॥ Sri Vishnu Sahasranamastotram from Garuda Purana Telugu Lyrics ॥
॥ విష్ణుసహస్రనామస్తోత్రమ్ గరుడపురాణాన్తర్గతమ్ ॥
రుద్ర ఉవాచ ।
సంసారసాగరాగ్ధోరాన్ముచ్యతే కిం జపన్ప్రభో ।
నరస్తన్మే పరం జప్యం కథయ త్వం జనార్దన ॥ ౧ ॥
హరిరువాచ ।
పరేశ్వరం పరం బ్రహ్మ పరమాత్మానమవ్యయమ్ । var ఈశ్వరమ్ పరమం
విష్ణుం నామసహస్రేణ స్తువన్ముక్తో భవేన్నరః ॥ ౨ ॥
యత్పవిత్రం పరం జప్యం కథయామి వృషధ్వజ ! ।
శృణుష్వావహితో భూత్వా సర్వపాపవినాశనమ్ ॥ ౩ ॥
ఓం వాసుదేవో మహావిష్ణుర్వామనో వాసవో వసుః ।
బాలచన్ద్రనిభో బాలో బలభద్రో బలాధిపః ॥ ౪ ॥
బలిబన్ధనకృద్వేధా (౧౧) వరేణ్యో వేదవిత్కవిః ।
వేదకర్తా వేదరూపో వేద్యో వేదపరిప్లుతః ॥ ౫ ॥
వేదాఙ్గవేత్తా వేదేశో (౨౦) బలాధారో బలార్దనః । var బలధారో
అవికారో వరేశశ్చ వరుణో వరుణాధిపః ॥ ౬ ॥
వీరహా చ బృహద్వీరో వన్దితః పరమేశ్వరః (౩౦) ।
ఆత్మా చ పరమాత్మా చ ప్రత్యగాత్మా వియత్పరః ॥ ౭ ॥
పద్మనాభః పద్మనిధిః పద్మహస్తో గదాధరః ।
పరమః (౪౦) పరభూతశ్చ పురుషోత్తమ ఈశ్వరః ॥ ౮ ॥
పద్మజఙ్ఘః పుణ్డరీకః పద్మమాలాధరః ప్రియః ।
పద్మాక్షః పద్మగర్భశ్చ పర్జన్యః (౫౦) పద్మసంస్థితః ॥ ౯ ॥
అపారః పరమార్థశ్చ పరాణాం చ పరః ప్రభుః ।
పణ్డితః పణ్డితేడ్యశ్చ పవిత్రః పాపమర్దకః ॥ ౧౦ ॥ var పణ్డితేభ్యశ్చ
శుద్ధః (౬౦) ప్రకాశరూపశ్చ పవిత్రః పరిరక్షకః ।
పిపాసావర్జితః పాద్యః పురుషః ప్రకృతిస్తథా ॥ ౧౧ ॥
ప్రధానం పృథివీపద్మం పద్మనాభః (౭౦) ప్రియప్రదః ।
సర్వేశః సర్వగః సర్వః సర్వవిత్సర్వదః సురః ॥ ౧౨ ॥ var పరః
సర్వస్య జగతో ధామ సర్వదర్శీ చ సర్వభృత్ (౮౦) ।
సర్వానుగ్రహకృద్దేవః సర్వభూతహృదిస్థితః ॥ ౧౩ ॥
సర్వపూజ్యశ్చ సర్వాద్యః సర్వదేవనమస్కృతః । var సర్వపః సర్వపూజ్యశ్చ
సర్వస్య జగతో మూలం సకలో నిష్కలోఽనలః (౯౦) ॥ ౧౪ ॥
సర్వగోప్తా సర్వనిష్ఠః సర్వకారణకారణమ్ ।
సర్వధ్యేయః సర్వమిత్రః సర్వదేవస్వరూపధృక్ ॥ ౧౫ ॥
సర్వాధ్యక్షః సురాధ్యక్షః సురాసురనమస్కృతః । var సర్వాధ్యాయః
దుష్టానాం చాసురాణాం చ సర్వదా ఘాతకోఽన్తకః (౧౦౧) ॥ ౧౬ ॥
సత్యపాలశ్చ సన్నాభః సిద్ధేశః సిద్ధవన్దితః ।
సిద్ధసాధ్యః సిద్ధసిద్ధః సాధ్యసిద్ధో హృదీశ్వరః ॥ ౧౭ ॥ var సిద్ధిసిద్ధో
శరణం జగతశ్చైవ (౧౧౦) శ్రేయః క్షేమస్తథైవ చ ।
శుభకృచ్ఛోభనః సౌమ్యః సత్యః సత్యపరాక్రమః ॥ ౧౮ ॥
సత్యస్థః సత్యసఙ్కల్పః సత్యవిత్సత్యదస్తథా (౧౨౧) । var సత్పదస్తథా
