॥ Maharajnisahasranamastotram Malayalam Lyrics ॥
॥ ശ്രീമഹാരാജ്ഞീസഹസ്രനാമസ്തോത്രം ॥
അഥവാ ശ്രീമഹാരാജ്ഞീ രാജരാജേശ്വരീസഹസ്രനാമസ്തോത്രം
പാര്‍വത്യുവാച –
ഭഗവന്‍ വേദതത്ത്വജ്ഞ മന്ത്രതന്ത്രവിചക്ഷണ ।
ശരണ്യ സര്‍വലോകേശ ശരണാഗതവത്സല ॥ 1 ॥
കഥം ശ്രിയമവാപ്നോതി ലോകേ ദാരിദ്ര്യദുഃഖഭാക് ।
മാന്ത്രികോ ഭൈരവേശാന തന്‍മേ ഗദിതുമര്‍ഹസി ॥ 2 ॥
ശ്രീശിവ ഉവാച –
യാ ദേവീ നിഷ്കലാ രാജ്ഞീ ഭഗവത്യമലേശ്വരീ ।
സാ സൃജത്യവതി വ്യക്തം സംഹരിഷ്യതി താമസീ ॥ 3 ॥
തസ്യാ നാമസഹസ്രം തേ വക്ഷ്യേ സ്നേഹേന പാര്‍വതി ।
അവാച്യം ദുര്ലഭം ലോകേ ദുഃഖദാരിദ്ര്യനാശനം ॥ 4 ॥
പരമാര്‍ഥപ്രദം നിത്യം പരമൈശ്വര്യകാരണം ।
സര്‍വാഗമരഹസ്യാഢ്യം സകലാര്‍ഥപ്രദീപകം ॥ 5 ॥
സമസ്തശോകശമനം മഹാപാതകനാശനം ।
സര്‍വമന്ത്രമയം ദിവ്യം രാജ്ഞീനാമസഹസ്രകം ॥ 6 ॥
ഓം അസ്യ ശ്രീമഹാരാജ്ഞീ രാജരാജേശ്വരീ നാമസഹസ്രസ്യ ബ്രഹ്മാ ഋഷിഃ ।
ഗായത്രീ ഛന്ദഃ । സര്‍വഭൂതേശ്വരീ മഹാരാജ്ഞീ ദേവതാ । ഹ്രീം ബീജം ।
സൌഃ ശക്തിഃ । ക്ലീം കീലകം । ശ്രീമഹാരാജ്ഞീസഹസ്രനാമജപേ വിനിയോഗഃ ।
ഓം ഹ്രാം ഹ്രീം ഇത്യാദിനാ കര-ഹൃദയാദി ന്യാസഃ ।
NOTE: The follwing 5 lines (before dhyAnaM are not found in SVR’s book
ബ്രഹ്മഋഷയേ നമഃ ശിരസി । ഗായത്രീച്ഛന്ദസേ നമഃ മുഖേ ।
ശ്രീഭൂതേശ്വരീമഹ്രാരാജ്ഞീദേവതായൈ നമഃ ഹൃദി ।
ഹ്രീംബീജായ നമഃ നാഭൌ । സൌഃ ശക്തയേ നമഃ ഗുഹ്യേ ।
ക്ലീം കീലകായ നമഃ പാദയോഃ । വിനിയോഗായ നമഃ സര്‍വാങ്ഗേഷു ।
ഓംഹ്രാമിത്യാദിനാ കരഷഡങ്ഗന്യാസം വിധായ ധ്യാനം കുര്യാത് ।
॥ ധ്യാനം ॥
യാ ദ്വാദശാര്‍കപരിമണ്ഡിതമൂര്‍തിരേകാ
സിംഹാസനസ്ഥിതിമതീ ഹ്യുരഗൈര്‍വൃതാം ച ।
ദേവീമനന്യഗതിരീശ്വരതാം പ്രപന്നാം var ദേവീമനക്ഷഗതിമീശ്വരതാം
താം നൌമി ഭര്‍ഗവപുഷീം പരമാര്‍ഥരാജ്ഞീം ॥ 1 ॥
ചതുര്‍ഭുജാം ചന്ദ്രകലാര്‍ധശേഖരാം സിംഹാസനസ്ഥാമുരഗോപവീതിനീം ।
var സിംഹാസനസ്ഥാം ഭുജഗോപവീതിനീം പാശാങ്കുശാംഭോരുഹഖഡ്ഗധാരിണീം
രാജ്ഞീം ഭജേ ചേതസി രാജ്യദായിനീം ॥ 2 ॥
ഓം ഹ്രീം ശ്രീം രാം മഹാരാജ്ഞീ ക്ലീം സൌഃ പഞ്ചദശാക്ഷരീ ।
ഹ്രീം സ്വാഹാ ത്ര്യക്ഷരീ വിദ്യാ പരാ ഭഗവതീ വിഭാ ॥ 1 ॥
ഓം ഭാസ്വതീ ഭദ്രികാ ഭീമാ ഭര്‍ഗരൂപാ മനസ്വിനീ ।
മാനനീയാ മനീഷാ ച മനോജാ ച മനോജവാ ॥ 2 ॥
മാനദാ മന്ത്രവിദ്യാ ച മഹാവിദ്യാ ഷഡക്ഷരീ ।
ഷട്കൂടാ ച ത്രികൂടാ ച ത്രയീ വേദത്രയീ ശിവാ ॥ 3 ॥
ശിവാകാരാ വിരൂപാക്ഷീ ശശിഖണ്ഡാവതംസിനീ ।
മഹാലക്ഷ്മീര്‍മഹോരസ്കാ മഹൌജസ്കാ മഹോദയാ ॥ 4 ॥
മാതങ്ഗീ മോദകാഹാരാ മദിരാരുണലോചനാ ।
സാധ്വീ ശീലവതീ ശാലാ സുധാകലശധാരിണീ ॥ 5 ॥
ഖഡ്ഗിനീ പദ്മിനീ പദ്മാ പദ്മകിഞ്ജല്‍കരഞ്ജിതാ ।
ഹൃത്പദ്മവാസിനീ ഹൃദ്യാ പാനപാത്രധരാ പരാ ॥ 6 ॥
ധരാധരേന്ദ്രതനയാ ദക്ഷിണാ ദക്ഷജാ ദയാ । var ദശനാ ദയാ
ദയാവതീ മഹാമേധാ മോദിനീ ബോധിനീ സദാ ॥ 7 ॥
ഗദാധരാര്‍ചിതാ ഗോധാ ഗങ്ഗാ ഗോദാവരീ ഗയാ ।
മഹാപ്രഭാവസഹിതാ മഹോരഗവിഭൂഷണാ ॥ 8 ॥
മഹാമുനികൃതാതിഥ്യാ മാധ്വീ മാനവതീ മഘാ ।
ബാലാ സരസ്വതീ ലക്ഷ്മീര്‍ദുര്‍ഗാ ദുര്‍ഗതിനാശിനീ ॥ 9 ॥
ശാരീ ശരീരമധ്യസ്ഥാ വൈഖരീ ഖേചരേശ്വരീ ।
ശിവദാ ശിവവക്ഷഃസ്ഥാ കാലികാ ത്രിപുരേശ്വരീ ॥ 10 ॥ var ത്രിപുരാപുരീ
