॥ Vagvadini Sahasranamastotram Gujarati Lyrics ॥
॥ શ્રીવાગ્વાદિનિસહસ્રનામસ્તોત્રમ્ ॥
ૐ શ્રીગણેશાય નમઃ ।
બ્રહ્મોવાચ –
નન્દિકેશ્વર સર્વજ્ઞ ભક્તાનુગ્રહકારક ।
ઋદ્ધિસિદ્ધિપ્રદં નૄણાં સર્વદોષનિષૂદનમ્ ॥ ૧ ॥
સર્વસિદ્ધિકરં પુણ્યં સર્વકામાર્થસાધનમ્ ।
આધિવ્યાધિહરં કેન કેન વા મૃત્યુનાશનમ્ ।
વક્તુમર્હસિ દેવેશ નન્દિકેશ સુરોત્તમ ॥ ૨ ॥
શ્રીનન્દિકેશ્વરોવાચ –
શૃણુ બ્રહ્મન્પ્રવક્ષ્યામિ ગુપ્તાદ્ગુપ્તતરં મહત્ ।
સર્વભક્તહિતાર્થાય કથિતા કમલાસન ॥ ૩ ॥
સમસ્તકલહધ્વંસી લોકસ્ય લોકવલ્લભ ।
જલજાસ્સ્થલજાશ્ચૈવ વનજા વ્યોમજાસ્તથા ॥ ૪ ॥
કૃત્રિમા દોષજાશ્ચાપિ ભ્રાન્તભ્રાન્તિવિનાશનમ્ ।
અપસ્મારગ્રહોન્માદજનોન્મત્તપિશાચકાઃ ॥ ૫ ॥
દુઃખપ્રણાશનં નિત્યં સુખં સમ્પ્રાપ્યતે વિધે ।
ઇદં સ્તોત્રં ન જાનન્તિ વાગ્દેવીસ્મરણે યદિ ॥ ૬ ॥
ન સ સિદ્ધિમવાપ્નોતિ વર્ષકોટિશતૈરપિ ।
સર્વં સરસ્વતીનામ્નાં સદાશિવઋષિઃ સ્મૃતઃ ॥ ૭ ॥
છન્દોઽનુષ્ટુપ્ તથા બીજં વાગ્ભવં શક્તિ કીલકમ્ ।
રકારં સર્વકામાર્થં વિનિયોગઃ પ્રકીર્તિતાઃ ॥ ૮ ॥
અથ ધ્યાનં –
શુભ્રાં સ્વચ્છવિલેપમાલ્યવસનાં શીતાંશુખણ્ડોજ્જ્વલાં
વ્યાખ્યામક્ષગુણં સુધાબ્જકલશં વિદ્યાં ચ હસ્તામ્બુજૈઃ ।
વિભ્રાણાં કમલાસનાં કુચનતાં વાગ્દેવતાં સુસ્મિતાં
વાગ્દેવીં વિભવપ્રદાં ત્રિનયનાં સૌભાગ્યસમ્પત્કરીમ્ ॥
ૐ શ્રીવાગ્વાદિની વાણી વાગીશ્વરી સરસ્વતી ।
વાચા વાચામતી વાક્યા વાગ્દેવી બાલસુન્દરી ॥ ૧ ॥
વચસા વાચયિષ્યા ચ વલ્લભા વિષ્ણુવલ્લભા ।
બાલરૂપા સતી વૃદ્ધા વનમાલી વનેશ્વરી ॥ ૨ ॥
વલિધ્વંસપ્રિયા વેદા વરદા વરવર્ધિની ।
બ્રાહ્મી સરસ્વતી વિદ્યા બ્રહ્માણ્ડજ્ઞાનગોચરી ॥ ૩ ॥
બ્રહ્મનાડી બ્રહ્મજ્ઞાની વ્રતિ વ્રતપ્રિયા વ્રતા ।
બ્રહ્મચારી બુદ્ધિરૂપી બુદ્ધિદા બુદ્ધિદાપકા ॥ ૪ ॥
બુદ્ધિઃ પ્રજ્ઞા બુદ્ધિમતી બુદ્ધિશ્રી બુદ્ધિવર્ધિની ।
વારાહી વારુણી વ્યક્તા વેણુહસ્તા બલીયસી ॥ ૫ ॥
વામમાર્ગરતા દેવી વામાચારરસપ્રિયા ।
વામસ્ત્થા વામરૂપા ચ વર્ધિની વામલોચના ॥ ૬ ॥
વિશ્વવ્યાપી વિશ્વરૂપા વિશ્વસ્થા વિશ્વમોહિની ।
વિન્ધ્યસ્થા વિન્ધ્યનિલયા વિન્દુદા વિન્દુવાસિની ॥ ૭ ॥
વક્ત્રસ્થા વક્રરૂપા ચ વિજ્ઞાનજ્ઞાનદાયિની ।
વિઘ્નહર્ત્રી વિઘ્નદાત્રી વિઘ્નરાજસ્ય વલ્લભા ॥ ૮ ॥
વાસુદેવપ્રિયા દેવી વેણુદત્તબલપ્રદા ।
બલભદ્રસ્ય વરદા બલિરાજપ્રપૂજિતા ॥ ૯ ॥
વાક્યં વાચમતી બ્રાહ્મી વાગ્ભવાની વિધાયિકા ।
વાયુરૂપા ચ વાગીશા વેગસ્થા વેગચારિણી ॥ ૧૦ ॥
બ્રહ્મમૂર્તિર્વાઙ્મયી ચ વાર્તાજ્ઞા વઙ્મયેશ્વરી ।
બન્ધમોક્ષપ્રદા દેવી બ્રહ્મનાદસ્વરૂપિણી ॥ ૧૧ ॥
વસુન્ધરાસ્થિતા દેવી વસુધારસ્વરૂપિણી ।
