॥ Matangisahasranamastotram Kannada Lyrics ॥
॥ ಶ್ರೀಮಾತಂಗೀಸಹಸ್ರನಾಮಸ್ತೋತ್ರಮ್ ॥
ಅಥ ಮಾತಂಗೀಸಹಸ್ರನಾಮಸ್ತೋತ್ರಮ್
ಈಶ್ವರ ಉವಾಚ
ಶೃಣು ದೇವಿ ಪ್ರವಕ್ಷ್ಯಾಮಿ ಸಾಮ್ಪ್ರತನ್ತತ್ತ್ವತಃ ಪರಮ್ ।
ನಾಮ್ನಾಂ ಸಹಸ್ರಮ್ಪರಮಂ ಸುಮುಖ್ಯಾಃ ಸಿದ್ಧಯೇ ಹಿತಮ್ ॥
ಸಹಸ್ರನಾಮಪಾಠೀ ಯಃ ಸರ್ವತ್ರ ವಿಜಯೀ ಭವೇತ್ ।
ಪರಾಭವೋ ನ ತಸ್ಯಾಸ್ತಿ ಸಭಾಯಾವ್ವಾ ಮಹಾರಣೇ ॥
ಯಥಾ ತುಷ್ಟಾ ಭವೇದ್ದೇವೀ ಸುಮುಖೀ ಚಾಸ್ಯ ಪಾಠತಃ ।
ತಥಾ ಭವತಿ ದೇವೇಶಿ ಸಾಧಕಃ ಶಿವ ಏವ ಸಃ ॥
ಅಶ್ವಮೇಧಸಹಸ್ರಾಣಿ ವಾಜಪೇಯಸ್ಯ ಕೋಟಯಃ ।
ಸಕೃತ್ಪಾಠೇನ ಜಾಯನ್ತೇ ಪ್ರಸನ್ನಾ ಸುಮುಖೀ ಭವೇತ್ ॥
ಮತಂಗೋಽಸ್ಯ ಋಷಿಶ್ಛನ್ದೋಽನುಷ್ಟುಬ್ದೇವೀ ಸಮೀರಿತಾ ।
ಸುಮುಖೀ ವಿನಿಯೋಗಃ ಸ್ಯಾತ್ಸರ್ವಸಮ್ಪತ್ತಿಹೇತವೇ ॥
ಏವನ್ಧ್ಯಾತ್ವಾ ಪಠೇದೇತದ್ಯದೀಚ್ಛೇತ್ಸಿದ್ಧಿಮಾತ್ಮನಃ ।
ದೇವೀಂ ಷೋಡಶವಾರ್ಷಿಕೀಂ ಶವಗತಾಮ್ಮಾಧ್ವೀರಸಾಘೂರ್ಣಿತಾಂ
ಶ್ಯಾಮಾಂಗೀಮರುಣಾಮ್ಬರಾಮ್ಪೃಥುಕುಚಾಂಗುಂಜಾವಲೀಶೋಭಿತಾಮ್ ।
ಹಸ್ತಾಭ್ಯಾನ್ದಧತೀಂಕಪಾಲಮಮಲನ್ತೀಕ್ಷ್ಣಾನ್ತಥಾ
ಕರ್ತ್ತ್ರಿಕಾನ್ಧ್ಯಾಯೇನ್ಮಾನಸಪಂಕಜೇ ಭಗವತೀಮುಚ್ಛಿಷ್ಟಚಾಂಡಾಲಿನೀಮ್ ॥
ಓಂ ಸುಮುಖೀ ಶೇಮುಷೀಸೇವ್ಯಾ ಸುರಸಾ ಶಶಿಶೇಖರಾ ।
ಸಮಾನಾಸ್ಯಾ ಸಾಧನೀ ಚ ಸಮಸ್ತಸುರಸನ್ಮುಖೀ ॥
ಸರ್ವಸಮ್ಪತ್ತಿಜನನೀ ಸಮ್ಮದಾ ಸಿನ್ಧುಸೇವಿನೀ ।
ಶಮ್ಭುಸೀಮನ್ತಿನೀ ಸೌಮ್ಯಾ ಸಮಾರಾಧ್ಯಾ ಸುಧಾರಸಾ ॥
ಸಾರಂಗಾ ಸವಲೀ ವೇಲಾಲಾವಣ್ಯವನಮಾಲಿನೀ ।
ವನಜಾಕ್ಷೀ ವನಚರೀ ವನೀ ವನವಿನೋದಿನೀ ॥
ವೇಗಿನೀ ವೇಗದಾ ವೇಗಾ ಬಗಲಸ್ಥಾ ಬಲಾಧಿಕಾ ।
ಕಾಲೀ ಕಾಲಪ್ರಿಯಾ ಕೇಲೀ ಕಮಲಾ ಕಾಲಕಾಮಿನೀ ॥
ಕಮಲಾ ಕಮಲಸ್ಥಾ ಚ ಕಮಲಸ್ಥಾಕಲಾವತೀ ।
ಕುಲೀನಾ ಕುಟಿಲಾ ಕಾನ್ತಾ ಕೋಕಿಲಾ ಕಲಭಾಷಿಣೀ ॥
ಕೀರಾಕೇಲಿಕರಾ ಕಾಲೀ ಕಪಾಲಿನ್ಯಪಿ ಕಾಲಿಕಾ ।
ಕೇಶಿನೀ ಚ ಕುಶಾವರ್ತ್ತಾ ಕೌಶಾಮ್ಭೀ ಕೇಶವಪ್ರಿಯಾ ॥
ಕಾಲೀ ಕಾಶೀ ಮಹಾಕಾಲಸಂಕಾಶಾ ಕೇಶದಾಯಿನೀ ।
ಕುಂಡಲಾ ಚ ಕುಲಸ್ಥಾ ಚ ಕುಂಡಲಾಂಗದಮಂಡಿತಾ ॥
ಕುಂಡಪದ್ಮಾ ಕುಮುದಿನೀ ಕುಮುದಪ್ರೀತಿವರ್ದ್ಧಿನೀ ।
ಕುಂಡಪ್ರಿಯಾ ಕುಂಡರುಚಿಃ ಕುರಂಗನಯನಾ ಕುಲಾ ॥
ಕುನ್ದಬಿಮ್ಬಾಲಿನದನೀ ಕುಸುಮ್ಭಕುಸುಮಾಕರಾ ।
ಕಾಂಚೀ ಕನಕಶೋಭಾಢ್ಯಾ ಕ್ವಣತ್ಕಿಂಕಿಣಿಕಾಕಟಿಃ ॥
ಕಠೋರಕರಣಾ ಕಾಷ್ಠಾ ಕೌಮುದೀ ಕಂಡವತ್ಯಪಿ ।
ಕಪರ್ದ್ದಿನೀ ಕಪಟಿನೀ ಕಠಿನೀ ಕಲಕಂಡಿನೀ ॥
ಕೀರಹಸ್ತಾ ಕುಮಾರೀ ಚ ಕುರೂಢಕುಸುಮಪ್ರಿಯಾ ।
ಕುಂಜರಸ್ಥಾ ಕುಜರತಾ ಕುಮ್ಭೀ ಕುಮ್ಭಸ್ತನೀ ಕಲಾ ॥
ಕುಮ್ಭೀಕಾಂಗಾ ಕರಭೋರೂಃ ಕದಲೀ ಕುಶಶಾಯಿನೀ ।
