This beautiful Sahasranama of Sri Mukambika Devi is taken from the chapter called Kolapura Mahatmyam of Skanda Mahapurana. This is a very powerful hymn and a single repetition of this hymn is said to be equal to Sahasrachandi Homa. Sri Mookambika is the combination of not only the three prime deities Mahakali, Mahalakshmi and Mahasarasvati, but also all the other forms of Sri Devi like Kaushiki, Mahishamardini, Shatakshi and all other gods and goddesses. By simply chanting this great hymn, one can please all the three hundred crores of devas who reside in Sridevi. This is a lesser known hymn probably because it was handed over from a Guru to Shishya, during the initiation into the Mulamantra of Sri Mukambika, known as Gauri Panchadashakshari. Sage Markandeya says that this hymn is of indescribable glory and should never be given to the ignorant who do not worship Shridevi and those who are not into initiated into the secrets of Kulachara! Please use it with proper discernment.
॥ Mukambika Divyasahasranamastotram Telugu Lyrics ॥
॥ శ్రీమూకామ్బికా దివ్యసహస్రనామస్తోత్రమ్ ॥
సూత ఉవాచ
పురా కైలాసశిఖరే మార్కణ్డేయో మహామునిః ।
పప్రచ్ఛ గిరిజానాథం సిద్ధగన్ధర్వసేవితమ్ ॥
సహస్రార్కప్రతీకాశం త్రినేత్రం చన్ద్రశేఖరం ।
భగవత్యా కృతం కర్మ దానవానాం రణే కథమ్ ॥
శ్రీ శివ ఉవాచ
శృణు వత్స ప్రవక్ష్యామి యన్మాం త్వం పరిపృచ్ఛసి ।
త్రిగుణా శ్రీర్మహాలక్ష్మీః యోఽసౌభాగ్యవతీ పరా ॥
యోగనిద్రానిమగ్నస్య విష్ణోరమితతేజసః ।
పింజూషతత్సముద్భూతౌ విఖ్యాతౌ మధుకైటభౌ ॥
తయోః విష్ణోరభూద్భూయో యుద్ధం సార్వభయఙ్కరమ్ ।
చక్రిణా నిహతావేతౌ మహామాయావిమోహితౌ ॥
అథ దేవశరీరేభ్యః ప్రాదుర్భూతా మహేశ్వరీ ।
మహిషం సా మహావీర్యం అవధీన్నామరూపకమ్ ॥
తతో దైత్యార్దితైః దేవైః పురుహూతాదిభిః స్తుతా ।
సైషా భగవతీ దైత్యం ధూమ్రలోచనసంజ్ఞితమ్ ॥
చణ్డముణ్డౌ మహావీర్యౌ రక్తబీజం భయఙ్కరమ్ ।
నిహత్య దేవీ దైత్యేన్ద్రం నిశుమ్భమురువిక్రమమ్ ॥
శుమ్భాసురం మహావీర్యం దేవతామృత్యురూపిణమ్ ।
యుధ్యమానం ససైన్యం తం అవధీదమ్బికా పునః ॥