പുരാരികുക്ഷിമധ്യസ്ഥാ മുരാരിഹൃദയേശ്വരീ ।
ബലാരിരാജ്യദാ ചണ്ഡീ ചാമുണ്ഡാ മുണ്ഡധാരിണീ ॥ 11 ॥
മുണ്ഡമാലാഞ്ചിതാ മുദ്രാ ക്ഷോഭണാകര്‍ഷണക്ഷമാ ।
ബ്രാഹ്മീ നാരായണീ ദേവീ കൌമാരീ ചാപരാജിതാ ॥ 12 ॥
രുദ്രാണീ ച ശചീന്ദ്രാണീ വാരാഹീ വീരസുന്ദരീ ।
നാരസിംഹീ ഭൈരവേശീ ഭൈരവാകാരഭീഷണാ ॥ 13 ॥
നാഗാലങ്കാരശോഭാഢ്യാ നാഗയജ്ഞോപവീതിനീ ।
നാഗകങ്കണകേയൂരാ (100) നാഗഹാരാ സുരേശ്വരീ ॥ 14 ॥
സുരാരിഘാതിനീ പൂതാ പൂതനാ ഡാകിനീ ക്രിയാ ।
കൂര്‍മാ ക്രിയാവതീ കൃത്യാ ഡാകിനീ ലാകിനീ ലയാ ॥15 ॥
var ക്രിയാവതീ കുരീ കൃത്യാ, ശാകിനീ ലയാ
ലീലാവതീ രസാകീര്‍ണാ നാഗകന്യാ മനോഹരാ ।
ഹാരകങ്കണശോഭാഢ്യാ സദാനന്ദാ ശുഭങ്കരീ ॥ 16 ॥
മഹാസിനീ മധുമതീ സരസീ സ്മരമോഹിനീ । var പ്രഹാസിനീ മധുമതീ
മഹോഗ്രവപുഷീ വാര്‍താ വാമാചാരപ്രിയാ സിരാ ॥ 17 ॥
സുധാമയീ വേണുകരാ വൈരഘ്നീ വീരസുന്ദരീ ।
വാരിമധ്യസ്ഥിതാ വാമാ വാമനേത്രാ ശശിപ്രഭാ ॥ 18 ॥
ശങ്കരീ ശര്‍മദാ സീതാ രവീന്ദുശിഖിലോചനാ ।
മദിരാ വാരുണീ വീണാഗീതിജ്ഞാ മദിരാവതീ ॥ 19 ॥
വടസ്ഥാ വാരുണീശക്തിഃ വടജാ വടവാസിനീ ।
വടുകീ വീരസൂര്‍വന്ദ്യാ സ്തംഭിനീ മോഹിനീ ചമൂഃ ॥ 20 ॥
മുദ്ഗരാങ്കുശഹസ്താ ച വരാഭയകരാ കുടീ ।
പാടീരദ്രുമവല്ലീ ച വടുകാ വടുകേശ്വരീ ॥ 21 ॥
ഇഷ്ടദാ കൃഷിഭൂഃ കീരീ രേവതീ രമണപ്രിയാ ।
രോഹിണീ രേവതീ രംയാ രമണാ രോമഹര്‍ഷിണീ ॥ 22 ॥
രസോല്ലാസാ രസാസാരാ സാരിണീ താരിണീ തഡിത് ।
തരീ തരിത്രഹസ്താ ച തോതുലാ തരണിപ്രഭാ ॥ 23 ॥
രത്നാകരപ്രിയാ രംഭാ രത്നാലങ്കാരശോഭിതാ ।
രുക്മാങ്ഗദാ ഗദാഹസ്താ ഗദാധരവരപ്രദാ ॥ 24 ॥
ഷഡ്രസാ ദ്വിരസാ മാലാ മാലാഭരണഭൂഷിതാ ।
മാലതീ മല്ലികാമോദാ മോദകാഹാരവല്ലഭാ ॥ 25 ॥
വല്ലഭീ മധുരാ മായാ കാശീ കാഞ്ചീ ലലന്തികാ ।
ഹസന്തികാ ഹസന്തീ ച ഭ്രമന്തീ ച വസന്തികാ ॥ 26 ॥
ക്ഷേമാ ക്ഷേമങ്കരീ ക്ഷാമാ ക്ഷൌമവസ്ത്രാ (200) ക്ഷണേശ്വരീ ।
ക്ഷണദാ ക്ഷേമദാ സീരാ സീരപാണിസമര്‍ചിതാ ॥ 27 ॥
ക്രീതാ ക്രീതാതപാ ക്രൂരാ കമനീയാ കുലേശ്വരീ ।
കൂര്‍ചബീജാ കുഠാരാഢ്യാ കൂര്‍മിര്‍ണീ കൂര്‍മസുന്ദരീ ॥ 28 ॥
കാരുണ്യാര്‍ദ്രാ ച കാശ്മീരീ ദൂതീ ദ്വാരവതീ ധ്രുവാ । var കാരുണ്യാ ചൈവ
ധ്രുവസ്തുതാ ധ്രുവഗതിഃ പീഠേശീ ബഗലാമുഖീ ॥ 29 ॥
സുമുഖീ ശോഭനാ നീതിഃ രത്നജ്വാലാമുഖീ നതിഃ ।
അലകോജ്ജയിനീ ഭോഗ്യാ ഭങ്ഗീ ഭോഗാവതീ ബലാ ॥ 30 ॥
ധര്‍മരാജപുരീ പൂതാ പൂര്‍ണമാലാഽമരാവതീ । var പൂര്‍ണസത്ത്വാഽമരാവതീ
അയോധ്യാ ബോധനീയാ ച യുഗമാതാ ച യക്ഷിണീ ॥ 31 ॥ var യോധനീയാ
യജ്ഞേശ്വരീ യോഗഗംയാ യോഗിധ്യേയാ യശസ്വിനീ ।
യശോവതീ ച ചാര്‍വങ്ഗീ ചാരുഹാസാ ചലാചലാ ॥ 32 ॥
ഹരീശ്വരീ ഹരേര്‍മായാ ഭാമിനീ വായുവേഗിനീ । var മായിനീ വായുവേഗിനീ
അംബാലികാഽംബാ ഭര്‍ഗേശീ ഭൃഗുകൂടാ മഹാമതിഃ ॥ 33 ॥
കോശേശ്വരീ ച കമലാ കീര്‍തിദാ കീര്‍തിവര്‍ധിനീ ।
കഠോരവാക്കുഹൂമൂര്‍തിഃ ചന്ദ്രബിംബസമാനനാ ॥ 34 ॥
ചന്ദ്രകുങ്കുമലിപ്താങ്ഗീ കനകാചലവാസിനീ ।
മലയാചലസാനുസ്ഥാ ഹിമാദ്രിതനയാതനൂഃ ॥ 35 ॥
ഹിമാദ്രികുക്ഷിദേശസ്ഥാ കുബ്ജികാ കോസലേശ്വരീ ।
കാരൈകനിഗലാ ഗൂഢാ ഗൂഢഗുല്‍ഫാഽതിവേഗിനീ ॥ 36 ॥ var ഗൂഢഗുല്‍ഫാഽതിഗോപിതാ
തനുജാ തനുരൂപാ ച ബാണചാപധരാ നുതിഃ ।
