾಲಾಕ್ಷಾ ಬಿಡಾಲಾಸ್ಯಾ ಕುಮಾರೀ ಖೇಚರೀ ಭವಾ ।
ಮಯೂರಾ ಮಂಗಲಾ ಭೀಮಾ ದ್ವಿಪವಕ್ತ್ರಾ ಖರಾನನಾ ॥ 118 ॥
ಮಾತಂಗೀ ಚ ನಿಶಾಚಾರಾ ವೃಷಗ್ರಾಹಾ ವೃಕಾನನಾ ।
ಸೈರಿಭಾಸ್ಯಾ ಗಜಮುಖಾ ಪಶುವಕ್ತ್ರಾ ಮೃಗಾನನಾ ॥ 119 ॥
ಕ್ಷೋಭಕಾ ಮಣಿಭದ್ರಾ ಚ ಕ್ರೀಡಕಾ ಸಿಂಹಚಕ್ರಕಾ ।
ಮಹೋದರಾ ಸ್ಥೂಲಶಿಖಾ ವಿಕೃತಾಸ್ಯಾ ವರಾನನಾ ॥ 120 ॥
ಚಪಲಾ ಕುಕ್ಕುಟಾಸ್ಯಾ ಚ ಪಾವಿನೀ ಮದನಾಲಸಾ ।
ಮನೋಹರಾ ದೀರ್ಘಜಂಘಾ ಸ್ಥೂಲದನ್ತಾ ದಶಾನನಾ ॥ 121 ॥
ಸುಮುಖಾ ಪಂಡಿತಾ ಕ್ರುದ್ಧಾ ವರಾಹಾಸ್ಯಾ ಸಟಾಮುಖಾ ।
ಕಪಟಾ ಕೌತುಕಾ ಕಾಲಾ ಕಿಂಕರಾ ಕಿತವಾ ಖಲಾ ॥ 122 ॥
ಭಕ್ಷಕಾ ಭಯದಾ ಸಿದ್ಧಾ ಸರ್ವಗಾ ಚ ಪ್ರಕೀರ್ತಿತಾ ।
ಜಯಾ ಚ ವಿಜಯಾ ದುರ್ಗಾ ಭದ್ರಾ ಭದ್ರಕರೀ ತಥಾ ॥ 123 ॥
ಅಮ್ಬಿಕಾ ವಾಮದೇವೀ ಚ ಮಹಾಮಾಯಾಸ್ವರೂಪಿಣೀ ।
ವಿದಾರಿಕಾ ವಿಶ್ವಮಯೀ ವಿಶ್ವಾ ವಿಶ್ವವಿಭಂಜಿತಾ ॥ 124 ॥
ವೀರಾ ವಿಕ್ಷೋಭಿಣೀ ವಿದ್ಯಾ ವಿನೋದಾ ಬೀಜವಿಗ್ರಹಾ ।
ವೀತಶೋಕಾ ವಿಷಗ್ರೀವಾ ವಿಪುಲಾ ವಿಜಯಪ್ರದಾ ॥ 125 ॥
ವಿಭವಾ ವಿವಿಧಾ ವಿಪ್ರಾ ತಥೈವ ಪರಿಕೀರ್ತಿತಾ ।
ಮನೋಹರಾ ಮಂಗಲಾ ಚ ಮದೋತ್ಸಿಕ್ತಾ ಮನಸ್ವಿನೀ ॥ 126 ॥
ಮಾನಿನೀ ಮಧುರಾ ಮಾಯಾ ಮೋಹಿನೀ ಚ ತಥಾ ಸ್ಮೃತಾ ।
ಭದ್ರಾ ಭವಾನೀ ಭವ್ಯಾ ಚ ವಿಶಾಲಾಕ್ಷೀ ಶುಚಿಸ್ಮಿತಾ ॥ 127 ॥
ಕಕುಭಾ ಕಮಲಾ ಕಲ್ಪಾ ಕಲಾಥೋ ಪೂರಣೀ ತಥಾ ।
ನಿತ್ಯಾ ಚಾಪ್ಯಮೃತಾ ಚೈವ ಜೀವಿತಾ ಚ ತಥಾ ದಯಾ ॥ 128 ॥
ಅಶೋಕಾ ಹ್ಯಮಲಾ ಪೂರ್ಣಾ ಪೂರ್ಣಾ ಭಾಗ್ಯೋದ್ಯತಾ ತಥಾ ।