ಕುಪಿತಾ ಕೋಟರಸ್ಥಾ ಚ ಕಂಕಾಲೀ ಕನ್ದಲಾಲಯಾ ॥
ಕಪಾಲವಾಸಿನೀ ಕೇಶೀ ಕಮ್ಪಮಾನಶಿರೋರುಹಾ ।
ಕದಮ್ಬರೀ ಕದಮ್ಬಸ್ಥಾ ಕುಂಕುಮಪ್ರೇಮಧಾರಿಣೀ ॥
ಕುಟುಮ್ಬಿನೀ ಕೃಪಾಯುಕ್ತಾ ಕ್ರತುಃ ಕ್ರತುಕರಪ್ರಿಯಾ ।
ಕಾತ್ಯಾಯನೀ ಕೃತ್ತಿಕಾ ಚ ಕಾರ್ತ್ತಿಕೀ ಕುಶವರ್ತ್ತಿನೀ ॥
ಕಾಮಪತ್ನೀ ಕಾಮದಾತ್ರೀ ಕಾಮೇಶೀ ಕಾಮವನ್ದಿತಾ ।
ಕಾಮರೂಪಾ ಕಾಮರತಿಃ ಕಾಮಾಖ್ಯಾ ಜ್ಞಾನಮೋಹಿನೀ ॥
ಖಡ್ಗಿನೀ ಖೇಚರೀ ಖಂಜಾ ಖಂಜರೀಟೇಕ್ಷಣಾ ಖಗಾ ।
ಖರಗಾ ಖರನಾದಾ ಚ ಖರಸ್ಥಾ ಖೇಲನಪ್ರಿಯಾ ॥
ಖರಾಂಶುಃ ಖೇಲನೀ ಖಟ್ವಾಖರಾಖಟ್ವಾಂಗಧಾರಿಣೀ।
ಖರಖಂಡಿನ್ಯಪಿ ಖ್ಯಾತಿಃ ಖಂಡಿತಾ ಖಂಡನಪ್ರಿಯಾ ॥
ಖಂಡಪ್ರಿಯಾ ಖಂಡಖಾದ್ಯಾ ಖಂಢಸಿನ್ಧುಶ್ಚ ಖಂಡಿನೀ ।
ಗಂಗಾ ಗೋದಾವರೀ ಗೌರೀ ಗೋತಮ್ಯಪಿ ಚ ಗೌತಮೀ ॥
ಗಂಗಾ ಗಯಾ ಗಗನಗಾ ಗಾರುಡೀ ಗರುಡಧ್ವಜಾ ।
ಗೀತಾ ಗೀತಪ್ರಿಯಾ ಗೇಯಾ ಗುಣಪ್ರೀತಿರ್ಗ್ಗುರುರ್ಗಿರೀ ।
ಗೌರ್ಗೌರೀ ಗಂಡಸದನಾ ಗೋಕುಲಾ ಗೋಃಪ್ರತಾರಿಣೀ ।
ಗೋಪ್ತಾ ಗೋವಿನ್ದಿನೀ ಗೂಢಾ ಗೂಢವಿಗ್ರಸ್ತಗುಂಜಿನೀ ॥
ಗಜಗಾ ಗೋಪಿನೀ ಗೋಪೀ ಗೋಕ್ಷಾಜಯಪ್ರಿಯಾ ಗಣಾ ।
ಗಿರಿಭೂಪಾಲದುಹಿತಾ ಗೋಗಾ ಗೋಕುಲವಾಸಿನೀ ॥
ಘನಸ್ತನೀ ಘನರುಚಿರ್ಗ್ಘನೋರುಗ್ಘನನಿಸ್ಸ್ವನಾ ।
ಘುಂಕಾರಿಣೀ ಘುಕ್ಷಕರೀ ಘೂಘೂಕಪರಿವಾರಿತಾ ॥
ಘಂಟಾನಾದಪ್ರಿಯಾ ಘಂಟಾ ಘೋಟಾ ಘೋಟಕವಾಹಿನೀ ।
ಘೋರರೂಪಾ ಚ ಘೋರಾ ಚ ಘೃತಪ್ರೀತಿರ್ಗ್ಘೃತಾಂಜನೀ ॥
ಘೃತಾಚೀ ಘೃತವೃಷ್ಟಿಶ್ಚ ಘಂಟಾ ಘಟಘಟಾವೃತಾ ।
ಘಟಸ್ಥಾ ಘಟನಾ ಘಾತಕರೀ ಘಾತನಿವಾರಿಣೀ ॥
ಚಂಚರೀಕೀ ಚಕೋರೀ ಚ ಚ ಚಾಮುಂಡಾ ಚೀರಧಾರಿಣೀ ।
ಚಾತುರೀ ಚಪಲಾ ಚಂಚುಶ್ಚಿತಾ ಚಿನ್ತಾಮಣಿಸ್ಥಿತಾ ॥
ಚಾತುರ್ವರ್ಣ್ಯಮಯೀ ಚಂಚುಶ್ಚೋರಾಚಾರ್ಯಾ ಚಮತ್ಕೃತಿಃ ।
ಚಕ್ರವರ್ತಿವಧೂಶ್ಚಿತ್ರಾ ಚಕ್ರಾಂಗೀ ಚಕ್ರಮೋದಿನೀ ॥
ಚೇತಶ್ಚರೀ ಚಿತ್ತವೃತ್ತಿಶ್ಚೇತನಾ ಚೇತನಪ್ರಿಯಾ ।
ಚಾಪಿನೀ ಚಮ್ಪಕಪ್ರೀತಿಶ್ಚಂಡಾ ಚಂಡಾಲವಾಸಿನೀ ॥
ಚಿರಂಜೀವಿನೀ ತಚ್ಚಿನ್ತಾ ಚಿಂಚಾಮೂಲನಿವಾಸಿನೀ ।
ಛೂರಿಕಾ ಛತ್ರಮಧ್ಯಸ್ಥಾ ಛಿನ್ದಾ ಛಿನ್ದಕರೀ ಛಿದಾ ॥
ಛುಚ್ಛುನ್ದರೀ ಛಲಪ್ರೀತಿಶ್ಛುಚ್ಛುನ್ದರನಿಭಸ್ವನಾ ।
ಛಲಿನೀ ಛತ್ರದಾ ಛಿನ್ನಾ ಛಿಂಟಿಚ್ಛೇದಕರೀ ಛಟಾ ॥
ಛದ್ಮಿನೀ ಛಾನ್ದಸೀ ಛಾಯಾ ಛರೂ ಛನ್ದಾಕರೀತ್ಯಪಿ ।
ಜಯದಾ ಜಯದಾ ಜಾತೀ ಜಾಯಿನೀ ಜಾಮಲಾ ಜತುಃ ॥
ಜಮ್ಬೂಪ್ರಿಯಾ ಜೀವನಸ್ಥಾ ಜಂಗಮಾ ಜಂಗಮಪ್ರಿಯಾ ।
ಜವಾಪುಷ್ಪಪ್ರಿಯಾ ಜಪ್ಯಾ ಜಗಜ್ಜೀವಾ ಜಗಜ್ಜನಿಃ ॥
ಜಗಜ್ಜನ್ತುಪ್ರಧಾನಾ ಚ ಜಗಜ್ಜೀವಪರಾಜವಾ ।
ಜಾತಿಪ್ರಿಯಾ ಜೀವನಸ್ಥಾ ಜೀಮೂತಸದೃಶೀರುಚಿಃ ॥