దేవాశ్చ ఋషయః సిద్ధాః గన్ధర్వాశ్చ ముదా తదా ।
తుష్టువుః భక్తినమ్రాత్మమూర్తయః పరమేశ్వరీమ్ ॥
సూత ఉవాచ
ఏతత్చ్ఛ్రుత్వా శివోక్తం తత్ మార్కణ్డేయో మహామునిః ।
పద్మైర్నామ్నాం సహస్రేణ పూజయామాస తాం శివామ్ ॥
ఓం అస్యశ్రీ మూకామ్బికాయాః
వరదివ్యసహస్రనామస్తోత్రమాలామహామన్త్రస్య
మార్కణ్డేయ భగవాన్ ఋషిః – గాయత్రీ ఛన్దః –
త్రిమూర్త్యైక్యస్వరూపిణీ మహాకాలీ-మహాలక్ష్మీ-మహాసరస్వతీ
త్రిగుణాత్మికా శ్రీ మూకామ్బికా దేవతా –
హ్రాం బీజం – హ్రీం శక్తిః – హ్రూం కీలకం –
శ్రీ మూకామ్బికా వరప్రసాదసిద్ధ్యర్థే జపే వినియోగః ॥
[హ్రాం ఇత్యాది వా మూకామ్బికాయాః గౌరీ పఞ్చదశాక్షర్యాఖ్యా
బాలకుమారికా విద్యయా వా న్యాసమాచరేత్ ]
ధ్యానమ్
శైలాధిరాజతనయాం శరదిన్దుకోటిభాస్వన్
ముఖామ్బుజకిరీటయుతాం త్రినేత్రామ్ ।
శఙ్ఖార్యభీతివరవర్యకరాం మనోజ్ఞాం
మూకామ్బికాం మునిసురాఽభయదాం స్మరామి ॥
ప్రమత్త మధుకైటభౌ మహిషదానవం యాఽవధీత్
సధూమ్రనయనాహ్వయౌ సబలచణ్డముణ్డావపి ।
సరక్తదనుజౌ భయఙ్కరనిశుభశుమ్భాసురౌ అసౌ
భగవతీ సదా హృది విభాతు మూకామ్బికా ॥
ప్రపన్నజనకామదాం ప్రబలమూకదర్పాపహాం
అనుష్ణసుకలాధరాం అరిదరాభయేష్టాన్వితామ్ ।
తటిద్విసరభాసురాం కుటజశైలమూలాశ్రితాం
అశేషవిభుధాత్మికాం అనుభజామి మూకామ్బికామ్ ॥
॥లమిత్యాది పఞ్చపూజా॥
శ్రీ మార్కణ్డేయ ఉవాచ
శ్రీం హ్రీం ఐం ఓం
మూకామ్బికా మూకమాతా మూకవాగ్భూతిదాయినీ
మహాలక్ష్మీః మహాదేవీ మహారజ్యప్రదాయినీ ।
మహోదయా మహారూపా మాన్యా మహితవిక్రమా
మనువన్ద్యా మన్త్రివర్యా మహేష్వాసా మన్సవినీ ॥
మేనకాతనయా మాతా మహితా మాతృపూజితా
మహతీ మారజననీ మృతసంజీవినీ మతిః ।
మహనీయా మదోల్లాసా మన్దారకుసుమప్రభా మాధవీ
మల్లికాపూజ్యా మలయాచలవాసినీ ॥
మహాఙ్కభగినీ మూర్తా మహాసారస్వతప్రదా
మర్త్యలోకాశ్రయా మన్యుః మతిదా మోక్షదాయినీ ।
మహాపూజ్యా మఖఫలప్రదా మఘవదాశ్రయా
మరీచిమారుతప్రాణాః మనుజ్యేష్ఠా మహౌషధిః ॥
మహాకారుణికా ముక్తాభరణా మఙ్గలప్రదా
మణిమాణిక్యశోభాఢ్యా మదహీనా మదోత్కటా ।
మహాభాగ్యవతీ మన్దస్మితా మన్మథసేవితా
మాయా విద్యామయీ మంజుభాషిణీ మదలాలసా ॥
మృడాణీ మృత్యుమథినీ మృదుభాషా మృడప్రియా
మన్త్రజ్ఞా మిత్రసఙ్కాశా మునిః మహిషమర్దినీ ।
మహోదయా మహోరస్కా మృగదృష్టిః మహేశ్వరీ
మృనాలశీతలా మృత్యుః మేరుమన్దరవాసినీ ॥