ವಿವೇಕಾ ವಿಭವಾ ವಿಶ್ವಾ ವಿತತಾ ಚ ಪ್ರಕೀರ್ತಿತಾ ॥ 129 ॥
ಕಾಮಿನೀ ಖೇಚರೀ ಗರ್ವಾ ಪುರಾಣಾ ಪರಮೇಶ್ವರೀ ।
ಗೌರೀ ಶಿವಾ ಹ್ಯಮೇಯಾ ಚ ವಿಮಲಾ ವಿಜಯಾ ಪರಾ ॥ 130 ॥
ಪವಿತ್ರಾ ಪದ್ಮಿನೀ ವಿದ್ಯಾ ವಿಶ್ವೇಶೀ ಶಿವವಲ್ಲಭಾ ।
ಅಶೇಷರೂಪಾ ಹ್ಯಾನನ್ದಾಮ್ಬುಜಾಕ್ಷೀ ಚಾಪ್ಯನಿನ್ದಿತಾ ॥ 131 ॥
ವರದಾ ವಾಕ್ಯದಾ ವಾಣೀ ವಿವಿಧಾ ವೇದವಿಗ್ರಹಾ ।
ವಿದ್ಯಾ ವಾಗೀಶ್ವರೀ ಸತ್ಯಾ ಸಂಯತಾ ಚ ಸರಸ್ವತೀ ॥ 132 ॥
ನಿರ್ಮಲಾನನ್ದರೂಪಾ ಚ ಹ್ಯಮೃತಾ ಮಾನದಾ ತಥಾ ।
ಪೂಷಾ ಚೈವ ತಥಾ ಪುಷ್ಟಿಸ್ತುಷ್ಟಿಶ್ಚಾಪಿ ರತಿರ್ಧೃತಿಃ ॥ 133 ॥
ಶಶಿನೀ ಚನ್ದ್ರಿಕಾ ಕಾನ್ತಿರ್ಜ್ಯೋತ್ಸ್ನಾ ಶ್ರೀಃ ಪ್ರೀತಿರಂಗದಾ ।
ಪೂರ್ಣಾ ಪೂರ್ಣಾಮೃತಾ ಕಾಮದಾಯಿನೀನ್ದುಕಲಾತ್ಮಿಕಾ ॥ 134 ॥
ತಪಿನೀ ತಾಪಿನೀ ಧೂಮ್ರಾ ಮರೀಚಿರ್ಜ್ವಾಲಿನೀ ರುಚಿಃ ।
ಸುಷುಮ್ಣಾ ಭೋಗದಾ ವಿಶ್ವಾ ಬಾಧಿನೀ ಧಾರಿಣೀ ಕ್ಷಮಾ ॥ 135 ॥
ಧೂಮ್ರಾರ್ಚಿರೂಷ್ಮಾ ಜ್ವಲಿನೀ ಜ್ವಾಲಿನೀ ವಿಸ್ಫುಲಿಂಗಿನೀ ।
ಸುಶ್ರೀಃ ಸ್ವರೂಪಾ ಕಪಿಲಾ ಹವ್ಯಕವ್ಯವಹಾ ತಥಾ ॥ 136 ॥
ಘಸ್ಮರಾ ವಿಶ್ವಕವಲಾ ಲೋಲಾಕ್ಷೀ ಲೋಲಜಿಹ್ವಿಕಾ ।
ಸರ್ವಭಕ್ಷಾ ಸಹಸ್ರಾಕ್ಷೀ ನಿಃಸಂಗಾ ಚ ಗತಿಪ್ರಿಯಾ ॥ 137 ॥
ಅಚಿನ್ತ್ಯಾ ಚಾಪ್ರಮೇಯಾ ಚ ಪೂರ್ಣರೂಪಾ ದುರಾಸದಾ ।
ಸರ್ವಾ ಸಂಸಿದ್ಧಿರೂಪಾ ಚ ಪಾವನೀತ್ಯೇಕರೂಪಿಣೀ ॥ 138 ॥
ತಥಾ ಯಾಮಲವೇಧಾಖ್ಯಾ ಶಾಕ್ತೇ ವೇದಸ್ವರೂಪಿಣೀ ।
