॥ Mahakalasahasranamastotram Telugu Lyrics ॥
॥ శ్రీమహాకాలసహస్రనామస్తోత్రమ్ ॥
శ్రీప్రకృష్టనన్దోక్తాగమే
ఋషిరువాచ –
మహాకాలసహస్రం తు శ్రోతుమిచ్ఛామి సువ్రత! ।
కథయస్వ ప్రసాదేన శిష్యాయ వక్తుమర్హసి ॥ ౧ ॥
సూత ఉవాచ –
సుధామయః సుతః శ్రీమాన్ సుదామా నామ వై ద్విజః ।
తేన గోపీపతిః కృష్ణో విద్యామభ్యసితుఙ్గతః ॥ ౨ ॥
సాన్దీపనాన్తికేఽవన్త్యాం గతౌ తౌ పఠనార్థినౌ ।
చతుఃషష్టిః కలాః సర్వాః కృతా విద్యాశ్చతుర్దశ ॥ ౩ ॥
ఏకదా ప్రాహ కృష్ణం స సుదామా ద్విజసత్తమః ।
సుదామోవాచ –
మహాకాలం ప్రతిబిల్వం కేన మన్త్రేణ వాఽర్పణమ్ ॥ ౪ ॥
కరోమి వద మే కృష్ణ ! కృపయా సాత్త్వతామ్పతే ! ।
శ్రీకృష్ణ ఉవాచ –
శ‍ృణు మిత్ర! మహాప్రాజ్ఞ! కథయామి తవాగ్రతః ॥ ౫ ॥
సహస్రం కాలకాలస్య మహాకాలస్య వై ద్విజ ! ।
సుగోప్యం సర్వదా విప్ర! భక్తాయాభాషితం మయా ॥ ౬ ॥
కురు బిల్వార్పణం తేన యేన త్వం విన్దసే సుఖమ్ ।
సహస్రస్యాస్య ఋష్యోఽహం ఛన్దోఽనుష్టుప్ తథైవ చ ॥ ౭ ॥
దేవః ప్రోక్తో మహాకాలో వినియోగశ్చ సిద్ధయే ।
సఙ్కల్ప్యైవం తతో ధ్యాయేన్మహాకాలవిభుం ముదా ॥ ౮ ॥
వినియోగః ।
ఓం అస్య శ్రీమహాకాలసహస్రనామస్తోత్రమాలామన్త్రస్య శ్రీకృష్ణఋషిః ।
అనుష్టుప్ఛన్దః । శ్రీమహాకాలో దేవతా । ఓం బీజమ్ । నమః శక్తిః ।
మహాకాలాయేతి కీలకమ్ । సర్వార్థసిద్ధ్యర్థే పాఠే వినియోగః ।
ఋష్యాదిన్యాసః ।
ఓం శ్రీకృష్ణర్షయే నమః శిరసి । అనుష్టుప్ఛన్దసే నమః ముఖే ।
మహాకాలదేవతాయై నమః హృదయే । ఓం బీజాయ నమః గుహ్యే ।
నమః శక్తయే నమః పాదయోః । మహాకాలాయేతి కీలకాయ నమః నాభౌ ॥
శ్రీమహాకాలప్రీతర్థే సహస్రనామస్తోత్రపాఠే వినియోగాయ నమః సర్వాఙ్గే ॥
కరన్యాసః ఏవం హృదయాదిన్యాసః ॥
కరన్యాసః ।
ఓం అఙ్గుష్ఠాభ్యాం నమః । మహాకాలాయ తర్జనీభ్యాం నమః ।
నమః మధ్యమాభ్యాం నమః । ఓం అనామికాభ్యాం నమః ।
మహాకాలాయ కనిష్ఠికాభ్యాం నమః ।
నమః కరతలకరపృష్ఠాభ్యాం నమః ॥
అఙ్గన్యాసః ।
ఓం హృదయాయ నమః । మహాకాలాయ శిరసే స్వాహా ।
నమః శిఖాయై వషట్ । ఓం కవచాయ హుమ్ ।
మహాకాలాయ నేత్రత్రయాయ వౌషట్ । నమః అస్త్రాయ ఫట్ ।
వ్యాపకన్యాసః ఓం మహాకాలాయ నమః ॥
అథ ధ్యానం
కుఙ్కుమాగరుకస్తూరీకేశరేణ విచర్చితమ్ ।
నానాపుష్పస్రజాలఙ్కృద్బిల్వమౌలివలాన్వితమ్ ॥ ౯ ॥
పురో నన్దీ స్థితో వామే గిరిరాజకుమారికా ।
బ్రాహ్మణైరావృతం నిత్యం మహాకాలమహం భజే ॥ ౧౦ ॥
॥ ఇతి ధ్యానమ్ ॥
