॥ Maharajnisahasranamastotram Telugu Lyrics ॥
॥ శ్రీమహారాజ్ఞీసహస్రనామస్తోత్రమ్ ॥
అథవా శ్రీమహారాజ్ఞీ రాజరాజేశ్వరీసహస్రనామస్తోత్రమ్
పార్వత్యువాచ –
భగవన్ వేదతత్త్వజ్ఞ మన్త్రతన్త్రవిచక్షణ ।
శరణ్య సర్వలోకేశ శరణాగతవత్సల ॥ ౧ ॥
కథం శ్రియమవాప్నోతి లోకే దారిద్ర్యదుఃఖభాక్ ।
మాన్త్రికో భైరవేశాన తన్మే గదితుమర్హసి ॥ ౨ ॥
శ్రీశివ ఉవాచ –
యా దేవీ నిష్కలా రాజ్ఞీ భగవత్యమలేశ్వరీ ।
సా సృజత్యవతి వ్యక్తం సంహరిష్యతి తామసీ ॥ ౩ ॥
తస్యా నామసహస్రం తే వక్ష్యే స్నేహేన పార్వతి ।
అవాచ్యం దుర్లభం లోకే దుఃఖదారిద్ర్యనాశనమ్ ॥ ౪ ॥
పరమార్థప్రదం నిత్యం పరమైశ్వర్యకారణమ్ ।
సర్వాగమరహస్యాఢ్యం సకలార్థప్రదీపకమ్ ॥ ౫ ॥
సమస్తశోకశమనం మహాపాతకనాశనమ్ ।
సర్వమన్త్రమయం దివ్యం రాజ్ఞీనామసహస్రకమ్ ॥ ౬ ॥
ఓం అస్య శ్రీమహారాజ్ఞీ రాజరాజేశ్వరీ నామసహస్రస్య బ్రహ్మా ఋషిః ।
గాయత్రీ ఛన్దః । సర్వభూతేశ్వరీ మహారాజ్ఞీ దేవతా । హ్రీం బీజం ।
సౌః శక్తిః । క్లీం కీలకం । శ్రీమహారాజ్ఞీసహస్రనామజపే వినియోగః ।
ఓం హ్రాం హ్రీం ఇత్యాదినా కర-హృదయాది న్యాసః ।
NOTE: The follwing 5 lines (before ᳚dhyAnaM᳚ are not found in SVR’s book
బ్రహ్మఋషయే నమః శిరసి । గాయత్రీచ్ఛన్దసే నమః ముఖే ।
శ్రీభూతేశ్వరీమహ్రారాజ్ఞీదేవతాయై నమః హృది ।
హ్రీంబీజాయ నమః నాభౌ । సౌః శక్తయే నమః గుహ్యే ।
క్లీం కీలకాయ నమః పాదయోః । వినియోగాయ నమః సర్వాఙ్గేషు ।
ఓంహ్రామిత్యాదినా కరషడఙ్గన్యాసం విధాయ ధ్యానం కుర్యాత్ ।
॥ ధ్యానమ్ ॥
యా ద్వాదశార్కపరిమణ్డితమూర్తిరేకా
సింహాసనస్థితిమతీ హ్యురగైర్వృతాం చ ।
దేవీమనన్యగతిరీశ్వరతాం ప్రపన్నాం var దేవీమనక్షగతిమీశ్వరతాం
తాం నౌమి భర్గవపుషీం పరమార్థరాజ్ఞీమ్ ॥ ౧ ॥
చతుర్భుజాం చన్ద్రకలార్ధశేఖరాం సింహాసనస్థామురగోపవీతినీమ్ ।
var సింహాసనస్థాం భుజగోపవీతినీమ్ పాశాఙ్కుశామ్భోరుహఖడ్గధారిణీం
రాజ్ఞీం భజే చేతసి రాజ్యదాయినీమ్ ॥ ౨ ॥
ఓం హ్రీం శ్రీం రాం మహారాజ్ఞీ క్లీం సౌః పఞ్చదశాక్షరీ ।
హ్రీం స్వాహా త్ర్యక్షరీ విద్యా పరా భగవతీ విభా ॥ ౧ ॥
ఓం భాస్వతీ భద్రికా భీమా భర్గరూపా మనస్వినీ ।
మాననీయా మనీషా చ మనోజా చ మనోజవా ॥ ౨ ॥
మానదా మన్త్రవిద్యా చ మహావిద్యా షడక్షరీ ।
షట్కూటా చ త్రికూటా చ త్రయీ వేదత్రయీ శివా ॥ ౩ ॥
శివాకారా విరూపాక్షీ శశిఖణ్డావతంసినీ ।
మహాలక్ష్మీర్మహోరస్కా మహౌజస్కా మహోదయా ॥ ౪ ॥
మాతఙ్గీ మోదకాహారా మదిరారుణలోచనా ।
సాధ్వీ శీలవతీ శాలా సుధాకలశధారిణీ ॥ ౫ ॥
ఖడ్గినీ పద్మినీ పద్మా పద్మకిఞ్జల్కరఞ్జితా ।
హృత్పద్మవాసినీ హృద్యా పానపాత్రధరా పరా ॥ ౬ ॥
ధరాధరేన్ద్రతనయా దక్షిణా దక్షజా దయా । var దశనా దయా
దయావతీ మహామేధా మోదినీ బోధినీ సదా ॥ ౭ ॥
గదాధరార్చితా గోధా గఙ్గా గోదావరీ గయా ।
మహాప్రభావసహితా మహోరగవిభూషణా ॥ ౮ ॥
మహామునికృతాతిథ్యా మాధ్వీ మానవతీ మఘా ।
బాలా సరస్వతీ లక్ష్మీర్దుర్గా దుర్గతినాశినీ ॥ ౯ ॥
శారీ శరీరమధ్యస్థా వైఖరీ ఖేచరేశ్వరీ ।
శివదా శివవక్షఃస్థా కాలికా త్రిపురేశ్వరీ ॥ ౧౦ ॥ var త్రిపురాపురీ
