Chapter 25 of Adbhutaramayana contains Sita Sahasranama by Shrirama. The gist of the episode is – A group of Maharshis visited Shrirama, after His return to Ayodhya from Lanka after killing the 10-headed Ravana, and congratulated Him. They praised Him for killing the most dreadful Ravana. On hearing this, Sita, sitting beside Shrirama, smiled mockingly. The sages were surprised at this and asked Her to explain the reason for Her behavior. She said that killing the 10-headed Ravana is not that praiseworthy, and that Shrirama’s real praise can only be made if he can kill the 1000-headed Ravana – brother of the 10-headed Ravana. As the story goes, before the marriage of Sita, a Brahmin had come to her father’s palace for Chaturmasya. Very satisfied with Sita’s service, the Brahmin used to tell Her several stories. One of the stories was about this 1000-headed Ravana of Pushkara Dwipa, who had conquered all the gods and others in the three worlds. Hearing the story, Shrirama decided to kill the 1000-headed Ravana and started with all his brothers and friends like Sugriva, Hanuman, Vibhishana, etc with their armies. Ravana was so
powerful that with his arrows, he drove out the entire army including the four brothers, Sugriva, Hanuman, Vibhishana and others, all of whom returned and reached their own homes in no time. There remained only Shrirama and Sita in the Pushpaka Vimana, with gods, sages, etc. in the sky, witnessing the war below. After heavy fighting, Shrirama fell down wounded in the Pushpaka Vimana while Ravana was laughing aloud on his success. Sita then got down from the Vimana and immediately changed as Ugramurti Kali and killed Ravana and his entire army. When Shrirama was roused, he saw Kali and her troupe dancing and playing with the head of Ravana. Seeing all these, Shrirama became fearful and started praising Sita with 1008 names.
॥ Sitasahasranamastotram from Adbhutaramayana Telugu Lyrics ॥
॥ శ్రీసీతాసహస్రనామస్తోత్రమ్ ॥
వాల్మీకివిరచితే అద్భుతరామాయణే పఞ్చవింశతి సర్గాన్తర్గతం
శ్రీరామకృతం సీతాసహస్రనామస్తోత్రమ్ ।