మేధ్యా మాతఙ్గగమనా మహామారీస్వరూపిణీ
మేఘశ్యామా మేఘనాదా మీనాక్షీ మదనాకృతిః ।
మనోన్మయీ మహామాయా మహిషాసురమోక్షదా
మేనకావన్దితా మేన్యా మునివన్దితపాదుకా ॥
మృత్యువన్ద్యా మృత్యుదాత్రీ మోహినీ మిథునాకృతిః
మహారూపా మోహితాఙ్గీ మునిమానససంస్థితా ।
మోహనాకారవదనా ముసలాయుధధారిణీ
మరీచిమాలా మాణిక్యభూషణా మన్దగామినీ ॥
మహిషీ మారుతగతిః మహాలావణ్యశాలినీ
మృదణ్గనాదినీ మైత్రీ మదిరామోదలాలసా ।
మాయామయీ మోహనాశా మునిమానసమన్దిరా
మార్తాణ్డకోటికిరణా మిథ్యాజ్ఞాననివారిణీ ॥
మృగాఙ్కవదనా మార్గదాయినీ మృగనాభిధృక్
మన్దమారుతసమ్సేవ్యా ముదారతరుమూలగా ।
మన్దహాసా మదకరీ మధుపానసముద్యతా మధురా
మాధవనుతా మాధవీ మాధవార్చితా ॥
మార్తాణ్డకోటిజననీ మార్తాణ్డగతిదాయినీ
మృనాలమూర్తిః మాయావీ మహాసామ్రాజ్యదాయినీ ।
కాన్తా కాన్తముఖీ కాలీ కచనిర్జితభృఙ్గికా
కఞ్జాక్షీ కఞ్జవదనా కస్తూరీతిలకోజ్వలా ॥
కలికాకారవదనా కర్పూరామోదసమ్యుతా
కోకిలాలాపసఙ్గీతా కనకాకృతిబిమ్బభృత్ ।
కమ్బుకణ్ఠీ కఞ్జహారా కలిదోషవినాశినీ
కఞ్చుకాఢ్యా కఞ్జరూపా కాఞ్చీభూషణరాజితా ॥
కణ్ఠీరవజితామధ్యా కాఞ్చీదామవిభూషితా
కృతకిఙ్కిణికాశోభా కాఞ్చనస్రావినీవికా ।
కాఞ్చనోత్తమశోభాఢ్యా కనకాక్లృప్తపాదుకా
కణ్ఠీరవసమాసీనా కణ్ఠీరవపరాక్రమా ॥
కల్యాణీ కమలా కామ్యా కమనీయా కలావతీ
కృతిః కల్పతరుః కీర్తిః కుటజాచలవాసినీ ।
కవిప్రియా కావ్యలోలా కపర్దీరుచిరాకృతిః
కణ్ఠీరవధ్వజా కామరూపా కామితదాయినీ ॥
కృషాణుః కేశవనుతా కృతప్రజ్ఞా కృశోదరీ
కోశాధీశ్వరసంసేవ్యా కృశాకర్షితపాతకా ।
కరీన్ద్రగామినీ కేళీ కుమారీ కలభాషిణీ
కలిదోషహరా కాష్ఠా కరవీరసుమప్రియా ॥
కలారూపా కృష్ణనుతా కలాధరసుపూజితా
కుబ్జా కఞ్జేక్షణా కన్యా కలాధరముఖా కవిః ।
కలా కలాఙ్గీ కావేరీ కౌముదీ కాలరూపిణీ
కలాఢ్యా కోలసంహర్త్రీ కుసుమాఢ్యా కులాఙ్గనా ॥
కుచోన్నతా కుఙ్కుమాఢ్యా కౌసుమ్భకుసుమప్రియా
కచశోభా కాలరాత్రిః కీచకారణ్యసేవితా ।
కుష్ఠరోగహరా కూర్మపృష్ఠా కామితవిగ్రహా
కలాననా కలాలాపా కలభాధీశ్వరార్చితా ॥
కేతకీకుసుమప్రీతా కైలాసపదదాయినీ
కపర్దినీ కలామాలా కేశవార్చితపాదుకా ।
కుశాత్మజా కేశపాశా కోలాపురనివాసినీ
కోశనాథా క్లేశహన్త్రీ కీశసేవ్యా కృపాపరా ॥
కౌన్తేయార్చితపాదాబ్జా కాలిన్దీ కుముదాలయా
కనత్కనకతాటఙ్కా కరిణీ కుముదేక్షణా ।
కోకస్తనీ కున్దరదనా కులమార్గప్రవర్తినీ