ತಥಾ ಶಾಮ್ಭವವೇಧಾ ಚ ಭಾವನಾಸಿದ್ಧಿಸೂಚಿನೀ ॥ 139 ॥
ವಹ್ನಿರೂಪಾ ತಥಾ ದಸ್ರಾ ಹ್ಯಮಾವಿಧ್ನಾ ಭುಜಂಗಮಾ ।
ಷಣ್ಮುಖಾ ರವಿರೂಪಾ ಚ ಮಾತಾ ದುರ್ಗಾ ದಿಶಾ ತಥಾ ॥ 140 ॥
ಧನದಾ ಕೇಶವಾ ಚಾಪಿ ಯಮೀ ಚೈವ ಹರಾ ಶಶಾ ।
ಅಶ್ವಿನೀ ಚ ಯಮೀ ವಹ್ನಿರೂಪಾ ಧಾತ್ರೀತಿ ಕೀರ್ತಿತಾ ॥ 141 ॥
ಚನ್ದ್ರಾ ಶಿವಾದಿತಿರ್ಜೀವಾ ಸರ್ಪಿಣೀ ಪಿತೃರೂಪಿಣೀ ।
ಅರ್ಯಮ್ಣಾ ಚ ಭಗಾ ಸೂರ್ಯಾ ತ್ವಾಷ್ಟ್ರಿಮಾರುತಿಸಂಜ್ಞಿಕಾ ॥ 142 ॥
ಇನ್ದ್ರಾಗ್ನಿರೂಪಾ ಮಿತ್ರಾ ಚಾಪೀನ್ದ್ರಾಣೀ ನಿರೃತಿರ್ಜಲಾ ।
ವೈಶ್ವದೇವೀ ಹರಿತಭೂರ್ವಾಸವೀ ವರುಣಾ ಜಯಾ ॥ 143 ॥
ಅಹಿರ್ಬುಧ್ನ್ಯಾ ಪೂಷಣೀ ಚ ತಥಾ ಕಾರಸ್ಕರಾಮಲಾ ।
ಉದುಮ್ಬರಾ ಜಮ್ಬುಕಾ ಚ ಖದಿರಾ ಕೃಷ್ಣರೂಪಿಣೀ ॥ 144 ॥
ವಂಶಾ ಚ ಪಿಪ್ಪಲಾ ನಾಗಾ ರೋಹಿಣಾ ಚ ಪಲಾಶಕಾ ।
ಪಕ್ಷಕಾ ಚ ತಥಾಮ್ಬಷ್ಠಾ ಬಿಲ್ವಾ ಚಾರ್ಜುನರೂಪಿಣೀ ॥ 145 ॥
ವಿಕಂಕತಾ ಚ ಕಕುಭಾ ಸರಲಾ ಚಾಪಿ ಸರ್ಜಿಕಾ ।
ಬಂಜುಲಾ ಪನಸಾರ್ಕಾ ಚ ಶಮೀ ಹಲಿಪ್ರಿಯಾಮ್ರಕಾ ॥ 146 ॥
ನಿಮ್ಬಾ ಮಧೂಕಸಂಜ್ಞಾ ಚಾಪ್ಯಶ್ವತ್ಥಾ ಚ ಗಜಾಹ್ವಯಾ ।
ನಾಗಿನೀ ಸರ್ಪಿಣೀ ಚೈವ ಶುನೀ ಚಾಪಿ ಬಿಡಾಲಿಕೀ ॥ 147 ॥
ಛಾಗೀ ಮಾರ್ಜಾರಿಕಾ ಮೂಷೀ ವೃಷಭಾ ಮಾಹಿಷೀ ತಥಾ ।
ಶಾರ್ದೂಲೀ ಸೈರಿಭೀ ವ್ಯಾಘ್ರೀ ಹರಿಣೀ ಚ ಮೃಗೀ ಶುನೀ ॥ 148 ॥
ಕಪಿರೂಪಾ ಚ ಗೋಘಂಟಾ ವಾನರೀ ಚ ನರಾಶ್ವಿನೀ ।
ನಗಾ ಗೌರ್ಹಸ್ತಿನೀ ಚೇತಿ ತಥಾ ಷಟ್ಚಕ್ರವಾಸಿನೀ ॥ 149 ॥
ತ್ರಿಖಂಡಾ ತೀರಪಾಲಾಖ್ಯಾ ಭ್ರಾಮಣೀ ದ್ರವಿಣೀ ತಥಾ ।
