॥ SudarshanaSahasranamastotram 2 Bengali Lyrics ॥
॥ শ্রীসুদর্শনসহস্রনামস্তোত্রম্ ২ ॥
অহির্বুধ্ন্যসংহিতাপরিশিষ্টতঃ
প্রণম্য শিরসা দেবং নারায়ণমশেষগম্ ।
রমাবক্ষোজকস্তূরীপঙ্কমুদ্রিতবক্ষসম্ ॥ ১ ॥
সর্বশাস্ত্রার্থতত্ত্বজ্ঞঃ পারাশর্যস্তপোধনঃ ।
হিতায় সর্বজগতাং নারদং মুনিমব্রবীত্ ॥ ২ ॥
জ্ঞানবিদ্যাবিশেষজ্ঞং কর্পূরধবলাকৃতিম্ ।
বীণাবাদনসন্তুষ্টমানসং মরুতাং পরম্ ॥ ৩ ॥
হিরণ্যগর্ভসম্ভূতং হিরণ্যাক্ষাদিসেবিতম্ ।
পুণ্যরাশিং পুরাণজ্ঞং পাবনীকৃতদিক্তটম্ ॥ ৪ ॥
ব্যাস উবাচ –
দেবর্ষে নারদ শ্রীমন্ সাক্ষাদ্ ব্রহ্মাঙ্গসম্ভব ।
ভবানশেষবিদ্যানাং পারগস্তপসাং নিধিঃ ॥ ৫ ॥
বেদান্তপারগঃ সর্বশাস্ত্রার্থপ্রতিভোজ্জ্বলঃ ।
পরব্রহ্মণি নিষ্ণাতঃ সচ্চিদানন্দবিগ্রহঃ ॥ ৬ ॥
জগদ্ধিতায় জনিতঃ সাক্ষাদেব চতুর্মুখাত্ ।
হন্যন্তে ভবতা দৈত্যা দৈত্যারিভুজবিক্রমৈঃ ॥ ৭ ॥
কালোঽনুগ্রহকর্তা ত্বং ত্রৈলোক্যং ত্বদ্বশেঽনঘ ।
মনুষ্যা ঋষয়ো দেবাস্ত্বয়া জীবন্তি সত্তম ॥ ৮ ॥
কর্তৃত্বে লোককার্যাণাং বরত্বে পরিনিষ্ঠিত ।
পৃচ্ছামি ত্বামশেষজ্ঞং নিদানং সর্বসম্পদাম্ ॥ ৯ ॥
সর্বসংসারনির্মুক্তং চিদ্ঘনং শান্তমানসম্ ।
য়ঃ সর্বলোকহিতকৃদ্যং প্রশংসন্তি য়োগিনঃ ॥ ১০ ॥
ইদং চরাচরং বিশ্বং ধৃতং য়েন মহামুনে ।
স্পৃহয়ন্তি চ য়ত্প্রীত্যা য়স্মৈ ব্রহ্মাদিদেবতাঃ ॥ ১১ ॥
নির্মাণস্থিতিসংহারা য়তো বিশ্বস্য সত্তম ।
য়স্য প্রসাদাদ্ ব্রহ্মাদ্যা লভন্তে বাঞ্ছিতং ফলম্ ॥ ১২ ॥
দারিদ্র্যনাশো জায়েত য়স্মিন্ শ্রুতিপথং গতে ।
বিবক্ষিতার্থনির্বাহা মুখান্নিঃসরতীহ গীঃ ॥ ১৩ ॥
নৃপাণাং রাজ্যহীনানাং য়েন রাজ্যং ভবিষ্যতি ।
অপুত্রঃ পুত্রবান্ য়েন বন্ধ্যা পুত্রবতী ভবেত্ ॥ ১৪ ॥
শত্রূণামচিরান্নাশো জ্ঞানং জ্ঞানৈষিণামপি ।
চাতুর্বর্গফলং য়স্য ক্ষণাদ্ ভবতি সুব্রত ॥ ১৫ ॥
ভূতপ্রেতপিশাচাদ্যা য়ক্ষরাক্ষসপন্নগাঃ ।
ভূতজ্বরাদিরোগাশ্চ য়স্য স্মরণমাত্রতঃ ॥ ১৬ ॥
মুচ্যন্তে মুনিশার্দূল য়েনাখিলজগদ্ধৃতম্ ।
তদেতদিতি নিশ্চিত্য সর্বশাস্ত্রবিশারদ ॥ ১৭ ॥
সর্বলোকহিতার্থায় ব্রূহি মে সকলং গুরো ।