ఓం మహాకాలో మహారూపో మహాదేవో మహేశ్వరః ।
మహాప్రాజ్ఞో మహాశమ్భుర్మహేశో మోహభఞ్జనః ॥ ౧౧ ॥
మాన్యో మన్మథహన్తా చ మోహనో మృత్యునాశనః ।
మాన్యదో మాధవో మోక్షో మోక్షదో మరణాపహా ॥ ౧౨ ॥
ముహూర్తో మునివన్ద్యశ్చ మనురూపో మనుర్మనుః ।
మన్మథారిర్మహాప్రాజ్ఞో మనోనన్దో మమత్వహా ॥ ౧౩ ॥
మునీశో మునికర్తా చ మహత్త్వం మహదాధిపః ।
మైనాకో మైనకావన్ద్యో మధ్వరిప్రాణవల్లభః ॥ ౧౪ ॥
మహాలయేశ్వరో మోక్షో మేఘనాదేశ్వరాభిధః ।
ముక్తీశ్వరో మహాముక్తో మన్త్రజ్ఞో మన్త్రకారకః ॥ ౧౫ ॥
మఙ్గలో మఙ్గలాధీశో మధ్యదేశపతిర్మహాన్ ।
మాగధో మన్మథో మత్తో మాతఙ్గో మాలతీపతిః ॥ ౧౬ ॥
మాథురో మథురానాథో మాలవాధీశమన్యుపః ।
మారుతిర్మీనపో మౌనో మార్కణ్డో మణ్డలో మృడః ॥ ౧౭ ॥
మధుప్రియో మధుస్నాయీ మిష్టభోజీ మృణాలధృక్ ।
మఞ్జులో మల్లమోదజ్ఞో మోదకృన్మోదదాయకః ॥ ౧౮ ॥
ముక్తిదో ముక్తరూపశ్చ ముక్తామాలావిభూషితః ।
మృకణ్డో మోదపో మోదో మోదకాశనకారకః ॥ ౧౯ ॥
యజ్ఞో యజ్ఞపతిర్యజ్ఞో యజ్ఞేశో యజ్ఞనాశనః ।
యజ్ఞతేజా యశో యోగీ యోగీశో యోగదాయకః ॥ ౨౦ ॥
యతిరూపో యాజ్ఞవల్క్యో యజ్ఞకృద్ యజ్ఞలుప్తహా ।
యజ్ఞమృద్ యజ్ఞహా యజ్ఞో యజ్ఞభుగ్ యజ్ఞసాధకః ॥ ౨౧ ॥
యజ్ఞాఙ్గో యజ్ఞహోతా చ యజ్వానో యజనో యతిః ।
యశఃప్రదో యశఃకర్తా యశో యజ్ఞోపవీతధృక్ ॥ ౨౨ ॥
యజ్ఞసేనో యాజ్ఞికశ్చ యశోదావరదాయకః ।
యమేశో యమకర్తా చ యమదూతనివారణః ॥ ౨౩ ॥
యాచకో యమునాక్రీడో యాజ్ఞసేనీహితప్రదః ।
యవప్రియో యవరూపో యవనాన్తో యవీ యవః ॥ ౨౪ ॥
ఋగ్వేదో రోగహన్తా చ రన్తిదేవో రణాగ్రణీః ।
రైవతో రైవతాధీశో రైవతేశ్వరసంజ్ఞకః ॥ ౨౫ ॥
రామేశ్వరో రకారశ్చ రామప్రియో రమాప్రియః ।
రణీ రణహరో రక్షో రక్షకో ఋణహారకః ॥ ౨౬ ॥
రక్షితా రాజరూపో రాట్ రవో రూపో రజఃప్రదః ।
రామచన్ద్రప్రియో రాజా రక్షోఘ్నో రాక్షసాధిపః ॥ ౨౭ ॥
రక్షసాం వరదో రామో రాక్షసాన్తకరో రథీ ।
రథప్రియో రథస్థాయీ రథహా రథహారకః ॥ ౨౮ ॥
రావణప్రియకృద్రావస్వరూపశ్చ ఋతూరజః ॥
రతివరప్రదాతా చ రన్తిదేవవరప్రదః ॥ ౨౯ ॥
రాజధానీప్రదో రేతో రేవాభఞ్జో రవీ రజీ ।
ఋత్విజో రసకర్తా చ రసజ్ఞో రసదాయకః ॥ ౩౦ ॥
రుద్రో రుద్రాక్షధృగ్రౌద్రో రత్నో రత్నైర్విభూషితః ।
రూపేశ్వరో రమాపూజ్యో రురురాజ్యస్థలేశ్వరః ॥ ౩౧ ॥
లక్షో లక్షపతిర్లిఙ్గో లడ్డుకో లడ్డుకప్రియః ।
లీలామ్బరధరో లాభో లాభదో లాభకృత్సదా ॥ ౩౨ ॥
లజ్జారక్షో లఘురూపో లేఖకో లేఖకప్రియః ।
