॥ Mahasarasvati Sahasranamastotram Bengali Lyrics ॥
॥ শ্রী মহাসরস্বতী সহস্রনাম স্তোত্রম্ ॥
ধ্যানম্
শ্রীমচ্চন্দনচর্চিতোজ্জ্বলবপুঃ শুক্লাম্বরা মল্লিকা-
মালালালিত কুন্তলা প্রবিলসন্মুক্তাবলীশোভনা ।
সর্বজ্ঞাননিধানপুস্তকধরা রুদ্রাক্ষমালাঙ্কিতা
বাগ্দেবী বদনাম্বুজে বসতু মে ত্রৈলোক্যমাতা শুভা ॥
শ্রীনারদ উবাচ –
ভগবন্পরমেশান সর্বলোকৈকনায়ক ।
কথং সরস্বতী সাক্ষাত্প্রসন্না পরমেষ্ঠিনঃ ॥ ২ ॥
কথং দেব্যা মহাবাণ্যাঃ সতত্প্রাপ সুদুর্লভম্ ।
এতন্মে বদ তত্বেন মহায়োগীশ্বরপ্রভো ॥ ৩ ॥
শ্রীসনত্কুমার উবাচ –
সাধু পৃষ্টং ত্বয়া ব্রহ্মন্ গুহ্যাদ্গুহ্য মনুত্তমম্ ।
ভয়ানুগোপিতং য়ত্নাদিদানীং সত্প্রকাশ্যতে ॥ ৪ ॥
পুরা পিতামহং দৃষ্ট্বা জগত্স্থাবরজঙ্গমম্ ।
নির্বিকারং নিরাভাসং স্তংভীভূতমচেতসম্ ॥ ৫ ॥
সৃষ্ট্বা ত্রৈলোক্যমখিলং বাগভাবাত্তথাবিধম্ ।
আধিক্যাভাবতঃ স্বস্য পরমেষ্ঠী জগদ্গুরুঃ ॥ ৬ ॥
দিব্যবর্ষায়ুতং তেন তপো দুষ্কর মুত্তমম্ ।
ততঃ কদাচিত্সংজাতা বাণী সর্বার্থশোভিতা ॥ ৭ ॥
অহমস্মি মহাবিদ্যা সর্ববাচামধীশ্বরী ।
মম নাম্নাং সহস্রং তু উপদেক্ষ্যাম্যনুত্তমম্ ॥ ৮ ॥
অনেন সংস্তুতা নিত্যং পত্নী তব ভবাম্যহম্ ।
ত্বয়া সৃষ্টং জগত্সর্বং বাণীয়ুক্তং ভবিষ্যতি ॥ ৯ ॥
ইদং রহস্যং পরমং মম নামসহস্রকম্ ।
সর্বপাপৌঘশমনং মহাসারস্বতপ্রদম্ ॥ ১০ ॥
মহাকবিত্বদং লোকে বাগীশত্বপ্রদায়কম্ ।
ত্বং বা পরঃ পুমান্যস্তুস্তবেনানেন তোষয়েত্ ॥ ১১ ॥
তস্যাহং কিংকরী সাক্ষাদ্ভবিষ্যামি ন সংশয়ঃ ।
ইত্যুক্ত্বান্তর্দধে বাণী তদারভ্য পিতামহঃ ॥ ১২ ॥
স্তুত্বা স্তোত্রেণ দিব্যেন তত্পতিত্বমবাপ্তবান্ ।
বাণীয়ুক্তং জগত্সর্বং তদারভ্যাভবন্মুনে ॥ ১৩ ॥
তত্তেহং সংপ্রবক্ষ্যামি শৃণু য়ত্নেন নারদ ।
সাবধানমনা ভূত্বা ক্ষণং শুদ্ধো মুনীশ্বরঃ ॥ ১৪ ॥
বাগ্বাণী বরদা বন্দ্যা বরারোহা বরপ্রদা ।
বৃত্তির্বাগীশ্বরী বার্তা বরা বাগীশবল্লভা ॥ ১ ॥
বিশ্বেশ্বরী বিশ্ববন্দ্যা বিশ্বেশপ্রিয়কারিণী ।
বাগ্বাদিনী চ বাগ্দেবী বৃদ্ধিদা বৃদ্ধিকারিণী ॥ ২ ॥
বৃদ্ধির্বৃদ্ধা বিষঘ্নী চ বৃষ্টির্বৃষ্টিপ্রদায়িনী ।
বিশ্বারাধ্যা বিশ্বমাতা বিশ্বধাত্রী বিনায়কা ॥ ৩ ॥
বিশ্বশক্তির্বিশ্বসারা বিশ্বা বিশ্ববিভাবরী ।
বেদান্তবেদিনী বেদ্যা বিত্তা বেদত্রয়াত্মিকা ॥ ৪ ॥