ইত্যুক্তস্তেন মুনিনা ব্যাসেনামিততেজসা ॥ ১৮ ॥
বদ্ধাঞ্জলিপুটো ভূত্বা সাদরং নারদো মুনিঃ ।
নমস্কৃত্য জগন্মূলং লক্ষ্মীকান্তং পরাত্ পরম্ ॥ ১৯ ॥
উবাচ পরমপ্রীতঃ করুণামৃতধারয়া ।
আপ্যায়য়ন্ মুনীন্ সর্বান্ ব্যাসাদীন্ ব্রহ্মতত্পরান্ ॥ ২০ ॥
নারদঃ উবাচ –
বহিরন্তস্তমশ্ছেদি জ্যোতির্বন্দে সুদর্শনম্ ।
য়েনাব্যাহতসঙ্কল্পং বস্তু লক্ষ্মীধরং বিদুঃ ॥ ২১ ॥
ওঁ অস্য শ্রীসুদর্শনসহস্রনামস্তোত্রমহামন্ত্রস্য অহির্বুধ্ন্যো
ভগবানৃষিঃ, অনুষ্টুপ্ ছন্দঃ, শ্রীসুদর্শনমহাবিষ্ণুর্দেবতা,
রং বীজম্, হুং শক্তিঃ, ফট্ কীলকম্, রাং রীং রূং রৈং রৌং রঃ ইতি মন্ত্রঃ,
শ্রীসুদর্শনপ্রসাদসিদ্ধ্যর্থে জপে বিনিয়োগঃ ॥
ওঁ রাং অঙ্গুষ্ঠাভ্যাং নমঃ,
ওঁ রীং তর্জনীভ্যাং নমঃ,
ওঁ রূং মধ্যমাভ্যাং নমঃ,
ওঁ রৈং অনামিকাভ্যাং নমঃ,
ওঁ রৌং কনিষ্ঠিকাভ্যাং,
ওঁ রঃ করতলকরপৃষ্ঠাভ্যাং নমঃ ॥
এবং হৃদয়াদিন্যাসঃ
ওঁ রাং জ্ঞানায় হৃদয়ায় নমঃ,
ওঁ রীং ঐশ্বর্যায় শিরসে স্বাহা,
ওঁ রূং শক্ত্যৈ শিখায়ৈ বষট্,
ওঁ রৈং বলায় কবচায় হুং,
ওঁ রৌং বীর্যায়াস্ত্রায় ফট্,
ওঁ রঃ তেজসে নেত্রাভ্যাং বৌষট্ ॥
অথ দিগ্বন্ধঃ
ওঁ ঠং ঠং পূর্বাং দিশং চক্রেণ বধ্নামি নমশ্চক্রায় হুং ফট্ স্বাহা,
ওঁ ঠং ঠং আগ্নেয়ীং দিশং চক্রেণ বধ্নামি নমশ্চক্রায় হুং ফট্ স্বাহা,
ওঁ ঠং ঠং য়াম্যাং দিশং চক্রেণ বধ্নামি নমশ্চক্রায় হুং ফট্ স্বাহা,
ওঁ ঠং ঠং নৈরৃতীং দিশং চক্রেণ বধ্নামি নমশ্চক্রায় হুং ফট্ স্বাহা,
ওঁ ঠং ঠং বারুণীং দিশং চক্রেণ বধ্নামি নমশ্চক্রায় হুং ফট্ স্বাহা,
ওঁ ঠং ঠং বায়বীং দিশং চক্রেণ বধ্নামি নমশ্চক্রায় হুং ফট্ স্বাহা,
ওঁ ঠং ঠং কৌবেরীং দিশং চক্রেণ বধ্নামি নমশ্চক্রায় হুং ফট্ স্বাহা,
ওঁ ঠং ঠং ঐশানীং দিশং চক্রেণ বধ্নামি নমশ্চক্রায় হুং ফট্ স্বাহা,
ওঁ ঠং ঠং ঊর্ধ্বাং দিশং চক্রেণ বধ্নামি নমশ্চক্রায় হুং ফট্ স্বাহা,
ওঁ ঠং ঠং অধরাং দিশং চক্রেণ বধ্নামি নমশ্চক্রায় হুং ফট্ স্বাহা,
ওঁ ঠং ঠং সর্বাং দিশং চক্রেণ বধ্নামি নমশ্চক্রায় হুং ফট্ স্বাহা ।
ইতি দিগ্বন্ধঃ ।
॥ ধ্যানম্ ॥
কল্পান্তার্কপ্রকাশং ত্রিভুবনমখিলং তেজসা পূরয়ন্তং