పురారికుక్షిమధ్యస్థా మురారిహృదయేశ్వరీ ।
బలారిరాజ్యదా చణ్డీ చాముణ్డా ముణ్డధారిణీ ॥ ౧౧ ॥
ముణ్డమాలాఞ్చితా ముద్రా క్షోభణాకర్షణక్షమా ।
బ్రాహ్మీ నారాయణీ దేవీ కౌమారీ చాపరాజితా ॥ ౧౨ ॥
రుద్రాణీ చ శచీన్ద్రాణీ వారాహీ వీరసున్దరీ ।
నారసింహీ భైరవేశీ భైరవాకారభీషణా ॥ ౧౩ ॥
నాగాలఙ్కారశోభాఢ్యా నాగయజ్ఞోపవీతినీ ।
నాగకఙ్కణకేయూరా (౧౦౦) నాగహారా సురేశ్వరీ ॥ ౧౪ ॥
సురారిఘాతినీ పూతా పూతనా డాకినీ క్రియా ।
కూర్మా క్రియావతీ కృత్యా డాకినీ లాకినీ లయా ॥౧౫ ॥
var క్రియావతీ కురీ కృత్యా, శాకినీ లయా
లీలావతీ రసాకీర్ణా నాగకన్యా మనోహరా ।
హారకఙ్కణశోభాఢ్యా సదానన్దా శుభఙ్కరీ ॥ ౧౬ ॥
మహాసినీ మధుమతీ సరసీ స్మరమోహినీ । var ప్రహాసినీ మధుమతీ
మహోగ్రవపుషీ వార్తా వామాచారప్రియా సిరా ॥ ౧౭ ॥
సుధామయీ వేణుకరా వైరఘ్నీ వీరసున్దరీ ।
వారిమధ్యస్థితా వామా వామనేత్రా శశిప్రభా ॥ ౧౮ ॥
శఙ్కరీ శర్మదా సీతా రవీన్దుశిఖిలోచనా ।
మదిరా వారుణీ వీణాగీతిజ్ఞా మదిరావతీ ॥ ౧౯ ॥
వటస్థా వారుణీశక్తిః వటజా వటవాసినీ ।
వటుకీ వీరసూర్వన్ద్యా స్తమ్భినీ మోహినీ చమూః ॥ ౨౦ ॥
ముద్గరాఙ్కుశహస్తా చ వరాభయకరా కుటీ ।
పాటీరద్రుమవల్లీ చ వటుకా వటుకేశ్వరీ ॥ ౨౧ ॥
ఇష్టదా కృషిభూః కీరీ రేవతీ రమణప్రియా ।
రోహిణీ రేవతీ రమ్యా రమణా రోమహర్షిణీ ॥ ౨౨ ॥
రసోల్లాసా రసాసారా సారిణీ తారిణీ తడిత్ ।
తరీ తరిత్రహస్తా చ తోతులా తరణిప్రభా ॥ ౨౩ ॥
రత్నాకరప్రియా రమ్భా రత్నాలఙ్కారశోభితా ।
రుక్మాఙ్గదా గదాహస్తా గదాధరవరప్రదా ॥ ౨౪ ॥
షడ్రసా ద్విరసా మాలా మాలాభరణభూషితా ।
మాలతీ మల్లికామోదా మోదకాహారవల్లభా ॥ ౨౫ ॥
వల్లభీ మధురా మాయా కాశీ కాఞ్చీ లలన్తికా ।
హసన్తికా హసన్తీ చ భ్రమన్తీ చ వసన్తికా ॥ ౨౬ ॥
క్షేమా క్షేమఙ్కరీ క్షామా క్షౌమవస్త్రా (౨౦౦) క్షణేశ్వరీ ।
క్షణదా క్షేమదా సీరా సీరపాణిసమర్చితా ॥ ౨౭ ॥
క్రీతా క్రీతాతపా క్రూరా కమనీయా కులేశ్వరీ ।
కూర్చబీజా కుఠారాఢ్యా కూర్మిర్ణీ కూర్మసున్దరీ ॥ ౨౮ ॥
కారుణ్యార్ద్రా చ కాశ్మీరీ దూతీ ద్వారవతీ ధ్రువా । var కారుణ్యా చైవ
ధ్రువస్తుతా ధ్రువగతిః పీఠేశీ బగలాముఖీ ॥ ౨౯ ॥
సుముఖీ శోభనా నీతిః రత్నజ్వాలాముఖీ నతిః ।
అలకోజ్జయినీ భోగ్యా భఙ్గీ భోగావతీ బలా ॥ ౩౦ ॥
ధర్మరాజపురీ పూతా పూర్ణమాలాఽమరావతీ । var పూర్ణసత్త్వాఽమరావతీ
అయోధ్యా బోధనీయా చ యుగమాతా చ యక్షిణీ ॥ ౩౧ ॥ var యోధనీయా
యజ్ఞేశ్వరీ యోగగమ్యా యోగిధ్యేయా యశస్వినీ ।
యశోవతీ చ చార్వఙ్గీ చారుహాసా చలాచలా ॥ ౩౨ ॥
హరీశ్వరీ హరేర్మాయా భామినీ వాయువేగినీ । var మాయినీ వాయువేగినీ
అమ్బాలికాఽమ్బా భర్గేశీ భృగుకూటా మహామతిః ॥ ౩౩ ॥
కోశేశ్వరీ చ కమలా కీర్తిదా కీర్తివర్ధినీ ।
కఠోరవాక్కుహూమూర్తిః చన్ద్రబిమ్బసమాననా ॥ ౩౪ ॥
చన్ద్రకుఙ్కుమలిప్తాఙ్గీ కనకాచలవాసినీ ।
మలయాచలసానుస్థా హిమాద్రితనయాతనూః ॥ ౩౫ ॥
హిమాద్రికుక్షిదేశస్థా కుబ్జికా కోసలేశ్వరీ ।
కారైకనిగలా గూఢా గూఢగుల్ఫాఽతివేగినీ ॥ ౩౬ ॥ var గూఢగుల్ఫాఽతిగోపితా
తనుజా తనురూపా చ బాణచాపధరా నుతిః ।
