॥ Shivakama Sundari Sahasranamastotram 2 Telugu Lyrics ॥
॥ శ్రీశివకామసున్దరీసహస్రనామస్తోత్రమ్ రుద్రయామలాన్తర్గతమ్ ॥
॥ పూర్వపీఠికా ॥
సమాహూయ పరం కాన్తం ఏకదా విజనే ముదా ।
పరమానన్దసన్దోహముదితం ప్రాహ పార్వతీ ॥ ౧ ॥
పార్వతీ ఉవాచ
శ్రీమన్నాథ మహానన్దకారణం బ్రూహి శఙ్కర ।
యోగీన్ద్రోపాస్య దేవేశ ప్రేమపూర్ణ సుధానిధే ॥ ౨ ॥
కృపాస్తి మయి చేత్ శమ్భో సుగోప్యమపి కథ్యతామ్ ।
శివకామేశ్వరీనామసాహస్రం వద మే ప్రభో ॥ ౩ ॥
శ్రీశఙ్కర ఉవాచ
నిర్భరానన్దసన్దోహః శక్తిభావేన జాయతే ।
లావణ్యసిన్ధుస్తన్నాపి సున్దరీ రసకన్ధరా ॥ ౪ ॥
తామేవానుక్షణం దేవి చిన్తయామి తతః శివే ।
తస్యా నామసహస్రాణి కథయామి తవ ప్రియే ॥ ౫ ॥
సుగోప్యాన్యపి రమ్భోరు గమ్భీరస్నేహవిభ్రమాత్ ।
తామేవ స్తువతా దేవీం ధ్యాయతోఽనుక్షణం మమ ।
సుఖసన్దోహసమ్భారభావనానన్దకారణమ్ ॥ ౬ ॥
అస్య శ్రీశివకామసున్దరీసహస్రనామ స్తోత్రమహామన్త్రస్య ।
సదాశివ ఋషిః అనుష్టుప్ ఛన్దః శ్రీమచ్ఛివకామసున్దరీ దేవతా ।
వాగ్భవస్వరూపం ఐం బీజమ్ । చిదానన్దాత్మకం హ్రీం శక్తిః ।
కామరాజాత్మకం క్లీం కీలకమ్ ।
శ్రీమచ్ఛివకామసున్దరీప్రసాదసిద్ధ్యర్థే జపే వినియోగః ॥
షోడశార్ణమూలేన న్యాసః ॥
షోడశార్ణధ్యానమేవ అత్రాపి ధ్యానమ్ ।
సిద్ధసిద్ధనవరత్నభూమికే కల్పవృక్షనవవాటిసంవృతే ।
రత్నసాలవనసమ్భృతేఽనిశం తత్ర వాపిశతకేన సంవృతే ॥ ౭ ॥
రత్నవాటిమణిమణ్డపేఽరుణే చపడభానుశతకోటిభాసురే ।
ఆదిశైవమణిమఞ్చకే పరే శఙ్కరాఙ్కమణిపీఠకోపరి ॥
కాదిహాన్తమనురూపిణీం శివాం సంస్మరేచ్చ శివకామసున్దరీమ్ ॥ ౮ ॥
లమిత్యాది పఞ్చపూజా ॥
శివకామేశ్వరీనామసాహస్రస్తోత్రముత్తమమ్ ।
ప్రోచ్యతే శ్రద్ధయా దేవి శృణుష్వావహితా ప్రియే ॥ ౯ ॥
కామేశీనామసాహస్రే సదాశివ ఋషిః స్మృతః ।
ఛన్దోఽనుష్టుప్ దేవతా చ శివకామేశ్వరీ స్మృతా ॥ ౧౦ ॥
ఐం బీజం కీలకం క్లీం చ హ్రీం శక్తిః కథితా ప్రియే ।
న్యాసధ్యానాదికం సర్వం షోడశార్ణవదీరితమ్ ॥ ౧౧ ॥
అనేన స్తోత్రరాజేన సర్వాభీష్టం లభేత నా ।
॥ అథ సహస్రనామస్తోత్రమ్ ॥
శ్రీశివా శివకామీ చ సున్దరీ భువనేశ్వరీ ।
ఆనన్దసిన్ధురానన్దానన్దమూర్తిర్వినోదినీ ॥ ౧ ॥
త్రైపురీ సున్దరీ ప్రేమపాథోనిధిరనుత్తమా ।
రామోల్లాసా పరా భూతిః విభూతిశ్శఙ్కరప్రియా ॥ ౨ ॥
శృఙ్గారమూర్తిర్విరతా రసానుభవరోచనా ।
పరమానన్దలహరీ రతిరఙ్గవతీ సతీ ॥ ౩ ॥
రఙ్గమాలానఙ్గకలాకేలిః కైవల్యదా కలా ।
రసకల్పా కల్పలతా కుతూహలవతీ గతిః ॥ ౪ ॥
వినోదదుగ్ధా సుస్నిగ్ధా ముగ్ధమూర్తినోహరా ।
బాలార్కకోటికిరణా చన్ద్రకోటిసుశీతలా ॥ ౫ ॥
స్రవత్పీయూషదిగ్ధాఙ్గీ సఙ్గీత నటికా శివా ।
కురఙ్గనయనా కాన్తా సుఖసన్తతిరిన్దిరా ॥ ౬ ॥
మఙ్గలా మధురాపాఙ్గా రఞ్జనీ రమణీ రతిః ।
రాజరాజేశ్వరీ రాజ్ఞీ మహేన్ద్రపరివన్దితా ॥ ౭ ॥
ప్రపఞ్చగతిరీశానీ సామరస్యపరాయణా ।
హంసోల్లాసా హంసగతిః శిఞ్జత్కనకనూపురా ॥ ౮ ॥
మేరుమన్దరవక్షోజా సృణిపాశవరాయుధా ।
శఙ్ఖకోదణ్డసస్తాబ్జపాణిద్వయవిరాజితా ॥ ౯ ॥
చన్ద్రబిమ్బాననా చారుమకుటోత్తంసచన్ద్రికా ।
సిన్దూరతిలకా చారుధమ్మిల్లామలమాలికా ॥ ౧౦ ॥
మన్దారదామముదితా రక్తపుష్పవిభూషితా ।
సువర్ణాభరణప్రీతా ముక్తాదామమనోహరా ॥ ౧౧ ॥