ధర్మో ధర్మీచ కర్మీచ సర్వకర్మవివర్జితః ॥ ౧౯ ॥
కర్మకర్తా చ కర్మైవ క్రియా కార్యం తథైవ చ ।
శ్రీపతిర్నృపతిః (౧౩౧) శ్రీమాన్సర్వస్య పతిరూర్జితః ॥ ౨౦ ॥
స దేవానాం పతిశ్చైవ వృష్ణీనాం పతిరీడితః । var పతిరీరితః
పతిర్హిరణ్యగర్భస్య త్రిపురాన్తపతిస్తథా ॥ ౨౧ ॥
పశూనాం చ పతిః ప్రాయో వసూనాం పతిరేవ చ (౧౪౦) ।
పతిరాఖణ్డలస్యైవ వరుణస్య పతిస్తథా ॥ ౨౨ ॥
వనస్పతీనాం చ పతిరనిలస్య పతిస్తథా ।
అనలస్య పతిశ్చైవ యమస్య పతిరేవ చ ॥ ౨౩ ॥
కుబేరస్య పతిశ్చైవ నక్షత్రాణాం పతిస్తథా ।
ఓషధీనాం పతిశ్చైవ వృక్షాణాం చ పతిస్తథా (౧౫౦) ॥ ౨౪ ॥
నాగానాం పతిరర్కస్య దక్షస్య పతిరేవ చ ।
సుహృదాం చ పతిశ్చైవ నృపాణాం చ పతిస్తథా ॥ ౨౫ ॥
గన్ధర్వాణాం పతిశ్చైవ అసూనాం పతిరుత్తమః ।
పర్వతానాం పతిశ్చైవ నిమ్నగానాం పతిస్తథా ॥ ౨౬ ॥
సురాణాం చ పతిః శ్రేష్ఠః (౧౬౦) కపిలస్య పతిస్తథా ।
లతానాం చ పతిశ్చైవ వీరుధాం చ పతిస్తథా ॥ ౨౭ ॥
మునీనాం చ పతిశ్చైవ సూర్యస్య పతిరుత్తమః ।
పతిశ్చన్ద్రమసః శ్రేష్ఠః శుక్రస్య పతిరేవ చ ॥ ౨౮ ॥
గ్రహాణాం చ పతిశ్చైవ రాక్షసానాం పతిస్తథా ।
కిన్నరాణాం పతిశ్చైవ (౧౭౦) ద్విజానాం పతిరుత్తమః ॥ ౨౯ ॥
సరితాం చ పతిశ్చైవ సముద్రాణాం పతిస్తథా ।
సరసాం చ పతిశ్చైవ భూతానాం చ పతిస్తథా ॥ ౩౦ ॥
వేతాలానాం పతిశ్చైవ కూష్మాణ్డానాం పతిస్తథా ।
పక్షిణాం చ పతిః శ్రేష్ఠః పశూనాం పతిరేవ చ ॥ ౩౧ ॥
మహాత్మా (౧౮౦) మఙ్గలో మేయో మన్దరో మన్దరేశ్వరః ।
మేరుర్మాతా ప్రమాణం చ మాధవో మలవర్జితః ॥ ౩౨ ॥ var మనువర్జితః
మాలాధరో (౧౯౦) మహాదేవో మహాదేవేన పూజితః ।
మహాశాన్తో మహాభాగో మధుసూదన ఏవ చ ॥ ౩౩ ॥
మహావీర్యో మహాప్రాణో మార్కణ్డేయర్షివన్దితః (౨౦౦) । var ప్రవన్దితః
మాయాత్మా మాయయా బద్ధో మాయయా తు వివర్జితః ॥ ౩౪ ॥
మునిస్తుతో మునిర్మైత్రో (౨౧౦) మహానాసో మహాహనుః । var మహారాసో
మహాబాహుర్మహాదాన్తో మరణేన వివర్జితః ॥ ౩౫ ॥ var మహాదన్తో
మహావక్త్రో మహాత్మా చ మహాకాయో మహోదరః । var మహాకారో
మహాపాదో మహాగ్రీవో మహామానీ మహామనాః ॥ ౩౬ ॥
మహాగతిర్మహాకీర్తిర్మహారూపో (౨౨౨) మహాసురః ।
మధుశ్చ మాధవశ్చైవ మహాదేవో మహేశ్వరః ॥ ౩౭ ॥
మఖేజ్యో మఖరూపీ చ మాననీయో (౨౩౦) మఖేశ్వరః । var మఖేష్టో మహేశ్వరః
మహావాతో మహాభాగో మహేశోఽతీతమానుషః ॥ ౩౮ ॥
మానవశ్చ మనుశ్చైవ మానవానాం ప్రియఙ్కరః ।
మృగశ్చ మృగపూజ్యశ్చ (౨౪౦) మృగాణాం చ పతిస్తథా ॥ ౩౯ ॥
బుధస్య చ పతిశ్చైవ పతిశ్చైవ బృహస్పతేః ।
