॥ ShriramaSahasranamastotram Odia Lyrics ॥
॥ ଶ୍ରୀରାମସହସ୍ରନାମସ୍ତୋତ୍ରଂ ଅନନ୍ତସୁତଶ୍ରୀଦିଵାକରଵିରଚିତମ୍ ॥
ଅନନ୍ତସୁତଶ୍ରୀଦିଵାକରଘୈସାସଶାସ୍ତ୍ରିଵିରଚିତଂ
ପ୍ରଜ୍ଞାଗୋଦାଵରୀତୀରେ ଚେତଃପର୍ଣକୁଟୀକୃତେ ।
ଵୈଦେହୀଶକ୍ତିସଂୟୁକ୍ତଂ ତପସ୍ୟାଲକ୍ଷ୍ମଣଦ୍ଵୟମ୍ ॥
ପଞ୍ଚେନ୍ଦ୍ରିୟପଞ୍ଚଵଟୀନିଵାସସ୍ଥଂ ଧନୁର୍ଧରମ୍ ।
ଧ୍ୟାୟାମ୍ୟାତ୍ମସ୍ଵରୂପଂ ତଂ ରାଘଵଂ ଭୟନାଶନମ୍ ॥
ଵାଲ୍ମୀକି-ଭରଦ୍ଵାଜ-ଦିଵାକରାଃ ଋଷୟଃ, ଅନୁଷ୍ଟୁପ୍ ଛନ୍ଦଃ,
ଶ୍ରୀରାମଚନ୍ଦ୍ରୋ ଦେଵତା ।
ପ୍ରାତର୍ଧ୍ୟେୟଃ ସଦାଭଦ୍ରୋ ଭୟଭଞ୍ଜନକୋଵିଦଃ ଇତି ବୀଜମ୍ ।
ସୂକ୍ଷ୍ମବୁଦ୍ଧିର୍ମହାତେଜା ଅନାସକ୍ତଃ ପ୍ରିୟାହଵଃ ଇତି ଶକ୍ତିଃ ।
ଵର୍ଧିଷ୍ଣୁର୍ଵିଜୟୀ ପ୍ରାଜ୍ଞୋ ରହସ୍ୟଜ୍ଞୋ ଵିମର୍ଶଵିଦିତି କୀଲକମ୍ ।
ଶ୍ରୀରାମସହସ୍ରନାମସ୍ତୋତ୍ରସ୍ୟ ଜପେ ଵିନିୟୋଗଃ ।
କଦାଚିତ୍ପୂର୍ଣସଙ୍କଲ୍ପୋ ଵାଲ୍ମୀକିକଵିରାତ୍ମଵାନ୍।
ଧ୍ୟାୟନ୍ ରାମମୁପାଵିଷ୍ଟଃ ସ୍ଵାଶ୍ରମେ ଶାନ୍ତଚେତସା ॥ ୧ ॥
ଅଭିଗମ୍ୟ ଭରଦ୍ଵାଜସ୍ତମୁଵାଚାଦରେଣ ଭୋଃ ।
ଶ୍ରୁତଂ ଦୃଷ୍ଟଂ ଚ ଚରିତଂ ରାମଚନ୍ଦ୍ରସ୍ୟ ପାଵନମ୍ ॥ ୨ ॥
ଲଲିତଂ ଵିସ୍ତରଂ ସୌମ୍ୟଂ କାରୁଣ୍ୟମଧୁରଂ ଶୁଭମ୍ ।
ସ୍ମୃତ୍ଵା ସ୍ଵାନନ୍ଦଭରିତଂ ହୃଦୟଂ ମେ ଭଵତ୍ୟହୋ ॥ ୩ ॥
ତତ୍ତଥା ପ୍ରାକୃତୈର୍ଲୋକୈର୍ୟଥା ସାଙ୍ଗଂ ନ ଗୀୟତେ ।
କଲୌ ସ୍ଵଲ୍ପାତ୍ମଧୈର୍ୟେଭ୍ୟୋ ଦୁରାପସ୍ତଂ ଵିଶେଷତଃ ॥ ୪ ॥
ଭଵାନ୍ ପ୍ରାତିଭଵିଦ୍ୟାୟାଂ ପ୍ରଵୀଣଃ ପରମାର୍ଥତଃ ।
ତଦ୍ବ୍ରଵୀତୁ ହି ରାମସ୍ୟ ସଙ୍କ୍ଷେପେଣ ମହାଗୁଣାନ୍ ॥ ୫ ॥
କିଂ ନିତ୍ୟଂ ପଠନୀୟଂ କିଂ ସ୍ଵଲ୍ପସାରୈର୍ଜନୈଃ ଶ୍ରୁତମ୍ ।
ଭଵେତ୍କଲ୍ୟାଣକୃଲ୍ଲୋକେ ପ୍ରେରଣାଦାୟକଂ ତଥା ॥ ୬ ॥
ତଚ୍ଛ୍ରୁତ୍ଵା ସାଦରଂ ଵାକ୍ୟଂ ଵାଲ୍ମୀକିକଵିରବ୍ରଵୀତ୍ ।
ଶୃଣୁ ନାମାନି ରାମସ୍ୟ ସହସ୍ରଣି ୟଥାକ୍ରମମ୍ ॥ ୭ ॥
ସ୍ତୋତ୍ରମେତତ୍ପଠିତ୍ଵା ହି ଭକ୍ତୋ ଜ୍ଞାସ୍ୟତି ସର୍ଵଥା ।
ରାଘଵସ୍ୟ ଗୁଣାନ୍ ମୁଖ୍ୟାନ୍ ଧ୍ୟାତ୍ଵା ଶାନ୍ତିଂ ନିଗଚ୍ଛତି ॥ ୮ ॥
ଅଥ ସ୍ତୋତ୍ରମ୍ ।
ଓଂ ଆର୍ୟଶ୍ରେଷ୍ଠୋ ଧରାପାଲଃ ସାକେତପୁରପାଲକଃ ।
ଏକବାଣୋ ଧର୍ମଵେତ୍ତା ସତ୍ୟସନ୍ଧୋଽପରାଜିତଃ ॥ ୧ ॥
ଇକ୍ଷ୍ଵାକୁକୁଲସମ୍ଭୂତୋ ରଘୁନାଥଃ ସଦାଶ୍ରୟଃ ।
ଅଘଧ୍ଵଂସୀ ମହାପୁଣ୍ୟୋ ମନସ୍ଵୀ ମୋହନାଶନଃ ॥ ୨ ॥
ଅପ୍ରମେୟୋ ମହାଭାଗଃ ସୀତାସୌନ୍ଦର୍ୟଵର୍ଧନଃ ।
ଅହଲ୍ୟୋଦ୍ଧାରକଃ ଶାସ୍ତା କୁଲଦୀପଃ ପ୍ରଭାକରଃ ॥ ୩ ॥
ଆପଦ୍ଵିନାଶୀ ଗୁହ୍ୟଜ୍ଞଃ ସୀତାଵିରହଵ୍ୟାକୁଲଃ ।
ଅନ୍ତର୍ଜ୍ଞାନୀ ମହାଜ୍ଞାନୀ ଶୁଦ୍ଧସଞ୍ଜ୍ଞୋଽନୁଜପ୍ରିୟଃ ॥ ୪ ॥
ଅସାଧ୍ୟସାଧକୋ ଭୀମୋ ମିତଭାଷୀ ଵିଦାଂ ଵରଃ ।
ଅଵତୀର୍ଣଃ ସମୁତ୍ତାରୋ ଦଶସ୍ୟନ୍ଦନମାନଦଃ ॥ ୫ ॥
ଆତ୍ମାରାମୋ ଵିମାନାର୍ହୋ ହର୍ଷାମର୍ଷସୁସଙ୍ଗତଃ ।