વર્ગરૂપા વેગધાત્રી વનમાલાવિભૂષણા ॥ ૧૨ ॥
વાગ્દેવેશ્વરકણ્ઠસ્થા વૈદ્યા વિબુધવન્દિતા ।
વિદ્યુત્પ્રભા વિન્દુમતી વાઞ્છિતા વીરવન્દિતા ॥ ૧૩ ॥
વહ્નિજ્વાલા વહ્નિમુખી વિશ્વવ્યાપી વિશાલદા ।
વિદ્યારૂપા ચ શ્રીવિદ્યા વિદ્યાધરપ્રપૂજિતા ॥ ૧૪ ॥
વિદ્યાસ્થા વિદ્યયા દેવી વિદ્યાદેવી વિષપ્રહા ।
વિષઘ્ની વિષદોષઘ્ની વૃક્ષમૂલપ્રતિષ્ઠિતા ॥ ૧૫ ॥
વૃક્ષરૂપી ચ વૃક્ષેશી વૃક્ષફલપ્રદાયકા ।
વિવિધૌષધસમ્પન્ના વિવિધોત્પાતનાશિની ॥ ૧૬ ॥
વિધિજ્ઞા વિવિધાકારા વિશ્વગર્ભા વનેશ્વરી ।
વિશ્વેશ્વરી વિશ્વયોનીર્વિશ્વમાતા વિધિપ્રિયા ॥ ૧૭ ॥
વિભૂતિરૂપા વૈભૂતી વંશી વંશીધરપ્રિયા ।
વિશાલલોચના દેવી વિત્તદા ચ વરાનના ॥ ૧૮ ॥
વાયુમણ્ડલસંસ્થા ચ વહ્નિમણ્ડલસંસ્થિતા ।
ગઙ્ગાદેવી ચ ગઙ્ગા ચ ગુણાદાત્રી ગુણાત્મિકા ॥ ૧૯ ॥
ગુણાશ્રયા ગુણવતી ગુણશીલસમન્વિતા ।
ગર્ભપ્રદા ગર્ભદાત્રી ગર્ભરક્ષાપ્રદાયિની ॥ ૨૦ ॥
ગીરૂપા ગીષ્મતી ગીતા ગીતજ્ઞા ગીતવલ્લભા ।
ગિરિધારીપ્રિયા દેવી ગિરિરાજસુતા સતી ॥ ૨૧ ॥
ગતિદા ગર્ભદા ગર્ભા ગણપૂજા ગણેશ્વરી ।
ગમ્ભીરા ગહના ગુહ્યા ગન્ધર્વગણસેવિતા ॥ ૨૨ ॥
ગુહ્યેશ્વરી ગુહ્યકાલી ગુપ્તમાર્ગપ્રદાયિની ।
ગુરુમૂર્તિર્ગુરુસ્થા ચ ગોચરા ગોચરપ્રદા ॥ ૨૩ ॥
ગોપિની ગોપિકા ગૌરી ગોપાલજ્ઞાનતત્પરા ।
ગોરૂપા ગોમતીદેવી ગોવર્ધનધરપ્રિયા ॥ ૨૪ ॥
ગુણદાત્રી ગુણશીલા ગુણરૂપા ગુણેશ્વરી ।
ગાયત્રીરૂપા ગાન્ધારી ગઙ્ગાધરપ્રિયા તથા ॥ ૨૫ ॥
ગિરિકન્યા ગિરિસ્થા ચ ગૂઢરૂપા ગૃહસ્થિતા ।
ગૃહક્લેશવિધ્વંસિની ગૃહે કલહભઞ્જની ॥ ૨૬ ॥
ગગનાડી ગર્ભજ્યોતિર્ગગનાકારશોભિતા ।
ગમસાગમસ્વરૂપા ચ ગરુડાસનવલ્લભા ॥ ૨૭ ॥
ગન્ધરૂપા ગન્ધરૂપી ગલસ્થા ગલગોચરા ।
ગજેન્દ્રગામિનીદેવી ગ્રહનક્ષત્રવન્દિતા ॥ ૨૮ ॥
ગોપકન્યા ગોકુલેશી ગોપીચન્દનલેપિતા ।
દયાવતી દુઃખહન્ત્રી દુષ્ટદારિદ્ર્યનાશિની ॥ ૨૯ ॥
દિવ્યદેહા દિવ્યમુખી દિવ્યચન્દનલેપિતા ।
દિવ્યવસ્ત્રપરીધાના દમ્ભલોભવિવર્જિતા ॥ ૩૦ ॥
દાતા દામોદરપ્રીતા દામોદરપરાયણા ।
દનુજેન્દ્રવિનાશી ચ દાનવાગણસેવિતા ॥ ૩૧ ॥
દુષ્કૃતઘ્ની દૂરગામી દુર્મતિ-દુઃખનાશિની ।
દાવાગ્નિરૂપિણીદેવી દશગ્રીવવરપદા ॥ ૩૨ ॥
દયાનદી દયાશીલા દાનશીલા ચ દર્શિની ।
દૃઢદેવી દૃઢદૃષ્ટી દુગ્ઘપ્રપાનતત્પરા ॥ ૩૩ ॥
દુગ્ધવર્ણા દુગ્ધપ્રિયા દધિદુગ્ધપ્રદાયકા ।
દેવકી દેવમાતા ચ દેવેશી દેવપૂજિતા ॥ ૩૪ ॥
દેવીમૂર્તિર્દયામૂર્તિર્દોષહા દોષનાશિની ।
દોષઘ્ની દોષદમની દોલાચલપ્રતિષ્ઠિતા ॥ ૩૫ ॥
દૈન્યહા દૈત્યહન્ત્રી ચ દેવારિગણમર્દિની ।
દમ્ભકૃત્ દમ્ભનાશી ચ દાડિમીપુષ્પવલ્લભા ॥ ૩૬ ॥
દશના દાડિમાકારા દાડિમીકુસુમપ્રભા ।
દાસીવરપ્રદા દીક્ષા દીક્ષિતા દીક્ષિતેશ્વરી ॥ ૩૭ ॥