కుబేరపూజితా స్కన్దమాతా కీలాలశీతలా ॥
కాలీ కామకలా కాశీ కాశపుష్పసమప్రభా
కిన్నరీ కుముదాహ్లాదకారిణీ కపిలాకృతిః ।
కార్యకారణనిర్ముక్తా క్రిమికీటాన్తమోక్షదా
కిరాతవనితా కాన్తిః కార్యకారణరూపిణీ ॥
కపిలా కపిలారాధ్యా కపీశధ్వజసేవితా
కరాలీ కార్తికేయాఖ్యజననీ కాన్తవిగ్రహా ।
కరభోరుః కరేణుశ్రీః కపాలిప్రీతిదాయినీ
కోలర్షివరసమ్సేవ్యా కృతజ్ఞా కాఙ్క్షితార్థదా ॥
బాలా బాలనిభా బాణధారిణీ బాణపూజితా
బిసప్రసూననయనా బిసతన్తునిభాకృతిః ।
బహుప్రదా బహుబలా బాలాదిత్యసమప్రభా
బలాధరహితా బిన్దునిలయా బగలాముఖీ ॥
బదరీఫలవక్షోజా బాహ్యదమ్భవివర్జితా
బలా బలప్రియా బన్ధుః బన్ధా బౌద్ధా బుధేశ్వరీ ।
బిల్వప్రియా బాలలతా బాలచన్ద్రవిభూషితా
బుద్ధిదా బన్ధనచ్ఛేత్రీ బన్ధూకకుసుమప్రియా ॥
బ్రాహ్మీ బ్రహ్మనుతా బ్రధ్నతనయా బ్రహ్మచారిణీ
బృహస్పతిసమారాధ్యా బుధార్చితపదామ్బుజా ।
బృహత్కుక్షిః బృహద్వాణీ బృహత్పృష్ఠా బిలేశయా
బహిర్ధ్వజసుతా బర్హికచా బీజాశ్రయా బలా ॥
బిన్దురూపా బీజాపూరప్రియా బాలేన్దుశేఖరా
బిజాఙ్కురోద్భవా బీజరూపిణీ బ్రహ్మరూపిణీ ।
బోధరూపా బృహద్రూపా బన్ధినీ బన్ధమోచినీ
బిమ్బసంస్థా బాలరూపా బాలరాత్రీశధారిణీ ॥
వనదుర్గా వహ్నినౌకా శ్రీవన్ద్యా వనసంస్థితా
వహ్నితేజా వహ్నిశక్తిః వనితారత్న రూపిణీ ।
వసున్ధరా వసుమతీ వసుధా వసుదాయినీ
వాసవాదిసురారాధ్యా వన్ధ్యతావినివర్తినీ ॥
వివేకినీ విశేషజ్ఞా విష్ణుః వైష్ణవపూజితా
పణ్డితాఖిలదైత్యారిః విజయా విజయప్రదా ।
విలాసినీ వేదవేద్యా వియత్పూజ్యా విశాలినీ
విశ్వేశ్వరీ విశ్వరూపా విశ్వసృష్టివిధాయినీ ॥
వీరపత్నీ వీరమాతా వీరలోకప్రదాయినీ
వరప్రదా వర్యపదా వైష్ణవశ్రీః వధూవరా ।
వధూః వారిధిసఞ్జాతా వారణాదిసుసంస్థితా
వామభాగాధికా వామా వామమార్గవిశారదా ॥
వామినీ వజ్రిసమ్సేవ్యా వజ్రాద్యాయుధధారిణీ
వశ్యా వేద్యా విశ్వరూపా విశ్వవన్ద్యా విమోహినీ ।
విద్వద్రూపా వజ్రనఖా వయోవస్థావివర్జితా
విరోధశమనీ విద్యా వారితౌఘా విభూతిదా ॥
విశ్వాత్మికా విశ్వపాశమోచినీ వారణస్థితా
విబుధార్చ్యా విశ్వవన్ద్యా విశ్వభ్రమణకారిణీ ।
విలక్షణా విశాలాక్షీ విశ్వామిత్రవరప్రదా
విరూపాక్షప్రియా వారిజాక్షీ వారిజసమ్భవా ॥
వాఙ్గ్మయీ వాక్పతిః వాయురూపా వారణగామినీ
వార్ధిగమ్భీరగమనా వారిజాక్షసతీ వరా ।