ಜನ್ಯಾ ಜನಹಿತಾ ಜಾಯಾ ಜನ್ಮಭೂರ್ಜ್ಜಮ್ಭಸೀ ಜಭೂಃ ।
ಜಯದಾ ಜಗದಾವಾಸಾ ಜಾಯಿನೀ ಜ್ವರಕೃಚ್ಛ್ರಜಿತ್ ॥
ಜಪಾ ಚ ಜಪತೀ ಜಪ್ಯಾ ಜಪಾಹಾ ಜಾಯಿನೀ ಜನಾ ।
ಜಾಲನ್ಧರಮಯೀಜಾನುರ್ಜ್ಜಾಲೌಕಾ ಜಾಪ್ಯಭೂಷಣಾ ॥
ಜಗಜ್ಜೀವಮಯೀಜೀವಾ ಜರತ್ಕಾರುರ್ಜ್ಜನಪ್ರಿಯಾ ।
ಜಗತೀ ಜನನಿರತಾ ಜಗಚ್ಛೋಭಾಕರೀ ಜವಾ ॥
ಜಗತೀತ್ರಾಣಕೃಜ್ಜಂಘಾ ಜಾತೀಫಲವಿನೋದಿನೀ ।
ಜಾತೀಪುಷ್ಪಪ್ರಿಯಾ ಜ್ವಾಲಾ ಜಾತಿಹಾ ಜಾತಿರೂಪಿಣೀ ॥
ಜೀಮೂತವಾಹನರುಚಿರ್ಜ್ಜೀಮೂತಾ ಜೀರ್ಣವಸ್ತ್ರಕೃತ್ ।
ಜೀರ್ಣವಸ್ತ್ರಧರಾ ಜೀರ್ಣಾ ಜ್ವಲತೀ ಜಾಲನಾಶಿನೀ ॥
ಜಗತ್ಕ್ಷೋಭಕರೀ ಜಾತಿರ್ಜ್ಜಗತ್ಕ್ಷೋಭವಿನಾಶಿನೀ ।
ಜನಾಪವಾದಾ ಜೀವಾ ಚ ಜನನೀಗೃಹವಾಸಿನೀ ॥
ಜನಾನುರಾಗಾ ಜಾನುಸ್ಥಾ ಜಲವಾಸಾ ಜಲಾರ್ತ್ತಿಕೃತ್ ।
ಜಲಜಾ ಜಲವೇಲಾ ಚ ಜಲಚಕ್ರನಿವಾಸಿನೀ ॥
ಜಲಮುಕ್ತಾ ಜಲಾರೋಹಾ ಜಲಜಾ ಜಲಜೇಕ್ಷಣಾ ।
ಜಲಪ್ರಿಯಾ ಜಲೌಕಾ ಚ ಜಲಾಂಶೋಭವತೀ ತಥಾ ॥
ಜಲವಿಸ್ಫೂರ್ಜ್ಜಿತವಪುರ್ಜ್ಜ್ವಲತ್ಪಾವಕಶೋಭಿನೀ ।
ಝಿಂಝಾ ಝಿಲ್ಲಮಯೀ ಝಿಂಝಾಝಣತ್ಕಾರಕರೀ ಜಯಾ ॥
ಝಂಝೀ ಝಮ್ಪಕರೀ ಝಮ್ಪಾ ಝಮ್ಪತ್ರಾಸನಿವಾರಿಣೀ ।
ಟಂಕಾರಸ್ಥಾ ಟಂಕಕರೀ ಟಂಕಾರಕರಣಾಂಹಸಾ ॥
ಟಂಕಾರೋಟ್ಟಕೃತಷ್ಠೀವಾ ಡಿಂಡೀರವಸನಾವೃತಾ ।
ಡಾಕಿನೀ ಡಾಮಿರೀ ಚೈವ ಡಿಂಡಿಮಧ್ವನಿನಾದಿನೀ ॥
ಡಕಾರನಿಸ್ಸ್ವನರುಚಿಸ್ತಪಿನೀ ತಾಪಿನೀ ತಥಾ ।
ತರುಣೀ ತುನ್ದಿಲಾ ತುನ್ದಾ ತಾಮಸೀ ಚ ತಮಃ ಪ್ರಿಯಾ ॥
ತಾಮ್ರಾ ತಾಮ್ರವತೀ ತನ್ತುಸ್ತುನ್ದಿಲಾ ತುಲಸಮ್ಭವಾ ।
ತುಲಾಕೋಟಿಸುವೇಗಾ ಚ ತುಲ್ಯಕಾಮಾ ತುಲಾಶ್ರಯಾ ॥
ತುದಿನೀ ತುನಿನೀ ತುಮ್ಬಾ ತುಲ್ಯಕಾಲಾ ತುಲಾಶ್ರಯಾ ।
ತುಮುಲಾ ತುಲಜಾ ತುಲ್ಯಾ ತುಲಾದಾನಕರೀ ತಥಾ ॥
ತುಲ್ಯವೇಗಾ ತುಲ್ಯಗತಿಸ್ತುಲಾಕೋಟಿನಿನಾದಿನೀ ।
ತಾಮ್ರೋಷ್ಠಾ ತಾಮ್ರಪರ್ಣೀ ಚ ತಮಃಸಂಕ್ಷೋಭಕಾರಿಣೀ ॥
ತ್ವರಿತಾ ಜ್ವರಹಾ ತೀರಾ ತಾರಕೇಶೀ ತಮಾಲಿನೀ ।
ತಮೋದಾನವತೀ ತಾಮತಾಲಸ್ಥಾನವತೀ ತಮೀ ।
ತಾಮಸೀ ಚ ತಮಿಸ್ರಾ ಚ ತೀವ್ರಾ ತೀವ್ರಪರಾಕ್ರಮಾ ।
ತಟಸ್ಥಾ ತಿಲತೈಲಾಕ್ತಾ ತರುಣೀ ತಪನದ್ಯುತಿಃ ॥
ತಿಲೋತ್ತಮಾ ಚ ತಿಲಕೃತ್ತಾರಕಾಧೀಶಶೇಖರಾ ।
ತಿಲಪುಷ್ಪಪ್ರಿಯಾ ತಾರಾ ತಾರಕೇಶೀ ಕುಟುಮ್ಬಿನೀ ॥
ಸ್ಥಾಣುಪತ್ನೀ ಸ್ಥಿರಕರೀ ಸ್ಥೂಲಸಮ್ಪದ್ವಿವರ್ದ್ಧಿನೀ ।
ಸ್ಥಿತಿಃ ಸ್ಥೈರ್ಯಸ್ಥವಿಷ್ಠಾ ಚ ಸ್ಥಪತಿಃ ಸ್ಥೂಲವಿಗ್ರಹಾ ॥
ಸ್ಥೂಲಸ್ಥಲವತೀ ಸ್ಥಾಲೀ ಸ್ಥಲಸಂಗವಿವರ್ದ್ಧಿನೀ ।
ದಂಡಿನೀ ದನ್ತಿನೀ ದಾಮಾ ದರಿದ್ರಾ ದೀನವತ್ಸಲಾ ॥
ದೇವಾ ದೇವವಧೂರ್ದ್ದಿತ್ಯಾ ದಾಮಿನೀ ದೇವಭೂಷಣಾ ।
ದಯಾ ದಮವತೀ ದೀನವತ್ಸಲಾ ದಾಡಿಮಸ್ತನೀ ॥
ದೇವಮೂರ್ತ್ತಿಕರಾ ದೈತ್ಯಾದಾರಿಣೀ ದೇವತಾನತಾ ।