દિલીપરાજબલદા દિનરાત્રિસ્વરૂપિણી ।
દિગમ્બરી દીપ્તતેજા ડમરૂભુજધારિણી ॥ ૩૮ ॥
દ્રવ્યરૂપી દ્રવ્યકરી દશરથવરપ્રદા ।
ઈશ્વરી ઈશ્વરભાર્યા ચ ઇન્દ્રિયરૂપસંસ્થિતા ॥ ૩૯ ॥
ઇન્દ્રપૂજ્યા ઇન્દ્રમાતા ઈપ્સિત્વફલદયકા ।
ઇન્દ્રાણી ઇઙ્ગિતજ્ઞા ચ ઈશાની ઈશ્વરપ્રિયા ॥ ૪૦ ॥
ઇષ્ટમૂર્તી ઇહૈવસ્થા ઇચ્છારૂપા ઇહેશ્વરી ।
ઇચ્છાશક્તિરીશ્વરસ્થા ઇલ્વદૈત્યનિષૂદિની ॥ ૪૧ ॥
ઇતિહાસાદિશાસ્ત્રજ્ઞા ઇચ્છાચારીસ્વરૂપિણી ।
ઈકારાક્ષરરૂપા ચ ઇન્દ્રિયવરવર્ધિની ॥ ૪૨ ॥
ઇદ્રલોકનિવાસિનાં ઈપ્સિતાર્થપ્રદાયિની ।
નારી નારાયણપ્રીતા નારસિંહી નરેશ્વરી ॥ ૪૩ ॥
નર્મદા નન્દિનીરૂપા નર્તકી નગનન્દિની ।
નારાયણપ્રિયા નિત્યં નાનાવિદ્યાપ્રદાયિની ॥ ૪૪ ॥
નાનાશાસ્ત્રધરીદેવી નાનાપુષ્પસુશોભિતા ।
નયનત્રયરૂપા ચ નૃત્યનાથસ્ય વલ્લભા ॥ ૪૫ ॥
નદીરૂપા નૃત્યરૂપા નાગરી નગરેશ્વરી ।
નાનાર્થદાતા નલિની નારદાદિપ્રપૂજિતા ॥ ૪૬ ॥
નતારમ્ભેશ્વરીદેવી નીતિજ્ઞા ચ નિરઞ્જની ।
નિત્યસિંહાસનસ્થા ચ નિત્યકલ્યાણકારિણી ॥ ૪૭ ॥
નિત્યાનન્દકરી દેવી નિત્યસિદ્ધિપ્રદાયકા ।
નેત્રપદ્મદલાકારા નેત્રત્રયસ્વરૂપિણી ॥ ૪૮ ॥
નૌમીદેવીનામમાત્રા નકારાક્ષરરૂપિણી ।
નન્દા નિદ્રા મહાનિદ્રા નૂપુરપદશોભિતા ॥ ૪૯ ॥
નાટકી નાટકાધ્યક્ષા નરાનન્દપ્રદાયિકા ।
નાનાભરણસન્તુષ્ટાનાનારત્નવિભૂષણા ॥ ૫૦ ॥
નરકનાશિનીદેવી નાગાન્તકસ્થિતા પ્રિયા ।
નીતિવિદ્યાપ્રદા દેવી ન્યાયશાસ્ત્રવિશારદી ॥ ૫૧ ॥
નરલોકગતાદેવી નરકાસુરનાશિની ।
અનન્તશક્તિરૂપા ચ નૈમિત્તિકપ્રપૂજિતા ॥ ૫૨ ॥
નાનાશસ્ત્રધરાદેવી નારબિન્દુસ્વરૂપિણી ।
નક્ષત્રરૂપા નન્દિતા નગસ્થા નગનન્દિની ॥ ૫૩ ॥
સારદા સરિતારૂપા સત્યભામા સુરેશ્વરી ।
સર્વાનન્દકરીદેવી સર્વાભરણભૂષિતા ॥ ૫૪ ॥
સર્વવિદ્યાધરાદેવી સર્વશાસ્ત્રસ્વરૂપિણી ।
સર્વમઙ્ગલદાત્રી ચ સર્વકલ્યાણકારિણી ॥ ૫૫ ॥
સર્વજ્ઞા સર્વભાગ્યં ચ સર્વસન્તુષ્ટિદાયકા ।
સર્વભારધરાદેવી સર્વદેશનિવાસિની ॥ ૫૬ ॥
સર્વદેવપ્રિયાદેવી સર્વદેવપ્રપૂજિતા ।
સર્વદોષહરાદેવી સર્વપાતકનાશિની ॥ ૫૭ ॥
સર્વસંસારસંરાજ્ઞી સર્વસઙ્કષ્ટનાશિની । સર્વસંસારસારાણિ
સર્વકલહવિધ્વંસી સર્વવિદ્યાધિદેવતા ॥ ૫૮ ॥
સર્વમોહનકારી ચ સર્વમન્ત્રપ્રસિદ્ધિદા ।
સર્વતન્ત્રાત્મિકાદેવી સર્વયન્ત્રાધિદેવતા ॥ ૫૯ ॥
સર્વમણ્ડલસંસ્થા ચ સર્વમાયાવિમોહિની ।
સર્વહૃદયવાસિન્યો સર્વમાત્મસ્વરૂપિણી ॥ ૬૦ ॥
સર્વકારણકારી ચ સર્વશાન્તસ્વરૂપિણી ।
સર્વસિદ્ધિકરસ્થા ચ સર્વવાક્યસ્વરૂપિણી ॥ ૬૧ ॥
સર્વાધારા નિરાધારા સર્વાઙ્ગસુન્દરી સતી ।
સર્વવેદમયીદેવી સર્વશબ્દસ્વરૂપિણી ॥ ૬૨ ॥
સર્વબ્રહ્માણ્ડવ્યાપ્તા ચ સર્વબ્રહ્માણ્ડવાસિની ।
