॥ Rakinikeshava Sahasranamastotram Bengali Lyrics ॥
॥ শ্রীরাকিণীকেশবসহস্রনামস্তোত্রম্ ॥
শ্রীগণেশায় নমঃ ।
আনন্দভৈরবী উবাচ ।
কথয়ামি মহাকাল পরমাদ্ভুতসাধনম্ ।
কুণ্ডলীরূপিণী দেবী রাকিণ্যাঃ কুলবল্লভ ॥ ১ ॥
মানসং দ্রব্যমানীয় চাথবা বাহ্যদ্রব্যকম্ ।
অনষ্টহৃষ্টচিত্তশ্চ পূজয়েত্ সাবধানতঃ ॥ ২ ॥
ভক্ত্যা জপেন্মূলমন্ত্রং মানসং সর্বমেব চ ।
পূজয়িত্বা ততো জপ্ত্বা হোমং কুর্যাত্ পরামৃতৈঃ ॥ ৩ ॥
সমাসৈঃ পক্বনৈবেদ্যৈঃ সুগন্ধিকুসুমৈস্তথা ।
স্বয়ম্ভূকুসুমৈনীত্যমর্ঘ্যং কৃত্ত্বা নিবেদয়েত্ ॥ ৪ ॥
সুমুখং পূজয়েন্নিত্যং মধুমাংসেন শঙ্কর ।
হুত্বা হুত্বা পুনর্হুত্বা প্রাণবায়্বগ্নিসঙ্গমৈঃ ॥ ৫ ॥
ভ্রাময়িত্ত্বা মনো বাহ্যে স্থাপয়িত্ত্বা পুনঃ পুনঃ ।
পুনরাগম্যগমনং কারয়িত্ত্বা সুমঙ্গলম্ ॥ ৬ ॥
বাচয়িত্ত্বা সুবাণীভির্যাচয়িত্ত্বা সবাপিকম্ ।
তর্পণং চাভিষেকঞ্চ কেবলাসবমিশ্রিতৈঃ ॥ ৭ ॥
মাংসৈর্মুদ্রাদিভির্মত্স্যৈঃ সারদ্রব্যৈঃ সপিষ্টকৈঃ ।
ঘৃতাদিসুফলৈর্বাপি য়দ্ য়দায়াতি কৌলিকে ॥ ৮ ॥
অচলাং ভক্তিমাপ্নোতি বিশ্বামিত্রো য়থা বশী ।
তত্তদ্দ্রব্যৈঃ সাধকেন্দ্রো নিত্যং সন্তর্প্য সঞ্জপেত্ ॥ ৯ ॥
এতন্মন্ত্রং পাঠিত্ত্বা চ তর্পণঞ্চ সমাচরেত্ ।
তর্পণান্তে চাভিষেকং সদা কুর্যাচ্চ তান্ত্রিকঃ ॥ ১০ ॥
মূলান্তে চাভিষিঞ্চামি নমঃ স্বাহা পদং ততঃ ।
ততো হি প্রণমেদ্ভক্ত্যা অষ্টাঙ্গনতিভিঃ প্রভো ॥ ১১ ॥
সহস্রনাম্না স্তবনমষ্টোত্তরসমন্বিতম্ ।
অর্ধাঙ্গ রাকিণীয়ুক্তং রাকিণীকেশবস্তবম্ ॥ ১২ ॥
শৃণু তং সকলং নাথ য়ত্র শ্রদ্ধা সদা তব ।
শ্রবণার্থং বহূক্তং তত্ কৃপয়া তে বদাম্যহ ॥ ১৩ ॥
এতত্ শ্রবণমাত্রেণ সর্বপাপক্ষয়ো ভবেত্ ।
রাকিণীসঙ্গমং নাথ স্তবনং নাম পাবনম্ ॥ ১৪ ॥
য়ে পঠন্তি শ্রদ্ধয়া চাশ্রদ্ধয়া বা পুনঃ পুনঃ ।
তস্য সর্বঃ পাপরাশিঃ ক্ষয়ং য়াতি ক্ষণাদিহ ॥ ১৫ ॥
কালে কালে মহাবীরো ভবত্যেব হি য়োগিরাট্ ।
সংসারোত্তারণে য়ুক্তো মহাবলপরাক্রমঃ ॥ ১৬ ॥
ওঁ শ্রীকৃষ্ণো মহামায়া য়াদবো দেবরাকিণী ।
গোবিন্দো বিশ্বজননী মহাবিষ্ণুর্মহেশ্বরী ॥ ১৭ ॥
মুকুন্দো মালতী মালা বিমলা বিমলাকৃতিঃ ।
রমানাথো মহাদেবী মহায়োগী প্রভাবতী ॥ ১৮ ॥
বৈকুণ্ঠো দেবজননী দহনো দহনপ্রিয়া ।
দৈত্যারির্দৈত্যমথিনী মুনীশো মৌনভাবিতা ॥ ১৯ ॥
নারায়ণো জয়কলা করুণো করুণাময়ী ।
হৃষীকেশঃ কৌশিকী চ কেশবঃ কেশিঘাতিনী ॥ ২০ ॥
কিশোরাপি কৈশোরী মহাকালী মহাকলা ।
মহায়জ্ঞো য়জ্ঞহর্ত্রী দক্ষেশো দক্ষকন্যকা ॥ ২১ ॥
মহাবলী মহাবালা বালকো দেববালিকা ।
চক্রধারী চক্রকরা চক্রাঙ্গঃ চক্রমদীকা ॥ ২২ ॥
অমরো য়ুবতী ভীমো ভয়া দেবো দিবিস্থিতা ।
শ্রীকরো বেশদা বৈদ্যো গুণা য়োগী কুলস্থিতা ॥ ২৩ ॥
সময়জ্ঞো মানসজ্ঞা ক্রিয়াবিজ্ঞঃ ক্রিয়ান্বিতা ।