లాఙ్గలో లవణాబ్ధీశో లక్ష్మీపూజితలక్షకః ॥ ౩౩ ॥
లోకపాలేశ్వరో లమ్పో లఙ్కేశో లమ్పకేశ్వరః ।
వహిర్నేత్రో వరాఙ్గశ్చ వసురూపో వసుప్రదః ॥ ౩౪ ॥
వరేణ్యో వరదో వేదో వేదవేదాఙ్గపారగః ।
వృద్ధకాలేశ్వరో వృద్ధో విభవో విభవప్రదః ॥ ౩౫ ॥
వేణుగీతప్రియో వైద్యో వారాణసీస్థితః సదా ।
విశ్వేశో విశ్వకర్తా చ విశ్వనాథో వినాయకః ॥ ౩౬ ॥
వేదజ్ఞో వర్ణకృద్వర్ణో వర్ణాశ్రమఫలప్రదః ।
విశ్వవన్ద్యో విశ్వవేత్తా విశ్వావసుర్విభావసుః ॥ ౩౭ ॥
విత్తరూపో విత్తకర్తా విత్తదో విశ్వభావనః ।
విశ్వాత్మా వైశ్వదేవశ్చ వనేశో వనపాలకః ॥ ౩౮ ॥
వనవాసీ వృషస్థాయీ వృషభో వృషభప్రియః ।
విల్వీదలప్రియో విల్వో విశాలనేత్రసంస్థితః ॥ ౩౯ ॥
వృషధ్వజో వృషాధీశో వృషభేశో వృషప్రియః ।
విల్వేశ్వరో వరో వీరో వీరేశశ్చ వనేశ్వరః ॥ ౪౦ ॥
విభూతిభూషితో వేణ్యో వ్యాలయజ్ఞోపవీతకః ।
విశ్వేశ్వరో వరానన్దో వటరూపో వటేశ్వరః ॥ ౪౧ ॥
సర్వేశః సత్త్వః సారఙ్గో సత్త్వరూపః సనాతనః ।
సద్వన్ద్యః సచ్చిదానన్దః సదానన్దః శివప్రియః ॥ ౪౨ ॥
శివదః శివకృత్సామ్బః శశిశేఖరశోభనః ।
శరణ్యః సుఖదః సేవ్యః శతానన్దవరప్రదః ॥ ౪౩ ॥
సాత్త్వికః సాత్త్వతః శమ్భుః శఙ్కరః సర్వగః శివః ।
సేవాఫలప్రదాతా చ సేవకప్రతిపాలకః ॥ ౪౪ ॥
శత్రుఘ్నః సామగః శౌరిః సేనానీః శర్వరీప్రియః ।
శ్మశానీ స్కన్దసద్వేదః సదా సురసరిత్ప్రియః ॥ ౪౫ ॥
సుదర్శనధరః శుద్ధః సర్వసౌభాగ్యదాయకః ।
సౌభాగ్యః సుభగః సూరః సూర్యః సారఙ్గముక్తిదః ॥ ౪౬ ॥
సప్తస్వరశ్చ సప్తాశ్వః సప్తః సప్తర్షిపూజితః ।
శితికణ్ఠః శివాధీశః సఙ్గమః సఙ్గమేశ్వరః ॥ ౪౭ ॥
సోమేశః సోమతీర్థేశః సర్పధృక్స్వర్ణకారకః ।
స్వర్ణజాలేశ్వరః సిద్ధః సిద్ధేశః సిద్ధిదాయకః ॥ ౪౮ ॥
సర్వసాక్షీ సర్వరూపః సర్వజ్ఞః శాస్త్రసంస్కృతః ।
సౌభాగ్యేశ్వరః సింహస్థః శివేశః సింహకేశ్వరః ॥ ౪౯ ॥
శూలేశ్వరః శుకానన్దః సహస్రధేనుకేశ్వరః ।
స్యన్దనస్థః సురాధీశః సనకాద్యర్చితః సుధీః ॥ ౫౦ ॥
షడూర్మిః షట్।సుచక్రజ్ఞః షట్చక్రకవిభేదకః ।
షడాననః షడఙ్గజ్ఞః షడ్రసజ్ఞః షడాననః ॥ ౫౧ ॥
హరో హంసో హతారాతిర్హిరణ్యో హాటకేశ్వరః ।
హేరమ్బో హవనో హోతా హయరూపో హయప్రదః ॥ ౫౨ ॥
హస్తిదో హస్తిత్వగ్ధారీ హాహాహూహూవరప్రదః ।
హవ్యహేమహవిష్యాన్నో హాటకేశో హవిఃప్రియః ॥ ౫౩ ॥
హిరణ్యరేతా హంసజ్ఞో హిరణ్యో హాటకేశ్వరః ।
హనుమదీశో హరో హర్షో హరసిద్ధిపీఠగః ॥ ౫౪ ॥
