॥ Rakinikeshava Sahasranamastotram Odia Lyrics ॥
॥ ଶ୍ରୀରାକିଣୀକେଶଵସହସ୍ରନାମସ୍ତୋତ୍ରମ୍ ॥
ଶ୍ରୀଗଣେଶାୟ ନମଃ ।
ଆନନ୍ଦଭୈରଵୀ ଉଵାଚ ।
କଥୟାମି ମହାକାଲ ପରମାଦ୍ଭୁତସାଧନମ୍ ।
କୁଣ୍ଡଲୀରୂପିଣୀ ଦେଵୀ ରାକିଣ୍ୟାଃ କୁଲଵଲ୍ଲଭ ॥ ୧ ॥
ମାନସଂ ଦ୍ରଵ୍ୟମାନୀୟ ଚାଥଵା ବାହ୍ୟଦ୍ରଵ୍ୟକମ୍ ।
ଅନଷ୍ଟହୃଷ୍ଟଚିତ୍ତଶ୍ଚ ପୂଜୟେତ୍ ସାଵଧାନତଃ ॥ ୨ ॥
ଭକ୍ତ୍ୟା ଜପେନ୍ମୂଲମନ୍ତ୍ରଂ ମାନସଂ ସର୍ଵମେଵ ଚ ।
ପୂଜୟିତ୍ଵା ତତୋ ଜପ୍ତ୍ଵା ହୋମଂ କୁର୍ୟାତ୍ ପରାମୃତୈଃ ॥ ୩ ॥
ସମାସୈଃ ପକ୍ଵନୈଵେଦ୍ୟୈଃ ସୁଗନ୍ଧିକୁସୁମୈସ୍ତଥା ।
ସ୍ଵୟମ୍ଭୂକୁସୁମୈନୀତ୍ୟମର୍ଘ୍ୟଂ କୃତ୍ତ୍ଵା ନିଵେଦୟେତ୍ ॥ ୪ ॥
ସୁମୁଖଂ ପୂଜୟେନ୍ନିତ୍ୟଂ ମଧୁମାଂସେନ ଶଙ୍କର ।
ହୁତ୍ଵା ହୁତ୍ଵା ପୁନର୍ହୁତ୍ଵା ପ୍ରାଣଵାୟ୍ଵଗ୍ନିସଙ୍ଗମୈଃ ॥ ୫ ॥
ଭ୍ରାମୟିତ୍ତ୍ଵା ମନୋ ବାହ୍ୟେ ସ୍ଥାପୟିତ୍ତ୍ଵା ପୁନଃ ପୁନଃ ।
ପୁନରାଗମ୍ୟଗମନଂ କାରୟିତ୍ତ୍ଵା ସୁମଙ୍ଗଲମ୍ ॥ ୬ ॥
ଵାଚୟିତ୍ତ୍ଵା ସୁଵାଣୀଭିର୍ୟାଚୟିତ୍ତ୍ଵା ସଵାପିକମ୍ ।
ତର୍ପଣଂ ଚାଭିଷେକଞ୍ଚ କେଵଲାସଵମିଶ୍ରିତୈଃ ॥ ୭ ॥
ମାଂସୈର୍ମୁଦ୍ରାଦିଭିର୍ମତ୍ସ୍ୟୈଃ ସାରଦ୍ରଵ୍ୟୈଃ ସପିଷ୍ଟକୈଃ ।
ଘୃତାଦିସୁଫଲୈର୍ଵାପି ୟଦ୍ ୟଦାୟାତି କୌଲିକେ ॥ ୮ ॥
ଅଚଲାଂ ଭକ୍ତିମାପ୍ନୋତି ଵିଶ୍ଵାମିତ୍ରୋ ୟଥା ଵଶୀ ।
ତତ୍ତଦ୍ଦ୍ରଵ୍ୟୈଃ ସାଧକେନ୍ଦ୍ରୋ ନିତ୍ୟଂ ସନ୍ତର୍ପ୍ୟ ସଞ୍ଜପେତ୍ ॥ ୯ ॥
ଏତନ୍ମନ୍ତ୍ରଂ ପାଠିତ୍ତ୍ଵା ଚ ତର୍ପଣଞ୍ଚ ସମାଚରେତ୍ ।
ତର୍ପଣାନ୍ତେ ଚାଭିଷେକଂ ସଦା କୁର୍ୟାଚ୍ଚ ତାନ୍ତ୍ରିକଃ ॥ ୧୦ ॥
ମୂଲାନ୍ତେ ଚାଭିଷିଞ୍ଚାମି ନମଃ ସ୍ଵାହା ପଦଂ ତତଃ ।
ତତୋ ହି ପ୍ରଣମେଦ୍ଭକ୍ତ୍ୟା ଅଷ୍ଟାଙ୍ଗନତିଭିଃ ପ୍ରଭୋ ॥ ୧୧ ॥
ସହସ୍ରନାମ୍ନା ସ୍ତଵନମଷ୍ଟୋତ୍ତରସମନ୍ଵିତମ୍ ।
ଅର୍ଧାଙ୍ଗ ରାକିଣୀୟୁକ୍ତଂ ରାକିଣୀକେଶଵସ୍ତଵମ୍ ॥ ୧୨ ॥
ଶୃଣୁ ତଂ ସକଲଂ ନାଥ ୟତ୍ର ଶ୍ରଦ୍ଧା ସଦା ତଵ ।
ଶ୍ରଵଣାର୍ଥଂ ବହୂକ୍ତଂ ତତ୍ କୃପୟା ତେ ଵଦାମ୍ୟହ ॥ ୧୩ ॥
ଏତତ୍ ଶ୍ରଵଣମାତ୍ରେଣ ସର୍ଵପାପକ୍ଷୟୋ ଭଵେତ୍ ।
ରାକିଣୀସଙ୍ଗମଂ ନାଥ ସ୍ତଵନଂ ନାମ ପାଵନମ୍ ॥ ୧୪ ॥
ୟେ ପଠନ୍ତି ଶ୍ରଦ୍ଧୟା ଚାଶ୍ରଦ୍ଧୟା ଵା ପୁନଃ ପୁନଃ ।
ତସ୍ୟ ସର୍ଵଃ ପାପରାଶିଃ କ୍ଷୟଂ ୟାତି କ୍ଷଣାଦିହ ॥ ୧୫ ॥
କାଲେ କାଲେ ମହାଵୀରୋ ଭଵତ୍ୟେଵ ହି ୟୋଗିରାଟ୍ ।
ସଂସାରୋତ୍ତାରଣେ ୟୁକ୍ତୋ ମହାବଲପରାକ୍ରମଃ ॥ ୧୬ ॥
ଓଂ ଶ୍ରୀକୃଷ୍ଣୋ ମହାମାୟା ୟାଦଵୋ ଦେଵରାକିଣୀ ।
ଗୋଵିନ୍ଦୋ ଵିଶ୍ଵଜନନୀ ମହାଵିଷ୍ଣୁର୍ମହେଶ୍ଵରୀ ॥ ୧୭ ॥
ମୁକୁନ୍ଦୋ ମାଲତୀ ମାଲା ଵିମଲା ଵିମଲାକୃତିଃ ।
ରମାନାଥୋ ମହାଦେଵୀ ମହାୟୋଗୀ ପ୍ରଭାଵତୀ ॥ ୧୮ ॥
ଵୈକୁଣ୍ଠୋ ଦେଵଜନନୀ ଦହନୋ ଦହନପ୍ରିୟା ।
ଦୈତ୍ୟାରିର୍ଦୈତ୍ୟମଥିନୀ ମୁନୀଶୋ ମୌନଭାଵିତା ॥ ୧୯ ॥
ନାରାୟଣୋ ଜୟକଲା କରୁଣୋ କରୁଣାମୟୀ ।
ହୃଷୀକେଶଃ କୌଶିକୀ ଚ କେଶଵଃ କେଶିଘାତିନୀ ॥ ୨୦ ॥
କିଶୋରାପି କୈଶୋରୀ ମହାକାଲୀ ମହାକଲା ।
ମହାୟଜ୍ଞୋ ୟଜ୍ଞହର୍ତ୍ରୀ ଦକ୍ଷେଶୋ ଦକ୍ଷକନ୍ୟକା ॥ ୨୧ ॥
ମହାବଲୀ ମହାବାଲା ବାଲକୋ ଦେଵବାଲିକା ।
ଚକ୍ରଧାରୀ ଚକ୍ରକରା ଚକ୍ରାଙ୍ଗଃ ଚକ୍ରମଦୀକା ॥ ୨୨ ॥
ଅମରୋ ୟୁଵତୀ ଭୀମୋ ଭୟା ଦେଵୋ ଦିଵିସ୍ଥିତା ।
ଶ୍ରୀକରୋ ଵେଶଦା ଵୈଦ୍ୟୋ ଗୁଣା ୟୋଗୀ କୁଲସ୍ଥିତା ॥ ୨୩ ॥
ସମୟଜ୍ଞୋ ମାନସଜ୍ଞା କ୍ରିୟାଵିଜ୍ଞଃ କ୍ରିୟାନ୍ଵିତା ।
ଅକ୍ଷରୋ ଵନମାଲା ଚ କାଲରୂପୀ କୁଲାକ୍ଷରା ॥ ୨୪ ॥