ಸೋಮಾ ಸೂರ್ಯಾ ತಿಥಿರ್ವಾರಾ ಯೋಗಾರ್ಕ್ಷಾ ಕರಣಾತ್ಮಿಕಾ ॥ 150 ॥
ಯಕ್ಷಿಣೀ ತಾರಣಾ ವ್ಯೋಮಶಬ್ದಾದ್ಯಾ ಪ್ರಾಣಿನೀ ಚ ಧೀಃ ।
ಕ್ರೋಧಿನೀ ಸ್ತಮ್ಭಿನೀ ಚಂಡೋಚ್ಚಂಡಾ ಬ್ರಾಹ್ಮ್ಯಾದಿರೂಪಿಣೀ ॥ 151 ॥
ಸಿಂಹಸ್ಥಾ ವ್ಯಾಘ್ರಗಾ ಚೈವ ಗಜಾಶ್ವಗರುಡಸ್ಥಿತಾ ।
ಭೌಮಾಪ್ಯಾ ತೈಜಸೀ ವಾಯುರೂಪಿಣೀ ನಾಭಸಾ ತಥಾ ॥ 152 ॥
ಏಕವಕ್ತ್ರಾ ಚತುರ್ವಕ್ತ್ರಾ ನವವಕ್ತ್ರಾ ಕಲಾನನಾ ।
ಪಂಚವಿಂಶತಿವಕ್ತ್ರಾ ಚ ಷಡ್ವಿಂಶದ್ವದನಾ ತಥಾ ॥ 153 ॥
ಊನಪಂಚಾಶದಾಸ್ಯಾ ಚ ಚತುಃಷಷ್ಟಿಮುಖಾ ತಥಾ ।
ಏಕಾಶೀತಿಮುಖಾ ಚೈವ ಶತಾನನಸಮನ್ವಿತಾ ॥ 154 ॥
ಸ್ಥೂಲರೂಪಾ ಸೂಕ್ಷ್ಮರೂಪಾ ತೇಜೋವಿಗ್ರಹಧಾರಿಣೀ ।
ವೃಣಾವೃತ್ತಿಸ್ವರೂಪಾ ಚ ನಾಥಾವೃತ್ತಿಸ್ವರೂಪಿಣೀ ॥ 155 ॥
ತತ್ತ್ವಾವೃತ್ತಿಸ್ವರೂಪಾಪಿ ನಿತ್ಯಾವೃತ್ತಿವಪುರ್ದ್ಧರಾ ॥ 156 ॥
ಅಂಗಾವೃತ್ತಿಸ್ವರೂಪಾ ಚಾಪ್ಯಾಯುಧಾವೃತ್ತಿರೂಪಿಣೀ ।
ಗುರುಪಂಕ್ತಿಸ್ವರೂಪಾ ಚ ವಿದ್ಯಾವೃತ್ತಿತನುಸ್ತಥಾ ॥ 157 ॥
ಬ್ರಹ್ಮಾದ್ಯಾವೃತ್ತಿರೂಪಾ ಚ ಪರಾ ಪಶ್ಯನ್ತಿಕಾ ತಥಾ ।
ಮಧ್ಯಮಾ ವೈಖರೀ ಶೀರ್ಷಕಂಠತಾಲ್ವೋಷ್ಠದನ್ತಗಾ ॥ 158 ॥
ಜಿಹ್ವಾಮೂಲಗತಾ ನಾಸಾಗತೋರಃಸ್ಥಲಗಾಮಿನೀ ।
ಪದವಾಕ್ಯಸ್ವರೂಪಾ ಚ ವೇದಭಾಷಾಸ್ವರೂಪಿಣೀ ॥ 159 ॥
ಸೇಕಾಖ್ಯಾ ವೀಕ್ಷಣಾಖ್ಯಾ ಚೋಪದೇಶಾಖ್ಯಾ ತಥೈವ ಚ ।
ವ್ಯಾಕುಲಾಕ್ಷರಸಂಕೇತಾ ಗಾಯತ್ರೀ ಪ್ರಣವಾದಿಕಾ ॥ 160 ॥
ಜಪಹೋಮಾರ್ಚನಧ್ಯಾನಯನ್ತ್ರತರ್ಪಣರೂಪಿಣೀ ।
ಸಿದ್ಧಸಾರಸ್ವತಾ ಮೃತ್ಯುಂಜಯಾ ಚ ತ್ರಿಪುರಾ ತಥಾ ॥ 161 ॥
