॥ Tripurabhairavi Sahasranamastotram Gujarati Lyrics ॥
॥ શ્રીત્રિપુરભૈરવીસહસ્રનામસ્તોત્રમ્ ॥
અથ શ્રીત્રિપુરભૈરવીસહસ્રનામસ્તોત્રમ્
મહાકાલભૈરવ ઉવાચ
અથ વક્ષ્યે મહેશાનિ દેવ્યા નામસહસ્રકમ્ ।
યત્પ્રસાદાન્મહાદેવિ ચતુર્વર્ગફલલ્લભેત્ ॥ ૧ ॥
સર્વરોગપ્રશમનં સર્વમૃત્યુવિનાશનમ્ ।
સર્વસિદ્ધિકરં સ્તોત્રન્નાતઃ પરતઃ સ્તવઃ ॥ ૨ ॥
નાતઃ પરતરા વિદ્યા તીર્ત્થન્નાતઃ પરં સ્મૃતમ્ ।
યસ્યાં સર્વં સમુત્પન્નય્યસ્યામદ્યાપિ તિષ્ઠતિ ॥ ૩ ॥
ક્ષયમેષ્યતિ તત્સર્વં લયકાલે મહેશ્વરિ ।
નમામિ ત્રિપુરાન્દેવીમ્ભૈરવીં ભયમોચિનીમ્ ।
સર્વસિદ્ધિકરીં સાક્ષાન્મહાપાતકનાશિનીમ્ ॥ ૪ ॥
અસ્ય શ્રીત્રિપુરભૈરવીસહસ્રનામસ્તોત્રસ્ય ભગવાન્ ઋષિઃ।
પઙ્ક્તિશ્છન્દઃ। આદ્યા શક્તિઃ। ભગવતી ત્રિપુરભૈરવી દેવતા ।
સર્વકામાર્ત્થસિદ્ધ્યર્ત્થે જપે વિનિયોગઃ ॥
ૐ ત્રિપુરા પરમેશાની યોગસિદ્ધિનિવાસિની ।
સર્વમન્ત્રમયી દેવી સર્વસિદ્ધિપ્રવર્ત્તિની ॥
સર્વાધારમયી દેવી સર્વસમ્પત્પ્રદા શુભા ।
યોગિની યોગમાતા ચ યોગસિદ્ધિપ્રવર્ત્તિની ॥
યોગિધ્યેયા યોગમયી યોગયોગનિવાસિની ।
હેલા લીલા તથા ક્રીડા કાલરૂપપ્રવર્ત્તિની ॥
કાલમાતા કાલરાત્રિઃ કાલી કામલવાસિની ।
કમલા કાન્તિરૂપા ચ કામરાજેશ્વરી ક્રિયા ॥
કટુઃ કપટકેશા ચ કપટા કુલટાકૃતિઃ ।
કુમુદા ચર્ચ્ચિકા કાન્તિઃ કાલરાત્રિપ્રિયા સદા ॥
ઘોરાકારા ઘોરતરા ધર્માધર્મપ્રદા મતિઃ ।
ઘણ્ટા ઘર્ગ્ઘરદા ઘણ્ટા ઘણ્ટાનાદપ્રિયા સદા ॥
સૂક્ષ્મા સૂક્ષ્મતરા સ્થૂલા અતિસ્થૂલા સદા મતિઃ ।
અતિસત્યા સત્યવતી સત્યસઙ્કેતવાસિની ॥
ક્ષમા ભીમા તથાઽભીમા ભીમનાદપ્રવર્ત્તિની ।
ભ્રમરૂપા ભયહરા ભયદા ભયનાશિની ॥
શ્મશાનવાસિની દેવી શ્મશાનાલયવાસિની ।
શવાસના શવાહારા શવદેહા શિવાશિવા ॥
કણ્ઠદેશશવાહારા શવકઙ્કણધારિણી ।
દન્તુરા સુદતી સત્યા સત્યસઙ્કેતવાસિની ॥
સત્યદેહા સત્યહારા સત્યવાદિનિવાસિની ।
સત્યાલયા સત્યસઙ્ગા સત્યસઙ્ગરકારિણી ॥
અસઙ્ગા સાઙ્ગરહિતા સુસઙ્ગા સઙ્ગમોહિની ।
માયામતિર્મહામાયા મહામખવિલાસિની ॥