ധുരീണാ ധൂംരവാരാഹീ ധൂംരകേശാഽരുണാനനാ ॥ 37 ॥
അരുണേശീ ദ്യുതിഃ ഖ്യാതിഃ ഗരിഷ്ഠാ ച ഗരിയസീ ।
മഹാനസീ മഹാകാരാ സുരാസുരഭയങ്കരീ ॥ 38 ॥
അണുരൂപാ ബൃഹജ്ജ്യോതിരനിരുദ്ധാ സരസ്വതീ ।
ശ്യാമാ ശ്യാമമുഖീ ശാന്താ ശ്രാന്തസന്താപഹാരിണീ ॥ 39 ॥
ഗൌര്‍ഗണ്യാ ഗോമയീ ഗുഹ്യാ ഗോമതീ ഗരുവാഗ്രസാ ।
ഗീതസന്തോഷസംസക്താ (300) ഗൃഹിണീ ഗ്രാഹിണീ ഗുഹാ ॥ 40 ॥
ഗണപ്രിയാ ഗജഗതിര്‍ഗാന്ധാരീ ഗന്ധമോദിനീ । ഗന്ധമോഹിനീ
ഗന്ധമാദനസാനുസ്ഥാ സഹ്യാചലകൃതാലയാ ॥ 41 ॥
ഗജാനനപ്രിയാ ഗംയാ ഗ്രാഹികാ ഗ്രാഹവാഹനാ ।
ഗുഹപ്രസൂര്‍ഗുഹാവാസാ ഗൃഹമാലാവിഭൂഷണാ ॥ 42 ॥
കൌബേരീ കുഹകാ ഭ്രന്തിസ്തര്‍കവിദ്യാപ്രിയങ്കരീ ।
പീതാംബരാ പടാകാരാ പതാകാ സൃഷ്ടിജാ സുധാ ॥ 43 ॥
ദാക്ഷായണീ ദക്ഷസുതാ ദക്ഷയജ്ഞവിനാശിനീ ।
താരാചക്രസ്ഥിതാ താരാ തുരീ തുര്യാ ത്രുടിസ്തുലാ ॥ 44 ॥
സന്ധ്യാത്രയീ സന്ധിജരാ സന്ധ്യാ താരുണ്യലാലിതാ ।
ലലിതാ ലോഹിതാ ലഭ്യാ ചമ്പാ കമ്പാകുലാ സൃണിഃ ॥ 49 ॥
സൃതിഃ സത്യവതീ സ്വസ്ഥാഽസമാനാ മാനവര്‍ധിനീ ।
മഹോമയീ മനസ്തുഷ്ടിഃ കാമധേനുഃ സനാതനീ ॥ 46 ॥
സൂക്ഷ്മരൂപാ സൂക്ഷ്മമുഖീ സ്ഥൂലരൂപാ കലാവതീ ।
തലാതലാശ്രയാ സിന്ധുഃ ത്ര്യംബികാ ലമ്പികാ ജയാ ॥ 47 ॥
സൌദാമിനീ സുധാദേവീ സനകദിസമര്‍ചിതാ ।
മന്ദാകിനീ ച യമുനാ വിപാശാ നര്‍മദാനദീ ॥ 48 ॥
ഗണ്ഡക്യൈരാവതീ സിപ്രാ വിതസ്താ ച സരസ്വതീ ।
രേവാ ചേക്ഷുമതീ വേഗവതീ സാഗരവാസിനീ ॥ 49 ॥
ദേവകീ ദേവമാതാ ച ദേവേശീ ദേവസുന്ദരീ ।
ദൈത്യേശീ ദമനീ ദാത്രീ ദിതിര്‍ദിതിജസുന്ദരീ ॥ 50 ॥ var ദൈത്യഘ്നീ
വിദ്യാധരീ ച വിദ്യേശീ വിദ്യാധരജസുന്ദരീ ।
മേനകാ ചിത്രലേഖാ ച ചിത്രിണീ ച തിലോത്തമാ ॥ 51 ॥
ഉര്‍വശീ മോഹിനീ രംഭാ ചാപ്സരോഗണസുന്ദരീ ।
യക്ഷിണീ യക്ഷലോകേശീ യക്ഷനായകസുന്ദരീ ॥ 52 ॥ var നരവാഹനപൂജിതാ
NOTE: The next line is not found in SVR’s book
യക്ഷേന്ദ്രതനയാ യോഗ്യാ യക്ഷനായകസുന്ദരീ ।
ഗന്ധവത്യര്‍ചിതാ ഗന്ധാ സുഗന്ധാ ഗീതതത്പരാ ॥ 53 ॥
ഗന്ധര്‍വതനയാ നംരാ (400) ഗീതിര്‍ഗന്ധര്‍വസുന്ദരീ ।
മന്ദോദരീ കരാലാക്ഷീ മേഘനാദവരപ്രദാ ॥ 54 ॥
മേഘവാഹനസന്തുഷ്ടാ മേഘമൂര്‍തിശ്ച രാക്ഷസീ ।
രക്ഷോഹര്‍ത്രീ കേകസീ ച രക്ഷോനായകസുന്ദരീ ॥ 55 ॥
കിന്നരീ കംബുകണ്ഠീ ച കലകണ്ഠസ്വനാഽമൃതാ var കലകണ്ഠസ്വനാ സുധാ
കിമ്മുഖീ ഹയവക്ത്രാ ച ഖേലാകിന്നരസുന്ദരീ ॥ 56 ॥
വിപാശീ രാജമാതങ്ഗീ ഉച്ഛിഷ്ടപദസംസ്ഥിതാ ।
മഹാപിശാചിനീ ചാന്ദ്രീ പിശാചകുലസുന്ദരീ ॥ 57 ॥
ഗുഹ്യേശ്വരീ ഗുഹ്യരൂപാ ഗുര്‍വീ ഗുഹ്യകസുന്ദരീ ।
സിദ്ധിപ്രദാ സിദ്ധവധൂഃ സിദ്ധേശീ സിദ്ധസുന്ദരീ ॥ 58 ॥
ഭൂതേശ്വരീ ഭൂതലയാ ഭൂതധാത്രീ ഭയാപഹാ ।
ഭൂതഭീതിഹരീ ഭവ്യാ ഭൂതജാ ഭൂതസുന്ദരീ ॥ 59 ॥
പൃഥ്വീ പാര്‍ഥിവലോകേശീ പ്രഥാ വിഷ്ണുസമര്‍ചിതാ ।
വസുന്ധരാ വസുനതാ പര്‍ഥിവീ ഭൂമിസുന്ദരീ ॥ 60 ॥
അംഭോധിതനയാഽലുബ്ധാ ജലജാക്ഷീ ജലേശ്വരീ ।
അമൂര്‍തിരമ്മയീ മാരീ ജലസ്ഥാ ജലസുന്ദരീ ॥ 61 ॥
തേജസ്വിനീ മഹോധാത്രീ തൈജസീ സൂര്യബിംബഗാ ।
സൂര്യകാന്തിഃ സൂര്യതേജാഃ തേജോരൂപൈകസുന്ദരീ ॥ 62 ॥
വായുവാഹാ വായുമുഖീ വായുലോകൈകസുന്ദരീ ।
ഗഗനസ്ഥാ ഖേചരേശീ ശൂന്യരൂപാ നിരാകൃതിഃ ॥ 63 ॥ ശൂരരൂപാ
നിരാഭാസാ ഭാസമാനാ ധൃതിരാകാശസുന്ദരീ ।
