॥ Sharabha Sahasranamastotram 2 Bengali Lyrics ॥
॥ শ্রীশরভসহস্রনামস্তোত্রম্ ২ ॥
হরিহরবিরচিতম্ – আকশভৈরব তন্ত্রে
শ্রী গণেশায় নমঃ ॥
ওঁ খেং খাং খং ফট্ প্রাণ গ্রহাসি
প্রাণ গ্রহাসি হুং ফট্ সর্ব শত্রু সংহারণায় শরভ সালুবায়
পক্ষিরাজায় হু ফট্ স্বাহা ॥
দ্বিচত্বারিংশদ্বর্ণঃ
ওঁ অস্য শ্রী শরভ মন্ত্রস্য কালাগ্নি রুদ্র ঋষির্জগতী ছন্দঃ
শ্রী শরভেশ্বরো দেবতা ঊং বীজং স্বাহা শক্তি ফট্ কীলকং
শ্রী শরভেশ্বর প্রীত্যর্থে জপে বিনিয়োগঃ ।
শিরসি কালাগ্নি রুদ্রায় ঋষয়ে নমঃ ।
মুখে জগতী ছন্দসে নমঃ ॥
হৃদি শরভেশ্বরায় দেবতায়ৈ নমঃ গুহ্যে ঊঁ বীজায় নমঃ ।
পাদয়ো স্বাহা শক্তয়ে নমঃ ॥
সর্বাঙ্গং হুং ফট্ কীলকায় নমঃ ॥
ঊঁ খেং খাং অঙ্গুষ্ঠাভ্যাং নমঃ ॥
খং ফট্ তর্জনীভ্যাং স্বাহা ॥
প্রাণগ্রহাসি প্রাণগ্রহাসি হুং ফট্ মধ্যমাভ্যাং বষট্ ।
সর্বশত্রু সংহারণায় অনামিকাভ্যাং হুম্ ॥
শরভ-সালুবায় কনিষ্ঠিকাভ্যাং বৌষদ্ ॥
পক্ষিরাজায় হুং ফট্ স্বাহা করতলকর পৃষ্ঠাভ্যাং ফট্ত্র ॥
অথ হৃদয়াদি ন্যাস ॥
ওঁ খেং খাং হৃদয়ায় নমঃ ॥ ওঁ খং ফট্ শিরসে স্বাহা ॥
প্রাণগ্রহাসি প্রাণগ্রহাসি হুং ফট্ শিখায়ৈ বষট্ ॥
সর্বশত্রু সংহারণায় কবচায় হুম্ ॥
শরভ সালুবায় নেত্রত্রয়ায় বৌষট্ ॥
পক্ষিরাজায় হুং ফট্ স্বাহা অস্ত্রায় ফট্ ॥
॥ ধ্যানম্ ॥
চন্দ্রার্কৌবহ্নিদৃষ্টিঃ কুলিশবরনখশ্চঞ্চংলোত্যুগ্রজিহ্বঃ ।
কালী দুর্গা চ পক্ষৌ হৃদয়জঠরগৌভৈরবো বাডবাগ্নিঃ ॥
ঊরুস্থৌ ব্যাধিমৃত্যু শরভবর খগশ্চণ্ড বাতাতিবেগঃ ।
সংহর্তা সর্বশত্রূন্ স জয়তি শরভঃ শালুবঃ পক্ষিরাজঃ ॥ ১ ॥
বর্ণসহস্রং জপঃ ॥ পায়সেন ঘৃতাক্তেন হোমঃ ॥
অথ সঙ্কল্পঃ ।
গৌরীবল্লভ কামারে কালকূটবিষাদন ।
মামুদ্ধরাপদাম্মাধেস্ত্রিপুরধ্নান্ত কান্তক ॥
অথ শ্রীশরভসহস্রনামস্তোত্রম্ ॥
ওঁ সর্বভূতাত্মভূতস্য রহস্যমিত তেজস ।
অষ্টোত্তরসহস্রং তু নাম্নাং সর্বস্য মে শৃণু ॥ ১ ॥
য়চ্ছ্রুত্বা মনুজ ব্যাঘ্র সর্বান্তামানবাপ্যসি ।
স্থিরঃ স্থাণুঃ প্রভুর্ভীমঃ প্রভবো বরদো বরঃ ॥ ২ ॥
জটী চর্মী শিখণ্ডী চ সর্বাঙ্গঃ সর্বভাবনঃ ।
হরশ্চ হরিণাক্ষশ্চ সর্বভূতহরঃ প্রভুঃ ॥ ৩ ॥
প্রবৃত্তিশ্চ নিবৃত্তিশ্চ নিয়তঃ শাশ্বতো ধ্রুবঃ ।