ગલદ્રુધિરધારા ચ મુખદ્વયનિવાસિની ।
સત્યાયાસા સત્યસઙ્ગા સત્યસઙ્ગતિકારિણી ॥
અસઙ્ગા સઙ્ગનિરતા સુસઙ્ગા સઙ્ગવાસિની ।
સદાસત્યા મહાસત્યા માંસપાશા સુમાંસકા ॥
માંસાહારા માંસધરા માંસાશી માંસભક્ષકા ।
રક્તપાના રક્તરુચિરા રક્તા રક્તવલ્લભા ॥
રક્તાહારા રક્તપ્રિયા રક્તનિન્દકનાશિની ।
રક્તપાનપ્રિયા બાલા રક્તદેશા સુરક્તિકા ॥
સ્વયંભૂકુસુમસ્થા ચ સ્વયંભૂકુસુમોત્સુકા ।
સ્વયંભૂકુસુમાહારા સ્વયંભૂનિન્દકાસના ॥
સ્વયંભૂપુષ્પકપ્રીતા સ્વયંભૂપુષ્પસમ્ભવા ।
સ્વયંભૂપુષ્પહારાઢ્યા સ્વયંભૂનિન્દકાન્તકા ॥
કુણ્ડગોલવિલાસી ચ કુણ્ડગોલસદામતિઃ ।
કુણ્ડગોલપ્રિયકરી કુણ્ડગોલસમુદ્ભવા ॥
શુક્રાત્મિકા શુક્રકરા સુશુક્રા ચ સુશુક્તિકા ।
શુક્રપૂજકપૂજ્યા ચ શુક્રનિન્દકનિન્દકા ॥
રક્તમાલ્યા રક્તપુષ્પા રક્તપુષ્પકપુષ્પકા ।
રક્તચન્દનસિક્તાઙ્ગી રક્તચન્દનનિન્દકા ॥
મત્સ્યા મત્સ્યપ્રિયા માન્યા મત્સ્યભક્ષા મહોદયા ।
મત્સ્યાહારા મત્સ્યકામા મત્સ્યનિન્દકનાશિની ॥
કેકરાક્ષી તથા ક્રૂરા ક્રૂરસૈન્યવિનાશિની ।
ક્રૂરાઙ્ગી કુલિશાઙ્ગી ચ ચક્રાઙ્ગી ચક્રસમ્ભવા ॥
ચક્રદેહા ચક્રહારા ચક્રકઙ્કાલવાસિની ।
નિમ્નનાભી ભીતિહરા ભયદા ભયહારિકા ॥
ભયપ્રદા ભયભીતા અભીમા ભીમનાદિની ।
સુન્દરી શોભના સત્યા ક્ષેમ્યા ક્ષેમકરી તથા ॥
સિન્દૂરાઞ્ચિતસિન્દૂરા સિન્દૂરસદૃશાકૃતિઃ ।
રક્તારઞ્જિતનાસા ચ સુનાસા નિમ્નનાસિકા ॥
ખર્વા લમ્બોદરી દીર્ગ્ઘા દીર્ગ્ઘઘોણા મહાકુચા ।
કુટિલા ચઞ્ચલા ચણ્ડી ચણ્ડનાદપ્રચણ્ડિકા ॥
અતિચણ્ડા મહાચણ્ડા શ્રીચણ્ડાચણ્ડવેગિની ।
ચાણ્ડાલી ચણ્ડિકા ચણ્ડશબ્દરૂપા ચ ચઞ્ચલા ॥
ચમ્પા ચમ્પાવતી ચોસ્તા તીક્ષ્ણા તીક્ષ્ણપ્રિયા ક્ષતિઃ ।
જલદા જયદા યોગા જગદાનન્દકારિણી ॥
જગદ્વન્દ્યા જગન્માતા જગતી જગતક્ષમા ।
જન્યા જયજનેત્રી ચ જયિની જયદા તથા ॥
જનની ચ જગદ્ધાત્રી જયાખ્યા જયરૂપિણી ।
જગન્માતા જગન્માન્યા જયશ્રીર્જ્જયકારિણી ॥
જયિની જયમાતા ચ જયા ચ વિજયા તથા ।
ખડ્ગિની ખડ્ગરૂપા ચ સુખડ્ગા ખડ્ગધારિણી ॥