ക്ഷിതിമൂര്‍തിധരാഽനന്താ ക്ഷിതിഭൃല്ലോകസുന്ദരീ ॥ 64 ॥
അബ്ധിയാനാ രത്നശോഭാ വരുണേശീ വരായുധാ ।
പാശഹസ്താ പോഷണാ ച വരുണേശ്വരസുന്ദരീ ॥ 65 ॥
അനലൈകരുചിര്‍ജ്യോതിഃ പഞ്ചാനിലമതിസ്ഥിതിഃ ।
പ്രാണാപാനസമാനേച്ഛാ ചോദാനവ്യാനരൂപിണീ ॥ 66 ॥
പഞ്ചവാതഗതിര്‍നാഡീരൂപിണീ വാതസുന്ദരീ ।
അഗ്നിരൂപാ വഹ്നിശിഖാ വഡവാനലസന്നിഭാ ॥ 67 ॥
ഹേതിര്‍ഹവിര്‍ഹുതജ്യോതിരഗ്നിജാ വഹ്നിസുന്ദരീ ।
സോമേശ്വരീ സോമകലാ സോമപാനപരായണാ ॥ 68 ॥
സൌംയാനനാ സൌംയരൂപാ സോമസ്ഥാ സോമസുന്ദരീ ।
സൂര്യപ്രഭാ സൂര്യമുഖീ സൂര്യജാ സൂര്യസുന്ദരീ ॥ 69 ॥
യാജ്ഞികീ യജ്ഞഭാഗേച്ഛാ യജമാനവരപ്രദാ ।
യാജകീ യജ്ഞവിദ്യാ ച യജമാനൈകസുന്ദരീ ॥ 70 ॥
ആകാശഗാമിനീ വന്ദ്യാ ശബ്ദജാഽഽകാശസുന്ദരീ ।
മീനാസ്യാ മീനനേത്രാ ച മീനാസ്ഥാ മീനസുന്ദരീ ॥ 71 ॥
var മീനപ്രിയാ മീനനേത്രാ മീനാശാ മീനസുന്ദരീ
കൂര്‍മപൃഷ്ഠഗതാ കൂര്‍മീ കൂര്‍മജാ കൂര്‍മസുന്ദരീ । var കൂര്‍മരൂപിണീ
വാരാഹീ വീരസൂര്‍വന്ദ്യാ വരാരോഹാ മൃഗേക്ഷണാ ॥ 72 ॥
വരാഹമൂര്‍തിര്‍വാചാലാ വശ്യാ വാരാഹസുന്ദരീ । var ദംഷ്ട്രാ വാരാഹസുന്ദരീ
നരസിംഹാകൃതിര്‍ദേവീ ദുഷ്ടദൈത്യനിഷൂദിനീ ॥ 73 ॥
പ്രദ്യുംനവരദാ നാരീ നരസിംഹൈകസുന്ദരീ ।
വാമജാ വാമനാകാരാ നാരായണപരായണാ ॥ 74 ॥
ബലിദാനവദര്‍പഘ്നീ വാംയാ വാമനസുന്ദരീ ।
രാമപ്രിയാ രാമകലാ രക്ഷോവംശക്ഷയഭയങ്കരീ ॥ 75 ॥ രക്ഷോവംശക്ഷയങ്കരീ രക്ഷോവംശഭയങ്കരീ
var രാമപ്രിയാ രാമകീലിഃ ക്ഷത്രവംശക്ഷയങ്കരീ
ഭൃഗുപുത്രീ രാജകന്യാ രാമാ പരശുധാരിണീ । var ദനുപുത്രീ
ഭാര്‍ഗവീ ഭാര്‍ഗവേഷ്ടാ ച ജാമദഗ്ന്യവരപ്രദാ ॥ 76 ॥
കുഠാരധാരിണീ രാത്രിര്‍ജാമദഗ്ന്യൈകസുന്ദരീ ।
സീതാലക്ഷ്മണസേവ്യാ ച രക്ഷഃകുലവിനാശിനീ ॥ 77 ॥
രാമപ്രിയാ ച ശത്രുഘ്നീ ശത്രുഘ്നഭരതേഷ്ടദാ ।
ലാവണ്യാമൃതധാരാഢ്യാ ലവണാസുരഘാതിനീ ॥ 78 ॥
ലോഹിതാസ്യാ പ്രസന്നാസ്യാ സ്വാത്മാരാമൈകസുന്ദരീ । var സ്വാഗമാ രാമസുന്ദരീ
കൃഷ്ണകേശാ കൃഷ്ണമുഖീ യാദവാന്തകരീ ലയാ ॥ 79 ॥
യാദോഗണാര്‍ചിതാ യോജ്യാ രാധാ ശ്രീകൃഷ്ണസുന്ദരീ ।
സിദ്ധപ്രസൂഃ സിദ്ധദേവീ ജിനമാര്‍ഗപരായണാ ॥ 80 ॥ var ബുദ്ധപ്രസൂര്‍ബുദ്ധദേവീ
ജിതക്രോധാ ജിതാലസ്യാ ജിനസേവ്യാ ജിതേന്ദ്രിയാ ।
ജിനവംശധരോഗ്രാ ച നീലാന്താ ബുദ്ധസുന്ദരീ ॥ 81 ॥
കാലീ കോലാഹലപ്രീതാ പ്രേതവാഹാ സുരേശ്വരീ ।
കല്‍കിപ്രിയാ കംബുധരാ കലികാലൈകസുന്ദരീ ॥ 82 ॥
വിഷ്ണുമായാ ബ്രഹ്മമായാ ശാംഭവീ ശിവവാഹനാ ।
ഇന്ദ്രാവരജവക്ഷഃസ്ഥാ സ്ഥാണുപത്നീ പലാലിനീ ॥ 83 ॥
ജൃംഭിണീ ജൃംഭഹര്‍ത്രീ ച ജൃംഭമാണാലകാകുലാ । var ഋംഭമാണകചാലകാ
കുലാകുലഫലേശാനീ പദദാനഫലപ്രദാ ॥ 84 ॥
കുലവാഗീശ്വരീ കുല്യാ കുലജാ കുലസുന്ദരീ ।
പുരന്ദരേഡ്യാ താരുണ്യാലയാ പുണ്യജനേശ്വരീ ॥ 85 ॥
പുണ്യോത്സാഹാ പാപഹന്ത്രീ പാകശാസനസുന്ദരീ ।
സൂയര്‍കോടിപ്രതീകാശാ സൂര്യതേജോമയീ മതിഃ ॥ 86 ॥
ലേഖിനീ ഭ്രാജിനീ രജ്ജുരൂപിണീ സൂര്യസുന്ദരീ ।
ചന്ദ്രികാ ച സുധാധാരാ ജ്യോത്സ്നാ ശീതാംശുസുന്ദരീ ॥ 87 ॥
ലോലാക്ഷീ ച ശതാക്ഷീ ച സഹസ്രാക്ഷീ സഹസ്രപാത് ।
സഹസ്രശീര്‍ഷാ ചേന്ദ്രാണീ സഹസ്രഭുജവല്ലികാ ॥ 88 ॥
കോടിരത്നാംശുശോഭാ ച ശുഭ്രവസ്ത്രാ ശതാനനാ ।
ശതാനന്ദാ ശ്രുതിധരാ പിങ്ഗലാ ചോഗ്രനാദിനീ ॥ 89 ॥