బ్రహ్మణో వచనం శ్రుత్వా రామః కమలలోచనః ।
ప్రోన్మీల్య శనకైరక్షీ వేపమానో మహాభుజః ॥ ౧ ॥
ప్రణమ్య శిరసా భూమౌ తేజసా చాపి విహ్వలః ।
భీతః కృతాఞ్జలిపుటః ప్రోవాచ పరమేశ్వరీమ్ ॥ ౨ ॥
కా త్వం దేవి విశాలాక్షి శశాఙ్కావయవాఙ్కితే ।
న జానే త్వాం మహాదేవి యథావద్బ్రూహి పృచ్ఛతే ॥ ౩ ॥
రామస్య వచనం శ్రుత్వా తతః సా పరమేశ్వరీ ।
వ్యాజహార రఘువ్యాఘ్రం యోగినామభయప్రదా ॥ ౪ ॥
మాం విద్ధి పరమాం శక్తిం మహేశ్వరసమాశ్రయామ్ ।
అనన్యామవ్యయామేకాం యాం పశ్యన్తి ముముక్షవః ॥ ౫ ॥
అహం వై సర్వభావానామాత్మా సర్వాన్తరా శివా ।
శాశ్వతీ సర్వవిజ్ఞానా సర్వమూర్తిప్రవర్తికా ॥ ౬ ॥
అనన్తానన్తమహిమా సంసారార్ణవతారిణీ ।
దివ్యం దదామి తే చక్షుః పశ్య మే పదమైశ్వరమ్ ॥ ౭ ॥
ఇత్యుక్త్వా విరరామైషా రామోఽపశ్యచ్చ తత్పదమ్ ।
కోటిసూర్యప్రతీకాశం విశ్వక్తేజోనిరాకులమ్ ॥ ౮ ॥
జ్వాలావలీసహస్రాఢ్యం కాలానలశతోపమమ్ ।
దంష్ట్రాకరాలం దుర్ధర్షం జటామణ్డలమణ్డితమ్ ॥ ౯ ॥
త్రిశూలవరహస్తం చ ఘోరరూపం భయావహమ్ ।
ప్రశామ్యత్సౌమ్యవదనమనన్తైశ్వర్యసంయుతమ్ ॥ ౧౦ ॥
చన్ద్రావయవలక్ష్మాఢ్యం చన్ద్రకోటిసమప్రభమ్ ।
కిరీటినం గదాహస్తం నూపురైరుపశోభితమ్ ॥ ౧౧ ॥
దివ్యమాల్యామ్బరధరం దివ్యగన్ధానులేపనమ్ ।
శఙ్ఖచక్రకరం కామ్యం త్రినేత్రం కృత్తివాససమ్ ॥ ౧౨ ॥
అన్తఃస్థం చాణ్డబాహ్యస్థం బాహ్యాభ్యన్తరతఃపరమ్ ।
సర్వశక్తిమయం శాన్తం సర్వాకారం సనాతనమ్ ॥ ౧౩ ॥
బ్రహ్మేన్ద్రోపేన్ద్రయోగీన్ద్రైరీడ్యమానపదామ్బుజమ్ ।
సర్వతః పాణిపాదం తత్సర్వతోఽక్షిశిరోముఖమ్ ॥ ౧౪ ॥
సర్వమావృత్య తిష్ఠన్తం దదర్శ పదమైశ్వరమ్ ।
దృష్ట్వా చ తాదృశం రూపం దివ్యం మాహేశ్వరం పదమ్ ॥ ౧౫ ॥
తథైవ చ సమావిష్టః స రామో హృతమానసః ।
ఆత్మన్యాధాయ చాత్మానమోఙ్కారం సమనుస్మరన్ ॥ ౧౬ ॥
నామ్నామష్టసహస్రేణ తుష్టావ పరమేశ్వరీమ్ ।
ఓం సీతోమా పరమా శక్తిరనన్తా నిష్కలామలా ॥ ౧౭ ॥
శాన్తా మాహేశ్వరీ చైవ శాశ్వతీ ౧౦ పరమాక్షరా ।
అచిన్త్యా కేవలానన్తా శివాత్మా పరమాత్మికా ॥ ౧౮ ॥
అనాదిరవ్యయా శుద్ధా దేవాత్మా ౨౦ సర్వగోచరా ।
ఏకానేకవిభాగస్థా మాయాతీతా సునిర్మలా ॥ ౧౯ ॥
మహామాహేశ్వరీ శక్తా మహాదేవీ నిరఞ్జనా ।
కాష్ఠా ౩౦ సర్వాన్తరస్థా చ చిచ్ఛక్తిరతిలాలసా ॥ ౨౦ ॥
జానకీ మిథిలానన్దా రాక్షసాన్తవిధాయినీ ।
రావణాన్తరకరీ రమ్యా రామవక్షఃస్థలాలయా ॥ ౨౧ ॥
ఉమా సర్వాత్మికా ౪౦ విద్యా జ్యోతిరూపాయుతాక్షరా ।
శాన్తిః ప్రతిష్ఠా సర్వేషాం నివృత్తిరమృతప్రదా ॥ ౨౨ ॥
వ్యోమమూర్తిర్వ్యోమమయీ వ్యోమధారాఽచ్యుతా ౫౧ లతా ।
అనాదినిధనా యోషా కారణాత్మా కలాకులా ॥ ౨౩ ॥