విషయా విషయాసక్తా విద్యాఽవిద్యాస్వరూపిణీ
వీణాధరీ విప్రపూజ్యా విజయా విజయాన్వితా ॥
వివేకజ్ఞా విధిస్తుతా విశుద్ధా విజయార్చితా
వైధవ్యనాశినీ వైవాహితా విశ్వవిలాసినీ ।
విశేషమానదా వైద్యా విబుధార్తివినాశినీ
విపులశ్రోణిజఘనా వలిత్రయవిరాజితా ॥
విజయశ్రీః విధుముఖీ విచిత్రాభరణాన్వితా
విపక్షవ్రాతసంహర్త్రీ విపత్సంహారకారిణీ ।
విద్యాధరా విశ్వమయీ విరజా వీరసంస్తుతా
వేదమూర్తిః వేదసారా వేదభాషావిచక్షణా ॥
విచిత్రవస్త్రాభరణా విభూషితశరీరిణీ
వీణాగాయనసమ్యుక్తా వీతరాగా వసుప్రదా ।
విరాగిణీ విశ్వసారా విశ్వావస్థావివర్జితా
విభావసుః వయోవృద్ధా వాచ్యవాచకరూపిణీ ॥
వృత్రహన్త్రీ వృత్తిదాత్రీ వాక్స్వరూపా విరాజితా
వ్రతకార్యా వజ్రహస్తా వ్రతశీలా వ్రతాన్వితా ।
వ్రతాత్మికా వ్రతఫలా వ్రతషాడ్గుణ్యకారిణీ
వృత్తిః వాదాత్మికా వృత్తిప్రదా వర్యా వషట్కృతా ॥
విజ్ఞాత్రీ విబుధా వేద్యా విభావసుసమద్యుతిః
విశ్వవేద్యా విరోధఘ్నీ విబుధస్తోమజీవనా ।
వీరస్తుత్యా వియద్యానా విజ్ఞానఘనరూపిణీ
వరవాణీ విశుద్ధాన్తఃకరణా విశ్వమోహినీ ॥
వాగీశ్వరీ వాగ్విభూతిదాయినీ వారిజాననా
వారుణీమదరక్తాక్షీ వామమార్గప్రవర్తినీ ।
వామనేత్రా విరాడ్రూపా వేత్రాసురనిషూదినీ
వాక్యార్థజ్ఞానసన్ధాత్రీ వాగధిష్ఠానదేవతా ॥
వైష్ణవీ విశ్వజననీ విష్ణుమాయా వరాననా
విశ్వమ్భరీ వీతిహోత్రా విశ్వేశ్వరవిమోహినీ ।
విశ్వప్రియా విశ్వకర్త్రీ విశ్వపాలనతత్పరా
విశ్వహన్త్రీ వినోదాఢ్యా వీరమాతా వనప్రియా ॥
వరదాత్రీ వీతపానరతా వీరనిబర్హిణీ
విద్యున్నిభా వీతరోగా వన్ద్యా విగతకల్మషా ।
విజితాఖిలపాషణ్డా వీరచైతన్యవిగ్రహా
రమా రక్షాకరీ రమ్యా రమణీయా రణప్రియా ॥
రక్షాపరా రాక్షసఘ్నీ రాజ్ఞీ రమణరాజితా
రాకేన్దువదనా రుద్రా రుద్రాణీ రౌద్రవర్జితా ।
రుద్రాక్షధారిణీ రోగహారిణీ రఙ్గనాయికా
రాజ్యశ్రీరఞ్జితపదా రాజరాజనిషేవితా ॥
రుచిరా రోచనా రోచీ ఋణమోచనకారిణీ
రజనీశకలాయుక్తా రజతాద్రినికేతనా ।
రాగోష్ఠీ రాగహృదయా రామా రావణసేవితా
రక్తబీజార్దినీ రక్తలోచనా రాజ్యదాయినీ ॥
రవిప్రభా రతికరా రత్నాఢ్యా రాజ్యవల్లభా
రాజత్కుసుమధమ్మిల్లా రాజరాజేశ్వరీ రతిః ।
రాధా రాధార్చితా రౌద్రీ రణన్మఞ్జీరనూపురా
రాకారాత్రిః ఋజూరాశిః రుద్రదూతీ ఋగాత్మికా ॥
రాజచ్చన్ద్రజటాజూటా రాకేన్దుముఖపఙ్కజా
రావణారిహృదావాసా రావణేశవిమోహినీ ।