పతిః శనైశ్చరస్యైవ రాహోః కేతోః పతిస్తథా ॥ ౪౦ ॥
లక్ష్మణో లక్షణశ్చైవ లమ్బోష్ఠో లలితస్తథా (౨౫౦) ।
నానాలఙ్కారసంయుక్తో నానాచన్దనచర్చితః ॥ ౪౧ ॥
నానారసోజ్జ్వలద్వక్త్రో నానాపుష్పోపశోభితః ।
రామో రమాపతిశ్చైవ సభార్యః పరమేశ్వరః ॥ ౪౨ ॥
రత్నదో రత్నహర్తా చ (౨౬౦) రూపీ రూపవివర్జితః ।
మహారూపోగ్రరూపశ్చ సౌమ్యరూపస్తథైవ చ ॥ ౪౩ ॥
నీలమేఘనిభః శుద్ధః సాలమేఘనిభస్తథా । var కాలమేఘ
ధూమవర్ణః పీతవర్ణో నానారూపో (౨౭౦) హ్యవర్ణకః ॥ ౪౪ ॥
విరూపో రూపదశ్చైవ శుక్లవర్ణస్తథైవ చ ।
సర్వవర్ణో మహాయోగీ యజ్ఞో యజ్ఞకృదేవ చ ॥ ౪౫ ॥ var యాజ్యో
సువర్ణవర్ణవాంశ్చైవ సువర్ణాఖ్యస్తథైవ చ (౨౮౦) । var సువర్ణో వర్ణ
సువర్ణావయవశ్చైవ సువర్ణః స్వర్ణమేఖలః ॥ ౪౬ ॥
సువర్ణస్య ప్రదాతా చ సువర్ణేశస్తథైవ చ ।
సువర్ణస్య ప్రియశ్చైవ (౨౯౦) సువర్ణాఢ్యస్తథైవ చ ॥ ౪౭ ॥
సుపర్ణీ చ మహాపర్ణో సుపర్ణస్య చ కారణమ్ (౨౯౦) ।
వైనతేయస్తథాదిత్య ఆదిరాదికరః శివః ॥ ౪౮ ॥
కారణం మహతశ్చైవ ప్రధానస్య చ కారణమ్ । var పురాణస్య
బుద్ధీనాం కారణం చైవ కారణం మనసస్తథా ॥ ౪౯ ॥
కారణం చేతసశ్చైవ (౩౦౦) అహఙ్కారస్య కారణమ్ ।
భూతానాం కారణం తద్వత్కారణం చ విభావసోః ॥ ౫౦ ॥
ఆకాశకారణం తద్వత్పృథివ్యాః కారణం పరమ్ ।
అణ్డస్య కారణం చైవ ప్రకృతేః కారణం తథా ॥ ౫౧ ॥
దేహస్య కారణం చైవ చక్షుషశ్చైవ కారణమ్ ।
శ్రోత్రస్య కారణం (౩౧౦) తద్వత్కారణం చ త్వచస్తథా ॥ ౫౨ ॥
జిహ్వాయాః కారణం చైవ ప్రాణస్యైవ చ కారణమ్ ।
హస్తయోః కారణం తద్వత్పాదయోః కారణం తథా ॥ ౫౩ ॥
వాచశ్చకారణం తద్వత్పాయోశ్చైవ తు కారణమ్ ।
ఇన్ద్రస్య కారణం చైవ కుబేరస్య చ కారణమ్ ॥ ౫౪ ॥
యమస్య కారణం చైవ (౩౨౦) ఈశానస్య చ కారణమ్ ।
యక్షాణాం కారణం చైవ రక్షసాం కారణం పరమ్ ॥ ౫౫ ॥
నృపాణాం కారణం శ్రేష్ఠం ధర్మస్యైవ తు కారణమ్ । var భూషాణాం
జన్తూనాం కారణం చైవ వసూనాం కారణం పరమ్ ॥ ౫౬ ॥
మనూనాం కారణం చైవ పక్షిణాం కారణం పరమ్ ।
మునీనాం కారణం శ్రేష్ఠ (౩౩౦) యోగినాం కారణం పరమ్ ॥ ౫౭ ॥
సిద్ధానాం కారణం చైవ యక్షాణాం కారణం పరమ్ ।
కారణం కిన్నరాణాం చ (౩౪౦) గన్ధర్వాణాం చ కారణమ్ ॥ ౫౮ ॥
నదానాం కారణం చైవ నదీనాం కారణం పరమ్ ।
కారణం చ సముద్రాణాం వృక్షాణాం కారణం తథా ॥ ౫౯ ॥
కారణం వీరుధాం చైవ లోకానాం కారణం తథా ।
పాతాలకారణం చైవ దేవానాం కారణం తథా ॥ ౬౦ ॥
సర్పాణాం కారణం చైవ (౩౫౦) శ్రేయసాం కారణం తథా ।
పశూఅనాం కారణం చైవ సర్వేషాం కారణం తథా ॥ ౬౧ ॥