నన్దప్రథమజా నాభిరమృతస్యాన్తసంశ్రయా ।
ప్రాణేశ్వరప్రియా ౬౦ మాతామహీ మహిషవాహనా ॥ ౨౪ ॥
ప్రాణేశ్వరీ ప్రాణరూపా ప్రధానపురుషేశ్వరీ ।
సర్వశక్తిః కలా కాష్ఠా జ్యోత్స్నేన్దోర్మహిమాఽఽస్పదా ॥ ౨౫ ॥ ౭౨
సర్వకార్యనియన్త్రీ చ సర్వభూతేశ్వరేశ్వరీ ।
అనాదిరవ్యక్తగుణా మహానన్దా సనాతనీ ॥ ౨౬ ॥
ఆకాశయోనిర్యోగస్థా సర్వయోగేశ్వరేశ్వరీ ౮౦ ।
శవాసనా చితాన్తఃస్థా మహేశీ వృషవాహనా ॥ ౨౭ ॥
బాలికా తరుణీ వృద్ధా వృద్ధమాతా జరాతురా ।
మహామాయా ౬౦ సుదుష్పూరా మూలప్రకృతిరీశ్వరీ ॥ ౨౮ ॥
సంసారయోనిః సకలా సర్వశక్తిసముద్భవా ।
సంసారసారా దుర్వారా దుర్నిరీక్ష్యా దురాసదా ౧౦౦ ॥ ౨౯ ॥
ప్రాణశక్తిః ప్రాణవిద్యా యోగినీ పరమా కలా ।
మహావిభూతిర్దుర్ధర్షా మూలప్రకృతిసమ్భవా ॥ ౩౦ ॥
అనాద్యనన్తవిభవా పరాత్మా పురుషో బలీ ౧౧౦ ।
సర్గస్థిత్యన్తకరణీ సుదుర్వాచ్యా దురత్యయా ॥ ౩౧ ॥
శబ్దయోనిశ్శబ్దమయీ నాదాఖ్యా నాదవిగ్రహా ।
ప్రధానపురుషాతీతా ప్రధానపురుషాత్మికా ॥ ౩౨ ॥
పురాణీ ౧౨౦ చిన్మయీ పుంసామాదిః పురుషరూపిణీ ।
భూతాన్తరాత్మా కూటస్థా మహాపురుషసంజ్ఞితా ॥ ౩౩ ॥
జన్మమృత్యుజరాతీతా సర్వశక్తిసమన్వితా ।
వ్యాపినీ చానవచ్ఛిన్నా ౧౩౦ ప్రధానా సుప్రవేశినీ ॥ ౩౪ ॥
క్షేత్రజ్ఞా శక్తిరవ్యక్తలక్షణా మలవర్జితా ।
అనాదిమాయాసమ్భిన్నా త్రితత్త్వా ప్రకృతిర్గుణః ౧౪౦ ॥ ౩౫ ॥
మహామాయా సముత్పన్నా తామసీ పౌరుషం ధ్రువా ।
వ్యక్తావ్యక్తాత్మికా కృష్ణా రక్తశుక్లాప్రసూతికా ॥ ౩౬ ॥
స్వకార్యా ౧౫౦ కార్యజననీ బ్రహ్మాస్యా బ్రహ్మసంశ్రయా ।
వ్యక్తా ప్రథమజా బ్రాహ్మీ మహతీ జ్ఞానరూపిణీ ॥ ౩౭ ॥
వైరాగ్యైశ్వర్యధర్మాత్మా బ్రహ్మమూర్తిర్హృదిస్థితా । ౧౬౧
జయదా జిత్వరీ జైత్రీ జయశ్రీర్జయశాలినీ ॥ ౩౮ ॥
సుఖదా శుభదా సత్యా శుభా ౧౭౦ సఙ్క్షోభకారిణీ ।
అపాం యోనిః స్వయమ్భూతిర్మానసీ తత్త్వసమ్భవా ॥ ౩౯ ॥
ఈశ్వరాణీ చ సర్వాణీ శఙ్కరార్ద్ధశరీరిణీ ।
భవానీ చైవ రుద్రాణీ ౧౮౦ మహాలక్ష్మీరథామ్బికా ॥ ౪౦ ॥
మాహేశ్వరీ సముత్పన్నా భుక్తిముక్తిఫలప్రదా ।
సర్వేశ్వరీ సర్వవర్ణా నిత్యా ముదితమానసా ॥ ౪౧ ॥
బ్రహ్మేన్ద్రోపేన్ద్రనమితా శఙ్కరేచ్ఛానువర్తినీ ౧౯౦ ।
ఈశ్వరార్ద్ధాసనగతా రఘూత్తమపతివ్రతా ॥ ౪౨ ॥
సకృద్విభావితా సర్వా సముద్రపరిశోషిణీ ।
పార్వతీ హిమవత్పుత్రీ పరమానన్దదాయినీ ॥ ౪౩ ॥
గుణాఢ్యా యోగదా ౨౦౦ యోగ్యా జ్ఞానమూర్తిర్వికాసినీ ।
సావిత్రీ కమలా లక్ష్మీ శ్రీరనన్తోరసి స్థితా ॥ ౪౪ ॥
సరోజనిలయా శుభ్రా యోగనిద్రా ౨౧౦ సుదర్శనా ।
సరస్వతీ సర్వవిద్యా జగజ్జ్యేష్ఠా సుమఙ్గలా ॥ ౪౫ ॥
వాసవీ వరదా వాచ్యా కీర్తిః సర్వార్థసాధికా ౨౨౦ ।
