॥ ShyamalaSahasranamastotram Kannada Lyrics ॥
॥ ಶ್ರೀ ಶ್ಯಾಮಲಾಸಹಸ್ರನಾಮಸ್ತೋತ್ರಮ್ ॥
ನಾಮಸಾರಸ್ತವಃ
ಸರ್ವಶೃಂಗಾರಶೋಭಾಢ್ಯಾಂ ತುಂಗಪೀನಪಯೋಧರಾಮ್ ।
ಗಂಗಾಧರಪ್ರಿಯಾಂ ದೇವೀಂ ಮಾತಂಗೀಂ ನೌಮಿ ಸನ್ತತಮ್ ॥ 1 ॥
ಶ್ರೀಮದ್ವೈಕುಂಠನಿಲಯಂ ಶ್ರೀಪತಿಂ ಸಿದ್ಧಸೇವಿತಮ್ ।
ಕದಾಚಿತ್ಸ್ವಪ್ರಿಯಂ ಲಕ್ಷ್ಮೀರ್ನಾರಾಯಣಮಪೃಚ್ಛತ ॥ 2 ॥
ಲಕ್ಷ್ಮೀರುವಾಚ
ಕಿಂ ಜಪ್ಯಂ ಪರಮಂ ನೄಣಾಂ ಭೋಗಮೋಕ್ಷಫಲಪ್ರದಮ್ ।
ಸರ್ವವಶ್ಯಕರಂ ಚೈವ ಸರ್ವೈಶ್ವರ್ಯಪ್ರದಾಯಕಮ್ ॥ 3 ॥
ಸರ್ವರಕ್ಷಾಕರಂ ಚೈವ ಸರ್ವತ್ರ ವಿಜಯಪ್ರದಮ್ ।
ಬ್ರಹ್ಮಜ್ಞಾನಪ್ರದಂ ಪುಂಸಾಂ ತನ್ಮೇ ಬ್ರೂಹಿ ಜನಾರ್ದನ ॥ 4 ॥
ಭಗವಾನುವಾಚ
ನಾಮಸಾರಸ್ತವಂ ಪುಣ್ಯಂ ಪಠೇನ್ನಿತ್ಯಂ ಪ್ರಯತ್ನತಃ ।
ತೇನ ಪ್ರೀತಾ ಶ್ಯಾಮಲಾಮ್ಬಾ ತ್ವದ್ವಶಂ ಕುರುತೇ ಜಗತ್ ॥ 5 ॥
ತನ್ತ್ರೇಷು ಲಲಿತಾದೀನಾಂ ಶಕ್ತೀನಾಂ ನಾಮಕೋಶತಃ ।
ಸಾರಮುದ್ಧೃತ್ಯ ರಚಿತೋ ನಾಮಸಾರಸ್ತವೋ ಹ್ಯಯಮ್ ॥ 6 ॥
ನಾಮಸಾರಸ್ತವಂ ಮಹ್ಯಂ ದತ್ತವಾನ್ ಪರಮೇಶ್ವರಃ ।
ತವ ನಾಮಸಹಸ್ರಂ ತತ್ ಶ್ಯಾಮಲಾಯಾ ವದಾಮ್ಯಹಮ್ ॥ 7 ॥
ವಿನಿಯೋಗಃ ॥
ಅಸ್ಯ ಶ್ರೀಶ್ಯಾಮಲಾಪರಮೇಶ್ವರೀನಾಮಸಾಹಸ್ರಸ್ತೋತ್ರಮಾಲಾ ಮನ್ತ್ರಸ್ಯ,
ಸದಾಶಿವ ಋಷಿಃ । ಅನುಷ್ಟುಪ್ಛನ್ದಃ ।
ಶ್ರೀರಾಜರಾಜೇಶ್ವರೀ ಶ್ಯಾಮಲಾ ಪರಮೇಶ್ವರೀ ದೇವತಾ ।
ಚತುರ್ವಿಧಪುರುಷಾರ್ಥಸಿದ್ಧ್ಯರ್ಥೇ ನಾಮಪಾರಾಯಣೇ ವಿನಿಯೋಗಃ ।
ಧ್ಯಾನಮ್ ॥
ಧ್ಯಾಯೇಽಹಂ ರತ್ನಪೀಠೇ ಶುಕಕಲಪಠಿತಂ ಶೃಣ್ವತೀಂ ಶ್ಯಾಮಗಾತ್ರೀಂ
ನ್ಯಸ್ತೈಕಾಂಘ್ರೀಂ ಸರೋಜೇ ಶಶಿಶಕಲಧರಾಂ ವಲ್ಲಕೀಂ ವಾದಯನ್ತೀಮ್ ।
ಕಲ್ಹಾರಾಬದ್ಧಮೌಲಿಂ ನಿಯಮಿತಲಸಚ್ಚೂಲಿಕಾಂ ರಕ್ತವಸ್ತ್ರಾಂ
ಮಾತಂಗೀಂ ಭೂಷಿತಾಂಗೀಂ ಮಧುಮದಮುದಿತಾಂ ಚಿತ್ರಕೋದ್ಭಾಸಿಫಾಲಾಮ್ ॥
ಪಂಚಪೂಜಾ ।
ಅಥ ಸಹಸ್ರನಾಮಸ್ತೋತ್ರಮ್ ।
ಓಂ ।
ಸೌಭಾಗ್ಯಲಕ್ಷ್ಮೀಃ ಸೌನ್ದರ್ಯನಿಧಿಃ ಸಮರಸಪ್ರಿಯಾ ।
ಸರ್ವಕಲ್ಯಾಣನಿಲಯಾ ಸರ್ವೇಶೀ ಸರ್ವಮಂಗಲಾ ॥ 1 ॥
ಸರ್ವವಶ್ಯಕರೀ ಸರ್ವಾ ಸರ್ವಮಂಗಲದಾಯಿನೀ ।
ಸರ್ವವಿದ್ಯಾದಾನದಕ್ಷಾ ಸಂಗೀತೋಪನಿಷತ್ಪ್ರಿಯಾ ॥ 2 ॥
ಸರ್ವಭೂತಹೃದಾವಾಸಾ ಸರ್ವಗೀರ್ವಾಣಪೂಜಿತಾ ।
ಸಮೃದ್ಧಾ ಸಂಗಮುದಿತಾ ಸರ್ವಲೋಕೈಕಸಂಶ್ರಯಾ ॥ 3 ॥
ಸಪ್ತಕೋಟಿಮಹಾಮನ್ತ್ರಸ್ವರೂಪಾ ಸರ್ವಸಾಕ್ಷಿಣೀ ।
ಸರ್ವಾಂಗಸುನ್ದರೀ ಸರ್ವಗತಾ ಸತ್ಯಸ್ವರೂಪಿಣೀ ॥ 4 ॥
ಸಮಾ ಸಮಯಸಂವೇದ್ಯಾ ಸಮಯಜ್ಞಾ ಸದಾಶಿವಾ ।
ಸಂಗೀತರಸಿಕಾ ಸರ್ವಕಲಾಮಯಶುಕಪ್ರಿಯಾ ॥ 5 ॥
ಚನ್ದನಾಲೇಪದಿಗ್ಧಾಂಗೀ ಸಚ್ಚಿದಾನನ್ದರೂಪಿಣೀ ।
ಕದಮ್ಬವಾಟೀನಿಲಯಾ ಕಮಲಾಕಾನ್ತಸೇವಿತಾ ॥ 6 ॥
ಕಟಾಕ್ಷೋತ್ಪನ್ನಕನ್ದರ್ಪಾ ಕಟಾಕ್ಷಿತಮಹೇಶ್ವರಾ ।
ಕಲ್ಯಾಣೀ ಕಮಲಾಸೇವ್ಯಾ ಕಲ್ಯಾಣಾಚಲವಾಸಿನೀ ॥ 7 ॥
ಕಾನ್ತಾ ಕನ್ದರ್ಪಜನನೀ ಕರುಣಾರಸಸಾಗರಾ ।
ಕಲಿದೋಷಹರಾ ಕಾಮ್ಯಾ ಕಾಮದಾ ಕಾಮವರ್ಧಿನೀ ॥ 8 ॥
ಕದಮ್ಬಕಲಿಕೋತ್ತಂಸಾ ಕದಮ್ಬಕುಸುಮಾಪ್ರಿಯಾ ।
ಕದಮ್ಬಮೂಲರಸಿಕಾ ಕಾಮಾಕ್ಷೀ ಕಮಲಾನನಾ ॥ 9 ॥