রক্তাক্ষং পিঙ্গকেশং রিপুকুলভয়দং ভীমদংষ্ট্রাট্টহাসম্ ।
শঙ্খং চক্রং গদাব্জং পৃথুতরমুসলং চাপপাশাঙ্কুশাদীন্
বিভ্রাণং দোর্ভিরাদ্যং মনসি মুররিপোর্ভাবয়ে চক্ররাজম্ ॥
শঙ্খং চক্রং গদাব্জং শরমসিমিষুধিং চাপপাশাঙ্কুশাদীন্
বিভ্রাণং বজ্রখেটং হলমুসললসত্কুন্তমত্যুগ্রদংষ্ট্রম্ ।
জ্বালাকেশং ত্রিনেত্রং জ্বলদনলনিভং হারকেয়ূরভূষং
ধ্যায়েত্ ষট্কোণসংস্থং সকলরিপুজনপ্রাণসংহারচক্রম্ ॥
ককারাদীনি ষোডশ নামানি
কল্যাণগুণসম্পন্নঃ কল্যাণবসনোজ্জ্বলঃ ।
কল্যাণাচলগম্ভীরঃ কল্যাণজনরঞ্জকঃ ॥ ১ ॥
কল্যাণদোষনাশশ্চ কল্যাণরুচিরাঙ্গকঃ ।
কল্যাণাঙ্গদসম্পন্নঃ কল্যাণাকারসন্নিভঃ ॥ ২ ॥
করালবদনোঽত্রাসী করালাঙ্গোঽভয়ঙ্করঃ ।
করালতনুজোদ্দামঃ করালতনুভেদকঃ ॥ ৩ ॥
করঞ্জবনমধ্যস্থঃ করঞ্জদধিভোজনঃ ।
করঞ্জাসুরসংহর্তা করঞ্জমধুরাঙ্গকঃ ॥ ৪ ॥
খকারাদীনি দশ
খঞ্জনানন্দজনকঃ খঞ্জনাহারজূষিতঃ ।
খঞ্জনায়ুধভৃদ্ দিব্যখঞ্জনাখণ্ডগর্বহৃত্ ॥ ৫ ॥
খরান্তকঃ খররুচিঃ খরদুঃখৈরসেবিতঃ ।
খরান্তকঃ খরোদারঃ খরাসুরবিভঞ্জনঃ ॥ ৬ ॥
গকারাদীনি দ্বাদশ
গোপালো গোপতির্গোপ্তা গোপস্ত্রীনাথরঞ্জকঃ ।
গোজারুণতনুর্গোজো গোজারতিকৃতোত্সবঃ ॥ ৭ ॥
গম্ভীরনাভির্গম্ভীরো গম্ভীরার্থসমন্বিতঃ ।
গম্ভীরবৈদ্যমরুতো গম্ভীরগুণভূষিতঃ ॥ ৮ ॥
ঘকারাদীন্যেকাদশ
ঘনরাবো ঘনরুচির্ঘনগম্ভীরনিস্বনঃ ।
ঘনাঘনৌঘনাশী চ ঘনসন্তানদায়কঃ ॥ ৯ ॥
ঘনরোচির্ঘনচরো ঘনচন্দনচর্চিতঃ ।
ঘনহেতির্ঘনভুজো ঘনোঽখিলসুরার্চিতঃ ॥ ১০ ॥
ঙকারাদীনি চত্বারি
ঙকারাবধিবিভবো ঙকারো মুনিসম্মতঃ ।
ঙকারবীতসহিতো ঙকারাকারভূষিতঃ ॥ ১১ ॥
চকারাদীনি ষট্পঞ্চাশত্
চক্ররাজশ্চক্রপতিশ্চক্রাধীশঃ সুচক্রভূঃ ।
চক্রসেব্যশ্চক্রধরশ্চক্রভূষণভূষিতঃ ॥ ১২ ॥
চক্ররাজরুচিশ্চক্রশ্চক্রপালনতত্পরঃ ।
চক্রধৃচ্চক্রবরদশ্চক্রভূষণভূষিতঃ ॥ ১৩ ॥
সুচক্রধীঃ সুচক্রাখ্যঃ সুচক্রগুণভুষিতঃ ।
বিচক্রশ্চক্রনিরতশ্চক্রসম্পন্নবৈভবঃ ॥ ১৪ ॥
চক্রদোশ্চক্রদশ্চক্রশ্চক্ররাজপরাক্রমঃ ।
চক্রনাদশ্চক্রচরশ্চক্রগশ্চক্রপাশকৃত্ ॥ ১৫ ॥
চক্রব্যাপী চক্রগুরুশ্চক্রহারী বিচক্রভৃত্ ।
চক্রাঙ্গশ্চক্রমহিতশ্চক্রবাকগুণাকরঃ ॥ ১৬ ॥