ଵିଶାଲାକ୍ଷୋ ଦୀର୍ଘନେତ୍ରା ଜୟଦୋ ଜୟଵାହନା ।
ଶାନ୍ତଃ ଶାନ୍ତିକରୀ ଶ୍ୟାମୋ ଵିମଲଶ୍ୟାମ ଵିଗ୍ରହା ॥ ୨୫ ॥
କମଲେଶୋ ମହାଲକ୍ଷ୍ମୀ ସତ୍ୟଃ ସାଧ୍ଵୀ ଶିଶୁଃ ପ୍ରଭା ।
ଵିଦ୍ୟୁତାକାରଵଦନୋ ଵିଦ୍ୟୁତ୍ପୁଞ୍ଜନଭୋଦୟା ॥ ୨୬ ॥
ରାଧେଶ୍ଵରୋ ରାକିଣୀ ଚ କୁଲଦେଵଃ କୁଲାମରା ।
ଦକ୍ଷିଣୋ ଦକ୍ଷିଣୀ ଶ୍ରୀଦା କ୍ରିୟାଦକ୍ଷୋ ମହାଲୟା ॥ ୨୭ ॥
ଵଶିଷ୍ଠଗମନୋ ଵିଦ୍ୟା ଵିଦ୍ୟେଶୋ ଵାକ୍ସରସ୍ଵତୀ ।
ଅତୀନ୍ଦ୍ରିୟୋ ୟୋଗମାତା ରଣେଶୀ ରଣପଣ୍ଡିତା ॥ ୨୮ ॥
କୃତାନ୍ତକୋ ବାଲକୃଷ୍ଣା କମନୀୟଃ ସୁକାମନା ।
ଅନନ୍ତୋ ଅନନ୍ତଗୁଣଦା ଵାଣୀନାଥୋ ଵିଲକ୍ଷଣା ॥ ୨୯ ॥
ଗୋପାଲୋ ଗୋପଵନିତା ଗୋଗୋପ କୁଲାତ୍ମଜା ।
ମୌନୀ ମୌନକରୋଲ୍ଲାସା ମାନଵୋ ମାନଵାତ୍ମଜା ॥ ୩୦ ॥
ସର୍ଵାଚ୍ଛିନ୍ନୋ ମୋହିନୀ ଚ ମାୟୀ ମାୟା ଶରୀରଜା ।
ଅକ୍ଷୁଣ୍ଣୋ ଵଜ୍ରଦେହସ୍ଥା ଗରୁଡସ୍ଥୋ ହି ଗାରୁଡୀ ॥ ୩୧ ॥
ସତ୍ୟପ୍ରିୟା ରୁକ୍ମିଣୀ ଚ ସତ୍ୟପ୍ରାଣୋଽମୃତାପହା ।
ସତ୍ୟକର୍ମା ସତ୍ୟଭାମା ସତ୍ୟରୂପୀ ତ୍ରିସତ୍ୟଦା ॥ ୩୨ ॥
ଶଶୀଶୋ ଵିଧୁଵଦନା କୃଷ୍ଣଵର୍ଣୋ ଵିଶାଲଧୀଃ ।
ତ୍ରିଵିକ୍ରମୋ ଵିକ୍ରମସ୍ଥା ସ୍ଥିତିମାର୍ଗଃ ସ୍ଥିତିପ୍ରିୟା ॥ ୩୩ ॥
ଶ୍ରୀମାଧଵୋ ମାଧଵୀ ଚ ମଧୁହା ମଧୁସୂଦନୀ ।
ଵୈକୁଣ୍ଠନାଥୋ ଵିକଲା ଵିଵେକସ୍ଥୋ ଵିଵେକିନୀ ॥ ୩୪ ॥
ଵିଵାଦସ୍ଥୋ ଵିଵାଦେଶୀ କୁମ୍ଭକଃ କୁମ୍ଭକାରିକା ।
ସୁଧାପାନଃ ସୁଧାରୂପା ସୁଵେଶୋ ଦେଵମୋହିନୀ ॥ ୩୫ ॥
ପ୍ରକ୍ରିୟାଧାରକୋ ଧନ୍ୟା ଧନ୍ୟାର୍ଥୋ ଧନ୍ୟଵିଗ୍ରହା ।
ଧରଣୀଶୋ ମହାନନ୍ତା ସାନନ୍ତୋ ନନ୍ଦନପ୍ରିୟା ॥ ୩୬ ॥
ପ୍ରିୟୋ ଵିପ୍ରିୟହରା ଚ ଵିପ୍ରପୂଜ୍ୟୋ ଦ୍ଵିଜପ୍ରିୟା ।
କାନ୍ତୋ ଵିଧୁମୁଖୀ ଵେଦ୍ୟୋ ଵିଦ୍ୟା ଵାଗୀଶ୍ଵରୋଽରୁଣା ॥ ୩୭ ॥
ଅକାମୀ କାମରହିତା କମ୍ରୋ ଵିଲଚରପ୍ରିୟା ।
ପୁଣ୍ଡରୀକୋ ଵିକୁଣ୍ଡସ୍ଥା ଵୈକୁଣ୍ଠୋ ବାଲଭାଵିନୀ ॥ ୩୮ ॥
ପଦ୍ମନେତ୍ର ପଦ୍ମମାଲା ପଦ୍ମହସ୍ତୋଽମ୍ବୁଜାନନା ।
ପଦ୍ମନାଭିଃ ପଦ୍ମନେତ୍ରା ପଦ୍ମସ୍ଥଃ ପଦ୍ମଵାହନା ॥ ୩୯ ॥
ଵାସୁଦେଵୋ ବୃହଦ୍ଗର୍ଭା ମହାମାନୀ ମହାଞ୍ଜନା ।
କାରୁଣ୍ୟୋ ବାଲଗର୍ଭା ଚ ଆକାଶସ୍ଥୋ ଵିଭାଣ୍ଡଜା ॥ ୪୦ ॥
ତେଜୋରାଶିସ୍ତୈଜସୀ ଚ ଭୟାଚ୍ଛନ୍ନୋ ଭୟପ୍ରଦା ।
ଉପେନ୍ଦ୍ରୋ ଵର୍ଣଜାଲସ୍ଥା ସ୍ଵତନ୍ତ୍ରସ୍ଥୋ ଵିମାନଗା ॥ ୪୧ ॥
ନଗେନ୍ଦ୍ରସ୍ଥୋ ନାଗିନୀ ଚ ନଗେଶୋ ନାଗନନ୍ଦିନୀ ।
ସାର୍ଵଭୌମୋ ମହାକାଲୀ ନଗେନ୍ଦ୍ରଃ ନନ୍ଦିନୀସୁତା ॥ ୪୨ ॥
କାମଦେଵାଶ୍ରୟୋ ମାୟା ମିତ୍ରସ୍ଥୋ ମିତ୍ରଵାସନା ।
ମାନଭଙ୍ଗକରୋ ରାଵା ଵାରଣାରିପ୍ରିୟଃ ପ୍ରିୟା ॥ ୪୩ ॥
ରିପୁହା ରାକିଣୀ ମାତା ସୁମିତ୍ରୋ ମିତ୍ରରକ୍ଷିକା ।
କାଲାନ୍ତ କଲହା ଦେଵୀ ପୀତଵାସାମ୍ବରପ୍ରିୟା ॥ ୪୪ ॥
ପାପହର୍ତା ପାପହନ୍ତ୍ରୀ ନିଷ୍ପାପଃ ପାପନାଶିନୀ ।
ପରାନନ୍ଦପ୍ରିୟୋ ମୀନା ମୀନରୂପୀ ମଲାପହା ॥ ୪୫ ॥
ଇନ୍ଦ୍ରନୀଲମଣିଶ୍ୟାମୋ ମହେନ୍ଦ୍ରୋ ନୀଲରୂପିଣୀ ।
ନୀଲକଣ୍ଠପ୍ରିୟୋ ଦୁର୍ଗା ଦୁର୍ଗାଦୁର୍ଗତିନାଶିନୀ ॥ ୪୬ ॥
ତ୍ରିକୋଣମନ୍ଦିରଶ୍ରୀଦୋ ଵିମାୟା ମନ୍ଦିରସ୍ଥିତା ।
ମକରନ୍ଦରସୋଲ୍ଲାସୋ ମକରନ୍ଦରସପ୍ରିୟା ॥ ୪୭ ॥
ଦାରୁଣାରିନିହନ୍ତା ଚ ଦାରୁଣାରିଵିନାଶିନୀ ।
କଲିକାଲକୁଲାଚାରଃ କଲିକାଲଫଲାଵହା ॥ ୪୮ ॥
କାଲକ୍ଷେତ୍ରସ୍ଥିତୋ ରୌଦ୍ରୀ ଵ୍ରତସ୍ଥୋ ଵ୍ରତଧାରିଣୀ ।
ଵିଶାଲାକ୍ଷୋ ଵିଶାଲାସ୍ୟା ଚମତ୍କାରୋ କରୋଦ୍ୟମା ॥ ୪୯ ॥
ଲକାରସ୍ଥୋ ଲାକିନୀ ଚ ଲାଙ୍ଗଲୀ ଲୋଲୟାନ୍ଵିତା ।