સર્વાચારરતા સાધ્વી સર્વબીજસ્વરૂપિણી ॥ ૬૩ ॥
સર્વોન્માદવિકારઘ્ની સર્વકલ્મષનાશિની ।
સર્વદેહગતાદેવી સર્વયોગેશ્વરી પરા ॥ ૬૪ ॥
સર્વકણ્ઠસ્થિતા નિત્યં સર્વગર્ભાસુરક્ષકા ।
સર્વભાવા પ્રભાવાદ્યા સર્વલક્ષ્મીપ્રદાયિકા ॥ ૬૫ ॥
સર્વૈશ્વર્યપ્રદા દેવી સર્વવાયુસ્વરૂપિણી ।
સુરલોકગતા દેવી સર્વયોગેશ્વરી પરા ॥ ૬૬ ॥
સર્વકણ્ઠસ્થિતા નિત્યં સુરાસુરવરપ્રદા ।
સૂર્યકોટિપ્રતીકાશા સૂર્યમણ્ડલસંસ્થિતા ॥ ૬૭ ॥
શૂન્યમણ્ડલસંસ્થા ચ સાત્ત્વિકી સત્યદા તથા ।
સરિતા સરિતાશ્રેષ્ઠા સદાચારસુશોભિતા ॥ ૬૮ ॥
સાકિની સામ્યરૂપા ચ સાધ્વી સાધુજનાશ્રયા ।
સિદ્ધિદા સિદ્ધિરૂપા ચ સિદ્ધિસ્સિદ્ધિવિવર્ધિની ॥ ૬૯ ॥
શ્રિતકલ્યાણદાદેવી સર્વમોહાધિદેવતા ।
સિદ્ધેશ્વરી ચ સિદ્ધાત્મા સર્વમેધાવિવર્ધિની ॥ ૭૦ ॥
શક્તિરૂપા ચ શક્તેશી શ્યામા કષ્ટનિષૂદિની ।
સર્વભક્ષા શઙ્ખિની ચ સરસાગતકારિણી ॥ ૭૧ ॥
સર્વપ્રણવરૂપા ચ સર્વ અક્ષરરૂપિણી ।
સુખદા સૌખ્યદા ભોગા સર્વવિઘ્નવિદારિણી ॥ ૭૨ ॥
સન્તાપહા સર્વબીજા સાવિત્રી સુરસુન્દરી ।
શ્રીરૂપા શ્રીકરી શ્રીશ્ચ શિશિરાચલવાસિની ॥ ૭૩ ॥
શૈલપુત્રી શૈલધાત્રી શરણાગતવલ્લભા ।
રત્નેશ્વરી રત્નપ્રદા રત્નમન્દિરવાસિની ॥ ૭૪ ॥
રત્નમાલાવિચિત્રાઙ્ગી રત્નસિંહાસનસ્થિતા ।
રસધારારસરતા રસજ્ઞા રસવલ્લભા ॥ ૭૫ ॥
રસભોક્ત્રી રસરૂપા ષડ્રસજ્ઞા રસેશ્વરી ।
રસેન્દ્રભૂષણા નિત્યં રતિરૂપા રતિપ્રદા ॥ ૭૬ ॥
રાજેશ્વરી રાકિણી ચ રાવણાવરદાયકા । દશાસ્યવરદાયકા
રામકાન્તા રામપ્રિયા રામચન્દ્રસ્ય વલ્લભા ॥ ૭૭ ॥
રાક્ષસઘ્ની રાજમાતા રાધા રુદ્રેશ્વરી નિશા ।
રુક્મિણી રમણી રામા રાજ્યભુગ્રાજ્યદાયકા ॥ ૭૮ ॥
રક્તામ્બરધરાદેવી રકારાક્ષરરૂપિણી ।
રાસિસ્થા રામવરદા રાજ્યદા રાજ્યમણ્ડિતા ॥ ૭૯ ॥
રોગહા લોભહા લોલા લલિતા લલિતેશ્વરી ।
તન્ત્રિણી તન્ત્રરૂપા ચ તત્ત્વી તત્ત્વસ્વરૂપિણી ॥ ૮૦ ॥
તપસા તાપસી તારા તરુણાનઙ્ગરૂપિણી ।
તત્ત્વજ્ઞા તત્ત્વનિલયા તત્ત્વાલયનિવાસિની ॥ ૮૧ ॥
તમોગુણપ્રદાદેવી તારિણી તન્ત્રદાયિકા ।
તકારાક્ષરરૂપા ચ તારકાભયભઞ્જની ॥ ૮૨ ॥
તીર્થરૂપા તીર્થસંસ્થા તીર્થકોટિફલપ્રદા ।
તીર્થમાતા તીર્થજ્યેષ્ઠા તરઙ્ગતીર્થદાયકા ॥ ૮૩ ॥
ત્રૈલોક્યજનનીદેવી ત્રૈલોક્યભયભઞ્જની ।
તુલસી તોતલા તીર્થા ત્રિપુરા ત્રિપુરેશ્વરી ॥ ૮૪ ॥
ત્રૈલોક્યપાલકધ્વંસી ત્રિવર્ગફલદાયકા ।
ત્રિકાલજ્ઞા ત્રિલોકેશી તૃતીયજ્વરનાશિની ॥ ૮૫ ॥
ત્રિનેત્રધારી ત્રિગુણા ત્રિસુગન્ધિવિલેપિની ।
ત્રિલૌહદાત્રી ગમ્ભીરા તારાગણવિલાસિની ॥ ૮૬ ॥
ત્રયોદશગુણોપેતા તુરીયમૂર્તિરૂપિણી ।
તાણ્ડવેશી તુઙ્ગભદ્રા તુષ્ટિસ્ત્રેતાયુગપ્રિયા ॥ ૮૭ ॥