অক্ষরো বনমালা চ কালরূপী কুলাক্ষরা ॥ ২৪ ॥
বিশালাক্ষো দীর্ঘনেত্রা জয়দো জয়বাহনা ।
শান্তঃ শান্তিকরী শ্যামো বিমলশ্যাম বিগ্রহা ॥ ২৫ ॥
কমলেশো মহালক্ষ্মী সত্যঃ সাধ্বী শিশুঃ প্রভা ।
বিদ্যুতাকারবদনো বিদ্যুত্পুঞ্জনভোদয়া ॥ ২৬ ॥
রাধেশ্বরো রাকিণী চ কুলদেবঃ কুলামরা ।
দক্ষিণো দক্ষিণী শ্রীদা ক্রিয়াদক্ষো মহালয়া ॥ ২৭ ॥
বশিষ্ঠগমনো বিদ্যা বিদ্যেশো বাক্সরস্বতী ।
অতীন্দ্রিয়ো য়োগমাতা রণেশী রণপণ্ডিতা ॥ ২৮ ॥
কৃতান্তকো বালকৃষ্ণা কমনীয়ঃ সুকামনা ।
অনন্তো অনন্তগুণদা বাণীনাথো বিলক্ষণা ॥ ২৯ ॥
গোপালো গোপবনিতা গোগোপ কুলাত্মজা ।
মৌনী মৌনকরোল্লাসা মানবো মানবাত্মজা ॥ ৩০ ॥
সর্বাচ্ছিন্নো মোহিনী চ মায়ী মায়া শরীরজা ।
অক্ষুণ্ণো বজ্রদেহস্থা গরুডস্থো হি গারুডী ॥ ৩১ ॥
সত্যপ্রিয়া রুক্মিণী চ সত্যপ্রাণোঽমৃতাপহা ।
সত্যকর্মা সত্যভামা সত্যরূপী ত্রিসত্যদা ॥ ৩২ ॥
শশীশো বিধুবদনা কৃষ্ণবর্ণো বিশালধীঃ ।
ত্রিবিক্রমো বিক্রমস্থা স্থিতিমার্গঃ স্থিতিপ্রিয়া ॥ ৩৩ ॥
শ্রীমাধবো মাধবী চ মধুহা মধুসূদনী ।
বৈকুণ্ঠনাথো বিকলা বিবেকস্থো বিবেকিনী ॥ ৩৪ ॥
বিবাদস্থো বিবাদেশী কুম্ভকঃ কুম্ভকারিকা ।
সুধাপানঃ সুধারূপা সুবেশো দেবমোহিনী ॥ ৩৫ ॥
প্রক্রিয়াধারকো ধন্যা ধন্যার্থো ধন্যবিগ্রহা ।
ধরণীশো মহানন্তা সানন্তো নন্দনপ্রিয়া ॥ ৩৬ ॥
প্রিয়ো বিপ্রিয়হরা চ বিপ্রপূজ্যো দ্বিজপ্রিয়া ।
কান্তো বিধুমুখী বেদ্যো বিদ্যা বাগীশ্বরোঽরুণা ॥ ৩৭ ॥
অকামী কামরহিতা কম্রো বিলচরপ্রিয়া ।
পুণ্ডরীকো বিকুণ্ডস্থা বৈকুণ্ঠো বালভাবিনী ॥ ৩৮ ॥
পদ্মনেত্র পদ্মমালা পদ্মহস্তোঽম্বুজাননা ।
পদ্মনাভিঃ পদ্মনেত্রা পদ্মস্থঃ পদ্মবাহনা ॥ ৩৯ ॥
বাসুদেবো বৃহদ্গর্ভা মহামানী মহাঞ্জনা ।
কারুণ্যো বালগর্ভা চ আকাশস্থো বিভাণ্ডজা ॥ ৪০ ॥
তেজোরাশিস্তৈজসী চ ভয়াচ্ছন্নো ভয়প্রদা ।
উপেন্দ্রো বর্ণজালস্থা স্বতন্ত্রস্থো বিমানগা ॥ ৪১ ॥
নগেন্দ্রস্থো নাগিনী চ নগেশো নাগনন্দিনী ।
সার্বভৌমো মহাকালী নগেন্দ্রঃ নন্দিনীসুতা ॥ ৪২ ॥
কামদেবাশ্রয়ো মায়া মিত্রস্থো মিত্রবাসনা ।
মানভঙ্গকরো রাবা বারণারিপ্রিয়ঃ প্রিয়া ॥ ৪৩ ॥
রিপুহা রাকিণী মাতা সুমিত্রো মিত্ররক্ষিকা ।
কালান্ত কলহা দেবী পীতবাসাম্বরপ্রিয়া ॥ ৪৪ ॥
পাপহর্তা পাপহন্ত্রী নিষ্পাপঃ পাপনাশিনী ।
পরানন্দপ্রিয়ো মীনা মীনরূপী মলাপহা ॥ ৪৫ ॥
ইন্দ্রনীলমণিশ্যামো মহেন্দ্রো নীলরূপিণী ।
নীলকণ্ঠপ্রিয়ো দুর্গা দুর্গাদুর্গতিনাশিনী ॥ ৪৬ ॥
ত্রিকোণমন্দিরশ্রীদো বিমায়া মন্দিরস্থিতা ।
মকরন্দরসোল্লাসো মকরন্দরসপ্রিয়া ॥ ৪৭ ॥
দারুণারিনিহন্তা চ দারুণারিবিনাশিনী ।
কলিকালকুলাচারঃ কলিকালফলাবহা ॥ ৪৮ ॥
কালক্ষেত্রস্থিতো রৌদ্রী ব্রতস্থো ব্রতধারিণী ।
বিশালাক্ষো বিশালাস্যা চমত্কারো করোদ্যমা ॥ ৪৯ ॥
লকারস্থো লাকিনী চ লাঙ্গলী লোলয়ান্বিতা ।