ଅଭିଗମ୍ୟୋ ଵିଶାଲାତ୍ମା ଵିରାମଶ୍ଚିନ୍ତନାତ୍ମକଃ ॥ ୬ ॥
ଅଦ୍ଵିତୀୟୋ ମହାୟୋଗୀ ସାଧୁଚେତାଃ ପ୍ରସାଦନଃ ।
ଉଗ୍ରଶ୍ରୀରନ୍ତକସ୍ତେଜସ୍ତାରଣୋ ଭୂରିସଙ୍ଗ୍ରହଃ ॥ ୭ ॥
ଏକଦାରଃ ସତ୍ତ୍ଵନିଧିଃ ସନ୍ନିଧିଃ ସ୍ମୃତିରୂପଵାନ୍ ।
ଉତ୍ତମାଲଙ୍କୃତଃ କର୍ତା ଉପମାରହିତଃ କୃତୀ ॥ ୮ ॥
ଆଜାନୁବାହୁରକ୍ଷୁବ୍ଧଃ କ୍ଷୁବ୍ଧସାଗରଦର୍ପହା ।
ଆଦିତ୍ୟକୁଲସନ୍ତାନୋ ଵଂଶୋଚିତପରାକ୍ରମଃ ॥ ୯ ॥
ଅନୁକୂଲଃ ସତାଂ ସଦ୍ଭିର୍ଭାଵବଦ୍ଧକରୈଃ ସ୍ତୁତଃ ।
ଉପଦେଷ୍ଟା ନୃପୋତ୍କୃଷ୍ଟୋ ଭୂଜାମାତା ଖଗପ୍ରିୟଃ ॥ ୧୦ ॥
ଓଜୋରାଶିର୍ନିଧିଃ ସାକ୍ଷାତ୍କ୍ଷଣଦୃଷ୍ଟାତ୍ମଚେତନଃ ।
ଉମାପରୀକ୍ଷିତୋ ମୂକଃ ସନ୍ଧିଜ୍ଞୋ ରାଵଣାନ୍ତକଃ ॥ ୧୧ ॥
ଅଲୌକିକୋ ଲୋକପାଲସ୍ତ୍ରୈଲୋକ୍ୟଵ୍ୟାପ୍ତଵୈଭଵଃ ।
ଅନୁଜାଶ୍ଵାସିତଃ ଶିଷ୍ଟୋ ଵରିଷ୍ଠଶ୍ଚାପଧାରିଷୁ ॥ ୧୨ ॥
ଉଦ୍ୟମୀ ବୁଦ୍ଧିମାନ୍ ଗୁପ୍ତୋ ୟୁୟୁତ୍ସୁଃ ସର୍ଵଦର୍ଶନଃ ।
ଐକ୍ଷ୍ଵାକୋ ଲକ୍ଷ୍ୟଣପ୍ରାଣୋ ଲକ୍ଷ୍ମୀଵାନ୍ ଭାର୍ଗଵପ୍ରିୟଃ ॥ ୧୩ ॥
ଇଷ୍ଟଦଃ ସତ୍ୟଦିଦୃକ୍ଷୁର୍ଦିଗ୍ଜୟୀ ଦକ୍ଷିଣାୟନଃ ।
ଅନନ୍ୟଵୃତ୍ତିରୁଦ୍ୟୋଗୀ ଚନ୍ଦ୍ରଶେଖରଶାନ୍ତିଦଃ ॥ ୧୪ ॥
ଅନୁଜାର୍ଥସମୁତ୍କଣ୍ଠଃ ସୁରତ୍ରାଣଃ ସୁରାକୃତିଃ ।
ଅଶ୍ଵମେଧୀ ୟଶୋଵୃଦ୍ଧସ୍ତରୁଣସ୍ତାରଣେକ୍ଷଣଃ ॥ ୧୫ ॥
ଅପ୍ରାକୃତଃ ପ୍ରତିଜ୍ଞାତା ଵରପ୍ରାପ୍ତୋ ଵରପ୍ରଦଃ ।
ଅଭୂତପୂର୍ଵୋଽଦ୍ଭୁତଧ୍ୟେୟୋ ରୁଦ୍ରପ୍ରେମୀ ସୁଶୀତଲଃ ॥ ୧୬ ॥
ଅନ୍ତଃସ୍ପୃକ୍ ଧନୁଃସ୍ପୃକ୍ଚୈଵ ଭରତାପୃଷ୍ଟକୌଶଲଃ ।
ଆତ୍ମସଂସ୍ଥୋ ମନଃସଂସ୍ଥଃ ସତ୍ତ୍ଵସଂସ୍ଥୋ ରଣସ୍ଥିତଃ ॥ ୧୭ ॥
ଈର୍ଷ୍ୟାହୀନୋ ମହାଶକ୍ତିଃ ସୂର୍ୟଵଂଶୀ ଜନସ୍ତୁତଃ ।
ଆସନସ୍ଥୋ ବାନ୍ଧଵସ୍ଥଃ ଶ୍ରଦ୍ଧାସ୍ଥାନଂ ଗୁଣସ୍ଥିତଃ ॥ ୧୮ ॥
ଇନ୍ଦ୍ରମିତ୍ରୋଽଶୁଭହରୋ ମାୟାଵିମୃଗଘାତକଃ ।
ଅମୋଘେଷୁଃ ସ୍ଵଭାଵଜ୍ଞୋ ନାମୋଚ୍ଚାରଣସଂସ୍ମୃତଃ ॥ ୧୯ ॥
ଅରଣ୍ୟରୁଦନାକ୍ରାନ୍ତୋ ବାଷ୍ପସଙ୍କୁଲଲୋଚନଃ ।
ଅମୋଘାଶୀର୍ଵଚୋଽମନ୍ଦୋ ଵିଦ୍ଵଦ୍ଵନ୍ଦ୍ୟୋ ଵନେଚରଃ ॥ ୨୦ ॥
ଇନ୍ଦ୍ରାଦିଦେଵତାତୋଷଃ ସଂୟମୀ ଵ୍ରତଧାରକଃ ।
ଅନ୍ତର୍ୟାମୀ ଵିନଷ୍ଟାରିର୍ଦମ୍ଭହୀନୋ ରଵିଦ୍ୟୁତିଃ ॥ ୨୧ ॥
କାକୁତ୍ସ୍ଥୋ ଗିରିଗମ୍ଭୀରସ୍ତାଟକାପ୍ରାଣକର୍ଷଣଃ ।
କନ୍ଦମୂଲାନ୍ନସନ୍ତୁଷ୍ଟୋ ଦଣ୍ଡକାରଣ୍ୟଶୋଧନଃ ॥ ୨୨ ॥
କର୍ତଵ୍ୟଦକ୍ଷଃ ସ୍ନେହାର୍ଦ୍ରଃ ସ୍ନେହକୃତ୍କାମସୁନ୍ଦରଃ ।
କୈକେୟୀଲୀନପ୍ରଵୃତ୍ତିର୍ନିଵୃତ୍ତିର୍ନାମକୀର୍ତିତଃ ॥ ୨୩ ॥
କବନ୍ଧଘ୍ନୋ ଭୟତ୍ରାଣୋ ଭରଦ୍ଵାଜକୃତାଦରଃ ।
କରୁଣଃ ପୁରୁଷଶ୍ରେଷ୍ଠଃ ପୁରୁଷଃ ପରମାର୍ଥଵିତ୍ ॥ ୨୪ ॥
କେଵଲଃ ସୁତସଙ୍ଗୀତାକର୍ଷିତୋ ଋଷିସଙ୍ଗତଃ ।
କାଵ୍ୟାତ୍ମା ନୟଵିନ୍ମାନ୍ୟୋ ମୁକ୍ତାତ୍ମା ଗୁରୁଵିକ୍ରମଃ ॥ ୨୫ ॥
କ୍ରମଜ୍ଞଃ କର୍ମଶାସ୍ତ୍ରଜ୍ଞଃ ସମ୍ବନ୍ଧଜ୍ଞଃ ସୁଲକ୍ଷଃ ।