రాజత్కనకకేయూరా రాజత్కరజితామ్బుజా
రాగహారయుతా రామసేవితా రణపణ్డితా ॥
రమ్భోరూ రత్నకటకా రాజహమ్సగతాగతిః
రాజివరఞ్జితపదా రాజసిమ్హాసనస్థితా ।
రక్షాకరీ రాజవన్ద్యా రక్షోమణ్డలభేదినీ
దాక్షాయణీ దాన్తరూపా దానకృత్ దానవార్దినీ ॥
దారిద్ర్యనాశినీ దాత్రీ దయాయుక్తా దురాసదా
దుర్జయా దుఃఖశమనీ దుర్గదాత్రీ దురత్యయా ।
దాసీకృతామరా దేవమాతా దాక్షిణ్యశాలినీ
దౌర్భాగ్యహారిణీ దేవీ దక్షయజ్ఞవినాశినీ ॥
దయాకరీ దీర్ఘబాహుః దూతహన్త్రీ దివిస్థితా
దయారూపా దేవరాజసంస్తుతా దగ్ధమన్మథా ।
దినకృత్కోటిసఙ్కాశా దివిషద్దివ్యవిగ్రహా
దీనచిన్తామణిః దివ్యస్వరూపా దీక్షితాయినీ ॥
దీధితిః దీపమాలాఢ్యా దిక్పతిః దివ్యలోచనా
దుర్గా దుఃఖౌఘశమనీ దురితఘ్నీ దురాసదా ।
దుర్జ్ఞేయా దుష్టశమనీ దుర్గామూర్తిః దిగీశ్వరీ
దురన్తాఖ్యా దుష్టదాహ్యా దుర్ధర్షా దున్దుభిస్వనా ॥
దుష్ప్రధర్షా దురారాధ్యా దుర్నీతిజననిగ్రహా
దూర్వాదలశ్యామలాఙ్గీ ద్రుతదృగ్ధూషణోజ్ఝితా ।
దేవతా దేవదేవేశీ దేవీ దేశికవల్లభా
దేవికా దేవసర్వస్వా దేశప్రాదేశకారిణీ ॥
దోషాపహా దోషదూరా దోషాకరసమాననా
దోగ్ధ్రీ దౌర్జన్యశమనీ దౌహిత్రప్రతిపాదినీ ।
దూత్యాదిక్రీడనపరా ద్యుమణిః ద్యూతశాలినీ
ద్యోతితాశా ద్యూతపరా ద్యావాభూమివిహారిణీ ॥
దన్తినీ దణ్డినీ దంష్ట్రీ దన్తశూకవిషాపహా
దమ్భదూరా దన్తిసుతా దణ్డమాత్రజయప్రదా ।
దర్వీకరా దశగ్రీవా దహనార్చిః దధిప్రియా
దధీచివరదా దక్షా దక్షిణామూర్తిరూపిణీ ॥
దానశీలా దీర్ఘవర్ష్మా దక్షిణార్ధేశ్వరా
దృతా దాడిమీకుసుమప్రీతా దుర్గదుష్కృతహారిణీ ।
జయన్తీ జననీ జ్యోత్స్నా జలజాక్షీ జయప్రదా
జరా జరాయుజప్రీతా జరామరణవర్జితా ॥
జీవనా జివనకరీ జివేశ్వరవిరాజితా
జగద్యోనిః జనిహరా జాతవేదా జలాశ్రయా ।
జితామ్బరా జితాహారా జితాకారా జగత్ప్రియా
జ్ఞానప్రియా జ్ఞానఘనా జ్ఞానవిజ్ఞానకారిణీ ॥
జ్ఞానేశ్వరీ జ్ఞానగమ్యా జ్ఞాతాజ్ఞాతౌఘనాశినీ
జిగ్జ్ఞాసా జీర్ణరహితా జ్ఞానినీ జ్ఞానగోచరా ।
అజ్ఞానధ్వమ్సినీ జ్ఞానరూపిణీ జ్ఞానకారిణీ
జాతార్తిశమనీ జన్మహారిణీ జ్ఞానపఞ్జరా ॥
జాతిహీనా జగన్మాతా జాబాలమునివన్దితా
జాగరూకా జగత్పాత్రీ జగద్వన్ద్యా జగద్గురుః ।
జలజాక్షసతీ జేత్రీ జగత్సంహారకారిణీ
జితక్రోధా జితరతా జితచన్ద్రముఖామ్బుజా ॥
యజ్ఞేశ్వరీ యజ్ఞఫలా యజనా యమపూజితా
యతిః యోనిః యవనికా యాయజూకా యుగాత్మికా ।