ಗಾರುಡಾ ಚಾನ್ನಪೂರ್ಣಾ ಚಾಪ್ಯಶ್ವಾರೂಢಾ ನವಾತ್ಮಿಕಾ ।
ಗೌರೀ ಚ ದೇವೀ ಹೃದಯಾ ಲಕ್ಷದಾ ಚ ಮತಂಗಿನೀ ॥ 162 ॥
ನಿಷ್ಕತ್ರಯಪದಾ ಚೇಷ್ಟಾವಾದಿನೀ ಚ ಪ್ರಕೀರ್ತಿತಾ ।
ರಾಜಲಕ್ಷ್ಮೀರ್ಮಹಾಲಕ್ಷ್ಮೀಃ ಸಿದ್ಧಲಕ್ಷ್ಮೀರ್ಗವಾನನಾ ॥ 163 ॥
ಇತ್ಯೇವಂ ಲಲಿತಾದೇವ್ಯಾ ದಿವ್ಯಂ ನಾಮಸಹಸ್ರಕಮ್ ।
ಸರ್ವಾರ್ಥಸಿದ್ಧಿದಂ ಪ್ರೋಕ್ತಂ ಚತುರ್ವರ್ಗಫಲಪ್ರದಮ್ ॥ 164 ॥
ಏತನ್ನಿತ್ಯಮುಷಃಕಾಲೇ ಯೋ ಜಪೇಚ್ಛುದ್ಧಮಾನಸಃ ।
ಸ ಯೋಗೀ ಬ್ರಹ್ಮವಿಜ್ಜ್ಞಾನೀ ಶಿವಯೋಗೀ ತಥಾಽಽತ್ಮವಿತ್ ॥ 165 ॥
ದ್ವಿರಾವೃತ್ತ್ಯಾ ಪ್ರಜಪತೋ ಹ್ಯಾಯುರಾರೋಗ್ಯಸಮ್ಪದಃ ।
ಲೋಕಾನುರಂಜನಂ ನಾರೀನೃಪಾವರ್ಜನಕರ್ಮ ಚ ॥ 166 ॥
ಅಪೃಥಕ್ತ್ವೇನ ಸಿದ್ಧ್ಯನ್ತಿ ಸಾಧಕಸ್ಯಾಸ್ಯ ನಿಶ್ಚಿತಮ್ ।
ತ್ರಿರಾವೃತ್ತ್ಯಾಸ್ಯ ವೈ ಪುಂಸೋ ವಿಶ್ವಂ ಭೂಯಾದ್ವಶೇಽಖಿಲಮ್ ॥ 167 ॥
ಚತುರಾವೃತ್ತಿತಶ್ಚಾಸ್ಯ ಸಮೀಹಿತಮನಾರತಮ್ ।
ಫಲತ್ಯೇವ ಪ್ರಯೋಗಾರ್ಹೋ ಲೋಕರಕ್ಷಾಕರೋ ಭವೇತ್ ॥ 168 ॥
ಪಂಚಾವೃತ್ತ್ಯಾ ನರಾ ನಾರ್ಯೋ ನೃಪಾ ದೇವಾಶ್ಚ ಜನ್ತವಃ ।
ಭಜನ್ತ್ಯೇನಂ ಸಾಧಕಂ ಚ ದೇವ್ಯಾಮಾಹಿತಚೇತಸಃ ॥ 169 ॥
ಷಡಾವೃತ್ತ್ಯಾ ತನ್ಮಯಃ ಸ್ಯಾತ್ಸಾಧಕಶ್ಚಾಸ್ಯ ಸಿದ್ಧಯಃ ।
ಅಚಿರೇಣೈವ ದೇವೀನಾಂ ಪ್ರಸಾದಾತ್ಸಮ್ಭವನ್ತಿ ಚ ॥ 170 ॥
ಸಪ್ತಾವೃತ್ತ್ಯಾರಿರೋಗಾದಿಕೃತ್ಯಾಪಸ್ಮಾರನಾಶನಮ್ ।
ಅಷ್ಟಾವೃತ್ತ್ಯಾ ನರೋ ಭೂಪಾನ್ನಿಗ್ರಹಾನುಗ್ರಹಕ್ಷಮಃ ॥ 171 ॥