ಕಮ್ಬುಕಂಠೀ ಕಲಾಲಾಪಾ ಕಮಲಾಸನಪೂಜಿತಾ ।
ಕಾತ್ಯಾಯನೀ ಕೇಲಿಪರಾ ಕಮಲಾಕ್ಷಸಹೋದರೀ ॥ 10 ॥
ಕಮಲಾಕ್ಷೀ ಕಲಾರೂಪಾ ಕೋಕಾಕಾರಕುಚದ್ವಯಾ ।
ಕೋಕಿಲಾ ಕೋಕಿಲಾರಾವಾ ಕುಮಾರಜನನೀ ಶಿವಾ ॥ 11 ॥
ಸರ್ವಜ್ಞಾ ಸನ್ತತೋನ್ಮತ್ತಾ ಸರ್ವೈಶ್ವರ್ಯಪ್ರದಾಯಿನೀ ।
ಸುಧಾಪ್ರಿಯಾ ಸುರಾರಾಧ್ಯಾ ಸುಕೇಶೀ ಸುರಸುನ್ದರೀ ॥ 12 ॥
ಶೋಭನಾ ಶುಭದಾ ಶುದ್ಧಾ ಶುದ್ಧಚಿತ್ತೈಕವಾಸಿನೀ ।
ವೇದವೇದ್ಯಾ ವೇದಮಯೀ ವಿದ್ಯಾಧರಗಣಾರ್ಚಿತಾ ॥ 13 ॥
ವೇದಾನ್ತಸಾರಾ ವಿಶ್ವೇಶೀ ವಿಶ್ವರೂಪಾ ವಿರೂಪಿಣೀ ।
ವಿರೂಪಾಕ್ಷಪ್ರಿಯಾ ವಿದ್ಯಾ ವಿನ್ಧ್ಯಾಚಲನಿವಾಸಿನೀ ॥ 14 ॥
ವೀಣಾವಾದವಿನೋದಜ್ಞಾ ವೀಣಾಗಾನವಿಶಾರದಾ ।
ವೀಣಾವತೀ ಬಿನ್ದುರೂಪಾ ಬ್ರಹ್ಮಾಣೀ ಬ್ರಹ್ಮರೂಪಿಣೀ ॥ 15 ॥
ಪಾರ್ವತೀ ಪರಮಾಽಚಿನ್ತ್ಯಾ ಪರಾಶಕ್ತಿಃ ಪರಾತ್ಪರಾ ।
ಪರಾನನ್ದಾ ಪರೇಶಾನೀ ಪರವಿದ್ಯಾ ಪರಾಪರಾ ॥ 16 ॥
ಭಕ್ತಪ್ರಿಯಾ ಭಕ್ತಿಗಮ್ಯಾ ಭಕ್ತಾನಾಂ ಪರಮಾ ಗತಿಃ ।
ಭವ್ಯಾ ಭವಪ್ರಿಯಾ ಭೀರುರ್ಭವಸಾಗರತಾರಿಣೀ ॥ 17 ॥
ಭಯಘ್ನೀ ಭಾವುಕಾ ಭವ್ಯಾ ಭಾಮಿನೀ ಭಕ್ತಪಾಲಿನೀ ।
ಭೇದಶೂನ್ಯಾ ಭೇದಹನ್ತ್ರೀ ಭಾವನಾ ಮುನಿಭಾವಿತಾ ॥ 18 ॥
ಮಾಯಾ ಮಹೇಶ್ವರೀ ಮಾನ್ಯಾ ಮಾತಂಗೀ ಮಲಯಾಲಯಾ ।
ಮಹನೀಯಾ ಮದೋನ್ಮತ್ತಾ ಮನ್ತ್ರಿಣೀ ಮನ್ತ್ರನಾಯಿಕಾ ॥ 19 ॥
ಮಹಾನನ್ದಾ ಮನೋಗಮ್ಯಾ ಮತಂಗಕುಲಮಂಡನಾ ।
ಮನೋಜ್ಞಾ ಮಾನಿನೀ ಮಾಧ್ವೀ ಸಿನ್ಧುಮಧ್ಯಕೃತಾಲಯಾ ॥ 20 ॥
ಮಧುಪ್ರೀತಾ ನೀಲಕಚಾ ಮಾಧ್ವೀರಸಮದಾಲಸಾ ।
ಪೂರ್ಣಚನ್ದ್ರಾಭವದನಾ ಪೂರ್ಣಾ ಪುಣ್ಯಫಲಪ್ರದಾ ॥ 21 ॥
ಪುಲೋಮಜಾರ್ಚಿತಾ ಪೂಜ್ಯಾ ಪುರುಷಾರ್ಥಪ್ರದಾಯಿನೀ ।
ನಾರಾಯಣೀ ನಾದರೂಪಾ ನಾದಬ್ರಹ್ಮಸ್ವರೂಪಿಣೀ ॥ 22 ॥
ನಿತ್ಯಾ ನವನವಾಕಾರಾ ನಿತ್ಯಾನನ್ದಾ ನಿರಾಕುಲಾ ।
ನಿಟಿಲಾಕ್ಷಪ್ರಿಯಾ ನೇತ್ರೀ ನೀಲೇನ್ದೀವರಲೋಚನಾ ॥ 23 ॥
ತಮಾಲಕೋಮಲಾಕಾರಾ ತರುಣೀ ತನುಮಧ್ಯಮಾ ।
ತಟಿತ್ಪಿಶಂಗವಸನಾ ತಟಿತ್ಕೋಟಿಸಭದ್ಯುತಿಃ ॥ 24 ॥
ಮಧುರಾ ಮಂಗಲಾ ಮೇಧ್ಯಾ ಮಧುಪಾನಪ್ರಿಯಾ ಸಖೀ ।
ಚಿತ್ಕಲಾ ಚಾರುವದನಾ ಸುಖರೂಪಾ ಸುಖಪ್ರದಾ ॥ 25 ॥
ಕೂಟಸ್ಥಾ ಕೌಲಿನೀ ಕೂರ್ಮಪೀಠಸ್ಥಾ ಕುಟಿಲಾಲಕಾ ।
ಶಾನ್ತಾ ಶಾನ್ತಿಮತೀ ಶಾನ್ತಿಃ ಶ್ಯಾಮಲಾ ಶ್ಯಾಮಲಾಕೃತಿಃ ॥ 26 ॥
ಶಂಖಿನೀ ಶಂಕರೀ ಶೈವೀ ಶಂಖಕುಂಡಲಮಂಡಿತಾ ।
ಕುನ್ದದನ್ತಾ ಕೋಮಲಾಂಗೀ ಕುಮಾರೀ ಕುಲಯೋಗಿನೀ ॥ 27 ॥
ನಿರ್ಗರ್ಭಯೋಗಿನೀಸೇವ್ಯಾ ನಿರನ್ತರರತಿಪ್ರಿಯಾ ।
ಶಿವದೂತೀ ಶಿವಕರೀ ಜಟಿಲಾ ಜಗದಾಶ್ರಯಾ ॥ । 28 ॥
ಶಾಮ್ಭವೀ ಯೋಗಿನಿಲಯಾ ಪರಚೈತನ್ಯರೂಪಿಣೀ ।
ದಹರಾಕಾಶನಿಲಯಾ ದಂಡಿನೀಪರಿಪೂಜಿತಾ ॥ 29 ॥
ಸಮ್ಪತ್ಕರೀಗಜಾರೂಢಾ ಸಾನ್ದ್ರಾನನ್ದಾ ಸುರೇಶ್ವರೀ ।
ಚಮ್ಪಕೋದ್ಭಾಸಿತಕಚಾ ಚನ್ದ್ರಶೇಖರವಲ್ಲಭಾ ॥ 30 ॥
ಚಾರುರೂಪಾ ಚಾರುದನ್ತೀ ಚನ್ದ್ರಿಕಾ ಶಮ್ಭುಮೋಹಿನೀ ।
ವಿಮಲಾ ವಿದುಷೀ ವಾಣೀ ಕಮಲಾ ಕಮಲಾಸನಾ ॥ 31 ॥
ಕರುಣಾಪೂರ್ಣಹೃದಯಾ ಕಾಮೇಶೀ ಕಮ್ಬುಕನ್ಧರಾ ।
ರಾಜರಾಜೇಶ್ವರೀ ರಾಜಮಾತಂಗೀ ರಾಜವಲ್ಲಭಾ ॥ 32 ॥