హైమో హైమాలయో హూహూహాహాహేతుర్హఠో హఠీ ।
క్షత్రః క్షత్రప్రదః క్షత్రీ క్షేత్రజ్ఞః క్షేత్రనాయకః ॥ ౫౫ ॥
క్షేమః క్షేమప్రదాతా చ క్షాన్తికృత్ క్షాన్తివర్ధనః ।
క్షీరార్ణవః క్షీరభోక్తా క్షిప్రాకూలక్షితేః పతిః ॥ ౫౬ ॥
క్షౌద్రరసప్రియః క్షీరః క్షిప్రసిద్ధిప్రదః సదా ।
జ్ఞానో జ్ఞానప్రదో జ్ఞేయో జ్ఞానాతీతో జ్ఞపో జ్ఞయః ॥ ౫౭ ॥
జ్ఞానరూపో జ్ఞానగమ్యో జ్ఞానీ జ్ఞానవతాంవరః ।
అజో హ్యనన్తశ్చావ్యక్త ఆద్య ఆనన్దదాయకః ॥ ౫౮ ॥
అకథ ఆత్మా హ్యానన్దశ్చాజేయో హ్యజ ఆత్మభూః ।
ఆద్యరూపో హ్యరిచ్ఛేత్తాఽనామయశ్చాప్యలౌకికః ॥
అతిరూపో హ్యఖణ్డాత్మా చాత్మజ్ఞానరతః సదా ।
ఆత్మవేత్తా హ్యాత్మసాక్షీ అనాదిశ్చాన్తరాత్మగః ॥ ౬౦ ॥
ఆనన్దేశోఽవిముక్తేశశ్చాలర్కేశోఽప్సరేశ్వరః ।
ఆదికల్పేశ్వరోఽగస్త్యశ్చాక్రూరేశోఽరుణేశ్వరః ॥ ౬౧ ॥
ఇడారూప ఇభచ్ఛేత్తా ఈశ్వరశ్చేన్దిరార్చితః ।
ఇన్దురిన్దీవరశ్చేశ ఈశానేశ్వర ఈర్షహా ॥ ౬౨ ॥
ఇజ్య ఇన్దీవరశ్చేభ ఇక్షురిక్షురసప్రియః ।
ఉమాకాన్త ఉమాస్వామీ తథోమాయాః ప్రమోదకృత్ ॥ ౬౩ ॥
ఉర్వశీవరదశ్చైవ ఉచ్చైరుత్తుఙ్గధారకః ।
ఏకరూప ఏకస్వామీ హ్యేకాత్మా చైకరూపవాన్ ॥ ౬౪ ॥
ఐరావత ఐస్థిరాత్మా చైకారైశ్వర్యదాయకః ।
ఓకార ఓజస్వాంశ్చైవ హ్యౌఖరశ్చౌఖరాధిపః ॥ ౬౫ ॥
ఔషధ్య ఔషధిజ్ఞాతా హ్యోజోద ఔషధీశ్వరః ।
అనన్తో హ్యన్తకశ్చాన్తో హ్యన్ధకాసురసూదనః ॥ ౬౬ ॥
అచ్యుతశ్చాప్రమేయాత్మా అక్షరశ్చాశ్వదాయకః ।
అరిహన్తా హ్యవన్తీశశ్చాహిభూషణభృత్సదా ॥ ౬౭ ॥
అవన్తీపురవాసీ చాప్యవన్తీపురపాలకః ।
అమరశ్చామరాధీశో హ్యమరారివిహింసకః ॥ ౬౮ ॥
కామహా కామకామశ్చ కామదః కరుణాకరః ।
కారుణ్యః కమలాపూజ్యః కపాలీ కలినాశనః ॥ ౬౯ ॥
కామారికృత్కల్లోలః కాలికేశశ్చ కాలజిత్ ।
కపిలః కోటితీర్థేశః కల్పాన్తః కాలహా కవిః ॥ ౭౦ ॥
కాలేశ్వరః కాలకర్తా కల్పాబ్ధిః కల్పవృక్షకః ।
కోటీశః కామధేన్వీశః కుశలః కుశలప్రదః ॥ ౭౧ ॥
కిరీటీ కుణ్డలీ కున్తీ కవచీ కర్పరప్రియః ।
కర్పూరాభః కలాదక్షః కలాజ్ఞః కిల్బిషాపహా ॥ ౭౨ ॥
కుక్కుటేశః కర్కటేశః కులదః కులపాలకః ।
కఞ్జాభిలాషీ కేదారః కుఙ్కుమార్చితవిగ్రహః ॥ ౭౩ ॥
కున్దపుష్పప్రియః కఞ్జః కామారిః కామదాహకః ।
కృష్ణరూపః కృపారూపశ్చాథ కృష్ణార్చితాఙ్ఘ్రికః ॥ ౭౪ ॥।
కుణ్డః కుణ్డేశ్వరః కాణ్వః కేశవైః పరిపూజితః ।
కామేశ్వరః కలానాథః కణ్ఠేశః కుఙ్కుమేశ్వరః ॥ ౭౫ ॥
కన్థడేశః కపాలేశః కాయావరోహణేశ్వరః ।