শ্মশানবাসী ভগবান্ বচসোঽগোচরো ধনঃ ॥ ৪ ॥
অতিবাধো মহাকর্মা তপস্বী ভূতভাবনঃ ।
উন্মত্তবৃষোথ প্রচ্ছন্নঃ সর্বলোকপ্রজাপতিঃ ॥ ৫ ॥
মহারূপো মহাকায়ো বৃষরূপো মহায়শাঃ ।
মহাত্মা সর্বভূতাত্মা বিশ্বরূপো মহাহনুঃ ॥ ৬ ॥
লোকপালোঽতর্হিতাত্মা প্রসাদো হয়গর্দভী ।
পবিত্রশ্চ মহাংশ্চৈব নিয়মো নিগমপ্রিয় ॥ ৭ ॥
সর্বকর্মা স্বয়ম্ভূশ্চ আদিসৃষ্টিকরো নিধি ।
সহস্রাক্ষো বিরূপাক্ষঃ সোমো নক্ষত্রসাধকঃ ॥ ৮ ॥
সূর্যচন্দ্রগতিঃ কেতুর্গ্রহো গ্রহপতির্বরঃ ।
অদারিদ্রঘ্নালয় কর্তা মৃগবাণার্পণোনঘঃ ॥ ৯ ॥
মহাতপা দীর্ঘতপা অদীনো দীনসাধনঃ ।
সংবত্সরকরো মন্ত্রী প্রমাণং পরমং তপঃ ॥ ১০ ॥
য়োগী য়োগ্যো মহাবীজো মহারেতা মহাতপাঃ ।
সুবর্ণরেতাঃ সর্বজ্ঞঃ সুবীজো বৃষবাহনঃ ॥ ১১ ॥
দশবাহুশ্চ নিমিষো নীলকণ্ঠ উমাপতিঃ ।
বহুরূপঃ স্বয়ংশ্রেষ্ঠো বলির্বৈরোচনো গণঃ ॥ ১২ ॥
গণকর্ত্তা গণপতির্দিগ্বাসাঃ কাম এব চ ।
মন্ত্রবিত্পরমোমন্ত্রঃ সর্বভাবকরো হরঃ ॥ ১৩ ॥
কমণ্ডলুধরো ধন্বী বাণহস্তঃ কপালবান্ ।
অশিনী শতঘ্নী খণ্ডী পট্টিশশ্চায়ুধী মহান্ ॥ ১৪ ॥
শ্রুতিহস্তঃ সরূপশ্চ তেজস্তেজস্করো বিভুঃ ।
উশ্নীষী চ সুবক্ত্রশ্চ উদগ্রো বিনয়স্তথা ॥ ১৫ ॥
দীর্ঘশ্চ হরিনেত্রশ্চ সুতীর্থঃ কৃষ্ণ এব চ ।
শৃগালরূপঃ সর্বার্থো মুণ্ডঃ সর্বকমণ্ডলুঃ ॥ ১৬ ॥
অজশ্চ মৃগরূপশ্চ গন্ধচারী কপর্দিনঃ ।
ঊর্ধ্বরেতা উর্ধ্বলিঙ্গ উর্ধ্বশায়ী নভস্তলঃ ॥ ১৭ ॥
ত্রিজটশ্চৌরবাসী চ রুদ্রসেনাপতির্বিভুঃ ।
নক্তঞ্চরোতিতিগ্মশ্চ অহশ্চারী সুবর্চসঃ ॥ ১৮ ॥
গজহা দৈত্যহা চৈব লোকভ্রাতা গুণাকরঃ ।
সিংহশার্দূলরূপশ্চ আর্দ্রচর্মাংবরো বরঃ ॥ ১৯ ॥
কালয়োগী মহাকালঃ সর্ববাসাশ্চতুষ্পথ ।
নিশাচর প্রেতচারী ভূতচারী মহেশ্বরঃ ॥ ২০ ॥
বহুরূপো বহুধন সর্বাধারা মনোগতিঃ ।
নৃত্যপ্রিয়ো নৃত্যতৃপ্তো নৃত্যকঃ সর্বমালয়ঃ ॥ ২১ ॥
ধোষো মহাতপা ঈশো নিত্যো গিরিচরো নভঃ ।
সহস্রহস্তো বিজয়ো ব্যবসায়োহ্যনিন্দিতঃ ॥ ২২ ॥
অমর্ষণো মহামর্ষী ঈ য়শকামো মনোময়ঃ ।
দক্ষয়জ্ঞাপহারী চ সুখদো মধ্যমস্তথা ॥ ২৩ ॥
তেজোপহারী বলহা মুদিতোপ্যজিতো ভবঃ ।
দম্ভী দ্বেষী গম্ভীরো গম্ভীরবলবাহনঃ ॥ ২৪ ॥
ন্যগ্রোধরূপো ন্যগ্রোধো বৃক্ষকর্ত্তাস্গবৃদ্বিভুঃ ।