ନାକସ୍ଥୋ ନାକପଦକା ନାକାକ୍ଷୋ ନାକରକ୍ଷକା ॥ ୫୦ ॥
କାମଗୋ ନାମସମ୍ବନ୍ଧା ସାମଵେଦଵିଶୋଧିକା ।
ସାମଵେଦଃ ସାମସନ୍ଧ୍ୟା ସାମଗୋ ମାଂସଭକ୍ଷିଣୀ ॥ ୫୧ ॥
ସର୍ଵଭକ୍ଷୋ ରାତ୍ରଭକ୍ଷା ରେତସ୍ଥୋ ରେତପାଲିନୀ ।
ରାତ୍ରିକାରୀ ମହାରାତ୍ରିଃ କାଲରାତ୍ରୋ ମହାନିଶା ॥ ୫୨ ॥
ନାନାଦୋଷହରୋ ମାତ୍ରା ମାରହନ୍ତା ସୁରାପହା ।
ଚନ୍ଦନାଙ୍ଗୀ ନନ୍ଦପୁତ୍ରୀ ନନ୍ଦପାଲଃ ଵିଲୋପିନୀ ॥ ୫୩ ॥
ମୁଦ୍ରାକାରୀ ମହାମୁଦ୍ରା ମୁଦ୍ରିତୋ ମୁଦ୍ରିତା ରତିଃ ।
ଶାକ୍ତୋ ଲାକ୍ଷା ଵେଦଲାକ୍ଷୀ ଲୋପାମୁଦ୍ରା ନରୋତ୍ତମା ॥ ୫୪ ॥
ମହାଜ୍ଞାନଧରୋଽଜ୍ଞାନୀ ନୀରା ମାନହରୋଽମରା ।
ସତ୍କୀର୍ତୀସ୍ଥୋ ମହାକୀର୍ତୀଃ କୁଲାଖ୍ୟୋ କୁଲକୀର୍ତୀତା ॥ ୫୫ ॥
ଆଶାଵାସୀ ଵାସନା ସା କୁଲଵେତ୍ତା ସୁଗୋପିତା ।
ଅଶ୍ଵତ୍ଥଵୃକ୍ଷନିଲୟୋ ଵୃକ୍ଷସାରନିଵାସିନୀ ॥ ୫୬ ॥
ନିତ୍ୟଵୃକ୍ଷୋ ନିତ୍ୟଲତା କ୍ଲୃପ୍ତଃ କ୍ଲୃପ୍ତପଦସ୍ଥିତଃ ।
କଲ୍ପଵୃକ୍ଷୋ କଲ୍ପଲତା ସୁକାଲଃ କାଲଭକ୍ଷିକା ॥ ୫୭ ॥
ସର୍ଵାଲଙ୍କାରଭୂଷାଢ୍ୟୋ ସର୍ଵାଲଙ୍କାରଭୂଷିତା ।
ଅକଲଙ୍କୀ ନିରାହାରା ଦୁର୍ନୀରୀକ୍ଷ୍ୟୋ ନିରାପଦା ॥ ୫୮ ॥
କାମକର୍ତା କାମକାନ୍ତା କାମରୂପୀ ମହାଜଵା ।
ଜୟନ୍ତୋ ୟାଜୟନ୍ତୀ ଚ ଜୟାଖ୍ୟ ଜୟଦାୟିନୀ ॥ ୫୯ ॥
ତ୍ରିଜୀଵନୋ ଜୀଵମାତା କୁଶଲାଖ୍ୟୋ ଵିସୁନ୍ଦରା ।
କେଶଧାରୀ କେଶିନୀ ଚ କାମଜୋ କାମଜାଡ୍ୟଦା ॥ ୬୦ ॥
କିଙ୍କରସ୍ଥୋ ଵିକାରସ୍ଥା ମାନସଂଜ୍ଞୋ ମନୀଷିଣୀ ।
ମିଥ୍ୟାହରୋ ମହାମିଥ୍ୟା ମିଥ୍ୟାସର୍ଗୋ ନିରାକୃତି ॥ ୬୧ ॥
ନାଗୟଜ୍ଞୋପଵୀତଶ୍ଚ ନାଗମାଲାଵିଭୂଷିତା ।
ନାଗାଖ୍ୟୋ ନାଗକୁଲପା ନାୟକୋ ନାୟିକା ଵଧୂଃ ॥ ୬୨ ॥
ନାୟକକ୍ଷେମଦୋ ନାରୀ ନରୋ ନାରାୟଣପ୍ରିୟା ।
କିରାତଵର୍ଣୋ ରାସଜ୍ଞୀ ତାରକୋ ଗୁଣତାରିକା ॥ ୬୩ ॥
ଶଙ୍କରାଖ୍ୟୋଽମ୍ବୁଜାକାରା କୃପଣଃ କୃପଣାଵତୀ ।
ଦେଶଗୋ ଦେଶସନ୍ତୋଷା ଦର୍ଶୋ ଦର୍ଶନିଵାସିନୀ ॥ ୬୪ ॥
ଦର୍ଶନଜ୍ଞୋ ଦର୍ଶନସ୍ଥା ଦୃଗ୍ ଦୃଦିକ୍ଷା ସୁରୋଽସୁରାଃ ।
ସୁରପାଲୋ ଦେଵରକ୍ଷା ତ୍ରିରକ୍ଷୋ ରକ୍ଷଦେଵତା ॥ ୬୫ ॥
ଶ୍ରୀରାମସେଵୀ ସୁଖଦା ସୁଖଦୋ ଵ୍ୟାସଵାସିନୀ ।
ଵୃନ୍ଦାଵନସ୍ଥୋ ଵୃନ୍ଦା ଚ ଵୃନ୍ଦାଵନ୍ୟୋ ମହତ୍ତନୂ ॥ ୬୬ ॥
ବ୍ରହ୍ମରୂପୀ ତ୍ରିତାରୀ ଚ ତାରକାକ୍ଷୋ ହି ତାରିଣୀ ।
ତନ୍ତ୍ରର୍ଥଜ୍ଞଃ ତନ୍ତ୍ରଵିଦ୍ୟା ସୁତନ୍ତ୍ରଜ୍ଞଃ ସୁତନ୍ତ୍ରିକା ॥ ୬୭ ॥
ତୃପ୍ତଃ ସୁତୃପ୍ତା ଲୋକାନାଂ ତର୍ପଣସ୍ଥୋ ଵିଲାସିନୀ ।
ମୟୂରା ମନ୍ଦିରରତୋ ମଥୁରା ମନ୍ଦିରେଽମଲା ॥ ୬୮ ॥
ମନ୍ଦିରୋ ମନ୍ଦିରାଦେଵୀ ନିର୍ମାୟୀ ମାୟସଂହରା ।
ଶ୍ରୀଵତ୍ସହୃଦୟୋ ଵତ୍ସା ଵତ୍ସଲୋ ଭକ୍ତଵତ୍ସଲା ॥ ୬୯ ॥
ଭକ୍ତପ୍ରିୟୋ ଭକ୍ତଗମ୍ୟା ଭକ୍ତୋ ଭକ୍ତିଃ ପ୍ରଭୁଃ ପ୍ରଭା ।
ଜରୋ ଜରା ଵରୋ ରାଵା ହଵିର୍ହେମା କ୍ଷମଃ କ୍ଷିତି ॥ ୭୦ ॥
କ୍ଷୋଣୀପୋ ଵିଜୟୋଲ୍ଲାସା ଵିଜୟୋଜୟରୂପିଣୀ ।
ଜୟଦାତା ଦାତୃଜାୟା ବଲିପୋ ବଲିପାଲିକା ॥ ୭୧ ॥
କୃଷ୍ଣମାର୍ଜାରରୂପୀ ଚ କୃଷ୍ଣମାର୍ଜାରରୂପିଣୀ ।
ଘୋଟକସ୍ଥୋ ହୟସ୍ଥା ଚ ଗଜଗୋ ଗଜଵାହନା ॥ ୭୨ ॥
ଗଜେଶ୍ଵରୋ ଗଜାଧାରା ଗଜୋ ଗର୍ଜନତତ୍ପରା ।
ଗୟାସୁରୋ ଗୟାଦେଵୀ ଗଜଦର୍ପୋ ଗଜାପୀତା ॥ ୭୩ ॥
କାମନାଫଲସିଦ୍ଧ୍ୟର୍ଥୀ କାମନାଫଲସିଦ୍ଧିଦା ।
ଧର୍ମଦାତା ଧର୍ମଵିଦ୍ୟା ମୋକ୍ଷଦୋ ମୋକ୍ଷଦାୟିନୀ ॥ ୭୪ ॥
ମୋକ୍ଷାଶ୍ରୟୋ ମୋକ୍ଷକର୍ତ୍ରୀ ନନ୍ଦଗୋପାଲ ଈଶ୍ଵରୀ ।
ଶ୍ରୀପତିଃ ଶ୍ରୀମହାକାଲୀ କିରଣୋ ଵାୟୁରୂପିଣୀ ॥ ୭୫ ॥
ଵାୟ୍ଵାହାରୀ ଵାୟୁନିଷ୍ଠା ଵାୟୁବୀଜୟଶସ୍ଵିନୀ ।