కరభేశః కుటుమ్బేశః కర్కేశః కౌశలేశ్వరః ॥ ౭౬ ॥
కోశదః కోశభృత్ కోశః కౌశేయః కౌశికప్రియః ।
ఖచరః ఖచరాధీశః ఖచరేశః ఖరాన్తకః ॥ ౭౭ ॥
ఖేచరైః పూజితపదః ఖేచరీసేవకప్రియః ।
ఖణ్డేశ్వరః ఖడ్గరూపః ఖడ్గగ్రాహీ ఖగేశ్వరః ॥ ౭౮ ॥
ఖేటః ఖేటప్రియః ఖణ్డః ఖణ్డపాలః ఖలాన్తకః ।
ఖాణ్డవః ఖాణ్డవాధీశః ఖడ్గతాసఙ్గమస్థితః ॥ ౭౯ ॥
గిరిశో గిరిజాధీశో గజారిత్వగ్విభూషితః ।
గౌతమో గిరిరాజశ్చ గఙ్గాధరో గుణాకరః ॥ ౮౦ ॥
గౌతమీతటవాసీ చ గాలవో గోపతీశ్వరః ।
గోకర్ణో గోపతిర్గర్వో మజారిర్గరుడప్రియః ॥ ౮౧ ॥
గఙ్గామౌలిర్గుణగ్రాహీ గారుడీవిద్యయా యుతః ।
గురోర్గురుర్గజారాతిర్గోపాలో గోమతీప్రియః ॥ ౮౨ ॥
గుణదో గుణకర్తా చ గణేశో గణపూజితః ।
గణకో గౌరవో గర్గో గన్ధర్వేణ ప్రపూజితః ॥ ౮౩ ॥
గోరక్షో గుర్విణీత్రాతా గేహో గేహప్రదాయకః ।
గీతాధ్యాయీ గయాధీశో గోపతిర్గీతమోహితః ॥ ౮౪ ॥
గిరాతీతో గుణాతీతో గడఃగేశో గుహ్యకేశ్వరః ।
గ్రహో గ్రహపతిర్గమ్యో గ్రహపీడానివారణః ॥ ౮౫ ॥
ఘటనాదిర్ఘనాధారో ఘనేశ్వరో ఘనాకరః ।
ఘుశ్మేశ్వరో ఘనాకారో ఘనరూపో ఘనాగ్రణీః ॥ ౮౬ ॥
ఘణ్టేవరో ఘటాధీశో ఘర్ఘరో ఘస్మరాపహా ।
ఘుష్మేశో ఘోషకృద్ఘోషీ ఘోషాఘోషో ఘనధ్వనిః ॥ ౮౭ ॥
ఘృతప్రియో ఘృతాబ్ధీశో ఘణ్టో ఘణ్టఘటోత్కచః ।
ఘటోత్కచాయ వరదో ఘటజన్మా ఘటేశ్వరః ॥ ౮౮ ॥
ఘకారో ఙకృతో ఙశ్చ ఙకారో ఙకృతాఙ్గజః ।
చరాచరశ్చిదానన్దశ్చిన్మయశ్చన్ద్రశేఖరః ॥ ౮౯ ॥
చన్ద్రేశ్వరశ్చామరేశశ్చామరేణ విభూషితః ।
చామరశ్చామరాధీశశ్చరాచరపతిశ్చిరః ॥ ౯౦ ॥
చమత్కృతశ్చన్ద్రవర్ణశ్చర్మభృచ్చర్మ చామరీ ।
చాణక్యశ్చర్మధారీ చ చిరచామరదాయకః ॥ ౯౧ ॥
చ్యవనేశశ్చరుశ్చారుశ్చన్ద్రాదిత్యేశ్వరాభిధః ।
చన్ద్రభాగాప్రియశ్చణ్డశ్చామరైః పరివీజితః ॥ ౯౨ ॥
ఛత్రేశ్వరశ్ఛత్రధారీ ఛత్రదశ్ఛలహా ఛలీ ।
ఛత్రేశశ్ఛత్రకృచ్ఛత్రీ ఛన్దవిచ్ఛన్దదాయకః ॥ ౯౩ ॥
జగన్నాథో జనాధారో జగదీశో జనార్దనః ।
జాహ్నవీధృగ్జగత్కర్తా జగన్మయో జనాధిపః ॥ ౯౪ ॥
జీవో జీవప్రదాతా చ జేతాఽథో జీవనప్రదః ।
జఙ్గమశ్చ జగద్ధాతా జగత్కేనప్రపూజితః ॥ ౯౫ ॥
జటాధరో జటాజూటీ జటిలో జలరూపధృక్ ।
జాలన్ధరశిరశ్ఛేత్తా జలజాఙ్ఘ్రిర్జగత్పతిః ॥ ౯౬ ॥
జనత్రాతా జగన్నిధిర్జటేశ్వరో జలేశ్వరః ।
ఝర్ఝరో ఝరణాకారీ ఝూఞ్ఝకృత్ ఝూఝహా ఝరః ॥ ౯౭ ॥
ఞకారశ్చ ఞమువాసీ ఞజనప్రియకారకః ।
టకారశ్చ ఠకారశ్చ డామరో డమరుప్రియః ॥ ౯౮ ॥
డణ్డధృగ్డమరుహస్తో డాకిహృడ్డమకేశ్వరః ।