സുഷുംനാ ഹാരകേയൂരനൂപുരാരാവസങ്കുലാ ।
ഘോരനാദാഽഘോരമുഖീ ചോന്‍മുഖീ ചോല്‍മൂകായുധാ ॥ 90 ॥
ഗോപിതാ ഗൂര്‍ജരീ ഗോധാ ഗായത്രീ വേദവല്ലഭാ ।
വല്ലകീസ്വനനാദാ ച നാദവിദ്യാ നദീതടീ ॥ 91 ॥
ബിന്ദുരൂപാ ചക്രയോനിര്‍ബിന്ദുനാദസ്വരൂപിണീ ।
ചക്രേശ്വരീ ഭൈരവേശീ മഹാഭൈരവവല്ലഭാ ॥ 92 ॥
കാലഭൈരവഭാര്യാ ച കല്‍പാന്തേ രങ്ഗനര്‍തകീ ।
പ്രലയാനലധൂംരാഭാ യോനിമധ്യകൃതാലയാ ॥ 93 ॥
ഭൂചരീ ഖേചരീ മുദ്രാ നവമുദ്രാവിലാസിനീ ।
വിയോഗിനീ ശ്മശാനസ്ഥാ ശ്മശാനാര്‍ചനതോഷിതാ ॥ 94 ॥
ഭാസ്വരാങ്ഗീ ഭര്‍ഗശിഖാ ഭര്‍ഗവാമാങ്ഗവാസിനീ ।
ഭദ്രകാലീ വിശ്വകാലീ ശ്രീകാലീ മേഘകാലികാ ॥ 95 ॥
നീരകാലീ കാലരാത്രിഃ കാലീ കാമേശകാലികാ ।
ഇന്ദ്രകാലീ പൂര്‍വകാലീ പശ്ചിമാംനായകാലികാ ॥ 96 ॥
ശ്മശാനകാലികാ ശുഭ്രകാലീ ശ്രീകൃഷ്ണകാലികാ । var ഭദ്രകാലീ
ക്രീങ്കാരോത്തരകാലീ ശ്രീം ഹും ഹ്രീം ദക്ഷിണകാലികാ ॥ 97 ॥
സുന്ദരീ ത്രിപുരേശാനീ ത്രികൂടാ ത്രിപുരാര്‍ചിതാ ।
ത്രിനേത്രാ ത്രിപുരാധ്യക്ഷാ ത്രികൂടാ കൂടഭൈരവീ ॥ 98 ॥ var ത്രിപുടാ പുടഭൈരവീ
ത്രിലോകജനനീ നേത്രീ മഹാത്രിപൂരസുന്ദരീ ।
കാമേശ്വരീ കാമകലാ കാലകാമേശസുന്ദരീ ॥ 99 ॥
ത്ര്യക്ഷര്യേകാക്ഷരീദേവീ ഭാവനാ ഭുവനേശ്വരീ ।
ഏകാക്ഷരീ ചതുഷ്കൂടാ ത്രികൂടേശീ ലയേശ്വരീ ॥ 100 ॥
ചതുര്‍വര്‍ണാ ച വര്‍ണേശീ വര്‍ണാഢ്യാ ചതുരക്ഷരീ ।
പഞ്ചാക്ഷരീ ച ഷഡ്വക്ത്രാ ഷട്കൂടാ ച ഷഡക്ഷരീ ॥ 101 ॥
സപ്താക്ഷരീ നവാര്‍ണേശീ പരമാഷ്ടാക്ഷരേശ്വരീ ।
നവമീ പഞ്ചമീ ഷഷ്ടിഃ നാഗേശീ നവനായികാ ॥ 102 ॥ var നാഗേശീ ച നവാക്ഷരീ ।
ദശാക്ഷരീ ദശാസ്യേശീ ദേവികൈകാദശാക്ഷരീ ।
ദ്വാദശാദിത്യസങ്കാശാ (700) ദ്വാദശീ ദ്വാദശാക്ഷരീ ॥ 103 ॥
ത്രയോദശീ വേദഗര്‍ഭാ വാദ്യാ (ബ്രാഹ്മീ) ത്രയോദശാക്ഷരീ ।
ചതുര്‍ദശാക്ഷരീ വിദ്യാ വിദ്യാപഞ്ചദശാക്ഷരീ ॥ 104 ॥
ഷോഡശീ സര്‍വവിദ്യേശീ മഹാശ്രീഷോഡശാക്ഷരീ ।
മഹാശ്രീഷോഡശീരൂപാ ചിന്താമണിമനുപ്രിയാ ॥ 105 ॥
ദ്വാവിംശത്യക്ഷരീ ശ്യാമാ മഹാകാലകുടുംബിനീ ।
വജ്രതാരാ കാലതാരാ നാരീ താരോഗ്രതാരിണീ ॥ 106 ॥
കാമതാരാ സ്പര്‍ശതാരാ ശബ്ദതാരാ രസാശ്രയാ ।
രൂപതാരാ ഗന്ധതാരാ മഹാനീലസരസ്വതീ ॥ 107 ॥
കാലജ്വാലാ വഹ്നിജ്വാലാ ബ്രഹ്മജ്വാലാ ജടാകുലാ ।
വിഷ്ണുജ്വാലാ ജിഷ്ണുശിഖാ ഭദ്രജ്വാലാ കരാലിനീ ॥ 108 ॥ വിഷ്ണുശിഖാ
വികരാലമുഖീ ദേവീ കരാലീ ഭൂതിഭൂഷണാ ।
ചിതാശയാസനാ ചിന്ത്യാ ചിതാമണ്ഡലമധ്യഗാ ॥ 109 ॥
ഭൂതഭൈരവസേവ്യാ ച ഭൂതഭൈരവപാലിനീ ।
ബന്ധകീ ബദ്ധസന്‍മുദ്രാ ഭവബന്ധവിനാശിനീ ॥ 110 ॥
ഭവാനീ ദേവദേവേശീ ദീക്ഷാ ദീക്ഷിതപൂജിതാ ।
സാധകേശീ സിദ്ധിദാത്രീ സാധകാനന്ദവര്‍ധിനീ ॥ 111 ॥
സാധകാശ്രയഭൂതാ ച സാധകേഷ്ടഫലപ്രദാ ।
രജോവതീ രാജസീ ച രജകീ ച രജസ്വലാ ॥ 112 ॥
പുഷ്പപ്രിയാ പുഷ്പപൂര്‍ണാ സ്വയംഭൂപുഷ്പമാലികാ । var പുഷ്പപ്രിയാ പുഷ്പവതീ
സ്വയംഭൂപുഷ്പഗന്ധാഢ്യാ പുലസ്ത്യസുതനാശിനീ ॥ 113 ॥ var പുലസ്ത്യസുതഘാതിനീ
പാത്രഹസ്താ പരാ പൌത്രീ പീതാസ്യാ പീതഭൂഷണാ ।
പിങ്ഗാനനാ പിങ്ഗകേശീ പിങ്ഗലാ പിങ്ഗലേശ്വരീ ॥ 114 ॥
മങ്ഗലാ മങ്ഗലേശാനീ സര്‍വമങ്ഗലമങ്ഗലാ ।
പുരൂരവേശ്വരീ പാശധരാ ചാപധരാഽധുരാ ॥ 115 ॥
പുണ്യധാത്രീ പുണ്യമയീ പുണ്യലോകനിവാസിനീ ।