ଜେତା ଜୟନ୍ତୀ ୟାଗସ୍ଥୋ ୟାଗଵିଦ୍ୟା ଶିଵଃ ଶିଵା ॥ ୭୬ ॥
ଵାସଵୋ ଵାସଵସ୍ଥୀ ଚ ଵାସାଖ୍ୟୋ ଧନଵିଗ୍ରହା ।
ଆଖଣ୍ଡଲୋ ଵିଖଣ୍ଡା ଚ ଖଣ୍ଡସ୍ଥୋ ଖଣ୍ଡଖଞ୍ଜନୀ ॥ ୭୭ ॥
ଖଡ୍ଗହସ୍ତୋ ବାଣହସ୍ତା ବାଣଗୋ ବାଣଵାହନା ।
ସିଦ୍ଧାନ୍ତଜ୍ଞୋ ଧ୍ଵାନ୍ତହନ୍ତ୍ରୀ ଧନସ୍ଥୋ ଧାନ୍ୟଵର୍ଦ୍ଧୀନୀ ॥ ୭୮ ॥
ଲୋକାନୁରାଗୋ ରାଗସ୍ଥା ସ୍ଥିତଃ ସ୍ଥାପକଭାଵନା ।
ସ୍ଥାନଭ୍ରଷ୍ଟୋଽପଦସ୍ଥା ଚ ଶରଚ୍ଚନ୍ଦ୍ରନିଭାନନା ॥ ୭୯ ॥
ଚନ୍ଦ୍ରୋଦୟଶ୍ଚନ୍ଦ୍ରଵର୍ଣା ଚାରୁଚନ୍ଦ୍ରୋ ରୁଚିସ୍ଥିତା ।
ରୁଚିକାରୀ ରୁଚିପ୍ରୀତା ରଚନୋ ରଚନାସନା ॥ ୮୦ ॥
ରାଜରାଜୋ ରାଜକନ୍ୟା ଭୁଵନୋ ଭୁଵନାଶ୍ରୟା ।
ସର୍ଵଜ୍ଞଃ ସର୍ଵତୋଭଦ୍ରା ଵାଚାଲୋ ଲୟଧାତିନୀ ॥ ୮୧ ॥
ଲିଙ୍ଗରୂପଧରୋ ଲିଙ୍ଗା କଲିଙ୍ଗଃ କାଲକେଶରୀ ।
କେଵଲାନନ୍ଦରୂପାଖ୍ୟୋ ନିର୍ଵାଣମୋକ୍ଷଦାୟିନୀ ॥ ୮୨ ॥
ମହାମେଘଗାଢ ମହାନନ୍ଦରୂପା ମହାମେଘଜାଲୋ ମହାଘୋରରୂପା ।
ମହାମେଘମାଲଃ ସଦାକାରପାଲା ମହାମେଘମାଲାମଲାଲୋଲକାଲୀ ॥ ୮୩ ॥
ଵିୟଦ୍ଵ୍ୟାପକୋ ଵ୍ୟାପିକା ସର୍ଵଦେହେ ମହାଶୂରଵୀରୋ ମହାଧର୍ମଵୀରା ।
ମହାକାଲରୂପୀ ମହାଚଣ୍ଡରୂପା ଵିଵେକୀ ମଦୈକୀ କୁଲେଶଃ କୁଲେଶୀ ॥ ୮୪ ॥
ସୁମାର୍ଗୀ ସୁଗୀତା ଶୁଚିସ୍ଵୋ ଵିନିତା ମହାର୍କୋ ଵିତର୍କା ସୁତର୍କୋଽଵିତର୍କା ।
କୃତୀନ୍ଦ୍ରୋ ମହେନ୍ଦ୍ରୀ ଭଗୋ ଭାଗ୍ୟଚନ୍ଦ୍ରା ଚତୁର୍ଥୋ ମହାର୍ଥା ନଗଃ କୀର୍ତୀଚନ୍ଦ୍ରା ॥ ୮୫ ॥
ଵିଶିଷ୍ଟୋ ମହେଷ୍ଟିର୍ମନସ୍ଵୀ ସୁତୁଷ୍ଟିର୍ମହାଷଡ୍ଦଲସ୍ଥୋ ମହାସୁପ୍ରକାଶା ।
ଗଲଚ୍ଚନ୍ଦ୍ରଧାରାମୃତସ୍ନିଗ୍ଧଦେହୋ ଗଲତ୍କୋଟିସୂର୍ୟପ୍ରକାଶାଭିଲାଷା ॥ ୮୬ ॥
ମହାଚଣ୍ଡଵେଗୋ ମହାକୁଣ୍ଡଵେଗୀ ମହାରୁଣ୍ଡଖଣ୍ଡୋ ମହାମୁଣ୍ଡଖଣ୍ଡା ।
କୁଲାଲଭ୍ରମଚ୍ଚକ୍ରସାରଃ ପ୍ରକାରା କୁଲାଲୋ ମଲାକା ରଚକ୍ରପ୍ରସାରୀ ॥ ୮୭ ॥
କୁଲାଲକ୍ରିୟାଵାନ୍ ମହାଘୋରଖଣ୍ଡଃ କୁଲାଲକ୍ରମେଣ ଭ୍ରମଜ୍ଞାନଖଣ୍ଡା ।
ପ୍ରତିଷ୍ଠଃ ପ୍ରତିଷ୍ଠା ପ୍ରତୀକ୍ଷଃ ପ୍ରତୀକ୍ଷା ମହାଖ୍ୟୋ ମହାଖ୍ୟା ସୁକାଲୋଽତିଦୀକ୍ଷା ॥ ୮୮ ॥
ମହାପଞ୍ଚମାଚାରତୁଷ୍ଟଃ ପ୍ରଚେଷ୍ଟା ମହାପଞ୍ଚମା ପ୍ରେମହା କାନ୍ତଚେଷ୍ଟା ।
ମହାମତ୍ତଵେଶୋ ମହାମଙ୍ଗଲେଶୀ ସୁରେଶଃ କ୍ଷପେଶୀ ଵରୋ ଦୀର୍ଘଵେଶା ॥ ୮୯ ॥
ଚରୋ ବାହ୍ୟନିଷ୍ଠା ଚରଶ୍ଚାରୁଵର୍ଣା କୁଲାଦ୍ୟୋଽକୁଲାଦ୍ୟା ୟତିର୍ୟାଗଵାଦ୍ୟା ।
କୁଲୋକାପହନ୍ତା ମହାମାନହନ୍ତ୍ରୀ ମହାଵିଷ୍ଣୁୟୋଗୀ ମହାଵିଷ୍ଣୁୟୋଗା ॥ ୯୦ ॥
କ୍ଷିତିକ୍ଷୋଭହନ୍ତା କ୍ଷିତିକ୍ଷୁବ୍ଧବାଧା ମହାର୍ଘୋ ମହାର୍ଘା ଧନୀ ରାଜ୍ୟକାର୍ୟା ।
ମହାରାତ୍ରି ସାନ୍ଦ୍ରାନ୍ଧକାରପ୍ରକାଶୋ ମହାରାତ୍ରି ସାନ୍ଦ୍ରାନ୍ଧକାରପ୍ରଵେଶା ॥ ୯୧ ॥
ମହାଭୀମଗମ୍ଭୀରଶବ୍ଦପ୍ରଶବ୍ଦୋ ମହାଭୀମଗମ୍ଭୀରଶବ୍ଦାପଶବ୍ଦା ।
କୁଲା ଜ୍ଞାନଦାତ୍ରୀ ୟମୋ ୟାମୟାତ୍ରା ଵଶୀ ସୂକ୍ଷ୍ମଵେଶାଶ୍ଵଗୋ ନାମମାତ୍ରା ॥ ୯୨ ॥
ହିରଣ୍ୟାକ୍ଷହନ୍ତା ମହାଶତ୍ରୁହନ୍ତ୍ରୀ ଵିନାଶପ୍ରିୟୋ ବାଣନାଶପ୍ରିୟା ଚ ।
ମହାଡାକିନୀଶୋ ମହାରାକିଣୀଶୋ ମହାଡାକିନୀ ସା ମହାରାକିଣୀ ସା ॥ ୯୩ ॥
ମୁକୁନ୍ଦୋ ମହେନ୍ଦ୍ରୋ ମହାଭଦ୍ରଚନ୍ଦ୍ରା କ୍ଷିତିତ୍ୟାଗକର୍ତା ମହାୟୋଗକର୍ତ୍ରୀ ।
ହିତୋ ମାରହନ୍ତ୍ରୀ ମହେଶେଶ ଇନ୍ଦ୍ରା ଗତିକ୍ଷୋଭଭାଵୋ ମହାଭାଵପୁଞ୍ଜା ॥ ୯୪ ॥
ଶଶୀନାଂ ସମୂହୋ ଵିଧୋଃ କୋଟିଶକ୍ତିଃ କଦମ୍ବାଶ୍ରିତୋ ଵାରମୁଖ୍ୟା ସତୀନା ।
ମହୋଲ୍ଲାସଦାତା ମହାକାଲମାତା ସ୍ଵୟଂ ସର୍ଵପୁତ୍ରଃ ସ୍ଵୟଂ ଲୋକପୁତ୍ରୀ ॥ ୯୫ ॥