ખડ્ગરૂપા ખડ્ગકરા ખડ્ગિની ખડ્ગવલ્લભા ।
ખડ્ગદા ખડ્ગભાવા ચ ખડ્ગદેહસમુદ્ભવા ॥
ખડ્ગા ખડ્ગધરા ખેલા ખડ્ગિની ખડ્ગમણ્ડિની ।
શઙ્ખિની ચાપિની દેવી વજ્રિણી શુલિની મતિઃ ॥
બલિની ભિન્દિપાલી ચ પાશી ચ અઙ્કુશી શરી ।
ધનુષી ચટકી ચર્મા દન્તી ચ કર્ણનાલિકી ॥
મુસલી હલરૂપા ચ તૂણીરગણવાસિની ।
તૂણાલયા તૂણહરા તૂણસમ્ભવરૂપિણી ॥
સુતૂણી તૂણખેદા ચ તૂણાઙ્ગી તૂણવલ્લભા ।
નાનાસ્ત્રધારિણી દેવી નાનાશસ્ત્રસમુદ્ભવા ॥
લાક્ષા લક્ષહરા લાભા સુલાભા લાભનાશિની ।
લાભહારા લાભકરા લાભિની લાભરૂપિણી ॥
ધરિત્રી ધનદા ધાન્યા ધન્યરૂપા ધરા ધનુઃ ।
ધુરશબ્દા ધુરામાન્યા ધરાઙ્ગી ધનનાશિની ॥
ધનહા ધનલાભા ચ ધનલભ્યા મહાધનુઃ ।
અશાન્તા શાન્તિરૂપા ચ શ્વાસમાર્ગનિવાસિની ॥
ગગણા ગણસેવ્યા ચ ગણાઙ્ગાવાગવલ્લભા ।
ગણદા ગણહા ગમ્યા ગમનાગમસુન્દરી ॥
ગમ્યદા ગણનાશી ચ ગદહા ગદવર્દ્ધિની ।
સ્થૈર્યા ચ સ્થૈર્યનાશા ચ સ્થૈર્યાન્તકરણી કુલા ॥
દાત્રી કર્ત્રી પ્રિયા પ્રેમા પ્રિયદા પ્રિયવર્દ્ધિની ।
પ્રિયહા પ્રિયભવ્યા ચ પ્રિયપ્રેમાઙ્ઘ્રિપાતનુઃ ॥
પ્રિયજા પ્રિયભવ્યા ચ પ્રિયસ્થા ભવનસ્થિતા ।
સુસ્થિરા સ્થિરરૂપા ચ સ્થિરદા સ્થૈર્યબર્હિણી ॥
ચઞ્ચલા ચપલા ચોલા ચપલાઙ્ગનિવાસિની ।
ગૌરી કાલી તથા છિન્ના માયા માન્યા હરપ્રિયા ॥
સુન્દરી ત્રિપુરા ભવ્યા ત્રિપુરેશ્વરવાસિની ।
ત્રિપુરનાશિની દેવી ત્રિપુરપ્રાણહારિણી ॥
ભૈરવી ભૈરવસ્થા ચ ભૈરવસ્ય પ્રિયા તનુઃ ।
ભવાઙ્ગી ભૈરવાકારા ભૈરવપ્રિયવલ્લભા ॥
કાલદા કાલરાત્રિશ્ચ કામા કાત્યાયની ક્રિયા ।
ક્રિયદા ક્રિયહા ક્લૈબ્યા પ્રિયપ્રાણક્રિયા તથા ॥
ક્રીઙ્કારી કમલા લક્ષ્મીઃ શક્તિઃ સ્વાહા વિભુઃ પ્રભુઃ ।
પ્રકૃતિઃ પુરુષશ્ચૈવ પુરુષાપુરુષાકૃતિઃ ॥
પરમઃ પુરુષશ્ચૈવ માયા નારાયણી મતિઃ ।
બ્રાહ્મી માહેશ્વરી ચૈવ કૌમારી વૈષ્ણવી તથા ॥
વારાહી ચૈવ ચામુણ્ડા ઇન્દ્રાણી હરવલ્લભા ।
ભર્ગ્ગી માહેશ્વરી કૃષ્ણા કાત્યાયન્યપિ પૂતના ॥
રાક્ષસી ડાકિની ચિત્રા વિચિત્રા વિભ્રમા તથા ।