ഹോതൃസേവ്യാ ഹകാരസ്ഥാ സകാരസ്ഥാ സുഖാവതീ ॥ 116 ॥
സഖീ ശോഭാവതീ സത്യാ സത്യാചാരപരായണാ ।
സാധ്വീശാനകലേശാനീ വാമദേവകലാശ്രിതാ ॥ 117 ॥
സദ്യോജാതകലേശാനീ ശിവാഽഘോരകലാകൃതിഃ । var സദ്യോജാതകലാ ദേവീ
ശര്‍വരീ വീരസദൃശീ ക്ഷീരനീരവിവേചിനീ (800) ॥ 118 ॥
വിതര്‍കനിലയാ നിത്യാ നിത്യക്ലിന്നാ പരാംബികാ ।
പുരാരിദയിതാ ദീര്‍ഘാ ദീര്‍ഘനാസാഽല്‍പഭാഷിണീ ॥ 119 ॥
കാശികാ കൌശികീ കോശ്യാ കോശദാ രൂപവര്‍ധിനീ ।
തുഷ്ടിഃ പുഷ്ടിഃ പ്രജാപ്രീതാ പൂജിതാ പൂജകപ്രിയാ ॥ 120 ॥ var പ്രാജികാ പൂജകപ്രിയാ
പ്രജാവതീ ഗര്‍ഭവതീ ഗര്‍ഭപോഷണകാരിണീ । var ഗര്‍ഭപോഷണപോഷിതാ
ശുക്രവാസാഃ ശുക്ലരൂപാ ശുചിവാസാ ജയാവഹാ ॥ 121 ॥
ജാനകീ ജന്യജനകാ ജനതോഷണതത്പരാ ।
വാദപ്രിയാ വാദ്യരതാ വാദിനീ വാദസുന്ദരീ ॥ 122 ॥ var വാദിതാ വാദസുന്ദരീ
വാക്സ്തംഭിനീ കീരപാണിഃ ധീരാധീരാ ധുരന്ധരാ । var വാക്സ്തംഭിനീ കീരവാണീ
സ്തനന്ധയീ സാമിധേനീ നിരാനന്ദാ നിരഞ്ജനാ ॥ 123 ॥ var നിരാനന്ദാ നിരാലയാ
സമസ്തസുഖദാ സാരാ വാരാന്നിധിവരപ്രദാ ।
വാലുകാ വീരപാനേഷ്ടാ വസുധാത്രീ വസുപ്രിയാ ॥ 124 ।
ശുകാനാന്ദാ ശുക്രരസാ ശുക്രപൂജ്യാ ശുകപ്രിയാ ।
ശുചിശ്ച ശുകഹസ്താ ച സമസ്തനരകാന്തകാ ॥ 125 ॥ var ശുകീ ച ശുകഹസ്താ ച
സമസ്തതത്ത്വനിലയാ ഭഗരൂപാ ഭഗേശ്വരീ ।
ഭഗബിംബാ ഭഗാഹൃദ്യാ ഭഗലിങ്ഗസ്വരൂപിണീ ॥ 126 ॥
ഭഗലിങ്ഗേശ്വരീ ശ്രീദാ ഭഗലിങ്ഗാമൃതസ്രവാ ।
ക്ഷീരാശനാ ക്ഷീരരുചിഃ ആജ്യപാനപരായണാ ॥ 127 ॥
മധുപാനപരാ പ്രൌഢാ പീവരാംസാ പരാവരാ ।
പിലമ്പിലാ പടോലേശാ പാടലാരുണലോചനാ ॥ 128 ॥
ക്ഷീരാംബുധിപ്രിയാ ക്ഷിപ്രാ സരലാ സരലായുധാ ।
സങ്ഗ്രാമാ സുനയാ സ്രസ്താ സംസൃതിഃ സനകേശ്വരീ ॥ 129 ॥
കന്യാ കനകരേഖാ ച കാന്യകുബ്ജനിവാസിനീ ।
കാഞ്ചനോഭതനുഃ കാഷ്ഠാ കുഷ്ഠരോഗനിവാരിണീ ॥ 130 ॥
കഠോരമൂര്‍ധജാ കുന്തീ കൃന്തായുധധരാ ധൃതിഃ ।
ചര്‍മാംബരാ ക്രൂരനഖാ ചകോരാക്ഷീ ചതുര്‍ഭുജാ ॥ 131 ॥
ചതുര്‍വേദപ്രിയാ ചാദ്യാ ചതുര്‍വര്‍ഗഫലപ്രദാ ।
ബ്രഹ്മാണ്ഡചാരിണീ സ്ഫുര്‍തിഃ ബ്രഹ്മാണീ ബ്രഹ്മസമ്മതാ ॥ 132 ॥
സത്കാരകാരിണീ സൂതിഃ സൂതികാ ലതികാലയാ (900)
കല്‍പവല്ലീ കൃശാങ്ഗീ ച കല്‍പപാദപവാസിനീ ॥ 133 ॥
കല്‍പപാശാ മഹാവിദ്യാ വിദ്യാരാജ്ഞീ സുഖാശ്രയാ ।
ഭൂതിരാജ്ഞീ വിശ്വരാജ്ഞീ ലോകരാജ്ഞീ ശിവാശ്രയാ ॥ 134 ॥
ബ്രഹ്മരാജ്ഞീ വിഷ്ണുരാജ്ഞീ രുദ്രരാജ്ഞീ ജടാശ്രയാ ।
നാഗരാജ്ഞീ വംശരാജ്ഞീ വീരരാജ്ഞീ രജഃപ്രിയാ ॥ 135 ॥
സത്ത്വരാജ്ഞീ തമോരാജ്ഞീ ഗണരാജ്ഞീ ചലാചലാ ।
വസുരാജ്ഞീ സത്യരാജ്ഞീ തപോരാജ്ഞീ ജപപ്രിയാ ॥ 136 ॥
മന്ത്രരാജ്ഞീ വേദരാജ്ഞീ തന്ത്രരാജ്ഞീ ശ്രുതിപ്രിയാ ।
വേദരാജ്ഞീ മന്ത്രിരാജ്ഞീ ദൈത്യരാജ്ഞീ ദയാകരാ ॥ 137 ॥
കാലരാജ്ഞീ പ്രജാരാജ്ഞീ തേജോരാജ്ഞീ ഹരാശ്രയാ ।
പൃഥ്വീരാജ്ഞീ പയോരാജ്ഞീ വായുരാജ്ഞീ മദാലസാ ॥ 138 ॥
സുധാരാജ്ഞീ സുരാരാജ്ഞീ ഭീമരാജ്ഞീ ഭയോജ്ഝിതാ ।
തഥ്യരാജ്ഞീ ജയാരാജ്ഞീ മഹാരാജ്ഞീ മഹാമത്തിഃ ॥ 139 ॥ var മഹാരാജ്ഞീ കുലോകൃതിഃ
വാമരാജ്ഞീ ചീനരാജ്ഞീ ഹരിരാജ്ഞീ ഹരീശ്വരീ ।
പരാരാജ്ഞീ യക്ഷരാജ്ഞീ ഭൂതരാജ്ഞീ ശിവാശ്രയാ ॥ 140 ॥ var ഭൂതരാജ്ഞീ ശിവാസനാ
വടുരാജ്ഞീ പ്രേതരാജ്ഞീ ശേഷരാജ്ഞീ ശമപ്രദാ । var ബഹുരാജ്ഞീ പ്രേതരാജ്ഞീ