యుగాకృతిః యోగదాత్రీ యజ్ఞా యుద్ధవిశారదా
యుగ్మప్రియా యుక్తచిత్తా యత్నసాధ్యా యశస్కరీ ॥
యామినీ యాతనహరా యోగనిద్రా యతిప్రియా
యాతహృతకమలా యజ్యా యజమానస్వరూపిణీ ।
యక్షేశీ యక్షహరణా యక్షిణీ యక్షసేవితా
యాదవస్త్రీ యదుపతిః యమలార్జునభఞ్జనా ॥
వ్యాలాలఙ్కారిణీ వ్యాధిహారిణీ వ్యయనాశినీ
తిరస్కృతమహావిద్యా తిర్యక్పృష్ఠా తిరోహితా ।
తిలపుష్పసమాకారనాసికా తీర్థరూపిణీ
తిర్యగ్రూపా తీర్థపాదా త్రివర్గా త్రిపురేశ్వరీ ॥
త్రిసంధ్యా త్రిగుణాధ్యక్షా త్రిమూర్తిః త్రిపురాన్తకీ
త్రినేత్రవల్లభా త్ర్యక్షా త్రయీ త్రాణపరాయణా ।
తారణా తారిణీ తారా తారాపరికలావృతా
తారాత్మికా తారజపా తురితాఢ్యా తరూత్తమా ॥
తూర్ణప్రసాదా తూణీరధారిణీ తూర్ణసంస్కృతా
తోషిణీ తూర్ణగమనా తులాహీనాఽతులప్రభా ।
తరఙ్గిణీ తరఙ్గాఢ్యా తులా తున్దిలపుత్రిణీ
తనూనపాత్ తన్తురూపా తారగీ తన్త్రరూపిణీ ॥
తారకారిః తుఙ్గకుచా తిలకాలిః తిలార్చితా
తమోపహా తార్క్ష్యగతిః తామసీ త్రిదివేశ్వరీ ।
తపస్వినీ తపోరూపా తాపసేడ్యా త్రయీతనుః
తపఃఫలా తపస్సాధ్యా తలాతలనివాసినీ ॥
తాణ్డవేశ్వరసమ్ప్రీతా తటిదీక్షణసమ్భ్రమా
తనుమధ్యా తనూరూపా తళిభానుః తటిత్ప్రభా ।
సదస్యా సదయా సర్వవన్దితా సదసత్పరా
సద్యఃప్రసాదినీ సుధీః సచ్చిదానన్దరూపిణీ ॥
సరిద్వేగా సదాకారా సరిత్పతివసున్ధరా
సరీసృపాఙ్గాభరణా సర్వసౌభాగ్యదాయినీ ।
సామసాధ్యా సామగీతా సోమశేఖరవల్లభా
సోమవక్త్రా సౌమ్యరూపా సోమయాగఫలప్రదా ॥
సగుణా సత్క్రియా సత్యా సాధకాభీష్టదాయినీ
సుధావేణీ సౌధవాసా సుజ్ఞా సుశ్రీః సురేశ్వరీ ।
కేతకీకుసుమప్రఖ్యా కచనిర్జితనీరదా
కున్తలాయితభృఙ్గాలిః కుణ్డలీకృతకైశికీ ॥
సిన్దూరాఙ్కితకేశాన్తా కఞ్జాక్షీ సుకపోలికా
కనత్కనకతాటఙ్కా చమ్పకాకృతినాసికా ।
నాసాలఙ్కృతసన్ముక్తా బిమ్బోష్ఠీ బాలచన్ద్రధృత్
కున్దదన్తా త్రినయనా పుణ్యశ్రవణకీర్తనా ॥
కాలవేణీ కుచజితచకోరా హారరఞ్జితా
కరస్థాఙ్గులికా రత్నకాఞ్చీదామవిరాజితా ।
రత్నకిఙ్కిణికా రమ్యనీవికా రత్నకఞ్చుకా
హరిమధ్యాఽగాధపృష్ఠా కరభోరుః నితమ్బినీ ॥
పదనిర్జితపద్మాభా ఊర్మికారఞ్జితాఙ్గులిః
గాఙ్గేయకిఙ్కిణీయుక్తా రమణీయాఙ్గులీయుతా ।
మాణిక్యరత్నాభరణా మధుపానవిశారదా
మధుమధ్యా మన్దగతా మత్తేభస్థాఽమరార్చితా ॥
మయూరకేతుజననీ మలయాచలపుత్రికా