ధురీణా ధూమ్రవారాహీ ధూమ్రకేశాఽరుణాననా ॥ ౩౭ ॥
అరుణేశీ ద్యుతిః ఖ్యాతిః గరిష్ఠా చ గరియసీ ।
మహానసీ మహాకారా సురాసురభయఙ్కరీ ॥ ౩౮ ॥
అణురూపా బృహజ్జ్యోతిరనిరుద్ధా సరస్వతీ ।
శ్యామా శ్యామముఖీ శాన్తా శ్రాన్తసన్తాపహారిణీ ॥ ౩౯ ॥
గౌర్గణ్యా గోమయీ గుహ్యా గోమతీ గరువాగ్రసా ।
గీతసన్తోషసంసక్తా (౩౦౦) గృహిణీ గ్రాహిణీ గుహా ॥ ౪౦ ॥
గణప్రియా గజగతిర్గాన్ధారీ గన్ధమోదినీ । గన్ధమోహినీ
గన్ధమాదనసానుస్థా సహ్యాచలకృతాలయా ॥ ౪౧ ॥
గజాననప్రియా గమ్యా గ్రాహికా గ్రాహవాహనా ।
గుహప్రసూర్గుహావాసా గృహమాలావిభూషణా ॥ ౪౨ ॥
కౌబేరీ కుహకా భ్రన్తిస్తర్కవిద్యాప్రియఙ్కరీ ।
పీతామ్బరా పటాకారా పతాకా సృష్టిజా సుధా ॥ ౪౩ ॥
దాక్షాయణీ దక్షసుతా దక్షయజ్ఞవినాశినీ ।
తారాచక్రస్థితా తారా తురీ తుర్యా త్రుటిస్తులా ॥ ౪౪ ॥
సన్ధ్యాత్రయీ సన్ధిజరా సన్ధ్యా తారుణ్యలాలితా ।
లలితా లోహితా లభ్యా చమ్పా కమ్పాకులా సృణిః ॥ ౪౯ ॥
సృతిః సత్యవతీ స్వస్థాఽసమానా మానవర్ధినీ ।
మహోమయీ మనస్తుష్టిః కామధేనుః సనాతనీ ॥ ౪౬ ॥
సూక్ష్మరూపా సూక్ష్మముఖీ స్థూలరూపా కలావతీ ।
తలాతలాశ్రయా సిన్ధుః త్ర్యమ్బికా లమ్పికా జయా ॥ ౪౭ ॥
సౌదామినీ సుధాదేవీ సనకదిసమర్చితా ।
మన్దాకినీ చ యమునా విపాశా నర్మదానదీ ॥ ౪౮ ॥
గణ్డక్యైరావతీ సిప్రా వితస్తా చ సరస్వతీ ।
రేవా చేక్షుమతీ వేగవతీ సాగరవాసినీ ॥ ౪౯ ॥
దేవకీ దేవమాతా చ దేవేశీ దేవసున్దరీ ।
దైత్యేశీ దమనీ దాత్రీ దితిర్దితిజసున్దరీ ॥ ౫౦ ॥ var దైత్యఘ్నీ
విద్యాధరీ చ విద్యేశీ విద్యాధరజసున్దరీ ।
మేనకా చిత్రలేఖా చ చిత్రిణీ చ తిలోత్తమా ॥ ౫౧ ॥
ఉర్వశీ మోహినీ రమ్భా చాప్సరోగణసున్దరీ ।
యక్షిణీ యక్షలోకేశీ యక్షనాయకసున్దరీ ॥ ౫౨ ॥ var నరవాహనపూజితా
NOTE: The next line is not found in SVR’s book
యక్షేన్ద్రతనయా యోగ్యా యక్షనాయకసున్దరీ ।
గన్ధవత్యర్చితా గన్ధా సుగన్ధా గీతతత్పరా ॥ ౫౩ ॥
గన్ధర్వతనయా నమ్రా (౪౦౦) గీతిర్గన్ధర్వసున్దరీ ।
మన్దోదరీ కరాలాక్షీ మేఘనాదవరప్రదా ॥ ౫౪ ॥
మేఘవాహనసన్తుష్టా మేఘమూర్తిశ్చ రాక్షసీ ।
రక్షోహర్త్రీ కేకసీ చ రక్షోనాయకసున్దరీ ॥ ౫౫ ॥
కిన్నరీ కమ్బుకణ్ఠీ చ కలకణ్ఠస్వనాఽమృతా var కలకణ్ఠస్వనా సుధా
కిమ్ముఖీ హయవక్త్రా చ ఖేలాకిన్నరసున్దరీ ॥ ౫౬ ॥
విపాశీ రాజమాతఙ్గీ ఉచ్ఛిష్టపదసంస్థితా ।
మహాపిశాచినీ చాన్ద్రీ పిశాచకులసున్దరీ ॥ ౫౭ ॥
గుహ్యేశ్వరీ గుహ్యరూపా గుర్వీ గుహ్యకసున్దరీ ।
సిద్ధిప్రదా సిద్ధవధూః సిద్ధేశీ సిద్ధసున్దరీ ॥ ౫౮ ॥
భూతేశ్వరీ భూతలయా భూతధాత్రీ భయాపహా ।
భూతభీతిహరీ భవ్యా భూతజా భూతసున్దరీ ॥ ౫౯ ॥
పృథ్వీ పార్థివలోకేశీ ప్రథా విష్ణుసమర్చితా ।
వసున్ధరా వసునతా పర్థివీ భూమిసున్దరీ ॥ ౬౦ ॥
అమ్భోధితనయాఽలుబ్ధా జలజాక్షీ జలేశ్వరీ ।
అమూర్తిరమ్మయీ మారీ జలస్థా జలసున్దరీ ॥ ౬౧ ॥
తేజస్వినీ మహోధాత్రీ తైజసీ సూర్యబిమ్బగా ।
సూర్యకాన్తిః సూర్యతేజాః తేజోరూపైకసున్దరీ ॥ ౬౨ ॥
వాయువాహా వాయుముఖీ వాయులోకైకసున్దరీ ।
గగనస్థా ఖేచరేశీ శూన్యరూపా నిరాకృతిః ॥ ౬౩ ॥ శూరరూపా
నిరాభాసా భాసమానా ధృతిరాకాశసున్దరీ ।