তীক্ষ্ণব্বাহুশ্চ হর্ষশ্চ সহায়ঃ সর্বকালবিত্ ॥ ২৫ ॥
বিষ্ণুপ্রসাদিতো য়জ্ঞঃ সমুদ্রো বডবামুখঃ ।
হুতাশন সহায়শ্চ প্রশান্তাত্মা হুতাশনঃ ॥ ২৬ ॥
উগ্রতেজা মহাতেজা জয়ো (জয়ো) বিজয় কালবিত্ ।
জ্যোতিষাময়নঃ সিদ্ধিঃ সন্ধিবিগ্রহ এব চ ॥ ২৭ ॥
শিখী দণ্ডী জটী জ্বালী মৃত্যুজিদ্দুর্ধরো বলী ।
বৈষ্ণবী পণবীতালী কালঃ কাটকটঙ্করঃ ॥ ২৮ ॥
নক্ষত্রবিগ্রহবিধির্গুণবৃদ্ধিলয়োগমঃ ।
প্রজাপতি দিশা বাহু বিভাগঃ সর্বতোমুখঃ ॥ ২৯ ॥
বৈরোচনো সুরগণো হিরণ্যকবচোদ্ধবঃ ।
অপ্রজ্যো বালচারী চ মহাচারী স্তুতস্তথা ॥ ৩০ ॥
সর্বতূর্য নিনাদী চ সর্বনাথ পরিগ্রহঃ ।
ব্যালরূপো বিলাবাসী হেমমালী তরঙ্গবিত্ ॥ ৩১ ॥
ত্রিদিশস্ত্রিদিশাবাসী সর্ববন্ধবিমোচনঃ ।
বন্ধনস্ত্বসুরেন্দ্রাণাং য়ুধি শত্রুবিনাশনঃ ॥ ৩২ ॥
সাক্ষাত্প্রসাদো দুর্বাসা সর্বসাধুনিষেবিতঃ ।
পুস্কন্দনো বিভাবশ্চ অতুল্যো য়জ্ঞভাগবিত্ ॥ ৩৩ ॥
সর্বচারী সর্ববাসো দুর্বাসা বাঙ্মনোভবঃ ।
হেমো হেমকরো য়জ্ঞঃ সর্ববীরো নরোত্তমঃ ॥ ৩৪ ॥
লোহিতাক্ষো মহোক্ষশ্চ বিজয়াখ্যো বিশারদঃ ।
সদ্গ্রহো বিগ্রহো কর্মা মোক্ষঃ সর্বনিবাসনঃ ॥ ৩৫ ॥
মুখ্যো মুক্তশ্চ দেহশ্চ দেহার্থঃ সর্বকামদঃ ।
সর্বকালপ্রসাদশ্চ সুবলো বলরূপধৃক্ ॥ ৩৬ ॥
আকাশনিধিরূপশ্চ নিষাদী উরগঃ খগঃ ।
রৌদ্ররূপী পাংসুরাদীঃ বসুরগ্নিঃ সুবর্চসী ॥ ৩৭ ॥
বসুবেগো মহাবেগো মহায়ক্ষো নিশাকরঃ ।
সর্বভাবপ্রিয়াবাসী উপদেশকরো হরঃ ॥ ৩৮ ॥
মনুরাত্মা পতির্লোকী সম্ভোজ্যশ্চ সহস্রশঃ ।
পক্ষী চ পক্ষিরূপী চ অতিদীপ্তো বিশাম্পতিঃ ॥ ৩৯ ॥
উন্মাদো মদনঃ কামোহ্যাস্যোর্থকরোয়শঃ ।
বামদেবশ্চ রামশ্চ প্রাগ্দক্ষিণশ্চ বামনঃ ॥ ৪০ ॥
সিদ্ধয়োগো মহর্ষিশ্চ সিদ্ধার্থঃ সিদ্ধিসাধকঃ ।
বিষ্ণুশ্চ ভিক্ষুরূপশ্চ বিষধ্নো মৃদুরব্যয়ঃ ॥ ৪১ ॥
মহাসেনো বিশাখশ্চ বৃষ্টিভোগো গবাং পতি ।
বজ্রহস্তশ্চ বিষ্কুম্ভী চ ভূস্তম্ভন এব চ ॥ ৪২ ॥
বৃত্তো বৃত্তকরঃ স্থণুর্মধুমধুকরো ধনঃ ।
বাচস্পত্যো বাজসেনো নিত্যমাশ্রমপূজিতঃ ॥ ৪৩ ॥
ব্রহ্মচারী লোকচারী সর্বচারী বিচারবিত্ ।
ঈশান ঈশ্বরঃ কালো নিশাচারী পিনাকধৃক্ ॥ ৪৪ ॥
নিমিত্তজ্ঞো (স্থো) নিমত্তশ্চ নন্দির্নাদকরো হরিঃ ।
নদীশ্বরশ্চ নন্দী চ নন্দিনো নন্দিবর্দ্ধনঃ ॥ ৪৫ ॥