તરઙ્ગિણી તરઙ્ગસ્થા તપોલોકનિવાસિની ।
તપ્તકાઞ્ચનવર્ણાભા તપઃસિદ્ધિવિધાયિની ॥ ૮૮ ॥
ત્રિશક્તિસ્ત્રિમધુપ્રીતા ત્રિવેણી ત્રિપુરાન્તકા ।
પદ્મસ્થા પદ્મહસ્તા ચ પરત્રફલદાયકા ॥ ૮૯ ॥
પરમાત્મા પદ્મવર્ણા પરાપરતરાષ્ટમા ।
પરમેષ્ઠી પરઞ્જ્યોતિઃ પવિત્રા પરમેશ્વરી ॥ ૯૦ ॥
પારકર્ત્રી પાપહન્ત્રી પાતકૌઘવિનાશિની ।
પરમાનન્દદાદેવી પ્રીતિદા પ્રીતિવર્દ્ધિની ॥ ૯૧ ॥
પુણ્યનામ્ની પુણ્યદેહા પુષ્ટિપુસ્તકધારિણી ।
પુત્રદાત્રી પુત્રમાતા પુરુષાર્થપુરેશ્વરી ॥ ૯૨ ॥
પૌર્ણમીપુણ્યફલદા પઙ્કજાસનસંસ્થિતા ।
પૃથ્વીરૂપા ચ પૃથિવી પીતામ્બરસ્ય વલ્લભા ॥ ૯૩ ॥
પાઠાદેવી ચ પઠિતા પાઠેશી પાઠવલ્લભા ।
પન્નગાન્તકસંસ્થા ચ પરાર્ધાઙ્ગોશ્વપદ્ધતી ॥ ૯૪ ॥
હંસિની હાસિનીદેવી હર્ષરૂપા ચ હર્ષદા ।
હરિપ્રિયા હેમગર્ભા હંસસ્થા હંસગામિની ॥ ૯૫ ॥
હેમાલઙ્કારસર્વાઙ્ગી હૈમાચલનિવાસિની ।
હુત્વા હસિતદેહા ચ હાહા હૂહૂ સદાપ્રિયા ॥ ૯૬ ॥
હંસરૂપા હંસવર્ણા હિતા લોકત્રયેશ્વરી ।
હુઙ્કારનાદિનીદેવી હુતભુક્તા હુતેશ્વરી ॥ ૯૭ ॥
જ્ઞાનરૂપા ચ જ્ઞાનજ્ઞા જ્ઞાનદા જ્ઞાનસિદ્ધિદા ।
જ્ઞાનેશ્વરી જ્ઞાનગમ્યા જ્ઞાની જ્ઞાનવિશાલધીઃ ॥ ૯૮ ॥
જ્ઞાનમૂર્તિર્જ્ઞાનધાત્રી તાતવ્યાકરણાદિની ।
અજ્ઞાનનાશિનીદેવી જ્ઞાતા જ્ઞાનાર્ણવેશ્વરી ॥ ૯૯ ॥
મહાદેવી મહામોહા મહાયોગરતા તથા ।
મહાવિદ્યા મહાપ્રજ્ઞા મહાજ્ઞાના મહેશ્વરી ॥ ૧૦૦ ॥
મઞ્જુશ્રી મઞ્જુરપ્રીતા મઞ્જુઘોષસ્ય વન્દિતા ।
મહામઞ્જુરિકાદેવી મણીમુકુટશોભિતા ॥ ૧૦૧ ॥
માલાધરી મન્ત્રમૂર્તિર્મદની મદનપ્રદા ।
માનરૂપા મનસી ચ મતિર્મતિમનોત્સવા ॥ ૧૦૨ ॥
માનેશ્વરી માનમાન્યા મધુસૂદનવલ્લભા ।
મૃડપ્રિયા મૂલસંસ્થા મૂર્ધ્નિસ્થા મુનિવન્દિતા ॥ ૧૦૩ ॥
મુખબેક્તા ?? મૂઠહન્તા મૃત્યુર્ભયવિનાશિની ।
મૃત્રિકા માતૃકા મેધા મેધાવી માધવપ્રિયા ॥ ૧૦૪ ॥
મકારાક્ષરરૂપા ચ મણિરત્નવિભૂષિતા ।
મન્ત્રારાધનતત્ત્વજ્ઞા મન્ત્રયન્ત્રફલપ્રદા ॥ ૧૦૫ ॥
મનોદ્ભવા મન્દહાસા મઙ્ગલા મઙ્ગલેશ્વરી ।
મૌનહન્ત્રી મોદદાત્રી મૈનાકપર્વતે સ્થિતા ॥ ૧૦૬ ॥
મણિમતી મનોજ્ઞા ચ માતા માર્ગવિલાસિની ।
મૂલમાર્ગરતાદેવી માનસા માનદાયિની ॥ ૧૦૭ ॥
ભારતી ભુવનેશી ચ ભૂતજ્ઞા ભૂતપૂજિતા ।
ભદ્રગઙ્ગા ભદ્રરૂપા ભુવના ભુવનેશ્વરી ॥ ૧૦૮ ॥
ભૈરવી ભોગદાદેવી ભૈષજ્યા ભૈરવપ્રિયા ।
ભવાનન્દા ભવાતુષ્ટી ભાવિની ભરતાર્ચિતા ॥ ૧૦૯ ॥
ભાગીરથી ભાષ્યરૂપા ભાગ્યા ભાગ્યવતીતિ ચ ।
ભદ્રકલ્યાણદાદેવી ભ્રાન્તિહા ભ્રમનાશિની ॥ ૧૧૦ ॥
ભીમેશ્વરી ભીતિહન્ત્રી ભવપાતકભઞ્જની ।
ભક્તોત્સવા ભક્તપ્રિયા ભક્તસ્થા ભક્તવત્સલા ॥ ૧૧૧ ॥
ભઞ્જા ચ ભૂતદોષઘ્ની ભવમાતા ભવેશ્વરી ।
ભયહા ભગ્નહા ભવ્યા ભવકારણકારિણી ॥ ૧૧૨ ॥