వాగీశ్వరీ సర్వవిద్యా మహావిద్యా సుశోభనా ॥ ౪౬ ॥
గుహ్యవిద్యాఽఽత్మవిద్యా చ సర్వవిద్యాఽఽత్మభావితా ।
స్వాహా విశ్వమ్భరీ ౨౩౦ సిద్ధిః స్వధా మేధా ధృతిః శ్రుతిః ॥ ౪౭ ॥
నాభిః సునాభిః సుకృతిర్మాధవీ నరవాహినీ ౨౪౦ ।
పూజా విభావరీ సౌమ్యా భగినీ భోగదాయినీ ॥ ౪౮ ॥
శోభా వంశకరీ లీలా మానినీ పరమేష్ఠినీ ౨౫౦ ।
త్రైలోక్యసున్దరీ రమ్యా సున్దరీ కామచారిణీ ॥ ౪౯ ॥
మహానుభావమధ్యస్థా మహామహిషమర్దినీ ।
పద్మమాలా పాపహరా విచిత్రముకుటాననా ॥ ౫౦ ॥
కాన్తా ౨౬౦ చిత్రామ్బరధరా దివ్యాభరణభూషితా ।
హంసాఖ్యా వ్యోమనిలయా జగత్సృష్టివివర్ద్ధినీ ॥ ౫౧ ॥
నిర్యన్త్రా మన్త్రవాహస్థా నన్దినీ భద్రకాలికా ।
ఆదిత్యవర్ణా ౨౭౦ కౌమారీ మయూరవరవాహినీ ॥ ౫౨ ॥
వృషాసనగతా గౌరీ మహాకాలీ సురార్చితా ।
అదితిర్నియతా రౌద్రీ పద్మగర్భా ౨౮౦ వివాహనా ॥ ౫౩ ॥
విరూపాక్షీ లేలిహానా మహాసురవినాశినీ ।
మహాఫలానవద్యాఙ్గీ కామపూరా విభావరీ ॥ ౫౪ ॥
కౌశికీ కర్షిణీ రాత్రిస్త్రిదశార్త్తివినాశనీ ॥ ౫౫ ॥
విరూపా చ సరూపా చ భీమా మోక్షప్రదాయినీ ।
భక్తార్త్తినాశినీ భవ్యా ౩౦౦ భవభావవినాశినీ ॥ ౫౬ ॥
నిర్గుణా నిత్యవిభవా నిఃసారా నిరపత్రపా ।
యశస్వినీ సామగీతిర్భావాఙ్గనిలయాలయా ॥ ౫౭ ॥
దీక్షా ౩౧౦ విద్యాధరీ దీప్తా మహేన్ద్రవినిపాతినీ ।
సర్వాతిశాయినీ విద్యా సర్వశక్తిప్రదాయినీ ॥ ౫౮ ॥
సర్వేశ్వరప్రియా తార్క్షీ సముద్రాన్తరవాసినీ ।
అకలఙ్కా నిరాధారా ౩౨౦ నిత్యసిద్ధా నిరామయా ॥ ౫౯ ॥
కామధేనుర్వేదగర్భా ధీమతీ మోహనాశినీ ।
నిఃసఙ్కల్పా నిరాతఙ్కా వినయా వినయప్రదా ౩౨౦ ॥ ౬౦ ॥
జ్వాలామాలాసహస్రాఢ్యా దేవదేవీ మనోన్మనీ ।
ఉర్వీ గుర్వీ గురుః శ్రేష్ఠా సగుణా షడ్గుణాత్మికా ॥ ౬౧ ॥
మహాభగవతీ ౩౪౦ భవ్యా వసుదేవసముద్భవా ।
మహేన్ద్రోపేన్ద్రభగినీ భక్తిగమ్యపరాయణా ॥ ౬౨ ॥
జ్ఞానజ్ఞేయా జరాతీతా వేదాన్తవిషయా గతిః ।
దక్షిణా ౩౫౦ దహనా బాహ్యా సర్వభూతనమస్కృతా ॥ ౬౩ ॥
యోగమాయా విభావజ్ఞా మహామోహా మహీయసీ ।
సత్యా సర్వసముద్భూతిర్బ్రహ్మవృక్షాశ్రయా ౩౬౦ మతిః ॥ ౬౪ ॥
బీజాఙ్కురసముద్భూతిర్మహాశక్తిర్మహామతిః ।
ఖ్యాతిః ప్రతిజ్ఞా చిత్సంవిన్మహాయోగేన్ద్రశాయినీ ॥ ౬౫ ॥
వికృతిః ౩౭౦ శఙ్కరీ శాస్త్రీ గన్ధర్వా యక్షసేవితా ।
వైశ్వానరీ మహాశాలా దేవసేనా గుహప్రియా ॥ ౬౬ ॥
మహారాత్రీ శివానన్దా శచీ ౩౮౦ దుఃస్వప్ననాశినీ ।
పూజ్యాపూజ్యా జగద్ధాత్రీ దుర్విజ్ఞేయస్వరూపిణీ ॥ ౬౭ ॥
గుహామ్బికా గుహోత్పత్తిర్మహాపీఠా మరుత్సుతా ।
హవ్యవాహాన్తరా ౩౬౦ గార్గీ హవ్యవాహసముద్భవా ॥ ౬౮ ॥
జగద్యోనిర్జగన్మాతా జగన్మృత్యుర్జరాతిగా ।
బుద్ధిర్మాతా బుద్ధిమతీ పురుషాన్తరవాసినీ ౪౦౦ ॥ ౬౯ ॥