ആകാശരാജ്ഞീ രാജേശീ രാജരാജ്ഞീ രതിപ്രിയാ ॥ 141 ॥
പാതാലരാജ്ഞീ ഭൂരാജ്ഞീ പ്രേതരാജ്ഞീ വിഷാപഹാ ।
സിദ്ധരാജ്ഞീ വിഭാരാജ്ഞീ തേജോരാജ്ഞീ വിഭാമയീ ॥ 142 ॥
ഭാസ്വദ്രാജ്ഞീ ചന്ദ്രരാജ്ഞീ താരാരാജ്ഞീ സുവാസിനീ ।
ഗൃഹരാജ്ഞീ വൃക്ഷരാജ്ഞീ ലതാരാജ്ഞീ മതിപ്രദാ ॥ 143 ॥
വീരരാജ്ഞീ മനോരാജ്ഞീ മനുരാജ്ഞീ ച കാശ്യപീ । var ധീരരാജ്ഞീ മനോരാജ്ഞീ
മുനിരാജ്ഞീ രത്നരാജ്ഞീ മൃഗരാജ്ഞീ മണിപ്രഭാ ॥ 144 ॥ var യുഗരാജ്ഞീ മണിപ്രഭാ
സിന്ധുരാജ്ഞീ നദീരാജ്ഞീ നദരാജ്ഞീ ദരീസ്ഥിതാ ।
നാദരാജ്ഞീ ബിന്ദുരാജ്ഞീ ആത്മരാജ്ഞീ ച സദ്ഗതിഃ ॥ 145 ॥
പുത്രരാജ്ഞീ ധ്യാനരാജ്ഞീ ലയരാജ്ഞീ സദേശ്വരീ ।
ഈശാനരാജ്ഞീ രാജേശീ സ്വാഹാരാജ്ഞീ മഹത്തരാ ॥ 146 ॥
വഹ്നിരാജ്ഞീ യോഗിരാജ്ഞീ യജ്ഞരാജ്ഞീ ചിദാകൃതിഃ ।
ജഗദ്രാജ്ഞീ തത്ത്വരാജ്ഞീ വാഗ്രാജ്ഞീ വിശ്വരൂപിണീ ॥ 147 ॥
പഞ്ചദശാക്ഷരീരാജ്ഞീ ഓം ഹ്രീം ഭൂതേശ്വരേശ്വരീ । ( 1000)
ഇതീദം മന്ത്രസര്‍വസ്വം രാജ്ഞീനാമസഹസ്രകം ॥ 148 ॥
പഞ്ചദശാക്ഷരീതത്ത്വം മന്ത്രസാരം മനുപ്രിയം ।
സര്‍വതത്ത്വമയം പുണ്യം മഹാപാതകനാശനം ॥ 149 ॥
സര്‍വസിദ്ധിപ്രദം ലോകേ സര്‍വരോഗനിബര്‍ഹണം ।
സര്‍വോത്പാതപ്രശമനം ഗ്രഹശാന്തികരം ശുഭം ॥ 150 ॥
സര്‍വദേവപ്രിയം പ്രാജ്യം സര്‍വശത്രുഭയാപഹം ।
സര്‍വദുഃഖൌഘശമനം സര്‍വശോകവിനാശനം ॥ 151 ॥
പഠേദ്വാ പാഠയേത് നാംനാം സഹസ്രം ശക്തിസന്നിധൌ ।
ദൂരാദേവ പലായന്തേ വിപദഃ ശത്രുഭീതയഃ ॥ 152 ॥
രാക്ഷസാ ഭൂതവേതാലാഃ പന്നഗാ ഹരിണദ്വിഷഃ ।
പഠനാദ്വിദ്രവന്ത്യാശു മഹാകാലാദിവ പ്രജാഃ ॥ 153 ॥
ശ്രവണാത്പാതാകം നശ്യേച്ഛ്രാവയേദ്യഃ സ ഭാഗ്യവാന്‍ ।
നാനാവിധാനി ഭോഗാനി സംഭൂയ പൃഥിവീതലേ ॥ 154 ॥
ഗമിഷ്യതി പരാം ഭൂമിം ത്വരിതം നാത്ര സംശയഃ ।
NOTE: The following verses (155-175) are not found
in S V Radhakrishna Sastri’s Book
അശ്വമേധസഹസ്രസ്യ വാജിപേയസ്യ കോടയഃ ।
ഗങ്ഗാസ്നാനസഹസ്രസ്യ ചാന്ദ്രായണായുതസ്യ ച ॥ 155 ॥
തപ്തകൃച്ഛേകലക്ഷസ്യ രാജസൂയസ്യ കോടയഃ ।
സഹസ്രനാമപാഠസ്യ കലാം നാര്‍ഹന്തി ഷോഡശീം ॥ 156 ॥
സര്‍വസിദ്ധീശ്വരം സാധ്യം രാജ്ഞീനാമസഹസ്രകം ।
മന്ത്രഗര്‍ഭം പഠേദ്യസ്തു രാജ്യകാമോ മഹേശ്വരി ॥ 157 ॥
വര്‍ഷമേകം ശതാവര്‍തം മഹാചീനക്രമാകുലഃ ।
ശക്രിപൂജാപരോ രാത്രൌ സ ലഭേദ്രാജ്യമീശ്വരി ॥ 158 ॥
പുത്രകാമീ പഠേത്സായം ചിതാഭസ്മാനുലേപനഃ ।
ദിഗംബരോ മുക്തകേശഃ ശതാവര്‍തം മഹേശ്വരി ॥ 159 ॥
ശ്മശാനേ തു ലഭേത്പുത്രം സാക്ഷാദ്വൈശ്രവണോപമം ।
പരദാരാര്‍ചനരതോ ഭഗബിംബം സ്മരന്‍ സുധീഃ ॥ 160 ॥
പഠേന്നാമസഹസ്രം തു വസുകാമീ ലഭേദ്ധനം ।
രവൌ വാരത്രയം ദേവി പഠേന്നാമസഹസ്രകം ॥ 161 ॥
മൃദുവിഷ്ടരനിര്‍വിഷ്ടഃ ക്ഷീരപാനപരായണഃ ।
സ്വപ്നേ സിംഹാസനാം രാജ്ഞീം വരദാം ഭുവി പശ്യതി ॥ 162 ॥
ക്ഷീരചര്‍വണസന്തൃപ്തോ വീരപാനരസാകുലഃ ।
യഃ പഠേത്പരയാ ഭക്ത്യാ രാജ്ഞീനാമസഹസ്രകം ॥ 163 ॥
സ സദ്യോ മുച്യതേ ഘോരാന്‍മഹാപാതകജാദ്ഭയാത് ।
യഃ പഠേത്സാധകോ ഭക്ത്യാ ശക്തിവക്ഷഃകൃതാസനഃ ॥ 164 ॥
ശുക്രോത്തരണകാലേ തു തസ്യ ഹസ്തേഽഷ്ടസിദ്ധയഃ ।
യഃ പഠേന്നിശി ചക്രാഗ്രേ പരസ്ത്രീധ്യാനതത്പരഃ ॥ 165 ॥
സുരാസവരസാനന്ദീ സ ലഭേത്സംയുഗേ ജയം ।