ఢుణ్ఢో ఢుణ్ఢేశ్వరో ఢక్కో ఢక్కానాదప్రియః సదా ॥ ౯౯ ॥
ణకారో ణస్వరూపశ్చ ణుణోణిణోణకారణః ।
తన్త్రజ్ఞస్త్ర్యమ్బకస్తన్త్రీతుమ్బురుస్తులసీప్రియః ॥ ౧౦౦ ॥
తూణీరధృక్ తదాకారస్తాణ్డవీ తాణ్డవేశ్వరః ।
తత్త్వజ్ఞస్తత్త్వరూపశ్చ తాత్త్వికస్తరవిప్రభః ॥ ౧౦౧ ॥
త్రినేత్రస్తరుణస్తత్త్వస్తకారస్తలవాసకృత్ ।
తేజస్వీ తేజోరూపీ చ తేజఃపుఞ్జప్రకాశకః ॥ ౧౦౨ ॥
తాన్త్రికస్తన్త్రకర్తా చ తన్త్రవిద్యాప్రకాశకః ।
తామ్రరూపస్తదాకారస్తత్త్వదస్తరణిప్రియః ॥ ౧౦౩ ॥
తాన్త్రేయస్తమోహా తన్వీ తామసస్తామసాపహా ।
తామ్రస్తామ్రప్రదాతా చ తామ్రవర్ణస్తరుప్రియః ॥ ౧౦౪ ॥
తపస్వీ తాపసీ తేజస్తేజోరూపస్తలప్రియః ।
తిలస్తిలప్రదాతా చ తూలస్తూలప్రదాయకః ॥ ౧౦౫ ॥
తాపీశస్తామ్రపర్ణీశస్తిలకస్త్రాణకారకః ।
త్రిపురఘ్నస్త్రయాతీతస్త్రిలోచనస్త్రిలోకపః ॥ ౧౦౬ ॥
త్రివిష్టపేశ్వరస్తేజస్త్రిపురస్త్రిపురదాహకః ।
తీర్థస్తారాపతిస్త్రాతా తాడికేశస్తడిజ్జవః ॥ ౧౦౭ ॥
థకారశ్చ స్థులాకారః స్థూలః స్థవిరః స్థానదః ।
స్థాణుః స్థాయీ స్థావరేశః స్థమ్భః స్థావరపీడహా ॥ ౧౦౮ ॥
స్థూలరూపస్థితేః కర్తా స్థూలదుఃఖవినాశనః ।
థన్దిలస్థదలః స్థాల్యః స్థలకృత్ స్థలభృత్ స్థలీ ॥ ౧౦౯ ॥
స్థలేశ్వరః స్థలాకారః స్థలాగ్రజః స్థలేశ్వరః ।
దక్షో దక్షహరో ద్రవ్యో దున్దుభిర్వరదాయకః ॥ ౧౧౦ ॥
దేవో దేవాగ్రజో దానో దానవారిర్దినేశ్వరః ।
దేవకృద్దేవభృద్దాతా దయారూపీ దివస్పతిః ॥ ౧౧౧ ॥
దామోదరో దలాధారో దుగ్ధస్నాయీ దధిప్రియః ।
దేవరాజో దివానాథో దేవజ్ఞో దేవతాప్రియః ॥ ౧౧౨ ॥
దేవదేవో దానరూపో దూర్వాదలప్రియః సదా ।
దిగ్వాసా దరభో దన్తో దరిద్రఘ్నో దిగమ్బరః ॥ ౧౧౩ ॥
దీనబన్ధుర్దురారాధ్యో దురన్తో దుష్టదర్పహా ।
దక్షఘ్నో దక్షహన్తా చ దక్షజామాత దేవజిత్ ॥ ౧౧౪ ॥
ద్వన్ద్వహా దుఃఖహా దోగ్ధా దుర్ధరో దుర్ధరేశ్వరః ।
దానాప్తో దానభృద్దీప్తదీప్తిర్దివ్యో దివాకరః ॥ ౧౧౫ ॥
దమ్భహా దమ్భకృద్దమ్భీ దక్షజాపతిర్దీప్తిమాన్ ।
ధన్వీ ధనుర్ధరో ధీరో ధాన్యకృద్ధాన్యదాయకః ॥ ౧౧౬ ॥
ధర్మాధర్మభృతో ధన్యో ధర్మమూర్తిర్ధనేశ్వరః ।
ధనదో ధూర్జటిర్ధాన్యో ధామదో ధార్మికో ధనీ ॥ ౧౧౭ ॥
ధర్మరాజో ధనాధారో ధరాధరో ధరాపతిః ।
ధనుర్విద్యాధరో ధూర్తో ధూలిధూసరవిగ్రహః ॥ ౧౧౮ ॥
ధనుషో ధనుషాకారో ధనుర్ధరభృతాంవరః ।
ధరానాథో ధరాధీశో ధనేశో ధనదాగ్రజః ॥ ౧౧౯ ॥