తామ్బూలపూరవదనా మదనానన్దమానసా ।
సుఖారాధ్యా తపస్సారా కృపావారిధిరీశ్వరీ ॥ ౧౨ ॥
వక్షఃస్థలలసన్మగ్నా ప్రభా మధురసోన్ముఖా ।
బిన్దునాదాత్మికా చారురసితా తుర్యరూపిణీ ॥ ౧౩ ॥
కమనీయాకృతిః ధన్యా శఙ్కరప్రీతిమఞ్జరీ ।
కన్యా కలావతీ మాతా గజేన్ద్రగమనా శుభా ॥ ౧౪ ॥
కుమారీ కరభోరు శ్రీః రూపలక్ష్మీః సురాజితా ।
సన్తోషసీమా సమ్పత్తిః శాతకుమ్భప్రియా ద్యుతిః ॥ ౧౫ ॥
పరిపూర్ణా జగద్ధాత్రీ విధాత్రీ బలవర్ధినీ ।
సార్వభౌమనృపశ్రీశ్చ సామ్రాజ్యగతిరాసికా ॥ ౧౬ ॥
సరోజాక్షీ దీర్ఘదృష్టిః సౌచక్షణవిచక్షణా ।
రఙ్గస్రవన్తీ రసికా ప్రధానరసరూపిణీ ॥ ౧౭ ॥
రససిన్ధుః సుగాత్రీ చ యువతిః మైథునోన్ముఖీ ।
నిరన్తరా రసాసక్తా శక్తిస్త్రిభువనాత్మికా ॥
కామాక్షీ కామనిష్ఠా చ కామేశీ భగమఙ్గలా ।
సుభగా భగినీ భోగ్యా భాగ్యదా భయదా భగా ।
భగలిఙ్గానన్దకలా భగమధ్యనివాసినీ ॥ ౧౯ ॥
భగరూపా భగమయీ భగయన్త్రా భగోత్తమా ।
యోనిర్జయా కామకలా కులామృతపరాయణా ॥ ౨౦ ॥
కులకుణ్డాలయా సూక్ష్మజీవస్ఫులిఙ్గరూపిణీ ।
మూలస్థితా కేలిరతా వలయాకృతిరీడితా ॥ ౨౧ ॥
సుషుమ్నా కమలానన్దా చిత్రా కూర్మగతిర్గిరిః ।
సితారుణా సిన్ధురూపా ప్రవేగా నిర్ధనీ క్షమా ॥ ౨౨ ॥
ధణ్టాకోటిరసారావా రవిబిమ్బోత్థితాద్భూతా ।
నాదాన్తలీనా సమ్పూర్ణా ప్రణవా బహురూపిణీ ॥ ౨౩ ॥
భృఙ్గారావా వశగతిః వాగీశీ మధురధ్వనిః ।
వర్ణమాలా సిద్ధికలా షట్చక్రక్రమవాసినీ ॥ ౨౪ ॥
మణిపూరస్థితా స్నిగ్ధా కూర్మచక్రపరాయణా ।
మూలకేలిరతా సాధ్వీ స్వాధిష్ఠాననివాసినీ ॥ ౨౫ ॥
అనాహతగతిర్దీపా శివానన్దమయద్యుతిః ।
విరుద్ధరుధా సమ్బుద్ధా జీవభోక్త్రీ స్థలీరతా ॥ ౨౬ ॥
ఆజ్ఞాచక్రోజ్జ్వలస్ఫారస్ఫురన్తీ నిర్గతద్విషా ।
చన్ద్రికా చన్ద్రకోటీశీ సూర్యకోటిప్రభామయీ ॥ ౨౭ ॥
పద్మరాగారుణచ్ఛాయా నిత్యాహ్లాదమయీప్రభా ।
మహాశూన్యాలయా చన్ద్రమణ్డలామృతనన్దితా ॥ ౨౮ ॥
కాన్తాఙ్గసఙ్గముదితా సుధామాధుర్యసమ్భృతా ।
మహాచన్ద్రస్మితాలిసా మృత్పాత్రస్థా సుధాద్యుతిః ॥ ౨౯ ॥
స్రవత్పీమూషసంసక్తా శశ్వత్కుణ్డాలయా భవా ।
శ్రేయో ద్యుతిః ప్రత్యగర్థా సేవా ఫలవతీ మహీ ॥ ౩౦ ॥
శివా శివప్రియా శైవా శఙ్కరీ శామ్భవీ విభుః ।
స్వయమ్భూ స్వప్రియా స్వీయా స్వకీయా జనమాతృకా ॥
సురామా స్వప్రియా శ్రేయః స్వాధికారాధినాయికా ।
మణ్డలా జననీ మాన్యా సర్వమఙ్గలసన్తతిః ॥ ౩౨ ॥
భద్రా భగవతీ భావ్యా కలితార్ధేన్దుభాసురా ।
కల్యాణలలితా కామ్యా కుకర్మకుమతిప్రదా ॥ ౩౩ ॥
కురఙ్గాక్షీ క్షీరనేత్రా క్షీరా మధురసోన్మదా ।
వారుణీపానముదితా మదిరాముదితా స్థిరా ॥ ౩౪ ॥
కాదమ్బరీపానరుచిః విపాశా పశుభావనా ।
ముదితా లలితాపాఙ్గా దరాన్దోలితదీర్ఘదృక్ ॥ ౩౫ ॥
దైత్యాకులానలశిఖా మనోరథసుధాద్యుతిః ।
సువాసినీ పీతగాత్రీ పీనశ్రోణిపయోధరా ॥ ౩౬ ॥
సుచారుకబరీ దధ్యుదధ్యుత్థిమౌక్తికా ।
బిమ్బాధరద్యుతిః ముగ్ధా ప్రవాలోత్తమదీధితిః ॥ ౩౭ ॥
తిలప్రసూననాసాగ్రా హేమమౌక్తికకోరకా ।
నిష్కలఙ్కేన్దువదనా బాలేన్దువదనోజ్వలా ॥ ౩౮ ॥
నృత్యన్త్యఞ్జననేత్రాన్తా ప్రస్ఫురత్కర్ణశష్కులీ ।
భాలచన్ద్రాతపోన్నద్ధా మణిసూర్యకిరీటినీ ॥ ౩౯ ॥
కచౌఘచమ్పకశ్రేణీ మాలినీదామమణ్డితా ।
హేమమాణిక్య తాటఙ్కా మణికాఞ్చన కుణ్డలా ॥ ౪౦ ॥