নাকস্থো নাকপদকা নাকাক্ষো নাকরক্ষকা ॥ ৫০ ॥
কামগো নামসম্বন্ধা সামবেদবিশোধিকা ।
সামবেদঃ সামসন্ধ্যা সামগো মাংসভক্ষিণী ॥ ৫১ ॥
সর্বভক্ষো রাত্রভক্ষা রেতস্থো রেতপালিনী ।
রাত্রিকারী মহারাত্রিঃ কালরাত্রো মহানিশা ॥ ৫২ ॥
নানাদোষহরো মাত্রা মারহন্তা সুরাপহা ।
চন্দনাঙ্গী নন্দপুত্রী নন্দপালঃ বিলোপিনী ॥ ৫৩ ॥
মুদ্রাকারী মহামুদ্রা মুদ্রিতো মুদ্রিতা রতিঃ ।
শাক্তো লাক্ষা বেদলাক্ষী লোপামুদ্রা নরোত্তমা ॥ ৫৪ ॥
মহাজ্ঞানধরোঽজ্ঞানী নীরা মানহরোঽমরা ।
সত্কীর্তীস্থো মহাকীর্তীঃ কুলাখ্যো কুলকীর্তীতা ॥ ৫৫ ॥
আশাবাসী বাসনা সা কুলবেত্তা সুগোপিতা ।
অশ্বত্থবৃক্ষনিলয়ো বৃক্ষসারনিবাসিনী ॥ ৫৬ ॥
নিত্যবৃক্ষো নিত্যলতা ক্লৃপ্তঃ ক্লৃপ্তপদস্থিতঃ ।
কল্পবৃক্ষো কল্পলতা সুকালঃ কালভক্ষিকা ॥ ৫৭ ॥
সর্বালঙ্কারভূষাঢ্যো সর্বালঙ্কারভূষিতা ।
অকলঙ্কী নিরাহারা দুর্নীরীক্ষ্যো নিরাপদা ॥ ৫৮ ॥
কামকর্তা কামকান্তা কামরূপী মহাজবা ।
জয়ন্তো য়াজয়ন্তী চ জয়াখ্য জয়দায়িনী ॥ ৫৯ ॥
ত্রিজীবনো জীবমাতা কুশলাখ্যো বিসুন্দরা ।
কেশধারী কেশিনী চ কামজো কামজাড্যদা ॥ ৬০ ॥
কিঙ্করস্থো বিকারস্থা মানসংজ্ঞো মনীষিণী ।
মিথ্যাহরো মহামিথ্যা মিথ্যাসর্গো নিরাকৃতি ॥ ৬১ ॥
নাগয়জ্ঞোপবীতশ্চ নাগমালাবিভূষিতা ।
নাগাখ্যো নাগকুলপা নায়কো নায়িকা বধূঃ ॥ ৬২ ॥
নায়কক্ষেমদো নারী নরো নারায়ণপ্রিয়া ।
কিরাতবর্ণো রাসজ্ঞী তারকো গুণতারিকা ॥ ৬৩ ॥
শঙ্করাখ্যোঽম্বুজাকারা কৃপণঃ কৃপণাবতী ।
দেশগো দেশসন্তোষা দর্শো দর্শনিবাসিনী ॥ ৬৪ ॥
দর্শনজ্ঞো দর্শনস্থা দৃগ্ দৃদিক্ষা সুরোঽসুরাঃ ।
সুরপালো দেবরক্ষা ত্রিরক্ষো রক্ষদেবতা ॥ ৬৫ ॥
শ্রীরামসেবী সুখদা সুখদো ব্যাসবাসিনী ।
বৃন্দাবনস্থো বৃন্দা চ বৃন্দাবন্যো মহত্তনূ ॥ ৬৬ ॥
ব্রহ্মরূপী ত্রিতারী চ তারকাক্ষো হি তারিণী ।
তন্ত্রর্থজ্ঞঃ তন্ত্রবিদ্যা সুতন্ত্রজ্ঞঃ সুতন্ত্রিকা ॥ ৬৭ ॥
তৃপ্তঃ সুতৃপ্তা লোকানাং তর্পণস্থো বিলাসিনী ।
ময়ূরা মন্দিররতো মথুরা মন্দিরেঽমলা ॥ ৬৮ ॥
মন্দিরো মন্দিরাদেবী নির্মায়ী মায়সংহরা ।
শ্রীবত্সহৃদয়ো বত্সা বত্সলো ভক্তবত্সলা ॥ ৬৯ ॥
ভক্তপ্রিয়ো ভক্তগম্যা ভক্তো ভক্তিঃ প্রভুঃ প্রভা ।
জরো জরা বরো রাবা হবির্হেমা ক্ষমঃ ক্ষিতি ॥ ৭০ ॥
ক্ষোণীপো বিজয়োল্লাসা বিজয়োজয়রূপিণী ।
জয়দাতা দাতৃজায়া বলিপো বলিপালিকা ॥ ৭১ ॥
কৃষ্ণমার্জাররূপী চ কৃষ্ণমার্জাররূপিণী ।
ঘোটকস্থো হয়স্থা চ গজগো গজবাহনা ॥ ৭২ ॥
গজেশ্বরো গজাধারা গজো গর্জনতত্পরা ।
গয়াসুরো গয়াদেবী গজদর্পো গজাপীতা ॥ ৭৩ ॥
কামনাফলসিদ্ধ্যর্থী কামনাফলসিদ্ধিদা ।
ধর্মদাতা ধর্মবিদ্যা মোক্ষদো মোক্ষদায়িনী ॥ ৭৪ ॥
মোক্ষাশ্রয়ো মোক্ষকর্ত্রী নন্দগোপাল ঈশ্বরী ।
শ্রীপতিঃ শ্রীমহাকালী কিরণো বায়ুরূপিণী ॥ ৭৫ ॥