క్షితిమూర్తిధరాఽనన్తా క్షితిభృల్లోకసున్దరీ ॥ ౬౪ ॥
అబ్ధియానా రత్నశోభా వరుణేశీ వరాయుధా ।
పాశహస్తా పోషణా చ వరుణేశ్వరసున్దరీ ॥ ౬౫ ॥
అనలైకరుచిర్జ్యోతిః పఞ్చానిలమతిస్థితిః ।
ప్రాణాపానసమానేచ్ఛా చోదానవ్యానరూపిణీ ॥ ౬౬ ॥
పఞ్చవాతగతిర్నాడీరూపిణీ వాతసున్దరీ ।
అగ్నిరూపా వహ్నిశిఖా వడవానలసన్నిభా ॥ ౬౭ ॥
హేతిర్హవిర్హుతజ్యోతిరగ్నిజా వహ్నిసున్దరీ ।
సోమేశ్వరీ సోమకలా సోమపానపరాయణా ॥ ౬౮ ॥
సౌమ్యాననా సౌమ్యరూపా సోమస్థా సోమసున్దరీ ।
సూర్యప్రభా సూర్యముఖీ సూర్యజా సూర్యసున్దరీ ॥ ౬౯ ॥
యాజ్ఞికీ యజ్ఞభాగేచ్ఛా యజమానవరప్రదా ।
యాజకీ యజ్ఞవిద్యా చ యజమానైకసున్దరీ ॥ ౭౦ ॥
ఆకాశగామినీ వన్ద్యా శబ్దజాఽఽకాశసున్దరీ ।
మీనాస్యా మీననేత్రా చ మీనాస్థా మీనసున్దరీ ॥ ౭౧ ॥
var మీనప్రియా మీననేత్రా మీనాశా మీనసున్దరీ
కూర్మపృష్ఠగతా కూర్మీ కూర్మజా కూర్మసున్దరీ । var కూర్మరూపిణీ
వారాహీ వీరసూర్వన్ద్యా వరారోహా మృగేక్షణా ॥ ౭౨ ॥
వరాహమూర్తిర్వాచాలా వశ్యా వారాహసున్దరీ । var దంష్ట్రా వారాహసున్దరీ
నరసింహాకృతిర్దేవీ దుష్టదైత్యనిషూదినీ ॥ ౭౩ ॥
ప్రద్యుమ్నవరదా నారీ నరసింహైకసున్దరీ ।
వామజా వామనాకారా నారాయణపరాయణా ॥ ౭౪ ॥
బలిదానవదర్పఘ్నీ వామ్యా వామనసున్దరీ ।
రామప్రియా రామకలా రక్షోవంశక్షయభయఙ్కరీ ॥ ౭౫ ॥ రక్షోవంశక్షయఙ్కరీ రక్షోవంశభయఙ్కరీ
var రామప్రియా రామకీలిః క్షత్రవంశక్షయఙ్కరీ
భృగుపుత్రీ రాజకన్యా రామా పరశుధారిణీ । var దనుపుత్రీ
భార్గవీ భార్గవేష్టా చ జామదగ్న్యవరప్రదా ॥ ౭౬ ॥
కుఠారధారిణీ రాత్రిర్జామదగ్న్యైకసున్దరీ ।
సీతాలక్ష్మణసేవ్యా చ రక్షఃకులవినాశినీ ॥ ౭౭ ॥
రామప్రియా చ శత్రుఘ్నీ శత్రుఘ్నభరతేష్టదా ।
లావణ్యామృతధారాఢ్యా లవణాసురఘాతినీ ॥ ౭౮ ॥
లోహితాస్యా ప్రసన్నాస్యా స్వాత్మారామైకసున్దరీ । var స్వాగమా రామసున్దరీ
కృష్ణకేశా కృష్ణముఖీ యాదవాన్తకరీ లయా ॥ ౭౯ ॥
యాదోగణార్చితా యోజ్యా రాధా శ్రీకృష్ణసున్దరీ ।
సిద్ధప్రసూః సిద్ధదేవీ జినమార్గపరాయణా ॥ ౮౦ ॥ var బుద్ధప్రసూర్బుద్ధదేవీ
జితక్రోధా జితాలస్యా జినసేవ్యా జితేన్ద్రియా ।
జినవంశధరోగ్రా చ నీలాన్తా బుద్ధసున్దరీ ॥ ౮౧ ॥
కాలీ కోలాహలప్రీతా ప్రేతవాహా సురేశ్వరీ ।
కల్కిప్రియా కమ్బుధరా కలికాలైకసున్దరీ ॥ ౮౨ ॥
విష్ణుమాయా బ్రహ్మమాయా శామ్భవీ శివవాహనా ।
ఇన్ద్రావరజవక్షఃస్థా స్థాణుపత్నీ పలాలినీ ॥ ౮౩ ॥
జృమ్భిణీ జృమ్భహర్త్రీ చ జృమ్భమాణాలకాకులా । var ఋమ్భమాణకచాలకా
కులాకులఫలేశానీ పదదానఫలప్రదా ॥ ౮౪ ॥
కులవాగీశ్వరీ కుల్యా కులజా కులసున్దరీ ।
పురన్దరేడ్యా తారుణ్యాలయా పుణ్యజనేశ్వరీ ॥ ౮౫ ॥
పుణ్యోత్సాహా పాపహన్త్రీ పాకశాసనసున్దరీ ।
సూయర్కోటిప్రతీకాశా సూర్యతేజోమయీ మతిః ॥ ౮౬ ॥
లేఖినీ భ్రాజినీ రజ్జురూపిణీ సూర్యసున్దరీ ।
చన్ద్రికా చ సుధాధారా జ్యోత్స్నా శీతాంశుసున్దరీ ॥ ౮౭ ॥
లోలాక్షీ చ శతాక్షీ చ సహస్రాక్షీ సహస్రపాత్ ।
సహస్రశీర్షా చేన్ద్రాణీ సహస్రభుజవల్లికా ॥ ౮౮ ॥
కోటిరత్నాంశుశోభా చ శుభ్రవస్త్రా శతాననా ।
శతానన్దా శ్రుతిధరా పిఙ్గలా చోగ్రనాదినీ ॥ ౮౯ ॥