କିଷ୍କିନ୍ଧେଶହିତାକାଙ୍କ୍ଷୀ ଲଘୁଵାକ୍ୟଵିଶାରଦଃ ॥ ୨୬ ॥
କପିଶ୍ରେଷ୍ଠସମାୟୁକ୍ତଃ ପ୍ରାଚୀନୋ ଵଲ୍କଲାଵୃତଃ ।
କାକପ୍ରେରିତବ୍ରହ୍ମାସ୍ତ୍ରଃ ସପ୍ତତାଲଵିଭଞ୍ଜନଃ ॥ ୨୭ ॥
କପଟଜ୍ଞଃ କପିପ୍ରୀତଃ କଵିସ୍ଫୂର୍ତିପ୍ରଦାୟକଃ ।
କିଂଵଦନ୍ତୀଦ୍ଵିଧାଵୃତ୍ତିର୍ନିଧାରାଦ୍ରିର୍ଵିଧିପ୍ରିୟଃ ॥ ୨୮ ॥
କାଲମିତ୍ରଃ କାଲକର୍ତା କାଲଦିଗ୍ଦର୍ଶିତାନ୍ତଵିତ୍ ।
କ୍ରାନ୍ତଦର୍ଶୀ ଵିନିଷ୍କ୍ରାନ୍ତୋ ନୀତିଶାସ୍ତ୍ରପୁରଃସରଃ ॥ ୨୯ ॥
କୁଣ୍ଡଲାଲଙ୍କୃତଶ୍ରୋତ୍ରୋ ଭ୍ରାନ୍ତିହା ଭ୍ରମନାଶକଃ ।
କମଲାୟତାକ୍ଷୋ ନୀରୋଗଃ ସୁବଦ୍ଧାଙ୍ଗୋ ମୃଦୁସ୍ଵନଃ ॥ ୩୦ ॥
କ୍ରଵ୍ୟାଦଘ୍ନୋ ଵଦାନ୍ୟାତ୍ମ ସଂଶୟାପନ୍ନମାନସଃ ।
କୌସଲ୍ୟାକ୍ରୋଡଵିଶ୍ରାମଃ କାକପକ୍ଷଧରଃ ଶୁଭଃ ॥ ୩୧ ॥
ଖଲକ୍ଷୟୋଽଖିଲଶ୍ରେଷ୍ଠଃ ପୃଥୁଖ୍ୟାତିପୁରସ୍କୃତଃ ।
ଗୁହକପ୍ରେମଭାଗ୍ଦେଵୋ ମାନଵେଶୋ ମହୀଧରଃ ॥ ୩୨ ॥
ଗୂଢାତ୍ମା ଜଗଦାଧାରଃ କଲତ୍ରଵିରହାତୁରଃ ।
ଗୂଢାଚାରୋ ନରଵ୍ୟାଘ୍ରୋ ବୁଧୋ ବୁଦ୍ଧିପ୍ରଚୋଦନଃ ॥ ୩୩ ॥
ଗୁଣଭୃଦ୍ଗୁଣସଙ୍ଘାତଃ ସମାଜୋନ୍ନତିକାରଣଃ ।
ଗୃଧ୍ରହୃଦ୍ଗତସଙ୍କଲ୍ପୋ ନଲନୀଲାଙ୍ଗଦପ୍ରିୟଃ ॥ ୩୪ ॥
ଗୃହସ୍ଥୋ ଵିପିନସ୍ଥାୟୀ ମାର୍ଗସ୍ଥୋ ମୁନିସଙ୍ଗତଃ ।
ଗୂଢଜତ୍ରୁର୍ଵୃଷସ୍କଙ୍ଘୋ ମହୋଦାରଃ ଶମାସ୍ପଦଃ ॥ ୩୫ ॥
ଚାରଵୃତ୍ତାନ୍ତସନ୍ଦିଷ୍ଟୋ ଦୁରଵସ୍ଥାସହଃ ସଖା ।
ଚତୁର୍ଦଶସହସ୍ରଘ୍ନୋ ନାନାସୁରନିଷୂଦନଃ ॥ ୩୬ ॥
ଚୈତ୍ରେୟଶ୍ଚିତ୍ରଚରିତଃ ଚମତ୍କାରକ୍ଷମୋଽଲଘୁଃ ।
ଚତୁରୋ ବାନ୍ଧଵୋ ଭର୍ତା ଗୁରୁରାତ୍ମପ୍ରବୋଧନଃ ॥ ୩୭ ॥
ଜାନକୀକାନ୍ତ ଆନନ୍ଦୋ ଵାତ୍ସଲ୍ୟବହୁଲଃ ପିତା ।
ଜଟାୟୁସେଵିତଃ ସୌମ୍ୟୋ ମୁକ୍ତିଧାମ ପରନ୍ତପଃ ॥ ୩୮ ॥
ଜନସଙ୍ଗ୍ରହକୃତ୍ସୂକ୍ଷ୍ମଶ୍ଚରଣାଶ୍ରିତକୋମଲଃ ।
ଜନକାନନ୍ଦସଙ୍କଲ୍ପଃ ସୀତାପୀରଣୟୋତ୍ସୁକଃ ॥ ୩୯ ॥
ତପସ୍ଵୀ ଦଣ୍ଡନାଧାରୋ ଦେଵାସୁରଵିଲକ୍ଷଣଃ ।
ତ୍ରିବନ୍ଧୁର୍ଵିଜୟାକାଙ୍କ୍ଷୀ ପ୍ରତିଜ୍ଞାପାରଗୋ ମହାନ୍ ॥ ୪୦ ॥
ତ୍ଵରିତୋ ଦ୍ଵେଷହୀନେଚ୍ଛଃ ସ୍ଵସ୍ଥଃ ସ୍ଵାଗତତତ୍ପରଃ ।
ଜନନୀଜନସୌଜନ୍ୟଃ ପରିଵାରାଗ୍ରଣୀର୍ଗୁରୁଃ ॥ ୪୧ ॥
ତତ୍ତ୍ଵଵିତ୍ତତ୍ତ୍ଵସନ୍ଦେଷ୍ଟା ତତ୍ତ୍ଵାଚାରୀ ଵିଚାରଵାନ୍ ।
ତୀକ୍ଷ୍ଣବାଣଶ୍ଚାପପାଣିଃ ସୀତାପାଣିଗ୍ରହୀ ୟୁଵା ॥ ୪୨ ॥
ତୀକ୍ଷ୍ଣାଶୁଗଃ ସରିତ୍ତୀର୍ଣୋ ଲଙ୍ଘିତୋଚ୍ଚମହୀଧରଃ ।
ଦେଵତାସଙ୍ଗତୋଽସଙ୍ଗୋ ରମଣୀୟୋ ଦୟାମୟଃ ॥ ୪୩ ॥
ଦିଵ୍ୟୋ ଦେଦୀପ୍ୟମାନାଭୋ ଦାରୁଣାରିନିଷୂଦନଃ ।
ଦୁର୍ଧର୍ଷୋ ଦକ୍ଷିଣୋ ଦକ୍ଷୋ ଦୀକ୍ଷିତୋଽମୋଘଵୀର୍ୟଵାନ୍ ॥ ୪୪ ॥
ଦାତା ଦୂରଗତାଖ୍ୟାତିର୍ନିୟନ୍ତା ଲୋକସଂଶ୍ରୟଃ ।
ଦୁଷ୍କୀର୍ତିଶଙ୍କିତୋ ଵୀରୋ ନିଷ୍ପାପୋ ଦିଵ୍ୟଦର୍ଶନଃ ॥ ୪୫ ॥
ଦେହଧାରୀ ବ୍ରହ୍ମଵେତ୍ତା ଵିଜିଗୀଷୁର୍ଗୁଣାକରଃ ।
ଦୈତ୍ୟଘାତୀ ବାଣପାଣିର୍ବ୍ରହ୍ୟାସ୍ତ୍ରାଢ୍ୟୋ ଗୁଣାନ୍ଵିତଃ ॥ ୪୬ ॥