বায়্বাহারী বায়ুনিষ্ঠা বায়ুবীজয়শস্বিনী ।
জেতা জয়ন্তী য়াগস্থো য়াগবিদ্যা শিবঃ শিবা ॥ ৭৬ ॥
বাসবো বাসবস্থী চ বাসাখ্যো ধনবিগ্রহা ।
আখণ্ডলো বিখণ্ডা চ খণ্ডস্থো খণ্ডখঞ্জনী ॥ ৭৭ ॥
খড্গহস্তো বাণহস্তা বাণগো বাণবাহনা ।
সিদ্ধান্তজ্ঞো ধ্বান্তহন্ত্রী ধনস্থো ধান্যবর্দ্ধীনী ॥ ৭৮ ॥
লোকানুরাগো রাগস্থা স্থিতঃ স্থাপকভাবনা ।
স্থানভ্রষ্টোঽপদস্থা চ শরচ্চন্দ্রনিভাননা ॥ ৭৯ ॥
চন্দ্রোদয়শ্চন্দ্রবর্ণা চারুচন্দ্রো রুচিস্থিতা ।
রুচিকারী রুচিপ্রীতা রচনো রচনাসনা ॥ ৮০ ॥
রাজরাজো রাজকন্যা ভুবনো ভুবনাশ্রয়া ।
সর্বজ্ঞঃ সর্বতোভদ্রা বাচালো লয়ধাতিনী ॥ ৮১ ॥
লিঙ্গরূপধরো লিঙ্গা কলিঙ্গঃ কালকেশরী ।
কেবলানন্দরূপাখ্যো নির্বাণমোক্ষদায়িনী ॥ ৮২ ॥
মহামেঘগাঢ মহানন্দরূপা মহামেঘজালো মহাঘোররূপা ।
মহামেঘমালঃ সদাকারপালা মহামেঘমালামলালোলকালী ॥ ৮৩ ॥
বিয়দ্ব্যাপকো ব্যাপিকা সর্বদেহে মহাশূরবীরো মহাধর্মবীরা ।
মহাকালরূপী মহাচণ্ডরূপা বিবেকী মদৈকী কুলেশঃ কুলেশী ॥ ৮৪ ॥
সুমার্গী সুগীতা শুচিস্বো বিনিতা মহার্কো বিতর্কা সুতর্কোঽবিতর্কা ।
কৃতীন্দ্রো মহেন্দ্রী ভগো ভাগ্যচন্দ্রা চতুর্থো মহার্থা নগঃ কীর্তীচন্দ্রা ॥ ৮৫ ॥
বিশিষ্টো মহেষ্টির্মনস্বী সুতুষ্টির্মহাষড্দলস্থো মহাসুপ্রকাশা ।
গলচ্চন্দ্রধারামৃতস্নিগ্ধদেহো গলত্কোটিসূর্যপ্রকাশাভিলাষা ॥ ৮৬ ॥
মহাচণ্ডবেগো মহাকুণ্ডবেগী মহারুণ্ডখণ্ডো মহামুণ্ডখণ্ডা ।
কুলালভ্রমচ্চক্রসারঃ প্রকারা কুলালো মলাকা রচক্রপ্রসারী ॥ ৮৭ ॥
কুলালক্রিয়াবান্ মহাঘোরখণ্ডঃ কুলালক্রমেণ ভ্রমজ্ঞানখণ্ডা ।
প্রতিষ্ঠঃ প্রতিষ্ঠা প্রতীক্ষঃ প্রতীক্ষা মহাখ্যো মহাখ্যা সুকালোঽতিদীক্ষা ॥ ৮৮ ॥
মহাপঞ্চমাচারতুষ্টঃ প্রচেষ্টা মহাপঞ্চমা প্রেমহা কান্তচেষ্টা ।
মহামত্তবেশো মহামঙ্গলেশী সুরেশঃ ক্ষপেশী বরো দীর্ঘবেশা ॥ ৮৯ ॥
চরো বাহ্যনিষ্ঠা চরশ্চারুবর্ণা কুলাদ্যোঽকুলাদ্যা য়তির্যাগবাদ্যা ।
কুলোকাপহন্তা মহামানহন্ত্রী মহাবিষ্ণুয়োগী মহাবিষ্ণুয়োগা ॥ ৯০ ॥
ক্ষিতিক্ষোভহন্তা ক্ষিতিক্ষুব্ধবাধা মহার্ঘো মহার্ঘা ধনী রাজ্যকার্যা ।
মহারাত্রি সান্দ্রান্ধকারপ্রকাশো মহারাত্রি সান্দ্রান্ধকারপ্রবেশা ॥ ৯১ ॥
মহাভীমগম্ভীরশব্দপ্রশব্দো মহাভীমগম্ভীরশব্দাপশব্দা ।
কুলা জ্ঞানদাত্রী য়মো য়াময়াত্রা বশী সূক্ষ্মবেশাশ্বগো নামমাত্রা ॥ ৯২ ॥
হিরণ্যাক্ষহন্তা মহাশত্রুহন্ত্রী বিনাশপ্রিয়ো বাণনাশপ্রিয়া চ ।
মহাডাকিনীশো মহারাকিণীশো মহাডাকিনী সা মহারাকিণী সা ॥ ৯৩ ॥
মুকুন্দো মহেন্দ্রো মহাভদ্রচন্দ্রা ক্ষিতিত্যাগকর্তা মহায়োগকর্ত্রী ।
হিতো মারহন্ত্রী মহেশেশ ইন্দ্রা গতিক্ষোভভাবো মহাভাবপুঞ্জা ॥ ৯৪ ॥
শশীনাং সমূহো বিধোঃ কোটিশক্তিঃ কদম্বাশ্রিতো বারমুখ্যা সতীনা ।
মহোল্লাসদাতা মহাকালমাতা স্বয়ং সর্বপুত্রঃ স্বয়ং লোকপুত্রী ॥ ৯৫ ॥