సుచారుచుబుకా కమ్బుకణ్ఠీ కుణ్డావలీ రమా ।
గఙ్గాతరఙ్గహారోర్మిః మత్తకోకిలనిస్వనా ॥ ౪౧ ॥
మృణాలవిలసద్బాహుపాశాకుశధనుర్ధరా ।
కేయూరకఙ్కణశ్రేణీ నానామణిమనోరమా ॥ ౪౨ ॥
తామ్రపఙ్కజపాణిశ్రీః నవరత్నప్రభావతీ ।
అఙ్గులీయమణిశ్రేణీ కాన్తిమఙ్గలసన్తతిః ॥ ౪౩ ॥
మన్దరద్వన్ద్వసుకుచా రోమరాజిభుజఙ్గికా ।
గమ్భీరనాభిస్త్రివలీభఙ్గురా క్షణిమధ్యమా ॥ ౪౪ ॥
రణత్కాఞ్చీగుణానద్ధా పట్టాంశుకనితమ్బికా ।
మేరుసన్ధినితమ్బాఢ్యా గజశుణ్డోరుయుగ్మయుక్ ॥ ౪౫ ॥
సుజానుర్మదనానన్దమయజఙ్ఘాద్వయాన్వితా ।
గూఢగుల్ఫా మఞ్జుశిఞ్జన్మణినూపురమణ్డితా ॥ ౪౬ ॥
పదద్వన్ద్వజితామ్భోజా నఖచన్ద్రావలీప్రభా ।
సుసీమప్రపదా రాజంహసమత్తేభమన్దగా ॥ ౪౭ ॥
యోగిధ్యేయపదద్వద్వా సౌన్దర్యామృతసారిణీ ।
లావపయసిన్ధుః సిన్దూరతిలకా కుటిలాలకా ॥ ౪౮ ॥
సాధుసీమన్తినీ సిద్ధబుద్ధవృన్దారకోదయా ।
బాలార్కకిరణశ్రేణిశోణశ్రీః ప్రేమకామధుక్ ॥ ౪౯ ॥
రసగమ్భీరసరసీ పద్మినీ రససారసా ।
ప్రసన్నాసన్నవరదా శారదా భువి భాగ్యదా ॥ ౫౦ ॥
నటరాజప్రియా విశ్వానాద్యా నర్తకనర్తకీ ।
చిత్రయన్త్రా చిత్రతన్త్రా చిత్రవిద్యావలీయతిః ॥ ౫౧ ॥
చిత్రకూటా త్రికూటా చ పన్ధకూటా చ పఞ్చమీ ।
చతుష్ట్కూటా శమ్భువిద్యా షట్కూటా విష్ణుపూజితా ॥ ౫౨ ॥
కూటషోడశసమ్పన్నా తురీయా పరమా కలా ।
షోడశీ మన్త్రయన్త్రాణాం ఈశ్వరీ మేరుమణ్డలా ॥ ౫౩ ॥
షోడశార్ణా త్రివర్ణా చ బిన్దునాదస్వరూపిణీ ।
వర్ణాతీతా వర్ణమతా శబ్దబ్రహ్మమయీ సుఖా ॥ ౫౪ ॥
సుఖజ్యోత్స్నానన్దవిద్యుదన్తరాకాశదేవతా ।
చైతన్యా విధికూటాత్మా కామేశీ స్వప్నదర్శనా ॥ ౫౫ ॥
స్వప్నరూపా బోధకరీ జాగ్రతీ జాగరాశ్రయా ।
స్వప్నాశ్రయా సుషుప్తిస్థా తన్త్రమూర్తిశ్చ మాధవీ ॥ ౫౬ ॥
లోపాముద్రా కామరాజ్ఞీ మాధవీ మిత్రరూపిణీ ।
శాఙ్కరీ నన్దివిద్యా చ భాస్వన్మణ్డలమధ్యగా ॥ ౫౭ ॥
మాహేన్ద్రస్వర్గసమ్పత్తిః దూర్వాసస్సేవితా శ్రుతిః ।
సాధకేన్ద్రగతిస్సాధ్వీ సులిప్తా సిద్ధికన్ధరా ॥ ౫౮ ॥
పురత్రయేశీ పురకృత్ షష్ఠీ చ పరదేవతా ।
విఘ్నదూరీ భూరిగుణా పుష్టిః పూజితకామధుక్ ॥ ౫౯ ॥
హేరమ్బమాతా గణపా గుహామ్బాఽఽర్యా నితమ్బినీ ।
ఏషా సీమన్తినీ మోక్షదక్షా దీక్షితమాతృకా ॥ ౬౦ ॥
సాధకామ్బా సిద్ధమాతా సాధకేన్ద్రమనోరమా ।
యౌవనోన్మాదినీ తుఙ్గస్తనీ సుశ్రోణిమణ్డితా ॥ ౬౧ ॥
పద్మరక్తోత్పలవతీ రక్తమాల్యానులేపనా ।
రక్తమాల్యరుచిర్దక్షా శిఖణ్డిన్యతిసున్దరీ ॥ ౬౨ ॥
శిఖణ్డినృత్యసన్తుష్టా శిఖణ్డికులపాలినీ ।
వసున్ధరా చ సురభిః కమనీయతనుశ్శుభా ॥ ౬౩ ॥
నన్దినీ త్రీక్షణవతీ వసిష్ఠాలయదేవతా ।
గోలకేశీ చ లోకేన్ద్రా నృలోకపరిపాలికా ॥ ౬౪ ॥
హవిర్ధాత్రీ దేవమాతా వృన్దారకపరాత్మయుక్ ।
రుద్రమాతా రుద్రపత్నీ మదోద్గారభరా క్షితిః ॥ ౬౫ ॥
దక్షిణా యజ్ఞసమ్పత్తిః స్వబలా ధీరనన్దితా ।
క్షీరపూర్ణార్ణవగతిః సుధాయోనిః సులోచనా ॥ ౬౬ ॥
రమా తుఙ్గా సదాసేవ్యా సురసఙ్ఘదయా ఉమా ।
సుచరిత్రా చిత్రవరా సుస్తనీ వత్సవత్సలా ॥ ౬౭ ॥
రజస్వలా రజోయుక్తా రఞ్జితా రఙ్గమాలికా ।
రక్తప్రియా సురక్తా చ రతిరఙ్గస్వరూపిణీ ॥ ౬౮ ॥
రజశ్శుక్లాక్షికా నిష్ఠా ఋతుస్నాతా రతిప్రియా ।
భావ్యభావ్యా కామకేలిః స్మరభూః స్మరజీవికా ॥ ౬౯ ॥