దేహాత్మా చేన్ద్రియాత్మా చ ఆత్మా బుద్ధేస్తథైవ చ ।
మనసశ్చ తథైవాత్మా చాత్మాహఙ్కారచేతసః ॥ ౬౨ ॥
జాగ్రతః స్వపతశ్చాత్మా (౩౬౦) మహదాత్మా పరస్తథా ।
ప్రధానస్య పరాత్మా చ ఆకాశాత్మా హ్యపాం తథా ॥ ౬౩ ॥
పృథివ్యాః పరమాత్మా చ రసస్యాత్మా తథైవ చ । var వయస్యాత్మా
గన్ధస్య పరమాత్మా చ రూపస్యాత్మా పరస్తథా ॥ ౬౪ ॥
శబ్దాత్మా చైవ (౩౭౦) వాగాత్మా స్పర్శాత్మా పురుషస్తథా ।
శ్రోత్రాత్మా చ త్వగాత్మా చ జిహ్వాయాః పరమస్తథా ॥ ౬౫ ॥
ఘ్రాణాత్మా చైవ హస్తాత్మా పాదాత్మా పరమస్తథా (౩౮౦) ।
ఉపస్థస్య తథైవాత్మా పాయ్వాత్మా పరమస్తథా ॥ ౬౬ ॥
ఇన్ద్రాత్మా చైవ బ్రహ్మాత్మా రుద్రాత్మా చ మనోస్తథా । var శాన్తాత్మా
దక్షప్రజాపతేరాత్మా సత్యాత్మా పరమస్తథా ॥ ౬౭ ॥
ఈశాత్మా (౩౯౦) పరమాత్మా చ రౌద్రాత్మా మోక్షవిద్యతిః ।
యత్నవాంశ్చ తథా యత్నశ్చర్మీ ఖడ్గీ మురాన్తకః ॥ ౬౮ ॥ var ఖడ్గ్యసురా
హ్రీప్రవర్తనశీలశ్చ యతీనాం చ హితే రతః ।
యతిరూపీ చ (౪౦౦) యోగీ చ యోగిధ్యేయో హరిః శితిః ॥ ౬౯ ॥
సంవిన్మేధా చ కాలశ్చ ఊష్మా వర్షా మతిస్తథా (౪౧౦) । var నతిస్తథా
సంవత్సరో మోక్షకరో మోహప్రధ్వంసకస్తథా ॥ ౭౦ ॥
మోహకర్తా చ దుష్టానాం మాణ్డవ్యో వడవాముఖః ।
సంవర్తః కాలకర్తా చ గౌతమో భృగురఙ్గిరాః (౪౨౦) ॥ ౭౧ ॥ var సంవర్తకః కాలకర్తా
అత్రిర్వసిష్ఠః పులహః పులస్త్యః కుత్స ఏవ చ ।
యాజ్ఞవల్క్యో దేవలశ్చ వ్యాసశ్చైవ పరాశరః ॥ ౭౨ ॥
శర్మదశ్చైవ (౪౩౦) గాఙ్గేయో హృషీకేశో బృహచ్ఛ్రవాః ।
కేశవః క్లేశహన్తా చ సుకర్ణః కర్ణవర్జితః ॥ ౭౩ ॥
నారాయణో మహాభాగః ప్రాణస్య పతిరేవ చ (౪౪౦) ।
అపానస్య పతిశ్చైవ వ్యానస్య పతిరేవ చ ॥ ౭౪ ॥
ఉదానస్య పతిః శ్రేష్ఠః సమానస్య పతిస్తథా ।
శబ్దస్య చ పతిః శ్రేష్ఠః స్పర్శస్య పతిరేవ చ ॥ ౭౫ ॥
రూపాణాం చ పతిశ్చాద్యః ఖడ్గపాణిర్హలాయుధః (౪౫౦) ।
చక్రపాణిః కుణ్డలీ చ శ్రీవత్సాఙ్కస్తథైవ చ ॥ ౭౬ ॥
ప్రకృతిః కౌస్తుభగ్రీవః పీతామ్బరధరస్తథా ।
సుముఖో దుర్ముఖశ్చైవ ముఖేన తు వివర్జితః ॥ ౭౭ ॥
అనన్తోఽనన్తరూపశ్చ (౪౬౧) సునఖః సురమన్దరః ।
సుకపోలో విభుర్జిష్ణుర్భ్రాజిష్ణుశ్చేషుధీస్తథా ॥ ౭౮ ॥
హిరణ్యకశిపోర్హన్తా హిరణ్యాక్షవిమర్దకః (౪౭౦) ।
నిహన్తా పూతనాయాశ్చ భాస్కరాన్తవినాశనః ॥ ౭౯ ॥
కేశినో దలనశ్చైవ ముష్టికస్య విమర్దకః ।
కంసదానవభేత్తా చ చాణూరస్య ప్రమర్దకః ॥ ౮౦ ॥
అరిష్టస్య నిహన్తా చ అక్రూరప్రియ ఏవ చ ।