ଦିଵ୍ୟାଭରଣଲିପ୍ତାଙ୍ଗୋ ଦିଵ୍ୟମାଲ୍ୟସୁପୂଜିତଃ ।
ଦୈଵଜ୍ଞୋ ଦେଵତାରାଧ୍ୟୋ ଦେଵକାର୍ୟସମୁତ୍ସୁକଃ ॥ ୪୭ ॥
ଦୃଢପ୍ରତିଜ୍ଞୋ ଦୀର୍ଘାୟୁର୍ଦୁଷ୍ଟଦଣ୍ଡନପଣ୍ଡିତଃ ।
ଦଣ୍ଡକାରଣ୍ୟସଞ୍ଚାରୀ ଚତୁର୍ଦିଗ୍ଵିଜୟୀ ଜୟଃ ॥ ୪୮ ॥
ଦିଵ୍ୟଜନ୍ମା ଇନ୍ଦ୍ରିୟେଶଃ ସ୍ଵଲ୍ପସନ୍ତୁଷ୍ଟମାନସଃ ।
ଦେଵସମ୍ପୂଜିତୋ ରମ୍ୟୋ ଦୀନଦୁର୍ବଲରକ୍ଷକଃ ॥ ୪୯ ॥
ଦଶାସ୍ୟହନନୋଽଦୂରଃ ସ୍ଥାଣୁସଦୃଶନିଶ୍ଚୟଃ ।
ଦୋଷହା ସେଵକାରାମଃ ସୀତାସନ୍ତାପନାଶନଃ ॥ ୫୦ ॥
ଦୂଷଣଘ୍ନଃ ଖରଧ୍ଵଂସୀ ସମଗ୍ରନୃପନାୟକଃ ।
ଦୁର୍ଧରୋ ଦୁର୍ଲଭୋ ଦୀପ୍ତୋ ଦୁର୍ଦିନାହତଵୈଭଵଃ ॥ ୫୧ ॥
ଦୀନନାଥୋ ଦିଵ୍ୟରଥଃ ସଜ୍ଜନାତ୍ମମନୋରଥଃ ।
ଦିଲୀପକୁଲସନ୍ଦୀପୋ ରଘୁଵଂଶସୁଶୋଭନଃ ॥ ୫୨ ॥
ଦୀର୍ଘବାହୁର୍ଦୂରଦର୍ଶୀ ଵିଚାରୀ ଵିଧିପଣ୍ଡିତଃ ।
ଧନୁର୍ଧରୋ ଧନୀ ଦାନ୍ତସ୍ତାପସୋ ନିୟତାତ୍ମଵାନ୍ ॥ ୫୩ ॥
ଧର୍ମସେତୁର୍ଧର୍ମମାର୍ଗଃ ସେତୁବନ୍ଧନସାଧନଃ ।
ଧର୍ମୋଦ୍ଧାରୋ ମନୋରୂପୋ ମନୋହାରୀ ମହାଧନଃ ॥ ୫୪ ॥
ଧ୍ୟାତୃଧ୍ୟେୟାତ୍ମକୋ ମଧ୍ୟୋ ମୋହଲୋଭପ୍ରତିକ୍ରିୟଃ ।
ଧାମମୁକ୍ ପୁରମୁଗ୍ଵକ୍ତା ଦେଶତ୍ୟାଗୀ ମୁନିଵ୍ରତୀ ॥ ୫୫ ॥
ଧ୍ୟାନଶକ୍ତିର୍ଧ୍ୟାନମୂର୍ତିର୍ଧ୍ୟାତୃରୂପୋ ଵିଧାୟକଃ ।
ଧର୍ମାଭିପ୍ରାୟଵିଜ୍ଞାନୀ ଦୃଢୋ ଦୁଃସ୍ଵପ୍ନନାଶନଃ ॥ ୫୬ ॥
ଧୁରନ୍ଧରୋ ଧରାଭର୍ତା ପ୍ରଶସ୍ତଃ ପୁଣ୍ୟବାନ୍ଧଵଃ ।
ନୀଲାଭୋ ନିଶ୍ଚଲୋ ରାଜା କୌସଲ୍ୟେୟୋ ରଘୂତ୍ତମଃ ॥ ୫୭ ॥
ନୀଲନୀରଜସଙ୍କାକାଶଃ କର୍କଶୋ ଵିଷକର୍ଷଣଃ ।
ନିରନ୍ତରଃ ସମାରାଧ୍ୟଃ ସେନାଧ୍ୟକ୍ଷଃ ସନାତନଃ ॥ ୫୮ ॥
ନିଶାଚରଭୟାଵର୍ତୋ ଵର୍ତମାନସ୍ତ୍ରିକାଲଵିତ୍ ।
ନୀତିଜ୍ଞୋ ରାଜନୀତିଜ୍ଞୋ ଧର୍ମନୀତିଜ୍ଞ ଆତ୍ମଵାନ୍ ॥ ୫୯ ॥
ନାୟକଃ ସାୟକୋତ୍ସାରୀ ଵିପକ୍ଷାସୁଵିକର୍ଷଣଃ ।
ନୌକାଗାମୀ କୁଶେଶାୟୀ ତପୋଧାମାର୍ତରକ୍ଷଣଃ ॥ ୬୦ ॥
ନିଃସ୍ପୃହଃ ସ୍ପୃହଣୀୟଶ୍ରୀର୍ନିଜାନନ୍ଦୋ ଵିତନ୍ଦ୍ରିତଃ ।
ନିତ୍ୟୋପାୟୋ ଵନୋପେତୋ ଗୁହକଃ ଶ୍ରେୟସାଂ ନିଧିଃ ॥ ୬୧ ॥
ନିଷ୍ଠାଵାନ୍ନିପୁଣୋ ଧୁର୍ୟୋ ଧୃତିମାନୁତ୍ତମସ୍ଵରଃ ।
ନାନାଋଷିମଖାହୂତୋ ୟଜମାନୋ ୟଶସ୍କରଃ ॥ ୬୨ ॥
ମୈଥିଲୀଦୂଷିତାର୍ତାନ୍ତଃକରଣୋ ଵିବୁଧପ୍ରିୟଃ ।
ନିତ୍ୟାନିତ୍ୟଵିଵେକୀ ସତ୍କାର୍ୟସଜ୍ଜଃ ସଦୁକ୍ତିମାନ୍ ॥ ୬୩ ॥
ପୁରୁଷାର୍ଥଦର୍ଶକୋ ଵାଗ୍ମୀ ହନୁମତ୍ସେଵିତଃ ପ୍ରଭୁଃ ।
ପ୍ରୌଢପ୍ରଭାଵୋ ଭାଵଜ୍ଞୋ ଭକ୍ତାଧୀନୋ ଋଷିପ୍ରିୟଃ ॥ ୬୪ ॥
ପାଵନୋ ରାଜକାର୍ୟଜ୍ଞୋ ଵସିଷ୍ଠାନନ୍ଦକାରଣଃ ।
ପର୍ଣଗେହୀ ଵିଗୂଢାତ୍ମା କୂଟଜ୍ଞଃ କମଲେକ୍ଷଣଃ ॥ ୬୫ ॥
ପ୍ରିୟାର୍ହଃ ପ୍ରିୟସଙ୍କଲ୍ପଃ ପ୍ରିୟାମୋଦନପଣ୍ଡିତଃ ।
ପରଦୁଃଖାର୍ତଚେତା ଦୁର୍ଵ୍ୟସନେଽଚଲନିଶ୍ଚୟଃ ॥ ୬୬ ॥
ପ୍ରମାଣଃ ପ୍ରେମସଂଵେଦ୍ୟୋ ମୁନିମାନସଚିନ୍ତନଃ ।