বেদজ্ঞা বেদজননী বিশ্বা বিশ্ববিভাবরী ।
বরেণ্যা বাঙ্ময়ী বৃদ্ধা বিশিষ্টপ্রিয়কারিণী ॥ ৫ ॥
বিশ্বতোবদনা ব্যাপ্তা ব্যাপিনী ব্যাপকাত্মিকা ।
ব্যাল়ঘ্নী ব্যাল়ভূষাংগী বিরজা বেদনায়িকা ॥ ৬ ॥
বেদবেদান্তসংবেদ্যা বেদান্তজ্ঞানরূপিণী ।
বিভাবরী চ বিক্রান্তা বিশ্বামিত্রা বিধিপ্রিয়া ॥ ৭ ॥
বরিষ্ঠা বিপ্রকৃষ্টা চ বিপ্রবর্যপ্রপূজিতা ।
বেদরূপা বেদময়ী বেদমূর্তিশ্চ বল্লভা ॥ ৮ ॥
গৌরী গুণবতী গোপ্যা গন্ধর্বনগরপ্রিয়া ।
গুণমাতা গুহান্তস্থা গুরুরূপা গুরুপ্রিয়া ॥ ৯ ॥
গিরিবিদ্যা গানতুষ্টা গায়কপ্রিয়কারিণী ।
গায়ত্রী গিরিশারাধ্যা গীর্গিরীশপ্রিয়ংকরী ॥ ১০ ॥
গিরিজ্ঞা জ্ঞানবিদ্যা চ গিরিরূপা গিরীশ্বরী ।
গীর্মাতা গণসংস্তুত্যা গণনীয়গুণান্বিতা ॥ ১১ ॥
গূঢরূপা গুহা গোপ্যা গোরূপা গৌর্গুণাত্মিকা ।
গুর্বী গুর্বম্বিকা গুহ্যা গেয়জা গৃহনাশিনী ॥ ১২ ॥
গৃহিণী গৃহদোষঘ্নী গবঘ্নী গুরুবত্সলা ।
গৃহাত্মিকা গৃহারাধ্যা গৃহবাধাবিনাশিনী ॥ ১৩ ॥
গঙ্গা গিরিসুতা গম্যা গজয়ানা গুহস্তুতা ।
গরুডাসনসংসেব্যা গোমতী গুণশালিনী ॥ ১৪ ॥
শারদা শাশ্বতী শৈবী শাংকরী শংকরাত্মিকা ।
শ্রীঃ শর্বাণী শতঘ্নী চ শরচ্চন্দ্রনিভাননা ॥ ১৫ ॥
শর্মিষ্ঠা শমনঘ্নী চ শতসাহস্ররূপিণী ।
শিবা শম্ভুপ্রিয়া শ্রদ্ধা শ্রুতিরূপা শ্রুতিপ্রিয়া ॥ ১৬ ॥
শুচিষ্মতী শর্মকরী শুদ্ধিদা শুদ্ধিরূপিণী ।
শিবা শিবংকরী শুদ্ধা শিবারাধ্যা শিবাত্মিকা ॥ ১৭ ॥
শ্রীমতী শ্রীময়ী শ্রাব্যা শ্রুতিঃ শ্রবণগোচরা ।
শান্তিঃ শান্তিকরী শান্তা শান্তাচারপ্রিয়ংকরী ॥ ১৮ ॥
শীললভ্যা শীলবতী শ্রীমাতা শুভকারিণী ।
শুভবাণী শুদ্ধবিদ্যা শুদ্ধচিত্তপ্রপূজিতা ॥ ১৯ ॥
শ্রীকরী শ্রুতপাপঘ্নী শুভাক্ষী শুচিবল্লভা ।
শিবেতরঘ্নী শবরী শ্রবণীয়গুণান্বিতা ॥ ২০ ॥
শারী শিরীষপুষ্পাভা শমনিষ্ঠা শমাত্মিকা ।
শমান্বিতা শমারাধ্যা শিতিকণ্ঠপ্রপূজিতা ॥ ২১ ॥
শুদ্ধিঃ শুদ্ধিকরী শ্রেষ্ঠা শ্রুতানন্তা শুভাবহা ।
সরস্বতী চ সর্বজ্ঞা সর্বসিদ্ধিপ্রদায়িনী ॥ ২২ ॥
সরস্বতী চ সাবিত্রী সংধ্যা সর্বেপ্সিতপ্রদা ।
সর্বার্তিঘ্নী সর্বময়ী সর্ববিদ্যাপ্রদায়িনী ॥ ২৩ ॥
সর্বেশ্বরী সর্বপুণ্যা সর্গস্থিত্যন্তকারিণী ।
সর্বারাধ্যা সর্বমাতা সর্বদেবনিষেবিতা ॥ ২৪ ॥
সর্বৈশ্বর্যপ্রদা সত্যা সতী সত্বগুণাশ্রয়া ।