હાકિની રાકિની ભીતા ગંધર્વા ગંધવાહિની ॥
કેકરી કોટરાક્ષી ચ નિર્માંસાલૂકમાંસિકા ।
લલજ્જિહ્વા સુજિહ્વા ચ બાલદા બાલદાયિની ॥
ચન્દ્રા ચન્દ્રપ્રભા ચાન્દ્રી ચન્દ્રકાંતિષુ તત્પરા ।
અમૃતા માનદા પૂષા તુષ્ટિઃ પુષ્ટી રતિર્ધૃતિઃ ॥
શશિની ચન્દ્રિકા કાંતિર્જ્જ્યોત્સ્ના શ્રીઃ પ્રીતિરઙ્ગદા ।
પૂર્ણા પૂર્ણામૃતા કલ્પલતિકા કલ્પદાનદા ॥
સુકલ્પા કલ્પહસ્તા ચ કલ્પવૃક્ષકરી હનુઃ ।
કલ્પાખ્યા કલ્પભવ્યા ચ કલ્પાનન્દકવન્દિતા ॥
સૂચીમુખી પ્રેતમુખી ઉલ્કામુખી મહાસુખી ।
ઉગ્રમુખી ચ સુમુખી કાકાસ્યા વિકટાનના ॥
કૃકલાસ્યા ચ સન્ધ્યાસ્યા મુકુલીશા રમાકૃતિઃ ।
નાનામુખી ચ નાનાસ્યા નાનારૂપપ્રધારિણી ॥
વિશ્વાર્ચ્યા વિશ્વમાતા ચ વિશ્વાખ્યા વિશ્વભાવિની ।
સૂર્યા સુર્યપ્રભા શોભા સૂર્યમણ્ડલસંસ્થિતા ॥
સૂર્યકાંતિઃ સૂર્યકરા સૂર્યાખ્યા સૂર્યભાવના ।
તપિની તાપિની ધૂમ્રા મરીચિર્જ્જ્વાલિની રુચિઃ ॥
સુરદા ભોગદા વિશ્વા બોધિની ધારિણી ક્ષમા ।
યુગદા યોગહા યોગ્યા યોગ્યહા યોગવર્દ્ધિની ॥
વહ્નિમણ્ડલસંસ્થા ચ વહ્નિમણ્ડલમધ્યગા ।
વહ્નિમણ્ડલરૂપા ચ વહ્નિમણ્ડલસઞ્જ્ઞકા ॥
વહ્નિતેજા વહ્નિરાગા વહ્નિદા વહ્નિનાશિની ।
વહ્નિક્રિયા વહ્નિભુજા કલા વહ્નૌ સ્થિતા સદા ॥
ધૂમ્રાર્ચિતા ચોજ્જ્વલિની તથા ચ વિસ્ફુલિઙ્ગિની ।
શૂલિની ચ સુરૂપા ચ કપિલા હવ્યવાહિની ॥
નાનાતેજસ્વિની દેવી પરબ્રહ્મકુટુમ્બિની ।
જ્યોતિર્બ્રહ્મમયી દેવી પ્રબ્રહ્મસ્વરૂપિણી ॥
પરમાત્મા પરા પુણ્યા પુણ્યદા પુણ્યવર્દ્ધિની ।
પુણ્યદા પુણ્યનામ્ની ચ પુણ્યગંધા પ્રિયાતનુઃ ॥
પુણ્યદેહા પુણ્યકરા પુણ્યનિન્દકનિન્દકા ।
પુણ્યકાલકરા પુણ્યા સુપુણ્યા પુણ્યમાલિકા ॥
પુણ્યખેલા પુણ્યકેલી પુણ્યનામસમા પુરા ।
પુણ્યસેવ્યા પુણ્યખેલ્યા પુરાણપુણ્યવલ્લભા ॥
પુરુષા પુરુષપ્રાણા પુરુષાત્મસ્વરૂપિણી ।
પુરુષાઙ્ગી ચ પુરુષી પુરુષસ્ય કલા સદા ॥
સુપુષ્પા પુષ્પકપ્રાણા પુષ્પહા પુષ્પવલ્લભા ।
પુષ્પપ્રિયા પુષ્પહારા પુષ્પવન્દકવન્દકા ॥
પુષ્પહા પુષ્પમાલા ચ પુષ્પનિન્દકનાશિની ।