ભૂતૈશ્વર્યપ્રદા દેવી ભૂષણાઙ્કી ભવપ્રિયા ।
અનન્યજ્ઞાનસમ્પન્ના અકારાક્ષરરૂપિણી ॥ ૧૧૩ ॥
અનન્તમહિમા ત્ર્યક્ષી અજપામન્ત્રરૂપિણી ।
અનેકસૃષ્ટિસમ્પૂર્ણા અનેકાક્ષરજ્ઞાનદા ॥ ૧૧૪ ॥
આનન્દદાયિની દેવી અમૃતા અમૃતોદ્ભવા ।
આનન્દિની ચ અરિહા અન્નસ્થા અગ્નિવચ્છવિઃ ॥ ૧૧૫ ॥
અત્યન્તજ્ઞાનસમ્પન્ના અણિમાદિપ્રસિદ્ધિદા ।
આરોગ્યદાયિની આઢ્યા આદિશક્તિરભીરુહા ॥ ૧૧૬ ॥ આજ્ઞા
અગોચરી આદિમાતા અશ્વત્થવૃક્ષવાસિની ।
ધર્માવતી ધર્મધરી ધરણીધરવલ્લભા ॥ ૧૧૭ ॥
ધારણા ધારણાધીશા ધર્મરૂપધરાધરી ।
ધર્મમાતા ધર્મકર્ત્રી ધનદા ચ ધનેશ્વરી ॥ ૧૧૮ ॥
ધ્રુવલોકગતા ધાતા ધરિત્રી ધેનુરૂપધૃક્ ।
ધીરૂપા ધીપ્રદા ધીશા ધૃતિર્વાક્સિદ્ધિદાયકા ॥ ૧૧૯ ॥
ધૈર્યકૃદ્ધૈર્યદા ધૈર્યા ધૌતવસ્ત્રેણ શોભિતા ।
ધુરન્ધરી ધુન્ધિમાતા ધારણાશક્તિરૂપિણી ॥ ૧૨૦ ॥
વૈકુણ્ઠસ્થા કણ્ઠનિલયા કામદા કામચારિણી ।
કામધેનુસ્વરૂપા ચ કષ્ટકલ્લોલહારિણી ॥ ૧૨૧ ॥
કુમુદહાસિની નિત્યં કૈલાસપદદાયકા ।
કમલા કમલસ્થા ચ કાલહા ક્લેશનાશિની ॥ ૧૨૨ ॥
કલાષોડશસંયુક્તા કઙ્કાલી કમલેશ્વરી ।
કુમારી કુલસન્તોષા કુલજ્ઞા કુલવર્દ્ધિની ॥ ૧૨૩ ॥
કાલકૂટવિષધ્વંસી કમલાપતિમોહની ।
કુમ્ભસ્થા કલશસ્થા ચ કૃષ્ણવક્ષોવિલાસિની ॥ ૧૨૪ ॥
કૃત્યાદિદોષહા કુન્તી કસ્તૂરીતિલકપ્રિયા ।
કર્પુરવાસિતાદેહા કર્પૂરમોદધારિણી ॥ ૧૨૫ ॥
કુશસ્થા કુશમૂલસ્થા કુબ્જા કૈટભનાશિની ।
કુરુક્ષેત્રકૃતા દેવી કુલશ્રી કુલભૈરવી ॥ ૧૨૬ ॥
કૃતબ્રહ્માણ્ડસર્વેશી કાલી કઙ્કણધારિણી ।
કુબેરપૂજિતા દેવી કણ્ઠકૃત્કણ્ઠકર્ષણી ॥ ૧૨૭ ॥
કુમુદઃપુષ્પસન્તુષ્ટા કિઙ્કિણીપાદભૂષિણી ।
કુઙ્કુમેન વિલિપ્તાઙ્ગી કુઙ્કુમદ્રવલેપિતા ॥ ૧૨૮ ॥
કુમ્ભકર્ણસ્ય ભ્રમદા કુઞ્જરાસનસંસ્થિતા ।
કુસુમમાલિકાવેત્રી કૌશિકીકુસુમપ્રિયા ॥ ૧૨૯ ॥
યજ્ઞરૂપા ચ યજ્ઞેશી યશોદા જલશાયિની ।
યજ્ઞવિદ્યા યોગમાયા જાનકી જનની જયા ॥ ૧૩૦ ॥
યમુનાજપસન્તુષ્ટા જપયજ્ઞફલપ્રદા ।
યોગધાત્રી યોગદાત્રી યમલોકનિવારિણી ॥ ૧૩૧ ॥
યશઃકીર્તિપ્રદા યોગી યુક્તિદા યુક્તિદાયની ।
જૈવની યુગધાત્રી ચ યમલાર્જુનભઞ્જની ॥ ૧૩૨ ॥
જૃમ્ભન્યાદિરતાદેવી જમદગ્નિપ્રપૂજિતા ।
જાલન્ધરી જિતક્રોધા જીમૂતૈશ્વર્યદાયકા ॥ ૧૩૩ ॥
ક્ષેમરૂપા ક્ષેમકરી ક્ષેત્રદા ક્ષેત્રવર્ધિની ।
ક્ષારસમુદ્રસંસ્થા ચ ક્ષીરજા ક્ષીરદાયકા ॥ ૧૩૪ ॥
ક્ષુધાહન્ત્રી ક્ષેમધાત્રી ક્ષીરાર્ણવસમુદ્ભવા ।
ક્ષીરપ્રિયા ક્ષીરભોજી ક્ષત્રિયકુલવર્દ્ધિની ॥ ૧૩૫ ॥
ખગેન્દ્રવાહિની ખર્વ ખચારીણી ખગેશ્વરી ।
ખરયૂથવિનાશી ચ ખડ્ગહસ્તા ચ ખઞ્જના ॥ ૧૩૬ ॥
ષટ્ચક્રાધારસંસ્થા ચ ષટ્ચક્રસ્યાધિદેવતા ।
ષડઙ્ગજ્ઞાનસમ્પન્ના ખણ્ડચન્દ્રાર્ધશેખરા ॥ ૧૩૭ ॥