సుషుమ్నా హారకేయూరనూపురారావసఙ్కులా ।
ఘోరనాదాఽఘోరముఖీ చోన్ముఖీ చోల్మూకాయుధా ॥ ౯౦ ॥
గోపితా గూర్జరీ గోధా గాయత్రీ వేదవల్లభా ।
వల్లకీస్వననాదా చ నాదవిద్యా నదీతటీ ॥ ౯౧ ॥
బిన్దురూపా చక్రయోనిర్బిన్దునాదస్వరూపిణీ ।
చక్రేశ్వరీ భైరవేశీ మహాభైరవవల్లభా ॥ ౯౨ ॥
కాలభైరవభార్యా చ కల్పాన్తే రఙ్గనర్తకీ ।
ప్రలయానలధూమ్రాభా యోనిమధ్యకృతాలయా ॥ ౯౩ ॥
భూచరీ ఖేచరీ ముద్రా నవముద్రావిలాసినీ ।
వియోగినీ శ్మశానస్థా శ్మశానార్చనతోషితా ॥ ౯౪ ॥
భాస్వరాఙ్గీ భర్గశిఖా భర్గవామాఙ్గవాసినీ ।
భద్రకాలీ విశ్వకాలీ శ్రీకాలీ మేఘకాలికా ॥ ౯౫ ॥
నీరకాలీ కాలరాత్రిః కాలీ కామేశకాలికా ।
ఇన్ద్రకాలీ పూర్వకాలీ పశ్చిమామ్నాయకాలికా ॥ ౯౬ ॥
శ్మశానకాలికా శుభ్రకాలీ శ్రీకృష్ణకాలికా । var భద్రకాలీ
క్రీఙ్కారోత్తరకాలీ శ్రీం హుం హ్రీం దక్షిణకాలికా ॥ ౯౭ ॥
సున్దరీ త్రిపురేశానీ త్రికూటా త్రిపురార్చితా ।
త్రినేత్రా త్రిపురాధ్యక్షా త్రికూటా కూటభైరవీ ॥ ౯౮ ॥ var త్రిపుటా పుటభైరవీ
త్రిలోకజననీ నేత్రీ మహాత్రిపూరసున్దరీ ।
కామేశ్వరీ కామకలా కాలకామేశసున్దరీ ॥ ౯౯ ॥
త్ర్యక్షర్యేకాక్షరీదేవీ భావనా భువనేశ్వరీ ।
ఏకాక్షరీ చతుష్కూటా త్రికూటేశీ లయేశ్వరీ ॥ ౧౦౦ ॥
చతుర్వర్ణా చ వర్ణేశీ వర్ణాఢ్యా చతురక్షరీ ।
పఞ్చాక్షరీ చ షడ్వక్త్రా షట్కూటా చ షడక్షరీ ॥ ౧౦౧ ॥
సప్తాక్షరీ నవార్ణేశీ పరమాష్టాక్షరేశ్వరీ ।
నవమీ పఞ్చమీ షష్టిః నాగేశీ నవనాయికా ॥ ౧౦౨ ॥ var నాగేశీ చ నవాక్షరీ ।
దశాక్షరీ దశాస్యేశీ దేవికైకాదశాక్షరీ ।
ద్వాదశాదిత్యసఙ్కాశా (౭౦౦) ద్వాదశీ ద్వాదశాక్షరీ ॥ ౧౦౩ ॥
త్రయోదశీ వేదగర్భా వాద్యా (బ్రాహ్మీ) త్రయోదశాక్షరీ ।
చతుర్దశాక్షరీ విద్యా విద్యాపఞ్చదశాక్షరీ ॥ ౧౦౪ ॥
షోడశీ సర్వవిద్యేశీ మహాశ్రీషోడశాక్షరీ ।
మహాశ్రీషోడశీరూపా చిన్తామణిమనుప్రియా ॥ ౧౦౫ ॥
ద్వావింశత్యక్షరీ శ్యామా మహాకాలకుటుమ్బినీ ।
వజ్రతారా కాలతారా నారీ తారోగ్రతారిణీ ॥ ౧౦౬ ॥
కామతారా స్పర్శతారా శబ్దతారా రసాశ్రయా ।
రూపతారా గన్ధతారా మహానీలసరస్వతీ ॥ ౧౦౭ ॥
కాలజ్వాలా వహ్నిజ్వాలా బ్రహ్మజ్వాలా జటాకులా ।
విష్ణుజ్వాలా జిష్ణుశిఖా భద్రజ్వాలా కరాలినీ ॥ ౧౦౮ ॥ విష్ణుశిఖా
వికరాలముఖీ దేవీ కరాలీ భూతిభూషణా ।
చితాశయాసనా చిన్త్యా చితామణ్డలమధ్యగా ॥ ౧౦౯ ॥
భూతభైరవసేవ్యా చ భూతభైరవపాలినీ ।
బన్ధకీ బద్ధసన్ముద్రా భవబన్ధవినాశినీ ॥ ౧౧౦ ॥
భవానీ దేవదేవేశీ దీక్షా దీక్షితపూజితా ।
సాధకేశీ సిద్ధిదాత్రీ సాధకానన్దవర్ధినీ ॥ ౧౧౧ ॥
సాధకాశ్రయభూతా చ సాధకేష్టఫలప్రదా ।
రజోవతీ రాజసీ చ రజకీ చ రజస్వలా ॥ ౧౧౨ ॥
పుష్పప్రియా పుష్పపూర్ణా స్వయమ్భూపుష్పమాలికా । var పుష్పప్రియా పుష్పవతీ
స్వయమ్భూపుష్పగన్ధాఢ్యా పులస్త్యసుతనాశినీ ॥ ౧౧౩ ॥ var పులస్త్యసుతఘాతినీ
పాత్రహస్తా పరా పౌత్రీ పీతాస్యా పీతభూషణా ।
పిఙ్గాననా పిఙ్గకేశీ పిఙ్గలా పిఙ్గలేశ్వరీ ॥ ౧౧౪ ॥
మఙ్గలా మఙ్గలేశానీ సర్వమఙ్గలమఙ్గలా ।
పురూరవేశ్వరీ పాశధరా చాపధరాఽధురా ॥ ౧౧౫ ॥
పుణ్యధాత్రీ పుణ్యమయీ పుణ్యలోకనివాసినీ ।