తపస్వినీ సమాధిస్థా త్రినేత్రా దివిసంస్థితా ।
సర్వేన్ద్రియమనోమాతా సర్వభూతహృదిస్థితా ॥ ౭౦ ॥
బ్రహ్మాణీ బృహతీ ౪౧౦ బ్రాహ్మీ బ్రహ్మభూతా భయావనీ ॥ ౭౧ ॥
హిరణ్యమయీ మహారాత్రిః సంసారపరివర్తికా ।
సుమాలినీ సురూపా చ తారిణీ భావినీ ౪౨౦ ప్రభా ॥ ౭౨ ॥
ఉన్మీలనీ సర్వసహా సర్వప్రత్యయసాక్షిణీ ।
తపినీ తాపినీ విశ్వా భోగదా ధారిణీ ధరా ౪౩౦ ॥ ౭౩ ॥
సుసౌమ్యా చన్ద్రవదనా తాణ్డవాసక్తమానసా ।
సత్త్వశుద్ధికరీ శుద్ధిర్మలత్రయవినాశినీ ॥ ౭౪ ॥
జగత్ప్రియా జగన్మూర్తిస్త్రిమూర్తిరమృతాశ్రయా ౪౪౦ ।
నిరాశ్రయా నిరాహారా నిరఙ్కుశరణోద్భభవా ॥ ౭౫ ॥
చక్రహస్తా విచిత్రాఙ్గీ స్రగ్విణీ పద్మధారిణీ ।
పరాపరవిధానజ్ఞా మహాపురుషపూర్వజా ॥ ౭౬ ॥
విద్యేశ్వరప్రియాఽవిద్యా విదుజ్జిహ్వా జితశ్రమా । ౪౫౩
విద్యామయీ సహస్రాక్షీ సహస్రశ్రవణాత్మజా ॥ ౭౭ ॥
జ్వాలినీ ౪౬౦ సద్మనా వ్యాప్తా తైజసీ పద్మరోధికా ॥ ౭౮ ॥
మహాదేవాశ్రయా మాన్యా మహాదేవమనోరమా ॥
వ్యోమలక్ష్మీశ్చ సింహస్థా చేకితాన్యమితప్రభా ౪౭౦ ॥ ౭౯ ॥
విశ్వేశ్వరీ విమానస్థా విశోకా శోకనాశినీ ।
అనాహతా కుణ్డలినీ నలినీ పద్మవాసినీ ॥ ౮౦ ॥
శతానన్దా సతాం కీర్తిః ౪౮౦ సర్వభూతాశయస్థితా ।
వాగ్దేవతా బ్రహ్మకలా కలాతీతా కలావతీ ॥ ౮౧ ॥
బ్రహ్మర్షిర్బ్రహ్మహృదయా బ్రహావిష్ణుశివప్రియా ।
వ్యోమశక్తిః క్రియాశక్తిర్జనశక్తిః పరాగతిః ॥ ౮౨ ॥ ౪౯౨
క్షోభికా రౌద్రికా భేద్యా భేదాభేదవివర్జితా ।
అభిన్నా భిన్నసంస్థానా వంశినీ వంశహారిణీ ౫౦౦ ॥ ౮౩ ॥
గుహ్యశక్తిర్గుణాతీతా సర్వదా సర్వతోముఖీ ।
భగినీ భగవత్పత్నీం సకలా కాలకారిణీ ॥ ౮౪ ॥
సర్వవిత్సర్వతోభద్రా ౫౧౦ గుహ్యాతీతా గుహాబలిః ।
ప్రక్రియా యోగమాతా చ గన్ధా విశ్వేశ్వరేశ్వరీ ॥ ౮౫ ॥
కపిలా కపిలాకాన్తా కనకాభా కలాన్తరా ౫౨౦ ।
పుణ్యా పుష్కరిణీ భోక్త్రీ పురన్దరపురఃసరా ॥ ౮౬ ॥
పోషణీ పరమైశ్వర్యభూతిదా భూతిభూషణా ॥
పఞ్చబ్రహ్మసముత్పత్తిః పరమాత్మాత్ఽఽమవిగ్రహా ॥ ౮౭ ॥
నర్మోదయా ౫౩౦ భానుమతీ యోగిజ్ఞేయా మనోజవా ।
బీజరూపా రజోరూపా వశినీ యోగరూపిణీ ॥ ౮౮ ॥
సుమన్త్రా మన్త్రిణీ పూర్ణా ౫౪౦ హ్లాదినీ క్లేశనాశినీ ।
మనోహరిర్మనోరక్షీ తాపసీ వేదరూపిణీ ॥ ౮౯ ॥
వేదశక్తిర్వేదమాతా వేదవిద్యాప్రకాశినీ ।
యోగేశ్వరేశ్వరీ ౫౫౦ మాలా మహాశక్తిర్మనోమయీ ॥ ౯౦ ॥
విశ్వావస్థా వీరముక్తిర్విద్యున్మాలా విహాయసీ ।
పీవరీ సురభీ వన్ద్యా ౫౬౦ నన్దినీ నన్దవల్లభా ॥ ౯౧ ॥
భారతీ పరమానన్దా పరాపరవిభేదికా ।
సర్వప్రహరణోపేతా కామ్యా కామేశ్వరేశ్వరీ ॥ ౯౨ ॥
అచిన్త్యాచిన్త్యమహిమా ౫౭౦ దుర్లేఖా కనకప్రభా ।
కూష్మాణ్డీ ధనరత్నాఢ్యా సుగన్ధా గన్ధదాయినీ ॥ ౯౩ ॥