ದೋಲಾಕ್ರೀಡಾ ದಯಾಲುಶ್ಚ ದಮ್ಪತೀ ದೇವತಾಮಯೀ ॥
ದಶಾದೀಪಸ್ಥಿತಾ ದೋಷಾದೋಷಹಾ ದೋಷಕಾರಿಣೀ ।
ದುರ್ಗಾ ದುರ್ಗಾರ್ತಿಶಮನೀ ದುರ್ಗಮ್ಯಾ ದುರ್ಗವಾಸಿನೀ ।
ದುರ್ಗನ್ಧನಾಶಿನೀ ದುಸ್ಸ್ಥಾ ದುಃಖಪ್ರಶಮಕಾರಿಣೀ ।
ದುರ್ಗ್ಗನ್ಧಾ ದುನ್ದುಭೀಧ್ವಾನ್ತಾ ದೂರಸ್ಥಾ ದೂರವಾಸಿನೀ ॥
ದರದಾಮರದಾತ್ರೀ ಚ ದುರ್ವ್ವ್ಯಾಧದಯಿತಾ ದಮೀ ।
ಧುರನ್ಧರಾ ಧುರೀಣಾ ಚ ಧೌರೇಯೀ ಧನದಾಯಿನೀ ॥
ಧೀರಾರವಾ ಧರಿತ್ರೀ ಚ ಧರ್ಮದಾ ಧೀರಮಾನಸಾ ।
ಧನುರ್ದ್ಧರಾ ಚ ಧಮನೀ ಧಮನೀಧೂರ್ತ್ತವಿಗ್ರಹಾ ॥
ಧೂಮ್ರವರ್ಣಾ ಧೂಮ್ರಪಾನಾ ಧೂಮಲಾ ಧೂಮಮೋದಿನೀ ।
ನನ್ದಿನೀ ನನ್ದಿನೀನನ್ದಾ ನನ್ದಿನೀಇನನ್ದಬಾಲಿಕಾ ॥
ನವೀನಾ ನರ್ಮದಾ ನರ್ಮನೇಮಿರ್ನ್ನಿಯಮನಿಸ್ಸ್ವನಾ ।
ನಿರ್ಮಲಾ ನಿಗಮಾಧಾರಾ ನಿಮ್ನಗಾ ನಗ್ನಕಾಮಿನೀ ॥
ನೀಲಾ ನಿರತ್ನಾ ನಿರ್ವಾಣಾ ನಿರ್ಲ್ಲೋಭಾ ನಿರ್ಗುಣಾ ನತಿಃ ।
ನೀಲಗ್ರೀವಾ ನಿರೀಹಾ ಚ ನಿರಂಜನಜಮಾನವಾ ॥
ನಿರ್ಗುಂಡಿಕಾ ಚ ನಿರ್ಗುಂಡಾ ನಿರ್ನ್ನಾಸಾ ನಾಸಿಕಾಭಿಧಾ ।
ಪತಾಕಿನೀ ಪತಾಕಾ ಚ ಪತ್ರಪ್ರೀತಿಃ ಪಯಸ್ವಿನೀ ॥
ಪೀನಾ ಪೀನಸ್ತನೀ ಪತ್ನೀ ಪವನಾಶೀ ನಿಶಾಮಯೀ ।
ಪರಾಪರಪರಾಕಾಲೀ ಪಾರಕೃತ್ಯಭುಜಪ್ರಿಯಾ ॥
ಪವನಸ್ಥಾ ಚ ಪವನಾ ಪವನಪ್ರೀತಿವರ್ದ್ಧಿನೀ ।
ಪಶುವೃದ್ಧಿಕರೀ ಪುಷ್ಪೀ ಪೋಷಕಾ ಪುಷ್ಟಿವರ್ದ್ಧಿನೀ ॥
ಪುಷ್ಪಿಣೀ ಪುಸ್ತಕಕರಾ ಪೂರ್ಣಿಮಾತಲವಾಸಿನೀ ।
ಪೇಶೀ ಪಾಶಕರೀ ಪಾಶಾ ಪಾಂಶುಹಾ ಪಾಂಶುಲಾ ಪಶುಃ ॥
ಪಟುಃ ಪರಾಶಾ ಪರಶುಧಾರಿಣೀ ಪಾಶಿನೀ ತಥಾ ।
ಪಾಪಘ್ನೀ ಪತಿಪತ್ನೀ ಚ ಪತಿತಾ ಪತಿತಾಪತೀ ॥
ಪಿಶಾಚೀ ಚ ಪಿಶಾಚಘ್ನೀ ಪಿಶಿತಾಶನತೋಷಿಣೀ ।
ಪಾನದಾ ಪಾನಪಾತ್ರೀ ಚ ಪಾನದಾನಕರೋದ್ಯತಾ ॥
ಪೇಯಾಪ್ರಸಿದ್ಧಾ ಪೀಯೂಷಾ ಪೂರ್ಣಾ ಪೂರ್ಣಮನೋರಥಾ ।
ಪತಂಗಾಭಾ ಪತಂಗಾ ಚ ಪೌನಃಪುನ್ಯಪಿಬಾಪರಾ ॥
ಪಂಕಿಲಾ ಪಂಕಮಗ್ನಾ ಚ ಪಾನೀಯಾ ಪಂಜರಸ್ಥಿತಾ ।
ಪಂಚಮೀ ಪಂಚಯಜ್ಞಾ ಚ ಪಂಚತಾ ಪಂಚಮಾಪ್ರಿಯಾ ॥
ಪಿಚುಮನ್ದಾ ಪುಂಡರೀಕಾ ಪಿಕೀ ಪಿಂಗಲಲೋಚನಾ ।
ಪ್ರಿಯಂಗುಮಂಜರೀ ಪಿಂಡೀ ಪಂಡಿತಾ ಪಾಂಡುರಪ್ರಭಾ ॥
ಪ್ರೇತಾಸನಾ ಪ್ರಿಯಾಲಸ್ಥಾ ಪಾಂಡುಘ್ನೀ ಪೀನಸಾಪಹಾ ।
ಫಲಿನೀ ಫಲದಾತ್ರೀ ಚ ಫಲಶ್ರೀಃ ಫಲಭೂಷಣಾ ॥
ಫೂತ್ಕಾರಕಾರಿಣೀ ರಫಾರೀ ಫುಲ್ಲಾ ಫುಲ್ಲಾಮ್ಬುಜಾನನಾ ।
ಸ್ಫುಲಿಂಗಹಾ ಸ್ಫೀತಮತಿಃ ಸ್ಫೀತಕೀರ್ತ್ತಿಕರೀ ತಥಾ ॥
ಬಾಲಮಾಯಾ ಬಲಾರಾತಿರ್ಬ್ಬಲಿನೀ ಬಲವರ್ದ್ಧಿನೀ ।
ವೇಣುವಾದ್ಯಾ ವನಚರೀ ವಿರಂಚಿಜನಯತ್ಯಪಿ ॥
ವಿದ್ಯಾಪ್ರದಾ ಮಹಾವಿದ್ಯಾ ಬೋಧಿನೀ ಬೋಧದಾಯಿನೀ ।
ಬುದ್ಧಮಾತಾ ಚ ಬುದ್ಧಾ ಚ ವನಮಾಲಾವತೀ ವರಾ ॥