ષટ્કર્મરહિતા ખ્યાતા ખરબુદ્ધિનિવારિણી ।
ષોડશાધારકૃદ્દેવી ષોડશભુજશોભિતા ॥ ૧૩૮ ॥
ષોડશમૂર્તીષોડશ્યા ખડ્ગખેટકધારિણી ।
ઘૃતપ્રિયા ઘર્ઘરિકા ઘુર્ઘુરીનાદશોભિતા ॥ ૧૩૯ ॥
ઘણ્ટાનિનાદસન્તુષ્ટા ઘણ્ટાશબ્દસ્વરૂપિણી ।
ઘટિકાઘટસંસ્થા ચ ઘ્રાણવાસી ઘનેશ્વરી ॥ ૧૪૦ ॥
ચારુનેત્રા ચારુવક્ત્રા ચતુર્બાહુશ્ચતુર્ભુજા ।
ચઞ્ચલા ચપલા ચિત્રા ચિત્રિણી ચિત્રરઞ્જિની ॥ ૧૪૧ ॥
ચન્દ્રભાગા ચન્દ્રહાસા ચિત્રસ્થા ચિત્રશોભના ।
ચિત્રવિચિત્રમાલ્યાઙ્ગી ચન્દ્રકોટિસમપ્રભા ॥ ૧૪૨ ॥
ચન્દ્રમા ચ ચતુર્વેદા પ્રચણ્ડા ચણ્ડશેખરી ।
ચક્રમધ્યસ્થિતા દેવી ચક્રહસ્તા ચ ચક્ત્રિણી ॥ ૧૪૩ ॥
ચન્દ્રચૂડા ચારુદેહા ચણ્ડમુણ્ડવિનાશિની ।
ચણ્ડેશ્વરી ચિત્રલેખા ચરણે નૂપુરૈર્યુતા ॥ ૧૪૪ ॥
ચૈત્રાદિમાસરૂપા સા ચામરભુજધારિણી ।
ચાર્વઙ્કા ચર્ચિકા દિવ્યા ચમ્પાદેવી ચતુર્થચિત્ ॥ ૧૪૫ ॥
ચતુર્ભુજપ્રિયા નિત્યં ચતુર્વર્ણફલપ્રદા ।
ચતુસ્સાગરસઙ્ખ્યાતા ચક્રવર્તિફલપ્રદા ॥ ૧૪૬ ॥
છત્રદાત્રી છિન્નમસ્તા છલમધ્યનિવાસિની ।
છાયારૂપા ચ છત્રસ્થા છુરિકાહસ્તધારિણી ॥ ૧૪૭ ॥
ઉત્તમાઙ્ગી ઉકારસ્થા ઉમાદેવીસ્વરૂપિણી ।
ઊર્ધ્વામ્નાયી ઉર્ધ્વગામ્યા ૐકારાક્ષરરૂપિણી ॥ ૧૪૮ ॥
એકવક્ત્રા દેવમાતા ઐન્દ્રી ઐશ્વર્યદાયકા ।
ઔષધીશા ચૌષધીકૃત્ ઓષ્ટસ્થા ઓષ્ટવાસિની ॥ ૧૪૯ ॥
સ્થાવરસ્થા સ્થલચરા સ્થિતિસંહારકારિકા ।
રું રું શબ્દસ્વરૂપા ચ રુઙ્કારાક્ષરરૂપિણી ॥ ૧૫૦ ॥
આર્યુદા અદ્ભુતપ્રદા આમ્નાયષટ્સ્વરૂપિણી ।
અન્નપૂર્ણા અન્નદાત્રી આશા સર્વજનસ્ય ચ ॥ ૧૫૧ ॥
આર્તિહારી ચ અસ્વસ્થા અશેષગુણસંયુતા ।
શુદ્ધરૂપા સુરૂપા ચ સાવિત્રી સાધકેશ્વરી ॥ ૧૫૨ ॥
બાલિકા યુવતી વૃદ્ધા વિશ્વાસી વિશ્વપાલિની ।
ફકારરૂપા ફલદા ફલવન્નિર્ફલપ્રદા ॥ ૧૫૩ ॥
ફણીન્દ્રભૂષણા દેવી ફકારક્ષરરૂપિણી ।
ઋદ્ધિરૂપી ઋકારસ્થા ઋણહા ઋણનાશિની ॥ ૧૫૪ ॥
રેણુરાકારરમણી પરિભાષા સુભાષિતા ।
પ્રાણાપાનસમાનસ્થોદાનવ્યાનૌ ધનઞ્જયા ॥ ૧૫૫ ॥
કૃકરા વાયુરૂપા ચ કૃતજ્ઞા શઙ્ખિની તથા ।
કૃર્મનામ્ન્યુન્મીલનકરી જિહ્વકસ્વાદુમીલના ॥ ૧૫૬ ॥
જિહ્વારૂપા જિહ્વસંસ્થા જિહ્વાસ્વાદુપ્રદાયકા ।
સ્મૃતિદા સ્મૃતિમૂલસ્થા શ્લોકકૃચ્છ્લોકરાશિકૃત્ ॥ ૧૫૭ ॥
આધારે સંસ્થિતા દેવી અનાહતનિવાસિની ।
નાભિસ્થા હૃદયસ્થા ચ ભૂમધ્યે દ્વિદલે સ્થિતા ॥ ૧૫૮ ॥
સહસ્રદલસંસ્થા ચ ગુરુપત્નીસ્વરૂપિણી ।
ઇતિ તે કથિતં પ્રશ્નં નામ્ના વાગ્વાદિની પરમ્ ॥ ૧૫૯ ॥
સહસ્રં તુ મહાગોપ્યં દેવાનામપિ દુર્લભમ્ ।
ન પ્રકાશ્યં મયાઽઽખ્યાતં તવ સ્નેહેન આત્મભૂઃ ॥ ૧૬૦ ॥
એકકાલં દ્વિકાલં વા ત્રિકાલં વાપિ ભક્તિતઃ ।
ન તેષાં દુર્લભં કિઞ્ચિત્ ત્રિષુ લોકેષુ વલ્લભ ॥ ૧૬૧ ॥