హోతృసేవ్యా హకారస్థా సకారస్థా సుఖావతీ ॥ ౧౧౬ ॥
సఖీ శోభావతీ సత్యా సత్యాచారపరాయణా ।
సాధ్వీశానకలేశానీ వామదేవకలాశ్రితా ॥ ౧౧౭ ॥
సద్యోజాతకలేశానీ శివాఽఘోరకలాకృతిః । var సద్యోజాతకలా దేవీ
శర్వరీ వీరసదృశీ క్షీరనీరవివేచినీ (౮౦౦) ॥ ౧౧౮ ॥
వితర్కనిలయా నిత్యా నిత్యక్లిన్నా పరామ్బికా ।
పురారిదయితా దీర్ఘా దీర్ఘనాసాఽల్పభాషిణీ ॥ ౧౧౯ ॥
కాశికా కౌశికీ కోశ్యా కోశదా రూపవర్ధినీ ।
తుష్టిః పుష్టిః ప్రజాప్రీతా పూజితా పూజకప్రియా ॥ ౧౨౦ ॥ var ప్రాజికా పూజకప్రియా
ప్రజావతీ గర్భవతీ గర్భపోషణకారిణీ । var గర్భపోషణపోషితా
శుక్రవాసాః శుక్లరూపా శుచివాసా జయావహా ॥ ౧౨౧ ॥
జానకీ జన్యజనకా జనతోషణతత్పరా ।
వాదప్రియా వాద్యరతా వాదినీ వాదసున్దరీ ॥ ౧౨౨ ॥ var వాదితా వాదసున్దరీ
వాక్స్తమ్భినీ కీరపాణిః ధీరాధీరా ధురన్ధరా । var వాక్స్తమ్భినీ కీరవాణీ
స్తనన్ధయీ సామిధేనీ నిరానన్దా నిరఞ్జనా ॥ ౧౨౩ ॥ var నిరానన్దా నిరాలయా
సమస్తసుఖదా సారా వారాన్నిధివరప్రదా ।
వాలుకా వీరపానేష్టా వసుధాత్రీ వసుప్రియా ॥ ౧౨౪ ।
శుకానాన్దా శుక్రరసా శుక్రపూజ్యా శుకప్రియా ।
శుచిశ్చ శుకహస్తా చ సమస్తనరకాన్తకా ॥ ౧౨౫ ॥ var శుకీ చ శుకహస్తా చ
సమస్తతత్త్వనిలయా భగరూపా భగేశ్వరీ ।
భగబిమ్బా భగాహృద్యా భగలిఙ్గస్వరూపిణీ ॥ ౧౨౬ ॥
భగలిఙ్గేశ్వరీ శ్రీదా భగలిఙ్గామృతస్రవా ।
క్షీరాశనా క్షీరరుచిః ఆజ్యపానపరాయణా ॥ ౧౨౭ ॥
మధుపానపరా ప్రౌఢా పీవరాంసా పరావరా ।
పిలమ్పిలా పటోలేశా పాటలారుణలోచనా ॥ ౧౨౮ ॥
క్షీరామ్బుధిప్రియా క్షిప్రా సరలా సరలాయుధా ।
సఙ్గ్రామా సునయా స్రస్తా సంసృతిః సనకేశ్వరీ ॥ ౧౨౯ ॥
కన్యా కనకరేఖా చ కాన్యకుబ్జనివాసినీ ।
కాఞ్చనోభతనుః కాష్ఠా కుష్ఠరోగనివారిణీ ॥ ౧౩౦ ॥
కఠోరమూర్ధజా కున్తీ కృన్తాయుధధరా ధృతిః ।
చర్మామ్బరా క్రూరనఖా చకోరాక్షీ చతుర్భుజా ॥ ౧౩౧ ॥
చతుర్వేదప్రియా చాద్యా చతుర్వర్గఫలప్రదా ।
బ్రహ్మాణ్డచారిణీ స్ఫుర్తిః బ్రహ్మాణీ బ్రహ్మసమ్మతా ॥ ౧౩౨ ॥
సత్కారకారిణీ సూతిః సూతికా లతికాలయా (౯౦౦)
కల్పవల్లీ కృశాఙ్గీ చ కల్పపాదపవాసినీ ॥ ౧౩౩ ॥
కల్పపాశా మహావిద్యా విద్యారాజ్ఞీ సుఖాశ్రయా ।
భూతిరాజ్ఞీ విశ్వరాజ్ఞీ లోకరాజ్ఞీ శివాశ్రయా ॥ ౧౩౪ ॥
బ్రహ్మరాజ్ఞీ విష్ణురాజ్ఞీ రుద్రరాజ్ఞీ జటాశ్రయా ।
నాగరాజ్ఞీ వంశరాజ్ఞీ వీరరాజ్ఞీ రజఃప్రియా ॥ ౧౩౫ ॥
సత్త్వరాజ్ఞీ తమోరాజ్ఞీ గణరాజ్ఞీ చలాచలా ।
వసురాజ్ఞీ సత్యరాజ్ఞీ తపోరాజ్ఞీ జపప్రియా ॥ ౧౩౬ ॥
మన్త్రరాజ్ఞీ వేదరాజ్ఞీ తన్త్రరాజ్ఞీ శ్రుతిప్రియా ।
వేదరాజ్ఞీ మన్త్రిరాజ్ఞీ దైత్యరాజ్ఞీ దయాకరా ॥ ౧౩౭ ॥
కాలరాజ్ఞీ ప్రజారాజ్ఞీ తేజోరాజ్ఞీ హరాశ్రయా ।
పృథ్వీరాజ్ఞీ పయోరాజ్ఞీ వాయురాజ్ఞీ మదాలసా ॥ ౧౩౮ ॥
సుధారాజ్ఞీ సురారాజ్ఞీ భీమరాజ్ఞీ భయోజ్ఝితా ।
తథ్యరాజ్ఞీ జయారాజ్ఞీ మహారాజ్ఞీ మహామత్తిః ॥ ౧౩౯ ॥ var మహారాజ్ఞీ కులోకృతిః
వామరాజ్ఞీ చీనరాజ్ఞీ హరిరాజ్ఞీ హరీశ్వరీ ।
పరారాజ్ఞీ యక్షరాజ్ఞీ భూతరాజ్ఞీ శివాశ్రయా ॥ ౧౪౦ ॥ var భూతరాజ్ఞీ శివాసనా
వటురాజ్ఞీ ప్రేతరాజ్ఞీ శేషరాజ్ఞీ శమప్రదా । var బహురాజ్ఞీ ప్రేతరాజ్ఞీ