স্বরক্রমপদাকারা সর্বদোষনিষূদিনী ॥ ২৫ ॥
সহস্রাক্ষী সহস্রাস্যা সহস্রপদসংয়ুতা ।
সহস্রহস্তা সাহস্রগুণালংকৃতবিগ্রহা ॥ ২৬ ॥
সহস্রশীর্ষা সদ্রূপা স্বধা স্বাহা সুধাময়ী ।
ষড্গ্রন্থিভেদিনী সেব্যা সর্বলোকৈকপূজিতা ॥ ২৭ ॥
স্তুত্যা স্তুতিময়ী সাধ্যা সবিতৃপ্রিয়কারিণী ।
সংশয়চ্ছেদিনী সাংখ্যবেদ্যা সংখ্যা সদীশ্বরী ॥ ২৮ ॥
সিদ্ধিদা সিদ্ধসম্পূজ্যা সর্বসিদ্ধিপ্রদায়িনী ।
সর্বজ্ঞা সর্বশক্তিশ্চ সর্বসম্পত্প্রদায়িনী ॥ ২৯ ॥
সর্বাশুভঘ্নী সুখদা সুখা সংবিত্স্বরূপিণী ।
সর্বসম্ভীষণী সর্বজগত্সম্মোহিনী তথা ॥ ৩০ ॥
সর্বপ্রিয়ংকরী সর্বশুভদা সর্বমঙ্গল়া ।
সর্বমন্ত্রময়ী সর্বতীর্থপুণ্যফলপ্রদা ॥ ৩১ ॥
সর্বপুণ্যময়ী সর্বব্যাধিঘ্নী সর্বকামদা ।
সর্ববিঘ্নহরী সর্ববন্দিতা সর্বমঙ্গল়া ॥ ৩২ ॥
সর্বমন্ত্রকরী সর্বলক্ষ্মীঃ সর্বগুণান্বিতা ।
সর্বানন্দময়ী সর্বজ্ঞানদা সত্যনায়িকা ॥ ৩৩ ॥
সর্বজ্ঞানময়ী সর্বরাজ্যদা সর্বমুক্তিদা ।
সুপ্রভা সর্বদা সর্বা সর্বলোকবশংকরী ॥ ৩৪ ॥
সুভগা সুন্দরী সিদ্ধা সিদ্ধাম্বা সিদ্ধমাতৃকা ।
সিদ্ধমাতা সিদ্ধবিদ্যা সিদ্ধেশী সিদ্ধরূপিণী ॥ ৩৫ ॥
সুরূপিণী সুখময়ী সেবকপ্রিয়কারিণী ।
স্বামিনী সর্বদা সেব্যা স্থূলসূক্ষ্মাপরাম্বিকা ॥ ৩৬ ॥
সাররূপা সরোরূপা সত্যভূতা সমাশ্রয়া ।
সিতাসিতা সরোজাক্ষী সরোজাসনবল্লভা ॥ ৩৭ ॥
সরোরুহাভা সর্বাঙ্গী সুরেন্দ্রাদিপ্রপূজিতা ।
মহাদেবী মহেশানী মহাসারস্বতপ্রদা ॥ ৩৮ ॥
মহাসরস্বতী মুক্তা মুক্তিদা মলনাশিনী ।
মহেশ্বরী মহানন্দা মহামন্ত্রময়ী মহী ॥ ৩৯ ॥
মহালক্ষ্মীর্মহাবিদ্যা মাতা মন্দরবাসিনী ।
মন্ত্রগম্যা মন্ত্রমাতা মহামন্ত্রফলপ্রদা ॥ ৪০ ॥
মহামুক্তির্মহানিত্যা মহাসিদ্ধিপ্রদায়িনী ।
মহাসিদ্ধা মহামাতা মহদাকারসংয়ুতা ॥ ৪১ ॥
মহা মহেশ্বরী মূর্তির্মোক্ষদা মণিভূষণা ।
মেনকা মানিনী মান্যা মৃত্যুঘ্নী মেরুরূপিণী ॥ ৪২ ॥
মদিরাক্ষী মদাবাসা মখরূপা মখেশ্বরী ।
মহামোহা মহামায়া মাতৄণাং মূর্ধ্নিসংস্থিতা ॥ ৪৩ ॥
মহাপুণ্যা মুদাবাসা মহাসম্পত্প্রদায়িনী ।
মণিপূরৈকনিলয়া মধুরূপা মহোত্কটা ॥ ৪৪ ॥
মহাসূক্ষ্মা মহাশান্তা মহাশান্তিপ্রদায়িনী ।
মুনিস্তুতা মোহহন্ত্রী মাধবী মাধবপ্রিয়া ॥ ৪৫ ॥
মা মহাদেবসংস্তুত্যা মহিষীগণপূজিতা ।
মৃষ্টান্নদা চ মাহেন্দ্রী মহেন্দ্রপদদায়িনী ॥ ৪৬ ॥