ഇദം നാമസഹസ്രം തു സര്‍വമന്ത്രമയം ശിവേ ॥ 166 ॥
ഭൂര്‍ജത്വചി ലിഖേദ്രാത്രൌ ചക്രാര്‍ചനസമാഗമേ ।
അഷ്ടഗന്ധേന പൂതേന വേഷ്ടയേത് സ്വര്‍ണപത്രകേ ॥ 167 ॥
ധാരയേത് കണ്ഠദേശേ തു സര്‍വസിദ്ധിഃ പ്രജായതേ ।
യോ ധാരയേന്‍മഹാരക്ഷാം സര്‍വദേവാതിദുര്ലഭാം ॥ 168 ॥
രണേ രാജകുലേ ദ്യൂതേ ചൌരരോഗാദ്യുപദ്രവേ ।
സ പ്രാപ്നോതി ജയം സദ്യഃ സാധകോ വീരനായകഃ ॥ 169 ॥
ശ്രീചക്രം പൂജയേദ്യസ്തു ധാരയേദ്വര്‍മ മസ്തകേ ।
പഠേന്നാമസഹസ്രം തു സ്തോത്രം മന്ത്രാത്മകം തഥാ ॥ 170 ॥
കിം കിം ന ലഭതേ കാമം ദേവാനാമപി ദുര്ലഭം ।
സുരാപാനം തതഃ സംവിച്ചര്‍വണം മീനമാംസകം ॥ 171 ॥
നവകന്യാസമായോഗോ മുദ്രാ വീണാരവഃ പ്രിയേ ।
സത്സങ്ഗോ ഗുരുസാന്നിധ്യം രാജ്ഞീശ്രീചക്രമഗ്രതഃ ॥ 172 ॥
യസ്യ ദേവി സ ഏവ സ്യാദ്യോഗീ ബ്രഹ്മവിദീശ്വരഃ ।
ഇദം രഹസ്യം പരമം ഭക്ത്യാ തവ മയോദിതം ॥ 172 ॥
അപ്രകാശ്യമദാതവ്യം ന ദേയം യസ്യ കസ്യചിത് ।
അന്യശിഷ്യായ ദുഷ്ടായ ദുര്‍ജനായ ദുരാത്മനേ ॥ 174 ॥
ഗുരുഭക്തിവിഹീനായ സുരാസ്ത്രീനിന്ദകായ ച ।
നാസ്തികായ കുശീലായ ന ദേയം തത്ത്വദര്‍ശിഭിഃ ॥ 175 ॥
NOTE: S V Radhakrishna Sastri’s Book continues with the following:
ദേയം ശിഷ്യായ ശാന്തായ ഭക്തായാദ്വൈതവാദിനേ ।
ദീക്ഷിതായ കുലീനായ രാജ്ഞീഭക്തിരതായ ച ॥ 176 ॥
ദത്ത്വാ ഭോഗാപവര്‍ഗേ ച ലഭേത്സാധകസത്തമഃ ।
ഇതി നാമസഹസ്രം തു രാജ്ഞ്യാഃ ശിവമുഖോദിതം ।
അത്യന്തദുര്ലഭം ഗോപ്യം ഗോപനീയം സ്വയോനിവത് ॥ 177 ॥
NOTE: the following two extra shlokams are found
in S V Radhakrishna Sastri’s Book
അഷ്ടാവിംശതിനൈജമാന്യമുനിഭിഃ ഭാവ്യാം മഹായോഗിഭിഃ
ശ്രീവാണീകരവീജിതാം സുമകുടാം ശ്രീചക്രബിന്ദുസ്ഥിതാം ।
പഞ്ചബ്രഹ്മസുതത്വമഞ്ചനിലയാം സാംരാജ്യസിദ്ധിപ്രദാം
ശ്രീസിംഹാസനസുന്ദരീം ഭഗവതീം രാജേശ്വരീമാശ്രയേ ॥ 1 ॥
ശ്വേതഛത്രസുവാലവീജനനുതാ മാലാകിരീടോജ്ജ്വലാ
സന്‍മന്ദസ്മിതസുന്ദരീ ശശിധരാ താംബൂലപൂര്‍ണാനനാ ।
ശ്രീസിംഹാസനസംസ്ഥിതാ സുമശരാ ശ്രീവീരവര്യാസനാ
സാംരാജ്ഞീ മനുഷോഡശീ ഭഗവതീ മാം പാതു രാജേശ്വരീ ॥ 2 ॥
॥ ഇതി ശ്രീരുദ്രയാമലേ തന്ത്രേ ദശവിദ്യാരഹസ്യേ
ശ്രീമഹാരാജ്ഞീസഹസ്രനാമസ്തോത്രം സമാപ്തം ॥
– Chant Stotra in Other Languages -1000 Names of Maha Rajni:
1000 Names of Sri Maharajni – Sahasranama Stotram in Sanskrit – English – Bengali – Gujarati – – Kannada – Malayalam – Odia – Telugu – Tamil
This work was proof read using the version found in S.V.Radhakrishna Sastri’s Book, ᳚Bhagavati stutimanjari (pages 158-173). We find a few extra verses here, that are not found in this book. In Radhakrishna Sastri’s book, the verse
sequence 1-156 starts from the following shlokam. Also, in verse No. 49, SVR’s book uses six padas (3 lines instead of four padas in 2 lines), so the actual count in the book and the encoded version may be slightly different.
The var is used to indicate variation or pathabheda found in two different prints.