ಸಚಿವಾ ಸಚಿವೇಶಾನೀ ಸಚಿವತ್ವಪ್ರದಾಯಿನೀ ।
ಪಂಚಬಾಣಾರ್ಚಿತಾ ಬಾಲಾ ಪಂಚಮೀ ಪರದೇವತಾ ॥ 33 ॥
ಉಮಾ ಮಹೇಶ್ವರೀ ಗೌರೀ ಸಂಗೀತಜ್ಞಾ ಸರಸ್ವತೀ ।
ಕವಿಪ್ರಿಯಾ ಕಾವ್ಯಕಲಾ ಕಲೌ ಸಿದ್ಧಿಪ್ರದಾಯಿನೀ ॥ 34 ॥
ಲಲಿತಾಮನ್ತ್ರಿಣೀ ರಮ್ಯಾ ಲಲಿತಾರಾಜ್ಯಪಾಲಿನೀ ।
ಲಲಿತಾಸೇವನಪರಾ ಲಲಿತಾಜ್ಞಾವಶಂವದಾ ॥ 35 ॥
ಲಲಿತಾಕಾರ್ಯಚತುರಾ ಲಲಿತಾಭಕ್ತಪಾಲಿನೀ ।
ಲಲಿತಾರ್ಧಾಸನಾರೂಢಾ ಲಾವಣ್ಯರಸಶೇವಧಿಃ ॥ 36 ॥
ರಂಜನೀ ಲಾಲಿತಶುಕಾ ಲಸಚ್ಚೂಲೀವರಾನ್ವಿತಾ ।
ರಾಗಿಣೀ ರಮಣೀ ರಾಮಾ ರತೀ ರತಿಸುಖಪ್ರದಾ ॥ 37 ॥
ಭೋಗದಾ ಭೋಗ್ಯದಾ ಭೂಮಿಪ್ರದಾ ಭೂಷಣಶಾಲಿನೀ ।
ಪುಣ್ಯಲಭ್ಯಾ ಪುಣ್ಯಕೀರ್ತಿಃ ಪುರನ್ದರಪುರೇಶ್ವರೀ ॥ 38 ॥
ಭೂಮಾನನ್ದಾ ಭೂತಿಕರೀ ಕ್ಲೀಂಕಾರೀ ಕ್ಲಿನ್ನರೂಪಿಣೀ ।
ಭಾನುಮಂಡಲಮಧ್ಯಸ್ಥಾ ಭಾಮಿನೀ ಭಾರತೀ ಧೃತಿಃ ॥ 39 ॥
ನಾರಾಯಣಾರ್ಚಿತಾ ನಾಥಾ ನಾದಿನೀ ನಾದರೂಪಿಣೀ ।
ಪಂಚಕೋಣಾಸ್ಥಿತಾ ಲಕ್ಷ್ಮೀಃ ಪುರಾಣೀ ಪುರರೂಪಿಣೀ ॥ 40 ॥
ಚಕ್ರಸ್ಥಿತಾ ಚಕ್ರರೂಪಾ ಚಕ್ರಿಣೀ ಚಕ್ರನಾಯಿಕಾ ।
ಷಟ್ಚಕ್ರಮಂಡಲಾನ್ತಃಸ್ಥಾ ಬ್ರಹ್ಮಚಕ್ರನಿವಾಸಿನೀ ॥ 41 ॥
ಅನ್ತರಭ್ಯರ್ಚನಪ್ರೀತಾ ಬಹಿರರ್ಚನಲೋಲುಪಾ ।
ಪಂಚಾಶತ್ಪೀಠಮಧ್ಯಸ್ಥಾ ಮಾತೃಕಾವರ್ಣರೂಪಿಣೀ ॥ 42 ॥
ಮಹಾದೇವೀ ಮಹಾಶಕ್ತಿಃ ಮಹಾಮಾಯಾ ಮಹಾಮತಿಃ ।
ಮಹಾರೂಪಾ ಮಹಾದೀಪ್ತಿಃ ಮಹಾಲಾವಣ್ಯಶಾಲಿನೀ ॥ 43 ॥
ಮಾಹೇನ್ದ್ರೀ ಮದಿರಾದೃಪ್ತಾ ಮದಿರಾಸಿನ್ಧುವಾಸಿನೀ ।
ಮದಿರಾಮೋದವದನಾ ಮದಿರಾಪಾನಮನ್ಥರಾ ॥ 44 ॥
ದುರಿತಘ್ನೀ ದುಃಖಹನ್ತ್ರೀ ದೂತೀ ದೂತರತಿಪ್ರಿಯಾ ।
ವೀರಸೇವ್ಯಾ ವಿಘ್ನಹರಾ ಯೋಗಿನೀ ಗಣಸೇವಿತಾ ॥ 45 ॥
ನಿಜವೀಣಾರವಾನನ್ದನಿಮೀಲಿತವಿಲೋಚನಾ ।
ವಜ್ರೇಶ್ವರೀ ವಶ್ಯಕರೀ ಸರ್ವಚಿತ್ತವಿಮೋಹಿನೀ ॥ 46 ॥
ಶಬರೀ ಶಮ್ಬರಾರಾಧ್ಯಾ ಶಾಮ್ಬರೀ ಸಾಮಸಂಸ್ತುತಾ ।
ತ್ರಿಪುರಾಮನ್ತ್ರಜಪಿನೀ ತ್ರಿಪುರಾರ್ಚನತತ್ಪರಾ ॥ 47 ॥
ತ್ರಿಲೋಕೇಶೀ ತ್ರಯೀಮಾತಾ ತ್ರಿಮೂರ್ತಿಸ್ತ್ರಿದಿವೇಶ್ವರೀ ।
ಐಂಕಾರೀ ಸರ್ವಜನನೀ ಸೌಃಕಾರೀ ಸಂವಿದೀಶ್ವರೀ ॥ 48 ॥
ಬೋಧಾ ಬೋಧಕರೀ ಬೋಧ್ಯಾ ಬುಧಾರಾಧ್ಯಾ ಪುರಾತನೀ ।
ಭಂಡಸೋದರಸಂಹರ್ತ್ರೀ ಭಂಡಸೈನ್ಯವಿನಾಶಿನೀ ॥ 49 ॥
ಗೇಯಚಕ್ರರಥಾರೂಢಾ ಗುರುಮೂರ್ತಿಃ ಕುಲಾಂಗನಾ ।
ಗಾನ್ಧರ್ವಶಾಸ್ತ್ರಮರ್ಮಜ್ಞಾ ಗನ್ಧರ್ವಗಣಪೂಜಿತಾ ॥ 50 ॥
ಜಗನ್ಮಾತಾ ಜಯಕರೀ ಜನನೀ ಜನದೇವತಾ ।
ಶಿವಾರಾಧ್ಯಾ ಶಿವಾರ್ಧಾಂಗೀ ಶಿಂಜನ್ಮಂಜೀರಮಂಡಿತಾ ॥ 51 ॥
ಸರ್ವಾತ್ಮಿಕಾ ಋಷೀಕೇಶೀ ಸರ್ವಪಾಪವಿನಾಶಿನೀ ।
ಸರ್ವರೋಗಹರಾ ಸಾಧ್ಯಾ ಧರ್ಮಿಣೀ ಧರ್ಮರೂಪಿಣೀ ॥ 52 ॥
ಆಚಾರಲಭ್ಯಾ ಸ್ವಾಚಾರಾ ಖೇಚರೀ ಯೋನಿರೂಪಿಣೀ ।
ಪತಿವ್ರತಾ ಪಾಶಹನ್ತ್ರೀ ಪರಮಾರ್ಥಸ್ವರೂಪಿಣೀ ॥ 53 ॥
ಪಂಡಿತಾ ಪರಿವಾರಾಢ್ಯಾ ಪಾಷಂಡಮತಭಂಜನೀ ।
ಶ್ರೀಕರೀ ಶ್ರೀಮತೀ ದೇವೀ ಬಿನ್ದುನಾದಸ್ವರೂಪಿಣೀ ॥ 54 ॥
ಅಪರ್ಣಾ ಹಿಮವತ್ಪುತ್ರೀ ದುರ್ಗಾ ದುರ್ಗತಿಹಾರಿಣೀ ।