মতির্মতিপ্রদা মেধা মর্ত্যলোকনিবাসিনী ।
মুখ্যা মহানিবাসা চ মহাভাগ্যজনাশ্রিতা ॥ ৪৭ ॥
মহিল়া মহিমা মৃত্যুহারী মেধাপ্রদায়িনী ।
মেধ্যা মহাবেগবতী মহামোক্ষফলপ্রদা ॥ ৪৮ ॥
মহাপ্রভাভা মহতী মহাদেবপ্রিয়ংকরী ।
মহাপোষা মহর্দ্ধিশ্চ মুক্তাহারবিভূষণা ॥ ৪৯ ॥
মাণিক্যভূষণা মন্ত্রা মুখ্যচন্দ্রার্ধশেখরা ।
মনোরূপা মনঃশুদ্ধিঃ মনঃশুদ্ধিপ্রদায়িনী ॥ ৫০ ॥
মহাকারুণ্যসম্পূর্ণা মনোনমনবন্দিতা ।
মহাপাতকজালঘ্নী মুক্তিদা মুক্তভূষণা ॥ ৫১ ॥
মনোন্মনী মহাস্থূলা মহাক্রতুফলপ্রদা ।
মহাপুণ্যফলপ্রাপ্যা মায়াত্রিপুরনাশিনী ॥ ৫২ ॥
মহানসা মহামেধা মহামোদা মহেশ্বরী ।
মালাধরী মহোপায়া মহাতীর্থফলপ্রদা ॥ ৫৩ ॥
মহামঙ্গল়সম্পূর্ণা মহাদারিদ্র্যনাশিনী ।
মহামখা মহামেঘা মহাকাল়ী মহাপ্রিয়া ॥ ৫৪ ॥
মহাভূষা মহাদেহা মহারাজ্ঞী মুদালয়া ।
ভূরিদা ভাগ্যদা ভোগ্যা ভোগ্যদা ভোগদায়িনী ॥ ৫৫ ॥
ভবানী ভূতিদা ভূতিঃ ভূমির্ভূমিসুনায়িকা ।
ভূতধাত্রী ভয়হরী ভক্তসারস্বতপ্রদা ॥ ৫৬ ॥
ভুক্তির্ভুক্তিপ্রদা ভেকী ভক্তির্ভক্তিপ্রদায়িনী ।
ভক্তসায়ুজ্যদা ভক্তস্বর্গদা ভক্তরাজ্যদা ॥ ৫৭ ॥
ভাগীরথী ভবারাধ্যা ভাগ্যাসজ্জনপূজিতা ।
ভবস্তুত্যা ভানুমতী ভবসাগরতারণী ॥ ৫৮ ॥
ভূতির্ভূষা চ ভূতেশী ফাললোচনপূজিতা ।
ভূতা ভব্যা ভবিষ্যা চ ভববিদ্যা ভবাত্মিকা ॥ ৫৯ ॥
বাধাপহারিণী বন্ধুরূপা ভুবনপূজিতা ।
ভবঘ্নী ভক্তিলভ্যা চ ভক্তরক্ষণতত্পরা ॥ ৬০ ॥
ভক্তার্তিশমনী ভাগ্যা ভোগদানকৃতোদ্যমা ।
ভুজঙ্গভূষণা ভীমা ভীমাক্ষী ভীমরূপিণী ॥ ৬১ ॥
ভাবিনী ভ্রাতৃরূপা চ ভারতী ভবনায়িকা ।
ভাষা ভাষাবতী ভীষ্মা ভৈরবী ভৈরবপ্রিয়া ॥ ৬২ ॥
ভূতির্ভাসিতসর্বাঙ্গী ভূতিদা ভূতিনায়িকা ।
ভাস্বতী ভগমালা চ ভিক্ষাদানকৃতোদ্যমা ॥ ৬৩ ॥
ভিক্ষুরূপা ভক্তিকরী ভক্তলক্ষ্মীপ্রদায়িনী ।
ভ্রান্তিঘ্না ভ্রান্তিরূপা চ ভূতিদা ভূতিকারিণী ॥ ৬৪ ॥
ভিক্ষণীয়া ভিক্ষুমাতা ভাগ্যবদ্দৃষ্টিগোচরা ।
ভোগবতী ভোগরূপা ভোগমোক্ষফলপ্রদা ॥ ৬৫ ॥
ভোগশ্রান্তা ভাগ্যবতী ভক্তাঘৌঘবিনাশিনী ।
ব্রাহ্মী ব্রহ্মস্বরূপা চ বৃহতী ব্রহ্মবল্লভা ॥ ৬৬ ॥
ব্রহ্মদা ব্রহ্মমাতা চ ব্রহ্মাণী ব্রহ্মদায়িনী ।
ব্রহ্মেশী ব্রহ্মসংস্তুত্যা ব্রহ্মবেদ্যা বুধপ্রিয়া ॥ ৬৭ ॥
বালেন্দুশেখরা বালা বলিপূজাকরপ্রিয়া ।
বলদা বিন্দুরূপা চ বালসূর্যসমপ্রভা ॥ ৬৮ ॥