సమాధికుసుమానన్దా స్వయమ్భుకుసుమప్రియా ।
స్వయమ్భుప్రేమసన్తుష్టా స్వయమ్భూనిన్దకాన్తకా ॥ ౭౦ ॥
స్వయమ్భుస్థా శక్తిపుటా రవిః సర్వస్వపేటికా ।
అత్యన్తరసికా దూతిః విదగ్ధా ప్రీతిపూజితా ॥ ౭౧ ॥
తూలికాయన్త్రనిలయా యోగపీఠనివాసినీ ।
సులక్షణా దృశ్యరూపా సర్వ లక్షణలక్షితా ॥ ౭౨ ॥
నానాలఙ్కారసుభగా పఞ్చకామశరార్చితా ।
ఊర్ధ్వత్రికోణయన్త్రస్థా బాలా కామేశ్వరీ తథా ॥ ౭౩ ॥
గుణాధ్యక్షా కులాధ్యక్షా లక్ష్మీశ్చైవ సరస్వతీ ।
వసన్తమదనోత్తుఙ్గ స్తనీ కుచభరోన్నతా ॥ ౭౪ ॥
కలాధరముఖీ మూర్ధపాథోధిశ్చ కలావతీ ।
దక్షపాదాదిశీర్షాన్తషోడశస్వరసంయుతా ॥ ౭౫ ॥
శ్రద్ధా పూర్తిః రతిశ్చైవ భూతిః కాన్తిర్మనోరమా ।
విమలా యోగినీ ఘోరా మదనోన్మాదినీ మదా ॥ ౭౬ ॥
మోదినీ దీపినీ చైవ శోషిణీ చ వశఙ్కరీ ।
రజన్యన్తా కామకలా లసత్కమలధారిణీ ॥ ౭౭ ॥
వామమూర్ధాదిపాదాన్తషోడశస్వరసంయుతా ।
పూషరూపా సుమనసాం సేవ్యా ప్రీతిః ద్యుతిస్తథా ॥ ౭౮ ॥
ఋద్ధిః సౌదామినీ చిచ్చ హంసమాలావృతా తథా ।
శశినీ చైవ చ స్వస్థా సమ్పూర్ణమణ్డలోదయా ॥ ౭౯ ॥
పుష్టిశ్చామృతపూర్ణా చ భగమాలాస్వరూపిణీ ।
భగయన్త్రాశ్రయా శమ్భురూపా సంయోగయోగినీ ॥ ౮౦ ॥
ద్రావిణీ బీజరూపా చ హ్యక్షుబ్ధా సాధకప్రియా ।
రజః పీఠమయీ నాద్యా సుఖదా వాఞ్ఛితప్రదా ॥ ౮౧ ॥
రజస్సవిత్ రజశ్శక్తిః శుక్లబిన్దుస్వరూపిణీ ।
సర్వసాక్షీ సామరస్యా శివశక్తిమయీ ప్రభా ॥ ౮౨ ॥
సంయోగానన్దనిలయా సంయోగప్రీతిమాతృకా ।
సంయోగకుసుమానన్దా సంయోగయోగపద్ధతిః ॥ ౮౩ ॥
సంయోగసుఖదావస్థా చిదానన్దార్ధ్యసేవితా ।
అర్ఘ్యపూజ్యా చ సమ్పత్తిః అర్ధ్యదాభిన్నరూపిణీ ॥ ౮౪ ॥
సామరస్యపరా ప్రీతా ప్రియసఙ్గమరఙ్గిణీ ।
జ్ఞానదూతీ జ్ఞానగమ్యా జ్ఞానయోనిశ్శివాలయా ॥ ౮౫ ॥
చిత్కలా సత్కలా జ్ఞానకలా సంవిత్కలాత్మికా ।
కలాచతుష్టయీ పద్మవాసినీ సూక్ష్మరూపిణీ ॥ ౮౬ ॥
హంసకేలిస్థలస్వస్థా హంసద్వయవికాసినీ ।
విరాగితా మోక్షకలా పరమాత్మకలావతీ ॥ ౮౭ ॥
విద్యాకలాన్తరాత్మస్థా చతుష్టయకలావతీ ।
విద్యాసన్తోషణా తృప్తి పరబ్రహ్మప్రకాశినీ ॥ ౮౮ ॥
పరమాత్మపరా వస్తులీనా శక్తిచతుష్టయీ ।
శాన్తిర్బోధకలా వ్యాప్తిః పరజ్ఞానాత్మికా కలా ॥ ౮౯ ॥
పశ్యన్తీ పరమాత్మస్థా చాన్తరాత్మకలా శివా ।
మధ్యమా వైఖరీ చాత్మ కలాఽఽనన్దకలావతీ ॥ ౯౦ ॥
తరుణీ తారకా తారా శివలిఙ్గాలయాత్మవిత్ ।
పరస్పరస్వభావా చ బ్రహ్మజ్ఞానవినోదినీ ॥ ౯౧ ॥
రామోల్లాసా చ దుర్ధర్షా పరమార్ఘ్యప్రియా రమా ।
జాత్యాదిరహితా యోగిన్యానన్దమాత్రపద్ధతిః ॥ ౯౨ ॥
కాన్తా శాన్తా దాన్తయాతిః కలితా హోమపద్ధతిః ।
దివ్యభావప్రదా దివ్యా వీరసూర్వీరభావదా ॥ ౯౩ ॥
పశుదేహా వీరగతిః వీరహంసమనోదయా ।
మూర్ధాభిషిక్తా రాజశ్రీః క్షత్రియోత్తమమాతృకా ॥ ౯౪ ॥
శస్త్రాస్త్రకుశలా శోభా రథస్థా యుద్ధజీవికా ।
అశ్వారూఢా గజారూఢా భూతోక్తిః సురసుశ్రయా ॥ ౯౫ ॥
రాజనీతిశ్శాన్తికర్త్రీ చతురఙ్గబలాశ్రయా ।
పోషిణీ శరణా పద్మపాలికా జయపాలికా ॥ ౯౬ ॥
విజయా యోగినీ యాత్రా పరసైన్యవిమర్దినీ ।
పూర్ణవిత్తా విత్తగమ్యా విత్తసఞ్చయ శాలినీ ॥ ౯౭ ॥
మహేశీ రాజ్యభోగా చ గణికాగణభోగభృత్ ।
ఉకారిణీ రమా యోగ్యా మన్దసేవ్యా పదాత్మికా ॥
సైన్యశ్రేణీ శౌర్యరతా పతాకాధ్వజమాలినీ ।