ভগহারী নিহন্তা চ কালো ব্রহ্মা পিতামহঃ ।
চতুর্মুখো মহালিঙ্গশ্চতুর্লিঙ্গস্থৈব চ ॥ ৪৬ ॥
লিঙ্গাধ্যক্ষঃ সুরাধ্যক্ষো য়োগাধ্যক্ষো য়ুগাবহঃ ।
বীজাধ্যক্ষো বীজকর্ত্তা অধ্যাত্মানুগতো বলঃ ॥ ৪৭ ॥
ইতিহাসঃ সকল্পশ্চ গৌতমোথ নিশাকরঃ ।
দভোহ্যদভো বৈদম্ভো বশ্যো বশ্যকরঃ কলিঃ ॥ ৪৮ ॥
লোককর্তা পশুপতির্মহাকর্তা হ্যনৌষধঃ ।
অক্ষরং পরমং ব্রহ্ম বলটাচ্ছন্ন এব চ ॥ ৪৯ ॥
নীতির্হ্যনীতিঃ শুদ্ধাত্মা শুদ্ধো মান্যো গতাগতিঃ ।
বহুপ্রসাদ সুস্বপ্নো দর্পণোথত্বমিত্রজিত্ ॥ ৫০।
বেদকারো মন্ত্রকারো বিদ্বান্সমরমর্দনঃ ।
মহামোঘনিবাসী চ মহাঘোরো বশীকরঃ ॥ ৫১ ॥
অগ্নিজ্বালো মহাজ্বালো অতিধূম্রো হুতো হবিঃ ।
বৃষলঃ শঙ্করো নিত্যো বর্চসী ধূম্রলোচনঃ ॥ ৫২ ॥
নীলস্তথাঙ্গলুব্ধশ্চ শোভনো নিরবগ্রহঃ ।
স্বস্তিদঃ স্বস্তিভাবশ্চ ভোগী ভোগকরো লঘুঃ ॥ ৫৩ ॥
উত্সঙ্গশ্চ মহাঙ্গশ্চ মহাভোগো পরায়ণঃ ।
কৃষ্ণবর্ণঃ সুবর্ণশ্চ ইন্দ্রিয়ং সর্বদেহিনাম্ ॥ ৫৪ ॥
মহাপাদো মহাহস্তো মহাকায়ো মহায়শাঃ ।
মহামূর্দ্ধা মহামাত্রো মহানেত্রো নিশালয়ঃ ॥ ৫৫ ॥
মহান্তকো মহাকর্ণো মহোক্ষশ্চ মহাহনুঃ ।
মহাননো মহাকংবুর্মহাগ্রীবঃ শ্মশানভাক্ ॥ ৫৬ ॥
মহাবক্ষা মহোরস্কো হ্যন্তরামা মৃগালয়ঃ ।
লম্বিতো লম্বিতোষ্টশ্চ মহামায়া পয়োনিধি ॥ ৫৭ ॥
মহাদন্তো মহাদংষ্ট্রো মহাজিহ্বো মহামুখঃ ।
মহানখো মহারোমা মহাকেশো মহাজরঃ ॥ ৫৮ ॥
প্রসন্নশ্চ প্রসাদশ্চ প্রতয়ো য়োগিসাধনঃ ।
স্নেহনোতিশুভস্নেহঃ অজিতশ্চ মহামুনিঃ ॥ ৫৯ ॥
বৃক্ষকারো বৃক্ষকেতুঃ অনলো বায়ুবাহনঃ ।
মণ্ডলী ধামশ্চ দেবাধিপতিরেব চ ॥ ৬০ ॥
অথর্বশীর্ষঃ সামাস্যঃ ঋক্ সাহস্র মিতেক্ষণঃ ।
য়জুঃ পাদভুজাগুহ্যঃ প্রকাশো জঙ্গমস্তথা ॥ ৬১ ॥
অমোধার্থপ্রসাদশ্চ অতিগম্যঃ সুদর্শনঃ ।
উপকারপ্রিয়ঃ সর্বঃ কনকঃ কাঞ্চনস্থিতঃ ॥ ৬২ ॥
নাভির্নদিকরো ভাবঃ পুষ্করস্য পতিস্থিরঃ ।
দ্বাদশাস্ত্রমসশ্বাঘো য়জ্ঞো য়জ্ঞসমাহিতঃ ॥ ৬৩ ॥
নক্তং কলিশ্চ কালশ্চ ককারঃ কালপূজিতঃ ।
সবাণো গণকারশ্চ ভূতবাহনসারথিঃ ॥ ৬৪ ॥
ভস্মশায়ী ভস্মগোপ্তা ভস্মভূতস্তমোগুণঃ ।
লোকপালস্তথা লোকো মহাত্মা সর্বপূজিতঃ ॥ ৬৫ ॥
শুক্লস্ত্রিশুক্লসম্পন্নঃ শুচির্ভূতনিষেবিতঃ ।