નક્ષત્રપ્રાણહન્ત્રી ચ નક્ષત્રાલક્ષવન્દકા ॥
લક્ષ્યમાલ્યા લક્ષહારા લક્ષા લક્ષસ્વરૂપિણી ।
નક્ષત્રાણી સુનક્ષત્રા નક્ષત્રાહા મહોદયા ॥
મહામાલ્યા મહામાન્યા મહતી માતૃપૂજિતા ।
મહામહાકનીયા ચ મહાકાલેશ્વરી મહા ॥
મહાસ્યા વન્દનીયા ચ મહાશબ્દનિવાસિની ।
મહાશઙ્ખેશ્વરી મીના મત્સ્યગંધા મહોદરી ॥
લમ્બોદરી ચ લમ્બોષ્ઠી લમ્બનિમ્નતનૂદરી ।
લમ્બોષ્ઠી લમ્બનાસા ચ લમ્બઘોણા લલત્સુકા ॥
અતિલમ્બા મહાલમ્બા સુલમ્બા લમ્બવાહિની ।
લમ્બાર્હા લમ્બશક્તિશ્ચ લમ્બસ્થા લમ્બપૂર્વિકા ॥
ચતુર્ઘણ્ટા મહાઘણ્ટા ઘણ્ટાનાદપ્રિયા સદા ।
વાદ્યપ્રિયા વાદ્યરતા સુવાદ્યા વાદ્યનાશિની ॥
રમા રામા સુબાલા ચ રમણીયસ્વભાવિની ।
સુરમ્યા રમ્યદા રમ્ભા રમ્ભોરૂ રામવલ્લભા ॥
કામપ્રિયા કામકરા કામાઙ્ગી રમણી રતિઃ ।
રતિપ્રિયા રતિ રતી રતિસેવ્યા રતિપ્રિયા ॥
સુરભિઃ સુરભી શોભા દિક્ષોભાઽશુભનાશિની ।
સુશોભા ચ મહાશોભાઽતિશોભા પ્રેતતાપિની ॥
લોભિની ચ મહાલોભા સુલોભા લોભવર્દ્ધિની ।
લોભાઙ્ગી લોભવન્દ્યા ચ લોભાહી લોભભાસકા ॥
લોભપ્રિયા મહાલોભા લોભનિન્દકનિન્દકા ।
લોભાઙ્ગવાસિની ગંધવિગંધા ગંધનાશિની ॥
ગંધાઙ્ગી ગંધપુષ્ટા ચ સુગંધા પ્રેમગંધિકા ।
દુર્ગંધા પૂતિગંધા ચ વિગંધા અતિગંધિકા ॥
પદ્માન્તિકા પદ્મવહા પદ્મપ્રિયપ્રિયઙ્કરી ।
પદ્મનિન્દકનિન્દા ચ પદ્મસન્તોષવાહના ॥
રક્તોત્પલવરા દેવી રક્તોત્પલપ્રિયા સદા ।
રક્તોત્પલસુગંધા ચ રક્તોત્પલનિવાસિની ॥
રક્તોત્પલગ્રહામાલા રક્તોત્પલમનોહરા ।
રક્તોત્પલસુનેત્રા ચ રક્તોત્પલસ્વરૂપધૃક્ ॥
વૈષ્ણવી વિષ્ણુપૂજ્યા ચ વૈષ્ણવાઙ્ગનિવાસિની ।
વિષ્ણુપૂજકપૂજ્યા ચ વૈષ્ણવે સંસ્થિતા તનુઃ ॥
નારાયણસ્ય દેહસ્થા નારાયણમનોહરા ।
નારાયણસ્વરૂપા ચ નારાયણમનઃસ્થિતા ॥
નારાયણાઙ્ગસમ્ભૂતા નારાયણપ્રિયાતનુઃ ।
નારી નારાયણીગણ્યા નારાયણગૃહપ્રિયા ॥
હરપૂજ્યા હરશ્રેષ્ઠા હરસ્ય વલ્લભા ક્ષમા ।
સંહારી હરદેહસ્થા હરપૂજનતત્પરા ॥
હરદેહસમુદ્ભૂતા હરાઙ્ગવાસિનીકુહૂઃ ।
હરપૂજકપૂજ્યા ચ હરવન્દકતત્પરા ॥