ମହାପାପହନ୍ତା ମହାଭାଵଭର୍ତ୍ରୀ ହରିଃ କାର୍ତୀକୀ କାର୍ତୀକୋ ଦେଵସେନା ।
ଜୟାପ୍ତୋ ଵିଲିପ୍ତା କୁଲାପ୍ତୋ ଗଣାପ୍ତା ସୁଵୀର୍ୟୋ ସଭାଷା କ୍ଷିତୀଶୋଽଭିୟାତା ॥ ୯୬ ॥
ଭଵାନ୍ ଭାଵଲକ୍ଷ୍ମୀଃ ପ୍ରିୟଃ ପ୍ରେମସୂକ୍ଷ୍ମା ଜନେଶୋ ଧନେଶୀ କୃପୋ ମାନଭଙ୍ଗା ।
କଠୋରୋତ୍କଟାନାଂ ମହାବୁଦ୍ଧିଦାତା କୃତିସ୍ଥା ଗୁଣଜ୍ଞୋ ଗୁଣାନନ୍ଦଵିଜ୍ଞା ॥ ୯୭ ॥
ମହାକାଲପୂଜ୍ୟୋ ମହାକାଲପୂଜ୍ୟା ଖଗାଖ୍ୟୋ ନଗାଖ୍ୟା ଖରଃ ଖଡ୍ଗହସ୍ତା ।
ଅଥର୍ଵୋଽଥର୍ଵାନ୍ଦୋଲିତସ୍ଥଃ ମହାର୍ଥା ଖଗକ୍ଷୋଭନାଶା ହଵିଃ କୂଟହାଲା ॥ ୯୮ ॥
ମହାପଦ୍ମ ମାଲାଧୃତୋ ଗାଣପତ୍ୟା ଗଣସ୍ଥୋ ଗଭୀରା ଗୁରୁଃ ଜ୍ଞାନଗମ୍ୟା ।
ଘଟପ୍ରାଣଦାତା ଘନାକାରରୂପା ଭୟାର୍ଥୋଙବୀଜାଙଵାରୀଙକର୍ତା ॥ ୯୯ ॥
ଭଵୋ ଭାଵମାତା ନରୋ ୟାମଧ୍ୟାତା ଚଲାନ୍ତୋଽଚଲାଖ୍ୟା ଚୟୋଽଞ୍ଜାଲିକା ଚ ।
ଛଲଜ୍ଞଶ୍ଛଲାଢ୍ୟା ଛକାରଶ୍ଛକାରା ଜୟୋ ଜୀଵନସ୍ଥା ଜଲେଶୋ ଜଲେଶା ॥ ୧୦୦ ॥
ଜପଞ୍ଜାପକାରୀ ଜଗଜ୍ଜୀଵନୀଶା ଜଗତ୍ପ୍ରାଣନାଥୋ ଜଗଦାଲ୍ହାଦକାରୀ ।
ଝରୋ ଝର୍ଝରୀଶା ଝନତ୍କାରଶବ୍ଦୋ ଝନଞ୍ଝଞ୍ଜନାନାଦଝଙ୍କାରରାଵା ॥ ୧୦୧ ॥
ଞଚୈତନ୍ୟକାରୀ ଞକୈଵଲ୍ୟନାରୀ ହନୋଲ୍ଲାସଧାରୀ ଟନତ୍ଟଙ୍କହସ୍ତା ।
ଠରେଶୋ ପଵିଷ୍ଟଶ୍ଠକାରାଦିକୋଟୀ ଡରୋ ଡାକିନୀଶୋ ଡରେଶୋ ଡମାରା ॥ ୧୦୨ ॥
ଢମେଶୋ ହି ଢକ୍କା ଵରସ୍ଥାନବୀଜୋ ଣଵର୍ଣା ତମାଲତନୁଃ ସ୍ଥାନନିଷ୍ଠା ।
ଥକାରାର୍ଣମାନସ୍ଥନିସ୍ଥୋଽସଂଖ୍ୟା ଦୟାଵାନ୍ ଦୟାର୍ଦ୍ରା ଧନେଶୋ ଧନାଢ୍ୟା ॥ ୧୦୩ ॥
ନଵୀନୋ ନଗେଭାଗତୀର୍ଣାଙ୍ଗହାରୋ ନଗେଶୀ ପରଃ ପାରଣୀ ସାଦିପାଲା ।
ଫଲାତ୍ମା ଫଲା ଫାଲ୍ଗୁନୀ ଫେଣନାଶଃ ଫଲାଭୂଷଣାଢ୍ୟା ଵଶୀ ଵାସରମ୍ୟା ॥ ୧୦୪ ॥
ଭଗାତ୍ମା ଭଵସ୍ତ୍ରୀ ମହାବୀଜମାନୋ ମହାବୀଜମାଲା ମୁକୁନ୍ଦଃ ସୁସୂକ୍ଷ୍ମା ।
ୟତିସ୍ଥା ୟଶସ୍ଥା ରତାନନ୍ଦକର୍ତା ରତିର୍ଲାକିନୀଶୋ ଲୟାର୍ଥ ପ୍ରଚଣ୍ଡା ॥ ୧୦୫ ॥
ପ୍ରଵାଲାଙ୍ଗଧାରୀ ପ୍ରଵାଲାଙ୍ଗମାଲା ହଲୋହାଲହେଲାପଦଃ ପାଦତାଲା ।
ଵଶୀନ୍ଦ୍ରଃ ପ୍ରକାଶୋ ଵରସ୍ଥାନଵାସା ଶିଵଃ ଶ୍ରୀଧରାଙ୍ଗଃ ଶଲାକା ଶିଲା ଚ ॥ ୧୦୬ ॥
ଷଡାଧାରଵାସୀ ଷଡାଧାରଵିଦ୍ୟା ଷଡାମ୍ଭୋଜସଂସ୍ଥଃ ଷଡବ୍ଜୋପଵିଷ୍ଟା ।
ସଦା ସାଧରୋଗ୍ରୋପଵିଷ୍ଟାଽପରାଗୀ ସୁସୂକ୍ତାପୟସ୍ଥା ପଲାଶ୍ରୟସ୍ଥିତା ॥ ୧୦୭ ॥
ହରସ୍ଥୋଗ୍ରକର୍ମା ହରାନନ୍ଦଧାରା ଲଘୁସ୍ଥୋ ଲିପିସ୍ଥା କ୍ଷୟୀକ୍ଷୁବ୍ଧକ ସଂଖ୍ୟା ।
ଅନନ୍ତୋ ନିର୍ଵାଣାହରାକାରବୀଜା ଉରସ୍ଥୋଽପ୍ୟୁରୁସ୍ଥା ଉରା ଊର୍ଧ୍ଵରୂପା ॥ ୧୦୮ ॥
ଋଚସ୍ଥୋ ହି ୠଗାଲସୋ ଦୀର୍ଘଲୃସ୍ଥା ତ୍ଵମେକୋ ହି ଚୈମ୍ବୀଜଗୁର୍ଵୀ ଗୁଣସ୍ଥା ।
ସଦୌଙ୍କାରଵର୍ଣା ହ୍ସୌଂକାରବୀଜା ଅସଙ୍କାରଚନ୍ଦ୍ରୋ ହ୍ୟୁସଃ କାରଵୀରା ॥ ୧୦୯ ॥
ହରୀନ୍ଦ୍ରୋ ହରୀଶା ହରିଃ କୃଷ୍ଣରୂପା ଶିଵୋ ଵେଦଭାଷା ଚ ଶୌରିଃ ପ୍ରସଙ୍ଗା ।
ଗଣାଧ୍ୟକ୍ଷରୂପୀ ପରାନନ୍ଦଭକ୍ଷା ପରେଶୋ ଗଣେଶୀ ରସୋ ଵାସପୂଜ୍ୟା ॥ ୧୧୦ ॥
ଚକୋରି କୁଲପ୍ରାଣବୁଦ୍ଧିସ୍ଥିତିସ୍ଥା ସ୍ଵୟଂ କାମଧେନୁସ୍ଵରୂପୀ ଵିରୂପା ।
ଶ୍ରୀହିରଣ୍ୟପ୍ରଭଃ ଶ୍ରୀ ହିରଣ୍ୟପ୍ରଭାଙ୍ଗୀ ପ୍ରଭାତାର୍କଵର୍ଣୋଽରୁଣାକାରଣାଙ୍ଗୀ ॥ ୧୧୧ ॥
ଵିଭା କୋଟିଧାରା ଧରାଧାର କୋଷା ରଣୀଶୋ ପ୍ରତ୍ୟାଦିକୂଟୋଽଧରୋ ଧାରଣା ଶୌରିରାର୍ୟା ।
ମହାୟଜ୍ଞସଂସ୍ଥୋ ମହାୟଜ୍ଞନିଷ୍ଠା ସଦାକର୍ମସଙ୍ଗଃ ସଦାମଙ୍ଗରଙ୍ଗା ॥ ୧୧୨ ॥
କିରାତୀପତି ରାକିଣୀ କାଲପୁତ୍ରୀ ଶିଲାକୋଟ ନିର୍ମାଣଦୋହା ଵିଶାଲା ।
କଲାର୍କକଲସ୍ଥୋ କଲାକିଙ୍କିଣୀସ୍ଥା କିଶୋରଃ କିଶୋରୀ କୁରୁକ୍ଷେତ୍ରକନ୍ୟା ॥ ୧୧୩ ॥