త్రివిక్రమపదోద్భూతా ధనుష్పాణిః శిరోహయా ।
సుదుర్లభా ౫౮౦ ధనాధ్యక్షా ధన్యా పిఙ్గలలోచనా ॥ ౯౪ ॥
భ్రాన్తిః ప్రభావతీ దీప్తిః పఙ్కజాయతలోచనా ।
ఆద్యా హృత్కమలోద్భూతా పరామాతా ౫౬౦ రణప్రియా ॥ ౯౫ ॥
సత్క్రియా గిరిజా నిత్యశుద్ధా పుష్పనిరన్తరా ।
దుర్గా కాత్యాయనీ చణ్డీ చర్చికా శాన్తవిగ్రహా ౬౦౦ ॥ ౯౬ ॥
హిరణ్యవర్ణా రజనీ జగన్మన్త్రప్రవర్తికా ।
మన్దరాద్రినివాసా చ శారదా స్వర్ణమాలినీ ॥ ౯౭ ॥
రత్నమాలా రత్నగర్భా పృథ్వీ విశ్వప్రమాథినీ ౬౧౦ ।
పద్మాసనా పద్మనిభా నిత్యతుష్టామృతోద్భవా ॥ ౯౮ ॥
ధున్వతీ దుష్ప్రకమ్పా చ సూర్యమాతా దృషద్వతీ ।
మహేన్ద్రభగినీ మాయా ౬౨౦ వరేణ్యా వరదర్పితా ॥ ౯౯ ॥
కల్యాణీ కమలా రామా పఞ్చభూతవరప్రదా ।
వాచ్యా వరేశ్వరీ నన్ద్యా దుర్జయా ౬౩౦ దురతిక్రమా ॥ ౧౦౦ ॥
కాలరాత్రిర్మహావేగా వీరభద్రహితప్రియా ।
భద్రకాలీ జగన్మాతా భక్తానాం భద్రదాయినీ ॥ ౧౦౧ ॥
కరాలా పిఙ్గలాకారా నామవేదా ౬౪౦ మహానదా ।
తపస్వినీ యశోదా చ యథాధ్వపరివర్తినీ ॥ ౧౦౨ ॥
శఙ్ఖినీ పద్మినీ సాఙ్ఖ్యా సాఙ్ఖ్యయోగప్రవర్తికా ।
చైత్రీ సంవత్సరా ౬౫౦ రుద్రా జగత్సమ్పూరణీన్ద్రజా ॥ ౧౦౩ ॥
శుమ్భారిః ఖేచరీ ఖస్థా కమ్బుగ్రీవా కలిప్రియా ।
ఖరధ్వజా ఖరారూఢా ౬౬౦ పరార్ధ్యా పరమాలినీ ॥ ౧౦౪ ॥
ఐశ్వర్యరత్ననిలయా విరక్తా గరుడాసనా ।
జయన్తీ హృద్గుహా రమ్యా సత్త్వవేగా గణాగ్రణీః ॥ ౧౦౫ ॥
సఙ్కల్పసిద్ధా ౬౭౦ సామ్యస్థా సర్వవిజ్ఞానదాయినీ ।
కలికల్మషహన్త్రీ చ గుహ్యోపనిషదుత్తమా ॥ ౧౦౬ ॥
నిత్యదృష్టిః స్మృతిర్వ్యాప్తిః పుష్టిస్తుష్టిః ౬౮౦ క్రియావతీ ।
విశ్వామరేశ్వరేశానా భుక్తిర్ముక్తిః శివామృతా ॥ ౧౦౭ ॥
లోహితా సర్వమాతా చ భీషణా వనమాలినీ ౬౯౦ ।
అనన్తశయనానాద్యా నరనారాయణోద్భవా ॥ ౧౦౮ ॥
నృసింహీ దైత్యమథినీ శఙ్ఖచక్రగదాధరా ।
సఙ్కర్షణసముత్పత్తిరమ్బికోపాత్తసంశ్రయా ॥ ౧౦౯ ॥
మహాజ్వాలా మహామూర్తిః ౭౦౦ సుమూర్తిః సర్వకామధుక్ ।
సుప్రభా సుతరాం గౌరీ ధర్మకామార్థమోక్షదా ॥ ౧౧౦ ॥
భ్రూమధ్యనిలయాఽపూర్వా ప్రధానపురుషా బలీ ।
మహావిభూతిదా ౭౧౦ మధ్యా సరోజనయనాసనా ॥ ౧౧౧ ॥
అష్టాదశభుజా నాట్యా నీలోత్పలదలప్రభా ।
సర్వశక్తా సమారూఢా ధర్మాధర్మానువర్జితా ॥ ౧౧౨ ॥
వైరాగ్యజ్ఞాననిరతా నిరాలోకా ౭౨౦ నిరిన్ద్రియా ।
విచిత్రగహనా ధీరా శాశ్వతస్థానవాసినీ ॥ ౧౧౩ ॥
స్థానేశ్వరీ నిరానన్దా త్రిశూలవరధారిణీ ।
అశేషదేవతామూర్తిదేవతా పరదేవతా ౭౩౦ ॥ ౧౧౪ ॥
గణాత్మికా గిరేః పుత్రీ నిశుమ్భవినిపాతిని ।
అవర్ణా వర్ణరహితా నిర్వర్ణా బీజసమ్భవా ॥ ౧౧౫ ॥
అనన్తవర్ణానన్యస్థా శఙ్కరీ ౭౪౦ శాన్తమానసా ।