હરદેહસમુત્પન્ના હરક્રીડાસદાગતિઃ ।
સુગણાસઙ્ગરહિતા અસઙ્ગાસઙ્ગનાશિની ॥
નિર્જના વિજના દુર્ગા દુર્ગક્લેશનિવારિણી ।
દુર્ગદેહાન્તકા દુર્ગારૂપિણી દુર્ગતસ્થિકા ॥
પ્રેતકરા પ્રેતપ્રિયા પ્રેતદેહસમુદ્ભવા ।
પ્રેતાઙ્ગવાસિની પ્રેતા પ્રેતદેહવિમર્દ્દકા ॥
ડાકિની યોગિની કાલરાત્રિઃ કાલપ્રિયા સદા ।
કાલરાત્રિહરા કાલા કૃષ્ણદેહા મહાતનુઃ ॥
કૃષ્ણાઙ્ગી કુટિલાઙ્ગી ચ વજ્રાઙ્ગી વજ્રરૂપધૃક્ ।
નાનાદેહધરા ધન્યા ષટ્ચક્રક્રમવાસિની ॥
મૂલાધારનિવાસી ચ મૂલાધારસ્થિતા સદા ।
વાયુરૂપા મહારૂપા વાયુમાર્ગનિવાસિની ॥
વાયુયુક્તા વાયુકરા વાયુપૂરકપૂરકા ।
વાયુરૂપધરા દેવી સુષુમ્નામાર્ગગામિની ॥
દેહસ્થા દેહરૂપા ચ દેહધ્યેયા સુદેહિકા ।
નાડીરૂપા મહીરૂપા નાડીસ્થાનનિવાસિની ॥
ઇઙ્ગલા પિઙ્ગલા ચૈવ સુષુમ્નામધ્યવાસિની ।
સદાશિવપ્રિયકરી મૂલપ્રકૃતિરૂપધૃક્ ॥
અમૃતેશી મહાશાલી શૃઙ્ગારાઙ્ગનિવાસિની ।
ઉપત્તિસ્થિતિસંહન્ત્રી પ્રલયાપદવાસિની ॥
મહાપ્રલયયુક્તા ચ સૃષ્ટિસંહારકારિણી ।
સ્વધા સ્વાહા હવ્યવાહા હવ્યા હવ્યપ્રિયા સદા ॥
હવ્યસ્થા હવ્યભક્ષા ચ હવ્યદેહસમુદ્ભવા ।
હવ્યક્રીડા કામધેનુસ્વરૂપા રૂપસમ્ભવા ॥
સુરભી નન્દની પુણ્યા યજ્ઞાઙ્ગી યજ્ઞસમ્ભવા ।
યજ્ઞસ્થા યજ્ઞદેહા ચ યોનિજા યોનિવાસિની ॥
અયોનિજા સતી સત્યા અસતી કુટિલાતનુઃ ।
અહલ્યા ગૌતમી ગમ્યા વિદેહા દેહનાશિની ॥
ગાંધારી દ્રૌપદી દૂતી શિવપ્રિયા ત્રયોદશી ।
પઞ્ચદશી પૌર્ણમાસી ચતુર્દ્દશી ચ પઞ્ચમી ॥
ષષ્ઠી ચ નવમી ચૈવ અષ્ટમી દશમી તથા ।
એકાદશી દ્વાદશી ચ દ્વારરૂપીભયપ્રદા ॥
સઙ્ક્રાન્ત્યા સામરૂપા ચ કુલીના કુલનાશિની ।
કુલકાન્તા કૃશા કુમ્ભા કુમ્ભદેહવિવર્દ્ધિની ॥
વિનીતા કુલવત્યર્ત્થી અન્તરી ચાનુગાપ્યુષા ।
નદીસાગરદા શાન્તિઃ શાન્તિરૂપા સુશાન્તિકા ॥
આશા તૃષ્ણા ક્ષુધા ક્ષોભ્યા ક્ષોભરૂપનિવાસિની ।
ગઙ્ગાસાગરગા કાન્તિઃ શ્રુતિઃ સ્મૃતિર્દ્ધૃતિર્મહી ॥
દિવારાત્રિઃ પઞ્ચભૂતદેહા ચૈવ સુદેહકા ।
તણ્ડુલા ચ્છિન્નમસ્તા ચ નાગયજ્ઞોપવીતિની ॥