ମହାଲାଙ୍ଗଲିଶ୍ରୀ ବଲୋଦ୍ଧାମକୃଷ୍ଣଃ କୁଲାଲାଦିଵିଦ୍ୟାଽଭୟୋ ଭାଵଶୂନ୍ୟା ।
ମହାଲାକିନୀ କାକିନୀ ଶାକିନୀଶୋ ମହାସୁପ୍ରକାଶା ପରୋ ହାକିନୀଶା ॥ ୧୧୪ ॥
କୁରୁକ୍ଷେତ୍ରଵାସୀ କୁରୁପ୍ରେମମୂର୍ତୀ ର୍ମହାଭୂତିଭୋଗୀ ମହାୟୋଗିନୀ ଚ ।
କୁଲାଙ୍ଗାରକାରୋ କୁଲାଙ୍ଗୀଶକନ୍ୟା ତୃତୀୟସ୍ତୃତୀୟାଽଦ୍ଵିତୀୟୋଽଦ୍ଵିତୀୟା ॥ ୧୧୫ ॥
ମହାକନ୍ଦଵାସୀ ମହାନନ୍ଦକାଶୀ ପୁରଗ୍ରାମଵାସୀ ମହାପୀଠଦେଶା ।
ଜଗନ୍ନାଥ ଵକ୍ଷଃ ସ୍ଥଲସ୍ଥୋ ଵରେଣ୍ୟା ଚ୍ୟୁତାନନ୍ଦକର୍ତା ରସାନନ୍ଦକର୍ତ୍ରୀ ॥ ୧୧୬ ॥
ଜଗଦ୍ଦୀପକଲୋ ଜଗଦ୍ଦୀପକାଲୀ ମହାକାମରୂପୀ ମହାକାମପୀଠା ।
ମହାକାମପୀଠସ୍ଥିରୋ ଭୂତଶୁଦ୍ଧି ର୍ମହାଭୂତଶୁଦ୍ଧିଃ ମହାଭୂତସିଦ୍ଧିଃ ॥ ୧୧୭ ॥
ପ୍ରଭାନ୍ତଃ ପ୍ରଵୀଣା ଗୁରୁସ୍ଥୋ ଗିରିସ୍ଥା ଗଲଦ୍ଧାରଧାରୀ ମହାଭକ୍ତଵେଷା ।
କ୍ଷଣକ୍ଷୁନ୍ନିଵୃତ୍ତିନୀଵୃତ୍ତାନ୍ତରାତ୍ମା ସଦନ୍ତର୍ଗତସ୍ଥା ଲୟସ୍ଥାନଗାମୀ ॥ ୧୧୮ ॥
ଲୟାନନ୍ଦକାମ୍ୟା ଵିସର୍ଗାପ୍ତଵର୍ଗୋ ଵିଶାଲାକ୍ଷମାର୍ଗା କୁଲାର୍ଣଃ କୁଲାର୍ଣା ।
ମନସ୍ଥା ମନଃଶ୍ରୀଃ ଭୟାନନ୍ଦଦାତା ସଦା ଲାଣଗୀତା ଗଜଜ୍ଞାନଦାତା ମହାମେରୁପାୟା ॥ ୧୧୯ ॥
ତରୋର୍ମୂଲଵାସୀ ତରଜ୍ଞୋପଦର୍ଶା ସୁରେଶଃ ସମେଶଃ ସୁରେଶା ସୁଖୀ ଖଡ୍ଗନିଷ୍ଠା ।
ଭୟତ୍ରାଣକର୍ତା ଭୟଜ୍ଞାନହନ୍ତ୍ରୀ ଜନାନାଂ ମଖସ୍ଥୋ ମଖାନନ୍ଦଭଙ୍ଗା ॥ ୧୨୦ ॥
ମହାସତ୍ପଥସ୍ଥୋ ମହାସତ୍ପଥଜ୍ଞା ମହାବିନ୍ଦୁମାନୋ ମହାବିନ୍ଦୁମାନା ।
ଖଗେନ୍ଦ୍ରୋପଵିଷ୍ଟୋ ଵିସର୍ଗାନ୍ତରସ୍ଥା ଵିସର୍ଗପ୍ରଵିଷ୍ଟୋ ମହାବିନ୍ଦୁନାଦା ॥ ୧୨୧ ॥
ସୁଧାନନ୍ଦଭକ୍ତୋ ଵିଧାନନ୍ଦମୁକ୍ତିଃ ଶିଵାନନ୍ଦସୁସ୍ଥୋ ଵିନାନନ୍ଦଧାତ୍ରୀ ।
ମହାଵାହନାହ୍ଲାଦକାରୀ ସୁଵାହା ସୁରାନନ୍ଦକାରା ଗିରାନନ୍ଦକାରୀ ॥ ୧୨୨ ॥
ହୟାନନ୍ଦକାନ୍ତିଃ ମତଙ୍ଗସ୍ଥଦେଵୋ ମତଙ୍ଗାଧିଦେଵୀ ମହାମତ୍ତରୂପଃ ।
ତଦେକୋ ମହାଚକ୍ରପାଣିଃ ପ୍ରଚଣ୍ଡା ଖିଲାପସ୍ଥଲସ୍ଥୋଽଵିହମ୍ନୀଶପତ୍ନୀ ॥ ୧୨୩ ॥
ଶିଖାନନ୍ଦକର୍ତା ଶିଖାସାରଵାସୀ ସୁଶାକମ୍ଭରୀ କ୍ରୋଷ୍ଟରୀ ଵେଦଵେଦୀସୁଗନ୍ଧା ।
ୟୁଗୋ ୟୋଗକନ୍ୟା ଦଵୋ ଦୀର୍ଘକନ୍ୟା ଶରଣ୍ୟଃ ଶରଣ୍ୟା ମୁନିଜ୍ଞାନଗମ୍ୟା ସୁଧନ୍ୟଃ ସୁଧନ୍ୟା ॥ ୧୨୪ ॥
ଶଶୀ ଵେଦଜନ୍ୟା ୟମୀ ୟାମଵାମା ହ୍ୟକାମୋ ହ୍ୟକାମା ସଦା ଗ୍ରାମକାମା ।
ଧୃତୀଶଃ ଧୃତୀଶା ସଦା ହାଟକସ୍ଥାଽ ୟନେଶୋଽୟନେଶୀ ଭକାରୋ ଭଗୀରା ॥ ୧୨୫ ॥
ଚଲତ୍ଖଞ୍ଜନସ୍ଥଃ ଖଲତ୍ଖେଲନସ୍ଥା ଵିଵାତୀ କିରାତୀ ଖିଲାଙ୍ଗୋଽଖିଲାଙ୍ଗୀ ।
ବୃହତ୍ଖେଚରସ୍ଥୋ ବୃହତ୍ଖେଚରୀ ଚ ମହାନାଗରାଜୋ ମହାନାଗମାଲା ॥ ୧୨୬ ॥
ହକାରାର୍ଦ୍ଧସଂଜ୍ଞା ଵୃତୋହାରମାଲା ମହାକାଲନେମିପ୍ରହା ପାର୍ଵତୀ ଚ ।
ତମିସ୍ରା ତମିସ୍ରାଵୃତୋ ଦୁଃଖହତ୍ୟା ଵିପନ୍ନୋ ଵିପନ୍ନା ଗୁଣାନନ୍ଦକନ୍ୟା ॥ ୧୨୭ ॥
ସଦା ଦୁଃଖହନ୍ତା ମହାଦୁଃଖହନ୍ତ୍ରୀ ପ୍ରଭାତାର୍କ ଵର୍ଣଃ ପ୍ରଭାତାରୁଣଶ୍ରୀଃ ।
ମହାପର୍ଵତପ୍ରେମଭାଵୋପପନ୍ନୋ ମହାଦେଵପତ୍ନୀଶଭାଵୋପପନ୍ନା ॥ ୧୨୮ ॥
ମହାମୋକ୍ଷନୀଲପ୍ରିୟା ଭକ୍ତିଦାତା ନୟାନନ୍ଦ ଭକ୍ତିପ୍ରଦା ଦେଵମାତା ॥ ୧୨୯ ॥
ଇତ୍ୟେତତ୍କଥିତଂ ନାଥ ମହାସ୍ତୋତ୍ରଂ ମନୋରମମ୍ ।
ସହସ୍ରନାମୟୋଗାଽଙ୍ଗମଷ୍ଟୋତ୍ତରସମନ୍ଵିତମମ୍ ॥ ୧୩୦ ॥
ୟଃ ପଠେତ୍ ପ୍ରାତରୁତ୍ଥାୟ ଶୁଚିର୍ଵାଶୁଚିମାନସଃ ।
ଭକ୍ତ୍ୟା ଶାନ୍ତିମଵାପ୍ନୋତି ଅନାୟାସେନ ୟୋଗିରାଟ୍ ॥ ୧୩୧ ॥
ପ୍ରତ୍ୟହଂ ଧ୍ୟାନମାକୃତ୍ୟ ତ୍ରିସନ୍ଧ୍ୟଂ ୟଃ ପଠେତ୍ ଶୁଚିଃ ।