సుచ్ఛత్ర చామరశ్రేణిః యువరాజవివర్ధినీ ॥ ౯౯ ॥
పూజా సర్వస్వసమ్భారా పూజాపాలనలాలసా ।
పూజాభిపూజనీయా చ రాజకార్యపరాయణా ॥ ౧౦౦ ॥
బ్రహ్మక్షత్రమయీ సోమసూర్యవహ్నిస్వరూపిణీ ।
పౌరోహిత్యప్రియా సాధ్వీ బ్రహ్మాణీ యన్త్రసన్తతిః ॥
సోమపానజనాప్రీతా యోజనాధ్వగతిక్షమా ।
ప్రీతిగ్రహా పరా దాత్రీ శ్రేష్ఠజాతిః సతాఙ్గతిః ॥ ౧౦౨ ॥
గాయత్రీ వేదవిద్ధ్యేయా దీక్షా సన్తోషతర్పణా ।
రత్నదీధితివిద్యుత్సహసనా వైశ్యజీవికా ॥ ౧౦౩ ॥
కృషిర్వాణిజ్యభూతిశ్చ వృద్ధిదా వృద్ధసేవితా ।
తులాధారా స్వప్నకామా మానోన్మానపరాయణా ॥ ౧౦౪ ॥
శ్రద్ధా విప్రగతిః కర్మకరీ కౌతుకపూజితా ।
నానాభిచారచతురా వారస్త్రీశ్రీః కలామయీ ॥
సుకర్ణధారా నౌపారా సర్వాశా రతిమోహినీ ।
దుర్గా విన్ధ్యవనస్థా చ కాలదర్పనిషూదినీ ॥
భూమారశమనీ కృష్ణా రక్షోరాక్షససాహసా ।
వివిధోత్పాతశమనీ సమయా సురసేవితా ॥ ౧౦౭ ॥
పఞ్చావయవవాక్యశ్రీః ప్రపఞ్చోద్యానచన్ద్రికా ।
సిద్ధిసన్దోహసంసిద్ధయోగినీవృన్దసేవితా ॥ ౧౦౮ ॥
నిత్యా షోడశికారూపా కామేశీ భగమాలినీ ।
నిత్యక్లిన్నా నిరాధారా వహ్నిమణ్డలవాసినీ ॥ ౧౦౯ ॥
మహావజ్రేశ్వరీ నిత్యశివదూతీతి విశ్రుతా ।
త్వరితా ప్రథితా ఖ్యాతా విఖ్యాతా కులసున్దరీ ॥ ౧౧౦ ॥
నిత్యా నీలపతాకా చ విజయా సర్వమఙ్గలా ।
జ్వాలామాలా విచిత్రా చ మహాత్రిపురసున్దరీ ॥ ౧౧౧ ॥
గురువృన్దా పరగురుః ప్రకాశానన్దదాయినీ ।
శివానన్దా నాదరూపా శక్రానన్దస్వరూపిణీ ॥ ౧౧౨ ॥
దేవ్యానన్దా నాదమయీ కౌలేశానన్దనాథినీ ।
శుక్లదేవ్యానన్దనాథా కులేశానన్దదాయినీ ॥ ౧౧౩ ॥
దివ్యౌఘసేవితా దివ్యభోగదానపరాయణా ।
క్రీడానన్దా క్రీడమానా సమయానన్దదాయినీ ॥ ౧౧౪ ॥
వేదానన్దా పార్వతీ చ సహజానన్దదాయినీ ।
సిద్ధౌఘగురురూపా చాప్యపరా గురురూపిణీ ॥ ౧౧౫ ॥
గగనానన్దనాథా చ విశ్వాద్యానన్దదాయినీ ।
విమలానన్దనాథా చ మదనానన్దదాయినీ ॥ ౧౧౬ ॥
భువనానన్దనాథా చ లీలోద్యానప్రియా గతిః ।
స్వాత్మాన్దవినోదా చ ప్రియాద్యానన్దనాథినీ ॥ ౧౧౭ ॥
మానవాద్యా గురుశ్రేష్ఠా పరమేష్ఠి గురుప్రభా ।
పరమాద్యా గురుశ్శక్తిః కిర్తనప్రియా ॥ ౧౧౮ ॥
త్రైలోక్యమోహనాఖ్యా చ సర్వాశాపరిపూరకా ।
సర్వసఙ్క్షోభిణీ పూర్వామ్నాయా చక్రత్రయాలయా ॥ ౧౧౯ ॥
సర్వసౌభాగ్యదాత్రీ చ సర్వార్థసాధకప్రియా ।
సర్వరక్షాకరీ సాధుర్దక్షిణామ్నాయదేవతా ॥ ౧౨౦ ॥
మధ్యచక్రైకనిలయా పశ్చిమామ్నాయదేవతా ।
నవచక్రకృతావాసా కౌబేరామ్నాయదేవతా ॥ ౧౨౧ ॥
బిన్దుచక్రకృతాయాసా మధ్యసింహాసనేశ్వరీ ।
శ్రీవిద్యా నవదుర్గా చ మహిషాసురమర్దినీ ॥ ౧౨౨ ॥
సర్వసామ్రాజ్యలక్ష్మీశ్చ అష్టలక్ష్మీశ్చ సంశ్రుతా ।
శైలేన్ద్రతనయా జ్యోతిః నిష్కలా శామ్భవీ ఉమా ॥ ౧౨౩ ॥
అజపా మాతృకా చేతి శుక్లవర్ణా షడాననా ।
పారిజాతేశ్వరీ చైవ త్రికూటా పఞ్చబాణదా ॥ ౧౧౪ ॥
పఞ్చకల్పలతా చైవ త్ర్యక్షరీ మూలపీఠికా ।
సుధాశ్రీరమృతేశానీ హ్యన్నపూర్ణా చ కామధుక్ ॥ ౧౨౫ ॥
పాశహస్తా సిద్ధలక్ష్మీః మాతఙ్గీ భువనేశ్వరీ ।
వారాహీ నవరత్నానామీశ్వరీ చ ప్రకీర్తిదా ॥ ౧౨౬ ॥
పరం జ్యోతిః కోశరూపా సైన్ధవీ శివదర్శనా ।
పరాపరా స్వామినీ చ శాక్తదర్శనవిశ్రుతా ॥ ౧౨౭ ॥
బ్రహ్మదర్శనరూపా చ శివదర్శనరూపిణీ ।
విష్ణుదర్శనరూపా చ స్రష్టౄదర్శనరూపిణీ ॥ ౧౨౮ ॥