ఆకాశరాజ్ఞీ రాజేశీ రాజరాజ్ఞీ రతిప్రియా ॥ ౧౪౧ ॥
పాతాలరాజ్ఞీ భూరాజ్ఞీ ప్రేతరాజ్ఞీ విషాపహా ।
సిద్ధరాజ్ఞీ విభారాజ్ఞీ తేజోరాజ్ఞీ విభామయీ ॥ ౧౪౨ ॥
భాస్వద్రాజ్ఞీ చన్ద్రరాజ్ఞీ తారారాజ్ఞీ సువాసినీ ।
గృహరాజ్ఞీ వృక్షరాజ్ఞీ లతారాజ్ఞీ మతిప్రదా ॥ ౧౪౩ ॥
వీరరాజ్ఞీ మనోరాజ్ఞీ మనురాజ్ఞీ చ కాశ్యపీ । var ధీరరాజ్ఞీ మనోరాజ్ఞీ
మునిరాజ్ఞీ రత్నరాజ్ఞీ మృగరాజ్ఞీ మణిప్రభా ॥ ౧౪౪ ॥ var యుగరాజ్ఞీ మణిప్రభా
సిన్ధురాజ్ఞీ నదీరాజ్ఞీ నదరాజ్ఞీ దరీస్థితా ।
నాదరాజ్ఞీ బిన్దురాజ్ఞీ ఆత్మరాజ్ఞీ చ సద్గతిః ॥ ౧౪౫ ॥
పుత్రరాజ్ఞీ ధ్యానరాజ్ఞీ లయరాజ్ఞీ సదేశ్వరీ ।
ఈశానరాజ్ఞీ రాజేశీ స్వాహారాజ్ఞీ మహత్తరా ॥ ౧౪౬ ॥
వహ్నిరాజ్ఞీ యోగిరాజ్ఞీ యజ్ఞరాజ్ఞీ చిదాకృతిః ।
జగద్రాజ్ఞీ తత్త్వరాజ్ఞీ వాగ్రాజ్ఞీ విశ్వరూపిణీ ॥ ౧౪౭ ॥
పఞ్చదశాక్షరీరాజ్ఞీ ఓం హ్రీం భూతేశ్వరేశ్వరీ । ( ౧౦౦౦)
ఇతీదం మన్త్రసర్వస్వం రాజ్ఞీనామసహస్రకమ్ ॥ ౧౪౮ ॥
పఞ్చదశాక్షరీతత్త్వం మన్త్రసారం మనుప్రియమ్ ।
సర్వతత్త్వమయం పుణ్యం మహాపాతకనాశనమ్ ॥ ౧౪౯ ॥
సర్వసిద్ధిప్రదం లోకే సర్వరోగనిబర్హణమ్ ।
సర్వోత్పాతప్రశమనం గ్రహశాన్తికరం శుభమ్ ॥ ౧౫౦ ॥
సర్వదేవప్రియం ప్రాజ్యం సర్వశత్రుభయాపహమ్ ।
సర్వదుఃఖౌఘశమనం సర్వశోకవినాశనమ్ ॥ ౧౫౧ ॥
పఠేద్వా పాఠయేత్ నామ్నాం సహస్రం శక్తిసన్నిధౌ ।
దూరాదేవ పలాయన్తే విపదః శత్రుభీతయః ॥ ౧౫౨ ॥
రాక్షసా భూతవేతాలాః పన్నగా హరిణద్విషః ।
పఠనాద్విద్రవన్త్యాశు మహాకాలాదివ ప్రజాః ॥ ౧౫౩ ॥
శ్రవణాత్పాతాకం నశ్యేచ్ఛ్రావయేద్యః స భాగ్యవాన్ ।
నానావిధాని భోగాని సమ్భూయ పృథివీతలే ॥ ౧౫౪ ॥
గమిష్యతి పరాం భూమిం త్వరితం నాత్ర సంశయః ।
NOTE: The following verses (155-175) are not found
in S V Radhakrishna Sastri’s Book
అశ్వమేధసహస్రస్య వాజిపేయస్య కోటయః ।
గఙ్గాస్నానసహస్రస్య చాన్ద్రాయణాయుతస్య చ ॥ ౧౫౫ ॥
తప్తకృచ్ఛేకలక్షస్య రాజసూయస్య కోటయః ।
సహస్రనామపాఠస్య కలాం నార్హన్తి షోడశీమ్ ॥ ౧౫౬ ॥
సర్వసిద్ధీశ్వరం సాధ్యం రాజ్ఞీనామసహస్రకమ్ ।
మన్త్రగర్భం పఠేద్యస్తు రాజ్యకామో మహేశ్వరి ॥ ౧౫౭ ॥
వర్షమేకం శతావర్తం మహాచీనక్రమాకులః ।
శక్రిపూజాపరో రాత్రౌ స లభేద్రాజ్యమీశ్వరి ॥ ౧౫౮ ॥
పుత్రకామీ పఠేత్సాయం చితాభస్మానులేపనః ।
దిగమ్బరో ముక్తకేశః శతావర్తం మహేశ్వరి ॥ ౧౫౯ ॥
శ్మశానే తు లభేత్పుత్రం సాక్షాద్వైశ్రవణోపమమ్ ।
పరదారార్చనరతో భగబిమ్బం స్మరన్ సుధీః ॥ ౧౬౦ ॥
పఠేన్నామసహస్రం తు వసుకామీ లభేద్ధనమ్ ।
రవౌ వారత్రయం దేవి పఠేన్నామసహస్రకమ్ ॥ ౧౬౧ ॥
మృదువిష్టరనిర్విష్టః క్షీరపానపరాయణః ।
స్వప్నే సింహాసనాం రాజ్ఞీం వరదాం భువి పశ్యతి ॥ ౧౬౨ ॥
క్షీరచర్వణసన్తృప్తో వీరపానరసాకులః ।
యః పఠేత్పరయా భక్త్యా రాజ్ఞీనామసహస్రకమ్ ॥ ౧౬౩ ॥
స సద్యో ముచ్యతే ఘోరాన్మహాపాతకజాద్భయాత్ ।
యః పఠేత్సాధకో భక్త్యా శక్తివక్షఃకృతాసనః ॥ ౧౬౪ ॥
శుక్రోత్తరణకాలే తు తస్య హస్తేఽష్టసిద్ధయః ।
యః పఠేన్నిశి చక్రాగ్రే పరస్త్రీధ్యానతత్పరః ॥ ౧౬౫ ॥
సురాసవరసానన్దీ స లభేత్సంయుగే జయమ్ ।