মহাপাপহন্তা মহাভাবভর্ত্রী হরিঃ কার্তীকী কার্তীকো দেবসেনা ।
জয়াপ্তো বিলিপ্তা কুলাপ্তো গণাপ্তা সুবীর্যো সভাষা ক্ষিতীশোঽভিয়াতা ॥ ৯৬ ॥
ভবান্ ভাবলক্ষ্মীঃ প্রিয়ঃ প্রেমসূক্ষ্মা জনেশো ধনেশী কৃপো মানভঙ্গা ।
কঠোরোত্কটানাং মহাবুদ্ধিদাতা কৃতিস্থা গুণজ্ঞো গুণানন্দবিজ্ঞা ॥ ৯৭ ॥
মহাকালপূজ্যো মহাকালপূজ্যা খগাখ্যো নগাখ্যা খরঃ খড্গহস্তা ।
অথর্বোঽথর্বান্দোলিতস্থঃ মহার্থা খগক্ষোভনাশা হবিঃ কূটহালা ॥ ৯৮ ॥
মহাপদ্ম মালাধৃতো গাণপত্যা গণস্থো গভীরা গুরুঃ জ্ঞানগম্যা ।
ঘটপ্রাণদাতা ঘনাকাররূপা ভয়ার্থোঙবীজাঙবারীঙকর্তা ॥ ৯৯ ॥
ভবো ভাবমাতা নরো য়ামধ্যাতা চলান্তোঽচলাখ্যা চয়োঽঞ্জালিকা চ ।
ছলজ্ঞশ্ছলাঢ্যা ছকারশ্ছকারা জয়ো জীবনস্থা জলেশো জলেশা ॥ ১০০ ॥
জপঞ্জাপকারী জগজ্জীবনীশা জগত্প্রাণনাথো জগদাল্হাদকারী ।
ঝরো ঝর্ঝরীশা ঝনত্কারশব্দো ঝনঞ্ঝঞ্জনানাদঝঙ্কাররাবা ॥ ১০১ ॥
ঞচৈতন্যকারী ঞকৈবল্যনারী হনোল্লাসধারী টনত্টঙ্কহস্তা ।
ঠরেশো পবিষ্টশ্ঠকারাদিকোটী ডরো ডাকিনীশো ডরেশো ডমারা ॥ ১০২ ॥
ঢমেশো হি ঢক্কা বরস্থানবীজো ণবর্ণা তমালতনুঃ স্থাননিষ্ঠা ।
থকারার্ণমানস্থনিস্থোঽসংখ্যা দয়াবান্ দয়ার্দ্রা ধনেশো ধনাঢ্যা ॥ ১০৩ ॥
নবীনো নগেভাগতীর্ণাঙ্গহারো নগেশী পরঃ পারণী সাদিপালা ।
ফলাত্মা ফলা ফাল্গুনী ফেণনাশঃ ফলাভূষণাঢ্যা বশী বাসরম্যা ॥ ১০৪ ॥
ভগাত্মা ভবস্ত্রী মহাবীজমানো মহাবীজমালা মুকুন্দঃ সুসূক্ষ্মা ।
য়তিস্থা য়শস্থা রতানন্দকর্তা রতির্লাকিনীশো লয়ার্থ প্রচণ্ডা ॥ ১০৫ ॥
প্রবালাঙ্গধারী প্রবালাঙ্গমালা হলোহালহেলাপদঃ পাদতালা ।
বশীন্দ্রঃ প্রকাশো বরস্থানবাসা শিবঃ শ্রীধরাঙ্গঃ শলাকা শিলা চ ॥ ১০৬ ॥
ষডাধারবাসী ষডাধারবিদ্যা ষডাম্ভোজসংস্থঃ ষডব্জোপবিষ্টা ।
সদা সাধরোগ্রোপবিষ্টাঽপরাগী সুসূক্তাপয়স্থা পলাশ্রয়স্থিতা ॥ ১০৭ ॥
হরস্থোগ্রকর্মা হরানন্দধারা লঘুস্থো লিপিস্থা ক্ষয়ীক্ষুব্ধক সংখ্যা ।
অনন্তো নির্বাণাহরাকারবীজা উরস্থোঽপ্যুরুস্থা উরা ঊর্ধ্বরূপা ॥ ১০৮ ॥
ঋচস্থো হি ৠগালসো দীর্ঘলৃস্থা ত্বমেকো হি চৈম্বীজগুর্বী গুণস্থা ।
সদৌঙ্কারবর্ণা হ্সৌংকারবীজা অসঙ্কারচন্দ্রো হ্যুসঃ কারবীরা ॥ ১০৯ ॥
হরীন্দ্রো হরীশা হরিঃ কৃষ্ণরূপা শিবো বেদভাষা চ শৌরিঃ প্রসঙ্গা ।
গণাধ্যক্ষরূপী পরানন্দভক্ষা পরেশো গণেশী রসো বাসপূজ্যা ॥ ১১০ ॥
চকোরি কুলপ্রাণবুদ্ধিস্থিতিস্থা স্বয়ং কামধেনুস্বরূপী বিরূপা ।
শ্রীহিরণ্যপ্রভঃ শ্রী হিরণ্যপ্রভাঙ্গী প্রভাতার্কবর্ণোঽরুণাকারণাঙ্গী ॥ ১১১ ॥
বিভা কোটিধারা ধরাধার কোষা রণীশো প্রত্যাদিকূটোঽধরো ধারণা শৌরিরার্যা ।
মহায়জ্ঞসংস্থো মহায়জ্ঞনিষ্ঠা সদাকর্মসঙ্গঃ সদামঙ্গরঙ্গা ॥ ১১২ ॥
কিরাতীপতি রাকিণী কালপুত্রী শিলাকোট নির্মাণদোহা বিশালা ।