ವ್ಯಾಲೋಲಶಂಖಾತಾಟಂಕಾ ವಿಲಸದ್ಗಂಡಪಾಲಿಕಾ ॥ 55 ॥
ಸುಧಾಮಧುರಸಾಲಾಪಾ ಸಿನ್ದೂರತಿಲಕೋಜ್ಜ್ವಲಾ ।
ಅಲಕ್ತಕಾರಕ್ತಪಾದಾ ನನ್ದನೋದ್ಯಾನವಾಸಿನೀ ॥ 56 ॥
ವಾಸನ್ತಕುಸುಮಾಪೀಡಾ ವಸನ್ತಸಮಯಪ್ರಿಯಾ ।
ಧ್ಯಾನನಿಷ್ಠಾ ಧ್ಯಾನಗಮ್ಯಾ ಧ್ಯೇಯಾ ಧ್ಯಾನಸ್ವರೂಪಿಣೀ ॥ 57 ॥
ದಾರಿದ್ರ್ಯಹನ್ತ್ರೀ ದೌರ್ಭಾಗ್ಯಶಮನೀ ದಾನವಾನ್ತಕಾ ।
ತೀರ್ಥರೂಪಾ ತ್ರಿನಯನಾ ತುರೀಯಾ ದೋಷವರ್ಜಿತಾ ॥ 58 ॥
ಮೇಧಾಪ್ರದಾಯಿನೀ ಮೇಧ್ಯಾ ಮೇದಿನೀ ಮದಶಾಲಿನೀ ।
ಮಧುಕೈಟಭಸಂಹರ್ತ್ರೀ ಮಾಧವೀ ಮಾಧವಪ್ರಿಯಾ ॥ 59 ॥
ಮಹಿಲಾ ಮಹಿಮಾಸಾರಾ ಶರ್ವಾಣೀ ಶರ್ಮದಾಯಿನೀ ।
ರುದ್ರಾಣೀ ರುಚಿರಾ ರೌದ್ರೀ ರುಕ್ಮಭೂಷಣಭೂಷಿತಾ ॥ 60 ॥
ಅಮ್ಬಿಕಾ ಜಗತಾಂ ಧಾತ್ರೀ ಜಟಿನೀ ಧೂರ್ಜಟಿಪ್ರಿಯಾ ।
ಸುಕ್ಷ್ಮಸ್ವರೂಪಿಣೀ ಸೌಮ್ಯಾ ಸುರುಚಿಃ ಸುಲಭಾ ಶುಭಾ ॥ 61 ॥
ವಿಪಂಚೀಕಲನಿಕ್ಕಾಣವಿಮೋಹಿತಜಗತ್ತ್ರಯಾ ।
ಭೈರವಪ್ರೇಮನಿಲಯಾ ಭೈರವೀ ಭಾಸುರಾಕೃತಿಃ ॥ 62 ॥
ಪುಷ್ಪಿಣೀ ಪುಣ್ಯನಿಲಯಾ ಪುಣ್ಯಶ್ರವಣಕೀರ್ತನಾ ।
ಕುರುಕುಲ್ಲಾ ಕುಂಡಲಿನೀ ವಾಗೀಶೀ ನಕುಲೇಶ್ವರೀ ॥ 63 ॥
ವಾಮಕೇಶೀ ಗಿರಿಸುತಾ ವಾರ್ತಾಲೀಪರಿಪೂಜಿತಾ ।
ವಾರುಣೀಮದರಕ್ತಾಕ್ಷೀ ವನ್ದಾರುವರದಾಯಿನೀ ॥ 64 ॥
ಕಟಾಕ್ಷಸ್ಯನ್ದಿಕರುಣಾ ಕನ್ದರ್ಪಮದವರ್ಧಿನೀ ।
ದೂರ್ವಾಶ್ಯಾಮಾ ದುಷ್ಟಹನ್ತ್ರೀ ದುಷ್ಟಗ್ರಹವಿಭೇದಿನೀ ॥ 65 ॥
ಸರ್ವಶತ್ರುಕ್ಷಯಕರೀ ಸರ್ವಸಮ್ಪತ್ಪ್ರವರ್ಧಿನೀ ।
ಕಬರೀಶೋಭಿಕಲ್ಹಾರಾ ಕಲಶಿಂಜಿತಮೇಖಲಾ ॥ 66 ॥
ಮೃಣಾಲೀತುಲ್ವದೋರ್ವಲ್ಲೀ ಮೃಡಾನೀ ಮೃತ್ಯುವರ್ಜಿತಾ ।
ಮೃದುಲಾ ಮೃತ್ಯುಸಂಹರ್ತ್ರೀ ಮಂಜುಲಾ ಮಂಜುಭಾಷಿಣೀ ॥ 67 ॥
ಕರ್ಪೂರವೀಟೀಕಬಲಾ ಕಮನೀಯಕಪೋಲಭೂಃ ।
ಕರ್ಪೂರಕ್ಷೋದದಿಗ್ಧಾಂಗೀ ಕರ್ತ್ರೀ ಕಾರಣವರ್ಜಿತಾ ॥ 68 ॥
ಅನಾದಿನಿಧನಾ ಧಾತ್ರೀ ಧಾತ್ರೀಧರಕುಲೋದ್ಭವಾ ।
ಸ್ತೋತ್ರಪ್ರಿಯಾ ಸ್ತುತಿಮಯೀ ಮೋಹಿನೀ ಮೋಹಹಾರಿಣೀ ॥ 69 ॥
ಜೀವರೂಪಾ ಜೀವಕಾರೀ ಜೀವನ್ಮುಕ್ತಿಪ್ರದಾಯಿನೀ ।
ಭದ್ರಪೀಠಸ್ಥಿತಾ ಭದ್ರಾ ಭದ್ರದಾ ಭರ್ಗಭಾಮಿನೀ ॥ 70 ॥
ಭಗಾನನ್ದಾ ಭಗಮಯೀ ಭಗಲಿಂಗಾ ಭಗೇಶ್ವರೀ ।
ಮತ್ತಮಾತಂಗಗಮನಾ ಮಾತಂಗಕುಲಮಂಜರೀ ॥ 71 ॥
ರಾಜಹಂಸಗತೀ ರಾಜ್ಞೀ ರಾಜರಾಜ ಸಮರ್ಚಿತಾ ।
ಭವಾನೀ ಪಾವನೀ ಕಾಲೀ ದಕ್ಷಿಣಾ ದಕ್ಷಕನ್ಯಕಾ ॥ 72 ॥
ಹವ್ಯವಾಹಾ ಹವಿರ್ಭೋಕ್ತ್ರೀ ಹಾರಿಣೀ ದುಃಖಹಾರಿಣೀ ।
ಸಂಸಾರತಾರಿಣೀ ಸೌಮ್ಯಾ ಸರ್ವೇಶೀ ಸಮರಪ್ರಯಾ ॥ 73 ॥
ಸ್ವಪ್ನವತೀ ಜಾಗರಿಣೀ ಸುಷುಪ್ತಾ ವಿಶ್ವರೂಪಿಣೀ ।
ತೈಜಸೀ ಪ್ರಾಜ್ಞಕಲನಾ ಚೇತನಾ ಚೇತನಾವತೀ ॥ 74 ॥
ಚಿನ್ಮಾತ್ರಾ ಚಿದ್ಘನಾ ಚೇತ್ಯಾ ಚಿಚ್ಛಾಯಾ ಚಿತ್ಸ್ವರೂಪಿಣೀ ।
ನಿವೃತ್ತಿರೂಪಿಣೀ ಶಾನ್ತಿಃ ಪ್ರತಿಷ್ಠಾ ನಿತ್ಯರೂಪಿಣೀ ॥ 75 ॥
ವಿದ್ಯಾರೂಪಾ ಶಾನ್ತ್ಯತೀತಾ ಕಲಾಪಂಚಕರೂಪಿಣೀ ।
ಹ್ರೀಂಕಾರೀ ಹ್ರೀಮತೀ ಹೃದ್ಯಾ ಹ್ರೀಚ್ಛಾಯಾ ಹರಿವಾಹನಾ ॥ 76 ॥
ಮೂಲಪ್ರಕೃತಿರವ್ಯಕ್ತಾ ವ್ಯಕ್ತಾವ್ಯಕ್ತವಿನೋದಿನೀ ।
ಯಜ್ಞರೂಪಾ ಯಜ್ಞಭೋಕ್ತ್ರೀ ಯಜ್ಞಾಂಗೀ ಯಜ್ಞರೂಪಿಣೀ ॥ 77 ॥