ನವಾವೃತ್ತ್ಯಾ ಮನ್ಮಥಾಭೋ ವಿಕ್ಷೋಭಯತಿ ಭೂತಲಮ್ ।
ದಶಾವೃತ್ತ್ಯಾ ಪಠೇನ್ನಿತ್ಯಂ ವಾಗ್ಲಕ್ಷ್ಮೀಕಾನ್ತಿಸಿದ್ಧಯೇ ॥ 172 ॥
ರುದ್ರಾ ವೃತ್ತ್ಯಾಖಿಲರ್ದ್ಧಿಶ್ಚ ತದಾಯತ್ತಂ ಜಗದ್ಭವೇತ್ ।
ಅರ್ಕಾವೃತ್ತ್ಯಾ ಸಿದ್ಧಿಭಿಃ ಸ್ಯಾದ್ದಿಗ್ಭಿರ್ಮರ್ತ್ಯೋ ಹರೋಪಮಃ ॥ 173 ॥
ವಿಶ್ವಾವೃತ್ತ್ಯಾ ತು ವಿಜಯೀ ಸರ್ವತಃ ಸ್ಯಾತ್ಸುಖೀ ನರಃ ।
ಶಕ್ರಾವೃತ್ತ್ಯಾಖಿಲೇಷ್ಟಾಪ್ತಿಃ ಸರ್ವತೋ ಮಂಗಲಂ ಭವೇತ್ ॥ 174 ॥
ತಿಥ್ಯಾವೃತ್ತ್ಯಾಖಿಲಾನಿಷ್ಟಾನಯತ್ನಾದಾಪ್ನುಯಾನ್ನರಃ ।
ಷೋಡಶಾವೃತ್ತಿತೋ ಭೂಯಾನ್ನರಃ ಸಾಕ್ಷಾನ್ಮಹೇಶ್ವರಃ ॥ 175 ॥
ವಿಶ್ವಂ ಸ್ರಷ್ಟುಂ ಪಾಲಯಿತುಂ ಸಂಹರ್ತುಂ ಚ ಕ್ಷಮೋ ಭವೇತ್ ।
ಮಂಡಲಂ ಮಾಸಮಾತ್ರಂ ವಾ ಯೋ ಜಪೇದ್ಯದ್ಯದಾಶಯಃ ॥ 176 ॥
ತತ್ತದೇವಾಪ್ನುಯಾತ್ಸತ್ಯಂ ಶಿವಸ್ಯ ವಚನಂ ಯಥಾ ।
ಇತ್ಯೇತತ್ಕಥಿತಂ ವಿಪ್ರ ನಿತ್ಯಾವೃತ್ತ್ಯರ್ಚನಾಶ್ರಿತಮ್ ॥ 177 ॥
ನಾಮ್ನಾಂ ಸಹಸ್ರಂ ಮನಸೋಽಭೀಷ್ಟಸಮ್ಪಾದನಕ್ಷಮಮ್ ॥ 178 ॥
॥ ಇತಿ ಶ್ರೀಬೃಹನ್ನಾರದೀಯಪುರಾಣೇ ಪೂರ್ವಭಾಗೇ ತೃತೀಯಪಾದೇ
ಬೃಹದುಪಾಖ್ಯಾನೇ ಸಕವಚ ಶ್ರೀಲಲಿತಾಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥ 89 ॥
– Chant Stotra in Other Languages –
1000 Names of Sri Lalita » Sahasranama Stotram from Naradapurana Lyrics in Sanskrit » English » Bengali » Gujarati » Malayalam » Odia » Telugu » Tamil