কলার্ককলস্থো কলাকিঙ্কিণীস্থা কিশোরঃ কিশোরী কুরুক্ষেত্রকন্যা ॥ ১১৩ ॥
মহালাঙ্গলিশ্রী বলোদ্ধামকৃষ্ণঃ কুলালাদিবিদ্যাঽভয়ো ভাবশূন্যা ।
মহালাকিনী কাকিনী শাকিনীশো মহাসুপ্রকাশা পরো হাকিনীশা ॥ ১১৪ ॥
কুরুক্ষেত্রবাসী কুরুপ্রেমমূর্তী র্মহাভূতিভোগী মহায়োগিনী চ ।
কুলাঙ্গারকারো কুলাঙ্গীশকন্যা তৃতীয়স্তৃতীয়াঽদ্বিতীয়োঽদ্বিতীয়া ॥ ১১৫ ॥
মহাকন্দবাসী মহানন্দকাশী পুরগ্রামবাসী মহাপীঠদেশা ।
জগন্নাথ বক্ষঃ স্থলস্থো বরেণ্যা চ্যুতানন্দকর্তা রসানন্দকর্ত্রী ॥ ১১৬ ॥
জগদ্দীপকলো জগদ্দীপকালী মহাকামরূপী মহাকামপীঠা ।
মহাকামপীঠস্থিরো ভূতশুদ্ধি র্মহাভূতশুদ্ধিঃ মহাভূতসিদ্ধিঃ ॥ ১১৭ ॥
প্রভান্তঃ প্রবীণা গুরুস্থো গিরিস্থা গলদ্ধারধারী মহাভক্তবেষা ।
ক্ষণক্ষুন্নিবৃত্তিনীবৃত্তান্তরাত্মা সদন্তর্গতস্থা লয়স্থানগামী ॥ ১১৮ ॥
লয়ানন্দকাম্যা বিসর্গাপ্তবর্গো বিশালাক্ষমার্গা কুলার্ণঃ কুলার্ণা ।
মনস্থা মনঃশ্রীঃ ভয়ানন্দদাতা সদা লাণগীতা গজজ্ঞানদাতা মহামেরুপায়া ॥ ১১৯ ॥
তরোর্মূলবাসী তরজ্ঞোপদর্শা সুরেশঃ সমেশঃ সুরেশা সুখী খড্গনিষ্ঠা ।
ভয়ত্রাণকর্তা ভয়জ্ঞানহন্ত্রী জনানাং মখস্থো মখানন্দভঙ্গা ॥ ১২০ ॥
মহাসত্পথস্থো মহাসত্পথজ্ঞা মহাবিন্দুমানো মহাবিন্দুমানা ।
খগেন্দ্রোপবিষ্টো বিসর্গান্তরস্থা বিসর্গপ্রবিষ্টো মহাবিন্দুনাদা ॥ ১২১ ॥
সুধানন্দভক্তো বিধানন্দমুক্তিঃ শিবানন্দসুস্থো বিনানন্দধাত্রী ।
মহাবাহনাহ্লাদকারী সুবাহা সুরানন্দকারা গিরানন্দকারী ॥ ১২২ ॥
হয়ানন্দকান্তিঃ মতঙ্গস্থদেবো মতঙ্গাধিদেবী মহামত্তরূপঃ ।
তদেকো মহাচক্রপাণিঃ প্রচণ্ডা খিলাপস্থলস্থোঽবিহম্নীশপত্নী ॥ ১২৩ ॥
শিখানন্দকর্তা শিখাসারবাসী সুশাকম্ভরী ক্রোষ্টরী বেদবেদীসুগন্ধা ।
য়ুগো য়োগকন্যা দবো দীর্ঘকন্যা শরণ্যঃ শরণ্যা মুনিজ্ঞানগম্যা সুধন্যঃ সুধন্যা ॥ ১২৪ ॥
শশী বেদজন্যা য়মী য়ামবামা হ্যকামো হ্যকামা সদা গ্রামকামা ।
ধৃতীশঃ ধৃতীশা সদা হাটকস্থাঽ য়নেশোঽয়নেশী ভকারো ভগীরা ॥ ১২৫ ॥
চলত্খঞ্জনস্থঃ খলত্খেলনস্থা বিবাতী কিরাতী খিলাঙ্গোঽখিলাঙ্গী ।
বৃহত্খেচরস্থো বৃহত্খেচরী চ মহানাগরাজো মহানাগমালা ॥ ১২৬ ॥
হকারার্দ্ধসংজ্ঞা বৃতোহারমালা মহাকালনেমিপ্রহা পার্বতী চ ।
তমিস্রা তমিস্রাবৃতো দুঃখহত্যা বিপন্নো বিপন্না গুণানন্দকন্যা ॥ ১২৭ ॥
সদা দুঃখহন্তা মহাদুঃখহন্ত্রী প্রভাতার্ক বর্ণঃ প্রভাতারুণশ্রীঃ ।
মহাপর্বতপ্রেমভাবোপপন্নো মহাদেবপত্নীশভাবোপপন্না ॥ ১২৮ ॥
মহামোক্ষনীলপ্রিয়া ভক্তিদাতা নয়ানন্দ ভক্তিপ্রদা দেবমাতা ॥ ১২৯ ॥
ইত্যেতত্কথিতং নাথ মহাস্তোত্রং মনোরমম্ ।
সহস্রনাময়োগাঽঙ্গমষ্টোত্তরসমন্বিতমম্ ॥ ১৩০ ॥
য়ঃ পঠেত্ প্রাতরুত্থায় শুচির্বাশুচিমানসঃ ।
ভক্ত্যা শান্তিমবাপ্নোতি অনায়াসেন য়োগিরাট্ ॥ ১৩১ ॥
প্রত্যহং ধ্যানমাকৃত্য ত্রিসন্ধ্যং য়ঃ পঠেত্ শুচিঃ ।