అగోత్రా గోమతీ గోప్త్రీ గుహ్యరూపా గుణాన్తరా ॥ ౧౧౬ ॥
గోశ్రీర్గవ్యప్రియా గౌరీ గణేశ్వరనమస్కృతా ।
సత్యమాత్రా ౭౫౦ సత్యసన్ధా త్రిసన్ధ్యా సన్ధివర్జితా ॥ ౧౧౭ ॥
సర్వవాదాశ్రయా సాఙ్ఖ్యా సాఙ్ఖ్యయోగసముద్భవా ।
అసఙ్ఖ్యేయాప్రమేయాఖ్యా శూన్యా శుద్ధకులోద్భవా ౭౬౦ ॥ ౧౧౮ ॥
బిన్దునాదసముత్పత్తిః శమ్భువామా శశిప్రభా ।
విసఙ్గా భేదరహితా మనోజ్ఞా మధుసూదనీ ॥ ౧౧౯ ॥
మహాశ్రీః శ్రీసముత్పత్తి ౭౭౦ స్తమఃపారే ప్రతిష్ఠితా ।
త్రితత్త్వమాతా త్రివిధా సుసూక్ష్మపదసంశ్రయా ॥ ౧౨౦ ॥
శాన్త్యాతీతా మలాతీతా నిర్వికారా నిరాశ్రయా ।
శివాఖ్యా చిత్రనిలయా ౭౮౦ శివజ్ఞానస్వరూపిణీ ॥ ౧౨౧ ॥
దైత్యదానవనిర్మాత్రీ కాశ్యపీ కాలకర్ణికా ।
శాస్త్రయోనిః క్రియామూర్తిశ్చతుర్వర్గప్రదర్శికా ॥ ౧౨౨ ॥
నారాయణీ నవోద్భూతా కౌముదీ ౭౬౦ లిఙ్గధారిణీ ।
కాముకీ లలితా తారా పరాపరవిభూతిదా ॥ ౧౨౩ ॥
పరాన్తజాతమహిమా వాడవా వామలోచనా ।
సుభద్రా దేవకీ ౮౦౦ సీతా వేదవేదాఙ్గపారగా ॥ ౧౨౪ ॥
మనస్వినీ మన్యుమాతా మహామన్యుసముద్భవా ॥
అమృత్యురమృతాస్వాదా పురుహూతా పురుప్లుతా ॥ ౧౨౫ ॥
అశోచ్యా ౮౧౦ భిన్నవిషయా హిరణ్యరజతప్రియా ।
హిరణ్యా రాజతీ హైమీ హేమాభరణభూషితా ॥ ౧౨౬ ॥
విభ్రాజమానా దుర్జ్ఞేయా జ్యోతిష్టోమఫలప్రదా ।
మహానిద్రా ౮౨౦ సముద్భూతిర్బలీన్ద్రా సత్యదేవతా ॥ ౧౨౭ ॥
దీర్ఘా కకుద్మినీ విద్యా శాన్తిదా శాన్తివర్ద్ధినీ ।
లక్ష్మ్యాదిశక్తిజననీ శక్తిచక్రప్రవర్తికా ॥ ౧౨౮ ॥
త్రిశక్తిజననీ ౮౩౦ జన్యా షడూర్మిపరివర్జితా ।
స్వాహా చ కర్మకరణీ యుగాన్తదలనాత్మికా ॥ ౧౨౯ ॥
సఙ్కర్షణా జగద్ధాత్రీ కామయోనిః కిరీటినీ ।
ఐన్ద్రీ ౮౪౦ త్రైలోక్యనమితా వైష్ణవీ పరమేశ్వరీ ॥ ౧౩౦ ॥
ప్రద్యుమ్నదయితా దాన్తా యుగ్మదృష్టిస్త్రిలోచనా ।
మహోత్కటా హంసగతిః ప్రచణ్డా ౮౫౦ చణ్డవిక్రమా ॥ ౧౩౧ ॥
వృషావేశా వియన్మాత్రా విన్ధ్యపర్వతవాసినీ ।
హిమవన్మేరునిలయా కైలాసగిరివాసినీ ॥ ౧౩౨ ॥
చాణూరహన్త్రీ తనయా నీతిజ్ఞా కామరూపిణీ ౮౬౦ ।
వేదవిద్యా వ్రతరతా ధర్మశీలానిలాశనా ॥ ౧౩౩ ॥
అయోధ్యానిలయా వీరా మహాకాలసముద్భవా ।
విద్యాధరక్రియా సిద్ధా విద్యాధరనిరాకృతిః ॥ ౧౩౪ ॥
ఆప్యాయన్తీ ౮౭౦ వహన్తీ చ పావనీ పోషణీ ఖిలా ।
మాతృకా మన్మథోద్భూతా వారిజా వాహనప్రియా ॥ ౧౩౫ ॥
కరీషిణీ స్వధా వాణీ ౮౮౦ వీణావాదనతత్పరా ।
సేవితా సేవికా సేవా సినీవాలీ గరుత్మతీ ॥ ౧౩౬ ॥
అరున్ధతీ హిరణ్యాక్షీ మణిదా శ్రీవసుప్రదా ౮౯౦ ।
వసుమతీ వసోర్ధారా వసున్ధరాసముద్భవా ॥ ౧౩౭ ॥
వరారోహా వరార్హా చ వపుఃసఙ్గసముద్భవా ।
శ్రీఫలీ శ్రీమతీ శ్రీశా శ్రీనివాసా ౯౦౦ హరిప్రియా ॥ ౧౩౮ ॥