ದೀಕ್ಷಿತಾ ಕ್ಷಮಣಾ ಕ್ಷಾಮಾ ಕ್ಷಿತಿಃ ಕ್ಷಾನ್ತಿಃ ಶ್ರುತಿಃ ಸ್ಮೃತಿಃ ।
ಏಕಾಽನೇಕಾ ಕಾಮಕಲಾ ಕಲ್ಪಾ ಕಾಲಸ್ವರೂಪಿಣೀ ॥ 78 ॥
ದಕ್ಷಾ ದಾಕ್ಷಾಯಣೀ ದೀಕ್ಷಾ ದಕ್ಷಯಜ್ಞವಿನಾಶಿನೀ ।
ಗಾಯತ್ರೀ ಗಗನಾಕಾರಾ ಗೀರ್ದೇವೀ ಗರುಡಾಸನಾ ॥ 79 ॥
ಸಾವಿತ್ರೀ ಸಕಲಾಧ್ಯಕ್ಷಾ ಬ್ರಹ್ಮಾಣೀ ಬ್ರಾಹ್ಮಣಪ್ರಿಯಾ ।
ಜಗನ್ನಾಥಾ ಜಗನ್ಮೂರ್ತಿಃ ಜಗನ್ಮೃತ್ಯುನಿವಾರಿಣೀ ॥ 80 ॥
ದೃಗ್ರೂಪಾ ದೃಶ್ಯನಿಲಯಾ ದ್ರಷ್ಟ್ರೀ ಮನ್ತ್ರೀ ಚಿರನ್ತನೀ ।
ವಿಜ್ಞಾತ್ರೀ ವಿಪುಲಾ ವೇದ್ಯಾ ವೃದ್ಧಾ ವರ್ಷೀಯಸೀ ಮಹೀ ॥ 81 ॥
ಆರ್ಯಾ ಕುಹರಿಣೀ ಗುಹ್ಯಾ ಗೌರೀ ಗೌತಮಪೂಜಿತಾ ।
ನನ್ದಿನೀ ನಲಿನೀ ನಿತ್ಯಾ ನೀತಿರ್ನಯವಿಶಾರದಾ ॥ 82 ॥
ಗತಾಗತಜ್ಞಾ ಗನ್ಧರ್ವೀ ಗಿರಿಜಾ ಗರ್ವನಾಶಿನೀ ।
ಪ್ರಿಯವ್ರತಾ ಪ್ರಮಾ ಪ್ರಾಣಾ ಪ್ರಮಾಣಜ್ಞಾ ಪ್ರಿಯಂವದಾ ॥ 83 ॥
ಅಶರೀರಾ ಶರೀರಸ್ಥಾ ನಾಮರೂಪವಿವರ್ಜಿತಾ ।
ವರ್ಣಾಶ್ರಮವಿಭಾಗಜ್ಞಾ ವರ್ಣಾಶ್ರಮವಿವರ್ಜಿತಾ ॥ 84 ॥
ನಿತ್ಯಮುಕ್ತಾ ನಿತ್ಯತೃಪ್ತಾ ನಿರ್ಲೇಪಾ ನಿರವಗ್ರಹಾ ।
ಇಚ್ಛಾಜ್ಞಾನಕ್ರಿಯಾಶಕ್ತಿಃ ಇನ್ದಿರಾ ಬನ್ಧುರಾಕೃತಿಃ ॥ 85 ॥
ಮನೋರಥಪ್ರದಾ ಮುಖ್ಯಾ ಮಾನಿನೀ ಮಾನವರ್ಜಿತಾ ।
ನೀರಾಗಾ ನಿರಹಂಕಾರಾ ನಿರ್ನಾಶಾ ನಿರುಪಪ್ಲವಾ ॥ 86 ॥
ವಿಚಿತ್ರಾ ಚಿತ್ರಚಾರಿತ್ರಾ ನಿಷ್ಕಲಾ ನಿಗಮಾಲಯಾ ।
ಬ್ರಹ್ಮವಿದ್ಯಾ ಬ್ರಹ್ಮನಾಡೀ ಬನ್ಧಹನ್ತ್ರೀ ಬಲಿಪ್ರಿಯಾ ॥ 87 ॥
ಸುಲಕ್ಷಣಾ ಲಕ್ಷಣಜ್ಞಾ ಸುನ್ದರಭ್ರೂಲತಾಂಚಿತಾ ।
ಸುಮಿತ್ರಾ ಮಾಲಿನೀ ಸೀಮಾ ಮುದ್ರಿಣೀ ಮುದ್ರಿಕಾಂಚಿತಾ ॥ 88 ॥
ರಜಸ್ವಲಾ ರಮ್ಯಮೂರ್ತಿರ್ಜಯಾ ಜನ್ಮವಿವರ್ಜಿತಾ ।
ಪದ್ಮಾಲಯಾ ಪದ್ಮಪೀಠಾ ಪದ್ಮಿನೀ ಪದ್ಮವರ್ಣಿನೀ ॥ 89 ॥
ವಿಶ್ವಮ್ಭರಾ ವಿಶ್ವಗರ್ಭಾ ವಿಶ್ವೇಶೀ ವಿಶ್ವತೋಮುಖೀ ।
ಅದ್ವಿತೀಯಾ ಸಹಸ್ರಾಕ್ಷೀ ವಿರಾಡ್ರೂಪಾ ವಿಮೋಚಿನೀ ॥ 90 ॥
ಸೂತ್ರರೂಪಾ ಶಾಸ್ತ್ರಕರೀ ಶಾಸ್ತ್ರಜ್ಞಾ ಶಸ್ತ್ರಧಾರಿಣೀ ।
ವೇದವಿದ್ವೇದಕೃದ್ವೇದ್ಯಾ ವಿತ್ತಜ್ಞಾ ವಿತ್ತಶಾಲಿನೀ ॥ 91 ॥
ವಿಶದಾ ವೈಷ್ಣವೀ ಬ್ರಾಹ್ಮೀ ವೈರಿಂಚೀ ವಾಕ್ಪ್ರದಾಯಿನೀ ।
ವ್ಯಾಖ್ಯಾತ್ರೀ ವಾಮನಾ ವೃದ್ಧಿಃ ವಿಶ್ವನಾಥಾ ವಿಶಾರದಾ ॥ 92 ॥
ಮುದ್ರೇಶ್ವರೀ ಮುಂಡಮಾಲಾ ಕಾಲೀ ಕಂಕಾಲರೂಪಿಣೀ ।
ಮಹೇಶ್ವರಪ್ರೀತಿಕರೀ ಮಹೇಶ್ವರ ಪತಿವ್ರತಾ ॥ 93 ॥
ಬ್ರಹ್ಮಾಂಡಮಾಲಿನೀ ಬುಧ್ನ್ಯಾ ಮತಂಗಮುನಿಪೂಜಿತಾ ।
ಈಶ್ವರೀ ಚಂಡಿಕಾ ಚಂಡೀ ನಿಯನ್ತ್ರೀ ನಿಯಮಸ್ಥಿತಾ ॥ 94 ॥
ಸರ್ವಾನ್ತರ್ಯಾಮಿಣೀ ಸೇವ್ಯಾ ಸನ್ತತಿಃ ಸನ್ತತಿಪ್ರದಾ ।
ತಮಾಲಪಲ್ಲವಶ್ಯಾಮಾ ತಾಮ್ರೋಷ್ಠೀ ತಾಂಡವಪ್ರಿಯಾ ॥ 95 ॥
ನಾಟ್ಯಲಾಸ್ಯಕರೀ ರಮ್ಭಾ ನಟರಾಜಪ್ರಿಯಾಂಗನಾ ।
ಅನಂಗರೂಪಾಽನಂಗಶ್ರೀರನಂಗೇಶೀ ವಸುನ್ಧರಾ ॥ 99 ॥
ಸಾಮ್ರಾಜ್ಯದಾಯಿನೀ ಸಿದ್ಧಾ ಸಿದ್ಧೇಶೀ ಸಿದ್ಧಿದಾಯಿನೀ ।
ಸಿದ್ಧಮಾತಾ ಸಿದ್ಧಪೂಜ್ಯಾ ಸಿದ್ಧಾರ್ಥಾ ವಸುದಾಯಿನೀ ॥ 97 ॥
ಭಕ್ತಿಮತ್ಕಲ್ಪಲತಿಕಾ ಭಕ್ತಿದಾ ಭಕ್ತವತ್ಸಲಾ ।