আচক্রশ্চক্রধর্মজ্ঞশ্চক্রকশ্চক্রমর্দনঃ ।
আচক্রনিয়মশ্চক্রঃ সর্বপাপবিধূননঃ ॥ ১৭ ॥
চক্রজ্বালশ্চক্রধরশ্চক্রপালিতবিগ্রহঃ ।
চক্রবর্তী চক্রদায়ী চক্রকারী মদাপহঃ ॥ ১৮ ॥
চক্রকোটিমহানাদশ্চক্রকোটিসমপ্রভঃ ।
চক্ররাজাবনচরশ্চক্ররাজান্তরোজ্জ্বলঃ ॥ ১৯ ॥
চঞ্চলারাতিদমনশ্চঞ্চলস্বান্তরোমকৃত্ ।
চঞ্চলো মানসোল্লাসী চঞ্চলাচলভাসুরঃ ॥ ২০ ॥
চঞ্চলারাতিনিরতশ্চঞ্চলাধিকচঞ্চলঃ ।
ছকারাদীনি নব
ছায়য়াখিলতাপঘ্নশ্ছায়ামদবিভঞ্জনঃ ॥ ২১ ॥
ছায়াপ্রিয়োঽধিকরুচিশ্ছায়াবৃক্ষসমাশ্রয়ঃ ।
ছায়ান্বিতশ্ছায়য়ার্চ্যশ্ছায়াধিকসুখপ্রদঃ ॥ ২২ ॥
ছায়াম্বরপরীধানশ্ছায়াত্মজনমুঞ্চিতঃ ।
জকারাদীনি ষোডশ
জলজাক্ষীপ্রিয়করো জলজানন্দদায়কঃ ॥ ২৩ ॥
জলজাসিদ্ধিরুচিরো জলজালসমো ভরঃ ।
জলজালাপসংস্তুত্যো জলজাতায় মোদকৃত্ ॥ ২৪ ॥
জলজাহারচতুরো জলজারাধনোত্সুকঃ ।
জনকস্তুতিসন্তুষ্টো জনকারাধিতাধিকঃ ॥ ২৫ ॥
জনকামোদনপরো জনকানন্দদায়কঃ ।
জনকাধ্যানসন্তুষ্টহৃদয়ো জনকার্চিতঃ ॥ ২৬ ॥
জনকানন্দজননো জনকৃদ্ধৃদয়াম্বুজঃ ।
ঝকারাদীনি চত্বারি
ঝঞ্ঝামারুতবেগাঢ্যো ঝঞ্ঝামারুতসঙ্গরঃ ॥ ২৭ ॥
ঝঞ্ঝামারুতসংরাবো ঝঞ্ঝামারুতবিক্রমঃ ।
ঞকারাদিনী দ্বে
ঞকারাম্বুজমধ্যস্থো ঞকারকৃতসন্নিধিঃ ॥ ২৮ ॥
টকারাদীনি নব
টঙ্কধারী টঙ্কবপুষ্টঙ্কসংহারকারকঃ ।
টঙ্কচ্ছিন্নসুবর্ণাভষ্টঙ্কারধনুরুজ্জ্বলঃ ॥ ২৯ ॥
টঙ্কারাগ্নিসমাকারষ্টঙ্কাররবমেদুরঃ ।
টঙ্কারকীর্তিভরিতষ্টঙ্কারানন্দবর্ধনঃ ॥ ৩০ ॥
ডকারাদীন্যেকোনবিংশতিঃ
ডম্ভসংহতিসংহর্তা ডম্ভসন্ততিবর্ধনঃ ।
ডম্ভধৃগ্ ডম্ভহৃদয়ো ডম্ভদণ্ডনতত্পরঃ ॥ ৩১ ॥
ডিম্ভধৃগ্ ডিম্ভকৃড্ডিম্ভো ডিম্ভসূদনতত্পরঃ ।
ডিম্ভপাপহরো ডিম্ভসম্ভাবিতপদাম্বুজঃ ॥ ৩২ ॥
ডিম্ভরোদ্যত্কটম্বাজো ডমরুধ্যানতত্পরঃ ।
ডমরূদ্ভবসংহর্তা ডমরূদ্ভবনন্দনঃ ॥ ৩৩ ॥
ডাডিমীবনমধ্যস্থো ডাডিমীকুসুমপ্রিয়ঃ ।
ডাডিমীফলসন্তুষ্টো ডাডিমীফলবর্জিতঃ ॥ ৩৪ ॥
ঢকারাদীন্যষ্টৌ
ঢক্কামনোহরবপুর্ঢক্কারববিরাজিতঃ ।
ঢক্কাবাদ্যেষু নিরতো ঢক্কাধারণতত্পরঃ ॥ ৩৫ ॥
ঢকারবীজসম্পন্নো ঢকারাক্ষরমেদুরঃ ।
ঢকারমধ্যসদনো ঢকারবিহিতান্ত্রকঃ ॥ ৩৬ ॥
ণকারাদীনি চত্বারি