আশ্রমস্থঃ ক্রিয়াবস্থো বিশ্বকর্মা মতির্বরঃ ॥ ৬৬ ॥
বিশালশাখস্তাম্রোষ্টোহ্যম্বুজালঃ সুনিশ্চলঃ ।
কপিলঃ কপিলঃ শুক্ল আয়ুশ্চৈব পরোবরঃ ॥ ৬৭ ॥
গন্ধর্বো হ্যদিতিস্তার্ক্ষ্যঃ সুবিজ্ঞেয়ঃ সুশারদঃ ।
পরশ্বধায়ুধো দেব অন্ধকারিঃ সুবান্ধবঃ ॥ ৬৮ ॥
তুম্ববীণো মহাক্রোধ ঊর্ধ্বংরেতা জলেশয়ঃ ।
উগ্রো বংশকরো দ্বংশো বংশনাদোহ্যনিন্দিতঃ ॥ ৬৯ ॥
সর্বাঙ্গরূপো মায়াবী সুহ্যদোহ্যনিলোনলঃ ।
বন্ধনো বন্ধকর্তা চ সুবধুরবিমোচনঃ ॥ ৭০ ॥
মেষজারিঃ সুকর্মারির্মহাদংষ্ট্রসমো য়ুধি ।
বহুস্বনির্মিতঃ সর্বঃ শঙ্করঃ শঙ্করো বরঃ ॥ ৭১ ॥
অমরেশো মহাদেবো বিশ্বদেবঃ সুরারিহা ।
নিসঙ্গশ্চাহির্বুধ্য্নশ্চাকিতাক্ষো হরিস্তথা ॥ ৭২ ॥
অজৈকপালপালীচ ত্রিশঙ্কুরজিতঃ শিবঃ ।
ধন্বতরির্ধূম্রকেতুঃ স্কন্দো বৈশ্রবণস্তথা ॥ ৭৩ ॥
ধাতা শক্রশ্চ বিশ্বশ্চ মিত্রস্ত্বষ্ঠাধ্রুবো বসুঃ ।
প্রভাবঃ সর্বগো বায়ুরর্যমাসবিতারথিঃ ॥ ৭৪ ॥
উগ্রদংষ্ট্রো বিধাতা চ মান্ধাতা ভূতভাবনঃ ।
রতিস্তীর্থশ্চ বাগ্মী চ সর্বকর্মগুণাবহ ॥ ৭৫ ॥।
পদ্মবক্রো মহাবক্রশ্চন্দ্রবক্রো মনোরমঃ ।
বলয়ান্যশ্চ শান্তশ্চ পুরাণঃ পুণ্যবর্চসঃ ॥ ৭৬ ॥
কুরুকর্তা কালরূপী কুরুভূতো মহেশ্বরঃ ।
শর্বো সর্বো দর্ভশায়ী সর্বেষাং প্রাণিনাং পতিঃ ॥ ৭৭ ॥
দেবদেব সুখাশক্তঃ সদসত্সংবররত্নবিত্ ।
কৈলাসশিখিরাবাসী হিমবদ্গিরিসংশ্রয়ঃ ॥ ৭৮ ॥
কূলহারী কূলকর্ত্তা বহুবীজো বহুপ্রদঃ ।
বনিজো বর্দ্ধনো দক্ষো নকুলশ্চদনশ্ছদঃ ॥ ৭৯ ॥
সারগ্রীবী মহাজন্তুরত্নকশ্চ মহৌষধিঃ ।
সিদ্ধার্থকারী সিদ্ধার্থঃ ছন্দো ব্যাকরণানি চ ॥ ৮০ ॥
সিংহনাদঃ সিংহদংষ্ট্রঃ সিংহগঃ সিংহবাহনঃ ।
প্রভাবাত্মা জরাস্তালোল্লোকাহিতান্তকঃ ॥ ৮১ ॥
সারগোঽসুখবক্রান্ত কেতুমালী স্বভাবতঃ ।
ভূতাশ্রয়ো ভূতপতিরহোরাত্রমনিন্দকঃ ॥ ৮২ ॥
আসনঃ সর্বভূতানাং নিলয়ঃ বিভুভৈরবঃ ।
অমোঘসর্বভূষাস্যো য়াজনঃ প্রাণহারকঃ ॥ ৮৩ ॥
ধৃতিমান্ জ্ঞাতিমান্ দক্ষঃ সত্কৃতশ্চ য়ুগাধিপঃ ।
গোপালো গোপতির্গোপ্তা গোশ্চবসনো হরঃ ॥ ৮৪ ॥
হিরণ্যবাহুশ্চ তথা গুহয়কালঃ প্রবেশকঃ ।
প্রতিষ্ঠায়াং মহাহর্ষোঞ্জিতকামো জিতেন্দ্রিয়ঃ ॥ ৮৫ ॥
গান্ধারশ্চ সুশীলশ্চ তপঃ কর্মরতির্ধনঃ ।
মহাগীতো মহাব্রহ্মার্হ্মক্ষরো গণসেবিতঃ ॥ ৮৬ ॥