ಪಂಚಶಕ್ತ್ಯರ್ಚಿತಪದಾ ಪರಮಾತ್ಮಸ್ವರೂಪಿಣೀ ॥ 98 ॥
ಅಜ್ಞಾನತಿಮಿರಜ್ಯೋತ್ಸ್ನಾ ನಿತ್ಯಾಹ್ಲಾದಾ ನಿರಂಜನಾ ।
ಮುಗ್ಧಾ ಮುಗ್ಧಸ್ಮಿತಾ ಮೈತ್ರೀ ಮುಗ್ಧಕೇಶೀ ಮಧುಪ್ರಿಯಾ ॥ 99 ॥
ಕಲಾಪಿನೀ ಕಾಮಕಲಾ ಕಾಮಕೇಲಿಃ ಕಲಾವತೀ ।
ಅಖಂಡಾ ನಿರಹಂಕಾರಾ ಪ್ರಧಾನಪುರುಷೇಶ್ವರೀ ॥ 100 ॥
ರಹಃಪೂಜ್ಯಾ ರಹಃಕೇಲೀ ರಹಃಸ್ತುತ್ಯಾ ಹರಪ್ರಿಯಾ ।
ಶರಣ್ಯಾ ಗಹನಾ ಗುಹ್ಯಾ ಗುಹಾನ್ತಃಸ್ಥಾ ಗುಹಪ್ರಸೂ ॥ 101 ॥
ಸ್ವಸಂವೇದ್ಯಾ ಸ್ವಪ್ರಕಾಶಾ ಸ್ವಾತ್ಮಸ್ಥಾ ಸ್ವರ್ಗದಾಯಿನೀ ।
ನಿಷ್ಪ್ರಪಂಚಾ ನಿರಾಧಾರಾ ನಿತ್ಯಾನಿತ್ಯಸ್ವರೂಪಿಣೀ ॥ 102 ॥
ನರ್ಮದಾ ನರ್ತಕೀ ಕೀರ್ತಿಃ ನಿಷ್ಕಾಮಾ ನಿಷ್ಕಲಾ ಕಲಾ ।
ಅಷ್ಟಮೂರ್ತಿರಮೋಘೋಮಾ ನನ್ದ್ಯಾದಿಗಣಪೂಜಿತಾ ॥ 103 ॥
ಯನ್ತ್ರರೂಪಾ ತನ್ತ್ರರೂಪಾ ಮನ್ತ್ರರೂಪಾ ಮನೋನ್ಮನೀ ।
ಶಿವಕಾಮೇಶ್ವರೀ ದೇವೀ ಚಿದ್ರೂಪಾ ಚಿತ್ತರಂಗಿಣೀ ॥ 104 ॥
ಚಿತ್ಸ್ವರೂಪಾ ಚಿತ್ಪ್ರಕಾಶಾ ಚಿನ್ಮೂರ್ತಿರ್ಶ್ಚಿನ್ಮಯೀ ಚಿತಿಃ ।
ಮೂರ್ಖದೂರಾ ಮೋಹಹನ್ತ್ರೀ ಮುಖ್ಯಾ ಕ್ರೋಡಮುಖೀ ಸಖೀ ॥ 105 ॥
ಜ್ಞಾನಜ್ಞಾತೃಜ್ಞೇಯರೂಪಾ ವ್ಯೋಮಾಕಾರಾ ವಿಲಾಸಿನೀ ।
ವಿಮರ್ಶರೂಪಿಣೀ ವಶ್ಯಾ ವಿಧಾನಜ್ಞಾ ವಿಜೃಮ್ಭಿತಾ ॥ 106 ॥
ಕೇತಕೀಕುಸುಮಾಪೀಡಾ ಕಸ್ತೂರೀತಿಲಕೋಜ್ಜ್ವಲಾ ।
ಮೃಗ್ಯಾ ಮೃಗಾಕ್ಷೀ ರಸಿಕಾ ಮೃಗನಾಭಿಸುಗನ್ಧಿನೀ ॥ 107 ॥
ಯಕ್ಷಕರ್ದಮಲಿಪ್ತಾಂಗೀ ಯಕ್ಷಿಣೀ ಯಕ್ಷಪೂಜಿತಾ ।
ಲಸನ್ಮಾಣಿಕ್ಯಕಟಕಾ ಕೇಯೂರೋಜ್ಜ್ವಲದೋರ್ಲತಾ ॥ 108 ॥
ಸಿನ್ದೂರರಾಜತ್ಸೀಮನ್ತಾ ಸುಭ್ರೂವಲ್ಲೀ ಸುನಾಸಿಕಾ ।
ಕೈವಲ್ಯದಾ ಕಾನ್ತಿಮತೀ ಕಠೋರಕುಚಮಂಡಲಾ ॥ 109 ॥
ತಲೋದರೀ ತಮೋಹನ್ತ್ರೀ ತ್ರಯಸ್ತ್ರಿಂಶತ್ಸುರಾತ್ಮಿಕಾ ।
ಸ್ವಯಮ್ಭೂಃ ಕುಸುಮಾಮೋದಾ ಸ್ವಯಮ್ಭುಕುಸುಮಪ್ರಿಯಾ ॥ 110 ॥
ಸ್ವಾಧ್ಯಾಯಿನೀ ಸುಖಾರಾಧ್ಯಾ ವೀರಶ್ರೀರ್ವೀರಪೂಜಿತಾ ।
ದ್ರಾವಿಣೀ ವಿದ್ರುಮಾಭೋಷ್ಠೀ ವೇಗಿನೀ ವಿಷ್ಣುವಲ್ಲಭಾ ॥ 111 ॥
ಹಾಲಾಮದಾ ಲಸದ್ವಾಣೀ ಲೋಲಾ ಲೀಲಾವತೀ ರತಿಃ ।
ಲೋಪಾಮುದ್ರಾರ್ಚಿತಾ ಲಕ್ಷ್ಮೀರಹಲ್ಯಾಪರಿಪೂಜಿತಾ ॥ 112 ॥
ಆಬ್ರಹ್ಮಕೀಟಜನನೀ ಕೈಲಾಸಗಿರಿವಾಸಿನೀ ।
ನಿಧೀಶ್ವರೀ ನಿರಾತಂಕಾ ನಿಷ್ಕಲಂಕಾ ಜಗನ್ಮಯೀ ॥ 113 ॥
ಆದಿಲಕ್ಷ್ಮೀರನನ್ತಶ್ರೀರಚ್ಯುತಾ ತತ್ತ್ವರೂಪಿಣೀ ।
ನಾಮಜಾತ್ಯಾದಿರಹಿತಾ ನರನಾರಾಯಣಾರ್ಚಿತಾ ॥ 114 ॥
ಗುಹ್ಯೋಪನಿಷದುದ್ಗೀತಾ ಲಕ್ಷ್ಮೀವಾಣೀನಿಷೇವಿತಾ ।
ಮತಂಗವರದಾ ಸಿದ್ಧಾ ಮಹಾಯೋಗೀಶ್ವರೀ ಗುರುಃ ॥ 115 ॥
ಗುರುಪ್ರಿಯಾ ಕುಲಾರಾಧ್ಯಾ ಕುಲಸಂಕೇತಪಾಲಿನೀ ।
ಚಿಚ್ಚನ್ದ್ರಮಂಡಲಾನ್ತಃ ಸ್ಥಾ ಚಿದಾಕಾಶಸ್ವರೂಪಿಣೀ ॥ 116 ॥
ಅನಂಗಶಾಸ್ತ್ರತತ್ತ್ವಜ್ಞಾ ನಾನಾವಿಧರಸಪ್ರಿಯಾ ।
ನಿರ್ಮಲಾ ನಿರವದ್ಯಾಂಗೀ ನೀತಿಜ್ಞಾ ನೀತಿರೂಪಿಣೀ ॥ 117 ॥
ವ್ಯಾಪಿನೀ ವಿಬುಧಶ್ರೇಷ್ಠಾ ಕುಲಶೈಲಕುಮಾರಿಕಾ ।
ವಿಷ್ಣುಪ್ರಸೂರ್ವೀರಮಾತಾ ನಾಸಾಮಣಿವಿರಾಜಿತಾ ॥ 118 ॥
ನಾಯಿಕಾ ನಗರೀಸಂಸ್ಥಾ ನಿತ್ಯತುಷ್ಟಾ ನಿತಮ್ಬಿನೀ ।