అక్రూరః క్రూరరూపశ్చ (౪౮౦) అక్రూరప్రియవన్దితః ॥ ౮౧ ॥
భగహా భగవాన్భానుస్తథా భాగవతః స్వయమ్ ।
ఉద్ధవశ్చోద్ధవస్యేశో హ్యుద్ధవేన విచిన్తితః ॥ ౮౨ ॥
చక్రధృక్చఞ్చలశ్చైవ (౪౯౦) చలాచలవివర్జితః ।
అహఙ్కారో మతిశ్చిత్తం గగనం పృథివీ జలమ్ ॥ ౮౩ ॥
వాయుశ్చక్షుస్తథా శ్రోత్రం (౫౦౦) జిహ్వా చ ఘ్రాణమేవ చ ।
వాక్పాణిపాదజవనః పాయూపస్థస్తథైవ చ ॥ ౮౪ ॥
శఙ్కరశ్చైవ శర్వశ్చ క్షాన్తిదః క్షాన్తికృన్నరః (౫౧౧) ।
భక్తప్రియస్తథా భర్తా భక్తిమాన్భక్తివర్ధనః ॥ ౮౫ ॥
భక్తస్తుతో భక్తపరః కీర్తిదః కీర్తివర్ధనః ।
కీర్తిర్దీప్తిః (౫౨౦) క్షమా కాన్తిర్భక్తశ్చైవ (౫౩౦) దయాపరా ॥ ౮౬ ॥
దానం దాతా చ కర్తా చ దేవదేవప్రియః శుచిః ।
శుచిమాన్సుఖదో (౫౩౧) మోక్షః కామశ్చార్థః సహస్రపాత్ ॥ ౮౭ ॥
సహస్రశీర్షా వైద్యశ్చ మోక్షద్వారస్తథైవ చ ।
ప్రజాద్వారం సహస్రాక్షః సహస్రకర ఏవ చ (౫౪౦) ॥ ౮౮ ॥ var సహస్రాన్తః
శుక్రశ్చ సుకిరీటీ చ సుగ్రీవః కౌస్తుభస్తథా ।
ప్రద్యుమ్నశ్చానిరుద్ధశ్చ హయగ్రీవశ్చ సూకరః ॥ ౮౯ ॥
మత్స్యః పరశురామశ్చ (౫౫౦) ప్రహ్లాదో బలిరేవచ ।
శరణ్యశ్చైవ నిత్యశ్చ బుద్ధో ముక్తః శరీరభృత్ ॥ ౯౦ ॥
ఖరదూషణహన్తా చ రావణస్య ప్రమర్దనః ।
సీతాపతిశ్చ (౫౬౦) వర్ధిష్ణుర్భరతశ్చ తథైవ చ ॥ ౯౧ ॥
కుమ్భేన్ద్రజిన్నిహన్తా చ కుమ్భకర్ణప్రమర్దనః ।
నరాన్తకాన్తకశ్చైవ దేవాన్తకవినాశనః ॥ ౯౨ ॥
దుష్టాసురనిహన్తా చ శమ్బరారిస్తథైవ చ ।
నరకస్య నిహన్తా చ త్రిశీర్షస్య వినాశనః (౫౭౦) ॥ ౯౩ ॥
యమలార్జునభేత్తా చ తపోహితకరస్తథా ।
వాదిత్రశ్చైవ వాద్యం చ బుద్ధశ్చైవ వరప్రదః ॥ ౯౪ ॥
సారః సారప్రియః సౌరః కాలహన్తా నికృన్తనః (౫౮౦) ।
అగస్త్యో దేవలశ్చైవ నారదో నారదప్రియః ॥ ౯౫ ॥
ప్రాణోఽపానస్తథా వ్యానో రజః సత్త్వం తమః (౫౯౦) శరత్ ।
ఉదానశ్చ సమానశ్చ భేషజం చ భిషక్తథా ॥ ౯౬ ॥
కూటస్థః స్వచ్ఛరూపశ్చ సర్వదేహవివర్జితః ।
చక్షురిన్ద్రియహీనశ్చ వాగిన్ద్రియవివర్జితః (౬౦౦) ॥ ౯౭ ॥
హస్తేన్ద్రియవిహీనశ్చ పాదాభ్యాం చ వివర్జితః ।
పాయూపస్థవిహీనశ్చ మరుతాపవివర్జితః ॥ ౯౮ ॥ var మహాతపోవిసర్జితః
ప్రబోధేన విహీనశ్చ బుద్ధ్యా చైవ వివర్జితః ।
చేతసా విగతశ్చైవ ప్రాణేన చ వివర్జితః ॥ ౯౯ ॥
అపానేన విహీనశ్చ వ్యానేన చ వివర్జితః (౬౧౦) ।
ఉదానేన విహీనశ్చ సమానేన వివర్జితః ॥ ౧౦౦ ॥
ఆకాశేన విహీనశ్చ వాయునా పరివర్జితః ।
అగ్నినా చ విహీనశ్చ ఉదకేన వివర్జితః ॥ ౧౦౧ ॥
పృథివ్యా చ విహీనశ్చ శబ్దేన చ వివర్జితః ।