సౌరదర్శనరూపా చ స్థితిచక్రకృతాశ్రయా ।
బౌద్ధదర్శనరూపా చ తురీయా బహురూపిణీ ॥ ౧౨౯ ॥
తత్వముద్రాస్వరూపా చ ప్రసన్నా జ్ఞానమాతృకా ।
సర్వోపచారసన్తుష్టా హృన్మయీ శీర్షదేవతా ॥ ౧౩౦ ॥
శిఖాస్థితా వర్మమయీ నేత్రత్రయవిలాసినీ ।
అస్త్రస్థా చతురస్రస్థా ద్వారస్థా ద్వారదేవతా ॥ ౧౩౧ ॥
అణిమా పశ్చిమస్థా చ దక్షిణద్వారదేవతా ।
వశిత్వా వాయుకోణస్థా ప్రాకామ్యేశానదేవతా ॥ ౧౩౨ ॥
మహిమాపూర్వనాథా చ లఘిమోత్తరదేవతా ।
అగ్నికోణస్థగరిమా ప్రాప్తిర్నైఋతివాసినీ ॥ ౧౩౩ ॥
ఈశిత్వసిద్ధిసురథా సర్వకామోర్ధ్వవాసినీ ।
బ్రాహ్మీ మాహేశ్వరీ చైవ కౌమారీ వైష్ణవీ తథా ॥ ౧౩౪ ॥
వారాహ్యైన్ద్రీ చ చాముణ్డా వామా జ్యేష్ఠా సరస్వతీ ।
క్షోభిణీ ద్రావిణీ రౌద్రీ కాల్యున్మాదనకారిణీ ॥ ౧౩౫ ॥
ఖేచరా కాలకరణీ చ బలానాం వికరణీ తథా ।
మనోన్మనీ సర్వభూతదమనీ సర్వసిద్ధిదా ॥ ౧౩౬ ॥
బలప్రమథినీ శక్తిః బుద్ధ్యాకర్షణరూపిణీ ।
అహఙ్కారాకర్షిణీ చ శబ్దాకర్షణరూపిణీ ॥ ౧౩౭ ॥
స్పర్శాకర్షణరూపా చ రూపాకర్షణరూపిణీ ।
రసాకర్షణరూపా చ ప్లధాకర్షణరూపిణీ ॥ ౧౩౮ ॥
చిత్రాకర్షణరూపా చ ధైర్యాకర్షణరూపిణీ ।
స్మృత్యాకర్షణరూపా చ నామాకర్షణస్త్వపిణీ ॥ ౧౩౯ ॥
బీజాకర్షణరూపా చ హ్యాత్మాకర్షణరూపిణీ ।
అమృతాకర్షిణీ చైవ శరీరాకర్షణీ తథా ॥ ౧౪౦ ॥
షోడశస్వరసమ్పన్నా స్రవత్పీయూషమణ్డితా ।
త్రిపురేశీ సిద్ధిదాత్రీ కలాదర్శనవాసినీ ॥ ౧౪౧ ॥
సర్వసఙ్క్షోభచక్రేశీ శక్తిర్గుహ్యతరాభిధా ।
అనఙ్గకుసుమాశక్తిః తథైవానఙ్గమేఖలా ॥ ౧౪౨ ॥
అనఙ్గమదనాఽనఙ్గమదనాతురరూపిణీ ।
అనఙ్గరేఖా చానఙ్గవేగానఙ్గాకుశాభిధా ॥ ౧౪౩ ॥
అనఙ్గమాలినీ చైవ హ్యష్టవర్గాధిగామినీ ।
వస్వష్టకకృతావాసా శ్రీమత్త్రిపురసున్దరీ ॥ ౧౪౪ ॥
సర్వసామ్రాజ్యసుభగా సర్వభాగ్యప్రదేశ్వరీ ।
సమ్ప్రదాయేశ్వరీ సర్వసఙ్క్షోభణకరీ తథా ॥ ౧౪౫ ॥
సర్వవిద్రావణీ సర్వాకర్షిణీరూపకారిణీ ।
సర్వాహ్లాదనశక్తిశ్చ సర్వసమ్మోహినీ తథా ॥ ౧౪౬ ॥
సర్వస్తమ్భనశక్తిశ్చ సర్వజృమ్భణకారిణీ ।
సర్వవశ్యకశక్తిశ్చ తథా సర్వానురఞ్జనీ ॥ ౧౪౭ ॥
సర్వోన్మాదనశక్తిశ్చ తథా సర్వార్థసాధికా ।
సర్వసమ్పత్తిదా చైవ సర్వమాతృమయీ తథా ॥ ౧౪౮ ॥
సర్వద్వన్ద్వక్షయకరీ సిద్ధిస్త్రిపురవసినీ ।
చతుర్దశారచక్రేశీ కులయోగసమన్వయా ॥ ౧౪౯ ॥
సర్వసిద్ధిప్రదా చైవ సర్వసమ్పత్ప్రదా తథా ।
సర్వప్రియకరీ చైవ సర్వమఙ్గలకారిణీ ॥ ౧౫౦ ॥
సర్వకామప్రపూర్ణా చ సర్వదుఃఖవిమోచినీ ।
సర్వమృత్యుప్రశమనీ సర్వ విఘ్నవినాశినీ ॥ ౧౫౧ ॥
సర్వాఙ్గసున్దరీ చైవ సర్వసౌభాగ్యదాయినీ ।
త్రిపురా శ్రీశ్చ సర్వార్థసాధికా దశకోణగా ॥ ౧౫ ॥
సర్వరక్షాకరీ చైవ ఈశ్వరీ యోగినీ తథా ।
సర్వజ్ఞా సర్వశక్తిశ్చ సర్వైశ్వర్యప్రదా తథా ॥ ౧౫౩ ॥
సర్వజ్ఞానమయీ చైవ సర్వవ్యాధివినాశినీ ।
సర్వాధారస్వరూపా చ సర్వపాపహరా తథా ॥ ౧౫౪ ॥
సర్వానన్దమయీ చైవ సర్వరక్షాస్వరూపిణీ ।
తథైవ చ మహాశక్తిః సర్వేప్సితఫలప్రదా ॥ ౧౫౫ ॥
అన్తర్దశారచక్రస్థా తథా త్రిపురమాలినీ ।
సర్వరోగహరా చైవ రహస్యయోగినీ తథా ॥ ౧౫౬ ॥
వాగ్దేవీ వశినీ చైవ తథా కామేశ్వరీ తథా ।
మోదినీ విమలా చైవ హ్యరుణా జయినీ తథా ॥ ౧౫ ॥
శివకామప్రదా దేవీ శివకామస్య సున్దరీ ।
లలితా లలితాధ్యానఫలదా శుభకారిణీ ॥ ౧౫ ॥