ಪಂಚಬ್ರಹ್ಮಮಯೀ ಪ್ರಾಂಚೀ ಬ್ರಹ್ಮಾತ್ಮೈಕ್ಯಸ್ವರೂಪಿಣೀ ॥ 119 ॥
ಸರ್ವೋಪನಿಷದುದ್ಗೀತಾ ಸರ್ವಾನುಗ್ರಹಕಾರಿಣೀ ।
ಪವಿತ್ರಾ ಪಾವನಾ ಪೂತಾ ಪರಮಾತ್ಮಸ್ವರೂಪಿಣೀ ॥ 120 ॥
ಸೂರ್ಯೇನ್ದುವಹ್ನಿನಯನಾ ಸೂರ್ಯಮಂಡಲಮಧ್ಯಗಾ ।
ಗಾಯತ್ರೀ ಗಾತ್ರರಹಿತಾ ಸುಗುಣಾ ಗುಣವರ್ಜಿತಾ ॥ 121 ॥
ರಕ್ಷಾಕರೀ ರಮ್ಯರುಪಾ ಸಾತ್ವಿಕಾ ಸತ್ತ್ವದಾಯಿನೀ ।
ವಿಶ್ವಾತೀತಾ ವ್ಯೋಮರೂಪಾ ಸದಾಽರ್ಚನಜಪಪ್ರಿಯಾ ॥ 122 ॥
ಆತ್ಮಭೂರಜಿತಾ ಜಿಷ್ಣುರಜಾ ಸ್ವಾಹಾ ಸ್ವಧಾ ಸುಧಾ ।
ನನ್ದಿತಾಶೇಷಭುವನಾ ನಾಮಸಂಕೀರ್ತನಪ್ರಿಯಾ ॥ 123 ॥
ಗುರುಮೂರ್ತಿರ್ಗುರುಮಯೀ ಗುರುಪಾದಾರ್ಚನಪ್ರಿಯಾ ।
ಗೋಬ್ರಾಹ್ಮಣಾತ್ಮಿಕಾ ಗುರ್ವೀ ನೀಲಕಂಠೀ ನಿರಾಮಯಾ ॥ 124 ॥
ಮಾನವೀ ಮನ್ತ್ರಜನನೀ ಮಹಾಭೈರವಪೂಜಿತಾ ।
ನಿತ್ಯೋತ್ಸವಾ ನಿತ್ಯಪುಷ್ಟಾ ಶ್ಯಾಮಾ ಯೌವನಶಾಲಿನೀ ॥ 125 ॥
ಮಹನೀಯಾ ಮಹಾಮೂರ್ತಿರ್ಮಹತೀ ಸೌಖ್ಯಸನ್ತತಿಃ ।
ಪೂರ್ಣೋದರೀ ಹವಿರ್ಧಾತ್ರೀ ಗಣಾರಾಧ್ಯಾ ಗಣೇಶ್ವರೀ ॥ 126 ॥
ಗಾಯನಾ ಗರ್ವರಹಿತಾ ಸ್ವೇದಬಿನ್ದೂಲ್ಲಸನ್ಮುಖೀ ।
ತುಂಗಸ್ತನೀ ತುಲಾಶೂನ್ಯಾ ಕನ್ಯಾ ಕಮಲವಾಸಿನೀ ॥ 127 ॥
ಶೃಂಗಾರಿಣೀ ಶ್ರೀಃ ಶ್ರೀವಿದ್ಯಾ ಶ್ರೀಪ್ರದಾ ಶ್ರೀನಿವಾಸಿನೀ ।
ತ್ರೈಲೋಕ್ಯಸುನ್ದರೀ ಬಾಲಾ ತ್ರೈಲೋಕ್ಯಜನನೀ ಸುಧೀಃ ॥ 128 ॥
ಪಂಚಕ್ಲೇಶಹರಾ ಪಾಶಧಾರಿಣೀ ಪಶುಮೋಚನೀ ।
ಪಾಷಂಡಹನ್ತ್ರೀ ಪಾಪಘ್ನೀ ಪಾರ್ಥಿವಶ್ರೀಕರೀ ಧೃತಿಃ ॥ 129 ॥
ನಿರಪಾಯಾ ದುರಾಪಾ ಯಾ ಸುಲಭಾ ಶೋಭನಾಕೃತಿಃ ।
ಮಹಾಬಲಾ ಭಗವತೀ ಭವರೋಗನಿವಾರಿಣೀ ॥ 130 ॥
ಭೈರವಾಷ್ಟಕಸಂಸೇವ್ಯಾ ಬ್ರಾಹ್ಮ್ಯಾದಿಪರಿವಾರಿತಾ ।
ವಾಮಾದಿಶಕ್ತಿಸಹಿತಾ ವಾರುಣೀಮದವಿಹ್ವಲಾ ॥ 131 ॥
ವರಿಷ್ಠಾವಶ್ಯದಾ ವಶ್ಯಾ ಭಕ್ತ್ತಾರ್ತಿದಮನಾ ಶಿವಾ ।
ವೈರಾಗ್ಯಜನನೀ ಜ್ಞಾನದಾಯಿನೀ ಜ್ಞಾನವಿಗ್ರಹಾ ॥ 132 ॥
ಸರ್ವದೋಷವಿನಿರ್ಮುಕ್ತಾ ಶಂಕರಾರ್ಧಶರೀರಿಣೀ ।
ಸರ್ವೇಶ್ವರಪ್ರಿಯತಮಾ ಸ್ವಯಂಜ್ಯೋತಿಸ್ಸ್ವರೂಪಿಣೀ ॥ 133 ॥
ಕ್ಷೀರಸಾಗರಮಧ್ಯಸ್ಥಾ ಮಹಾಭುಜಗಶಾಯಿನೀ ।
ಕಾಮಧೇನುರ್ಬೃಹದ್ಗರ್ಭಾ ಯೋಗನಿದ್ರಾ ಯುಗನ್ಧರಾ ॥ 134 ॥
ಮಹೇನ್ದ್ರೋಪೇನ್ದ್ರಜನನೀ ಮಾತಂಗಕುಲಸಮ್ಭವಾ ।
ಮತಂಗಜಾತಿಸಮ್ಪೂಜ್ಯಾ ಮತಂಗಕುಲದೇವತಾ ॥ 135 ॥
ಗುಹ್ಯವಿದ್ಯಾ ವಶ್ಯವಿದ್ಯಾ ಸಿದ್ಧವಿದ್ಯಾ ಶಿವಾಂಗನಾ ।
ಸುಮಂಗಲಾ ರತ್ನಗರ್ಭಾ ಸೂರ್ಯಮಾತಾ ಸುಧಾಶನಾ ॥ 136 ॥
ಖಡ್ಗಮಂಡಲ ಸಮ್ಪೂಜ್ಯಾ ಸಾಲಗ್ರಾಮನಿವಾಸಿನೀ ।
ದುರ್ಜಯಾ ದುಷ್ಟದಮನಾ ದುರ್ನಿರೀಕ್ಷ್ಯಾ ದುರತ್ಯಯಾ ॥ 137 ॥
ಶಂಖಚಕ್ರಗದಾಹಸ್ತಾ ವಿಷ್ಣುಶಕ್ತಿರ್ವಿಮೋಹಿನೀ ।
ಯೋಗಮಾತಾ ಯೋಗಗಮ್ಯಾ ಯೋಗನಿಷ್ಠಾ ಸುಧಾಸ್ರವಾ ॥ 138 ॥
ಸಮಾಧಿನಿಷ್ಠೈಃ ಸಂವೇದ್ಯಾ ಸರ್ವಭೇದವಿವರ್ಜಿತಾ ।
ಸಾಧಾರಣಾ ಸರೋಜಾಕ್ಷೀ ಸರ್ವಜ್ಞಾ ಸರ್ವಸಾಕ್ಷಿಣೀ ॥ 139 ॥
ಮಹಾಶಕ್ತಿರ್ಮಹೋದಾರಾ ಮಹಾಮಂಗಲದೇವತಾ ।
ಕಲೌ ಕೃತಾವತರಣಾ ಕಲಿಕಲ್ಮಷನಾಶಿನೀ ॥ 140 ॥
ಸರ್ವದಾ ಸರ್ವಜನನೀ ನಿರೀಶಾ ಸರ್ವತೋಮುಖೀ ।