శ్రీధరీ శ్రీకరీ కమ్పా శ్రీధరా ఈశవీరణీ ।
అనన్తదృష్టిరక్షుద్రా ధాత్రీశా ధనదప్రియా ౯౧౦ ॥ ౧౩౯ ॥
నిహన్త్రీ దైత్యసింహానాం సింహికా సింహవాహినీ ।
సుసేనా చన్ద్రనిలయా సుకీర్తిశ్ఛిన్నసంశయా ॥ ౧౪౦ ॥
బలజ్ఞా బలదా వామా ౯౨౦ లేలిహానామృతాశ్రవా ।
నిత్యోదితా స్వయఞ్జ్యోతిరుత్సుకామృతజీవినీ ॥ ౧౪౧ ॥
వజ్రదంష్ట్రా వజ్రజిహ్వా వైదేహీ వజ్రవిగ్రహా ౯౩౦ ।
మఙ్గల్యా మఙ్గలా మాలా మలినా మలహారిణీ ॥ ౧౪౨ ॥
గాన్ధర్వీ గారుడీ చాన్ద్రీ కమ్బలాశ్వతరప్రియా ।
సౌదామినీ ౯౪౦ జనానన్దా భ్రుకుటీకుటిలాననా ॥ ౧౪౩ ॥
కర్ణికారకరా కక్షా కంసప్రాణాపహారిణీ ।
యుగన్ధరా యుగావర్త్తా త్రిసన్ధ్యాహర్షవర్ధినీ ॥ ౧౪౪ ॥
ప్రత్యక్షదేవతా ౯౫౦ దివ్యా దివ్యగన్ధా దివాపరా ।
శక్రాసనగతా శాక్రీ సాధ్వీ నారీ శవాసనా ॥ ౧౪౫ ॥
ఇష్టా విశిష్టా ౯౬౦ శిష్టేష్టా శిష్టాశిష్టప్రపూజితా ।
శతరూపా శతావర్త్తా వినీతా సురభిః సురా ॥ ౧౪౬ ॥
సురేన్ద్రమాతా సుద్యుమ్నా ౯౭౦ సుషుమ్నా సూర్యసంస్థితా ।
సమీక్షా సత్ప్రతిష్ఠా చ నిర్వృత్తిర్జ్ఞానపారగా ॥ ౧౪౭ ॥
ధర్మశాస్త్రార్థకుశలా ధర్మజ్ఞా ధర్మవాహనా ।
ధర్మాధర్మవినిర్మాత్రీ ౯౮౦ ధార్మికాణాం శివప్రదా ॥ ౧౪౮ ॥
ధర్మశక్తిర్ధర్మమయీ విధర్మా విశ్వధర్మిణీ ।
ధర్మాన్తరా ధర్మమధ్యా ధర్మపూర్వీ ధనప్రియా ॥ ౧౪౯ ॥
ధర్మోపదేశా ౯౯౦ ధర్మాత్మా ధర్మలభ్యా ధరాధరా ।
కపాలీ శాకలామూర్తిః కలాకలితవిగ్రహా ॥ ౧౫౦ ॥
ధర్మశక్తివినిర్ముక్తా సర్వశక్త్యాశ్రయా తథా ।
సర్వా సర్వేశ్వరీ ౧౦౦౦ సూక్ష్మా సుసూక్ష్మజ్ఞానరూపిణీ ॥ ౧౫౧ ॥
ప్రధానపురుషేశానా మహాపురుషసాక్షిణీ ।
సదాశివా వియన్మూర్తిర్దేవమూర్తిరమూర్తికా ౧౦౦౮ ॥ ౧౫౨ ॥
ఏవం నాన్మాం సహస్రేణ తుష్టావ రఘునన్దనః ।
కృతాఞ్జలిపుటో భూత్వా సీతాం హృష్టతనూరుహామ్ ॥ ౧౫౩ ॥
భారద్వాజ మహాభాగ యశ్చైతస్తోత్రమద్భుతమ్ ।
శృణుయాద్వా పఠేద్వాపి స యాతి పరమం పదమ్ ॥ ౧౫౪ ॥
బ్రహ్మక్షత్రియవిడ్యోనిర్బ్రహ్మ ప్రాప్నోతి శాశ్వతమ్ ।
శూద్రః సద్గతిమాప్నోతి ధనధాన్యవిభూతయః ॥ ౧౫౪ ॥
భవన్తి స్తోత్రమహాత్మ్యాదేతత్స్వస్త్యయనం మహత్ ।
మారీభయే రాజభయే తథా చోరాగ్నిజే భయే ॥ ౧౫౬ ॥
వ్యాధీనాం ప్రభవే ఘోరే శత్రూత్థానే చ సఙ్కటే ।
అనావృష్టిభయే విప్ర సర్వశాన్తికరం పరమ్ ॥ ౧౫౭ ॥
యద్యదిష్టతమం యస్య తత్సర్వం స్తోత్రతో భవేత్ ।
యత్రైతత్పఠ్యతే సమ్యక్ సీతానామసహస్రకమ్ ॥ ౧౫౮ ॥
రామేణ సహితా దేవీ తత్ర తిష్ఠత్యసంశయమ్ ।
మహాపాపాతిపాపాని విలయం యాన్తి సువ్రత ॥ ౧౫౯ ॥
ఇత్యార్షే శ్రీమద్రామాయణే వాల్మీకీయే ఆదికావ్యే అద్భుతోత్తరకాణ్డే
సీతాసహస్రనామస్తోత్రకథనం నామ పఞ్చవింశతితమః సర్గః ॥ ౨౫ ॥