ব্রহ্মরূপা ব্রহ্মময়ী ব্রধ্নমণ্ডলমধ্যগা ।
ব্রহ্মাণী বুদ্ধিদা বুদ্ধির্বুদ্ধিরূপা বুধেশ্বরী ॥ ৬৯ ॥
বন্ধক্ষয়করী বাধনাশনী বন্ধুরূপিণী ।
বিন্দ্বালয়া বিন্দুভূষা বিন্দুনাদসমন্বিতা ॥ ৭০ ॥
বীজরূপা বীজমাতা ব্রহ্মণ্যা ব্রহ্মকারিণী ।
বহুরূপা বলবতী ব্রহ্মজা ব্রহ্মচারিণী ॥ ৭১ ॥
ব্রহ্মস্তুত্যা ব্রহ্মবিদ্যা ব্রহ্মাণ্ডাধিপবল্লভা ।
ব্রহ্মেশবিষ্ণুরূপা চ ব্রহ্মবিষ্ণ্বীশসংস্থিতা ॥ ৭২ ॥
বুদ্ধিরূপা বুধেশানী বন্ধী বন্ধবিমোচনী ।
অক্ষমালাক্ষরাকারাক্ষরাক্ষরফলপ্রদা ॥ ৭৩ ॥
অনন্তানন্দসুখদানন্তচন্দ্রনিভাননা ।
অনন্তমহিমাঘোরানন্তগম্ভীরসম্মিতা ॥ ৭৪ ॥
অদৃষ্টাদৃষ্টদানন্তাদৃষ্টভাগ্যফলপ্রদা ।
অরুন্ধত্যব্যয়ীনাথানেকসদ্গুণসংয়ুতা ॥ ৭৫ ॥
অনেকভূষণাদৃশ্যানেকলেখনিষেবিতা ।
অনন্তানন্তসুখদাঘোরাঘোরস্বরূপিণী ॥ ৭৬ ॥
অশেষদেবতারূপামৃতরূপামৃতেশ্বরী ।
অনবদ্যানেকহস্তানেকমাণিক্যভূষণা ॥ ৭৭ ॥
অনেকবিঘ্নসংহর্ত্রী হ্যনেকাভরণান্বিতা ।
অবিদ্যাজ্ঞানসংহর্ত্রী হ্যবিদ্যাজালনাশিনী ॥ ৭৮ ॥
অভিরূপানবদ্যাঙ্গী হ্যপ্রতর্ক্যগতিপ্রদা ।
অকল়ংকারূপিণী চ হ্যনুগ্রহপরায়ণা ॥ ৭৯ ॥
অম্বরস্থাম্বরময়াম্বরমালাম্বুজেক্ষণা ।
অম্বিকাব্জকরাব্জস্থাংশুমত্যংশুশতান্বিতা ॥ ৮০ ॥
অম্বুজানবরাখণ্ডাম্বুজাসনমহাপ্রিয়া ।
অজরামরসংসেব্যাজরসেবিতপদ্যুগা ॥ ৮১ ॥
অতুলার্থপ্রদার্থৈক্যাত্যুদারাত্বভয়ান্বিতা ।
অনাথবত্সলানন্তপ্রিয়ানন্তেপ্সিতপ্রদা ॥ ৮২ ॥
অম্বুজাক্ষ্যম্বুরূপাম্বুজাতোদ্ভবমহাপ্রিয়া ।
অখণ্ডাত্বমরস্তুত্যামরনায়কপূজিতা ॥ ৮৩ ॥
অজেয়াত্বজসংকাশাজ্ঞাননাশিন্যভীষ্টদা ।
অক্তাঘনেনা চাস্ত্রেশী হ্যলক্ষ্মীনাশিনী তথা ॥ ৮৪ ॥
অনন্তসারানন্তশ্রীরনন্তবিধিপূজিতা ।
অভীষ্টামর্ত্যসম্পূজ্যা হ্যস্তোদয়বিবর্জিতা ॥ ৮৫ ॥
আস্তিকস্বান্তনিলয়াস্ত্ররূপাস্ত্রবতী তথা ।
অস্খলত্যস্খলদ্রূপাস্খলদ্বিদ্যাপ্রদায়িনী ॥ ৮৬ ॥
অস্খলত্সিদ্ধিদানন্দাম্বুজাতামরনায়িকা ।
অমেয়াশেষপাপঘ্ন্যক্ষয়সারস্বতপ্রদা ॥ ৮৭ ॥
জয়া জয়ন্তী জয়দা জন্মকর্মবিবর্জিতা ।
জগত্প্রিয়া জগন্মাতা জগদীশ্বরবল্লভা ॥ ৮৮ ॥
জাতির্জয়া জিতামিত্রা জপ্যা জপনকারিণী ।
জীবনী জীবনিলয়া জীবাখ্যা জীবধারিণী ॥ ৮৯ ॥
জাহ্নবী জ্যা জপবতী জাতিরূপা জয়প্রদা ।
জনার্দনপ্রিয়করী জোষনীয়া জগত্স্থিতা ॥ ৯০ ॥