ಸುಗೂಢಾ ಸರ್ವತೋ ಭದ್ರಾ ಸುಸ್ಥಿತಾ ಸ್ಥಾಣುವಲ್ಲಭಾ ॥ 141 ॥
ಚರಾಚರಜಗದ್ರೂಪಾ ಚೇತನಾಚೇತನಾಕೃತಿಃ ।
ಮಹೇಶ್ವರ ಪ್ರಾಣನಾಡೀ ಮಹಾಭೈರವಮೋಹಿನೀ ॥ 142 ॥
ಮಂಜುಲಾ ಯೌವನೋನ್ಮತ್ತಾ ಮಹಾಪಾತಕನಾಶಿನೀ ।
ಮಹಾನುಭಾವಾ ಮಾಹೇನ್ದ್ರೀ ಮಹಾಮರಕತಪ್ರಭಾ ॥ 143 ॥
ಸರ್ವಶಕ್ತ್ಯಾಸನಾ ಶಕ್ತಿರ್ನಿರಾಭಾಸಾ ನಿರಿನ್ದ್ರಿಯಾ ।
ಸಮಸ್ತದೇವತಾಮೂರ್ತಿಃ ಸಮಸ್ತಸಮಯಾರ್ಚಿತಾ ॥ 144 ॥
ಸುವರ್ಚಲಾ ವಿಯನ್ಮೂರ್ತಿಃ ಪುಷ್ಕಲಾ ನಿತ್ಯಪುಷ್ಪಿಣೀ ।
ನೀಲೋತ್ಪಲದಲಶ್ಯಾಮಾ ಮಹಾಪ್ರಲಯಸಾಕ್ಷಿಣೀ ॥ 145 ॥
ಸಂಕಲ್ಪಸಿದ್ಧಾ ಸಂಗೀತರಸಿಕಾ ರಸದಾಯಿನೀ ।
ಅಭಿನ್ನಾ ಬ್ರಹ್ಮಜನನೀ ಕಾಲಕ್ರಮವಿವರ್ಜಿತಾ ॥ 146 ॥
ಅಜಪಾ ಜಾಡ್ಯರಹಿತಾ ಪ್ರಸನ್ನಾ ಭಗವತ್ಪ್ರಿಯಾ ।
ಇನ್ದಿರಾ ಜಗತೀಕನ್ದಾ ಸಚ್ಚಿದಾನನ್ದಕನ್ದಲೀ ॥
ಶ್ರೀಚಕ್ರನಿಲಯಾ ದೇವೀ ಶ್ರೀವಿದ್ಯಾ ಶ್ರೀಪ್ರದಾಯಿನೀ ॥ 147 ॥
ಫಲಶ್ರುತಿಃ
ಇತಿ ತೇ ಕಥಿತೋ ಲಕ್ಷ್ಮೀ ನಾಮಸಾರಸ್ತವೋ ಮಯಾ ।
ಶ್ಯಾಮಲಾಯಾ ಮಹಾದೇವ್ಯಾಃ ಸರ್ವವಶ್ಯಪ್ರದಾಯಕಃ ॥ 148 ॥
ಯ ಇಮಂ ಪಠತೇ ನಿತ್ಯಂ ನಾಮಸಾರಸ್ತವಂ ಪರಮ್ ।
ತಸ್ಯ ನಶ್ಯನ್ತಿ ಪಾಪಾನಿ ಮಹಾನ್ತ್ಯಪಿ ನ ಸಂಶಯಃ ॥ 149 ॥
ತ್ರಿಸನ್ಧ್ಯಂ ಯಃ ಪಠೇನ್ನಿತ್ಯಂ ವರ್ಷಮೇಕಮತನ್ದ್ರಿತಃ ।
ಸಾರ್ವಭೌಮೋ ಮಹೀಪಾಲಸ್ತಸ್ಯ ವಶ್ಯೋ ಭವೇದ್ಧುವಮ್ ॥ 150 ॥
ಮೂಲಮನ್ತ್ರಜಪಾನ್ತೇ ಯಃ ಪಠೇನ್ನಾಮಸಹಸ್ರಕಮ್ ।
ಮನ್ತ್ರಸಿದ್ಧಿರ್ಭವೇತ್ತಸ್ಯ ಶೀಘ್ರಮೇವ ವರಾನನೇ ॥ 151 ॥
ಜಗತ್ತ್ರಯಂ ವಶೀಕೃತ್ಯ ಸಾಕ್ಷಾತ್ಕಾಮಸಮೋ ಭವೇತ್ ।
ದಿನೇ ದಿನೇ ದಶಾವೃತ್ತ್ಯಾ ಮಂಡಲಂ ಯೋ ಜಪೇನ್ನರಃ ॥ 152 ॥
ಸಚಿವಃ ಸ ಭವೇದ್ದೇವಿ ಸಾರ್ವಭೌಮಸ್ಯ ಭೂಪತೇಃ ।
ಷಣ್ಮಾಸಂ ಯೋ ಜಪೇನ್ನಿತ್ಯಂ ಏಕವಾರಂ ದೃಢವ್ರತಃ ॥ 153 ॥
ಭವನ್ತಿ ತಸ್ಯ ಧಾನ್ಯಾನಾಂ ಧನಾನಾಂ ಚ ಸಮೃದ್ಧಯಃ ।
ಚನ್ದನಂ ಕುಂಕುಮಂ ವಾಪಿ ಭಸ್ಮ ವಾ ಮೃಗನಾಭಿಕಮ್ ॥ 154 ॥
ಅನೇನೈವ ತ್ರಿರಾವತ್ತ್ಯಾ ನಾಮಸಾರೇಣ ಮನ್ತ್ರಿತಮ್ ।
ಯೋ ಲಲಾಟೇ ಧಾರಯತೇ ತಸ್ಯ ವಕ್ತ್ರಾವಲೋಕನಾತ್ ॥ 155 ॥
ಹನ್ತುಮುದ್ಯತಖಡ್ಗೋಽಪಿ ಶತ್ರುರ್ವಶ್ಯೋ ಭವೇದ್ಧ್ರುವಮ್ ।
ಅನೇನ ನಾಮಸಾರೇಣ ಮನ್ತ್ರಿತಂ ಪ್ರಾಶಯೇಜ್ಜಲಮ್ ॥ 156 ॥
ಮಾಸಮಾತ್ರಂ ವರಾರೋಹೇ ಗಾನ್ಧರ್ವನಿಪುಣೋ ಭವೇತ್ ।
ಸಂಗೀತೇ ಕವಿತಾಯಾಂ ಚ ನಾಸ್ತಿ ತತ್ಸದೃಶೋ ಭುವಿ ॥ 157 ॥
ಬ್ರಹ್ಮಜ್ಞಾನಮವಾಪ್ನೋತಿ ಮೋಕ್ಷಂ ಚಾಪ್ಯಧಿಗಚ್ಛತಿ ।
ಪ್ರೀಯತೇ ಶ್ಯಾಮಲಾ ನಿತ್ಯಂ ಪ್ರೀತಾಽಭೀಷ್ಟಂ ಪ್ರಯಚ್ಛತಿ ॥ 158 ॥
॥ ಇತಿ ಸೌಭಾಗ್ಯಲಕ್ಷ್ಮೀಕಲ್ಪತಾನ್ತರ್ಗತೇ ಲಕ್ಷ್ಮೀನಾರಾಯಣಸಂವಾದೇ
ಅಷ್ಟಸಪ್ತಿತಮೇ ಖಂಡೇ ಶ್ರೀಶ್ಯಾಮಲಾಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥
ಮಾತಂಗೀ ಮಾತರೀಶೇ ಮಧುಮಥನಾಸಧಿತೇ ಮಹಾಮಾಯೇ ।
ಮೋಹಿನಿ ಮೋಹಪ್ರಮಥಿನಿ ಮನ್ಮಥಮಥನಪ್ರಿಯೇ ವರಾಂಗಿ ಮಾತಂಗಿ ॥
ಯತಿಜನ ಹೃದಯನಿವಾಸೇ ವಾಸವವರದೇ ವರಾಂಗಿ ಮಾತಂಗಿ ।
ವೀಣಾವಾದ ವಿನೋದಿನಿ ನಾರದಗೀತೇ ನಮೋ ದೇವಿ ॥