মহাকেতুঃ কর্মধাতনৈকতানশ্চরাচরঃ ।
অবেদনীয় আবেশঃ সর্বগন্ধসুখাবহঃ ॥ ৮৭ ॥
তোরণাস্তরণো বায়ুঃ পরিধাবতি চৈতকঃ ।
সংয়োগো বর্দ্ধনো বৃদ্ধো মহাবৃদ্ধো গণাধিপঃ ॥ ৮৮ ॥
নিত্যো ধর্মসহায়শ্চ দেবাসুরপতিঃ পতিঃ ।
অমুক্তো মুস্তবাহুশ্চ দ্বিবিধশ্চ সুপর্বণঃ ॥ ৮৯ ॥
আষাঢশ্চ সুখাঢ্যশ্চ ধ্রুবো হরিহয়ো হরিঃ ।
বসুরাবর্ত্তনো নিত্যো বসুশ্রেষ্ঠো মহামদঃ ॥ ৯০ ॥
শিরোহারী চ বর্ষী চ সর্বলক্ষণভূষিতঃ ।
অক্ষরশ্চাক্ষয়ো য়োগী সর্বয়োগী মহাবলঃ ॥ ৯১ ॥
সমাম্নায়োঽসমাম্নায়স্তীর্থদেবো মহাদ্যুতিঃ ।
নির্বীজো জীবনো মন্ত্রো অনঘো বহুকর্কশঃ ॥ ৯২ ॥
রক্তপ্রভূতো রক্তাঙ্গো মহার্ণবনিনাদকৃত্ ।
মূলো বিশাখো য়মৃতোক্তয়ক্তোব্যঃ সনাতনঃ ॥ ৯৩ ॥
আরোহণো নিরংহশ্চ শৈলহারী মহাতপাঃ ।
সেনাকল্পো মহাকল্পো য়ুগো য়ুগঙ্করো হরিঃ ॥ ৯৪ ॥
য়ুগরূপো মহারূপো পবনো গহনো নগঃ ।
ন্যায়নির্বাপণো নাদঃ পণ্ডিতোহ্যচলোপমঃ ॥ ৯৫ ॥
বহুমালো মহামালঃ সুমালো বহুলোচনঃ ।
বিস্তারো লবণঃ ক্রূরঃ ঋতুমাসফলোদয়ঃ ॥ ৯৬ ॥
বৃষভো বৃষভাগাঙ্গো মণিবন্ধুর্জটাধরঃ ।
ইন্দ্রো বিসর্গঃ সুমুখঃ সুরঃ সর্বায়ুধঃ সহঃ ॥ ৯৭ ॥
নিবেশনঃ সুধন্বা চ পূগগন্ধো মহাহনুঃ ।
গন্ধমালী চ ভগবান্ সানন্দঃ সর্বকর্মণাম্ ॥ ৯৮ ॥
মাত্মনো বাহুলো বাহুঃ সকলঃ সর্বলোচনঃ ।
রুদ্রস্তালীকরস্তালী ঊর্ধ্বসংহতলোচনঃ ॥ ৯৯ ॥
ছত্রপদ্মঃ সুবিখ্যাতঃ সর্বলোকাশ্রয়ো মহান্ ।
মুণ্ডো বিরূপো বহুলো দণ্ডী মুণ্ডো বিকুণ্ডলঃ ॥ ১০০ ॥
হর্যক্ষঃ ককুভোক বজ্রী দীপ্তাবর্চঃ সহস্রপাত্ ।
সহস্রমূর্দ্ধা দেবেদ্রঃ সর্বভূতময়ো হরি ॥ ১০১ ॥
সহস্রবাহুঃ সর্বাঙ্গঃ শরণ্যঃ সর্বকর্মকৃত্ ।
পবিত্রঃ স্নিগ্ধয়ুর্মন্ত্রঃ কনিষ্ঠঃ কৃষ্ণপিঙ্গলঃ ॥ ১০২ ॥
ব্রহ্মদণ্ডবিনির্বাতঃ শরঘ্নঃ শরতাপধৃক্ ।
পদ্মগর্ভো মহাগর্ভো পদ্মগর্ভো জলোদ্ভব ॥ ১০৩ ॥
গভস্তির্ব্রহ্মকৃত্ ব্রহ্ম ব্রহ্মকৃদ্ ব্রাহ্মণো গতি ।
অনন্তরূপো নৈকাত্মা তগ্মতেজাত্মসম্ভবঃ ॥ ১০৪ ॥
ঊর্ধ্বগাত্মা পশুপতিঃ বীতুরঙ্গা মনোজবঃ ।
বন্দনী পদ্মমালী চ গুণজ্ঞো স্বগুণোত্তরঃ ॥ ১০৫ ॥
কর্ণিকারো মহাস্রগ্বী নীলমৌলী পিনাকধৃক্ ।
উমাপতিরুমাকান্তো জান্হবীহৃদয়ঙ্গমঃ ॥ ১০৬ ॥
বীরো বরাহো বরদো বরেশশ্চ মহামনা ।