పరార్ధభాగా హర్యక్షవాహనా హరిసోదరీ ।
హాటకాభా హరినుతా హమ్సగా హమ్సరూపిణీ
హర్షరూపా హరిపతిః హయారూఢా హరిత్పతిః ॥
సర్వగా సర్వదేవేశీ సామగానప్రియా సతీ
సర్వోపద్రవసంహర్త్రీ సర్వమఙ్గలదాయినీ ।
సాధుప్రియా సాగరజా సర్వకర్త్రీ సనాతనీ
సర్వోపనిషదుద్గీతా సర్వశత్రినిబర్హిణీ ॥
సనకాదిమునిస్తుత్యా సదాశివమనోహరా
సర్వజ్ఞా సర్వజననీ సర్వాధారా సదాగతిః ।
సర్వభూతహితా సాధ్యా సర్వశక్తిస్వరూపిణీ
సర్వగా సర్వసుఖదా సర్వేశీ సర్వరఞ్జినీ ॥
శివేశ్వరీ శివారధ్యా శివానన్దా శివాత్మికా
సూర్యమణ్డలమధ్యస్థా శివా శఙ్కరవల్లభా ।
సుధాప్లవా సుధాధారా సుఖసంవిత్స్వరూపిణీ
శివఙ్కరీ సర్వముఖీ సూక్ష్మజ్ఞానస్వరూపిణీ ॥
అద్వయానన్దసంశోభా భోగస్వర్గాపవర్గదా
విష్ణుస్వసా వైష్ణవాప్తా వివిదార్థవినోదినీ ।
గిరిజా జిరిశప్రీతా శర్వణీ సహ్ర్మదాయినీ
హృత్పద్మమధ్యనిలయా సర్వోత్పత్తిః స్వరాత్మికా ॥
తరుణీ తరుణార్కాభా చిన్త్యాచిన్త్యస్వరూపిణీ
శ్రుతిస్మృతిమయీ స్తుత్యా స్తుతిరూపా స్తుతిప్రియా ।
ఓంకారగర్భా హ్యోఽఙ్కారీ కఙ్కాలీ కాలరూపిణీ
విశ్వమ్భరీ వినీతస్థా విధాత్రీ వివిధప్రభా ॥
శ్రీకరీ శ్రీమతీ శ్రేయః శ్రీదా శ్రీచక్రమధ్యగా
ద్వాదశాన్తసరోజస్థా నిర్వాణసుఖదాయినీ ।
సాధ్వీ సర్వోద్భవా సత్వా శ్రీకణ్ఠస్వాన్తమోహినీ
విద్యాతనుః మన్త్రతనుః మదనోద్యానవాసినీ ॥
యోగలక్ష్మీః రాజ్యలక్ష్మీః మహాలక్ష్మీః సరస్వతీ
సదానన్దైకరసికా బ్రహ్మవిష్ణ్వాదివన్దితా ।
కుమారీ కపిలా కాలీ పిఙ్గాక్షీ కృష్ణపిఙ్గలా
చణ్డఘంటాః మహాసిద్ధిః వారాహీ వరవర్ణినీ ॥
కాత్యాయనీ వాయువేగా కామాక్షీ కర్మసాక్షిణీ
దుర్గాదేవీ మహాదేవీ ఆదిదేవీ మహాసనా ।
మహావిద్యా మహామాయా విద్యాలోలా తమోమయీ
శఙ్ఖచక్రగదాహస్తా మహామహిషమర్దినీ ॥
ఖడ్గినీ శూలినీ బుద్ధిరూపిణీ భూతిదాయినీ
వారుణీ జటినీ త్రస్తదైత్యసఙ్ఘా శిఖణ్డినీ ।
సురేశ్వరీ శస్త్రపూజ్యా మహాకాలీ ద్విజార్చితా
ఇచ్ఛాజ్ఞానక్రియా సర్వదేవతానన్దరూపిణీ ॥
మత్తశుమ్భనిశుమ్భఘ్నీ చణ్డముణ్డవిఘాతినీ
వహ్నిరూపా మహాకాన్తిః హరా జ్యోత్స్నావతీ స్మరా ।
వాగీశ్వరీ వ్యోమకేశీ మూకహన్త్రీ వరప్రదా
స్వాహా స్వధా సుధాశ్వమేధా శ్రీః హ్రీః గౌరీ పరమేశ్వరీ ॥ ఓం
॥ ఇతి శ్రీ స్కాన్దమహాపురాణే కోలాపురమూకామ్బికామాహాత్మ్యాఖ్యే
ఉపాఖ్యానే శ్రీ దేవ్యాః దివ్యవరసాహాస్రనామ స్తోత్రం శివమస్తు ॥