ପ୍ରୀତିମାନ୍ ଋତଵାନ୍ ଵିଦ୍ଵାନ୍ କୀର୍ତିମାନ୍ ୟୁଗଧାରଣଃ ॥ ୬୭ ॥
ପ୍ରେରକଶ୍ଚନ୍ଦ୍ରଵଚ୍ଚାରୁର୍ଜାଗୃତଃ ସଜ୍ଜକାର୍ମୁକଃ ।
ପୂଜ୍ୟଃ ପଵିତ୍ରଃ ସର୍ଵାତ୍ମା ପୂଜନୀୟଃ ପ୍ରିୟଂଵଦଃ ॥ ୬୮ ॥
ପ୍ରାପ୍ୟଃ ପ୍ରାପ୍ତୋଽନଵଦ୍ୟଃ ସ୍ଵର୍ନିଲୟୋ ନୀଲଵିଗ୍ରହୀ ।
ପରତତ୍ତ୍ଵାର୍ଥସନ୍ମୂର୍ତିଃ ସତ୍କୃତଃ କୃତଵିଦ୍ଵରଃ ॥ ୬୯ ॥
ପ୍ରସନ୍ନଃ ପ୍ରୟତଃ ପ୍ରୀତଃ ପ୍ରିୟପ୍ରାୟଃ ପ୍ରତୀକ୍ଷିତଃ ।
ପାପହା ଶକ୍ରଦତ୍ତାସ୍ତ୍ରଃ ଶକ୍ରଦତ୍ତରଥସ୍ଥିତଃ ॥ ୭୦ ॥
ପ୍ରାତର୍ଧ୍ୟେୟଃ ସଦାଭଦ୍ରୋ ଭୟଭଞ୍ଜନକୋଵିଦଃ ।
ପୁଣ୍ୟସ୍ମରଣଃ ସନ୍ନଦ୍ଧଃ ପୁଣ୍ୟପୁଷ୍ଟିପରାୟଣଃ ॥ ୭୧ ॥
ପୁତ୍ରୟୁଗ୍ମପରିସ୍ପୃଷ୍ଟୋ ଵିଶ୍ଵାସଃ ଶାନ୍ତିଵର୍ଧନଃ ।
ପରିଚର୍ୟାପରାମର୍ଶୀ ଭୂମିଜାପତିରୀଶ୍ଵରଃ ॥ ୭୨ ॥
ପାଦୁକାଦୋଽନୁଜପ୍ରେମୀ ଋଜୁନାମାଭୟପ୍ରଦଃ ।
ପୁତ୍ରଧର୍ମଵିଶେଷଜ୍ଞଃ ସମର୍ଥଃ ସଙ୍ଗରପ୍ରିୟଃ ॥ ୭୩ ॥
ପୁଷ୍ପଵର୍ଷାଵଶୁଭ୍ରାଙ୍ଗୋ ଜୟଵାନମରସ୍ତୁତଃ ।
ପୁଣ୍ୟଶ୍ଲୋକଃ ପ୍ରଶାନ୍ତାର୍ଚିଶ୍ଚନ୍ଦନାଙ୍ଗଵିଲେପନଃ ॥ ୭୪ ॥
ପୌରାନୁରଞ୍ଜନଃ ଶୁଦ୍ଧଃ ସୁଗ୍ରୀଵକୃତସଙ୍ଗତିଃ ।
ପାର୍ଥିଵଃ ସ୍ଵାର୍ଥସନ୍ୟାସୀ ସୁଵୃତ୍ତଃ ପରଚିତ୍ତଵିତ୍ ॥
ପୁଷ୍ପକାରୂଢଵୈଦେହୀସଂଲାପସ୍ନେହଵର୍ଧନଃ ।
ପିତୃମୋଦକରୋଽରୂକ୍ଷୋ ନଷ୍ଟରାକ୍ଷସଵଲ୍ଗନଃ ॥ ୭୬ ॥
ପ୍ରାଵୃଣ୍ମେଘସମୋଦାରଃ ଶିଶିରଃ ଶତ୍ରୁକାଲନଃ ।
ପୌରାନୁଗମନୋଽଵଧ୍ୟୋ ଵୈରିଵିଧ୍ଵଂସନଵ୍ରତୀ ॥ ୭୭ ॥
ପିନାକିମାନସାହ୍ଲାଦୋ ଵାଲୁକାଲିଙ୍ଗପୂଜକଃ ।
ପୁରସ୍ଥୋ ଵିଜନସ୍ଥାୟୀ ହୃଦୟସ୍ଥୋ ଗିରିସ୍ଥିତଃ ॥ ୭୮ ॥
ପୁଣ୍ୟସ୍ପର୍ଶଃ ସୁଖସ୍ପର୍ଶଃ ପଦସଂସ୍ପୃଷ୍ଟପ୍ରସ୍ତରଃ ।
ପ୍ରତିପନ୍ନସମଗ୍ରଶ୍ରୀଃ ସତ୍ପ୍ରପନ୍ନଃ ପ୍ରତାପଵାନ୍ ॥ ୭୯ ॥
ପ୍ରଣିପାତପ୍ରସନ୍ନାତ୍ମା ଚନ୍ଦନାଦ୍ଭୁତଶୀତଲଃ ।
ପୁଣ୍ୟନାମସ୍ମୃତୋ ନିତ୍ୟୋ ମନୁଜୋ ଦିଵ୍ୟତାଂ ଗତଃ ॥ ୮୦ ॥
ବନ୍ଧଚ୍ଛେଦୀ ଵନଚ୍ଛନ୍ଦଃ ସ୍ଵଚ୍ଛନ୍ଦଶ୍ଛାଦନୋ ଧ୍ରୁଵଃ ।
ବନ୍ଧୁତ୍ରୟସମାୟୁକ୍ତୋ ହୃନ୍ନିଧାନୋ ମନୋମୟଃ ॥ ୮୧ ॥
ଵିଭୀଷଣଶରଣ୍ୟଃ ଶ୍ରୀୟୁକ୍ତଃ ଶ୍ରୀଵର୍ଧନଃ ପରଃ ।
ବନ୍ଧୁନିକ୍ଷିପ୍ତରାଜ୍ୟସ୍ଵଃ ସୀତାମୋଚନଧୋରଣୀ ॥ ୮୨ ॥
ଭଵ୍ୟଭାଲଃ ସମୁନ୍ନାସଃ କିରୀଟାଙ୍କିତମସ୍ତକଃ ।
ଭଵାବ୍ଧିତରଣୋ ବୋଧୋ ଧନମାନଵିଲକ୍ଷଣଃ ॥ ୮୩ ॥
ଭୂରିଭୃଦ୍ଭଵ୍ୟସଙ୍କଲ୍ପୋ ଭୂତେଶାତ୍ମା ଵିବୋଧନଃ ।
ଭକ୍ତଚାତକମେଘାର୍ଦ୍ରୋ ମେଧାଵୀ ଵର୍ଧିତଶ୍ରୁତିଃ ॥ ୮୪ ॥
ଭୟନିଷ୍କାସନୋଽଜେୟୋ ନିର୍ଜରାଶାପ୍ରପୂରକଃ ।
ଭଵସାରୋ ଭାଵସାରୋ ଭକ୍ତସର୍ଵସ୍ଵରକ୍ଷକଃ ॥ ୮୫ ॥
ଭାର୍ଗଵୌଜାଃ ସମୁତ୍କର୍ଷୋ ରାଵଣସ୍ଵସୃମୋହନଃ ।
ଭରତନ୍ୟସ୍ତରାଜ୍ୟଶ୍ରୀର୍ଜାନକୀସୁଖସାଗରଃ ॥ ୮୬ ॥
ମିଥିଲେଶ୍ଵରଜାମାତା ଜାନକୀହୃଦୟେଶ୍ଵରଃ ।
ମାତୃଭକ୍ତୋ ହ୍ୟନନ୍ତଶ୍ରୀଃ ପିତୃସନ୍ଦିଷ୍ଟକର୍ମକୃତ୍ ॥ ୮୭ ॥