মহাপ্রভাবস্ত্বনঘঃ শত্রুহা শ্বেতপিঙ্গলঃ ॥ ১০৭ ॥
প্রীতাত্মা প্রয়ত্তাত্মা চ সংয়তাত্মা প্রধানধৃক্ ।
সর্বপার্শ্বস্তুতস্তার্ক্ষ্যো ধর্মঃ সাধারণো বরঃ ॥ ১০৮ ॥
চরাচরাত্মা সূক্ষ্মাত্মা গোবৃষো গোবৃষেশ্চরঃ ।
সাধ্যর্ষির্বসুরাদিত্যো বিবস্বান্ সবিতা মৃগঃ ॥ ১০৯ ॥
ব্যাসঃ সর্বস্য সঙ্ক্ষেপো বিস্তারঃ পর্যয়োনয়ঃ ।
ঋতুঃ সংবত্সরো মাসঃ পক্ষঃ সঙ্খ্যা পরায়ণঃ ॥ ১১০ ॥
কলা কাষ্টা লয়ো মাত্রা মুহূর্তঃ পক্ষপাক্ষণঃ ।
বিশ্বক্ষেত্রং প্রজাবীজং লিঙ্গমাদ্যস্ত্বনিন্দিতঃ ॥ ১১১ ॥
সদ্ব্যবতমব্যক্ত পিতা মাতা পিতামহঃ ।
স্বর্গদ্বারং প্রজাদ্বারং মোক্ষদ্বারং ত্রিবিষ্টপম্ ॥ ১১২ ॥
নির্বাণং জ্ঞানদং চৈব ব্রহ্মলোক পরাগতিঃ ।
দেবাসুরগুরুর্দেবো দেবাসুরনমস্কৃতঃ ॥ ১১৩ ॥
দেবাসুরমহামাত্রো দেবাসুরসমাশ্রয় ।
দেবাসুরগণাধ্যক্ষো দেবাসুরগণাধিপঃ ॥ ১১৪ ॥
দেবাসুরেশ্বরো দেবো দেবাসুরমহেশ্বরঃ ।
সর্বদেবময়ো চিন্ত্যো দেবানামাত্মসম্ভবঃ ॥ ১১৫ ॥
উদ্ভিজ্জস্ত্রিক্রমো বৈদ্যো বিরাজো বরদো বরঃ ।
ঈজ্যো হস্তিমুখো ব্যাঘ্রী দেবসিংহো নরর্ষভঃ ॥ ১১৬ ॥
বিবুধাগ্রবরশ্রেষ্ঠঃ সর্বদেবোত্তমোত্তমঃ ।
গুরুঃ কান্তো নিজঃ সর্বঃ পবিত্রঃ সর্ববাহনঃ ॥ ১১৭ ॥
প্রয়ুক্তঃ শোভনো বজ্র ঈশানঃ প্রভুরব্যয়ঃ ।
ভৃগী ভৃঙ্গপ্রিয়ো বভ্রূ রাজরাজো নিরাময়ঃ ॥ ১১৮ ॥
অবিরামঃ সুশরণো বিরামঃ সর্বসাধনঃ ।
ললাটাক্ষো বিশ্বদেহো হারিণো ব্রহ্মবর্চসী ॥ ১১৯ ॥
স্থাবরাণাং পতিশ্চৈব নিয়মেন্দ্রিয়বর্দ্ধনঃ ।
সিদ্ধার্থঃ সর্বসিদ্ধার্থোনিত্যঃ সত্যব্রতঃ শুচিঃ ॥ ১২০ ॥
ব্রতাদির্যত্পরং ব্রহ্ম মুক্তানাং পরমাগতিঃ ।
বিমুক্তো দীর্ঘতেজাশ্চ শ্রীমান্ শ্রীবর্দ্ধনো জগত্ ॥ ১২১ ॥
য়থা প্রসাদো ভগবানিতি ভক্ত্যা স্তুতো ময়া ।
য়ন্ন ব্রহ্মাদয়ো দেবা বিদুর্যন্ন মহর্ষয়ঃ ॥ ১২২ ॥
তংস্তবীম্যহমাদ্যং চ কস্তোষ্যতি জগত্প্রভুম্ ।
ভক্তিশ্চৈব পুরস্কৃত্য ময়া য়জ্ঞপতির্বসুঃ ॥ ১২৩ ॥
ততোঽনুজ্ঞাপয়ামাসস্তুতো মতিমতাং গতিঃ ।
শিব এবং স্তুতো দেবৈঃ নামভিঃ পুষ্টিবর্দ্ধনৈঃ ॥ ১২৪ ॥
নিত্যয়ুক্তঃ শুচির্ভূত্বা প্রাপ্ন্যোত্যাত্মানমাত্মনঃ ।
এতদ্ধিপরমং ব্রহ্মা স্বয়ঙ্গীতং স্বয়ম্ভুবা ॥ ১২৫ ॥
ঋষয়শ্চৈব দেবাশ্চ স্তুবন্ত্যেতে নু তত্পরম্ ।