জগজ্জ্যেষ্ঠা জগন্মায়া জীবনত্রাণকারিণী ।
জীবাতুলতিকা জীবজন্মী জন্মনিবর্হণী ॥ ৯১ ॥
জাড্যবিধ্বংসনকরী জগদ্যোনির্জয়াত্মিকা ।
জগদানন্দজননী জম্বূশ্চ জলজেক্ষণা ॥ ৯২ ॥
জয়ন্তী জঙ্গপূগঘ্নী জনিতজ্ঞানবিগ্রহা ।
জটা জটাবতী জপ্যা জপকর্তৃপ্রিয়ংকরী ॥ ৯৩ ॥
জপকৃত্পাপসংহর্ত্রী জপকৃত্ফলদায়িনী ।
জপাপুষ্পসমপ্রখ্যা জপাকুসুমধারিণী ॥ ৯৪ ॥
জননী জন্মরহিতা জ্যোতির্বৃত্যভিদায়িনী ।
জটাজূটনচন্দ্রার্ধা জগত্সৃষ্টিকরী তথা ॥ ৯৫ ॥
জগত্ত্রাণকরী জাড্যধ্বংসকর্ত্রী জয়েশ্বরী ।
জগদ্বীজা জয়াবাসা জন্মভূর্জন্মনাশিনী ॥ ৯৬ ॥
জন্মান্ত্যরহিতা জৈত্রী জগদ্যোনির্জপাত্মিকা ।
জয়লক্ষণসম্পূর্ণা জয়দানকৃতোদ্যমা ॥ ৯৭ ॥
জম্ভরাদ্যাদিসংস্তুত্যা জম্ভারিফলদায়িনী ।
জগত্ত্রয়হিতা জ্যেষ্ঠা জগত্ত্রয়বশংকরী ॥ ৯৮ ॥
জগত্ত্রয়াম্বা জগতী জ্বালা জ্বালিতলোচনা ।
জ্বালিনী জ্বলনাভাসা জ্বলন্তী জ্বলনাত্মিকা ॥ ৯৯ ॥
জিতারাতিসুরস্তুত্যা জিতক্রোধা জিতেন্দ্রিয়া ।
জরামরণশূন্যা চ জনিত্রী জন্মনাশিনী ॥ ১০০ ॥
জলজাভা জলময়ী জলজাসনবল্লভা ।
জলজস্থা জপারাধ্যা জনমঙ্গল়কারিণী ॥ ১০১ ॥
কামিনী কামরূপা চ কাম্যা কামপ্রদায়িনী ।
কমৌল়ী কামদা কর্ত্রী ক্রতুকর্মফলপ্রদা ॥ ১০২ ॥
কৃতঘ্নঘ্নী ক্রিয়ারূপা কার্যকারণরূপিণী ।
কঞ্জাক্ষী করুণারূপা কেবলামরসেবিতা ॥ ১০৩ ॥
কল্যাণকারিণী কান্তা কান্তিদা কান্তিরূপিণী ।
কমলা কমলাবাসা কমলোত্পলমালিনী ॥ ১০৪ ॥
কুমুদ্বতী চ কল্যাণী কান্তিঃ কামেশবল্লভা ।
কামেশ্বরী কমলিনী কামদা কামবন্ধিনী ॥ ১০৫ ॥
কামধেনুঃ কাঞ্চনাক্ষী কাঞ্চনাভা কল়ানিধিঃ ।
ক্রিয়া কীর্তিকরী কীর্তিঃ ক্রতুশ্রেষ্ঠা কৃতেশ্বরী ॥ ১০৬ ॥
ক্রতুসর্বক্রিয়াস্তুত্যা ক্রতুকৃত্প্রিয়কারিণী ।
ক্লেশনাশকরী কর্ত্রী কর্মদা কর্মবন্ধিনী ॥ ১০৭ ॥
কর্মবন্ধহরী কৃষ্টা ক্লমঘ্নী কঞ্জলোচনা ।
কন্দর্পজননী কান্তা করুণা করুণাবতী ॥ ১০৮ ॥
ক্লীংকারিণী কৃপাকারা কৃপাসিন্ধুঃ কৃপাবতী ।
করুণার্দ্রা কীর্তিকরী কল্মষঘ্নী ক্রিয়াকরী ॥ ১০৯ ॥
ক্রিয়াশক্তিঃ কামরূপা কমলোত্পলগন্ধিনী ।
কল়া কল়াবতী কূর্মী কূটস্থা কঞ্জসংস্থিতা ॥ ১১০ ॥
কাল়িকা কল্মষঘ্নী চ কমনীয়জটান্বিতা ।
করপদ্মা করাভীষ্টপ্রদা ক্রতুফলপ্রদা ॥ ১১১ ॥
কৌশিকী কোশদা কাব্যা কর্ত্রী কোশেশ্বরী কৃশা ।