సర్వేశ్వరీ కౌలినీ చ వసువంశాభివర్ద్ధినీ ।
సర్వకామప్రదా చైవ పరాపరరహస్యవిత్ ॥ ౧౫౯ ॥
త్రికోణచతురశ్రస్థ కామేశ్వర్యాయుధాత్మికా ।
కామేశ్వరీబాణరూపా కామేశీ చాపరూపిణీ ॥ ౧౬౦ ॥
కామేశీ పాశహస్తా చ కామేశ్యఙ్కుశరూపిణీ ।
కామేశ్వరీ రుద్రశక్తిః అగ్నిచక్రకృతాలయా ॥ ౧౬౧ ॥
కామాభిన్త్రా కామదోగ్ధ్రీ కామదా చ త్రికోణగా ।
దక్షకోణేశ్వరీ విష్ణుశక్తిర్జాలన్ధరాలయా ॥ ౧౬౨ ॥
సూర్యచక్రాలయా వామకోణగా సోమచక్రగా ।
భగమాలా బృహచ్ఛక్తి పూర్ణా పూర్వాస్రరాగిణీ ॥ ౧౬౩ ॥
శ్రీమత్త్రికోణభువనా త్రిపురాఖ్యా మహేశ్వరీ ।
సర్వానన్దమయీశానీ బిన్దుగాతిరహస్యగా ॥ ౧౬౪ ॥
పరబ్రహ్మస్వరూపా చ మహాత్రిపురసున్దరీ ।
సర్వచక్రాన్తరస్థా చ సర్వచక్రాధిదేవతా ॥ ౧౬౫ ॥
సర్వచక్రేశ్వరీ సర్వమన్త్రాణామీశ్వరీ తథా ।
సర్వవిద్యేశ్వరీ చైవ సర్వవాగీశ్వరీ తథా ॥ ౧౬౬ ॥
సర్వయోగేశ్వరీ సర్వపీఠేశ్వర్యఖిలేశ్వరీ ।
సర్వకామేశ్వరీ సర్వతత్వేశ్వర్యాగమేశ్వరీ ॥ ౧౬౭ ॥
శక్తిః శక్తిభృదుల్లాసా నిర్ద్వన్ద్వాద్వైతగర్భిణీ ।
నిష్ప్రపఞ్చా ప్రపఞ్చాభా మహామాయా ప్రపఞ్చసూః ॥ ౧౬౮ ॥
సర్వవిశ్వోత్పత్తిధాత్రీ పరమానన్దకారణా ।
లావణ్యసిన్ధులహరీ సున్దరీతోషమన్దిరా ॥ ౧౬౯ ॥
శివకామసున్దరీ దేవీ సర్వమఙ్గలదాయినీ ।
ఇతినామ్నాం సహస్రం చ గదితం ఇష్టదాయకమ్ ॥ ౧౭౦ ॥
॥ ఉత్తరపీతికా ॥
సహస్రనామ మన్త్రాణాం సారమాకృష్య పార్వతి ।
రచితం హి మయా చైతత్ సిద్ధిదం పరమోక్షదమ్ ॥ ౧ ॥
అనేన స్తువతో నిత్యం అర్ధరాత్రే నిశాముఖే ।
ప్రాతః కాలే చ పూజాయాం పఠనం సర్వకామదమ్ ॥ ౨ ॥
సర్వసామ్రాజ్యసుఖదా సున్దరీ పరితుష్యతి ।
రత్నాని వివిధాన్యస్య విత్తాని ప్రచురాణి చ ॥ ౩ ॥
మనోరథరథస్థాని దదాతి పరమేశ్వరీ ।
పుత్రపౌత్రాశ్చ వర్ధన్తే సన్తతిస్సార్వకాలికా ॥ ౪ ॥
శత్రవస్తస్య నశ్యన్తి వర్ధన్తే చ బలాని చ ।
వ్యాధయస్తస్య నశ్యన్తి లభతే చౌషధాని చ ॥ ౫ ॥
మన్దిరాణి విచిత్రాణి రాజన్తే తస్య సర్వదా ।
కృషిః ఫలవతీ తస్య భూమిః కామాఖిలప్రదా ॥ ౬ ॥
స్థిరం జనపదం తస్య రాజ్యం తస్య నిరఙ్గుశమ్ ।
మాతఙ్గాస్తురగాస్తుఙ్గాః సిఞ్చిన్తో మదవారిభిః ॥ ౭ ॥
సైనికాశ్చ విరాజన్తే తుష్టాః పుష్టాస్తురఙ్గమాః ।
పూజాః శశ్వత్ వివర్ధన్తే నిర్వివాదాశ్చ మన్త్రిణః ॥ ౮ ॥
జ్ఞాతయస్తస్య తుష్యన్తి బాన్ధవాః విగతజ్వరాః ।
భృత్యాస్తస్య వశే నిత్యం వర్తన్తేఽస్య మనోనుగాః ॥ ౯ ॥
గద్యపద్యమయీ వాణీ వాక్త్వాతుర్యసుసమ్భృతా ।
సమగ్ర సుఖసమ్పత్తి శాలినీ లాస్యమాలినీ ॥ ౧౦ ॥
నానాపదమయీ వాణీ తస్య గఙ్గాప్రవాహవత్ ।
అదృష్టాన్యపి చ శాస్త్రాణి ప్రకాశన్తే నిరన్తరమ్ ॥ ౧౧ ॥
నిగ్రహః పరవాక్యానాం సభాయాం తస్య జాయతే ।
స్తువన్తి కృతినస్తం వై రాజానో దాసవత్తథా ॥ ౧౨ ॥
శస్త్రాణ్యస్త్రాణి తద్గాత్రే జనయన్తి రుజో నహి ।
మాతఙ్గాః తస్య వశగాః సర్పవర్యా భవన్తి చ ॥ ౧౩ ॥
విషం నిర్విషతాం యాతి పానీయమమృతం భవేత్ ।
పరసేనాస్తమ్భనం చ ప్రతివాదివిజృమ్భణమ్ ॥ ౧౪ ॥
నవరాత్రేణ జాయన్తే సతతన్యాసయోగతః ।
అహోరాత్రం పఠేద్యస్తు స్తోత్రం సంయతమానసః ॥ ౧౫ ॥
వశాః తస్యోపజాయన్తే సర్వే లోకాః సునిశ్చితమ్ ।
షణ్మాసాభ్యాసయోగేన దేవా యక్షాశ్చ కిన్నరాః ॥ ౧౬ ॥