ମର୍ୟାଦାପୁରୁଷଃ ଶାନ୍ତଃ ଶ୍ୟାମୋ ନୀରଜଲୋଚନଃ ।
ମେଘଵର୍ଣୋ ଵିଶାଲାକ୍ଷଃ ଶରଵର୍ଷାଵଭୀଷଣଃ ॥ ୮୮ ॥
ମନ୍ତ୍ରଵିଦ୍ଗାଧିଜାଦିଷ୍ଟୋ ଗୌତମାଶ୍ରମପାଵନଃ ।
ମଧୁରୋଽମନ୍ଦଗଃ ସତ୍ତ୍ଵଃ ସାତ୍ତ୍ଵିକୋ ମୃଦୁଲୋ ବଲୀ ॥ ୮୯ ॥
ମନ୍ଦସ୍ମିତମୁଖୋଽଲୁବ୍ଧୋ ଵିଶ୍ରାମଃ ସୁମନୋହରଃ ।
ମାନଵେନ୍ଦ୍ରଃ ସଭାସଜ୍ଜୋ ଘନଗମ୍ଭୀରଗର୍ଜନଃ ॥ ୯୦ ॥
ମୈଥିଲୀମୋହନୋ ମାନୀ ଗର୍ଵଘ୍ନଃ ପୁଣ୍ୟପୋଷଣଃ ।
ମଧୁଜୋ ମଧୁରାକାରୋ ମଧୁଵାଙ୍ମଧୁରାନନଃ ॥ ୯୧ ॥
ମହାକର୍ମା ଵିରାଧଘ୍ନୋ ଵିଘ୍ନଶାନ୍ତିରରିନ୍ଦମଃ ।
ମର୍ମସ୍ପର୍ଶୀ ନଵୋନ୍ମେଷଃ କ୍ଷତ୍ରିୟଃ ପୁରୁଷୋତ୍ତମଃ ॥ ୯୨ ॥
ମାରୀଚଵଞ୍ଚିତୋ ଭାର୍ୟାପ୍ରିୟକୃତ୍ପ୍ରଣୟୋତ୍କଟଃ ।
ମହାତ୍ୟାଗୀ ରଥାରୂଢଃ ପଦଗାମୀ ବହୁଶ୍ରୁତଃ ॥ ୯୩ ॥
ମହାଵେଗୋ ମହାଵୀର୍ୟୋ ଵୀରୋ ମାତଲିସାରଥିଃ ।
ମଖତ୍ରାତା ସଦାଚାରୀ ହରକାର୍ମୁକଭଞ୍ଜନଃ ॥ ୯୪ ॥
ମହାପ୍ରୟାସଃ ପ୍ରାମାଣ୍ୟଗ୍ରାହୀ ସର୍ଵସ୍ଵଦାୟକଃ ।
ମୁନିଵିଘ୍ନାନ୍ତକଃ ଶସ୍ତ୍ରୀ ଶାପସମ୍ଭ୍ରାନ୍ତଲୋଚନଃ ॥ ୯୫ ॥
ମଲହାରୀ କଲାଵିଜ୍ଞୋ ମନୋଜ୍ଞଃ ପରମାର୍ଥଵିତ୍ ।
ମିତାହାରୀ ସହିଷ୍ଣୁର୍ଭୂପାଲକଃ ପରଵୀରହା ॥ ୯୬ ॥
ମାତୃସ୍ନେହୀ ସୁତସ୍ନେହୀ ସ୍ନିଗ୍ଧାଙ୍ଗଃ ସ୍ନିଗ୍ଧଦର୍ଶନଃ ।
ମାତୃପିତୃପଦସ୍ପର୍ଶୀ ଅଶ୍ମସ୍ପର୍ଶୀ ମନୋଗତଃ ॥ ୯୭ ॥
ମୃଦୁସ୍ପର୍ଶ ଇଷୁସ୍ପର୍ଶୀ ସୀତାସମ୍ମିତଵିଗ୍ରହଃ ।
ମାତୃପ୍ରମୋଦନୋ ଜପ୍ୟୋ ଵନପ୍ରସ୍ଥଃ ପ୍ରଗଲ୍ଭଧୀଃ ॥ ୯୮ ॥
ୟଜ୍ଞସଂରକ୍ଷଣଃ ସାକ୍ଷୀ ଆଧାରୋ ଵେଦଵିନ୍ନୃପଃ ।
ୟୋଜନାଚତୁରଃ ସ୍ଵାମୀ ଦୀର୍ଘାନ୍ଵେଷୀ ସୁବାହୁହା ॥ ୯୯ ॥
ୟୁଗେନ୍ଦ୍ରୋ ଭାରତାଦର୍ଶଃ ସୂକ୍ଷ୍ମଦର୍ଶୀ ଋଜୁସ୍ଵନଃ ।
ୟଦୃଚ୍ଛାଲାଭଲଘ୍ଵାଶୀ ମନ୍ତ୍ରରଶ୍ମିପ୍ରଭାକରଃ ॥ ୧୦୦ ॥
ୟଜ୍ଞାହୂତନୃପଵୃନ୍ଦୋ ଋକ୍ଷଵାନରସେଵିତଃ ।
ୟଜ୍ଞଦତ୍ତୋ ୟଜ୍ଞକର୍ତା ୟଜ୍ଞଵେତ୍ତା ୟଶୋମୟଃ ॥ ୧୦୧ ॥
ୟତେନ୍ଦ୍ରିୟୋ ୟତୀ ୟୁକ୍ତୋ ରାଜୟୋଗୀ ହରପ୍ରିୟଃ ।
ରାଘଵୋ ରଵିଵଂଶାଢ୍ୟୋ ରାମଚନ୍ଦ୍ରୋଽରିମର୍ଦନଃ ॥ ୧ ୦ ୨ ॥
ରୁଚିରଶ୍ଚିରସନ୍ଧେୟଃ ସଙ୍ଘର୍ଷଜ୍ଞୋ ନରେଶ୍ଵରଃ ।
ରୁଚିରସ୍ମିତଶୋଭାଡ୍ୟୋ ଦୃଢୋରସ୍କୋ ମହାଭୁଜଃ ॥ ୧୦୩ ॥
ରାଜ୍ୟହୀନଃ ପୁରତ୍ୟାଗୀ ବାଷ୍ପସଙ୍କୁଲଲୋଚନଃ ।
ଋଷିସମ୍ମାନିତଃ ସୀମାପାରୀଣୋ ରାଜସତ୍ତମଃ ॥ ୧୦୪ ॥
ରାମୋ ଦାଶରଥିଃ ଶ୍ରେୟାନ୍ ପରମାତ୍ମସମୋ ଭୁଵି ।
ଲଙ୍କେଶକ୍ଷୋଭଣୋ ଧନ୍ୟଶ୍ଚେତୋହାରୀ ସ୍ଵୟନ୍ଧନଃ ॥ ୧୦୫ ॥
ଲାଵଣ୍ୟଖନିରାଖ୍ୟାତଃ ପ୍ରମୁଖଃ କ୍ଷତ୍ରରକ୍ଷଣଃ ।
ଲଙ୍କାପତିଭୟୋଦ୍ରେକଃ ସୁପୁତ୍ରୋ ଵିମଲାନ୍ତରଃ ॥ ୧୦୬ ॥
ଵିଵେକୀ କୋମଲଃ କାନ୍ତଃ କ୍ଷମାଵାନ୍ ଦୁରିତାନ୍ତକଃ ।
ଵନଵାସୀ ସୁଖତ୍ୟାଗୀ ସୁଖକୃତ୍ସୁନ୍ଦରୋ ଵଶୀ ॥ ୧୦୭ ॥
ଵିରାଗୀ ଗୌରଵୋ ଧୀରଃ ଶୂରୋ ରାକ୍ଷସଘାତକଃ ।