ವರದಾ ವಾರುಣೀ ವೀಣಾ ವೀಣಾವಾದನತತ್ಪರಾ ।
ವಿನೋದಿನೀ ವಿನೋದಸ್ಥಾ ವೈಷ್ಣವೀ ವಿಷ್ಣುವಲ್ಲಭಾ ॥
ವೈದ್ಯಾ ವೈದ್ಯಚಿಕಿತ್ಸಾ ಚ ವಿವಶಾ ವಿಶ್ವವಿಶ್ರುತಾ ।
ವಿದ್ಯೌಘವಿಹ್ವಲಾ ವೇಲಾ ವಿತ್ತದಾ ವಿಗತಜ್ವರಾ ॥
ವಿರಾವಾ ವಿವರೀಕಾರಾ ಬಿಮ್ಬೋಷ್ಠೀ ಬಿಮ್ಬವತ್ಸಲಾ ।
ವಿನ್ಧ್ಯಸ್ಥಾ ಪರವನ್ದ್ಯಾ ಚ ವೀರಸ್ಥಾನವರಾ ಚ ವಿತ್ ॥
ವೇದಾನ್ತವೇದ್ಯಾ ವಿಜಯಾ ವಿಜಯಾವಿಜಯಪ್ರದಾ ।
ವಿರೋಗೀ ವನ್ದಿನೀ ವನ್ಧ್ಯಾ ವನ್ದ್ಯಬನ್ಧನಿವಾರಿಣೀ ॥
ಭಗಿನೀ ಭಗಮಾಲಾ ಚ ಭವಾನೀ ಭವನಾಶಿನೀ ।
ಭೀಮಾ ಭೀಮಾನನಾ ಭೀಮಾಭಂಗುರಾ ಭೀಮದರ್ಶನಾ ॥
ಭಿಲ್ಲೀ ಭಿಲ್ಲಧರಾ ಭೀರುರ್ಬ್ಭರುಂಡಾಭೀ ಭಯಾವಹಾ ।
ಭಗಸರ್ಪಿಣ್ಯಪಿ ಭಗಾ ಭಗರೂಪಾ ಭಗಾಲಯಾ ॥
ಭಗಾಸನಾ ಭವಾಭೋಗಾ ಭೇರೀಝಂಕಾರರಂಜಿತಾ ।
ಭೀಷಣಾ ಭೀಷಣಾರಾವಾ ವಭಗತ್ಯಹಿಭೂಷಣಾ ॥
ಭಾರದ್ವಾಜಾ ಭೋಗದಾತ್ರೀ ಭೂತಿಘ್ನೀ ಭೂತಿಭೂಷಣಾ ।
ಭೂಮಿದಾಭೂಮಿದಾತ್ರೀ ಚ ಭೂಪತಿರ್ಬ್ಭರದಾಯಿನೀ ॥
ಭ್ರಮರೀ ಭ್ರಾಮರೀ ಭಾಲಾ ಭೂಪಾಲಕುಲಸಂಸ್ಥಿತಾ ।
ಮಾತಾ ಮನೋಹರಾ ಮಾಯಾ ಮಾನಿನೀ ಮೋಹಿನೀ ಮಹೀ ॥
ಮಹಾಲಕ್ಷ್ಮೀರ್ಮದಕ್ಷೀಬಾ ಮದಿರಾ ಮದಿರಾಲಯಾ ।
ಮದೋದ್ಧತಾ ಮತಂಗಸ್ಥಾ ಮಾಧವೀ ಮಧುಮರ್ದ್ದಿನೀ ॥
ಮೋದಾ ಮೋದಕರೀ ಮೇಧಾ ಮೇಧ್ಯಾಮಧ್ಯಾಧಿಪಸ್ಥಿತಾ ।
ಮದ್ಯಪಾ ಮಾಂಸಲೋಭಸ್ಥಾ ಮೋದಿನೀ ಮೈಥುನೋದ್ಯತಾ ॥
ಮೂರ್ದ್ಧಾವತೀ ಮಹಾಮಾಯಾ ಮಾಯಾ ಮಹಿಮಮನ್ದಿರಾ ।
ಮಹಾಮಾಲಾ ಮಹಾವಿದ್ಯಾ ಮಹಾಮಾರೀ ಮಹೇಶ್ವರೀ ॥
ಮಹಾದೇವವಧೂಮಾನ್ಯಾ ಮಥುರಾ ಮೇರುಮಂಡಿತಾ ।
ಮೇದಸ್ವಿನೀ ಮಿಲಿನ್ದಾಕ್ಷೀ ಮಹಿಷಾಸುರಮರ್ದ್ದಿನೀ ॥
ಮಂಡಲಸ್ಥಾ ಭಗಸ್ಥಾ ಚ ಮದಿರಾರಾಗಗರ್ವಿತಾ ।
ಮೋಕ್ಷದಾ ಮುಂಡಮಾಲಾ ಚ ಮಾಲಾ ಮಾಲಾವಿಲಾಸಿನೀ ॥
ಮಾತಂಗಿನೀ ಚ ಮಾತಂಗೀ ಮಾತಂಗತನಯಾಪಿ ಚ ।
ಮಧುಸ್ರವಾ ಮಧುರಸಾ ಬನ್ಧೂಕಕುಸುಮಪ್ರಿಯಾ ॥
ಯಾಮಿನೀ ಯಾಮಿನೀನಾಥಭೂಷಾ ಯಾವಕರಂಜಿತಾ ।
ಯವಾಂಕುರಪ್ರಿಯಾ ಯಾಮಾ ಯವನೀ ಯವನಾರ್ದಿನೀ ॥
ಯಮಘ್ನೀ ಯಮಕಲ್ಪಾ ಚ ಯಜಮಾನಸ್ವರೂಪಿಣೀ ।
ಯಜ್ಞಾ ಯಜ್ಞಯಜುರ್ಯಕ್ಷೀ ಯಶೋನಿಃ ಕಮ್ಪಕಾಕಾರಿಣೀ ॥
ಯಕ್ಷಿಣೀ ಯಕ್ಷಜನನೀ ಯಶೋದಾಯಾಸಧಾರಿಣೀ ।
ಯಶಸ್ಸೂತ್ರಪ್ರದಾ ಯಾಮಾ ಯಜ್ಞಕರ್ಮಕರೀತ್ಯಪಿ ॥
ಯಶಸ್ವಿನೀ ಯಕಾರಸ್ಥಾ ಭೂಯಸ್ತಮ್ಭನಿವಾಸಿನೀ ।
ರಂಜಿತಾ ರಾಜಪತ್ನೀ ಚ ರಮಾ ರೇಖಾ ರವೀ ರಣಾ ॥
ರಜೋವತೀ ರಜಶ್ಚಿತ್ರಾ ರಂಜನೀ ರಜನೀಪತಿಃ ।
ರೋಗಿಣೀ ರಜನೀ ರಾಜ್ಞಾ ರಾಜ್ಯದಾ ರಾಜ್ಯವರ್ದ್ಧಿನೀ ॥
ರಾಜನ್ವತೀ ರಾಜನೀತಿಸ್ತಥಾ ರಜತವಾಸಿನೀ ।
ರಮಣೀರಮಣೀಯಾ ಚ ರಾಮಾ ರಾಮಾವತೀ ರತಿಃ ।
ರೇತೋ ರತೀ ರತೋತ್ಸಾಹಾ ರೋಗಘ್ನೀ ರೋಗಕಾರಿಣೀ ।