ণকারবীজবসতির্ণকারবসনোজ্জ্বলঃ ।
ণকারাতিগভীরাঙ্গো ণকারারাধনপ্রিয়ঃ ॥ ৩৭ ॥
তকারাদীনি চতুর্দশ
তরলাক্ষীমহাহর্তা তারকাসুরহৃত্তরিঃ ।
তরলোজ্জ্বলহারাঢ্যস্তরলস্বান্তরঞ্জকঃ ॥ ৩৮ ॥
তারকাসুরসংসেব্যস্তারকাসুরমানিতঃ ।
তুরঙ্গবদনস্তোত্রসন্তুষ্টহৃদয়াম্বুজঃ ॥ ৩৯ ॥
তুরঙ্গবদনঃ শ্রীমাংস্তুরঙ্গবদনস্তুতঃ ।
তমঃ পটলসঞ্ছন্নস্তমঃ সন্ততিমর্দনঃ ॥ ৪০ ॥
তমোনুদো জলশয়স্তমঃসংবর্ধনো হরঃ ।
থকারাদীনি চত্বারি
থবর্ণমধ্যসংবাসী থবর্ণবরভূষিতঃ ॥ ৪১ ॥
থবর্ণবীজসম্পন্নস্থবর্ণরুচিরালয়ঃ ।
দকারাদীনি দশ
দরভৃদ্ দরসারাক্ষো দরহৃদ্ দরবঞ্চকঃ ॥ ৪২ ॥
দরফুল্লাম্বুজরুচির্দরচক্রবিরাজিতঃ ।
দধিসঙ্গ্রহণব্যগ্রো দধিপাণ্ডরকীর্তিভৃত্ ॥ ৪৩ ॥
দধ্যন্নপূজনরতো দধিবামনমোদকৃত্ ।
ধকারাদীনি চতুর্বিংশতিঃ
ধন্বী ধনপ্রিয়ো ধন্যো ধনাধিপসমঞ্চিতঃ ॥ ৪৪ ॥
ধরো ধরাবনরতো ধনধান্যসমৃদ্ধিদঃ ।
ধনঞ্জয়ো ধানাধ্যক্ষো ধনদো ধনবর্জিতঃ ॥ ৪৫ ॥
ধনগ্রহণসম্পন্নো ধনসম্মতমানসঃ ।
ধনরাজবনাসক্তো ধনরাজয়শোভরঃ ॥ ৪৬ ॥
ধনরাজমদাহর্তা ধনরাজসমীডিতঃ ।
ধর্মকৃদ্ধর্মঘৃদ্ধর্মী ধর্মনন্দনসন্নুতঃ ॥ ৪৭ ॥
ধর্মরাজো ধনাসক্তো ধর্মজ্ঞাকল্পিতস্তুতিঃ ।
নকারাদীনি ষোডশ
নররাজবনায়ত্তো নররাজায় নির্ভরঃ ॥ ৪৮ ॥
নররাজস্তুতগুণো নররাজসমুজ্জ্বলঃ ।
নবতামরসোদারো নবতামরসেক্ষণঃ ॥ ৪৯ ॥
নবতামরসাহারো নবতামরসারুণঃ ।
নবসৌবর্ণবসনো নবনাথদয়াপরঃ ॥ ৫০ ॥
নবনাথস্তুতনদো নবনাথসমাকৃতিঃ ।
নালিকানেত্রমহিতো নালিকাবলিরাজিতঃ ॥ ৫১ ॥
নালিকাগতিমধ্যস্থো নালিকাসনসেবিতঃ ।
পকারাদীনিন্যষ্টাদশ
পুণ্ডরীকাক্ষরুচিতঃ পুণ্ডরীকমদাপহঃ ॥ ৫২ ॥
পুণ্ডরীকমুনিস্তুত্যঃ পুণ্ডরীকসুহৃদ্যুতিঃ ।
পুণ্ডরীকপ্রভারম্যঃ পুণ্ডরীকনিভাননঃ ॥ ৫৩ ॥
পুণ্ডরীকাক্ষসন্মানঃ পুণ্ডরীকদয়াপরঃ ।
পরঃ পরাগতিবপুঃ পরানন্দঃ পরাত্ পরঃ ॥ ৫৪ ॥
পরমানন্দজনকঃ পরমান্নাধিকপ্রিয়ঃ ।
পুষ্করাক্ষকরোদারঃ পুষ্করাক্ষঃ শিবঙ্করঃ ॥ ৫৫ ॥
পুষ্করব্রাতসহিতঃ পুষ্করারবসংয়ুতঃ ।
অথ ফকারাদীনি নব
ফট্কারতঃ স্তূয়মানঃ ফট্কারাক্ষরমধ্যগঃ ॥ ৫৬ ॥
ফট্কারধ্বস্তদনুজঃ ফট্কারাসনসঙ্গতঃ ।
ফলহারঃ স্তুতফলঃ ফলপূজাকৃতোত্সবঃ ॥ ৫৭ ॥