વર્ણિની ડાકિની શક્તિઃ કુરુકુલ્લા સુકુલ્લકા ।
પ્રત્યઙ્ગિરાઽપરા દેવી અજિતા જયદાયિની ॥
જયા ચ વિજયા ચૈવ મહિષાસુરઘાતિની ।
મધુકૈટભહન્ત્રી ચ ચણ્ડમુણ્ડવિનાશિની ॥
નિશુમ્ભશુમ્ભહનની રક્તબીજક્ષયઙ્કરી ।
કાશી કાશીનિવાસી ચ મધુરા પાર્વતી પરા ॥
અપર્ણા ચણ્ડિકા દેવી મૃડાની ચામ્બિકા કલા ।
શુક્લા કૃષ્ણા વર્ણવર્ણા શરદિન્દુકલાકૃતિઃ ॥
રુક્મિણી રાધિકા ચૈવ ભૈરવ્યાઃ પરિકીર્ત્તિતમ્ ।
અષ્ટાધિકસહસ્રન્તુ દેવ્યા નામાનુકીર્ત્તનાત્ ॥
મહાપાતકયુક્તોઽપિ મુચ્યતે નાત્ર સંશયઃ ।
બ્રહ્મહત્યા સુરાપાનં સ્તેયઙ્ગુર્વઙ્ગનાગમઃ ॥
મહાપાતકકોટ્યસ્તુ તથા ચૈવોપપાતકાઃ ।
સ્તોત્રેણ ભૈરવોક્તેન સર્વન્નશ્યતિ તત્ક્ષણાત્ ॥
સર્વવ્વા શ્લોકમેકવ્વા પઠનાત્સ્મરણાદપિ ।
પઠેદ્વા પાઠયેદ્વાપિ સદ્યો મુચ્યેત બન્ધનાત્ ॥
રાજદ્વારે રણે દુર્ગે સઙ્કટે ગિરિદુર્ગ્ગમે ।
પ્રાન્તરે પર્વતે વાપિ નૌકાયાવ્વા મહેશ્વરિ ॥
વહ્નિદુર્ગભયે પ્રાપ્તે સિંહવ્યાઘ્રભ્યાકુલે ।
પઠનાત્સ્મરણાન્મર્ત્ત્યો મુચ્યતે સર્વસઙ્કટાત્ ॥
અપુત્રો લભતે પુત્રન્દરિદ્રો ધનવાન્ભવેત્ ।
સર્વશાસ્ત્રપરો વિપ્રઃ સર્વયજ્ઞફલલ્લભેત્ ॥
અગ્નિવાયુજલસ્તમ્ભઙ્ગતિસ્તમ્ભવિવસ્વતઃ ।
મારણે દ્વેષણે ચૈવ તથોચ્ચાટે મહેશ્વરિ ॥
ગોરોચનાકુઙ્કુમેન લિખેત્સ્તોત્રમનન્યધીઃ ।
ગુરુણા વૈષ્ણવૈર્વાપિ સર્વયજ્ઞફલલ્લભેત્ ॥
વશીકરણમત્રૈવ જાયન્તે સર્વસિદ્ધયઃ ।
પ્રાતઃકાલે શુચિર્બ્ભૂત્વા મધ્યાહ્ને ચ નિશામુખે ॥
પઠેદ્વા પાઠયેદ્વાપિ સર્વયજ્ઞફલલ્લભેત્ ।
વાદી મૂકો ભવેદ્દુષ્ટો રાજા ચ સેવકો યથા ॥
આદિત્યમઙ્ગલદિને ગુરૌ વાપિ મહેશ્વરિ ।
ગોરોચનાકુઙ્કુમેન લિખેત્સ્તોત્રમનન્યધીઃ ॥
ગુરુણા વૈષ્ણવૈર્વાપિ સર્વયજ્ઞફલલ્લભેત્ ।
ધૃત્વા સુવર્ણમધ્યસ્થં સર્વાન્કામાનવાપ્નુયાત્ ॥
સ્ત્રીણાવ્વામકરે ધાર્યમ્પુમાન્દક્ષકરે તથા ।
આદિત્યમઙ્ગલદિને ગુરૌ વાપિ મહેશ્વરિ ॥
શનૈશ્ચરે લિખેદ્વાપિ સર્વસિદ્ધિં લભેદ્ધ્રુવમ્ ।
પ્રાન્તરે વા શ્મશાને વા નિશાયામર્દ્ધરાત્રકે ॥
શૂન્યાગારે ચ દેવેશિ લિખેદ્યત્નેન સાધકઃ ।