ధర్మభృద్ధర్మసన్త్రాతా ధర్మరక్షో ధనాకరః ।
నర్మదో నర్మదాజాతో నర్మదేశో నృపేశ్వరః ॥ ౧౨౦ ॥
నాగభృన్నాగలోకేశో నాగభూషణభూషితః ।
నాగయజ్ఞోపవీతేయో నగో నాగారిపూజితః ॥ ౧౨౧ ॥
నాన్యో నరవరో నేమో నూపురో నూపురేశ్వరః ।
నాగచణ్డేశ్వరో నాగో నగనాథో నగేశ్వరః ॥ ౧౨౨ ॥
నీలగఙ్గాప్రియో నాదో నవనాథో నగాధిపః ।
పృథుకేశః ప్రయాగేశః పత్తనేశః పరాశరః ॥ ౧౨౩ ॥
పుష్పదన్తేశ్వరః పుష్పః పిఙ్గలేశ్వరపూర్వజః ।
పిశాచేశః పన్నగేశః పశుపతీశ్వరః ప్రియః ॥ ౧౨౪ ॥
పార్వతీపూజితః ప్రాణః ప్రాణేశః పాపనాశనః ।
పార్వతీప్రాణనాథశ్చ ప్రాణభృత్ ప్రాణజీవనః ॥ ౧౨౫ ॥
పురాణపురుషః ప్రాజ్ఞః ప్రేమజ్ఞః పార్వతీపతిః ।
పుష్కరః పుష్కరాధీశః పాత్రః పాత్రైః ప్రపూజితః ॥ ౧౨౬ ॥
పుత్రదః పుణ్యదః పూర్ణః పాటామ్బరవిభూషితః ।
పద్మాక్షః పద్మస్రగ్ధారీ పద్మేన పరిశోభితః ॥ ౧౨౭ ॥
ఫణిభృత్ ఫణినాథశ్చ ఫేనికాభక్షకారకః ।
స్ఫటికః ఫర్శుధారీ చ స్ఫటికాభో ఫలప్రదః ॥ ౧౨౮ ॥
బద్రీశో బలరూపశ్చ బహుభోజీ బటుర్బటుః ।
బాలఖిల్యార్చితో బాలో బ్రహ్మేశో బ్రాహ్మణార్చితః ॥ ౧౨౯ ॥
బ్రాహ్మణో బ్రహ్మహా బ్రహ్మా బ్రహ్మజ్ఞో బ్రాహ్మణప్రియః ।
బ్రాహ్మణస్థో బ్రహ్మరూపో బ్రాహ్మణపరిపాలకః ॥ ౧౩౦ ॥
బ్రహ్మమూర్తిర్బ్రహ్మస్వామీ బ్రాహ్మణైః పరిశోభితః ।
బ్రాహ్మణారిహరో బ్రహ్మ బ్రాహ్మణాస్యైః ప్రతర్పితః ॥ ౧౩౧ ॥
భూతేశో భూతనాథశ్చ భస్మాఙ్గో భీమవిక్రమః ।
భీమో భవహరో భవ్యో భైరవో భయభఞ్జనః ॥ ౧౩౨ ॥
భూతిదో భువనాధారో భువనేశో భృగుర్భవః ।
భారతీశో భుజఙ్గేశో భాస్కరో భిన్దిపాలధృక్ ॥ ౧౩౩ ॥
భూతో భయహరో భానుర్భావనో భవనాశనః ।
సహస్రనామభిశ్చైతైర్మహాకాలః ప్రసీదతు ॥ ౧౩౪ ॥
అథ మహాకాలసహస్రనామమాహాత్మ్యమ్ ।
సూత ఉవాచ –
ఇతీదం కీర్తితం తేభ్యో మహాకాలసహస్రకమ్ ।
పఠనాత్ శ్రవణాత్ సద్యో ధూతపాపో భవేన్నరః ॥ ౧౩౫ ॥
ఏకవారం పఠేన్నిత్యం సర్వసత్యం ప్రజాయతే ।
ద్వివారం యః పఠేత్ సత్యం తస్య వశ్యం భవేజ్జగత్ ॥ ౧౩౬ ॥
త్రివారం పఠనాన్మర్త్యో ధనధాన్యయుతో భవేత్ ।
అతః స్థానవిశేషస్యేదానీం పాఠఫలం శ‍ృణు ॥ ౧౩౭ ॥
వటమూలే –
వటమూలే పఠేన్నిత్యమేకాకీ మనుజో యది ।
త్రివారఞ్చ దినత్రింశత్సిద్ధిర్భవతి సర్వథా ॥ ౧౩౮ ॥
మనోరథసిద్ధౌ –
అశ్వత్థే తులసీమూలే తీర్థే వా హరిహరాలయే ।
శుచిర్భూత్వా పఠేద్యో హి మనసా చిన్తితం లభేత్ ॥ ౧౩౯ ॥
సిద్ధిదతీర్థే –
యత్ర తీర్థోఽస్తి చాశ్వత్థో వటో వా ద్విజసత్తమ!