ರಂಗಾ ರಂಗವತೀ ರಾಗಾ ರಾಗಾ ರಾಗಜ್ಞಾ ರಾಗಕೃದ್ದಯಾ ॥
ರಾಮಿಕಾ ರಜಕೀ ರೇವಾ ರಜನೀ ರಂಗಲೋಚನಾ ।
ರಕ್ತಚರ್ಮಧರಾ ರಂಗೀ ರಂಗಸ್ಥಾ ರಂಗವಾಹಿನೀ ॥
ರಮಾ ರಮ್ಭಾಫಲಪ್ರೀತೀ ರಮ್ಭೋರೂ ರಾಘವಪ್ರಿಯಾ ।
ರಂಗಾ ರಂಗಾಂಗಮಧುರಾ ರೋದಸೀ ಚ ಮಹಾರವಾ ॥
ರೋಧಕೃದ್ರೋಗಹನ್ತ್ರೀ ಚ ರೂಪಭೃದ್ರೋಗಸ್ರಾವಿಣೀ ।
ಬನ್ದೀ ವನ್ದಿಸ್ತುತಾ ಬನ್ಧುರ್ಬನ್ಧೂಕಕುಸುಮಾಧರಾ ॥
ವನ್ದಿತಾ ವನ್ದ್ಯಮಾನಾ ಚ ವೈದ್ರಾವೀ ವೇದವಿದ್ವಿಧಾ ।
ವಿಕೋಪಾ ವಿಕಪಾಲಾ ಚ ವಿಂಕಸ್ಥಾ ವಿಂಕವತ್ಸಲಾ ॥
ವೇದೈರ್ವಿಲಗ್ನಲಗ್ನಾ ಚ ವಿಧಿವಿಂಕಕರೀ ವಿಧಾ ।
ಶಂಖಿನೀ ಶಂಖವಲಯಾ ಶಂಖಮಾಲಾವತೀ ಶಮೀ ॥
ಶಂಖಪಾತ್ರಾ ಶಿನೀ ಶಂಖಸ್ವನಶಂಖಗಲಾ ಶಶೀ ।
ಶಬರೀ ಶಮ್ಬರೀ ಶಮ್ಭುಃ ಶಮ್ಭುಕೇಶಾ ಶರಾಸಿನೀ ॥
ಶವಾ ಶ್ಯೇನವತೀ ಶ್ಯಾಮಾ ಶ್ಯಾಮಾಂಗೀ ಶ್ಯಾಮಲೋಚನಾ ।
ಶ್ಮಶಾನಸ್ಥಾ ಶ್ಮಶಾನಾ ಚ ಶ್ಮಶಾನಸ್ಥಾನಭೂಷಣಾ ॥
ಶಮದಾ ಶಮಹನ್ತ್ರೀ ಚ ಶಂಖಿನೀ ಶಂಖರೋಷರಾ ।
ಶಾನ್ತಿಶ್ಶಾನ್ತಿಪ್ರದಾ ಶೇಷಾ ಶೇಷಾಖ್ಯಾ ಶೇಷಶಾಯಿನೀ ॥
ಶೇಮುಷೀ ಶೋಷಿಣೀ ಶೇಷಾ ಶೌರ್ಯಾ ಶೌರ್ಯಶರಾ ಶರೀ ।
ಶಾಪದಾ ಶಾಪಹಾ ಶಾಪಾಶಾಪಪನ್ಥಾ ಸದಾಶಿವಾ ॥
ಶೃಂಗಿಣೀ ಶೃಂಗಿಪಲಭುಕ್ ಶಂಕರೀ ಶಾಂಕರೀ ಶಿವಾ ।
ಶವಸ್ಥಾ ಶವಭುಕ್ ಶಾನ್ತಾ ಶವಕರ್ಣಾ ಶವೋದರೀ ॥
ಶಾವಿನೀ ಶವಶಿಂಶಾಶ್ರೀಃ ಶವಾ ಚ ಶಮಶಾಯಿನೀ ।
ಶವಕುಂಡಲಿನೀ ಶೈವಾಶೀಕರಾ ಶಿಶಿರಾಶಿನಾ ॥
ಶವಕಾಂಚೀ ಶವಶ್ರೀಕಾ ಶಬಮಾಲಾ ಶವಾಕೃತಿಃ ।
ಸವನ್ತೀ ಸಂಕುಚಾ ಶಕ್ತಿಶ್ಶನ್ತನುಶ್ಶವದಾಯಿನೀ ॥
ಸಿನ್ಧುಸ್ಸರಸ್ವತೀ ಸಿನ್ಧುಸ್ಸುನ್ದರೀ ಸುನ್ದರಾನನಾ ।
ಸಾಧುಃ ಸಿದ್ಧಿಪ್ರದಾತ್ರೀ ಚ ಸಿದ್ಧಾ ಸಿದ್ಧಸರಸ್ವತೀ ॥
ಸನ್ತತಿಸ್ಸಮ್ಪದಾ ಸಂವಚ್ಛಂಕಿಸಮ್ಪತ್ತಿದಾಯಿನೀ ।
ಸಪತ್ನೀ ಸರಸಾ ಸಾರಾ ಸಾರಸ್ವತಕರೀ ಸುಧಾ ॥
ಸುರಾಸಮಾಂಸಾಶನಾ ಚ ಸಮಾರಾಧ್ಯಾ ಸಮಸ್ತದಾ ।
ಸಮಧೀಸ್ಸಾಮದಾ ಸೀಮಾ ಸಮ್ಮೋಹಾ ಸಮದರ್ಶನಾ ॥
ಸಾಮತಿಸ್ಸಾಮಧಾ ಸೀಮಾ ಸಾವಿತ್ರೀ ಸವಿಧಾ ಸತೀ ।
ಸವನಾ ಸವನಾಸಾರಾ ಸವರಾ ಸಾವರಾ ಸಮೀ ॥
ಸಿಮರಾ ಸತತಾ ಸಾಧ್ವೀ ಸಧ್ರೀಚೀ ಸಸಹಾಯಿನೀ ।
ಹಂಸೀ ಹಂಸಗತಿಹಂಸೀ ಹಂಸೋಜ್ಜ್ವಲನಿಚೋಲಯುಕ್ ॥
ಹಲಿನೀ ಹಾಲಿನೀ ಹಾಲಾ ಹಲಶ್ರೀರ್ಹರವಲ್ಲಭಾ ।
ಹಲಾ ಹಲವತೀ ಹ್ಯೇಷಾ ಹೇಲಾ ಹರ್ಷವಿವರ್ದ್ಧಿನೀ ॥
ಹನ್ತಿರ್ಹನ್ತಾ ಹಯಾಹಾಹಾಹತಾಹನ್ತಾತಿಕಾರಿಣೀ ।
ಹಂಕಾರೀ ಹಂಕೃತಿರ್ಹಂಕಾ ಹೀಹೀಹಾಹಾಹಿತಾಹಿತಾ ॥
ಹೀತಿರ್ಹೇಮಪ್ರದಾ ಹಾರಾರಾವಿಣೀ ಹರಿರಸಮ್ಮತಾ ।
ಹೋರಾ ಹೋತ್ರೀ ಹೋಲಿಕಾ ಚ ಹೋಮಾ ಹೋಮಹವಿರ್ಹವಿಃ ॥
ಹರಿಣೀ ಹರಿಣೀನೇತ್ರಾ ಹಿಮಾಚಲನಿವಾಸಿನೀ ।