స్పర్శేన చ విహీనశ్చ సర్వరూపవివర్జితః (౬౨౦) ॥ ౧౦౨ ॥
రాగేణ విగతశ్చైవ అఘేన పరివర్జితః ।
శోకేన రహితశ్చైవ వచసా పరివర్జితః ॥ ౧౦౩ ॥
రజోవివర్జితశ్చైవ వికారైః షడ్భిరేవ చ ।
కామేన వర్జితశ్చైవ క్రోధేన పరివర్జితః ॥ ౧౦౪ ॥
లోభేన విగతశ్చైవ దమ్భేన చ వివర్జితః ।
సూక్ష్మశ్చైవ (౬౩౦) సుసూక్ష్మశ్చ స్థూలాత్స్థూలతరస్తథా ॥ ౧౦౫ ॥
విశారదో బలాధ్యక్షః సర్వస్య క్షోభకస్తథా ।
ప్రకృతేః క్షోభకశ్చైవ మహతః క్షోభకస్తథా ॥ ౧౦౬ ॥
భూతానాం క్షోభకశ్చైవ బుద్ధేశ్చ క్షోభకస్తథా ।
ఇన్ద్రియాణాం క్షోభకశ్చ (౬౪౦) విషయక్షోభకస్తథా ॥ ౧౦౭ ॥
బ్రహ్మణః క్షోభకశ్చైవ రుద్రస్య క్షోభకస్తథా ।
అగమ్యశ్చక్షురాదేశ్చ శ్రోత్రాగమ్యస్తథైవ చ ॥ ౧౦౮ ॥
త్వచా న గమ్యః కూర్మశ్చ జిహ్వాగ్రాహ్యస్తథైవ చ ।
ఘ్రాణేన్ద్రియాగమ్య ఏవ వాచాగ్రాహ్యస్తథైవ చ (౬౫౦) ॥ ౧౦౯ ॥
అగమ్యశ్చైవ పాణిభ్యాం పదాగమ్యస్తథైవ చ । var పాదాగమ్య
అగ్రాహ్యో మనసశ్చైవ బుద్ధ్యా గ్రాహ్యో హరిస్తథా ॥ ౧౧౦ ॥
అహమ్బుద్ధ్యా తథా గ్రాహ్యశ్చేతసా గ్రాహ్య ఏవ చ ।
శఙ్ఖపాణిరవ్యయశ్చ గదాపాణిస్తథైవ చ (౬౬౦) ॥ ౧౧౧ ॥
శార్ఙ్గపాణిశ్చ కృష్ణశ్చ జ్ఞానమూర్తిః పరన్తపః ।
తపస్వీ జ్ఞానగమ్యో హి జ్ఞానీ జ్ఞానవిదేవ చ ॥ ౧౧౨ ॥
జ్ఞేయశ్చ జ్ఞేయహీనశ్చ (౬౭౦) జ్ఞప్తిశ్చైతన్యరూపకః ।
భావో భావ్యో భవకరో భావనో భవనాశనః ॥ ౧౧౩ ॥
గోవిన్దో గోపతిర్గోపః (౬౮౦) సర్వగోపీసుఖప్రదః ।
గోపాలో గోగతిశ్చైవ గోమతిర్గోధరస్తథా ॥ ౧౧౪ ॥ var గోపతి
ఉపేన్ద్రశ్చ నృసింహశ్చ శౌరిశ్చైవ జనార్దనః ।
ఆరణేయో (౬౯౦) బృహద్భానుర్బృహద్దీప్తిస్తథైవ చ ॥ ౧౧౫ ॥
దామోదరస్త్రికాలశ్చ కాలజ్ఞః కాలవర్జితః ।
త్రిసన్ధ్యో ద్వాపరం త్రేతా ప్రజాద్వారం (౭౦౦) త్రివిక్రమః ॥ ౧౧౬ ॥
విక్రమో దణ్డహస్తశ్చ హ్యేకదణ్డీ త్రిదణ్డధృక్ । var దరహస్తశ్చ
సామభేదస్తథోపాయః సామరూపీ చ సామగః ॥ ౧౧౭ ॥
సామవేదోః (౭౧౦) హ్యథర్వశ్చ సుకృతః సుఖరూపకః ।
అథర్వవేదవిచ్చైవ హ్యథర్వాచార్య ఏవ చ ॥ ౧౧౮ ॥
ఋగ్రూపీ చైవ ఋగ్వేదః ఋగ్వేదేషు ప్రతిష్ఠితః ।
యజుర్వేత్తా యజుర్వేదో (౭౨౦) యజుర్వేదవిదేకపాత్ ॥ ౧౧౯ ॥
బహుపాచ్చ సుపాచ్చైవ తథైవ చ సహస్రపాత్ ।
చతుష్పాచ్చ ద్విపాచ్చైవ స్మృతిర్న్యాయో యమో బలీ (౭౩౦) ॥ ౧౨౦ ॥
సన్న్యాసీ చైవ సన్న్యాసశ్చతురాశ్రమ ఏవ చ ।
బ్రహ్మచారీ గృహస్థశ్చ వానప్రస్థశ్చ భిక్షుకః ॥ ౧౨౧ ॥
బ్రాహ్మణః క్షత్రియో వైశ్యః (౭౪౦) శూద్రో వర్ణస్తథైవ చ ।