સિંહરાશૌ ગુરુગતે કર્ક્કટસ્થે દિવાકરે ॥
મીનરાશૌ ગુરુગતે લિખેદ્યત્નેન સાધકઃ ।
રજસ્વલાભગન્દૃષ્ટ્વા તત્રસ્થો વિલિખેત્સદા ॥
સુગંધિકુસુમૈઃ શુક્રૈઃ સુગંધિગંધચન્દનૈઃ ।
મૃગનાભિમૃગમદૈર્વિલિખેદ્યત્નપૂર્વકમ્ ॥
લિખિત્વા ચ પઠિત્વા ચ ધારયેચ્ચાપ્યનન્યધીઃ ।
કુમારીમ્પૂજયિત્વા ચ નારીશ્ચાપિ પ્રપૂજયેત્ ॥
પૂજયિત્વા ચ કુસુમૈર્ગ્ગન્ધચન્દનવસ્ત્રકૈઃ ।
સિન્દૂરરક્તકુસુમૈઃ પૂજયેદ્ભક્તિયોગતઃ ॥
અથવા પૂજયેદ્દેવિ કુમારીર્દ્દશમાવધીઃ ।
સર્વાભીષ્ટફલન્તત્ર લભતે તત્ક્ષણાદપિ ॥
નાત્ર સિદ્ધાદ્યપેક્ષાસ્તિ ન વા મિત્રારિદૂષણમ્ ।
ન વિચાર્યઞ્ચ દેવેશિ જપમાત્રેણ સિદ્ધિદમ્ ॥
સર્વદા સર્વકાર્યેષુ ષટ્સાહસ્રપ્રમાણતઃ ।
બલિન્દત્ત્વા વિધાનેન પ્રત્યહમ્પૂજયેચ્છિવામ્ ॥
સ્વયંભૂકુસુમૈઃ પુષ્પૈર્બ્બલિદાનન્દિવાનિશમ્ ।
પૂજયેત્પાર્વતીન્દેવીમ્ભૈરવીન્ત્રિપુરાત્મિકામ્ ॥
બ્રાહ્મણાન્ભોજયેન્નિત્યન્દશકન્દ્વાદશન્તથા ।
અનેન વિધિના દેવિ બાલાન્નિત્યમ્પ્રપૂજયેત્ ॥
માસમેકમ્પઠેદ્યસ્તુ ત્રિસન્ધ્યવ્વિધિનામુના ।
અપુત્રો લભતે પુત્રન્નિર્દ્ધનો ધનવાન્ભવેત્ ॥
સદા ચાનેન વિધિના તથા માસત્રયેણ ચ ।
કૃતકાર્યં ભવેદ્દેવિ તથા માસચતુષ્ટયે ॥
દીર્ગ્ઘરોગાત્પ્રમુચ્યેત પઞ્ચમે કવિરાડ્ભવેત્ ।
સર્વૈશ્વર્યં લભેદ્દેવિ માસષટ્કે તથૈવ ચ ॥
સપ્તમે ખેચરત્વઞ્ચ અષ્ટમે ચ વૃહદ્દ્યુતિઃ ।
નવમે સર્વસિદ્ધિઃ સ્યાદ્દશમે લોકપૂજિતઃ ॥
એકાદશે રાજવશ્યો દ્વાદશે તુ પુરન્દરઃ ।
વારમેકમ્પઠેદ્યસ્તુ પ્રાપ્નોતિ પૂજને ફલમ્ ॥
સમગ્રં શ્લોકમેકવ્વા યઃ પઠેત્પ્રયતઃ શુચિઃ ।
સ પૂજાફલમાપ્નોતિ ભૈરવેણ ચ ભાષિતમ્ ॥
આયુષ્મત્પ્રીતિયોગે ચ બ્રાહ્મૈન્દ્રે ચ વિશેષતઃ ।
પઞ્ચમ્યાઞ્ચ તથા ષષ્ઠ્યાય્યત્ર કુત્રાપિ તિષ્ઠતિ ॥
શઙ્કા ન વિદ્યતે તત્ર ન ચ માયાદિદૂષણમ્ ।
વારમેકં પઠેન્મર્ત્ત્યો મુચ્યતે સર્વસઙ્કટાત્ ।
કિમન્યદ્બહુના દેવિ સર્વાભીષ્ટફલલ્લભેત્ ॥
॥ ઇતિ શ્રીવિશ્વસારે મહાભૈરવવિરચિતં
શ્રીમત્ત્રિપુરભૈરવીસહસ્રનામસ્તોત્રં સમાપ્તમ્ ॥