ଵର୍ଧିଷ୍ଣୁର୍ଵିଜୟୀ ପ୍ରାଜ୍ଞୋ ରହସ୍ୟଜ୍ଞୋ ଵିମର୍ଶଵିତ୍ ॥ ୧୦୮ ॥
ଵାଲ୍ମୀକିପ୍ରତିଭାସ୍ରୋତଃ ସାଧୁକର୍ମା ସତାଂ ଗତିଃ ।
ଵିନୟୀ ନ୍ୟାୟଵିଜ୍ଞାତା ପ୍ରଜାରଞ୍ଜନଧର୍ମଵିତ୍ ॥ ୧୦୯ ॥
ଵିମଲୋ ମତିମାନ୍ନେତା ନେତ୍ରାନନ୍ଦପ୍ରଦାୟକଃ ।
ଵିନୀତୋ ଵୃଦ୍ଧସୌଜନ୍ୟୋ ଵୃକ୍ଷଭିତ୍ ଚେତସା ଋଜୁଃ ॥ ୧୧୦ ॥
ଵତ୍ସଲୋ ମିତ୍ରହୃନ୍ମୋଦଃ ସୁଗ୍ରୀଵହିତକୃଦ୍ଵିଭୁଃ ।
ଵାଲିନିର୍ଦଲନୋଽସହ୍ୟୋ ଋକ୍ଷସାହ୍ୟୋ ମହାମତିଃ ॥ ୧୧୧ ॥
ଵୃକ୍ଷାଲିଙ୍ଗନଲୀଲାଵିନ୍ମୁନିମୋକ୍ଷପଟୁଃ ସୁଧୀଃ ।
ଵରେଣ୍ୟଃ ପରମୋଦ୍ୟୋଗୋ ନିଗ୍ରହୀ ଚିରଵିଗ୍ରହୀ ॥ ୧୧୨ ॥
ଵାସଵୋପମସାମର୍ଥ୍ୟୋ ଜ୍ୟାସଙ୍ଘାତୋଗ୍ରନିଃସ୍ଵନଃ ।
ଵିଶ୍ଵାମିତ୍ରପରାମୃଷ୍ଟଃ ପୂର୍ଣୋ ବଲସମାୟୁତଃ ॥ ୧୧୩ ॥
ଵୈଦେହୀପ୍ରାଣସନ୍ତୋଷଃ ଶରଣାଗତଵତ୍ସଲଃ ।
ଵିନମ୍ରଃ ସ୍ଵାଭିମାନାର୍ହଃ ପର୍ଣଶାଲାସମାଶ୍ରିତଃ ॥ ୧୧୪ ॥
ଵୃତ୍ତଗଣ୍ଡଃ ଶୁଭ୍ରଦନ୍ତୀ ସମଭ୍ରୂଦ୍ଵୟଶୋଭିତଃ ।
ଵିକସତ୍ପଙ୍କଜାଭାସ୍ୟଃ ପ୍ରେମଦୃଷ୍ଟିଃ ସୁଲୋଚନଃ ॥ ୧୧୫ ॥
ଵୈଷ୍ଣଵୋ ନରଶାର୍ଦୂଲୋ ଭଗଵାନ୍ ଭକ୍ତରକ୍ଷଣଃ ।
ଵସିଷ୍ଠପ୍ରିୟଶିଷ୍ୟଶ୍ଚିତ୍ସ୍ଵରୂପଶ୍ଚେତନାତ୍ମକଃ ॥ ୧୧୬ ॥
ଵିଵିଧାପତ୍ପରାକ୍ରାନ୍ତୋ ଵାନରୋତ୍କର୍ଷକାରଣଃ ।
ଵୀତରାଗୀ ଶର୍ମଦାୟୀ ମୁନିମନ୍ତଵ୍ୟସାଧନଃ ॥ ୧୧୭ ॥
ଵିରହୀ ହରସଙ୍କଲ୍ପୋ ହର୍ଷୋତ୍ଫୁଲ୍ଲଵରାନନଃ ।
ଵୃତ୍ତିଜ୍ଞୋ ଵ୍ୟଵହାରଜ୍ଞଃ କ୍ଷେମକାରୀ ପୃଧୁପ୍ରଭଃ ॥ ୧୧୮ ॥
ଵିପ୍ରପ୍ରେମୀ ଵନକ୍ରାନ୍ତଃ ଫଲଭୁକ୍ ଫଲଦାୟକଃ ।
ଵିପନ୍ମିତ୍ରଂ ମହାମନ୍ତ୍ରଃ ଶକ୍ତିୟୁକ୍ତୋ ଜଟାଧରଃ ॥ ୧୧୯ ॥
ଵ୍ୟାୟାମଵ୍ୟାୟତାକାରୋ ଵିଦାଂ ଵିଶ୍ରାମସମ୍ଭଵଃ ।
ଵନ୍ୟମାନଵକଲ୍ୟାଣଃ କୁଲାଚାରଵିଚକ୍ଷଣଃ ॥ ୧୨୦ ॥
ଵିପକ୍ଷୋରଃପ୍ରହାରଜ୍ଞଶ୍ଚାପଧାରିବହୂକୃତଃ ।
ଵିପଲ୍ଲଙ୍ଘୀ ଘନଶ୍ୟାମୋ ଘୋରକୃଦ୍ରାକ୍ଷସାସହଃ ॥ ୧୨୧ ॥
ଵାମାଙ୍କାଶ୍ରୟିଣୀସୀତାମୁଖଦର୍ଶନତତ୍ପରଃ ।
ଵିଵିଧାଶ୍ରମସମ୍ପୂଜ୍ୟଃ ଶରଭଙ୍ଗକୃତାଦରଃ ॥ ୧୨୨ ॥
ଵିଷ୍ଣୁଚାପଧରଃ କ୍ଷତ୍ରୋ ଧନୁର୍ଧରଶିରୋମଣିଃ ।
ଵନଗାମୀ ପଦତ୍ୟାଗୀ ପାଦଚାରୀ ଵ୍ରତସ୍ଥିତଃ ॥ ୧୨୩ ॥
ଵିଜିତାଶୋ ମହାଵୀରୋ ଦାକ୍ଷିଣ୍ୟନଵନିର୍ଝରଃ ।
ଵିଷ୍ଣୁତେଜୋଂଽସସମ୍ଭୂତଃ ସତ୍ୟପ୍ରେମୀ ଦୃଢଵ୍ରତଃ ॥ ୧୨୪ ॥
ଵାନରାରାମଦୋ ନମ୍ରୋ ମୃଦୁଭାଷୀ ମହାମନାଃ ।
ଶତ୍ରୁହା ଵିଘ୍ନହନ୍ତା ସଲ୍ଲୋକସମ୍ମାନତତ୍ପରଃ ॥ ୧୨୫ ॥
ଶତ୍ରୁଘ୍ନାଗ୍ରଜନିଃ ଶ୍ରୀମାନ୍ ସାଗରାଦରପୂଜକଃ ।
ଶୋକକର୍ତା ଶୋକହର୍ତା ଶୀଲଵାନ୍ ହୃଦୟଙ୍ଗମଃ ॥ ୧୨୬ ॥
ଶୁଭକୃଚ୍ଛୁଭସଙ୍କଲ୍ପଃ କୃତାନ୍ତୋ ଦୃଢସଙ୍ଗରଃ ।
ଶୋକହନ୍ତା ଵିଶେଷାର୍ହଃ ଶେଷସଙ୍ଗତଜୀଵନଃ ॥ ୧୨୭ ॥ ।
ଶତ୍ରୁଜିତ୍ସର୍ଵକଲ୍ୟାଣୋ ମୋହଜିତ୍ସର୍ଵମଙ୍ଗଲଃ ।
ଶମ୍ବୂକଵଧକୋଽଭୀଷ୍ଟୋ ୟୁଗଧର୍ମାଗ୍ରହୀ ୟମଃ ॥ ୧୨୮ ॥