ষণ্মাসাত্ পরমো য়োগী সত্যং সত্যং সুরেশ্বর ॥ ১৩২ ॥
অকালমৃত্যুহরণং সর্বব্যাধিবিনাশনম্ ।
অপমৃত্য্বাদিহরণং বারমেকং পঠেদ্যদি ॥ ১৩৩ ॥
পঠিত্ত্বা য়ে ন গচ্ছন্তি বিপত্কালে মহানিশি ।
অনায়াসেন তে য়ান্তি মহাঘোরে ভয়ার্ণবে ॥ ১৩৪ ॥
অকালে য়ঃ পঠেন্নিত্যং সুকালস্তত্ক্ষণাদ্ভবেত্ ।
রাজস্বহরণে চৈব সুবৃত্তিহরণাদিকে ॥ ১৩৫ ॥
মাসৈকপঠনাদেব রাজস্বং স লভেদ্ ধ্রুবম্ ।
বিচরন্তি মহাবীরাঃ স্বর্গে মর্ত্যে রসাতলে ॥ ১৩৬ ॥
গণেশতুল্যবলিনো মহাক্রোধশরীরিণঃ ।
এতত্স্তোত্রপ্রসাদেন জীবন্মুক্তো মহীতলে ॥ ১৩৭ ॥
মহানামস্তোত্রসারং ধর্মাধর্মনিরূপণম্ ।
অকস্মাত্ সিদ্ধিদং কাম্যং কাম্যং পরমসিদ্ধিদম্ ॥ ১৩৮ ॥
মহাকুলকুণ্ডলিন্যাঃ ভবান্যাঃ সাধনে শুভে ।
অভেদ্যভেদনে চৈব মহাপাতকনাশনে ॥ ১৩৯ ॥
মহাঘোরতরে কালে পঠিত্বা সিদ্ধিমাপ্নুয়াত্ ।
ষট্চক্রস্তম্ভনং নাথ প্রত্যহং য়ঃ করোতি হি ॥ ১৪০ ॥
মনোগতিস্তস্য হস্তে স শিবো ন তু মানুষঃ ।
য়োগাভ্যাসং য়ঃ করোতি ন স্তবঃ পঠ্যতে য়দি ॥ ১৪১ ॥
য়োগভ্রষ্টো ভবেত্ ক্ষিপ্রং কুলাচারবিলঙ্ঘনাত্ ।
কুলীনায় প্রদাতব্যং ন খল্বকুলেশ্বরম্ ॥ ১৪২ ॥
কুলাচারং সমাকৃত্য ব্রাহ্মণাঃ ক্ষত্রিয়াদয়ঃ ।
য়োগিনঃ প্রভবন্ত্যেব স্তোত্রপাঠাত্ সদামরাঃ ॥ ১৪৩ ॥
আনন্দভৈরব উবাচ
বদ কান্তে রহস্যং মে ময়া সর্বঞ্চ বিস্মৃতম্ ।
মহাবিষং কালকূটং পীত্ত্বা দেবাদিরক্ষণাত্ ॥ ১৪৪ ॥
কণ্ঠস্থাঃ দেবতাঃ সর্বা ভস্মীভূতাঃ সুসম্ভৃতাঃ ।
মহাবিষজ্বালয়া চ মম দেহস্থদেবতাঃ ॥ ১৪৫ ॥
কৈবল্যনিরতাঃ সর্বে প্রার্থয়ন্তি নিরন্তরম্ ।
ষট্চক্রং কথয়িত্বা তু সন্তোষং মে কুরু প্রভো ।
ষট্চক্রভেদকথনমমৃতশ্রবণাদিকম্ ॥ ১৪৬ ॥
কথিত্বা মম সন্তোষং কুরু কল্যাণি বল্লভে ।
অমৃতানন্দজলধৌ সুধাভিঃ সিক্তবিগ্রহম্ ॥ ১৪৭ ॥
কৃত্ত্বা কথয় শীঘ্রং মে চায়ুষং পরিবর্ধয় ।
আনন্দভৈরবী উবাচ
নিগূঢার্থ মহাকাল কালেশ জগদীশ্বর ॥ ১৪৮ ॥
ভৈরবানন্দনিলয় কালকূটনিষেবণ ।
ইদানীং শৃণু য়োগার্থ ময়ি সংয়োগ এব চ ॥ ১৪৯ ॥
শ্রুত্বা চৈতত্ক্রিয়াকার্যং নরো য়োগীশ্বরো ভবেত্ ।
মমোদ্ভবঃ খেঽমলে চ সর্বাকারবিবর্জীতে ॥ ১৫০ ॥
ভ্রূমধ্যে সর্বদেহে চ স্থাপয়িত্বা চ মাং নরঃ ।
ভাব্যতে চাপরিচ্ছন্নং ব্রহ্মবিষ্ণুশিবাত্মকম্ ॥ ১৫১ ॥
মম রূপং মহাকাল সত্ত্বরজস্তমঃ প্রিয়ম্ ।
কেবলং রজোয়োগেন শরীরং নাপি তিষ্ঠতি ॥ ১৫২ ॥
তথা কেবলয়োগেন তমসা নাপি তিষ্ঠতি ।
তথা কেবলসত্ত্বেন কুতো দেহী প্রতিষ্ঠতি ।
অতস্ত্রিগুণয়োগেন ধারয়ামি নবাঙ্গকম্ ॥ ১৫৩ ॥
শনৈঃ শনৈঃ বিজেতব্যাঃ সত্ত্বরজস্তমোগুণাঃ ।
আদৌ জিত্বা রজোধর্মং পশ্চাত্তামসমেব চ ॥ ১৫৪ ॥
সর্বশেষে সত্ত্বগুণং নরো য়োগীশ্বরো ভবেত্ ।
গুণবান্ জ্ঞানবান্ বাগ্মী সুশ্রীর্ধর্মী জিতেন্দ্রিয়ঃ ॥ ১৫৫ ॥