ಲಮ್ಬೋದರೀ ಲಮ್ಬಕರ್ಣಾ ಲಮ್ಬಿಕಾ ಲಮ್ಬವಿಗ್ರಹಾ ॥
ಲೀಲಾ ಲೀಲಾವತೀ ಲೋಲಾ ಲಲನಾ ಲಲಿತಾ ಲತಾ ।
ಲಲಾಮಲೋಚನಾ ಲೋಭ್ಯಾ ಲೋಲಾಕ್ಷೀ ಸತ್ಕುಲಾಲಯಾ ॥
ಲಪತ್ನೀ ಲಪತೀ ಲಮ್ಪಾ ಲೋಪಾಮುದ್ರಾ ಲಲನ್ತಿಕಾ ।
ಲತಿಕಾ ಲಂಘಿನೀ ಲಂಘಾ ಲಾಲಿಮಾ ಲಘುಮಧ್ಯಮಾ ॥
ಲಘೀಯಸೀ ಲಘೂದರ್ಯಾ ಲೂತಾ ಲೂತಾವಿನಾಶಿನೀ ।
ಲೋಮಶಾ ಲೋಮಲಮ್ಬೀ ಚ ಲುಲನ್ತೀ ಚ ಲುಲುಮ್ಪತೀ ॥
ಲುಲಾಯಸ್ಥಾ ಬಲಹರೀ ಲಂಕಾಪುರಪುರನ್ದರಾ ।
ಲಕ್ಷ್ಮೀರ್ಲ್ಲಕ್ಷ್ಮೀಪ್ರದಾ ಲಭ್ಯಾ ಲಾಕ್ಷಾಕ್ಷೀ ಲುಲಿತಪ್ರಭಾ ॥
ಕ್ಷಣಾ ಕ್ಷಣಕ್ಷುಕ್ಷುಕ್ಷಿಣೀ ಕ್ಷಮಾಕ್ಷಾನ್ತಿಃ ಕ್ಷಮಾವತೀ ।
ಕ್ಷಾಮಾ ಕ್ಷಾಮೋದರೀ ಕ್ಷೇಮ್ಯಾ ಕ್ಷೌಮಭೃತ್ಕ್ಷತ್ರಿಯಾಂಗಣಾ ॥
ಕ್ಷಯಾ ಕ್ಷಾಯಾಕರೀ ಕ್ಷೀರಾ ಕ್ಷೀರದಾ ಕ್ಷೀರಸಾಗರಾ ।
ಕ್ಷೇಮಂಕರೀ ಕ್ಷಯಕರೀ ಕ್ಷಯಕೃತ್ಕ್ಷಣದಾ ಕ್ಷತಿಃ ॥
ಕ್ಷುದ್ರಿಕಾ ಕ್ಷುದ್ರಿಕಾಕ್ಷುದ್ರಾ ಕ್ಷುತ್ಕ್ಷಮಾ ಕ್ಷೀಣಪಾತಕಾ ।
ಮಾತುಃ ಸಹಸ್ರನಾಮೇದಂ ಸುಮುಖ್ಯಾಸ್ಸಿದ್ಧಿದಾಯಕಮ್ ॥
ಯಃ ಪಠೇತ್ಪ್ರಯತೋ ನಿತ್ಯಂ ಸ ಏವ ಸ್ಯಾನ್ಮಹೇಶ್ವರಃ ।
ಅನಾಚಾರಾತ್ಪಠೇನ್ನಿತ್ಯನ್ದರಿದ್ರೋ ಧನವಾನ್ಭವೇತ್ ॥
ಮೂಕಸ್ಸ್ಯಾದ್ವಾಕ್ಪತಿರ್ದೇವಿ ರೋಗೀ ನೀರೋಗತಾವ್ವ್ರಜೇತ್ ।
ಪುತ್ರಾರ್ತ್ಥೀ ಪುತ್ರಮಾಪ್ನೋತಿ ತ್ರಿಷು ಲೋಕೇಷು ವಿಶ್ರುತಮ್ ॥
ವನ್ಧ್ಯಾಪಿ ಸೂಯತೇ ಪುತ್ರವ್ವಿದುಷಸ್ಸದೃಶಂಗುರೋಃ ।
ಸತ್ಯಂಚ ಬಹುಧಾ ಭೂಯಾದ್ಗಾವಶ್ಚ ಬಹುದುಗ್ಧದಾಃ ॥
ರಾಜಾನಃ ಪಾದನಮ್ರಾಸ್ಸ್ಯುಸ್ತಸ್ಯ ಹಾಸಾ ಇವ ಸ್ಫುಟಾಃ ।
ಅರಯಸ್ಸಂಕ್ಷಯಯ್ಯಾನ್ತಿ ಮಾನಸಾ ಸಂಸ್ಮೃತಾ ಅಪಿ ॥
ದರ್ಶನಾದೇವ ಜಾಯನ್ತೇ ನರಾ ನಾರ್ಯೋಪಿ ತದ್ವಶಾಃ ।
ಕರ್ತ್ತಾ ಹರ್ತ್ತಾ ಸ್ವಯವೀರೋ ಜಾಯತೇ ನಾತ್ರ ಸಂಶಯಃ ॥
ಯಯ್ಯಂಕಾಮಯತೇ ಕಾಮನ್ತನ್ತಮಾಪ್ನೋತಿ ನಿಶ್ಚಿತಮ್ ।
ದುರಿತನ್ನ ಚ ತಸ್ಯಾಸ್ತಿ ನಾಸ್ತಿ ಶೋಕಃ ಕಥಂಚನ ॥
ಚತುಷ್ಪಥೇಽರ್ದ್ಧರಾತ್ರೇ ಚ ಯಃ ಪಠೇತ್ಸಾಧಕೋತ್ತಮಃ ।
ಏಕಾಕೀ ನಿರ್ಬ್ಭಯೋ ವೀರೋ ದಶಾವರ್ತ್ತಸ್ತವೋತ್ತಮಮ್ ॥
ಮನಸಾ ಚಿನ್ತಿತಂಕಾರ್ಯಂ ತಸ್ಯ ಸಿದ್ಧಿರ್ನ್ನ ಸಂಶಯಃ ।
ವಿನಾ ಸಹಸ್ರನಾಮ್ನಾಯ್ಯೋ ಜಪೇನ್ಮನ್ತ್ರಂಕದಾಚನ ॥
ನ ಸಿದ್ಧಿರ್ಜ್ಜಾಯತೇ ತಸ್ಯ ಮನ್ತ್ರಂಕಲ್ಪಶತೈರಪಿ ।
ಕುಜವಾರೇ ಶ್ಮಶಾನೇ ವಾ ಮಧ್ಯಾಹ್ನೇ ಯೋ ಜಪೇತ್ಸದಾ ॥
ಕೃತಕೃತ್ಯಸ್ಸ ಜಾಯೇತ ಕರ್ತ್ತಾ ಹರ್ತ್ತಾ ನೃಣಾಮಿಹ ।
ರೋಗಾರ್ತ್ತೋಽರ್ದ್ಧನಿಶಾಯಾಯ್ಯಃ ಪಠೇದಾಸನಸಂಸ್ಥಿತಃ ॥
ಸದ್ಯೋ ನೀರೋಗತಾಮೇತಿ ಯದಿ ಸ್ಯಾನ್ನಿರ್ಬ್ಭಯಸ್ತದಾ ।
ಅರ್ದ್ಧರಾತ್ರೇ ಶ್ಮಶಾನೇ ವಾ ಶನಿವಾರೇ ಜಪೇನ್ಮನುಮ್ ।
ಅಷ್ಟೋತ್ತರಸಹಸ್ರನ್ತು ದಶವಾರಂಜಪೇತ್ತತಃ ।