స తీర్థః సిద్ధిదః సర్వపాఠకస్య న సంశయః ॥ ౧౪౦ ॥
తత్రైకాగ్రమనా భూత్వా యః పఠేచ్ఛుభమానసః ।
యం యం కామమభిధ్యాయేత్తం తం ప్రాప్నోతి నిశ్చితమ్ ॥ ౧౪౧ ॥
మనసా చిన్తితం సర్వం మహాకాలప్రసాదతః ।
లభతే సకలాన్ కామాన్ పఠనాచ్ఛ్రవణాన్నరః ॥ ౧౪౨ ॥
శతావర్తపాఠఫలం –
శతావర్తం పఠేద్యత్ర చిన్తితం లభతే ధ్రువమ్ ।
దుఃసాధ్యః సోఽపి సాధ్యః స్యాద్దినాన్యేకోనవీంశతేః ॥ ౧౪౩ ॥
మహాశివరాత్రౌ పాఠఫలమ్ ।
శివరాత్రిదినే మర్త్య ఉపవాసీ జితేన్ద్రియః ।
నిశామధ్యే శతావర్తపఠనాచ్చిన్తితం లభేత్ ॥ ౧౪౪ ॥
సహస్రావర్తనం తత్ర తీర్థే హ్యశ్వత్థసన్నిధౌ ।
పఠనాద్భుక్తిర్ముక్తిశ్చ భవతీహ కలౌ యుగే ॥ ౧౪౫ ॥
తద్దశాంశః క్రియాద్ధోమం తద్దశాంశం చ తర్పణమ్ ।
దశాంశం మార్జయేన్మర్త్యః సర్వసిద్ధిః ప్రజాయతే ॥ ౧౪౬ ॥
గతం రాజ్యమవాప్నోతి వన్ధ్యా పుత్రవతీ భవేత్ ।
కుష్ఠరోగాః ప్రణశ్యన్తి దివ్యదేహో భవేన్నరః ॥ ౧౪౭ ॥
సహస్రావర్తపాఠేన మహాకాలప్రియో నరః ।
మహాకాలప్రసాదేన సర్వసిద్ధిః ప్రజాయతే ॥ ౧౪౮ ॥
శాపానుగ్రహసామర్థ్యం భవతీహ కలౌ యుగే ।
సత్యం సత్యం న సన్దేహః సత్యఞ్చ గదితం మమ ॥ ౧౪౯ ॥
అవన్తికాస్థితతీర్థేషు పాఠఫలమ్ ।
కోటితీర్థే –
కోటితీర్థే పఠేద్విప్ర! మహాకాలః ప్రసీదతి ।
రుద్రసరోవరే –
పాఠాచ్చ రుద్రసరసి కుష్ఠపీడా నివర్తతే ॥ ౧౫౦ ॥
సిద్ధపీఠే –
సిద్ధపీఠే పఠేద్యో హి తస్య వశ్యం భవేజ్జగత్ ।
శిప్రాకూలే –
శిప్రాకూలే పఠేత్ప్రాజ్ఞో ధనధాన్యయుతో భవేత్ ॥ ౧౫౧ ॥
కాలత్రయం పఠేద్యశ్చ శత్రునిర్మూలనం భవేత్ ।
భైరవాలయే –
అపమృత్యుమపాకుర్యాత్ పఠనాద్భైరవాలయే ॥ ౧౫౨ ॥
సిద్ధవటస్యాధః –
సిద్ధవటస్య చ్ఛాయాయాం పఠతే మనుజో యది ।
వన్ధ్యాయాం జాయతే పుత్రశ్చిరఞ్జీవీ న సంశయః ॥ ౧౫౩ ॥
ఔఖరే –
ఔఖరే పఠనాత్ సద్యో భూతపీడా నివర్తతే ।
గయాకూపే –
గయాకూపే పఠేద్యో హి తుష్టాః స్యుః పితరస్తతః ॥ ౧౫౪ ॥
గోమత్యాం –
గోమత్యాఞ్చ పఠేన్నిత్యం విష్ణులోకమవాప్నుయాత్ ।
అఙ్కపాతే –
అఙ్కపాతే పఠేద్యో హి ధూతపాపః ప్రముచ్యతే ॥ ౧౫౫ ॥
ఖడ్గతాసఙ్గమే –
ఖడ్గతాసఙ్గమే సద్యః ఖడ్గసిద్ధిమవాప్నుయాత్ ।
యమతడాగే –
పఠేద్యమతడాగే యో యమదుఃఖం న పశ్యతి ॥ ౧౫౬ ॥
నవనద్యాం –
నవనద్యాం పఠేద్యో హి ఋద్ధిసిద్ధిపతిర్భవేత్ ।
యోగినీపురతః –
యోగినీపురతః పాఠం మహామారీభయం న హి ॥ ౧౫౭ ॥
వృద్ధకాలేశ్వరాన్తికే –
పుత్రపౌత్రయుతో మర్త్యో వృద్ధకాలేశ్వరాన్తికే ।
పాఠస్థానే ఘృతం దీపం నిత్యం బ్రాహ్మణభోజనమ్ ॥ ౧౫౮ ॥
ఏకాదశాథవా పఞ్చ త్రయో వాఽప్యేకబ్రాహ్మణః ।
భోజనం చ యథాసాధ్యం దద్యాత్ సిద్ధిసముత్సుకః ॥ ౧౫౯ ॥
విధివద్భక్తిమాన్ శ్రద్ధాయుక్తో భక్తః సదైవ హి ।
పఠన్ యజన్ స్మరఁశ్చైవ జపన్ వాపి యథామతి ।
మహాకాలస్య కృపయా సకలం భద్రమాప్నుయాత్ ॥ ౧౬౦ ॥
ఇతి శ్రీప్రకృష్టనన్దోక్తాగమే శ్రీకృష్ణసుదామ్నః సంవాదే
మహాకాలసహస్రనామస్తోత్రం సమ్పూర్ణమ్ ।
॥ ఓం నమో నమః ॥ శివార్పణమస్తు ।