কূর্ময়ানা কল্পলতা কালকূটবিনাশিনী ॥ ১১২ ॥
কল্পোদ্যানবতী কল্পবনস্থা কল্পকারিণী ।
কদম্বকুসুমাভাসা কদম্বকুসুমপ্রিয়া ॥ ১১৩ ॥
কদম্বোদ্যানমধ্যস্থা কীর্তিদা কীর্তিভূষণা ।
কুলমাতা কুলাবাসা কুলাচারপ্রিয়ংকরী ॥ ১১৪ ॥
কুলানাথা কামকল়া কল়ানাথা কল়েশ্বরী ।
কুন্দমন্দারপুষ্পাভা কপর্দস্থিতচন্দ্রিকা ॥ ১১৫ ॥
কবিত্বদা কাব্যমাতা কবিমাতা কল়াপ্রদা ।
তরুণী তরুণীতাতা তারাধিপসমাননা ॥ ১১৬ ॥
তৃপ্তিস্তৃপ্তিপ্রদা তর্ক্যা তপনী তাপিনী তথা ।
তর্পণী তীর্থরূপা চ ত্রিদশা ত্রিদশেশ্বরী ॥ ১১৭ ॥
ত্রিদিবেশী ত্রিজননী ত্রিমাতা ত্র্যম্বকেশ্বরী ।
ত্রিপুরা ত্রিপুরেশানী ত্র্যম্বকা ত্রিপুরাম্বিকা ॥ ১১৮ ॥
ত্রিপুরশ্রীস্ত্রয়ীরূপা ত্রয়ীবেদ্যা ত্রয়ীশ্বরী ।
ত্রয়্যন্তবেদিনী তাম্রা তাপত্রিতয়হারিণী ॥ ১১৯ ॥
তমালসদৃশী ত্রাতা তরুণাদিত্যসন্নিভা ।
ত্রৈলোক্যব্যাপিনী তৃপ্তা তৃপ্তিকৃত্তত্বরূপিণী ॥ ১২০ ॥
তুর্যা ত্রৈলোক্যসংস্তুত্যা ত্রিগুণা ত্রিগুণেশ্বরী ।
ত্রিপুরঘ্নী ত্রিমাতা চ ত্র্যম্বকা ত্রিগুণান্বিতা ॥ ১২১ ॥
তৃষ্ণাচ্ছেদকরী তৃপ্তা তীক্ষ্ণা তীক্ষ্ণস্বরূপিণী ।
তুলা তুলাদিরহিতা তত্তদ্ব্রহ্মস্বরূপিণী ॥ ১২২ ॥
ত্রাণকর্ত্রী ত্রিপাপঘ্নী ত্রিপদা ত্রিদশান্বিতা ।
তথ্যা ত্রিশক্তিস্ত্রিপদা তুর্যা ত্রৈলোক্যসুন্দরী ॥ ১২৩ ॥
তেজস্করী ত্রিমূর্ত্যাদ্যা তেজোরূপা ত্রিধামতা ।
ত্রিচক্রকর্ত্রী ত্রিভগা তুর্যাতীতফলপ্রদা ॥ ১২৪ ॥
তেজস্বিনী তাপহারী তাপোপপ্লবনাশিনী ।
তেজোগর্ভা তপঃসারা ত্রিপুরারিপ্রিয়ংকরী ॥ ১২৫ ॥
তন্বী তাপসসংতুষ্টা তপনাঙ্গজভীতিনুত্ ।
ত্রিলোচনা ত্রিমার্গা চ তৃতীয়া ত্রিদশস্তুতা ॥ ১২৬ ॥
ত্রিসুন্দরী ত্রিপথগা তুরীয়পদদায়িনী ।
শুভা শুভাবতী শান্তা শান্তিদা শুভদায়িনী ॥ ১২৭ ॥
শীতল়া শূলিনী শীতা শ্রীমতী চ শুভান্বিতা ।
য়োগসিদ্ধিপ্রদা য়োগ্যা য়জ্ঞেনপরিপূরিতা ॥ ১২৮ ॥
য়জ্যা য়জ্ঞময়ী য়ক্ষী য়ক্ষিণী য়ক্ষিবল্লভা ।
য়জ্ঞপ্রিয়া য়জ্ঞপূজ্যা য়জ্ঞতুষ্টা য়মস্তুতা ॥ ১২৯ ॥
য়ামিনীয়প্রভা য়াম্যা য়জনীয়া য়শস্করী ।
য়জ্ঞকর্ত্রী য়জ্ঞরূপা য়শোদা য়জ্ঞসংস্তুতা ॥ ১৩০ ॥
য়জ্ঞেশী য়জ্ঞফলদা য়োগয়োনির্যজুস্তুতা ।
য়মিসেব্যা য়মারাধ্যা য়মিপূজ্যা য়মীশ্বরী ॥ ১৩১ ॥
য়োগিনী য়োগরূপা চ য়োগকর্তৃপ্রিয়ংকরী ।