ফলদানরতোঽত্যন্তফলসম্পূর্ণমানসঃ ।
বকারাদীনি ষোডশ
বলস্তুতির্বলাধারো বলভদ্রপ্রিয়ঙ্করঃ ॥ ৫৮ ॥
বলবান্ বলহারী চ বলয়ুগ্বৈরিভঞ্জনঃ ।
বলদাতা বলধরো বলরাজিতবিগ্রহঃ ॥ ৫৯ ॥
বলাদ্বলো বলকরো বলাসুরনিষূদনঃ ।
বলরক্ষণনিষ্ণাতো বলসম্মোদদায়কঃ ॥ ৬০ ॥
বলসম্পূর্ণহৃদয়ো বলসংহারদীক্ষিতঃ ।
ভকারাদীনি চতুর্বিংশতিঃ
বহ্বস্তুতো ভবপতির্ভবসন্তানদায়কঃ ॥ ৬১ ॥
ভবধ্বংসী ভবহরো ভবস্তম্ভনতত্পরঃ ।
ভবরক্ষণনিষ্ণাতো ভবসন্তোষকারকঃ ॥ ৬২ ॥
ভবসাগরসঞ্ছেত্তা ভবসিন্ধুসুখপ্রদঃ ।
ভদ্রদো ভদ্রহৃদয়ো ভদ্রকার্যসমাশ্রিতঃ ॥ ৬৩ ॥
ভদ্রশ্রীচর্চিততনুর্ভদ্রশ্রীদানদীক্ষিতঃ ।
ভদ্রপাদপ্রিয়ো ভদ্রো হ্যভদ্রবনভঞ্জনঃ ॥ ৬৪ ॥
ভদ্রশ্রীগানসরসো ভদ্রমণ্ডলমণ্ডিতঃ ।
ভরদ্বাজস্তুতপদো ভরদ্বাজসমাশ্রিতঃ ॥ ৬৫ ॥
ভরদ্বাজাশ্রমরতো ভরদ্বাজদয়াকরঃ ।
মকারাদীনি ত্রিপঞ্চাশত্
মসারনীলরুচিরো মসারচরণোজ্জ্বলঃ ॥ ৬৬ ॥
মসারসারসত্কার্যো মসারাংশুকভূষিতঃ ।
মাকন্দবনসঞ্চারী মাকন্দজনরঞ্জকঃ ॥ ৬৭ ॥
মাকন্দানন্দমন্দারো মাকন্দানন্দবন্ধুরঃ ।
মণ্ডলো মণ্ডলাধীশো মণ্ডলাত্মা সুমণ্ডলঃ ॥ ৬৮ ॥
মণ্ডেশো মণ্ডলান্তমণ্ডলার্চিতমণ্ডলঃ ।
মণ্ডলাবনন্ষ্ণাতো মণ্ডলাবরণী ঘনঃ ॥ ৬৯ ॥
মণ্ডলস্থো মণ্ডললাগ্র্যো মণ্ডলাভরণাঙ্কিতঃ ।
মধুদানবসংহর্তা মধুমঞ্জুলবাগ্ভরঃ ॥ ৭০ ॥
মধুদানাধিকরতো মধুমঙ্গলবৈভবঃ ।
মধুজেতা মধুকরো মধুরো মধুরাধিপঃ ॥ ৭১ ॥
মধুবারণসংহর্তা মধুসন্তানকারকঃ ।
মধুমাসাতিরুচিরো মধুমাসবিরাজিতঃ ॥ ৭২ ॥
মধুপুষ্টো মধুতনুর্মধুগো মধুসংবরঃ ।
মধুরো মধুরাকারো মধুরাম্বরভূষিতঃ ॥ ৭৩ ॥
মধুরানগরীনাথো মধুরাসুরভঞ্জনঃ ।
মধুরাহারনিরতো মধুরাহ্লাদদক্ষিণঃ ॥ ৭৪ ॥
মধুরাম্ভোজনয়নো মধুরধিপসঙ্গতঃ ।
মধুরানন্দচতুরো মধুরারাতিসঙ্গতঃ ॥ ৭৫ ॥
মধুরাভরণোল্লাসী মধুরাঙ্গদভূষিতঃ ।
মৃগরাজবনীসক্তো মৃগমণ্ডলমণ্ডিতঃ ॥ ৭৬ ॥
মৃগাদরো মৃগপতির্মৃগারাতিবিদারণঃ ।
য়কারাদীনি দশ
য়জ্ঞপ্রিয়ো য়জ্ঞবপুর্যজ্ঞসম্প্রীতমানসঃ ॥ ৭৭ ॥
য়জ্ঞসন্তাননিরতো য়জ্ঞসম্ভারসম্ভ্রমঃ ।
য়জ্ঞয়জ্ঞো য়জ্ঞপদো য়জ্ঞসম্পাদনোত্সুকঃ ॥ ৭৮ ॥
য়জ্ঞশালাকৃতাবাসো য়জ্ঞসম্ভাবিতান্নকঃ ।
রেফাদীনি বিংশতিঃ