సిద్ధా మహోరగాస్సర్వే వశమాయాన్తి నిశ్చయమ్ ।
నిత్యం కామకలాం న్యస్యన్ యః పతేత్ స్తోత్రముత్తమమ్ ॥ ౧౭ ॥
మదనోన్మాదినీ లీలాపురస్త్రీ తద్వశానుగా ।
లావణ్యమదనా సాక్షాత్ విదగ్ధముఖచన్ద్రికా ॥ ౧౮ ॥
ప్రేమపూర్ణాశ్రునయనా సున్దరీ వశగా భవేత్ ।
భూర్జపత్రే రోచనేన కుఙ్కుమేన వరాననే ॥ ౧౯ ॥
ధాతురాగేణ వా దేవీ మూలమన్త్రం విలిఖ్య చ ।
రక్షార్థం భస్మ విన్యస్య పుటీకృత్య సమన్త్రకమ్ ॥ ౨౦ ॥
సువర్ణరౌప్యఖచితే సుషిరే స్థాప్య యత్నతః ।
సమ్పూజ్య తత్ర దేవేశీం పునరాదాయ భక్తితః ॥ ౨౧ ॥
ధారయేన్మస్తకే కణ్ఠే బాహుమూలే తథా హృది ।
నాభౌ చ విద్యుతం ధన్యం జయదం సర్వకామదమ్ ॥ ౨౨ ॥
రక్షాకరం నాన్యదస్మాత్ విద్యతే భువనత్రయే ।
జ్వరరోగనృపావిష్టభయహృత్ భూతివర్ధనమ్ ॥ ౨౩ ॥
బలవీర్యకరం చాథ భూతశత్రువినాశనమ్ ।
పుత్రపౌత్రగుణశ్రేయోవర్ధకం ధనధాన్యకృత్ ॥ ౨౪ ॥
య ఇదం పఠతి స్తోత్రం స సర్వం లభతే నరః ।
యద్గృహే లిఖితం స్తోత్రం తిష్ఠేదేతద్ వరాననే ॥ ౨౫ ॥
తత్ర తిష్ఠామ్యహం నిత్యం హరిశ్చ కమలాసనః ।
వసన్తి సర్వతీర్థాని గౌరీ లక్ష్మీస్సరస్వతీ ॥ ౨౬ ॥
శివకామేశ్వరీం ధ్యాత్వా పఠేన్నామసహస్రకమ్ ।
అసకృత్ ధ్యానపాఠేన సాధకః సిద్ధిమాప్నుయాత్ ॥ ౨౭ ॥
శుక్రవారే పౌర్ణమాస్యాం పఠన్నామసహస్రకమ్ ।
పూజాం యః కురుతే భక్త్యా వాఞ్ఛితం లభతే ధువమ్ ॥ ౨౮ ॥
శివకామేశ్వరీమన్త్రః మన్త్రరాజః ప్రకీర్తితః ।
తదభ్యాసాత్సాధకశ్చ సిద్ధిమాప్నోత్యనుత్తమామ్ ॥ ౨౯ ॥
నాసాధకాయ దాతవ్యమశ్రద్ధాయ శఠాయ చ ।
భక్తిహీనాయ మలినే గురునిన్దాపరాయ చ ॥ ౩౦ ॥
అలసాయాయత్నవతేఽశివభక్తాయ సున్దరి ।
విష్ణుభక్తివిహీనాయ న దాతవ్యం కదాచన ॥ ౩౧ ॥
దేయం భక్తవరాయైతత్భుక్తిముక్యికరం శుభమ్ ।
సిద్ధిదం భవరోగఘ్నం స్తోత్రమేతద్వరాననే ॥ ౩౨ ॥
లతాయోగే పఠేద్యస్తు తస్య క్షిప్రం ఫలం భవేత్ ।
సైవ కల్పలతా తస్య వాఞ్ఛాఫలకరీ స్మృతా ॥ ౩౩ ॥
పుష్పితాం యాం లతాం సమ్యక్ దృష్ట్వా శ్రీలలితాం స్మరన్ ।
అక్షుబ్ధః ప్రపఠేద్యస్తు స యజ్ఞక్రతుపుణ్యభాక్ ॥ ౩౪ ॥
వికల్పరహితో యో హి నిర్వికల్పః స్వయం శివః ।
నైతత్ప్రకాశయేద్భక్తః కుశిష్యాయాల్పమేధసే ॥ ౩౫ ॥
అనేకజన్మపుణ్యేన దీక్షితో జాయతే నరః ।
తత్రాప్యనేకభాగ్యేన శైవో విష్ణు పరాయణః ॥ ౩౬ ॥
తత్రాప్యనేకపుణ్యేన శక్తిభావః ప్రజాయతే ।
మహోదయేన తత్రాపి సున్దరీభావభాగ్భవేత్ ॥ ౩౭ ॥
సహస్రనామ్నాం తత్రాపి కీర్తనం చ సుదుర్లభమ్ ।
యత్ర జన్మని సా నిత్యం పూర్వపుణ్యవశాద్భవేత్ ॥ ౩౮ ॥
జీవన్ముక్తో భవేత్తస్య కర్తవ్యం నావశిష్యతే ।
అవధూతత్వమేవ స్యాత్ న వర్ణాశ్రమకల్పనా ॥ ౩౯ ॥
బ్రహ్మాదయోఽపి దేవేశీం ప్రార్థయన్తే తదవ్యయామ్ ।
హంసత్వం భక్తిభావేన పరమానన్దకారణమ్ ॥ ౪౦ ॥
దేవోఽసౌ సర్వదా శక్తి భావయన్నేవ సంస్థితః ।
స్వయం శివస్తు విజ్ఞేయః సున్దరీభావలమ్పటః ॥ ౪౧ ॥
బ్రహ్మానన్దమయీం జ్యోత్స్నాం సదాశివపరాయణామ్ ।
శివకామేశ్వరీం దేవీం భావయన్ సిద్ధిమాప్నుయాత్ ॥ ౪౨ ॥
ఆహ్లాదః సున్దరీధ్యానాత్ సున్దరీనామకీర్తనాత్ ।
సున్దరీదర్శనాచ్చైవ సదానన్దః ప్రజాయతే ॥ ౪౩ ॥
॥ ఇతి శ్రీరుద్రయామలే ఉమామహేశసంవాదే శ్రీశివకామసున్దర్యాః
శ్రీమత్త్రిపురసున్దర్యాః షోడశార్ణాయాః తురీయసహస్రనామస్తోత్రం
సమ్పూర్ణమ్ ॥