য়োগয়ুক্তা য়োগময়ী য়োগয়োগীশ্বরাম্বিকা ॥ ১৩২ ॥
য়োগজ্ঞানময়ী য়োনির্যমাদ্যষ্টাঙ্গয়োগতা ।
য়ন্ত্রিতাঘৌঘসংহারা য়মলোকনিবারিণী ॥ ১৩৩ ॥
য়ষ্টিব্যষ্টীশসংস্তুত্যা য়মাদ্যষ্টাঙ্গয়োগয়ুক্ ।
য়োগীশ্বরী য়োগমাতা য়োগসিদ্ধা চ য়োগদা ॥ ১৩৪ ॥
য়োগারূঢা য়োগময়ী য়োগরূপা য়বীয়সী ।
য়ন্ত্ররূপা চ য়ন্ত্রস্থা য়ন্ত্রপূজ্যা চ য়ন্ত্রিতা ॥ ১৩৫ ॥
য়ুগকর্ত্রী য়ুগময়ী য়ুগধর্মবিবর্জিতা ।
য়মুনা য়মিনী য়াম্যা য়মুনাজলমধ্যগা ॥ ১৩৬ ॥
য়াতায়াতপ্রশমনী য়াতনানান্নিকৃন্তনী ।
য়োগাবাসা য়োগিবন্দ্যা য়ত্তচ্ছব্দস্বরূপিণী ॥ ১৩৭ ॥
য়োগক্ষেমময়ী য়ন্ত্রা য়াবদক্ষরমাতৃকা ।
য়াবত্পদময়ী য়াবচ্ছব্দরূপা য়থেশ্বরী ॥ ১৩৮ ॥
য়ত্তদীয়া য়ক্ষবন্দ্যা য়দ্বিদ্যা য়তিসংস্তুতা ।
য়াবদ্বিদ্যাময়ী য়াবদ্বিদ্যাবৃন্দসুবন্দিতা ॥ ১৩৯ ॥
য়োগিহৃত্পদ্মনিলয়া য়োগিবর্যপ্রিয়ংকরী ।
য়োগিবন্দ্যা য়োগিমাতা য়োগীশফলদায়িনী ॥ ১৪০ ॥
য়ক্ষবন্দ্যা য়ক্ষপূজ্যা য়ক্ষরাজসুপূজিতা ।
য়জ্ঞরূপা য়জ্ঞতুষ্টা য়ায়জূকস্বরূপিণী ॥ ১৪১ ॥
য়ন্ত্রারাধ্যা য়ন্ত্রমধ্যা য়ন্ত্রকর্তৃপ্রিয়ংকরী ।
য়ন্ত্রারূঢা য়ন্ত্রপূজ্যা য়োগিধ্যানপরায়ণা ॥ ১৪২ ॥
য়জনীয়া য়মস্তুত্যা য়োগয়ুক্তা য়শস্করী ।
য়োগবদ্ধা য়তিস্তুত্যা য়োগজ্ঞা য়োগনায়কী ॥ ১৪৩ ॥
য়োগিজ্ঞানপ্রদা য়ক্ষী য়মবাধাবিনাশিনী ।
য়োগিকাম্যপ্রদাত্রী চ য়োগিমোক্ষপ্রদায়িনী ॥ ১৪৪ ॥
ইতি নাম্নাং সরস্বত্যাঃ সহস্রং সমুদীরিতম্ ।
মন্ত্রাত্মকং মহাগোপ্যং মহাসারস্বতপ্রদম্ ॥ ১ ॥
য়ঃ পঠেচ্ছৃণুয়াদ্ভক্ত্যা ত্রিকালং সাধকঃ পুমান্ ।
সর্ববিদ্যানিধিঃ সাক্ষাত্ স এব ভবতি ধ্রুবম্ ॥ ২ ॥
লভতে সংপদঃ সর্বাঃ পুত্রপৌত্রাদিসংয়ুতাঃ ।
মূকোপি সর্ববিদ্যাসু চতুর্মুখ ইবাপরঃ ॥ ৩ ॥
ভূত্বা প্রাপ্নোতি সান্নিধ্যং অন্তে ধাতুর্মুনীশ্বর ।
সর্বমন্ত্রময়ং সর্ববিদ্যামানফলপ্রদম্ ॥ ৪ ॥
মহাকবিত্বদং পুংসাং মহাসিদ্ধিপ্রদায়কম্ ।
কস্মৈচিন্ন প্রদাতব্যং প্রাণৈঃ কণ্ঠগতৈরপি ॥ ৫ ॥
মহারহস্যং সততং বাণীনামসহস্রকম্ ।
সুসিদ্ধমস্মদাদীনাং স্তোত্রং তে সমুদীরিতম্ ॥ ৬ ॥
॥ ইতি শ্রীস্কান্দপুরাণান্তর্গত
সনত্কুমার সংহিতায়াং নারদ সনত্কুমার সংবাদে
সরস্বতীসহস্রনামস্তোত্রম্ সম্পূর্ণম্ ॥