ఇదం నామసహస్రం తు సర్వమన్త్రమయం శివే ॥ ౧౬౬ ॥
భూర్జత్వచి లిఖేద్రాత్రౌ చక్రార్చనసమాగమే ।
అష్టగన్ధేన పూతేన వేష్టయేత్ స్వర్ణపత్రకే ॥ ౧౬౭ ॥
ధారయేత్ కణ్ఠదేశే తు సర్వసిద్ధిః ప్రజాయతే ।
యో ధారయేన్మహారక్షాం సర్వదేవాతిదుర్లభామ్ ॥ ౧౬౮ ॥
రణే రాజకులే ద్యూతే చౌరరోగాద్యుపద్రవే ।
స ప్రాప్నోతి జయం సద్యః సాధకో వీరనాయకః ॥ ౧౬౯ ॥
శ్రీచక్రం పూజయేద్యస్తు ధారయేద్వర్మ మస్తకే ।
పఠేన్నామసహస్రం తు స్తోత్రం మన్త్రాత్మకం తథా ॥ ౧౭౦ ॥
కిం కిం న లభతే కామం దేవానామపి దుర్లభమ్ ।
సురాపానం తతః సంవిచ్చర్వణం మీనమాంసకమ్ ॥ ౧౭౧ ॥
నవకన్యాసమాయోగో ముద్రా వీణారవః ప్రియే ।
సత్సఙ్గో గురుసాన్నిధ్యం రాజ్ఞీశ్రీచక్రమగ్రతః ॥ ౧౭౨ ॥
యస్య దేవి స ఏవ స్యాద్యోగీ బ్రహ్మవిదీశ్వరః ।
ఇదం రహస్యం పరమం భక్త్యా తవ మయోదితమ్ ॥ ౧౭౨ ॥
అప్రకాశ్యమదాతవ్యం న దేయం యస్య కస్యచిత్ ।
అన్యశిష్యాయ దుష్టాయ దుర్జనాయ దురాత్మనే ॥ ౧౭౪ ॥
గురుభక్తివిహీనాయ సురాస్త్రీనిన్దకాయ చ ।
నాస్తికాయ కుశీలాయ న దేయం తత్త్వదర్శిభిః ॥ ౧౭౫ ॥
NOTE: S V Radhakrishna Sastri’s Book continues with the following:
దేయం శిష్యాయ శాన్తాయ భక్తాయాద్వైతవాదినే ।
దీక్షితాయ కులీనాయ రాజ్ఞీభక్తిరతాయ చ ॥ ౧౭౬ ॥
దత్త్వా భోగాపవర్గే చ లభేత్సాధకసత్తమః ।
ఇతి నామసహస్రం తు రాజ్ఞ్యాః శివముఖోదితమ్ ।
అత్యన్తదుర్లభం గోప్యం గోపనీయం స్వయోనివత్ ॥ ౧౭౭ ॥
NOTE: the following two extra shlokams are found
in S V Radhakrishna Sastri’s Book
అష్టావింశతినైజమాన్యమునిభిః భావ్యాం మహాయోగిభిః
శ్రీవాణీకరవీజితాం సుమకుటాం శ్రీచక్రబిన్దుస్థితాం ।
పఞ్చబ్రహ్మసుతత్వమఞ్చనిలయాం సామ్రాజ్యసిద్ధిప్రదాం
శ్రీసింహాసనసున్దరీం భగవతీం రాజేశ్వరీమాశ్రయే ॥ ౧ ॥
శ్వేతఛత్రసువాలవీజననుతా మాలాకిరీటోజ్జ్వలా
సన్మన్దస్మితసున్దరీ శశిధరా తామ్బూలపూర్ణాననా ।
శ్రీసింహాసనసంస్థితా సుమశరా శ్రీవీరవర్యాసనా
సామ్రాజ్ఞీ మనుషోడశీ భగవతీ మాం పాతు రాజేశ్వరీ ॥ ౨ ॥
॥ ఇతి శ్రీరుద్రయామలే తన్త్రే దశవిద్యారహస్యే
శ్రీమహారాజ్ఞీసహస్రనామస్తోత్రమ్ సమాప్తమ్ ॥
– Chant Stotra in Other Languages -1000 Names of Maha Rajni:
1000 Names of Sri Maharajni – Sahasranama Stotram in Sanskrit – English – Bengali – Gujarati – – Kannada – Malayalam – Odia – Telugu – Tamil
This work was proof read using the version found in S.V.Radhakrishna Sastri’s Book, ᳚Bhagavati stutimanjari (pages 158-173). We find a few extra verses here, that are not found in this book. In Radhakrishna Sastri’s book, the verse
sequence 1-156 starts from the following shlokam. Also, in verse No. 49, SVR’s book uses six padas (3 lines instead of four padas in 2 lines), so the actual count in the book and the encoded version may be slightly different.
The var is used to indicate variation or pathabheda found in two different prints.