સાધકાભીષ્ટદો બ્રહ્મા સર્વવિદ્યાવિશારદઃ ।
ત્રિવારં યઃ પઠિષ્યતિ નરઃ શક્તિધરો ભવેત્ ॥ ૧૬૨ ॥
પઞ્ચધા ભાગ્યમાપ્નોતિ સપ્તધા ધનવાન્ભવેત્ ।
નવમૈશ્વર્યમાપ્નોતિ સાધકશ્શુદ્ધચેતસા ॥ ૧૬૩ ॥
પઠેદેકાદશો નિત્યં સ સિદ્ધિભાજનો ભવેત્ ।
માસમેકં પઠિત્વા તુ ભવેદ્યોગીશ્વરોપમઃ ॥ ૧૬૪ ॥
માસષટ્કં પઠેદ્ધીમાન્સર્વવિદ્યા પ્રજાયતે ।
વત્સરૈકં પઠેદ્યો માં સાક્ષાત્સર્વાઙ્ગતત્ત્વવિત્ ॥ ૧૬૫ ॥
ગોરોચનાકુઙ્કુમેન વિલિખેદ્ભૂર્જપત્રકે ।
પૂજયિત્વા વિધાનેન દેવીં વાગીશ્વરીં જપેત્ ॥ ૧૬૬ ॥
સહસ્રવારપઠનાન્મૂકોઽપિ સુકવિર્ભવેત્ ।
પઞ્ચમ્યાં ચ દશમ્યાં ચ પૂર્ણમાસ્યામથાપિ વા ॥ ૧૬૭ ॥
ગુરોરારાધનતત્ત્વેનાર્ચ્ચયેદ્ભક્તિભાવતઃ ।
જડં હન્તિ ગદં હન્તિ વાન્તિભ્રાન્તિવિનાશનમ્ ॥ ૧૬૮ ॥
બુદ્ધિ મેધા પ્રવર્ધતે આરોગ્યં ચ દિને દિને ।
અપમૃત્યુભયં નાસ્તિ ભૂતવેતાલડકિની- ॥ ૧૬૯ ॥
રાક્ષસીગ્રહદોષઘ્નં કલિદોષનિવારણમ્ ।
આધિવ્યાધિજલોન્મગ્ન અપસ્મારં ન બાધતે ॥ ૧૭૦ ॥
પ્રાતઃકાલે પઠેન્નિત્યમુન્માદશ્ચ વિનશ્યતિ ।
મેધાકાન્તિસ્મૃતિદા ભોગમોક્ષમવાપ્યતે ॥ ૧૭૧ ॥
મહાવ્યાધિર્મહામૂઠનિર્મૂલનં ભવેતત્ક્ષણાત્ ।
વિદ્યારમ્ભે ચ વાદે ચ વિદેશગમને તથા ॥ ૧૭૨ ॥
યાત્રાકાલે પઠેદ્યદિ વિજયં નાત્ર સંસયઃ ।
સિદ્ધમૂલી તથા બ્રાહ્ની ઉગ્રગન્ધા હરીતકી ॥ ૧૭૩ ॥
ચતુર્દ્રવ્યસમાયુક્તં ભક્તિયુક્તેન માનસા ।
બ્રાહ્મણેન લભેદ્વિદ્યા રાજ્યં ચ ક્ષત્રિયો લભેત્ ॥ ૧૭૪ ॥
વૈશ્યો વાણિજ્યસિદ્ધિં ચ શૂદ્રેષુ ચિરજીવિતઃ ।
વાગ્વાદિનીસરસ્વત્યાસ્સહસ્રન્નામ યસ્મરેત્ ॥ ૧૭૫ ॥
તસ્ય બુદ્ધિઃ સ્થિરા લક્ષ્મી જાયતે નાત્ર સંશયઃ ।
યં યં કામયતે મર્ત્યસ્તં તં પ્રાપ્નોતિ નિત્યશઃ ॥ ૧૭૬ ॥
અતઃપરં કિમુક્તેન પરમેષ્ટિન્ મહામતે ।
સર્વાન્કામાન્લભેત્સદ્યઃ લોકવશ્યં તિકારકઃ ॥ ૧૭૭ ॥
ષટ્કર્મં ચ મહાસિદ્ધિમન્ત્રયન્ત્રાદિગીશ્વરઃ ।
કામક્રોધાદહઙ્કારદમ્ભલોભં વિનશ્યતિ ॥ ૧૭૮ ॥
પુરુષાર્થી ભવેદ્વિદ્વાન્ વિજિત્વા તુ મહીતલે ।
નાતઃપરતરં સ્તોત્રં સરસ્વત્યા પિતામહ ॥ ૧૭૯ ॥
ન દેયં પરશિષ્યેભ્યો ભક્તિહીનાય નિન્દકે ।
સુભક્તેભ્યો સુશિષ્યેભ્યો દેયં દેયં ન સંશયઃ ॥ ૧૮૦ ॥
ઇદં સ્તોત્રં પઠિત્વા તુ યત્ર યત્રૈવ ગચ્છતિ ।
કાર્યસિદ્ધિશ્ચ જાયતે નિર્વિઘ્નં પુનરાગમઃ ॥ ૧૮૧ ॥
ઇતિ શ્રીભવિષ્યોત્તરપુરાણે શ્રીનન્દિકેશ્વરબ્રહ્માસંવાદે
સર્વાધારસમયે હૃદયાકર્ષણકારણે
વાગ્વાદિનીસહસ્રનામસ્તોત્રં સમ્પૂર્ણમ્ ।
શુભમસ્તુ ।
સંવત ૧૮૫૧ ફલ્ગુનમાસે કૃષ્ણપક્ષે નવમ્યાં સૌમ્યવાસરે
સહસ્રનામ લિખિતં, તુલસીબ્રાહ્મણ યથાપ્રત્યર્હં ચ લિખિતમ્ ॥
શ્રીં શ્રીં શ્રીં શ્રીં શ્રીં શ્રીં શ્રીં શ્રીં શ્રીં શ્રીં