রসেন্দ্রো রসসম্পন্নো রস রাজো রসোত্সুকঃ ॥ ৭৯ ॥
রসান্বিতো রসধরো রসচেলো রসাকরঃ ।
রসজেতা রসশ্রেষ্ঠো রসরাজাভিরঞ্জিতঃ ॥ ৮০ ॥
রসতত্ত্বসমাসক্তো রসদারপরাক্রমঃ ।
রসরাজো রসধরো রসেশো রসবল্লভঃ ॥ ৮১ ॥
রসনেতা রসাবাসো রসোত্করবিরাজিতঃ ।
লকারাদীন্যষ্টৌ
লবঙ্গপুষ্পসন্তুষ্টো লবঙ্গকুসুমোচিতঃ ॥ ৮২ ॥
লবঙ্গবনমধ্যস্থো লবঙ্গকুসুমোত্সুকঃ ।
লতাবলিসমায়ুক্তো লতারসমর্চিতঃ ॥ ৮৩ ॥
লতাভিরামতনুভৃল্লতাতিলকভূষিতঃ ।
বকারাদীনি সপ্তদশ
বীরস্তুতপদাম্ভোজো বিরাজগমনোত্সুকঃ ॥ ৮৪ ॥
বিরাজপত্রমধ্যস্থো বিরাজরসসেবিতঃ ।
বরদো বরসম্পন্নো বরসমুন্নতঃ ॥ ৮৫ ॥
বরস্তুতির্বর্ধমানো বরধৃদ্ বরসম্ভবঃ ।
বরদানরতো বর্যো বরদানসমুত্সুকঃ ॥ ৮৬ ॥
বরদানার্দ্রহৃদয়ো বরবারণসংয়ুতঃ ।
শকারাদীনি পঞ্চবিংশতিঃ
শারদাস্তুতপাদাব্জঃ শারদাম্ভোজকীর্তিভৃত্ ॥ ৮৭ ॥
শারদাম্ভোজনয়নঃ শারদাধ্যক্ষসেবিতঃ ।
শারদাপীঠবসতিঃ শারদাধিপসন্নুতঃ ॥ ৮৮ ॥
শারদাবাসদমনঃ শারদাবাসভাসুরঃ ।
শতক্রতুস্তূয়মানঃ শতক্রতুপরাক্রমঃ ॥ ৮৯ ॥
শতক্রতুসমৈশ্বর্যঃ শতক্রতুমদাপহঃ ।
শরচাপধরঃ শ্রীমান্ শরসম্ভববৈভবঃ ॥ ৯০ ॥
শরপাণ্ডরকীর্তিশ্রীঃ শরত্সারসলোচনঃ ।
শরসঙ্গমসম্পন্নঃ শরমণ্ডলমণ্ডিতঃ ॥ ৯১ ॥
শরাতিগঃ শরধরঃ শরলালনলালসঃ ।
শরোদ্ভবসমাকারঃ শরয়ুদ্ধবিশারদ ॥ ৯২ ॥
শরবৃন্দাবনরতিঃ শরসম্মতবিক্রমঃ ।
ষকারাদীনি ষোডশ
ষট্পদঃ ষট্পদাকারঃ ষট্পদাবলিসেবিতঃ ॥ ৯৩ ॥
ষট্পদাকারমধুরঃ ষট্পদী ষট্পদোদ্ধতঃ ।
ষডঙ্গবেদবিনুতঃ ষডঙ্গপদমেদুরঃ ॥ ৯৪ ॥
ষট্পদ্মকবিতাবাসঃ ষড্বিন্দুরচিতদ্যুতিঃ ।
ষড্বিন্দুমধ্যবসতিঃ ষড্বিন্দুবিশদীকৃতঃ ॥ ৯৫ ॥
ষডাম্নায়স্তৃয়মানঃ ষডাম্নায়ান্তরস্থিতঃ ।
ষট্ছক্তিমঙ্গলবৃতঃ ষট্চক্রকৃতশেখরঃ ॥ ৯৬ ॥
সকারাদীনি বিংশতিঃ
সারসারসরক্তাঙ্গঃ সারসারসলোচনঃ ।
সারদীপ্তিঃ সারতনুঃ সারসাক্ষকরপ্রিয়ঃ ॥ ৯৭ ॥
সারদীপী সারকৃপঃ সারসাবনকৃজ্জ্বলঃ ।
সারঙ্গসারদমনঃ সারকল্পিতকুণ্ডলঃ ॥ ৯৮ ॥
সারসারণ্যবসতিঃ সারসারবমেদুরঃ ।
সারগানপ্রিয়ঃ সারঃ সারসারসুপণ্ডিতঃ ॥ ৯৯ ॥
সদ্রক্ষকঃ সদামোদী সদানন্দনদেশিকঃ ।
সদ্বৈদ্যবন্দ্যচরণঃ সদ্বৈদ্যোজ্জ্বলমানসঃ ॥ ১০০ ॥