శీలదః శీలసమ్పన్నో దుఃశీలపరివర్జితః ॥ ౧౨౨ ॥
మోక్షోఽధ్యాత్మసమావిష్టః స్తుతిః స్తోతా చ పూజకః ।
పూజ్యో (౭౫౦) వాక్కరణం చైవ వాచ్యశ్చైవ తు వాచకః ॥ ౧౨౩ ॥
వేత్తా వ్యాకరణశ్చైవ వాక్యం చైవ చ వాక్యవిత్ ।
వాక్యగమ్యస్తీర్థవాసీ (౭౬౦) తీర్థస్తీర్థీ చ తీర్థవిత్ ॥ ౧౨౪ ॥
తీర్థాదిభూతః సాఙ్ఖ్యశ్చ నిరుక్తం త్వధిదైవతమ్ ।
ప్రణవః ప్రణవేశశ్చ ప్రణవేన ప్రవన్దితః (౭౭౦) ॥ ౧౨౫ ॥
ప్రణవేన చ లక్ష్యో వై గాయత్రీ చ గదాధరః ।
శాలగ్రామనివాసీ చ (౭౮౦) శాలగ్రామస్తథైవ చ ॥ ౧౨౬ ॥
జలశాయీ యోగశాయీ శేషశాయీ కుశేశయః ।
మహీభర్తా చ (౭౯౦) కార్యం చ కారణం పృథివీధరః ॥ ౧౨౭ ॥
ప్రజాపతిః శాశ్వతశ్చ కామ్యః కామయితా విరాట్ ।
సమ్రాట్పూషా (౮౦౦) తథా స్వర్గో రథస్థః సారథిర్బలమ్ ॥ ౧౨౮ ॥
ధనీ ధనప్రదో ధన్యో యాదవానాం హితే రతః ।
అర్జునస్య ప్రియశ్చైవ హ్యర్జునో (౮౧౦) భీమ ఏవ చ ॥ ౧౨౯ ॥
పరాక్రమో దుర్విషహః సర్వశాస్త్రవిశారదః ।
సారస్వతో మహాభీష్మః పారిజాతహరస్తథా ॥ ౧౩౦ ॥
అమృతస్య ప్రదాతా చ క్షీరోదః క్షీరమేవ చ (౮౨౦) ।
ఇన్ద్రాత్మజస్తస్య గోప్తా గోవర్ధనధరస్తథా ॥ ౧౩౧ ॥
కంసస్య నాశనస్తద్వద్ధస్తిపో హస్తినాశనః ।
శిపివిష్టః ప్రసన్నశ్చ సర్వలోకార్తినాశనః ॥ ౧౩౨ ॥
ముద్రో (౮౩౦) ముద్రాకరశ్చైవ సర్వముద్రావివర్జితః ।
దేహీ దేహస్థితశ్చైవ దేహస్య చ నియామకః ॥ ౧౩౩ ॥
శ్రోతా శ్రోత్రనియన్తా చ శ్రోతవ్యః శ్రవణస్తథా ।
త్వక్స్థితశ్చ (౮౪౦) స్పర్శయితా స్పృశ్యం చ స్పర్శనం తథా ॥ ౧౩౪ ॥
రూపద్రష్టా చ చక్షుఃస్థో నియన్తా చక్షుషస్తథా ।
దృశ్యం చైవ తు జిహ్వాస్థో రసజ్ఞశ్చ నియామకః (౮౫౦) ॥ ౧౩౫ ॥
ఘ్రాణస్థో ఘ్రాణకృద్ఘ్రాతా ఘ్రాణేన్ద్రియనియామకః ।
వాక్స్థో వక్తా చ వక్తవ్యో వచనం వాఙ్నియామకః ॥ ౧౩౬ ॥
ప్రాణిస్థః (౮౬౦) శిల్పకృచ్ఛిల్పో హస్తయోశ్చ నియామకః ।
పదవ్యశ్చైవ గన్తా చ గన్తవ్యం గమనం తథా ॥ ౧౩౭ ॥
నియన్తా పాదయోశ్చైవ పాద్యభాక్చ విసర్గకృత్ (౮౭౦) ।
విసర్గస్య నియన్తా చ హ్యుపస్థస్థః సుఖస్తథా ॥ ౧౩౮ ॥
ఉపస్థస్య నియన్తా చ తదానన్దకరశ్చ హ ।
శత్రుఘ్నః కార్తవీర్యశ్చ దత్తాత్రేయస్తథైవ చ ॥ ౧౩౯ ॥
అలర్కస్య హితశ్చైవ కార్తవీర్యనికృన్తనః (౮౮౦) ।
కాలనేమిర్మహానేమిర్మేఘో మేఘపతిస్తథా ॥ ౧౪౦ ॥
అన్నప్రదోఽన్నరూపీ చ హ్యన్నాదోఽన్నప్రవర్తకః ।
ధూమకృద్ధూమరూపశ్చ (౮౯౦) దేవకీపుత్ర ఉత్తమః ॥ ౧౪౧ ॥
దేవక్యా నన్దనో నన్దో రోహిణ్యాః ప్రియ ఏవ చ ।
వసుదేవప్రియశ్చైవ వసుదేవసుతస్తథా ॥ ౧౪౨ ॥