শুদ্ধনির্মলসত্বং তু গুণমাশ্রিত্য মোক্ষভাক্ ।
সদা সত্ত্বগুণাচ্ছন্নং পুরুষং কাল এব চ ॥ ১৫৬ ॥
পশ্যতীহ ন কদাচিজ্জরামৃত্যুবিবর্জীতম্ ।
তং জনং পরমং শান্তং নির্মলং দ্বৈতবর্জীতম্ ॥ ১৫৭ ॥
সর্বত্যাগিনমাত্মানং কালঃ সর্বত্র রক্ষতি ।
জলে বা পর্বতে বাপি মহারণ্যে রণস্থলে ॥ ১৫৮ ॥
ভূগর্ত্তনিলয়ে ভীতে সংহারে দুষ্টবিগ্রহে ।
সন্তিষ্ঠতি মহায়োগী সত্যং সত্যং কুলেশ্বর ॥ ১৫৯ ॥
মহায়োগং শৃণু প্রাণবল্লভ শ্রীনিকেতন ।
য়োগার্থং পরমং ব্রহ্ময়োগার্থ পরন্তপঃ ॥ ১৬০ ॥
য়ে জানন্তি মহায়োগং মিরয়ন্তে ন চ তে নরাঃ ।
কৃত্বা কৃত্বা ষড্দলস্য সাধনং কৃত্স্নসাধনম্ ॥ ১৬১ ॥
ততঃ কুর্যান্মূলপদ্মে কুণ্ডলীপরিচালনম্ ।
মুহুর্মুহুশ্চালনেন নরো য়োগীশ্বরো ভবেত্ ॥ ১৬২ ॥
একান্তনির্মলে দেশে দুর্ভীক্ষাদিবিবর্জীতে ।
বর্ষমেকাসনে য়োগী য়োগমার্গপরো ভবেত্ ॥ ১৬৩ ॥
পদ্মাসনং সদা কুর্যাদ্ বদ্ধপদ্মাসনং তথা ।
মহাপদ্মাসনং কৃত্বা তথা চাসনমঞ্জনম্ ॥ ১৬৪ ॥
তত্পশ্চাত্ স্বস্তিকাখ্যঞ্চ বদ্ধস্বস্তিকমেব চ ।
য়োগাভ্যাসে সদা কুর্যাত্ মন্ত্রসিদ্ধ্যাদিকর্মণি ॥ ১৬৫ ॥
চক্রাসনং সদা য়োগী য়োগসাধনকর্মণি ।
বদ্ধচক্রাসনং নাম মহাচক্রাসনং তথা ॥ ১৬৬ ॥
কৃত্বা পুনঃ প্রকর্তব্যং বদ্ধয়োগেশ্বরাসনম্ ।
য়োগেশ্বরাসনং কৃত্বা মহায়োগেশ্বরাসনম্ ॥ ১৬৭ ॥
বীরাসনং ততঃ কুর্যাত্ মহাবীরাসনং তথা ।
বদ্ধবীরাসনং কৃত্বা নরো য়োগেশ্বরো ভবেত্ ॥ ১৬৮ ॥
ততঃ কুর্যান্মহাকাল বদ্ধকুক্কুটাসনম্ ।
মহাকুক্কুটমাকৃত্য কেবলং কুক্কুটাসনম্ ॥ ১৬৯ ॥
ময়ূরাসনমেবং হি মহাময়ূরমেব চ ।
বদ্ধময়ূরমাকৃত্য নরো য়োগেশ্বরো ভবেত্ ॥ ১৭০ ॥
এতত্ সর্বং প্রবক্তব্যং বিচার্য সুমনঃপ্রিয় ।
অভিষেকপ্রকরণে আসনাদিপ্রকাশকম্ ॥ ১৭১ ॥
কথিতব্যং বিশেষেণ ইদানীং শৃণু ষট্ক্রমম্ ।
ব্রহ্মা বিষ্ণুশ্চ রুদ্রশ্চ ঈশ্বরশ্চ সদাশিবঃ ॥ ১৭২ ॥
ততঃ পরশিবো দেবঃ ষট্শিবাঃ ষট্প্রকাশকাঃ ।
এতেষাং ষড্গুণানন্দাঃ শক্তয়ঃ পরদেবতাঃ ॥ ১৭৩ ॥
ষট্চক্রভেদনরতা মহাবিদ্যাধিদেবতাঃ ।
এতেষাং স্তবনং কুর্যাত্ পরদেবসমন্বিতম্ ॥ ১৭৪ ॥
এতত্প্রকারকরণে য়শ্চ প্রত্যহমাদরাত্ ।
ক্রিয়ানিবিষ্টঃ সর্বত্র ভাবনাগ্রহরূপধৃক্ ॥ ১৭৫ ॥
স পশ্যতি জগন্নাথং কমলোপগতং হরিম্ ।
আদৌ হরের্দর্শনঞ্চ কারয়েদ্যেন কুণ্ডলী ॥ ১৭৬ ॥
ততো রুদ্রস্য সঞ্জ্ঞায়াং লাকিন্যাঃ শুভদর্শনম্ ।
সর্বশঃ ক্রমশো নাথ দর্শনং প্রাপ্যতে নরঃ ॥ ১৭৭ ॥
শনৈঃ শনৈর্মহাকাল কৈলাসদর্শনং ভবেত্ ।
ক্রমেণ সর্বসিদ্ধিঃ স্যাত্ অষ্টাঙ্গয়োগসাধনাত্ ॥ ১৭৮ ॥
অষ্টাঙ্গসাধনে কালে য়দ্যত্ কর্মং করোতি হি ।
তত্সর্বং পরিয়ত্নেন শৃণু সাদরপূর্বকম্ ।
তত্ক্রিয়াদিকমাকৃত্য শীধ্রং য়োগী ভবিষ্যতি ॥ ১৭৯ ॥
॥ ইতি শ্রীরুদ্রয়ামলে উত্তরতন্ত্রে ভৈরবীভৈরবসংবাদে
শ্রীরাকিণীকেশবসহস্রনামস্তোত্রং সম্পূর্ণম্ ॥