স্তূয়মানো মহাদেবঃ প্রীয়তে চাত্মনাপতিঃ ॥ ১২৬ ॥
ভক্তানুকম্পী ভগবানাত্মসংস্থান্ করোতি তান্ ।
তথৈব চ মনুষ্যেষু য়ত্র কুত্র প্রধানতঃ ॥ ১২৭ ॥
আস্তিকঃ শ্রদ্দধানশ্চ বহুভির্জন্মভিঃ স্তবৈঃ ।
জাগ্রতোথ স্বপতশ্চ ব্রজন্তো গতিসংস্থিতাঃ ॥ ১২৮ ॥
স্তুবন্তি স্তূয়মানে চ চতুষ্পথি রমন্তি চ ।
জন্মকোটিসহস্রেষু নানাসংসারয়োনিষু ॥ ১২৯ ॥
জন্তোর্বিশুদ্ধপাপস্য ভবে ভক্তিঃ প্রজায়তে ।
উত্পন্না চ ভবে ভক্তিরনন্যা সর্বভাবতঃ ॥ ১৩০ ॥
এতদ্দেবেষু দুঃপ্রাপো মানুষেষু ন লভ্যতে ।
নির্বিঘ্না নিশ্চলা ভদ্রে ভক্তিরব্যভিচারিণী ॥ ১৩১ ॥
তস্যৈব চ প্রসাদেন ভক্তিরুত্পদ্যতে নৃপ ।
য়য়া য়াতি পরাং সিদ্ধিং তদ্ভাগবতমানসঃ ॥ ১৩২ ॥
য়ে সর্বভাবোপহতাঃ পরত্বেনানুভাবিতাঃ ।
প্রপন্নবত্সলা দেবঃ সংসারাত্তান্ সমুদ্ধরেত্ ॥ ১৩৩ ॥
এবমন্যেপি কুর্বন্তি দেবাঃ সংসারমোচনম্ ।
মনুষ্যাণাং মহাদেবাদন্যত্রাপি তপোবলাত্ ॥ ১৩৪ ॥
ইতি তেনেদং কল্যায়ায় ভগবান্ সদসত্ পতিঃ ।
কৃত্তিবাসা ধুবং পূর্বং তাডিতা শুদ্ধবুদ্ধয়ঃ ॥ ১৩৫ ॥
স্তবমেনং ভগবতি ব্রহ্মো স্বয়মধারয়ত্ ।
ব্রহ্মা প্রোবাচ শক্রায় শক্রঃ প্রোবাচ মৃত্যবে ॥ ১৩৬ ॥
মৃত্যুঃ প্রোবাচ রুদ্রেভ্যো রুদ্রেভ্যস্তণ্ডিমাগয়ত্ ।
মহতা তপসা প্রাপ্তস্তণ্ডিনা ব্রহ্ম সম্মতিঃ ॥ ১৩৭ ॥
স্তণ্ডীঃ প্রোবাচ শুক্রায় গৌতমায়াহ ভার্গবঃ ।
বৈবস্বতায় ভগবান্ গৌতমঃ প্রাহ সাধবে ॥ ১৩৮ ॥
নারায়ণায় সাধ্যায় মনুরিষ্টায় ধীমতে ।
য়মায় প্রাহ ভগবান্ সাধ্যো নারায়ণোব্যয়ঃ ॥ ১৩৯ ॥
নাচিকেতায় ভগবানাহ বৈবস্বতো য়মঃ ।
মার্কণ্ডেয়ায় বার্ষ্ণেয় নাচিকেতাভ্যভাষত ॥ ১৪০ ॥
তথাপ্যহমমিত্রঘ্নস্তাবন্দ্ধাদ্য বিশ্রুতম্ ।
স্বর্গ্যমারোগয়মায়ুষ্যং ধন্যং বেদৈশ্চ সম্মিতম্ ॥ ১৪১ ॥
নাস্য বিঘ্নানি কুর্বন্তি দানবা য়ক্ষরাক্ষসাঃ ।
পিশাচা য়াতুধান্তাশ্চ গুহ্যকা ভুজগা অপি ॥ ১৪২ ॥
য় পঠেত্প্রয়তঃ প্রাতর্ব্রহ্মাচারী জিতেন্দ্রিয় ।
অভিন্নয়োগো বর্ষন্তু অশ্বমেধফলং লভেত্ ॥ ১৪৩ ॥
ইয়াকাশ ভৈরবতন্ত্রে হরিহরব্রহ্মবিরচিতে ।
শরভসহস্রনামস্তোত্রং সম্পূর্ণম্ ॥ ১৪৪ ॥
॥ ইতি আকাশভৈরবতন্ত্রে হরিহরবিরচিতম্
শ্রীশরভসহস্রনামস্তোত্রং সম্পূর্ণম্ ॥