దున్దుభిర్హాసరూపశ్చ పుష్పహాసస్తథైవ చ (౯౦౦) ।
అట్టహాసప్రియశ్చైవ సర్వాధ్యక్షః క్షరోఽక్షరః ॥ ౧౪౩ ॥
అచ్యుతశ్చైవ సత్యేశః సత్యాయాశ్చ ప్రియో వరః ।
రుక్మిణ్యాశ్చ పతిశ్చైవ రుక్మిణ్యా వల్లభస్తథా ॥ ౧౪౪ ॥
గోపీనాం వల్లభశ్చైవ (౯౧౦) పుణ్యశ్లోకశ్చ విశ్రుతః ।
వృషాకపిర్యమో గుహ్యో మఙ్గలశ్చ బుధస్తథా ॥ ౧౪౫ ॥
రాహుః కేతుర్గ్రహో గ్రాహో (౯౨౦) గజేన్ద్రముఖమేలకః ।
గ్రాహస్య వినిహన్తా చ గ్రామీణీ రక్షకస్తథా ॥ ౧౪౬ ॥
కిన్నరశ్చైవ సిద్ధశ్చ ఛన్దః స్వచ్ఛన్ద ఏవ చ ।
విశ్వరూపో విశాలాక్షో (౯౩౦) దైత్యసూదన ఏవ చ ॥ ౧౪౭ ॥
అనన్తరూపో భూతస్థో దేవదానవసంస్థితః ।
సుషుప్తిస్థః సుషుప్తిశ్చ స్థానం స్థానాన్త ఏవ చ ॥ ౧౪౮ ॥
జగత్స్థశ్చైవ జాగర్తా స్థానం జాగరితం తథా (౯౪౦) ।
స్వప్నస్థః స్వప్నవిత్స్వప్నస్థానం స్వప్నస్తథైవ చ ॥ ౧౪౯ ॥
var స్వప్నస్థః స్వప్నవిత్స్వప్నం స్థానస్థః సుస్థ ఏవ చ
జాగ్రత్స్వప్నసుషుప్తేశ్చ విహీనో వై చతుర్థకః ।
విజ్ఞానం వేద్యరూపం చ జీవో జీవయితా తథా (౯౫౦) ॥ ౧౫౦ ॥ var చైత్రరూపశ్చ
భువనాధిపతిశ్చైవ భువనానాం నియామకః ।
పాతాలవాసీ పాతాలం సర్వజ్వరవినాశనః ॥ ౧౫౧ ॥
పరమానన్దరూపీ చ ధర్మాణాం చ ప్రవర్తకః ।
సులభో దుర్లభశ్చైవ ప్రాణాయామపరస్తథా (౯౬౦) ॥ ౧౫౨ ॥
ప్రత్యాహారో ధారకశ్చ ప్రత్యాహారకరస్తథా ।
ప్రభా కాన్తిస్తథా హ్యర్చిః శుద్ధస్ఫటికసన్నిభః ॥ ౧౫౩ ॥
అగ్రాహ్యశ్చైవ గౌరశ్చ సర్వః (౯౭౦) శుచిరభిష్టుతః ।
వషట్కారో వషడ్వౌషట్స్వధా స్వాహా రతిస్తథా ॥ ౧౫౪ ॥
పక్తా నన్దయితా (౯౮౦) భోక్తా బోద్ధా భావయితా తథా ।
జ్ఞానాత్మా చైవ దేహాత్మా భూమా సర్వేశ్వరేశ్వరః ॥ ౧౫౫ ॥ var ఊహాత్మా
నదీ నన్దీ చ నన్దీశో (౯౯౦) భారతస్తరునాశనః ।
చక్రపః శ్రీపతిశ్చైవ నృపాణాం చక్రవర్తినామ్ ॥ ౧౫౬ ॥ var నృపశ్చ
ఈశశ్చ సర్వదేవానాం ద్వారకాసంస్థితస్తథా । var స్వావకాశం స్థిత
పుష్కరః పుష్కరాధ్యక్షః పుష్కరద్వీప ఏవ చ (౧౦౦౦) ॥ ౧౫౭ ॥
భరతో జనకో జన్యః సర్వాకారవివర్జితః ।
నిరాకారో నిర్నిమిత్తో నిరాతఙ్కో నిరాశ్రయః (౧౦౦౮) ॥ ౧౫౮ ॥
ఇతి నామసహస్రం తే వృషభధ్వజ కీర్తితమ్ ।
దేవస్య విష్ణోరీశస్య సర్వపాపవినాశనమ్ ॥ ౧౫౯ ॥
పఠన్ద్విజశ్చ విష్ణుత్వం క్షత్రియో జయమాప్నుయాత్ ।
వైశ్యో ధనం సుఖం శూద్రో విష్ణుభక్తిసమన్వితః ॥ ౧౬౦ ॥
ఇతి శ్రీగారుడే మహాపురాణే పూర్వఖణ్డే ప్రథమాంశాఖ్యే ఆచారకాణ్డే
శ్రీవిష్ణుసహస్రనామస్తోత్రనిరూపణం నామ పఞ్చదశోఽధ్యాయః ॥