ಸಹಸ್ರನಾಮ ಚೈತದ್ಧಿ ತದಾ ಯಾತಿ ಸ್ವಯಂ ಶಿವಾ ॥
ಮಹಾಪವನರೂಪೇಣ ಘೋರಗೋಮಾಯುನಾದಿನೀ ।
ತತೋ ಯದಿ ನ ಭೀತಿಃ ಸ್ಯಾತ್ತದಾ ದೇಹೀತಿವಾಗ್ಭವೇತ್ ॥
ತದಾ ಪಶುಬಲಿನ್ದದ್ಯಾತ್ಸ್ವಯಂ ಗೃಹ್ಣಾತಿ ಚಂಡಿಕಾ ।
ಯಥೇಷ್ಟಂಚ ವರನ್ದತ್ತ್ವಾ ಪ್ರಯಾತಿ ಸುಮುಖೀ ಶಿವಾ ॥
ರೋಚನಾಗುರುಕಸ್ತೂರೀಕರ್ಪ್ಪೂರೈಶ್ಚ ಸಚನ್ದನೈಃ ।
ಕುಂಕುಮೇನ ದಿನೇ ಶ್ರೇಷ್ಠೇ ಲಿಖಿತ್ವಾ ಭೂರ್ಜ್ಜಪತ್ರಕೇ ॥
ಶುಭನಕ್ಷತ್ರಯೋಗೇ ಚ ಕೃತಮಾರುತಸಕ್ರಿಯಃ ।
ಕೃತ್ವಾ ಸಮ್ಪಾತನವಿಧಿನ್ಧಾರಯೇದ್ದಕ್ಷಿಣೇ ಕರೇ ॥
ಸಹಸ್ರನಾಮ ಸ್ವರ್ಣಸ್ಥಂಕಂಠೇ ವಾ ವಿಜಿತೇನ್ದ್ರಿಯಃ ।
ತದಾಯಮ್ಪ್ರಣಮೇನ್ಮನ್ತ್ರೀ ಕ್ರುದ್ಧಸ್ಸ ಮ್ರಿಯತೇ ನರಃ ॥
ದುಷ್ಟಶ್ವಾಪದಜನ್ತೂನಾನ್ನ ಭೀಃ ಕುತ್ರಾಪಿ ಜಾಯತೇ ।
ಬಾಲಕಾನಾಮಿಯಂ ರಕ್ಷಾ ಗರ್ಬ್ಭಿಣೀನಾಮಪಿ ಪ್ರಿಯೇ ॥
ಮೋಹನಸ್ತಮ್ಭನಾಕರ್ಷ-ಮಾರಣೋಚ್ಚಾಟನಾನಿ ಚ ।
ಯನ್ತ್ರಧಾರಣತೋ ನೂನಂಜಾಯನ್ತೇ ಸಾಧಕಸ್ಯ ತು ॥
ನೀಲವಸ್ತ್ರೇ ವಿಲಿಖಿತೇ ಧ್ವಜಾಯಾಯ್ಯದಿ ತಿಷ್ಠತಿ ।
ತದಾ ನಷ್ಟಾ ಭವತ್ಯೇವ ಪ್ರಚಂಡಾಪ್ಯರಿವಾಹಿನೀ ॥
ಏತಜ್ಜಪ್ತಮ್ಮಹಾಭಸ್ಮ ಲಲಾಟೇ ಯದಿ ಧಾರಯೇತ್ ।
ತದ್ವಿಲೋಕನ ಏವ ಸ್ಯುಃ ಪ್ರಾಣಿನಸ್ತಸ್ಯ ಕಿಂಕರಾಃ ॥
ರಾಜಪತ್ನ್ಯೋಽಪಿ ವಿವಶಾಃ ಕಿಮನ್ಯಾಃ ಪುರಯೋಷಿತಃ ।
ಏತಜ್ಜಪ್ತಮ್ಪಿಬೇತ್ತೋಯಮ್ಮಾಸೇನ ಸ್ಯಾನ್ಮಹಾಕವಿಃ ॥
ಪಂಡಿತಶ್ಚ ಮಹಾವಾದೀ ಜಾಯತೇ ನಾತ್ರ ಸಂಶಯಃ ।
ಅಯುತಂಚ ಪಠೇತ್ಸ್ತೋತ್ರಮ್ಪುರಶ್ಚರಣಸಿದ್ಧಯೇ ॥
ದಶಾಂಶಂಕಮಲೈರ್ಹುತ್ವಾ ತ್ರಿಮಧ್ವಾಕ್ತೈರ್ವಿಧಾನತಃ ।
ಸ್ವಯಮಾಯಾತಿ ಕಮಲಾ ವಾಣ್ಯಾ ಸಹ ತದಾಲಯೇ ॥
ಮನ್ತ್ರೋ ನಿಃಕೀಲತಾಮೇತಿ ಸುಮುಖೀ ಸುಮುಖೀ ಭವೇತ್ ।
ಅನನ್ತಂಚ ಭವೇತ್ಪುಣ್ಯಮಪುಣ್ಯಂಚ ಕ್ಷಯವ್ವ್ರಜೇತ್ ॥
ಪುಷ್ಕರಾದಿಷು ತೀರ್ತ್ಥೇಷು ಸ್ನಾನತೋ ಯತ್ಫಲಮ್ಭವೇತ್ ।
ತತ್ಫಲಲ್ಲಭತೇ ಜನ್ತುಃ ಸುಮುಖ್ಯಾಃ ಸ್ತೋತ್ರಪಾಠತಃ ॥
ಏತದುಕ್ತಂ ರಹಸ್ಯನ್ತೇ ಸ್ವಸರ್ವಸ್ವವ್ವರಾನನೇ ।
ನ ಪ್ರಕಾಶ್ಯನ್ತ್ವಯಾ ದೇವಿ ಯದಿ ಸಿದ್ಧಿಂಚ ವಿನ್ದಸಿ ॥
ಪ್ರಕಾಶನಾದಸಿದ್ಧಿಸ್ಸ್ಯಾತ್ಕುಪಿತಾ ಸುಮುಖೀ ಭವೇತ್ ।
ನಾತಃ ಪರತರೋ ಲೋಕೇ ಸಿದ್ಧಿದಃ ಪ್ರಾಣಿನಾಮಿಹ ॥
ವನ್ದೇ ಶ್ರೀಸುಮುಖೀಮ್ಪ್ರಸನ್ನವದನಾಮ್ಪೂರ್ಣೇನ್ದುಬಿಮ್ಬಾನನಾಂ
ಸಿನ್ದೂರಾಂಕಿತಮಸ್ತಕಾಮ್ಮಧುಮದೋಲ್ಲೋಲಾಂಚ ಮುಕ್ತಾವಲೀಮ್ ।
ಶ್ಯಾಮಾಂಕಂಜಲಿಕಾಕರಾಂಕರಗತಂಚಾಧ್ಯಾಪಯನ್ತೀಂ
ಶುಕಂಗುಂಜಾಪುಂಜವಿಭೂಷಣಾಂ ಸಕರುಣಾಮಾಮುಕ್ತವೇಣೀಲತಾಮ್ ॥
ಇತಿ ಶ್ರೀನನ್ದ್ಯಾವರ್ತ್ತತನ್ತ್ರೇ ಉತ್ತರಖಂಡೇ ಮಾತಂಗೀಸಹಸ್ರನಾಮಸ್ತೋತ್ರಂ
ಸಮ್ಪೂರ್ಣಮ್ ॥