হকারাদীনি চতুঃষষ্টিঃ
হরিজেতা হরিরথো হরিসেবাপরায়ণঃ ।
হরিবর্ণো হরিচরো হরিগো হরিবত্সলঃ ॥ ১০১ ॥
হরিদ্রো হরিসংস্তোতা হরিধ্যানপরায়ণঃ ।
হরিকল্পান্তসংহর্তা হরিসারসমুজ্জ্বলঃ ॥ ১০২ ॥
হরিচন্দনলিপ্তাঙ্গো হরিমানসসম্মতঃ ।
হরিকারুণ্যনিরতো হংসমোচনলালসঃ ॥ ১০৩ ॥
হরিপুত্রাভয়করো হরিপুত্রসমঞ্চিতঃ ।
হরিধারণসান্নিধ্যো হরিসম্মোদদায়কঃ ॥ ১০৪ ॥
হেতিরাজো হেতিধরো হেতিনায়কসংস্তুতঃ ।
হেতির্হরির্হেতিবপুর্হেতিহা হেতিবর্ধনঃ ॥ ১০৫ ॥
হেতিহন্তা হেতিয়ুদ্ধকরো হেতিবিভূষণঃ ।
হেতিদাতা হেতিপরো হেতিমার্গপ্রবর্তকঃ ॥ ১০৬ ॥
হেতিসন্ততিসম্পূর্ণো হেতিমণ্ডলমণ্ডিতঃ ।
হেতিদানপরঃ সর্বহেত্যুগ্রপরিভূষিতঃ ॥ ১০৭ ॥
হংসরূপী হংসগতির্হংসসন্নুতবৈভবঃ ।
হংসমার্গরতো হংসরক্ষকো হংসনায়কঃ ॥ ১০৮ ॥
হংসদৃগ্গোচরতনুর্হংসসঙ্গীততোষিতঃ ।
হংসজেতা হংসপতির্হংসগো হংসবাহনঃ ॥ ১০৯ ॥
হংসজো হংসগমনো হংসরাজসুপূজিতঃ ।
হংসবেগো হংসধরো হংসসুন্দরবিগ্রহঃ ॥ ১১০ ॥
হংসবত্ সুন্দরতনুর্হংসসঙ্গতমানসঃ ।
হংসস্বরূপসারজ্ঞো হংসসন্নতমানসঃ ॥ ১১১ ॥
হংসসংস্তুতসামর্থ্যো হরিরক্ষণতত্পরঃ ।
হংসসংস্তুতমাহাত্ম্যো হরপুত্রপরাক্রমঃ ॥ ১১২ ॥
ক্ষকারাদীনি দ্বাদশ নামানি
ক্ষীরার্ণবসমুদ্ভূতঃ ক্ষীরসম্ভবভাবিতঃ ।
ক্ষীরাব্ধিনাথসংয়ুক্তঃ ক্ষীরকীর্তিবিভাসুরঃ ॥ ১১৩ ॥
ক্ষণদারবসংহর্তা ক্ষণদারবসম্মতঃ ।
ক্ষণদাধীশসংয়ুক্তঃ ক্ষণদানকৃতোত্সবঃ ॥ ১১৪ ॥
ক্ষীরাভিষেকসন্তুষ্ট ক্ষীরপানাভিলাষুকঃ ।
ক্ষীরাজ্যভোজনাসক্তঃ ক্ষীরসম্ভববর্ণকঃ ॥ ১১৫ ॥
ফলশ্রুতিঃ
ইত্যেতত্ কথিতং দিব্যং সর্বপাপপ্রণাশনম্ ।
সর্বশত্রুক্ষয়করং সর্বসম্পত্প্রদায়কম্ ॥ ১১৬ ॥
সর্বসৌভাগ্যজনকং সর্বমঙ্গলকারকম্ ।
সর্বাদারিদ্র্যশমনং সর্বোপদ্রবনাশনম্ ॥ ১১৭ ॥
সর্বশান্তিকরণ্ গুহ্যং সর্বরোগনিবারণম্ ।
অতিবন্ধগ্রহহরং সর্বদুঃখনিবারকম্ ॥ ১১৮ ॥
নাম্নাং সহস্রং দিব্যানাং চক্ররাজস্য তত্পতেঃ ।
নামানি হেতিরাজস্য য়ে পঠন্তীহ মানবাঃ ।
তেষাং ভবন্তি সকলাঃ সম্পদো নাত্র সংশয়ঃ ॥ ১১৯ ॥
ইত্যহির্বুধ্ন্যসংহিতায়াং তন্ত্ররহস্যে ব্যাসনারদসংবাদে
শ্রীসুদর্শনসহস্রনামস্তোত্রং সম্পূর্ণম্ ।