ଷଣ୍ମାସାତ୍ ପରମୋ ୟୋଗୀ ସତ୍ୟଂ ସତ୍ୟଂ ସୁରେଶ୍ଵର ॥ ୧୩୨ ॥
ଅକାଲମୃତ୍ୟୁହରଣଂ ସର୍ଵଵ୍ୟାଧିଵିନାଶନମ୍ ।
ଅପମୃତ୍ୟ୍ଵାଦିହରଣଂ ଵାରମେକଂ ପଠେଦ୍ୟଦି ॥ ୧୩୩ ॥
ପଠିତ୍ତ୍ଵା ୟେ ନ ଗଚ୍ଛନ୍ତି ଵିପତ୍କାଲେ ମହାନିଶି ।
ଅନାୟାସେନ ତେ ୟାନ୍ତି ମହାଘୋରେ ଭୟାର୍ଣଵେ ॥ ୧୩୪ ॥
ଅକାଲେ ୟଃ ପଠେନ୍ନିତ୍ୟଂ ସୁକାଲସ୍ତତ୍କ୍ଷଣାଦ୍ଭଵେତ୍ ।
ରାଜସ୍ଵହରଣେ ଚୈଵ ସୁଵୃତ୍ତିହରଣାଦିକେ ॥ ୧୩୫ ॥
ମାସୈକପଠନାଦେଵ ରାଜସ୍ଵଂ ସ ଲଭେଦ୍ ଧ୍ରୁଵମ୍ ।
ଵିଚରନ୍ତି ମହାଵୀରାଃ ସ୍ଵର୍ଗେ ମର୍ତ୍ୟେ ରସାତଲେ ॥ ୧୩୬ ॥
ଗଣେଶତୁଲ୍ୟଵଲିନୋ ମହାକ୍ରୋଧଶରୀରିଣଃ ।
ଏତତ୍ସ୍ତୋତ୍ରପ୍ରସାଦେନ ଜୀଵନ୍ମୁକ୍ତୋ ମହୀତଲେ ॥ ୧୩୭ ॥
ମହାନାମସ୍ତୋତ୍ରସାରଂ ଧର୍ମାଧର୍ମନିରୂପଣମ୍ ।
ଅକସ୍ମାତ୍ ସିଦ୍ଧିଦଂ କାମ୍ୟଂ କାମ୍ୟଂ ପରମସିଦ୍ଧିଦମ୍ ॥ ୧୩୮ ॥
ମହାକୁଲକୁଣ୍ଡଲିନ୍ୟାଃ ଭଵାନ୍ୟାଃ ସାଧନେ ଶୁଭେ ।
ଅଭେଦ୍ୟଭେଦନେ ଚୈଵ ମହାପାତକନାଶନେ ॥ ୧୩୯ ॥
ମହାଘୋରତରେ କାଲେ ପଠିତ୍ଵା ସିଦ୍ଧିମାପ୍ନୁୟାତ୍ ।
ଷଟ୍ଚକ୍ରସ୍ତମ୍ଭନଂ ନାଥ ପ୍ରତ୍ୟହଂ ୟଃ କରୋତି ହି ॥ ୧୪୦ ॥
ମନୋଗତିସ୍ତସ୍ୟ ହସ୍ତେ ସ ଶିଵୋ ନ ତୁ ମାନୁଷଃ ।
ୟୋଗାଭ୍ୟାସଂ ୟଃ କରୋତି ନ ସ୍ତଵଃ ପଠ୍ୟତେ ୟଦି ॥ ୧୪୧ ॥
ୟୋଗଭ୍ରଷ୍ଟୋ ଭଵେତ୍ କ୍ଷିପ୍ରଂ କୁଲାଚାରଵିଲଙ୍ଘନାତ୍ ।
କୁଲୀନାୟ ପ୍ରଦାତଵ୍ୟଂ ନ ଖଲ୍ଵକୁଲେଶ୍ଵରମ୍ ॥ ୧୪୨ ॥
କୁଲାଚାରଂ ସମାକୃତ୍ୟ ବ୍ରାହ୍ମଣାଃ କ୍ଷତ୍ରିୟାଦୟଃ ।
ୟୋଗିନଃ ପ୍ରଭଵନ୍ତ୍ୟେଵ ସ୍ତୋତ୍ରପାଠାତ୍ ସଦାମରାଃ ॥ ୧୪୩ ॥
ଆନନ୍ଦଭୈରଵ ଉଵାଚ
ଵଦ କାନ୍ତେ ରହସ୍ୟଂ ମେ ମୟା ସର୍ଵଞ୍ଚ ଵିସ୍ମୃତମ୍ ।
ମହାଵିଷଂ କାଲକୂଟଂ ପୀତ୍ତ୍ଵା ଦେଵାଦିରକ୍ଷଣାତ୍ ॥ ୧୪୪ ॥
କଣ୍ଠସ୍ଥାଃ ଦେଵତାଃ ସର୍ଵା ଭସ୍ମୀଭୂତାଃ ସୁସମ୍ଭୃତାଃ ।
ମହାଵିଷଜ୍ଵାଲୟା ଚ ମମ ଦେହସ୍ଥଦେଵତାଃ ॥ ୧୪୫ ॥
କୈଵଲ୍ୟନିରତାଃ ସର୍ଵେ ପ୍ରାର୍ଥୟନ୍ତି ନିରନ୍ତରମ୍ ।
ଷଟ୍ଚକ୍ରଂ କଥୟିତ୍ଵା ତୁ ସନ୍ତୋଷଂ ମେ କୁରୁ ପ୍ରଭୋ ।
ଷଟ୍ଚକ୍ରଭେଦକଥନମମୃତଶ୍ରଵଣାଦିକମ୍ ॥ ୧୪୬ ॥
କଥିତ୍ଵା ମମ ସନ୍ତୋଷଂ କୁରୁ କଲ୍ୟାଣି ଵଲ୍ଲଭେ ।
ଅମୃତାନନ୍ଦଜଲଧୌ ସୁଧାଭିଃ ସିକ୍ତଵିଗ୍ରହମ୍ ॥ ୧୪୭ ॥
କୃତ୍ତ୍ଵା କଥୟ ଶୀଘ୍ରଂ ମେ ଚାୟୁଷଂ ପରିଵର୍ଧୟ ।
ଆନନ୍ଦଭୈରଵୀ ଉଵାଚ
ନିଗୂଢାର୍ଥ ମହାକାଲ କାଲେଶ ଜଗଦୀଶ୍ଵର ॥ ୧୪୮ ॥
ଭୈରଵାନନ୍ଦନିଲୟ କାଲକୂଟନିଷେଵଣ ।
ଇଦାନୀଂ ଶୃଣୁ ୟୋଗାର୍ଥ ମୟି ସଂୟୋଗ ଏଵ ଚ ॥ ୧୪୯ ॥
ଶ୍ରୁତ୍ଵା ଚୈତତ୍କ୍ରିୟାକାର୍ୟଂ ନରୋ ୟୋଗୀଶ୍ଵରୋ ଭଵେତ୍ ।
ମମୋଦ୍ଭଵଃ ଖେଽମଲେ ଚ ସର୍ଵାକାରଵିଵର୍ଜୀତେ ॥ ୧୫୦ ॥
ଭ୍ରୂମଧ୍ୟେ ସର୍ଵଦେହେ ଚ ସ୍ଥାପୟିତ୍ଵା ଚ ମାଂ ନରଃ ।
ଭାଵ୍ୟତେ ଚାପରିଚ୍ଛନ୍ନଂ ବ୍ରହ୍ମଵିଷ୍ଣୁଶିଵାତ୍ମକମ୍ ॥ ୧୫୧ ॥
ମମ ରୂପଂ ମହାକାଲ ସତ୍ତ୍ଵରଜସ୍ତମଃ ପ୍ରିୟମ୍ ।
କେଵଲଂ ରଜୋୟୋଗେନ ଶରୀରଂ ନାପି ତିଷ୍ଠତି ॥ ୧୫୨ ॥
ତଥା କେଵଲୟୋଗେନ ତମସା ନାପି ତିଷ୍ଠତି ।
ତଥା କେଵଲସତ୍ତ୍ଵେନ କୁତୋ ଦେହୀ ପ୍ରତିଷ୍ଠତି ।
ଅତସ୍ତ୍ରିଗୁଣୟୋଗେନ ଧାରୟାମି ନଵାଙ୍ଗକମ୍ ॥ ୧୫୩ ॥
ଶନୈଃ ଶନୈଃ ଵିଜେତଵ୍ୟାଃ ସତ୍ତ୍ଵରଜସ୍ତମୋଗୁଣାଃ ।
ଆଦୌ ଜିତ୍ଵା ରଜୋଧର୍ମଂ ପଶ୍ଚାତ୍ତାମସମେଵ ଚ ॥ ୧୫୪ ॥
ସର୍ଵଶେଷେ ସତ୍ତ୍ଵଗୁଣଂ ନରୋ ୟୋଗୀଶ୍ଵରୋ ଭଵେତ୍ ।
ଗୁଣଵାନ୍ ଜ୍ଞାନଵାନ୍ ଵାଗ୍ମୀ ସୁଶ୍ରୀର୍ଧର୍ମୀ ଜିତେନ୍ଦ୍ରିୟଃ ॥ ୧୫୫ ॥
ଶୁଦ୍ଧନିର୍ମଲସତ୍ଵଂ ତୁ ଗୁଣମାଶ୍ରିତ୍ୟ ମୋକ୍ଷଭାକ୍ ।