ଶକ୍ତିମାନ୍ ରଣମେଧାଵୀ ଶ୍ରେଷ୍ଠଃ ସାମର୍ଥ୍ୟସଂୟୁତଃ ।
ଶିଵସ୍ଵଃ ଶିଵଚୈତନ୍ୟଃ ଶିଵାତ୍ମା ଶିଵବୋଧନଃ ॥ ୧୨୯ ॥
ଶବରୀଭାଵନାମୁଗ୍ଧଃ ସର୍ଵମାର୍ଦଵସୁନ୍ଦରଃ ।
ଶମୀ ଦମୀ ସମାସୀନଃ କର୍ମୟୋଗୀ ସୁସାଧକଃ ॥ ୧୩୦ ॥
ଶାକଭୁକ୍ କ୍ଷେପଣାସ୍ତ୍ରଜ୍ଞୋ ନ୍ୟାୟରୂପୋ ନୃଣାଂ ଵରଃ ।
ଶୂନ୍ୟାଶ୍ରମଃ ଶୂନ୍ୟମନାଃ ଲତାପାଦପପୃଚ୍ଛକଃ ॥ ୧୩୧ ॥
ଶାପୋକ୍ତିରହିତୋଦ୍ଗାରୋ ନିର୍ମଲୋ ନାମପାଵନଃ ।
ଶୁଦ୍ଧାନ୍ତଃକରଣଃ ପ୍ରେଷ୍ଠୋ ନିଷ୍କଲଙ୍କୋଽଵିକମ୍ପନଃ ॥ ୧୩୨ ॥
ଶ୍ରେୟସ୍କରଃ ପୃଧୁସ୍କନ୍ଧୋ ବନ୍ଧନାସିଃ ସୁରାର୍ଚିତଃ ।
ଶ୍ରଦ୍ଧେୟଃ ଶୀଲସମ୍ପନ୍ନଃ ସୁଜନଃ ସଜ୍ଜନାନ୍ତିକଃ ॥ ୧୩୩ ॥
ଶ୍ରମିକଃ ଶ୍ରାନ୍ତଵୈଦେହୀଵିଶ୍ରାମଃ ଶ୍ରୁତିପାରଗଃ ।
ଶ୍ରଦ୍ଧାଲୁର୍ନୀତିସିଦ୍ଧାନ୍ତୀ ସଭ୍ୟଃ ସାମାନ୍ୟଵତ୍ସଲଃ ॥ ୧୩୪ ॥
ସୁମିତ୍ରାସୁତସେଵାର୍ଥୀ ଭରତାଦିଷ୍ଟଵୈଭଵଃ ।
ସାଧ୍ୟଃ ସ୍ଵାଧ୍ୟାୟଵିଜ୍ଞେୟଃ ଶବ୍ଦପାଲଃ ପରାତ୍ପରଃ ॥ ୧୩୫ ॥
ସଞ୍ଜୀଵନୋ ଜୀଵସଖା ଧନୁର୍ଵିଦ୍ୟାଵିଶାରଦଃ ।
ସୂକ୍ଷ୍ମବୁଦ୍ଧିର୍ମହାତେଜାଃ ଅନାସକ୍ତଃ ପ୍ରିୟାଵହଃ ॥ ୧୩୬ ॥
ସିଦ୍ଧଃ ସର୍ଵାଙ୍ଗସମ୍ପୂର୍ଣଃ କାରୁଣ୍ୟାର୍ଦ୍ରପୟୋନିଧିଃ ।
ସୁଶୀଲଃ ଶିଵଚିତ୍ତଜ୍ଞଃ ଶିଵଧ୍ୟେୟଃ ଶିଵାସ୍ପଦଃ ॥ ୧୩୭ ॥
ସମଦର୍ଶୀ ଧନୁର୍ଭଙ୍ଗୀ ସଂଶୟୋଚ୍ଛେଦନଃ ଶୁଚିଃ ।
ସତ୍ୟଵାଦୀ କାର୍ୟଵାହଶ୍ଚୈତନ୍ୟଃ ସୁସମାହିତଃ ॥ ୧୩୮ ॥
ସନ୍ମିତ୍ରୋ ଵାୟୁପୁତ୍ରେଶୋ ଵିଭୀଷଣକୃତାନତିଃ ।
ସଗୁଣଃ ସର୍ଵଥାଽଽରାମୋ ନିର୍ଦ୍ଵନ୍ଦ୍ଵଃ ସତ୍ୟମାସ୍ଥିତଃ ॥ ୧୩୯ ॥
ସାମକୃଦ୍ଦଣ୍ଡଵିଦ୍ଦଣ୍ଡୀ କୋଦଣ୍ଡୀ ଚଣ୍ଡଵିକ୍ରମଃ ।
ସାଧୁକ୍ଷେମୋ ରଣାଵେଶୀ ରଣକର୍ତା ଦୟାର୍ଣଵଃ ॥ ୧୪୦ ॥
ସତ୍ତ୍ଵମୂର୍ତିଃ ପରଞ୍ଜ୍ୟୋତିଃ ଜ୍ୟେଷ୍ଠପୁତ୍ରୋ ନିରାମୟଃ ।
ସ୍ଵକୀୟାଭ୍ୟନ୍ତରାଵିଷ୍ଟୋଽଵିକାରୀ ନଭସନ୍ଦୃଶଃ ॥ ୧୪୧ ॥
ସରଲଃ ସାରସର୍ଵସ୍ଵଃ ସତାଂ ସଙ୍କଲ୍ପସୌରଭଃ ।
ସୁରସଙ୍ଘସମୁଦ୍ଧର୍ତା ଚକ୍ରଵର୍ତୀ ମହୀପତିଃ ॥ ୧୪୨ ॥
ସୁଜ୍ଞଃ ସ୍ଵଭାଵଵିଜ୍ଞାନୀ ତିତିକ୍ଷୁଃ ଶତ୍ରୁତାପନଃ ।
ସମାଧିସ୍ଥଃ ଶସ୍ତ୍ରସଜ୍ଜଃ ପିତ୍ରାଜ୍ଞାପାଲନପ୍ରିୟଃ ॥ ୧୪୩ ॥
ସମକର୍ଣଃ ସୁଵାକ୍ୟଜ୍ଞୋ ଗନ୍ଧରେଖିତଭାଲକଃ ।
ସ୍କନ୍ଧସ୍ଥାପିତତୂଣୀରୋ ଧନୁର୍ଧାରଣଧୋରଣୀ ॥ ୧୪୪ ॥
ସର୍ଵସିଦ୍ଧିସମାଵେଶୋ ଵୀରଵେଷୋ ରିପୁକ୍ଷୟଃ ।
ସଙ୍କଲ୍ପସାଧକୋଽକ୍ଲିଷ୍ଟୋ ଘୋରାସୁରଵିମର୍ଦନଃ ॥ ୧୪୫ ॥
ସମୁଦ୍ରପାରଗୋ ଜେତା ଜିତକ୍ରୋଧୋ ଜନପ୍ରିୟଃ ।
ସଂସ୍କୃତଃ ସୁଷମଃ ଶ୍ୟାମଃ ସମୁତ୍କ୍ରାନ୍ତଃ ସଦା ଶୁଚିଃ ॥ ୧୪୬ ॥
ସଦ୍ଧର୍ମପ୍ରେରକୋ ଧର୍ମୋ ଧର୍ମସଂରକ୍ଷଣୋତ୍ସୁକଃ ।
ଭୟନିଷ୍କାସନେ ନଃ ସ ସମ୍ଭଵେତ୍ପୁନରାତ୍ମନି ॥ ୧୪୭ ॥
॥ ଇତି ଶ୍ରୀଅନନ୍ତସୁତ ଶ୍ରୀଦିଵାକରଵିରଚିତଂ
ଶ୍ରୀରାମସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