ସଦା ସତ୍ତ୍ଵଗୁଣାଚ୍ଛନ୍ନଂ ପୁରୁଷଂ କାଲ ଏଵ ଚ ॥ ୧୫୬ ॥
ପଶ୍ୟତୀହ ନ କଦାଚିଜ୍ଜରାମୃତ୍ୟୁଵିଵର୍ଜୀତମ୍ ।
ତଂ ଜନଂ ପରମଂ ଶାନ୍ତଂ ନିର୍ମଲଂ ଦ୍ଵୈତଵର୍ଜୀତମ୍ ॥ ୧୫୭ ॥
ସର୍ଵତ୍ୟାଗିନମାତ୍ମାନଂ କାଲଃ ସର୍ଵତ୍ର ରକ୍ଷତି ।
ଜଲେ ଵା ପର୍ଵତେ ଵାପି ମହାରଣ୍ୟେ ରଣସ୍ଥଲେ ॥ ୧୫୮ ॥
ଭୂଗର୍ତ୍ତନିଲୟେ ଭୀତେ ସଂହାରେ ଦୁଷ୍ଟଵିଗ୍ରହେ ।
ସନ୍ତିଷ୍ଠତି ମହାୟୋଗୀ ସତ୍ୟଂ ସତ୍ୟଂ କୁଲେଶ୍ଵର ॥ ୧୫୯ ॥
ମହାୟୋଗଂ ଶୃଣୁ ପ୍ରାଣଵଲ୍ଲଭ ଶ୍ରୀନିକେତନ ।
ୟୋଗାର୍ଥଂ ପରମଂ ବ୍ରହ୍ମୟୋଗାର୍ଥ ପରନ୍ତପଃ ॥ ୧୬୦ ॥
ୟେ ଜାନନ୍ତି ମହାୟୋଗଂ ମିରୟନ୍ତେ ନ ଚ ତେ ନରାଃ ।
କୃତ୍ଵା କୃତ୍ଵା ଷଡ୍ଦଲସ୍ୟ ସାଧନଂ କୃତ୍ସ୍ନସାଧନମ୍ ॥ ୧୬୧ ॥
ତତଃ କୁର୍ୟାନ୍ମୂଲପଦ୍ମେ କୁଣ୍ଡଲୀପରିଚାଲନମ୍ ।
ମୁହୁର୍ମୁହୁଶ୍ଚାଲନେନ ନରୋ ୟୋଗୀଶ୍ଵରୋ ଭଵେତ୍ ॥ ୧୬୨ ॥
ଏକାନ୍ତନିର୍ମଲେ ଦେଶେ ଦୁର୍ଭୀକ୍ଷାଦିଵିଵର୍ଜୀତେ ।
ଵର୍ଷମେକାସନେ ୟୋଗୀ ୟୋଗମାର୍ଗପରୋ ଭଵେତ୍ ॥ ୧୬୩ ॥
ପଦ୍ମାସନଂ ସଦା କୁର୍ୟାଦ୍ ବଦ୍ଧପଦ୍ମାସନଂ ତଥା ।
ମହାପଦ୍ମାସନଂ କୃତ୍ଵା ତଥା ଚାସନମଞ୍ଜନମ୍ ॥ ୧୬୪ ॥
ତତ୍ପଶ୍ଚାତ୍ ସ୍ଵସ୍ତିକାଖ୍ୟଞ୍ଚ ବଦ୍ଧସ୍ଵସ୍ତିକମେଵ ଚ ।
ୟୋଗାଭ୍ୟାସେ ସଦା କୁର୍ୟାତ୍ ମନ୍ତ୍ରସିଦ୍ଧ୍ୟାଦିକର୍ମଣି ॥ ୧୬୫ ॥
ଚକ୍ରାସନଂ ସଦା ୟୋଗୀ ୟୋଗସାଧନକର୍ମଣି ।
ବଦ୍ଧଚକ୍ରାସନଂ ନାମ ମହାଚକ୍ରାସନଂ ତଥା ॥ ୧୬୬ ॥
କୃତ୍ଵା ପୁନଃ ପ୍ରକର୍ତଵ୍ୟଂ ବଦ୍ଧୟୋଗେଶ୍ଵରାସନମ୍ ।
ୟୋଗେଶ୍ଵରାସନଂ କୃତ୍ଵା ମହାୟୋଗେଶ୍ଵରାସନମ୍ ॥ ୧୬୭ ॥
ଵୀରାସନଂ ତତଃ କୁର୍ୟାତ୍ ମହାଵୀରାସନଂ ତଥା ।
ବଦ୍ଧଵୀରାସନଂ କୃତ୍ଵା ନରୋ ୟୋଗେଶ୍ଵରୋ ଭଵେତ୍ ॥ ୧୬୮ ॥
ତତଃ କୁର୍ୟାନ୍ମହାକାଲ ବଦ୍ଧକୁକ୍କୁଟାସନମ୍ ।
ମହାକୁକ୍କୁଟମାକୃତ୍ୟ କେଵଲଂ କୁକ୍କୁଟାସନମ୍ ॥ ୧୬୯ ॥
ମୟୂରାସନମେଵଂ ହି ମହାମୟୂରମେଵ ଚ ।
ବଦ୍ଧମୟୂରମାକୃତ୍ୟ ନରୋ ୟୋଗେଶ୍ଵରୋ ଭଵେତ୍ ॥ ୧୭୦ ॥
ଏତତ୍ ସର୍ଵଂ ପ୍ରଵକ୍ତଵ୍ୟଂ ଵିଚାର୍ୟ ସୁମନଃପ୍ରିୟ ।
ଅଭିଷେକପ୍ରକରଣେ ଆସନାଦିପ୍ରକାଶକମ୍ ॥ ୧୭୧ ॥
କଥିତଵ୍ୟଂ ଵିଶେଷେଣ ଇଦାନୀଂ ଶୃଣୁ ଷଟ୍କ୍ରମମ୍ ।
ବ୍ରହ୍ମା ଵିଷ୍ଣୁଶ୍ଚ ରୁଦ୍ରଶ୍ଚ ଈଶ୍ଵରଶ୍ଚ ସଦାଶିଵଃ ॥ ୧୭୨ ॥
ତତଃ ପରଶିଵୋ ଦେଵଃ ଷଟ୍ଶିଵାଃ ଷଟ୍ପ୍ରକାଶକାଃ ।
ଏତେଷାଂ ଷଡ୍ଗୁଣାନନ୍ଦାଃ ଶକ୍ତୟଃ ପରଦେଵତାଃ ॥ ୧୭୩ ॥
ଷଟ୍ଚକ୍ରଭେଦନରତା ମହାଵିଦ୍ୟାଧିଦେଵତାଃ ।
ଏତେଷାଂ ସ୍ତଵନଂ କୁର୍ୟାତ୍ ପରଦେଵସମନ୍ଵିତମ୍ ॥ ୧୭୪ ॥
ଏତତ୍ପ୍ରକାରକରଣେ ୟଶ୍ଚ ପ୍ରତ୍ୟହମାଦରାତ୍ ।
କ୍ରିୟାନିଵିଷ୍ଟଃ ସର୍ଵତ୍ର ଭାଵନାଗ୍ରହରୂପଧୃକ୍ ॥ ୧୭୫ ॥
ସ ପଶ୍ୟତି ଜଗନ୍ନାଥଂ କମଲୋପଗତଂ ହରିମ୍ ।
ଆଦୌ ହରେର୍ଦର୍ଶନଞ୍ଚ କାରୟେଦ୍ୟେନ କୁଣ୍ଡଲୀ ॥ ୧୭୬ ॥
ତତୋ ରୁଦ୍ରସ୍ୟ ସଞ୍ଜ୍ଞାୟାଂ ଲାକିନ୍ୟାଃ ଶୁଭଦର୍ଶନମ୍ ।
ସର୍ଵଶଃ କ୍ରମଶୋ ନାଥ ଦର୍ଶନଂ ପ୍ରାପ୍ୟତେ ନରଃ ॥ ୧୭୭ ॥
ଶନୈଃ ଶନୈର୍ମହାକାଲ କୈଲାସଦର୍ଶନଂ ଭଵେତ୍ ।
କ୍ରମେଣ ସର୍ଵସିଦ୍ଧିଃ ସ୍ୟାତ୍ ଅଷ୍ଟାଙ୍ଗୟୋଗସାଧନାତ୍ ॥ ୧୭୮ ॥
ଅଷ୍ଟାଙ୍ଗସାଧନେ କାଲେ ୟଦ୍ୟତ୍ କର୍ମଂ କରୋତି ହି ।
ତତ୍ସର୍ଵଂ ପରିୟତ୍ନେନ ଶୃଣୁ ସାଦରପୂର୍ଵକମ୍ ।
ତତ୍କ୍ରିୟାଦିକମାକୃତ୍ୟ ଶୀଧ୍ରଂ ୟୋଗୀ ଭଵିଷ୍ୟତି ॥ ୧୭୯ ॥
॥ ଇତି ଶ୍ରୀରୁଦ୍ରୟାମଲେ ଉତ୍ତରତନ୍ତ୍ରେ ଭୈରଵୀଭୈରଵସଂଵାଦେ
ଶ୍ରୀରାକିଣୀକେଶଵସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